prokurore

vlcsnap-2018-08-29-17h28m25s039.png
G. P.17:30 | 29/08/2018

Komisioneri Publik ka apeluar vendimin e Komisionit të Pavarur të Kualifikimit për konfirmimin në detyrë të Antoneta Sevdarit, prokurore në Prokurorinë e Tiranës. Prokurorja Sevdari, kandidate për Këshillin e Lartë të Prokurorisë, u konfirmua në detyrë nga KPK në 18 korrik 2018. Por në vlerësimin e Komisionerit, institucioni që përfaqëson interesat e publikut në procesin e Vettingut, hetimi i KPK për Sevdarin nuk ka qenë i plotë. Për këtë shkak Komisioneri i është dejtuar Kolegjit të Posaçëm të Apelimit për të riparuar vendimin e dhënë nga KPK./abcnews.al

kpk-1.jpg
G. P.14:02 | 17/07/2018

Në orën 13:00 në Komisionin e Pavarur të Kualifikimit u zhvillua seancë dëgjimore për prokuroren e Tiranës Antoneta Sevdari. Edhe kjo prokurore verifikohet me përparësi për shkak të kandidimit të saj në KLP. Ajo ka rezultuar e pastër në verifikimin e tre komponentëve, pasurinë, figurën dhe aftësitë profesionale.

Sipas raportit të ILDKPI, deklarimi i prokurores Antoneta Sevdari është i saktë. Ajo ka burime të ligjshme pasurie. Pjesë e pasurisë është një tokë are 350 m2 në bashkëpronësi të bashkëshortit dhe familjarëve të tij, ndërsa nga puna e bashkëshortit në emigracion ka një apartament prej 96 mijë euro, me të ardhura të justifikuara.

Në kontrollin e figurës, sipas DSIK, prokurorja Antoneta Sevdari është e përshtatshme për vijimin e detyrës. Në lidhje me aftësitë profesionale u paraqit një raport pozitiv nga Prokuroria e Përgjitshme. Vetë Sevdari, e pranishme në seancë i ka konsideruar të drejta konstatimet e KPK dhe ka kërkuar konfirmimin në detyrë./abcnews.al

kpk123.jpg
G. P.15:48 | 15/07/2018

Java e kaluar ishte një jave e ngjeshur me seanca për Komisionin e Pavarur të Kualifikimit për llogari të procesit të Vettingut të gjyqtarëe dhe prokurorëve. Por edhe java që vjen duket se do të jetë e tillë. Mëngjesin e së hënës KPK do të shpallë vendimin përfundimtar në lidhje me rivlerësimin e gjyqtarit të Kushtetueses, Gani Dizdari.

Në orën 13:00 të së njëjtës dite para Komisionit pritet të dalë në seancë dëgjimore, anëtari i Gjykatës së Tiranës, ish-kreu i Gjykatës së Tiranës, Artan Zeneli. Të martën në orën 10:00 kolegu i tij i Gjykatës së Lartë, Admir Thanza, për të cilin u zbulua një dënim fajësie nga një gjykatë italiane, do të njihet me vendimin final nëse kalon ose jo Vettingun.

Një orë më vonë KPK do të kalojë në filtra gjyqtaren e Apelit për Krimet e Rënda, Nertina Kosova. Ndërsa në 13:00 të së martës para Komisionit do të dalën prokurorja e Tiranës, Antoneta Sevdari.

Të mërkurën, në dy seanca të njëpasnjëshme do dëgjohen në KPK, prokurori i Apelit Tiranë, Arben Nela dhe gjyqtari i Apelit të kryeqytetit, Ervin Metalla./abcnews.al

kpk123.jpg
G. P.15:46 | 17/05/2018

Komisioni i Pavarur i Kualifikimit ka bërë publike listën e re me 36 gjyqtarë dhe prokurorë që do t’i nënshtrohen procesit të vetingut në javët e ardhshme.

Në listë përfshihen 7 kandidatë për vendet e lira të mbetura në Gjykatën Kushtetuese, pasi gjatë listës së parë që kaloi në Vetting, vetëm një anëtare nga Gjykata Kushtetuese, Vitore Tushaj, u rikonfirmua në detyrë.

Po ashtu, në listë janë 10 këshilltarë dhe ndihmës ligjorë, 7 kryetarë gjykatash dhe 9 gjyqtarë nga Gjykata e Krimeve të Rënda. Vetëm tre prokurorë janë përfshirë në këtë listë, mes tyre dhe Besim Hajdarmataj Esmeralda Cami dhe Enkelejda Millonai./abcnews.al

nikehasani-1-1.jpg
G. P.09:45 | 20/04/2018

Prokurorja e Gjykatës së Apelit Shkodër, Besa Nikëhasani, është shkarkuar nga detyra sot pasi nuk ka arritur ta kalojë procesin e Vettingut. Komisioni i Pavarur i Kualifikimit ka gjykuar se Nikëhasani nuk ka mundur të argumentojë pasurinë e saj.

Nuk e kalon Vettingun prokurorja e parë që u ul përballë Komisionit të Pavarur të Kualifikimit. Besa Nikëhasani nuk e justifikon pasurinë e saj vendos trupa gjykuese. Prokurorja del e revoltuar nga salla.

Besa Nikëhasani: “22 vjeçe kam bërë punën e prokurores, jam përplasur me 1000 kriminelë”.

Pyetje: Në seancën e shkuar deklaruar se keni besim në proces”.

Besa Nikëhasani: “Si nuk kam besim moj, kam qenë nga ata që kam thënë duhet vettingu se na vinte zot me thënë ku punon nga X dhe Y që nuk kam punë me to. ILDKPI më ka nxjerrë siç janë të gjitha letrat, ne kemi filluar me deklaru pasurinë në 2003. Të betohem, unë kam deklaruar vetëm rrogën time sepse nuk e kam ditur në fillim se duhet të deklarohet gjithçka çfarë ke”.

Shprehet e bindur se nuk e ka shkelur kurrë ligjin.

Besa Nikëhasani:“Me shku tek Zoti, këtu dhe në hënë 100 vjet unë kurrë nuk jam e korruptuar, pastërtinë e figurës kurrë nuk e kam shkelur. Më gjeni një dosje që kam bërë një shkelje. Do të ndjek rrugën ligjore, do vazhdoj apelimin se është e drejta ime. Jam shumë kurioze të di se çfarë arsyetojnë në vendim. Pse nuk merret dhe pastërtia e figurës dhe ana profesionale? Nëse unë kam pasuri të pajustifikuar nga e mora unë kur nuk kam shkelur një herë të vetme ligjin, kam punuar me përkushtim dhe ndershmëri. Kam 14 vjet që shkoj nga Tirana në Shkodër, po të isha nga të korruptuarat isha si gjithë dynjaja në Tiranë”.

Nuk do ta lërë me kaq prokurorja e shkarkuar e gjykatës së Apelit Shkodër. Deri në Strasburg do ta kërkojë të drejtën deklaron ajo.

Besa Nikëhasani: “As nuk bëhet fjalë që rrugën ligjore do ta ndjek deri në fund sepse jam e pastër. Në 2002, me 22 në shtator është dosja në komisariatin e Lezhës, më kanë vënë tritol tek makina. Bashkëshorti ka qenë pa punë 7 vjet. Kam ikur nga ajo shtëpi vetëm se është tremb djali. Këta thonë ke fuoristradë. Me çfarë të shkoj në Shkodër unë, me një makinë Golf të më hedhin në kanal dhe të lë fëmijët rrugëve? Me sakrifica i blej. KPK pse nuk e sheh që jam  47 vjeçe, 50 e ca bashkëshorti dhe një llogari kursimi nuk e kemi vetëm blej-paguaj. Shkoni verifikoni. Është e drejtë kjo? Po pse do të kandidoja për KLP po të mos kisha integritet? Do pres vendimin, nuk e e prisja t’ju them të drejtën. Nuk ma kishte marrë mendja të shkarkohem si prokurore kur nuk kam shkelur ligjin kurrë”.

Prokurorja e shkarkuar Besa Nikëhasani është prokurorja e parë që i nënshtrohet procesit të vettingut./abcnews.al

heral-saraci-1280x625.jpg
G. P.17:30 | 05/03/2018

Komisioneri publik i vettingut, Heral Saraçi, kërkoi më shumë kohë për t’u mbrojtur ndaj akuzave të Operacionit Ndërkombëtar të Monitorimit, për shkelje disiplinore dhe proceduriale. Seanca e kolegjit të posacëm të apelit u shty për të mërkurën.

Përpara se t’i bëjë Vettingun gjyqtarëve dhe prokurorëve, Heral Saraçi, i zgjedhur me 11 vota pro për Komisionin Publik duhet të mbrohet ndaj akuzave që i ka drejtuar atij Operacioni Ndërkombëtar i Monitorimit.

Ndodh për herë të parë një seancë dëgjimore për shqyrtimin e një procedimi disiplinor të kërkuar nga ONM. Shkeljet sipas gjyqtares së hetimit, Natasha Mulaj kanë të bëjnë më së shumti me mospërmbyshjen e detyrimeve ligjore të komisionerit Saraçi për hartimin e rregullores së komisionit publik dhe për parregullsi në lidhjen e dy kontratave punësimi ku Heral Saraçi rezulton të jetë i vetmi që e ka firmosur ndërkohë që duhej edhe firma e komisonerit tjetër publik.

Edhe pse kjo seancë nuk duket se ka të bëjë me shkelje të rënda, për Operacionin Ndërkombëtar të Monitorimit është i rëndësishëm zbatimi i saktë i procedurave dhe detyrave që i ngarkon ligji të gjithë komisonerëve që kanë në duar fatin e Vettingut.
Vetë komisioneri Saraçi kërkoi më shumë kohë për tu mbrojtur pasi dosjet janë voluminoze tha ai.

Heral Saraçi: “Ky procedim disiplinor ka nisur me datë 14 Shkurt dhe që atëherë janë më pak se 20 ditë, kohë e pamjaftueshme për mua që të verifikoj të gjithë dokumentacionin që më është vënë në dispozicion”.

Gjykatësi: Ju keni gjetur mbrojtës në këtë proces”?
Heral Saraçi: “Unë nuk kam gjetur mbrojtës për momentin sepse çdo gjë lidhet me kohën që kam në dispozicion”.

Trupi gjykues vendosi që t’i japë mundësinë për t’u përfaqësuar me një avokat komisionerit publik, duke e shtyrë seancën për në datën 7 Mars. Atë ditë do t’i japë përgjigje akuzave, konfirmoi Heral Saraçi./abcnews.al

untitled.jpg
ent ela19:15 | 31/01/2018

Një këmbanë kujtese bie nga ambasadori amerikan në Tiranë Donald Lu. Përmes një mesazhi në FB, kryediplomati amerikan u drejtohet politikanëve, policëve dhe prokurorëve. “Ju u zotuat përpara popullit shqiptar dhe përpara nesh – shprehet Lu. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? – pyet ambasadori amerikan. Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë- shkruan ambasadori amerikan, referuar vendimeve që priten nga Brukseli lidhur me hapjen e negociatave të anëtarësimit. Tik-tak – është fjala që mbyll mesazhin e ambasadorit Lu, duke kujtuar se afati po kalon.

Postimi i plotë

“Politikanëve, policëve dhe prokurorëve: ju u zotuat përpara popullit shqiptar dhe përpara nesh. Ne investuam në burimet për t’ju ndihmuar në luftën kundër krimit të organizuar dhe korrupsionit. Ku janë rezultatet? Populli shqiptar do që t’i jepet fund pandëshkueshmërisë. Komuniteti ndërkombëtar kërkon rezultate konkrete përpara vendimeve të rëndësishme këtë pranverë. Tik-tak.”

Ambasadori Donald Lu./abcnews.al

20110210_025-619x445.jpg
ent ela12:17 | 17/01/2018

Një nga tetë këshilltarët ndërkombëtar që do të monitorojë Vetingun në sistemin e drejtësisë në vendin tonë, është John Leonardo. Ai theksoi se është hera e parë që kjo metodë e veçantë është provuar dhe ekzistojnë pritshmëri shumë të larta në vend se shumë gjyqtarë dhe prokurorë do të humbasin vendet e tyre të punës.

John Leonardo është njëri nga tetë këshilltarët ndërkombëtarë që do të japë ndihmën e tij për të kryer procesin e vettingut ndaj 800 prokurorëve e gjyqtarëve ne shqiperi.

Leonardo shërbeu prej 19 vitesh si gjykatës i Gjykatës së Lartë të Qarkut Pima, e më pas prej 2012, punoi për 5 vjet si prokuror i lartë federal i Arizonës.

Tashmë, 71-vjeçari gjendet në zyrat shqiptare bashkë me një ekip juristësh europianë, për të monitoruar gjykatësit dhe prokurorët e korruputuar ose jokompetentë në vendin e tyre të punës.

Gjatë një interviste dhënë për “Arizona Daily Star”, Leonardo theksoi se

BE po paguan 10 milionë euro për të financuar projektin, ku sipas tij është hera e parë që kjo metodë e veçantë është provuardhe ekzistojnë pritshmëri shumë të larta në vend se shumë gjyqtarë dhe prokurorë do të humbasin vendet e tyre të punës, theksoi ai.

John Leonardo: “Gjyqtarët në këtë vend, për 10 vitet e fundit apo më shumë, kanë dashur të bëjnë deklarata financiare për atë që kanë, cilat janë pasuritë e tyre, por ne e shohim se ata pretendojnë të jetojnë diku shumë më modestisht, kur në fakt ata jetojnë në vende luksoze.”

Si po iu marrin shqiptarët?

John Leonardo: “Është qetësuese të shohësh se shqiptarët në tërësi vetëm presin aq shumë nga Amerika. Unë ndjej se automatikisht kam më shumë besueshmëri me inspektorët, komunitetin ligjor, sesa evropianët perëndimorë”.

Si ka qenë mbështetja juaj?

John Leonardo: “Ambasadori amerikan këtu ka qenë një përkrahës i madh i këtij procesi. Shqiptarët kanë shumë lidhje me ne dhe besojnë tek ne. Ambasadori (Donald) Lu tha për një drekë të gjyqtarëve se nëse ata shikojnë në kyçet e tyre dhe ata kishin një orë dore që kushton më shumë se makina mesatare, ata ndoshta nuk do të jenë në detyrë vitin tjetër”.

Si duhet të funksionojë procesi?

John Leonardo: “Shqiptarët ndryshuan Kushtetutën e tyre vitin e kaluar për të kërkuar që të gjithë gjyqtarët dhe prokurorët në vend t’i nënshtrohen një procesi verifikimi për të mbajtur vendet e tyre të punës. Ligji i ri krijoi një komision verifikimi, i përbërë nga 12 avokatë shqiptarë të zgjedhur nga parlamenti shqiptar, të cilët do të ulen në panele prej tre, për hetimin dhe dëgjimin e provave për secilin prej këtyre gjyqtarëve dhe prokurorëve lidhur me tri fusha: pasuritë e pashpjegueshme, shoqërimi me kriminelët e njohur dhe aftësi profesionale”.

Këshilltarët e tjerë ndërkombëtarë që do të ndihmojmë procesin e Vetingut në Shqipëri janë dy nga Holanda një nga Italia, Belgjika, Kroacia, Suedia dhe Bullgaria./abcnews.al

vlcsnap-error797-1-1280x720.jpg
G. P.18:27 | 12/01/2018

Prokurorë federalë amerikanë do asistojnë organin e akuzës për hetimin e çështjeve që i konsiderojnë sensitive, si atë të ish-ministrit të Brendshëm, por edhe të disa gjyqtarëve e emrave të njohur të krimit në vend. Synimi është një hetim i plotë, që të zbardhë të vërtetën. Këtë ka konfirmuar ambasada amerikane në Tiranë për ABC News pas takimit që ambasadori Lu dhe ambasadorja Vlahutin patën sot me ministrin e brendshëm.

SHBA-ja i ka ofruar Prokurorisë mbështetje me prokurorë federalë amerikanë dhe agjenci të zbatimit të ligjit të Shteteve të Bashkuara për të kryer një hetim të plotë për ish-ministrin e Brendshëm Saimir Tahirin dhe çështje të tjera sensitive për SHBA-në, si ato të Emiljano Shullazit, Lul Berishës dhe tre gjykatësve të Apelit në Durrës. Këtë lëvizje e ka konfirmuar për ABC News ambasada amrikane në Tiranë sipas të cilës, synimi është një hetim i plotë me synim zbulimin e të vërtetës për të gjitha rastet.

“Ashtu si vetë Z. Tahiri dhe shumë udhëheqës të tjerë shqiptarë e kanë thënë, kjo çështje duhet zgjidhur në gjykatë, duke shqyrtuar të gjitha faktet.Bota, përfshirë edhe Shtetet e Bashkuara, po e ndjek nga shumë afër këtë çështje dhe çështje të tjera sensitive, si ato të Emiljano Shullazit, Lul Berishës dhe tre gjykatësve të apelit në Durrës. Ne kemi ofruar mbështetjen e prokurorëve federalë amerikanë dhe agjenci të zbatimit të ligjit të Shteteve të Bashkuara për t’i ofruar ndihmë teknike Prokurorisë në kryerjen e një hetimi të plotë, i cili ka për qëllim zbulimin e të vërtetës.”

Ky qëndrim i ambasadës amerikane erdhi për ABC News pas takimit që ambasadorët Donald Lu e Romana Vlahutin zhvilluan sot ne mesditë një takim me ministrin e Brendshëm, Fatmir Xhafaj, në zyrën e këtij të fundit. Ambasada zbardh për ABC news edhe mesazhet që ka përcjellë në institucionet shqiptare.

“Ne do donim të shihnim një hetim më aktiv nga prokurorët dhe policia gjyqësore, dhe e kemi përcjellë këtë mesazh. Në një demokraci të vërtetë, askush nuk është mbi ligjin.”

Edhe ministria e Brendshme ka konfirmuar se ‘Forca e Ligjit’ dhe Vetingu në Policinë e Shtetit, kanë qenë dy temat e nxehta që janë diskutuar mes diplomateve te huaj dhe ministrit Xhafaj. Ne operacionin ‘Forca e Ligjit’ për goditjen e grupeve kriminale dhe aseteve të tyre janë angazhuar ekspertët më të mirë në vend, por edhe europiane dhe të FBI-së./abcnews.al

23113823_10212579944432537_141589259_n.jpg
us er15:01 | 30/10/2017

Është inauguruar godina ku do të funksionojnë komisionet e vettingut, të cilet do të kryejnë rivlerësimin kalimtar të gjyqtarëve dhe prokurorëve në kuadër të reformës në drejtësi. Të pranishëm ishin edhe ambasadorët Lu dhe Vlahutin të cilët u shprehën shkurtimisht vetëm në fund të aktivitetit. Këtu do të skanohen prokurorët, gjyqtarët dhe çdo ankesë e tyre mbi këtë rivlersim kalimtar të pasurisë, figurës dhe të dhënave personale që quajmë veting. Të pranishëm ishin edhe ambasadori i SHBA-ve Donald Lu dhe ajo e BE-së Romana Vlahutin. Krerët e tre institucioneve, Genta Bungo për Komisionin e Pavarur të Kualifikimit, Natasha Mualj për Kolegjin e Apelimit dhe Florian Ballhysa si Komisioner Publik folën për pritshërinë e lartë ndaj punës që i pret. Duke përfaqësuar Operacionin Ndërkombëtar të Monitorimit, i cili do të kryejë vëzhgimin nga po kjo godinë, Teo Jacobs i dha kolegëve një ide të qartë të kohës që do të kalojnë bashkë. Në përfundim të aktivitetit stafi u ftua në një kokteil në kat të dytë të godinës, në përfundi të së cilës ambasadorët Lu dhe Vlahutin shpenzuan një fjali për gazetarët. Një reagim e bëri përmes rrjetit social Tëitter edhe kryeministri Edi Rama i cili i uroi suksese komisionerëve duke shtuar se njerëzit e këtij vendi meritojnë një system drejtësie të pa korruptuar.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono