probleme

MOTI-NE-GJIROKASTER-PROBLEMATIKA-1280x720.jpg
ent ela14:33 | 13/11/2019

Rikthimi i reshjeve të shiut ka rishfaqur probleme të mbartura prej vitesh në qytetin e Gjirokastrës. Banorët në një prej lagjeve në qendër të qytetit i bëjnë apel bashkisë të ndërhyjë në mënyrë të menjëhershme pasi prej 20 vitesh i është dashur që të bashkëjetojnë me baltën dhe mungesën e kanalizimeve.

E lenë në harresë prej 20 vitesh rruga “Zeman Haska” në lagjen “18 shtatori” në Gjirokastër vuan mungesën e investimeve. Mungesa e infrastrukturës rrugore, ndriçimit dhe kanalizimeve detyron rreth 100 familje në këtë zonë të përballen çdo ditë me baltën, por edhe erën e pakëndshme të ujërave të zeza. Banorët thonë se rruga është e pakalueshme, ndërsa mungon ndriçimi si dhe kanalizimet për ujërat e zeza dhe të bardha. Edhe pse janë drejtuar disa herë bashkisë ky problem nuk ka marrë zgjidhje.

Rikthimi I motit të keq  e bën më evidente mungesën e infrastrukturës në rrugën “Zeman Haska”, e vetmja në lagjen “18 shtatori” e parehabilituar. Në situata të tilla banorët detyrohen të ndërhyjnë vetë me për të pastruar rrugët por kjo nuk është zgjidhje përfundimtare. Sipas banorëve është e nevojshme të kryhet një investim i mirëfilltë që do t’i jepte fund problematikës së mbartur prej vitesh. Pushteti vendor ka premtuar se vitin e ardhshëm ndërtimi i rrugës do të jetë në fokus. /abcnews.al

reshjet-1280x686.jpg
ent ela18:05 | 04/11/2019

Reshjet e mëngjesit sollën problemet e para në Durrës, Vlorë dhe Gjirokastër. Në Lazarat përroi i Sopotit doli nga shtrati, ndërsa në Delvineë u shemb ura duke izoluar mbi 200 banorë. Në Durrës dhe Vlorë tragetet do ankorohen me vonesë.

Në disa rrugë të Durrësit  pati prani uji, ndërsa në zonat periferike situate u paraqit me problematike nga reshjet.

Vështirësi në lundrim patën edhe dy tragete e linjës Bari-Durrës të cilat pritet të ankorohen me disa orë vonesë për shkak të detit të dallgëzuar, ku forca arrin deti në 7 ballë.

Nga stuhitë përroi i Spototit në Lazarat doli nga shtrati.

Emergjencat civile dhe punonjës të bashkisë së Gjirokastrës u gjendën në terren për të normalizuar qarkullimin e automjeteve dhe këmbësorëve.

Ndërkohë liqeni i Viroit në Gjirokastër rrezikon të dalë në rrugën nacionale. Një situatë problematike u paraqit edhe në fshatin Vanë të Delvinës ku është shembur ura duke izoluar rreth 200 banorë.

Kjo urë prej vitesh ka qenë një problem për banorët e zonës.

Edhe në Vlorë është pezulluar udhëtimi i tragetit të linjës Vlorë -Brindisi për ditën e hënë. Trageti e ka të pamundur lundrimin për shkak të erës së fortë dhe fuqisë së madhe të detit, e cila shkon deri në 7 ballë.

Ai po qendron i ankoruar në portin e Brindisit deri në përmirësimin e kushteve atmosferike. Në zonën e Kurbinit u raportua për një problem vetëm në zonën e nënkalimit të autostradës në Fushë Mamurras.

Disa nga mjetet kanë ndryshuar drejtim ndërsa pjesa tjetër kanë kaluar me vështirësi. /abcnews.al

 

 

 

 

 

Dr.-Andrea-Palmieri.jpg
ad min12:52 | 14/10/2019

Dr. Andrea Palmieri, mjek ORL në Spitalin Amerikan 3, Tiranë, jep më shumë detaje për këtë patologji kaq të përhapur.

Simptomat

Jo gjithmonë devijimi krijon shqetësime, prandaj jo të gjithë e dinë që i kanë.

Në raste të tjera, pacientët i drejtohen mjekut për shkak të vështirësive në frymëmarrje, për shkak të skuqjes ose “Apnea e gjumit”.

Epitaksi (gjak nga hundët) dhe sinozit me ose pa sekrecione ose me ose pa dhimbje koke janë simptomat e tjera që e çojnë pacientin tek mjeku specialist.

Kini kujdes që të mos e teproni me ilaçet ose spray lirues. Përdorimi i këtyre medikamenteve mund të rrisë intensitetin e simptomave, të krijojë varësi dhe efekte anësore të rëndësishme.

Diagnostikimi

Vizita duhet të realizohet me endoskopi, e cila lejon të kuptojmë nëse ka sekrecione patologjike. Nëse është e nevojshme, për më shumë informacion duhet të kërkohet një torografi e kompjuterizuar mbi septumin, por edhe për sinuset paranazale.

Septoplastika kryhet me anestezi të përgjithshme, në mënyrë endoskopike pa ndryshime estetike të hundës, pa hematoma në fytyrë dhe zgjat më pak se një orë. Normalisht, për 2 ditë problemi zgjidhet dhe mund të riktheheni aktivitetit tuaj normal.

Pasi të jetë bërë diagnoza, mënyra e vetme për të zgjidhur problemin është drejtimi i septumit me ndërhyrje kirurgjikale.

Operacioni zgjat më pak se një orë, bëhet në endoskopi dhe me kirurgji mininvazive. 1 natë qëndrimi në spital, 1 ose 2 netë me tampon ose fasho nazale shumë të rehatshme dhe pa dhimbje. Nëse është e nevojshme gjatë operacionit, mund të hiqen polipet e hundës dhe sinoziti.

Shkalla e dhimbjes për një septoplastikë nga 0 në 10 është 2-3.

Kur këshillohet ndërhyrja?

Ndërhyrja këshillohet kur simptomat janë të përsëritura dhe shqetësuese, si psh;

  • Vështirësinëfrymëmarrje
  • Gërhitje –
  • “APNEA e gjumit”
  • Sinozit dhe Rinosinozit

Hunda, është vendimtare për funskionimin e duhur e të gjithë sistemit të frymëmarrjes. Ky organ, jo vetëm filtron, pastron, lagështon dhe ngroh ajrin në hyrje, ftoh dhe bën tharjen e ajrit që del.

Nëse nuk funksionon mirë për shkak të devijimit të septiumit nazal, shkaktohet një gjendje acarimi, e cila vazhdon dhe në një afat të shkurtër mund të krijojë probleme me frymëmarrjen dhe të ketë gjakrrjedhje nga hundët, ndërsa për një kohë të gjatë mund të çojë në hipertrofi të turbullt, sinozit, zhvillimin e polipinaleve dhe dhimbje koke. Për ti dhënë fund devijimit të septumit mund të çojë në gërhitje dhe Apnea të gjumit.

Septumi nazal mund të jetë i devijuar që në lindje ose gjatë zhvillimit të fytyrës,por mund të shkaktohet edhe pas një traume, shpjegon Dr. Andrea Palmieri.

Edhe plakja luan një rol të rëndësishëm, me kalimin e viteve çrregullimet e frymëmarrjes bëhen serioze. Problemi konsiston në një devijim të shtresës së hollë (e përbërë nga kocka dhe kërce) midis 2 zgavrave të hundës, kjo zhvendosje kufizon kanalin në njërën anë dhe zvogëlon rrjedhën e ajrit dhe kompromenton funksionimin e të gjithë hundës.

Të mos ngatërrohet me Rinoplastikë për qëllime estetike.

Shumë pacientë përfitojnë nga korrigjimi i septumit nazal për të rimodeluar pamjen e jashtme të hundës.Septoplastika (funksionale) duhet të dallohet nga Rinoplastika (estetike).
Sidoqoftë, rreth 70% e ndërhyrjeve të Rinoplastikës estetike ka nevojë të korrigjojë septumin nazal. Rinoplastika estetike është një operacion i rëndësishëm, i cili nëse mund të kryhet nga kirurgë pa përvojë, mund të çojë në probleme serioze estetike të fytyrës dhe funksionale për frymëmarrjen. Ndërhyrja zgjat rreth 2 orë, dhe duhen pak muaj për të stabilizuar hundën.

Junker-Johnson-1280x720.jpg
nev ila22:12 | 02/10/2019

Qeveria britanike ka zbardhur detajet e planit për Breksit, që përfshin edhe zgjidhjen e çështjes së kufirit irlandez.

Pasi është njohur me të, presidenti i Komisionit Europian, Zhan Klod Junker ka deklaruar se dokumenti përmban ende problematika që duhen zgjidhur.

Qeveria britanike i dorëzoi të mërkurën Bashkimit Europian propozimet për Breksit, mes të cilave edhe plani për zëvendësimin e kufirit irlandez.

Plani, i parashtruar në një dokument me 7 faqe, parashikon që Irlanda e Veriut të vijojë qëndrimin në tregun e përbashkët europian, por jo në unionin doganor.

Gjithashtu, në dokument saktësohet se kontrollet doganore duhet të jenë të decentralizuara në të dyja anët e kufirit irlandez, përmes një numri të vogël zyrash të vendosura pranë depozitave të mallrave ose pikave të ngarkim-shkarkimit, por pa barriera fizike.

Në reagimin e tij ndaj propozimeve, presidenti i Komisionit Europian, Zhan Klod Junker deklaroi se plani ka ende pika të kontestuara sa i takon çështjes së kufirit irlandez.

Megjithatë, gjatë një bisede të zhvilluar me kryeministrin britanik, Junker vlerësoi gatishmërinë e Boris Xhonson për të vijuar bisedimet me qëllim progresin drejt një marrëveshjeje përfundimtare.

Ndërkohë, që të jetë aktiv plani duhet të miratohet edhe nga Parlamenti i Irlandës së Veriut, fillimisht për një aprovim paraprak dhe më pas çdo 4 vjet që ai të mbetet në fuqi.

Kryeministri Leo Varadkar tha se propozimi i ri nuk i përmbush tërësisht objektivat që kanë të bëjnë me: vijimin e qëndrimit në tregun e përbashkët europian; ruajtjen e paqes në Irlandën e Veriut; dhe bashkëpunimin ekonomik me Republikën e Irlandës./ABC News Albania 24/7

makina-volsvagen-1280x721.jpg
nev ila18:02 | 30/09/2019

Ka nisur në Gjermani procesi më i madh gjyqësor ndaj kompanisë prestigjoze të automjeteve “WOLKSVAGEN”, pas padisë që qindra mijëra pronarë makinash i bënë grupit, për shkak të mashtrimit me emetimet.

Në Gjermani ka nisur të hënën procedimi më i madh ndaj grupit ikonë të automjeteve “Wolkswagen”, pas padisë që 450 mijë posedues makinash të kësaj marke i bënë kompanisë.

Ata pretendojnë se meritojnë dëmshpërblim pasi u janë shitur makina të bazuara në të dhëna të manipuluara mbi emetimet e gazit.

Skandali i ka kushtuar tashmë kompanisë 30 miliardë dollarë.

Ajo përballet me akuza të tilla edhe në Shtetet e Bashkuara dhe Australi, por kjo është hera e parë që vetë gjermanët po përndjekin grupin në bazë të një ligji që u ndryshua posaçërisht vitin e kaluar.

Ky proces gjyqësor pritet të hedhë dritë mbi pikat e reja të ligjit dhe mbi pretendimet e paditësve, të cilët nëse do të kenë sukses do të mund të marrin dëmshpërblimin.

Sidoqoftë, gjyqi ka gjasa të zgjasë disa vjet.

Për të lehtësuar pozitat, “Volkswagen” ka rënë dakord deri tani të pranojë kthimin e 500 mijë automjeteve në Shtetet e Bashkuara, ku ka pranuar të paguajë më shumë se 25 miliardë dollarë.

Ndërsa në Australi, grupi do të paguajë 127 milionë dollarë australianë për të kompensuar pronarët, duke paguar 1 mij e 400 dollarë për makinë.

Javën e kaluar tre drejtues dhe ish-drejtues ekzekutivë të “Volkswagen” u akuzuan pëpr manipulim të tregut në lidhje me skandalin e emetimeve të karburanteve disel.

Ndërsa në 2015-n, firma pranoi se kishte përdorur një softuer ilegal për të manipuluar testet e çlirimit të gazrave./ABC News Albania 24/7

fatmir-meneri.jpg
ad min16:33 | 30/09/2019

Tirana ka probleme psikologjik dhe dobësi në mbrojtje. Kjo është analiza e gazetarit sportiv, Fatmir Mëneri pas derbit të kryeqytetit të fituar nga Partizani.

Thuhet se është e lehtë të jesh trim pas lufte, por analizat gjithnjë duhen bërë. Aq më tepër pas një ndeshjeje derbi, ku Tirana mori një tjetër goditje të fortë, ndërsa Partizani i dha vetes shans për reagim. Gazetari sportiv Fatmir Mëneri, duke folur për Abc News-in gjykon se bardheblutë patën një minus të madh.

“Veç elementit teknik më duket se janë në lojë edhe faktorët psikologjikë. Duket sikur ka një ngërç të dukshëm psikologjik. Pavarësisht atmosferës së dukshme në vigjilje të ndeshjes, ajo që u manifestua në fushën e lojës ishte pikërisht kjo brishtësi”, tha Mëneri.

Mëneri sheh edhe një problemin tjetër kryesor tek Tirana. “Në tërësi të aspektit mbrojtës të gjithë skuadrës. Pavarësisht lëvizjes që ndonjëherë lëvizjet janë të sforcuara nuk mund të bësh eksperimentet në derbi”, tha Mëneri.

Partizani fitoi, por a mund të themi se është rikthyer, dhe se trajneri Lerda e ka ekipin me vete.

Them që nuk duhet të nisemi me një ndeshje. Një nga defektet më të mëdha të këtij kampionati është paqëndrueshmëria në lojë dhe rezultate e skuadrave. Gjykoj që skuadra me Tiranën ishte më mirë vendosur në fushën e lojës”, tha Mëneri.

Përtej atyre që quhen pretendentë kryesorë, Superliga ka protagonistë të rinj si Bylisi, Vllaznia apo Teuta./ABC News Albania 24/7

pallati-demtime.jpg
ad min15:20 | 24/09/2019

Një pallati në Durrës të dëmtuar nga tërmeti policia i ka vënë shiritin bllokues dhe aty nuk do të lejohen të futen banore derisa të kryhen ndërhyrjet e plota. Disa familje kanë shkuar tek të afërmit e tyre, ndërsa të tjerë janë strehuar në kovalishencë.  

Shiritat e vendosur në këtë pallat shumëkatësh në zonën e plazhit në Durrës, tregojnë se objekti është i pabanueshëm përkohësisht. Dëmet e shkaktuara nga tërmeti në strukturë cilësohen të mëdha. Banorët e tij janë larguar tek të afërmit apo edhe në ambientet e tjera të vendosura nga autoritet në shërbim të tyre siç është Kovalishenca.

Në ambientet e saj më të sigurta janë strehuar 95 banore gjithsej. Pasi edhe kjo e fundit ka pësuar disa dëmtime dhe plasaritje gjatë rënies së tërmetit. Janë kryesisht banorë të fshatrave të Durrësit që banojnë në shtëpi të vjetra dhe që i kanë braktisur deri në vlerësimin e rrezikut nga autoritetet.

Procesi i verifikimit për konstatimin e dëmeve të tërmetit të 21 Shtatorit vazhdon. Grupet e emergjencave civile janë në terren. Një ditë më parë, Këshilli Bashkiak i Durrësit miratoi fondin 10 milionë lekë në ndihmë të banorëve të prekur nga tërmeti, fond i cili duket shume i vogël krahasuar me dëmet e shkaktuara./ABC News Albania 24/7

probleme-ne-uren-e-drinit.jpg
ad min15:08 | 24/09/2019

Reshjet e shiut kanë rënë me intensitet të lartë në Kukës dhe probleme ka patur në Rrugën e Kombit. Ndërkohë prurjet e lumenjve kanë qenë të pakta dhe nuk kanë ndikuar fare në nivelin e liqenit të Fierzës.

Në urën e lumit Drin në Rrugën e Kombit mjetet kanë lëvizur me vështirësi. Punimet për riparimin e saj, të cilat nisën vetëm disa ditë më parë, u dëmtuan nga reshjet e forta.

Inerte dhe mbetje të tjera ishin prezente. Uji mbuloi gjithçka në këtë segment rruge edhe elementet metalike të urës. Mjetet e kompanisë sipërmarrëse po punojnë për të shmangur avaritë e mundshme.

Ndërkohë bllokime të turbinave dhe kanaleve kulluese janë vënë re në qytetin e Kukësit, kryesisht në vendgrumbullimet pranë kolektorit kryesor të ujërave të bardha dhe në rrugët e brendshme të lagjeve.

Por reshje nuk ka patur në zonat malore të Kukësit. Prurjet e lumenjve që furnizojnë Fierzën kanë qenë normale dhe të papërfillshme.

Liqeni i Fierzës vijon të ruajë kuotat minimale prej 278 metra me prurje që nuk i kalojnë 80 metër kub ujë në sekondë, por kjo mbetet në varësi të intensitetit të reshjeve në vijimësi./ABC News albania 24/7

rruga-ku-bien-shkembinjte-1.jpg
ad min11:14 | 24/09/2019

Reshjet me erë të fortë gjatë natës kanë shkaktuar probleme në shumë zona të vendit. Në rrugën e Torovicës nga mali kanë rënë shkëmbinj, por për fat nuk ka patur dëme në njerëz.

Njëri pas tjetrit tre shkëmbinj të mëdhenj përfunduan në rrugën Lezhë-Torovicë. Gurë të vegjël vazhdojnë të rrëshqasin nga mali. Reshjet e shiut shoqëruar me erë të fortë kanë rikthyer fenomenin në malin e Torovicës. Përmasat e gurëve janë të mëdha dhe kanë afruar panik për shoferët.

Banorët të frikësuar kërkojnë të ndërhyhet sa më shpejt. Por askush nuk beson se në kohë reshjesh gurët do mungojnë.

“Duhet ta shikojë mjedisi, shteti këtë punë. Problemet janë tek populli. Populli është i frikësuar për këtë rrugë”.

“Do bien të tjerë sipas shirave, kohës”.

“Kemi frikë, por këtë rrugë kemi”.

“Ishalla s’po bie tërmet”.

Tre viktima u regjistruan kohë më parë në këtë rrugë. Një shtëpi u godit por fatmirësisht anëtarët e familjes shpëtuan mrekullisht.

Emergjencat civile kanë hartuar një plan ndërhyrjeje sëbashku me forcat xheniere të ushtrisë, por zbatimi i tij ende nuk është kryer. Ndërsa nisi sezoni i shirave, për banoret e Torovicës ka nisur edhe sezoni i rënies së gurëve./ABC News Albania 24/7

azil.jpg
ent ela08:30 | 20/09/2019

Psikologët gjermanë kanë biseduar me refugjatët që qëndrojnë në qendrat e pritjes në Lajpcig, Gjermani. Më shumë se gjysma e tyre shfaq shenja të destabilizimit psikik.

Në një pyetësor shkencor të zhvilluar në një qendër pritjeje të azilantëve në Lajpcig, më shumë se 50% e azilkërkuesve kanë shfaqur probleme psikike. Një e treta e të anketuarve ka treguar shenja të shqetësimeve posttraumatike, një pjesë tjetër ka raportuar për simptoma si rrahje të shtuara të zemrës, shenja paniku,e të tjera bëri të ditur Universiteti i Lajpcigut.

Nevojë për trajtime të shpejta

Po ashtu tek shumë azilkërkues vërehen edhe shenjat e depresionit. Për studimin e Universitetit të Lajpcigut janë anketuar nga maji i vitit 2017 deri deri në qershor të këtij viti, 569 persona madhorë nga më shumë se 30 vende të botës. Anketimi u zhvillua me gjysmën e tyre brenda javës së parë të mbërritjes në qendrën e pritjes. Sipas studiuesve ky është një reflektim i situatës momentale menjëherë pas mbërritjes së azilkërkuesve.

Sipas psikologëve mund të ndodhë që ata të shfaqin probleme të tjera psikike, por ka edhe nga ata që në një ambient të qetë e të sigurtë arrijnë madje t’i tejkalojnë problemet me shëndetin mendor. Studiuesit i shohin këto rezultate të studimit si shenjë të rëndimit psikik për shumë azilantë. Sipas tyre pa një trajtim të shpejtë dhe të orientuar nga nevojat e tyre, rreziku i një përkeqësimi të shëndetit mendor tek kjo kategori është shumë i lartë./DW


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono