prokuror

elezi.jpg
G. P.16:02 | 29/03/2019

Drejtuesi i Porkurorisë së Apelit Durrës, Ferdinand Elezi, doli sot para Komisionit të Pavarur të Kualifikimit. Hetimi për prokurorin u krye në të tre kriteret e rivlerësimit, pasuri, figurë dhe aftësi profesionale. Nga hetimi i thelluar i KPK-së rezultoi të kishte disa parregullsi në deklarimet e vlerave për apartamentet. Ndërsa për aftësitë profesionale dhe figurën Ferdinand Elezi është vlerësuar shumë mirë.

Komisioni i Pavarur i Kualifikimit zhvilloi seancën dëgjimore për Drejtuesin Prokurorisë së Apeit Durrës Ferdinand Elezin. Subjekti u rivlerësua ne të tre kriterët për pasuri, figurë dhe aftësi profesionale.

Në raportin e Inspektoriatit të Lartë të Deklarimit dhe Kontrollit të Pasurive dhe Konflikti të Interesit, thuhej se prokurori Elezi ka kryer deklarim të saktë në përputhje me ligjin, ka burime financiare të ligjshme dhe nuk gjendet në situatën e konfliktit të interesit.KPK ka kryer një hetim të thelluar ku rezulton të ketë pasuri si më poshtë:

Apartament 124 m2 në Komunën e Parisit, i blerë më 5 Shtator 2000 me vlerë 40 mijë dollarë; apartament 55 m2, 30 mijë euro 2005, apartament në Durrës blerë në 2007 me vlere 4 milionë lekë.

Nga hetimi i KPK rezultuan se këto pasuri të mos kanë përputhje vlera e blerjes së deklaruar me atë të tregut. Zyrë 45 m2 e blerë 60 mijë euro në 2005 nga hetimi i KPK ka rezultuar se ka mospërputhje midis datës së blerjes së deklaruar nga subjekti dhe datës kur është bërë nënshkrimi i kontratës.

Apartamenti 77 m2 në Durrës ishte apartament i bashkëshortes i deklaruar në shumën 1 milion lekë si pjesë përbërëse e ¼. Bashkëshortja e subjektit ka qenë bashkëpronare dhe kjo pasuri nuk është deklaruar as në 2004 dhe në asnjë nga deklaratat periodike dhe as burimin e krijimit. Në lidhje me vlerësimin e figurës, DSIK ka dorëzuar nje raport ku konstaton përshtatshmëri për vazhdimin e detyrës.

Aftësitë profesionale në raportin e sjellë nga Prokuroria i Përgjithshme thuhet se ne vitet 2014-2016 është vlerësuar shumë mirë. Pranë KPK-së kanë mbërritur 2 denoncime.  Por në përfundim të hetimeve nuk janë gjetur shkelje.

Në përfundim të relativit, drejtuesi i Prakurorisë së Apelit Durrës deklaroi se të gjitha pasuritë i ka të justifikuara dhe kërkoi konfirmimin në detyrë. Vendimi për Ferdinand Elezin do të jepet më 9 Prill ora 12:00./abcnews.al

klp.jpg
G. P.14:57 | 25/03/2019

Këshilli i Lartë i Prokurorisë ka vendosë me 6 vota pro ekzekutimin e menjëhershëm e kërkesës së Bledar Valikaj duke i dhënë pozicionin prokuror. Kreu i KLP-së, Gentian Ibrahimi, gjatë zhvillimit të mbledhjes ka kërkuar që Velikaj përpara së të emërohet më parë duhet që të kaloj procesin e Vettingut.

Kërkesën Bledar Velikajt e shqyrtoi Komisioni i Zhvillimit të Karrierës i KLP-së, ku propozoi  ekzekutimin e vendimit të Gjykatës Admistrative të Apelit dhe emërimin e Bledar Valikaj pranë Prokurorisë së Tiranës.

Gjatë zhvillimi të mbledhjes me dyer të mbyllura janë zhvilluar edhe debate midis anëtarëve të Këshillit të Lartë të Prokurorisë. Arben Dollapaj dhe Nurihan Seiti propozuan pezullimin e marrjes se një vendimi para ndjekjes së hapave të tjera gjyqësore për verifikimin e rastit në fjalë.

Ndërsa Gentian Ibrahimi është shprehur se thelbi i çështjes është tashmë i ezauruar nga Gjykata Administrative e Apleit me vendim të formës së prerë. Bashkëshorti i deputetes së PS, Ermonela Felaj kërkoi që të kalonte nga oficer të Policisë Gjyqësore në Prokuror në 2015, por nuk u dekretuar nga ish-presidentit Bujar Nishani.

Bledar Velikajt fitoi betejën ligjore dhe Gjykata Administrative e Apelit, i kërkoi KLP emërimin si prokuror në Prokurorinë e Tiranës të Velikajt./abcnews.al

adnan-xholi.png
G. P.11:09 | 11/10/2018

Në Komisionin e Pavarur të Kualifikimit u zhvillua sot një seancë dëgjimore me anëtarin e Prokurorisë së Përgjithshme, Adnan Xholi. Rivlerësimi i figurës së prokurorit të karrierës Xholi është bërë i bazuar në të tre kriteret.

Gjatë seancës së sotme u theksua se sipas raportit të Inspektoriatit të Lartë të Deklarimit dhe Kontrollit të Pasurive është i saktë dhe se Xholi nuk ka as deklarim të rremë dhe as fshehje pasurie.

Prokurori i organit qendror të akuzës rezulton se ka një apartament 107 m2, me vlerë 50 mijë euro, një autoveturë tip “Benz” me vlerë 4 mijë euro si dhe kursime të bashkëshortes me vlerë rreth 2 milionë e 500 mijë lekë.

Në seancën e sotmë dëgjimore të KPK-së u theksua se per apartamentin Xholi ka deklaruar si burim të ardhurash kredinë dhe një hua 5 mijë euro. Sipas këtij komisioni mbi subjektin e rivlerësimit nuk ka dyshime për burimet e pasurisë, apo për pasuri të paligjshme.

Ndërsa në lidhje me kursimet, është konstatuar se në disa vite Xholi ka pasur mungesë likuiditeti për të justifikuar shpenzimet e kryera. Në lidhje me figurën e tij, Drejtoria e Sigurimit të Informacionit të Klasifikuar vlerëson se ai është i përshtatshem për vijimin e detyrës.

Me vlerësimin shumë mirë janë vlerësuar dhe aftësitë e tij profesionale. Xholi nga ana e tij ka sqaruar se në 21 vite karrierë ka përfaqësuar denjësisht prokurorinë dhe se ai nuk binte dakord me metodologjinë e përdorur për llogaritjen e shpenzimeve.

Sipas tij, janë llogaritur keq disa udhëtime të bëra jasht vendit, pasi kanë qenë udhëtime të bëra për llogari të punës si prokuror, e kësisoj të paguara nga shteti./abcnews.al

tiranee.jpg
G. P.11:20 | 20/09/2018

Prokurori i prokurorisë së Tiranës Përparim Hasa është vënë nën hetim, ndërsa avokatja Donata Lepenica është vënë në pranga. Burime nga Prokuroria e Krimeve të Rënda bëjnë të ditur se ka nisur një hetim për një rast korrupsioni në organin e akuzës së kryeqytetit.

Nga të dhënat e deritanishme mësohet se të dy janë përfshirë në një rast mitmarrje. Bëhet fjalë për dhënien e 2000 eurove, në këmbim të ndryshimit të akuzës për një të pandehur.

Policia bëri të ditur se bashkë me avokaten 57 vjeçare Lepenica, gjatë operacionit të koduar “Ndërmjetësi”, janë arrestuar edhe Yzeir Bala, 32 vjeç dhe Megi Naksi, 31 vjeçe, të dy banues në Tiranë. Për të tre këta persona, gjykata kishte caktuar masën e sigurisë “arrest me burg”, bazuar në kërkesën e Prokurorisë së Krimeve të rënda. Vepra penale në ngarkim të tyre është “Korrupsioni aktiv i Gjyqtarit, Prokurorit dhe funksionarëve të tjerë të drejtësisë, e kryer në bashkëpunim”.

Sipas burimeve, mitmarrja është dokumentuar edhe me pamje filmike të kamerave të sigurisë së prokurorisë së Tiranës, të cilat janë sekuestruar prej 4 ditësh nga grupi hetimor i çështjes./abcnews.al

bujar-hotii.jpg
G. P.13:13 | 06/09/2018

Komisioni i Pavarur i Kualifikimit është rikthyer në funksion të plotë pas pushimeve, duke nisur procesin e rivlerësimit me seancën dëgjimore të prokurorit të Apelit të Durrësit, Bujar Hoti. Vendimi për Prokurorin e Apelit do të jepet më 10 shtator.

Procesi i Vetingut në drejtesi ka rinisur pas pushimeve të gushtit. Komisioni i Pavarur i Kualifikimit rifilloi punën me seancën dëgjimore me prokurorin pranë Gjykatës së Apelit në Durrës, Bujar Hoti. Ai është në listën prioritare si kandidat për Këshillin e Lartë të Prokurorisë. KPK ka prezantuar rezultatet e hetimit për Hotin, ku sipas raportit të Inspektoriatit të Lartë të Deklarimit të Kontrollit të Pasurisë dhe Konfliktit të Interesit, prokurori Hoti ka bërë deklarim të saktë pasuror dhe s’ka fshehur shuma montere.

Komisioni i pavarur vërejti disa mospërputhje shifrash që prokurori kishte kryer për të blerë një apartament në Durrës 157 m2 dhe përfitimin e 4000 m2 tokë në zonën bredetare. Për këtë tokë, KPK i ka kërkuar informacion prefektit të Durresit pasi ajo ndodhet në zonën e Siptallës, por nuk ka marre ende pergjigje. Kjo kërkësë u bë pasi prindërit e prokurorit, dhe ai vetë kanë lindur dhe banuar deri në fillim të viteve 90’ në zonën e Qerretit dhe nuk mund të përfitonte tokë në bazë të ligjit 7501. Relatorja, Brunilda Bekteshi ka përmendur disa saktësi për apartamentin në pronësi të Hotit, i cili ishte porositur në vitin 2004, për një vlerë prej 70 mijë euro. E njëjta gjë ka rezultuar edhe për një garazh, kontrata për të cilin është revokuar. Sipas KPK-së, Hoti ka kryer deklarim të një çmimi fiktiv shitjeje për këtë apartament duke paguar fillimisht 4 milionë lekë.

Po ashtu sipas raportit te DSIK, prokurori Hoti është i përshtatshëm për të vijuar detyrën, pasi nuk ka kontakte me elemente kriminale. Pozitiv ishte dhe vlerësimi për aftësitë e tij profesionale. Prokurori Bujar Hoti ka marrë pjesë në seancën e sotme dëgjimore, i asistuar edhe nga përfaqësuesi i tij ligjor, Julian Mertiri. Vendimi i KPK do të jepet në datën 10 shtator./abcnews.al

 

klsh.jpg
G. P.16:24 | 31/07/2018

Kontrolli i Lartë i Shtetit kallëzon në Prokurori ish-regjistruesin, tre përgjegjës sektori dhe dy specialistë të Zyrës Vendore të Regjistrimit të Pasurive të Paluajtshme Tiranë.

Sipas njoftimit zyrtar të institucionit të kontrollit shtetëror këta persona kanë kryer regjistrime të pasurive pa dokumentacionin e duhur ligjor, me dokumente të parregullta për sipërfaqen prej 290 873 m2, ndryshime zëri kadastral nga rrugë, përrenj në truall për sipërfaqe 7090 m2, regjistrim pasuri shtetërore të privatizuar pa arkëtuar qira trualli me dëm ekonomik në vlerë 11 milionë e 580 mijë lekë.

Këto dhe të tjera shkelje ligjore kanë detyruar Kontrollin e Lartë të shtetit t’i kërkojë kryeregjistruesit të vlerësojë shkallën e përgjegjësisë dhe marrjen e masave disiplinore për 22 punonjës. Ndërsa ndaj 6 punonjësve të zyrës së hipotekës së Tiranës është bërë kallzim penal në Prokurorinë e rrethit gjyqësor Tiranë./abcnews.al

kpkkkk.jpg
G. P.13:09 | 30/07/2018

Para Komisionit të Pavarur të Kualifikimit doli sot për vlerësimin e figurës edhe gjyqtari i Gjykatës Administrative të Tiranës, Gentian Medja.

Në drejtim të pasurisë, raporti i ILDKPKI vlerëson se gjyqtari Medja ka bërë deklarim të saktë e ka burime të ligjshme të ardhurash. Edhe nga hetimi i thelluar, KPK vlerësoi se gjyqtari nuk ka pasuri të padeklaruara apo të fshehura.

Ai ka një llogari bankare të pagës; një automjet tip Benz me vlerë 250 mijë lekë; ka kursime familjare bashkë me prindërit në vlerën 1 milion lekë. Pasuria e prindërve konsiston në një apartament 64 m2 në Shkodër, 72 aksione të babait në fabrikën e duhan-cigareve Shkodër në vlerën 75 mijë lekë, që nuk kanë krijuar të ardhura. Po sipas KPK, nuk ka pasaktësi në kontratën e qirasë së tij në zonën e “Don Boskos”.

Në drejtim të fugurës, DSIK raporton se gjyqtari Gentian Medja është i përshtatshëm për vijimin e detyrës. Lidhur me aftësitë profesionale, KPK thotë se është konstatuar mosrespektim i afateve ligjore për zbardhjen e vendimeve apo probleme në njoftimin e palëve.

Lidhur me këtë pretendim, gjyqtari Medja tha se shkak ka qenë ngarkesa e lartë në punë. Vendimi për anëtarin e gjykatës administrative Gentian Medja do jepet më 1 Gusht./abcnews.al

KPK-PER-ILIR-TOSKEN-1280x720.jpg
G. P.13:40 | 18/07/2018

Komisioni i Pavarur i Kualifikimit konfirmoi në detyrë prokuroren e Prokurorisë Tiranë, Antoneta Sevdari dhe gjyqtaren e Apelit për Krimet e Rënda, Nertina Kosova. Para KPK-së dolën edhe prokurori i Apelit Tiranë, Arben Nela dhe gjyqtari i Apelit të kryeqytetit, Ervin Metalla. Komisioni konstatoi problem në pasuritë e tyre.

E mërkura ishte një ditë e mbarë për dy anëtare të sistemit gjyqësor. Antoneta Sevdari, prokurore në Prokurorinë e Tiranës dhe Nertina Kosova, gjyqtare pranë Gjykatës së Apelit për Krimet e Rënda u konfirmuan nga Komisioni i Pavarur i Kualifikimit.

Hetimi i thelluar administrative të realizuar për Sevdarin për llogari të vettigut provoi se prokurorja kishte pasuri të justifikuar në burime të ligjshme, nuk kishte kontakte të papërshtatshme me persona të inkriminuar dhe se ishte e aftë profesionalisht për të ushtruar funksionin e prokurores.

Gati 30 minuta pas shpalljes së vendimit për Sevdarin, gjyqtarja e Apelit të Krimeve, Nertina Kosova pati të njëjtin fat.

Ashtu si kolegia e saj, Kosova rezultoi e pastër në kontrollin e trefishtë të vettingut. Në seancat dëgjimore të zhvilluara të martën, Sevdari dhe Kosova përfaqësuan veten duke mos u shoqëruar nga një avokat në sallë.

Në orët e mesditës para një trupi gjykues të KPK doli prokurori i Apelit Tiranë, Arben Nela. Ai u vetua me përparësi për shkak të kandidimit në Këshillin e Lartë të Prokurorisë. Bazuar në raportet e përcjella nga institucionet ndihmëse dhe në hetimin e thelluar KPK lerësoi se Nela kishte pasaktësi në deklarimin e pasurie dhe mungesë burimesh të ligjshme për justifikimin e tyre. Vetë Nela deklaroi se nuk kishte fshehur asnjë pasuri dhe hodhi akuza drejt ILDKPKI-së për

shtrembërim të deklarimeve të tij.

Probleme me pasurinë u konstatuan edhe në seancën e mëvonshme në KPK, e cila i përkiste gjyqtarit të Gjykatës së Apelit Tiranë, Ervin Metalla, anëtar i Këshillit të Emërimeve në Drejtësi. ILDKPKI kishte përcjellë një raport pozitiv duke pohuar se pasuritë e tij janë të justifikuara.  Por hetimi i KPK vërejti si problematike një kredi të marrë për tij për blerjen e një banesë, të cilën me tej e kishte transferuar tek vëllai, me qëllim për të përfituar një kredi të butë.

KPK theksoi dhe faktin se Metalla ka përfaqësuar në Strasburg një kompani në kundështim me ligjin. Anëtari pretendoi se pasuritë e tij janë të rregullta dhe kursimet të justifikuara duke kërkuar në përfundim konfirmimin në detyrë. Vendimi përfundimtar ndaj tij pritet të shpallet në 23 Korrik.

/abcnews.al

adriatik-cama.jpg
G. P.10:18 | 12/07/2018

Komisioni i Pavarur i Kualifikimit shkarkoi nga detyra prokurorin e Prokurorisë së Tiranës, Adriatik Cama. Vendimi i trupës gjykuese u komunikua sot në mëngjes nga kryesuesja Genta Tafa Bungo.

Një ditë më parë komisioni zhvilloi një seancë dëgjimore me prokurorin e Tiranës, duke përmbyllur hetimin për të, në kuadër të procesit të rivleresimit kalimtar. Dje, trupa relatoi raportin e DSIK, që ngrinte dyshime për përfshirjen e Camës në një aferë korruptive në vitin 2005, kohë kur ai drejtonte Prokurorinë e Lushnjës.

Sipas KPK, bashkë me një prokuror tjetër, Cama ka marrë para nga familjarët e një personi të proceduar për “kontrabandë” për të pushuar hetimet ndaj tij. Në raport thuhej se Cama kishte zëvendësuar prokurorin e çështjes me një tjetër, i cili në 2 Qershor 2005 kishte pushuar çështjen.

Sipas trupës së KPK, Adriatik Cama është person i mundshëm për t’u vënë nën presionin e personave të inkriminuar, sepse ka pasur kontakte të papërshtatshme duke shkëmbyer dhurata apo favore me persona të përshirë në krimin e organizuar. Por ky pretendim u kundërshtua me forcë nga ana e prokurorit Cama.

Edhe kontrolli i pasurisë kishte vërejtur disa probleme në pasuritë e prokurorit. Pas bilanceve financiare, KPK vlerësoi se ka mungesë burimesh të ligjshme për një përqindje të tyre. Sot pas dhënies së vendimit prokurori Cama u shpreh se do të ankimojë këtë vendim.

“Unë kam besim te drejtësia. Drejtësia është e vfërteta në veprim. Drejtësia nuk është një projektvendim i KPK-së. Drejtësia vazhdon në të gjitha shkallët dhe unë do ta ndjek në të gjitha shkallët për të takuar të drejtën time e cila më takon”./abcnews.al

kristaq-beluri.jpg
G. P.14:59 | 10/07/2018

Para së njëjtës trupë gjykuese të Komisionit të Pavarur të Kualifikimit të përbërë nga Olsi Komici, Lulzim Hamitaj dhe Brunilda Bekteshi ka dalë sot në seancë dëgjimore edhe prokurori i Prokurorisë së Përgjithshme, Kostaq Beluri. Ai është kandidat për Këshillin e Lartë të Prokurorisë.

Sipas raportit të ILDKPIK-së, prokurori Beluri ka bërë deklarime të sakta të pasurisë.Ai ka në pronësi një apartament në Tiranë, me sipërfaqe 60 m2, një depozitë bankare 850 mijë lekë nga kursimet dhe 720 mijë lekë në llogari rrjedhëse.

Nga hetimi i thelluar rezulton se pasuritë e tij janë të justifikuara. Edhe nga raporti i Drejtorisë së Sigurimit të Informacionit të Klasifikuar, ai rezulton i përshtatshëm për vazhdimin e detyrës. Gjithashtu pozitiv është raporti i Prokurorisë së Përgjithshme për aftësitë profesionale.

Por sipas Komisionit të Pavarur të Kualifikimit, Beluri është prokurori që ka pushuar hetimin për “korrupsion” të nisur ndaj Admir Thanzës. KPK bëri të ditur se Beluri nuk ka kryer hetim të plotë dhe të thelluar.

Kostaq Beluri është aktualisht prokuror në sektorin e Dekriminalizimit në Prokurorinë e Përgjithshme. Ai ka punuar si zv/prokuror i Tiranës në vitet 1999-2004 dhe si drejtor i Luftës kundër Krimit të Organizuar në Policinë e Shtetit në vitet 2004-2007.

Më pas, Beluri është rikthyer sërish në organin e akuzës si zv/drejtor i Prokurorisë për Krimet e Rënda dhe prej vitit 2014 ushtron detyrën në Prokurorinë e Përgjithshme./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono