prokurore

klp-1-1.jpeg
ger ta16:43 | 15/11/2019

Këshilli i Lartë i Prokurorisë ka publikuar listën e prokurorëve për t’u përfshirë në shortin për zgjedhjen e anëtarëve të Këshillit të Emërimeve në Drejtësi.

Në njoftimin e KLP, bëhet me dije se janë kualifikuar 27 kandidatë dhe janë përjashtuar 6 të tjerë të cilët nuk plotësojnë kushtet dhe kriteret.

Njoftimi i plotë nga KLP:

Këshilli i Lartë i Prokurorisë, në zbatim të ligjit nr. 115/2016“Për organet e qeverisjes së sistemit të drejtësisë” i ndryshuar, publikon më poshtë listën e kandidatëve të cilët plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi.

  1. I) Prokuroria e Përgjithshme
  2. Arta Marku
  3. Adnan Xholi,
  4. Adnand Kosova,
  5. Alfred Progonati,
  6. Alma Muça,
  7. Anila Leka,
  8. Arben Kraja,
  9. Bilbil Mete,
  10. Kujtim Luli,
  11. Sokol Stojani,
  12. Thoma Jano
  13. II) Prokuroritë e Apeleve
  14. Dritan Peka,
  15. Altin Dumani,
  16. Arben Qosja,
  17. Edmond Hyka,
  18. Fatjona Memcaj,
  19. Genti Xholi,
  20. Nezir Gjoka,
  21. Moisi Duda,
  22. Ludovik Dodaj,
  23. Altin Binaj,
  24. Henrik Haxhiraj,
  25. Pelivan Malaj,
  26. Kleanthi Zeka,
  27. Brahim Dragjoshi,
  28. Rozeta Qirjaqi.
  29. Gjon Fusha.

Këshilli i Lartë i Prokurorisë, në zbatim të ligjit nr. 115/2016 “Për organet e qeverisjes së sistemit të drejtësisë” i ndryshuar, publikon më poshtë listën e kandidatëve të cilët nuk plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi

  1. I) Prokuroria e Përgjithshme
  2. Arqilea Koça
  3. II) Prokuroritë e Apeleve
  4. Ferdinand Elezi,
  5. Alfred Agolli,
  6. Artan Bajrami,
  7. Irma Balli
  8. Elvin Gokaj

Këta prokurorë nuk plotësojnë kushtin e vendosur në nenin 221/1 gërma “b” të ligjit nr.115/2016. Lista me kandidatët që plotësojnë kushtet dhe kriteret ligjore për t’u përfshirë në shortin për zgjedhjen e anëtarëve të Këshillit të Emërimeve në Drejtësi si dhe lista me kandidatet që nuk i plotësojnë kushtet dhe kriteret ligjore, i dërgohet Presidentit të Republikës dhe Kuvendit të Shqipërisë./abcnews.al

maxresdefault-1280x720.jpg
ent ela14:21 | 01/11/2019

Shqiptarja Buta Biberaj është kandidate për prokurore në qarkun Loudon, Virginia, të Shteteve të Bashkuara të Amerikës.

Lajmi është konfirmuar nga gazeta prestigjioze amerikane “The Washington Post”, e cila  i ka dedikuar një artikull të veçantë shqiptares së suksesshme në SHBA.

Gazeta e vlerëson shqiptaren si një prokurore të  aftë që u ka shërbyer qytetarëve. Biberaj ka më shumë se 25 vite përvojë në fushën juridike, ka punuar si avokate dhe për 11 vjet radhazi ishte angazhuar edhe si zëvendësgjykatëse në këtë qark.

“Avokati i Commonwealth Loudoun, Jim Plowman është duke u larguar nga detyra që ka mbajtur që nga viti 2003. Në vend të tij emërohet avokatja Buta Biberaj. Zonja Biberaj, e cila është marrë me praktikimin e ligjit në Loudoun për më shumë se 25 vite dhe ka shërbyer si gjyqtare zëvendësuese në gjykatën e qarkut, e njeh mirë Virxhinian.

Axhenda e saj e fuqishme përfshin përfundimin e lirimit me kusht, sigurimin e më shumë mbështjeje për viktimat dhe kontributin që ka dhënë për shkollimin në burgje përmes partneriteteve me shkollat, zyrtarët e komunitete dhe drejtuesit e bizneseve”– shkruan gazeta.

Gjatë vitit 2014-2015, ajo u zgjodh presidente e Shoqatës së Avokatëve të qarkut Loudoun “LCBA”, ku së bashku me një grup avokatësh vendas dhe nxënës të shkollës “Douglas” përpiloi programin “Ligji rrugës” (Street Laë) që synonte këshillimin e nxënësve për të drejtat e tyre për sa i përket punësimit, si dhe për t’i njohur ata me ligjin penal dhe civil të Amerikës.

Zgjedhjet për këtë post do të zhvillohen javën e ardhshme më 5 nëntor.

Buta Biberaj ka lindur në Mal të Zi dhe është me prindër shqiptarë. Ajo u rrit në Bronx të New  York City që nga moshat 2-vjeçare deri në 20 vjeç, kohë kur u transferua në Fairfax County, Virginia. Buta u transferua nga Fairfax në Qarkun Loudoun në 1996 dhe aktualisht banon në rrethin Blue Ridge. Ajo është një nga tetë fëmijët në një familje të madhe që ka 19 nipër dhe mbesa.

Shumica e familjes Biberaj banojnë në Qarqet Loudoun dhe Fairfax. /abcnews.al

 

KRONIKE-UNIONI-I-GJYQTAREVE.mpg_snapshot_00.45-1280x720.jpg
ent ela17:38 | 10/10/2019

Kryeministri Edi Rama dhe të zëvëndësi i tij Erion Braçe kanë vënë në qendër të akuzave sistemin e drejtësisë duke sulmuar ashpër prokurorët dhe gjyqtarët. Shoqata Kombëtare e Gjyqtarëve dhe Unionit të Gjyqtarëve të Shqipërisë, kanë reaguar pas akuzave publike të Kryeministrit Rama në Parlamement duke i cilësuar gjyqtarët dhe prokurorët e korruptuar si grup kriminal me emërtimin KÇK, kap çtë kapësh.

Shoqatat i cilësojnë akuzat e Ramës si  kërcënim ndaj pavarësisë së pushtetit gjyqësor, duke minuar besimin e qytetarëve në sistemin e drejtësisë.

Kreu i qeverisë deklaroi nga foltorja e kuvendit se po hartohet një ligji të ri për prokurorët dhe gjyqtarët që janë ende në sistemin e drejtësisë, që sipas tij do të shkarkohen, pasi janë duke bërë kërdinë me vendime absurde e të diktuara nga krimi dhe korrupsioni.

Kryeministri u shpreh se kjo kategori gjyqtarësh dhe prokurorësh janë si organizata kriminale me imunitet kushtetues”. Sipas tij organizata të tilla kriminale (Kap çfarë të kapësh) ‘KÇK’ duhet të shpallen në kërkim.

Kreu i ekzekutivit pas lëshimit të akuzave të ashpra kundrejt Prokurorit të Durrësit Arjan Ndoji që arrestoi kreun e kadastrës së Durrësit Lirirond Pula dhe me pas u la në burg nga gjykata, ka sulmuar edhe një gjykatare në Gjirokastër që sipas tij i kishte dhënë urdhër mbrojtje një burri që kishte dhunuar gruan. Shoqata dhe Unioni i kanë cilësuar këto deklarime si qendrime agresive e të adresuara gabim.

Ata ftojnë Këshillin e Lartë Gjyqësor, si institucioni i ngarkuar për garantimin e pavarësisë dhe përgjegjshmërisë së pushtetit gjyqësor si dhe partnerët  ndërkombëtarë, të mbajnë qëndrimet e tyre në lidhje me akuzat e bëra publikisht nga Rama.

Për akuzat ndaj prokurorit ka reaguar më herët dhe Këshilli i Lartë i Prokurorisë duke i cilësuar sulmet e drejtuesive të lartë të qeverisë si paragjykime për ecurinë dhe përfundimin e një procesi gjyqësor. /ABC News Albania 24/7

KATICA-JANEVE-NE-BURG-MBULIM.mpg_snapshot_00.22-1-1280x720.jpg
ad min11:46 | 29/08/2019

Këshilli i Prokurorëve Publikë në Maqedoninë e Veriut, në mënyrë unanime vendosi për fillimin e procedurës për shkarkimin e prokurores speciale publike Katica Janeva për shkak të punës joprofesionale dhe joetike.

Vendimi u konfirmua nga kryetari i Këshillit të Prokurorëve Kole Shterjev. Ai shtoi se Këshilli do të duhet të përgatisë një raport të cilin do e dorëzojë në Kuvendin e Republikës së Maqedonisë së Veriut, në mënyrë që Kuvendi të vazhdojë procedurën e mëtejshme./ABC News Albania 24/7

notre-dame-1.jpg
ad min23:42 | 26/06/2019

Në Paris janë publikuar të mërkurën rezultatet e hetimeve paraprake mbi zjarrin që përfshiu katedralen Notre Dame. Sipas prokurorëve që kanë kryer hetimet, shkak janë bërë një defekt në sistemin elektrik ose një cigare.

Një defekt elektrik ose një cigare e fikur keq mund të kenë qenë shkaqet e rënies së zjarrit që dogji një pjesë të katedrales Notre Dame, në Paris. Lajmin e bënë të ditur autoritetet franceze që kanë hetuar zjarrin që përfshiu objektin e kultit në muajin prill.

Prokurorët parizienë deklaruan se, teksa po hetojnë edhe mundësinë e neglizhencës, aktualisht nuk kanë arsye të besojnë se zjarri është vënë qëllimisht. Zjarri që përfshiu katedralen mesjetare më 15 Prill shkatërroi çatinë e saj, rrëzoi shtizën dhe rrezikoi të shembte kullat e kambanave përpara se të ndërhynin zjarrfikësit për ta shuar.

“Shkaqet e sakta nuk janë zbuluar ende, por për momentin nuk ka të dhëna për një zjarr me origjinë të qëllimshme”, thuhet në një deklaratë të zyrës së prokurorit të Parisit, Remi Heitz.

Megjithatë, në dokument nënvizohet se asgjë nuk është përjashtuar nga hetimi, që pas fazës paraprake do t’i kalojë tre prokurorëve të tjerë me kompetenca më të fuqishme për të çuar përpara procesin.

Presidenti francez, Emmanuel Macron ka vendosur si objektiv rindërtimin brenda 5 vitesh të Notre Dame, një objekt që daton që prej shekullit të 12-të dhe është një ndër ndërtesat ikonë të Europës./ABC News Albania 24/7

arben-rakipi.jpg
ad min21:08 | 17/05/2019

Ish-Prokurori i Përgjithshëm, Arben Rakipi, ishte i ftuar këtë të premte në emisionin “Provokacija” nga Mustafa Nano. Si një ndër autorët e kësaj reforme, Rakipi ka treguar se disa gjëra nuk kanë shkuar ashtu siç i kishte menduar në fillim.

Sipas tij, gjyqtarët e organeve të Vettingut po kufizojnë trajtimin e këtij fenomeni në elementë të thjeshtë aritmetikë, pra duke u bazuar vetëm në faktorë ekonomikë. Rakipi nënvizoi se për shkak të mungesës së eksperiencës tek anëtarët e organeve të Vettingut po çohet në fshirjen ose mohimin total të kontributeve të gjyqtarëve.

“Si çdo proces shumë gjëra varen nga individët, eksperienca e të cilëve është deçizive në trajtimin me sukses të një procesi të tillë. Nuk kisha menduar asnjëherë që këta individë, me ato eksperienca që kanë do ta kufizonin trajtimin e këtij fenomeni, ose këtij fenomeni me elementë të thjeshtë aritmetikë të parëndësishëm, anësorë dhe të mos merreshin me thelbin e gjësë. Ka një mospërputhje të dukshme ndërmjet elementëve ekonomikë në trajtimin e pasurisë së një gjyqtari, burimeve nga vjen kjo pasuri, besueshmërisë ose jo të informacioneve që jepet nga institucionet e deritanishme siç është ILDKP-ja dhe në raport me to kontributi që gjyqtari ose prokurori ka dhënë. Them se po shoh dita-ditës që mungesa e eksperiencës në mënyrën si po trajtohet kjo gjë po çon në fshirjen ose mohimin total të kontributit që gjyqtarët kanë dhënë. Me të mirat dhe të këqijat e këtij vendi, gjyqtarët e vendit kanë përballuar volume, ballafaqime me eksponentë të krimit dhe për rrjedhojë nuk mund të thuash me një të rënë të lapsit meqenëse llogaritë nuk po dalin 100% mund të largoj nga detyra”, u shpreh Rakipi.

Sipas ish-kryeprokurorit në procesin e Vettingut duhet kuptuar shkaku pse gjyqtari gabon.

“Ajo që ngec në arsyetimet të paktën të deritanishme është që mungesa e besueshmërisë te kontributi që ka dhënë gjyqtari mosidentifikimi i arsyeve pse ai gabon, ka bërë që të prevalojë elementi ekonomik. Pra nëse një gjyqtar përpara fillimit të aktivitetit të tij, kur ka qenë student ka siguruar disa të ardhura kur ka qenë emigrant dhe këto të ardhura nuk mund t’i justifikojë për arsye qoftë edhe të kalimit të kohës, të pamundësisë se ka qenë në një shtet tjetër, ose ndoshta mendon se kjo kohë nuk përfshihet në aktivitetin tim si gjyqtar atëherë këtij i thuhet automatikisht që pasuria jote është e pajustifikuar. Në fakt ai ka punuar atje. Mund të japë të dhëna të përgjithshme që ka punuar, por nuk është në gjendje që të vërtetojë në mënyrë të saktë, kohën kur dhe sa ka punuar. Nëse në këtë proces nuk kuptohet shkaku pse gjyqtari gabon atëherë rezultati do të dalë i gabuar”, tha ai./abcnews.al

klp.jpg
nev ila18:01 | 15/04/2019

Këshilli i Lartë i Prokurorisë nuk ka pranuar që të marrë pjesë në mbledhje anëtari më i ri Vatë Staka, pasi ligji thotë se  anëtari i ri merr pjesë në mbledhjet e Këshillit pas përfundimit të afatit të ankimimit prej 5 ditësh. KLP ka caktuar me afat 3 mujor, drejtuesit e rinj të prokurorive, pas shkarkimit nga KPK të udhëheqësve të mëparshëm.

Këshilli i Lartë i Prokurorisë në mbledhjen e kësaj të Hëne nuk ka pranuar që ta marrë pjesë anëtari më i ri, Vatë Staka i cili u zgjodh më 11 prill nga asambleja e prokurorëve.  Sipas nenin 116 ligjit 115/2016, anëtari i ri merr pjesë në mbledhjet e Këshillit pas përfundimit të afatit të ankimimit prej 5 ditësh.

Këshilli i Lartë i Prokurorisë miratoi raportin për analizën e aftësive profesionale të prokurorëve, një pjesë e të cilëve janë kandidatë për SPAK dhe do të kenë përparësi në procesin e vetingut. Prokurorët që janë vlerësuar në kuadër të rivlerësimit kalimtar janë:

Manjola Kajani

Ened Nakuçi

Eugen Beci

Njazi Seferi

Doloreza Musabelliu

Blerim Tominaj

Elisabeta Imeraj

Olsian Çela

Përparim Kulluri

Vladimir Mara

Anëtarët e Këshillit të Lartë të Prokurorisë kanë vendosur me shumicë votash, caktimin e përkohshëm me afat 3 mujor drejtuesit e prokurorive, pas shkarkimit nga KPK të drejtuesve të mëparshëm.  Sali Hasa caktohet drejtues në Prokurorinë e Sarandës, Ludovik Doda në Prokurorinë  e Apelit Durres.

KLP caktoi Isa Jatën, si drejtues e Prokurorisë së Apelit për Krime të Rënda dhe  Aferdita Ndoin në Prokurorinë e Apelit Durrës.

Këshilli ka vendosur që të rikthejë në sistemin e prokurorisë  Leonard Filopati për shkak të mbarimit të afatit të komandimit në Ministrinë e Drejtësisë.  Filopati dhe Bledar Valikaj do të jenë prokuror pranë Prokurorisë së Shkallës së Parë Tiranë.

Në fund të mbledhjes anëtarët e KLP kanë miratuar rregulloren “Për kriteret dhe procedurën e caktimit të përkohshëm në detyrë”./abcnews.al

PROKURORIA.mpg_snapshot_00.12-1280x720.jpg
ent ela10:50 | 27/03/2019

Prokurorja e Përgjithshme e Përkohshme Arta Marku ka përdorur gjuhë të hekurt me prokurorët. Gjatë analizës vjetore, Marku kërkoi që të zhvillohen siç duhet hetimet dhe të mos zvarriten proceset. E para e Prokurorisë u kërkoi prokurorëve që të ruajnë sekretin hetimor dhe të mbajnë larg median.

Prokurorja e Përgjithshme e Përkohshme Arta Marku ka bërë për ujë të ftohtë prokurorët e Prokurorive të Tiranës dhe Krimeve të Rënda. E pranishme gjatë analizës vjetore Marku u drejtua me gjuhë të ashpër prokurorëve, ku kërkoi që të zhvillojnë hetimet si duhet dhe të mos kemi zvarritje të proceseve.

Marku u tha prokurorëve se do të mbani përgjegjësi për çdo hetim që keni kryer.  Prokurorja e Përgjithshme e Përkohshme i mëshoi faktit që prokurorët duhet që të qëndrojnë larg medias.

Në analizën vjetore që u zhvillua tek krimet e Rënda Arta Marku ishte e  shoqëruar nga nën kryetari i KLP Alfred Balla dhe disa anëtarë të tjerë.  Marku vuri theksin se 2018 ka qenë një vit i vështirë pune, por nuk harroi të ‘shigjetonte’ disa prokurorë që sipas saj nuk kanë qenë në lartësinë e detyrës. Prokurorët kanë keqpërdorur detyrën e funksionit të ndjekjes penale dhe nuk kanë ruajtur sekretin hetimore.

Prokurorja e Përgjithshme e Përkohshme u kërkoi prokurorëve të Krimeve të Rënda që të hetojnë sa më shpejt çështjet që kanë trazuar jetën dhe kanë tronditur kryeqytetin. Prokurorët duhet që të fokusohen tek puna dhe të mbajnë sa më larg median nga hetimi pasi gazetarët nuk janë pjesë e hetimeve. në përfundim të fjalës së Arta Marku nuk harroi që tu kujtonte prokurorëve që janë përpara procesit të vetingut./abcnews.al

15708219_354.jpg
ent ela09:30 | 20/03/2019

Gjykata Kushtetuese e Bavarisë ka konfirmuar ligjshmërinë e ndalimit nga Bavaria që gjykatëset e prokuroret të mbajnë shami koke. Ajo bëri të ditur më tej se prania e kryqeve në sallat e gjyqit është një çështje tjetër.

Gjykata Kushtetuese e Bavarisë e hodhi poshtë të hënën apelin e komunitetit fetar islamik, për ta tërhequr ndalimin e mbajtjes së shamisë së kokës nga gjykatëset dhe prokuroret. Kjo u bë me argumentin se ata janë të detyruar që të jenë neutralë në çështjet e fesë dhe të ideologjisë. Gjykata shprehu opinionin që ndalimi, i cili gjithashtu i ndalon zyrtarët të mbajnë simbole fetare si kryqet ose kipën, gjatë seancave gjyqësore, nuk drejtohet kundër ligjeve të lirisë dhe barazisë fetare.

Debati për kryqin

Grupi islamik pati argumentuar se ndalimi i shkel të dyja ligjet, meqenëse simboli i krishterë i kryqit qëndron i varur në sallat bavareze të gjykatave. Këtë argument gjykata nuk e pranoi. Ajo iu përmbajt qëndrimit se prania e kryqeve është një çështje tjetër, meqenëse për të vendos administrata e gjykatave dhe ajo nuk hedh dyshim për neutralitetin e gjykatësve dhe prokurorëve si individë. Gjykata shpalli më tej se ndalimi nuk i diskriminon gratë, sepse janë të ndaluara edhe objekte të tjera me përmbajtje fetare, të cilat i mbajnë burrat.

Debat i gjatë

Çështja e mbajtjes së shamive të kokës nga gratë myslimane, veçanërisht nga nëpunësit civilë, ka qenë objekt debati prej shumë vitesh në Gjermani. Në një kontribut tjetër në këtë debat, zëvendëskryetari i Grupit Parlamentar CDU/CSU në parlamentin gjerman, Carsten Linnemann përsëriti një thirrje të dëgjuar dendur kohët e fundit, për të ndaluar në të gjithë Gjermaninë shaminë e kokës për vajzat nën moshën 14 vjeç.

Vajzat duhet të kenë mundësinë që të rriten me të njëjtat liri si djemtë, i tha Lindeman së përditshmes Rheinische Post në një intervistë të publikuar të hënën. Lindemann ka qenë së fundi në grupin e redaktorëve të një antologjie me titull “Islami politik nuk bën pjesë në Gjermani” dhe është pjesë e një grupi që nxit politika më të ashpra integruese.

Plan i diskutueshëm 

Vitin e kaluar, qeveria e landit më të madh nga numri i popullsisë në Gjermani, Rini-Verior – Vestfali, i hapi rrugën një plani për të miratuar një ligj, i cili ndalon që vajzat nën moshën 14 vjeç të mbajnë shami koke në shkollë në fund të vitit 2019. Kritikë të shamisë së kokës e shohin atë si simbol të shtypjes së grave myslimane. Ajo mund të sinjalizojë më tej një afëri për besime më fundamentaliste. Të tjerë e shohin ndalimin e shamisë së kokës si ndërhyrje në të drejtat personale./DW

RUMANI-PROKURORET.mpg_snapshot_00.17-1280x637.jpg
ent ela19:44 | 22/02/2019

Prokurorë dhe gjyqtarë në Rumani i kanë dhënë jetë një proteste, të cilën kanë paralajmëruar se do ta përshkallëzojnë nëse qeveria nuk heq dorë nga ndërhyrjet në sistemin gjyqësor. Ndryshimet e hartuara nga ekzekutivi dobësojnë pozitën e prokurorëve sidomos në çështjet e korrupsionit në nivele të larta.

Prokurorët dhe gjyqtarët në Rumani u mblodhën të premten në një protestë të paprecedentë kundër ndryshimeve në sistemin gjyqësor të përgatitura nga qeveria. Më herët gjatë muajit, ekzekutivi rumun përdori një dekret të jashtëzakonshëm për të modifikuar legjislacionin për gjyqësorin, që mes të tjerash u heq prokurorëve një pjesë të kompetencave të tyre. Sidoqoftë, kjo është vetëm një pjesë e ndryshimeve që social-demokratët kanë bërë në sistemin e drejtësisë në dy vitet e fundit, duke nxitur protesta masive të qytetarëve. Në mbështetje të prokurorëve janë rreshtuar Komisioni Europian dhe Departamenti amerikan i Shtetit, që kanë deklaruar se ndryshimet kërcënojnë pavarësinë e gjyqësorit dhe sundimin e ligjit. “Këto ndryshime të papritura, të bëra përmes një dekreti të jashtëzakonshëm dhe pa konsultuar Këshillin e Lartë të Magjistraturës pengojnë prokurorët të kryejnë deri në fund detyrën e tyre”, thuhet në një deklaratë të prokurorëve të Bukureshtit. Në shenjë proteste prokurorët kanë paralajmëruar se nga dita e hënë do të bojkotojnë punën, duke bërë përjashtim vetëm për çështjet e rëndësisë së veçantë. Rumania rregullisht renditet ndër vendet më të korruptuara të BE-së dhe Brukseli e ka mbajtur sistemin e saj ligjor nën mbikëqyrje që kur vendi u bashkua me bllokun në vitin 2007. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono