projekte

ahmetaj-2.jpg
nev ila17:00 | 31/01/2020

Kryeqyteti do të ketë 9 zona ku  do të ndërtohet për banorët e mbetur të pastrehë nga tërmeti i 26 nëntorit.

Ministri për Rindërtimin Arben Ahmetaj në një deklaratë për mediat tha se janë gjithsej 18 zona ku do të ndërtohen banesa që do të kenë standarte bashkëkohore por edhe antisizmike.

Të nderuar qytetarë që jetoni në vështirësi nga tërmeti. nuk bëhet fjalë për të ndërtuar shkel e shko, por mbi bazën e procedurave, legjit duke zbatuar kriteret dhe standartet bashkohore dhe antisizmike. Bëhet fjalë për një proces të plotë dhe gjithpërfshirës, që përfshin hartimin e masterplaneve, planeve të detyruara vendore dhe modelin e banesave individuale,” ka thënë Ahmetaj.

Sipas Ahmetaj modelet që do të zbatohen nga Fondi Shqiptar i Zhvillimit  në zonat për rindërtim do të jenë gati  në datën 6 shkurt.

“Në datën 6 shkurt do të kemi modelet të cilat njësitë zbatuese që është Fondi Shqiptar i Zbatimit dhe Bashkia e Tiranës menjëherë, menjëherë pas datës gjashtë do të fillojë një proces i hapur ligjor zbatimi, që nga prokurimi deri tek vendosja e shtëpisë në qendrat e reja rurale ose aty ku ndodhen sot shtëpitë”, është shprehur ndër të tjera ministri për Rindërtim.

Ministri për Rindërtimin u bëri thirrje qytetarëve që të aplikojnë sa më parë për të përfituar nga program strehimit. Në të zonat e prekura janë hapur gjithsej 75 zyra me 135 punonjës./abcnews.al

new-generetion.jpg
ad min22:58 | 23/10/2019

Qendra multifunksionale Neë Generation ka festuar 10 vjetorin e themelimit. Ky institucion i arsimit profesional ka shërbyer edhe si një garanci për punësimin e të gjithë studentëve.

Është një datë e rëndësishme për qendrën multifunksionale “New Generation”. 10 vite rrugëtim që i ka dhënë jetë ëndrrës së atyre që deri dje zgjodhën të ishin studentë në këtë institucion.

Ajo çka sot shihet qartë, është  se “New Genration” ka shërbyer si garanci për të rinjtë e të rejat që të hedhin hapa të sigurtë në tregun e punës e mbi të gjitha një ekonomi të qëndrueshme për secilin prej tyre.

Për presidentin e New Generation, Ilir Tafaj, sukseset e këtij institucioni gjatë këtij 10-vjeçari maten mbi të gjitha me realizimin e objektivit më të madh që ka kjo shkollë, punësimi.

Nëpërmjet politikave institucionale për rritjen e vazhdueshme të cilësisë dhe funksionimit të zyrës që “New Generation” ka për Informim/Punësim/Karrierë/Trajtim gjatë gjithë jetës, studentët janë 100 përqind të punësuar.

Gjatë 10 viteve New Generation ka zgjeruar strukturën e programeve që ofron duke i përshtatur kësisoj për të gjitha grupmoshat e interesuara, si maturantët të cilët sapo dalin nga bankat e shkollave të mesme edhe për moshat e rritura.

Programet e studimit në arsimin dhe formimin personal në qendrën multifunksionale New Generation ofrohen në

Parukeri e Avancuar,

Estetike e Avancuar,

Masazheri Estetiko Kuruese,

Fizioterapi Estetike,

Në këtë aktivitet, Presidenti i New Generation prezantoi edhe projektet e reja të bashkëpunimit me institucione të tjera ndërkombëtare duke vënë theksin në ngritjen e cilësisë dhe perspektivave për studentët./ABC News Albania

marsela-cibukaj-1280x720.jpg
ad min20:02 | 18/08/2019

Marsela Çibukaj është një nga këngëtaret më të dashura për publikun shqiptar. Ajo zhvilloi një intervistë të shkurtër për Edicionin Veror në jug të Shqipërisë, ku edhe po jep koncertet e saj së bashku me kantautorin Vitmar Basha.

Çifti është në një lidhje prej disa kohësh, ndërkohe që Marsela zbuloi planet e saj për një album në të ardhmen. Ajo bëri të ditur se shpreson që dy nga këngët e publikuara në albumin “9” të Vitmarit të bëhen me videoklipe në Shtator.

“Vitmari më është shumë mbështetës në këtë projekt. Unë shpresoj shumë që të realizojmë albumin tim dhe një pjesë e punës të jetë edhe nga Vitmari. Nga albumi i Vitmarit, ku unë kam shkruar një tekst dhe kam kuruar pak… kënga titullohet Reja. Shpresoj që kënga që Vitmari ka shkruajtur për ne dhe kënga që unë kam shkruajtur për Vitmarin të publikohen në Shtator me videoklipe. Po punojmë rreth kësaj gjëje. Kemi mbledhur një staf të vogël që të na mbështesë në realizmin e këtij projekti dhe shpresoj që të arrijë tek publiku me të njëjtin emocion”, tha këngëtarja.

/abcnews.al

veliaj-11-1280x717.jpg
ad min15:00 | 25/06/2019

Kandidati socialist për Bashkinë e Tiranës Erion Veliaj prezantoi disa nga prioritetet e tij në fushën sociale nëse merr një mandat të dytë.  Ndërtimi i bibliotekave të lagjeve dhe dhënia fund e mësimit me dy turne Veliaj i renditi ndër prioritetet e punës së tij.

Në çdo njehi administrative në Tiranë do të ketë një bibliotekë. Kandidati socialist për një mandat të dytë në krye të bashkisë, kryebashkiaku aktual Erion Veliaj e premtoi në një takim me përfaqësues të grupeve të ndryshme sociale.

“E filluam me bibliotekat “Musine Kokalari”, “Misko Treska”, “Petro Zheji”, “Hamit Beqja”, prandaj jemi në rrugë të mbarë. Po rikonstruktohet biblioteka në Njësinë 6, ndaj deri në fund të mandatit tjetër do të kemi në çdo njësi nga një bibliotekë”.
Veliaj u shpreh se projektet e nisura në këtë mandat do të vijojnë, ashtu si investimet që qytetarët të furnizohen me ujë në 24 orë.

“Ne kemi filluar projektin më agresiv të investimeve, një projekt 5-vjeçar (2019-2024) për të zgjidhur disa probleme. Bovilla ka aq ujë sa mund të na fundosë 5 herë. Nuk është ky problem; problemi është se uji humbet në rrjetin e amortizuar si kulluese makaronash. Ndaj kemi futur një teknologji të re edhe në tubacione, dhe teksa flasim po bëjmë tre investime”.

Gjithashtu krybashkiaku Veliaj premtoi se do të angazhohet për të ngushtuar hendekun mes fshatit dhe qytetit. Puna do të nisë nga përmirësimi i infrastrukturës dhe ofrimi i shërbimeve./ABC News Albania 24/7

erion-veliaj-6.jpg
ad min22:02 | 24/06/2019

Kandidati socialist, Erion Veliaj i cili garon për një mandat të dytë për Bashkinë e Tiranës zhvilloi takim me banorët e njësisë nr. 9 ku foli për projektet e realizuara dhe ato që do realizohen në 4 vitet e ardhshme.

Kandidati socialist për Bashkinë e Tiranës, Erion Veliaj zhvilloi takim me banorët e njësisë 9 në kryeqytet ku foli për të gjitha projektet e realizuara gjatë mandatit të tij të parë

“Japim llogari me krenarinë më të madhe se çfarë kemi thënë e kemi bërë. Thamë që do ta bëjmë sheshin “Skënderbej” ku fillon njësia 9 dhe e bëmë. Thamë që do ta bëjmë unazën e vogël që përshkruan njësinë 9 dhe e bëmë. Thamë do bëjmë bulevardin e ri dhe e bëmë. Thamë do bëjmë kopshte dhe çerdhe dhe i bëmë”, tha ai.

Veliaj foli para banorëve të Njësisë 9 edhe për projektet e reja që do të realizohen sapo të marrë mandatin e ri si kryetar i bashkisë.

“Ne kemi vetëm një plan, ta bëjmë Tiranën, ta bëjmë Shqipërinë, ta bëjmë njësinë , të bëjmë çdo kopsht, çdo çerdhe, çdo ambulancë cilësore se do jetojmë këtu dhe nuk kemi një plan tjetër. Javën tjetër fillon puna për bulevardin “Zogu I” me të njëjtin cilësi si sheshi “Skënderbej” dhe bulevardi i ri”, tha Veliaj.

Veliaj u bëri thirrje qytetarëve të Tiranës që gjatë këtyre ditëve të mbetura para 30 Qershorit të vendosin për punën dhe për të çuar përpara projektet, të cilat janë favor të tyre./ABC News Albania 24/7

mazniku-1280x719.jpg
ad min20:00 | 01/06/2019

Nënkryetari i Bashkisë së Tiranës, Arbian Mazniku në një interviste për Abc News ka theksuar se Bashkia e Tiranës në katër vitet e para ka sjell një zhvillim të madh në kryeqytet, me projekte të rëndësishme që pritet të vijojnë dhe në katër vitet e ardhshme.

Ai theksoi se Tirana ka pasur një zhvillim ekonomik në vitin 2017 prej 8.5%

Sipas tij, do ishte e udhës që në garën për Bashkinë e Tiranës të merrte pjesë dhe opozita jashtë kuvendit, për të pasur një debat programor mbi ecurinë e kryeqytetit.

“Unë besoj që do të kishte qenë ideale të kishim pasur zgjedhje normale dhe një diskutim të mirëfilltë dhe të validohej axhenda në politike e partive në mënyrë korrekte. Pavarësisht garës, se si do jetë ajo, ne kemi një inventar të mirë të punës që është bërë në qytetin e Tiranës gjatë këtyre katër viteve, duke bërë një krahasim me katër vitet e mëparshme”, tha Mazniku.

“Qyteti ka marrë një hov zhvillimi të rëndësishëm gjatë këtyre katër viteve me një projekte shumë të rëndësishme, si “Pazari i Ri”, Sheshi “Skënderbe”, “Bulevardi i Ri”, ndërtimi i 15  shkolla të reja, 17 janë në ndërtim e sipër. Ka nisur punimi dhe ndërtimi e strukturimi i çdo lagje. Kemi bërë dy fushata të mëdha mbjellje dhe qyteti po lëviz me energji të re dhe sipas INSTAT, në vitin 2017 ekonomia e Tiranës është rritur me 8.5%, një rritje shumë e madhe ekonomisë së qytetit. Nëse në të gjithë vendin kemi rritje 3.9%- 4%, në Tiranë rritja ishte 8.5%”, nënvizoi Mazniku.

Sa i takon projekteve, ai shtoi se “janë një mori shumë e madhe punësh që janë në vijim dhe janë një seri projektesh që do nisin dhe do realizohen brenda katër viteve të ardhshme. Përshembull Piramida, ku nuk do të kemi thjesht një ristrukturim ndërtese, por do të kemi një ndërhyrje dhe një kthim të saj në një qendër të zhvillimit teknologjik për të rinj e fëmijë të moshës nga 12-18 vjeç, e cila synon të kthehet një pol i rëndësishëm të zhvillimi të qytetit, duke qenë një kryeqytet konkurruese. Të gjithë e dimë se në 50 vitet e ardhshme do kemi profesione të reja, që sot ende si dimë si do jenë dhe do lidhen totalisht me teknologjinë, robotikën dhe ne si qytet duhet të jemi avanguard në këtë drejtim”, tha Mazniku./abcnews.al

ERION-VELIAJ-NE-JAPONI.mpg_snapshot_00.08-1280x720.jpg
ad min14:02 | 20/12/2018

Kryebashkiaku i Tiranës, Erion Veliaj gjatë vizitës së tij në Japoni ka marrë mbështetjen e qeverisë japoneze për financimin e projektit të menaxhimit të ujërave të zeza, si dhe ka dhënë një lajm të mirë për shtetasit shqiptarë që shumë shpejt mund të lëvizin pa viza drejt Japonisë.

Në vijim të vizitës së tij në Japoni, kryebashkiaku i Tiranës, Erion Veliaj, zhvilloi një takim me kreun e Agjencisë Japoneze të Zhvillimit, nga i cili mori garancinë për financimin e projektit për kanalet e ujërave të zeza dhe sistemin e tyre në Tiranë.

Erion Veliaj, kryetar i Bashkisë Tiranë: “Agjencia Japoneze e Zhvillimit do të vazhdojë me financimin e projektit për kanalet e ujërave të zeza dhe sistemin e filtrimit të ujërave të zeza në Tiranë. Kemi pasur disa probleme me ish-administratën e Ministrisë së Transporteve, të cilat janë në rrugën e zgjidhjes, dhe për gjithë qytetarët e Tiranës lajmi i mirë është se projekti do të vazhdojë”.

Veliaj u takua edhe me Ministrin e Punëve të Jashtme të Japonisë me të cilin bisedoi edhe për lëvizjen e lirë ku shumë shpejt pritet edhe heqja e vizave për qytetarët shqiptarë.

“Më në fund kemi një Ambasadë si në Shqipëri, ashtu edhe në Japoni, do të thotë se marrëdhëniet e vendeve janë në një nivel akoma më të lartë. Një nga kërkesat tona ka qenë edhe heqja e vizave për qytetarët shqiptarë, e cila po vlerësohet”.

Gjatë vizitës në Japoni, Veliaj pati takim edhe me shtetasit shqiptarë që studiojnë dhe punojnë në Japoni, tregues ky i marrëdhënieve të mira mes vendeve./abcnews.al

damian-gjiknuri-ke.jpg
ad min15:59 | 20/06/2018

Shqipërisë i nevojitet mbështetja financiare e Komisionit Evropian që të realizojë objektivat në fushën e transportit. Të vetëm nuk mund t’ia dalim deklaroi ministri i Infrastrukturës dhe Energjisë, Damian Gjiknuri.

24 milionë euro do të shkojnë në fushën e transportit. Kjo shifër u bë publike në prezantimin e implementimit të Strategjisë Sektoriale të Transportit dhe Planin e saj të Veprimit 2016-2020.

Damian Gjiknuri: “Që ne të realizojmë të gjitha objektivat dhe standardet aty ku e kërkojmë duhet një mbështetje financiare nga Komisioni Europian. Dhe prandaj dhe unë e them kudo që integrimi në Bashkimin Europian dhe progresi në këtë drejtim nuk është vetëm forcimi i institucioneve, nuk është vetëm një demokraci më e mirë dhe funksionale por mbi të gjitha krijon dhe një akses  për vende si Shqipëria që të kenë mundësi të adresojnë fondet e konsoliduara të BE që janë gjithmonë mënyra më e lirë për të financuar shumë nga objektet tona”.

Ministri Gjiknuri tha se janë aktualisht disa projekte të financuar me mbështetjen e Bashkimit Evropian si ai i hekurudhës Tiranë-Durrës-Rinas që ka hyrë në një fazë të përzgjedhjes së kontraktorit. Gjithashtu edhe ndërtimi i dy bypass-eve të Fierit dhe Vlorës pas ngërçit ka kaluar në fazën e rizhvillimit të garës, e cila ndodhet në hapat e fundit për të rinisur punën.

Damian Gjiknuri: “Ne kemi marrë një mbështetje financiare nga Komisioni Europian siç është ndërlidhja me Greqinë dhe me Maqedoninë si dhe rehabilitimi i gjithë hekurudhës në drejtim të Hanit të Hotit, pra kjo bën që Shqipëria të bëhet pjesë e rrjetit hekurudhor ndërkombëtar. Mbështetje do të kemi edhe me investimet që do të ndodhin shumë shpejt në portin e Durrësit, përfshirë edhe thellimin, por edhe investimet e BERZH-it për zgjerimin e kalatave aty do të bëjë të mundur që të rriten kapacitetet përpunuese”.

Një nga përfitimet e mbështetjes buxhetore nga programet IPA është ai i asistencës teknike për rritjen e kapaciteve të Autoritetit Rrugor Shqiptar dhe Ministrisë së Infrastrukturës dhe Energjisë përsa i takon çështjeve të Partneritetit Publik-Privat./abcnews.al

RAMA-ME-TERMET-PECIN.mpg_snapshot_01.16-1280x720.jpg
ent ela15:07 | 22/05/2018

Kryeministri Edi Rama ka marrë falenderime e lëvdata nga kryebashkiaku i Tepelenës Tërmet Peci për investimet e realizuara deri më tani. Kreu i qeverisë i ka premtuar se me zhvillimin e agroturizmit, Tepelena do të shndrrohet në një destinacion turistik në katër stinët e vitit.

Dobësinë që ka për kryeministrin Edi Rama, kryebashkiaku i Tepelenës nuk e ka fshehur asnjëherë. Këtë nuk e tregon vetëm kjo pikturë në murin e palestrën e rikontstruktuar por e shpreh edhe me fjalë.

“Po ka burrë nëne që ka vënë dorë këtu je ti. Të na rrojë sa malet Kryeministri. 15 milionë euro investohen në Telenë me 70 vende pune, ky burri këtu i bën. I shprehim falenderimet tona zotit kryeministër që për mua është shoku kryeministër”.

Modesisht Kryeministri thotë se është i pafuqishëm ndaj dëshirës së tij për të shprehur lavde.

“I them 100 herë mos i tepëro por Tërmeti është i vendosur në këtë drejtim dhe në fund i del llogaria, i merr votat me ato fjalët që thotë për mua”.

Votat i mori bindshëm Tërmet Peçi edhe pse krahu tjetër politik u mundua ta denigronte me emrin që ka tha kreu i qeverisë.

Tërmeti e vetmja rrugë për Tepelenën. Për shumëkënd u përkthye si erdhi dita e qametit dhe shkatërrimi i Tepelenës”.

Shumë janë bërë për t’i thënë tepelenasve se jeta u ka ndryshuar pas investimeve të qeverisë. Por akoma më shumë duhet bërë tha kryeministri Edi Rama. Dhe e ka fjalën për zhvillimin e turizmit.

“Ku kalonte ndonjëherë turist në Tepelënë. Nuk e harroj kur Tërmeti më ka çuar mesazhin e parë, u shfaqën edhe disa suedezë më në fund përballë Ali Pashait.

Agroturizmi është mundësia e vetmë që t’i mbajë suedezet dhe të gjithë turistët në Tepelenë sipas kryeministrit Rama.

“Si t’i mbajmë një natë dy netë, tre dhe disa ditë, në mënyrë që paratë t’i shpenzojnë këtu. Ata që kanë infrastrukturë mikpritje të fitojnë duke u marrë paratë ëpr shërbimet që u japin”

Rrugën për të fituar para ia ka thënë kryebashkiakut e po I thotë edhe banorëve, veçanërisht emigrantëve.

“I kam thënë shokut Tërmet, boll u krenove me ato që ke bërë në qytet. Ngjitu nëpër male dhe bëni projekte me njerëzit që kanë shtëpi atje. Thirr njerëz nga Tepelena që kanë bërë para janë jashtë në Tiranë merren me biznes dhe ne do mbështesim projektet financiarisht. Do të japim para”.

Tepelena së shpejti do të ketë hotelin e parë. Me të përfunduar kryeministri deklaroi se do ta rezervojë për një mbledhje qeverie. Por deri atëherë do të ketë shtuar edhe një element që i mungon palestrës modern ku djersët shkojnë curk.

“Duhet shënuar atje edhe lojëra me dorë e sauna që do të thotë që do të vijë menjëherë projekti i ngrohje ftohjes”. /abcnews.al

RAMA-JEP-LLOGARI-NE-LEZHE-1280x720.jpg
ent ela13:24 | 08/05/2018

Nuk ka ndarje Veri-Jug për kryeministrin Edi Rama. Këtë ai e deklaroi në turin llogaridhënës në Lezhë ku i dha përgjigje zërave që thonë se investon më shumë në jug. Pjesa më e madhe e programit 1 miliard për rindërtim është nga Tirana e lart tha kreu i qeverisë.

Do të fillojë në Maj puna e nuk do të ndalet deri sa Rruga e Arbrit të jetë e përfunduar. Garancinë e dha vetë kryeministri Edi Rama.

“Do të fillojë dhe nuk do të ndalet puna deri në përfund të aksit që do ta bëjë Dibrën faktikisht zonë të integruar me kryeqytetin duke krijuar një akses me shpejtësi të lartë dhe që do të çelë potencial të madh dhe për zhvillimin e agroturizmit në gjithë atë krah që lidh Tiranën me Dibrën, ku ka bukuri përrallore”

Gjatë turit llogaridhënës në qarkun e Lezhës kreu i qeverisë tregoi ndryshimin që ka pësuar fokusi i qeverisë duke u përqendruar në ndërtimin e rrugëve .  Në qarkun e Lezhës Janë 31 investime në punë e sipër. Një ndërhyrje e vogël por e rëndësishme është aksi prej 3 km në plazhin e Shëngjinit. Tani është vetëm çështje vendimmarrje tha kryeministri Rama.

“Sepse së shpejti mbyllet edhe gara, por do vendosim nëse do fillojmë punën menjëherë apo do e lëmë pas sezonit për të mos krijuar kaos.

Po kështu dy projekte të tjera të rëndësishme për nga impakti ekonomik dhe social, projekti i autostradës Milot-Balldren me tunelin që do i japë fund një historie të pabesueshme ku rruga nacionale kalon në një kthesë qorre, ku duket sikur të gjitha makinat futen aty për atë shprehjen ‘mbaje shofer 1 minutë’ se kam punë dhe rruga Shëngjin-Velipojë. Ky projekt është një aks prioritar, potencial i jashtëzakonshëm për zhvillimin e turizmit. Krijon një lidhje të shpejtë mes këtyre dy pikave”.

Duke folur me gjuhën e afateve kryeministri tha se Rruga Milot-Balldren do të fillojë në fund të gushtit ose në fillim të shtatorit. Aksi strategjik Thumanë-Kashar do të bëjë të mundur që i gjithë komunikimi mes Lezhës, Shkodrës, Kukësit, Kosovës të jetë me standarde të tjera që do të thotë cilësi nga jugi në veri saktësoi kreu i qeverisë.

“Për të gjithë ata që bëjnë teorinë e tmerrshme të ndarjes me Veriun e Jugun dhe që përpiqen në mënyrë të vazhdueshme dhe shumë hileqare të na lënë ne atë faturën e një imazhi sikur jemi më pak të interesuar për Veriun ju them se pjesa më e madhe e programit 1 miliard për rindërtim është nga Tirana e lart”.

Zona nuk ka nevojë vetëm për infrastrukturë, por edhe  për një mbështetje të rëndësishme në zhvillimin rural. Prandaj për këtë vit qeveria ka miratuar fondin më të madh sipas kryeministrit të mbështetjes së fermerëve. Në mbështetje të zhvillimit të agroturizmit kreu qeverisë premtoi uljen e TVSH-së për hotelet me 4 dhe 5 yje. Turistët nuk do kursehen për të vizituar Lezhën edhe pas  ndërhyrjeve që do të bëhen në Memorialin e Skënderbeut.

 “Me ndërhyrjen për ripërtëritjen e plotë të memorialit të Skënderbeut do të plotësojmë një boshllëk, që është i papranueshëm dhe do t’i japim një tjetër atencion të rëndësishëm turistik qytetit, ku këtë vit pritet numri më i madh i turistëve në gjithë Shqipërinë. Janë 10 linja të reja fluturimesh që deri vjet nuk ishin të reja për Shqipërinë, pikërisht se ka një numër t madh turistësh. Kjo do të sjellë më shumë punësim, ekonomi dhe kontribut në forcimin e ekonomisë”. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono