prizreni

dehari.jpg
ad min14:03 | 24/10/2019

Janë publikuar konkluzionet e hetimeve të pavarura të një instituti zviceran lidhur me rrethanat e vdekjes së aktivistit të Vetëvendosjes Astrit Dehari në burgun e Prizrenit. Sipas hetimeve dyshimet janë se Dehari është vrarë.

Familja Dehari qysh në mëngjes ja kishin mësyrë prokurorisë Themelore të Prizrenit për të marrë raportin e pavarur të institutit zviceran i cili sqaronte rrethanat e vdekjes së Astrit Deharit rreth tri vjet më parë.

Ky institut në raportin e dërguar në prokurori ka rekomanduar hapjen e hetimeve për rastin Dehari pasi që dyshimet kanë të bëjnë me vrasje e jo vetëvrasje si ishte cilësuar ky rast. Sipas raportit intervenimi i një personi të tretë në këtë proces fatal duhet të kihet parasysh.

Prokuroria Themelore e Prizrenit nëpërmjet një komunikate për media ka bërë të ditur se bazuar në të gjeturat e raportit zvicerran do të vazhdojë me hetimin e këtij rasti dhe do ti ndërmarrë të gjitha veprimet e nevojshme.

Astrit Dehari aktivist i Vetëvendosjes u raportua të jetë gjetur i vdekur në burgun e Prizrenit më 5 Nëntor të vitit 2016, dhe dyshimet e para sipas hetuesve kishin të bënin me vetëvrasje. Ai ndodhej në paraburgim pasi akuzohej për sulm me mjet shpërthyes në parlamentin e Kosovës.

Ndonëse familja Dehari dhe Lëvizja Vetëvendosje kundërshtonin dhe gjithnjë flisnin për një vrasje pas rreth dy javësh prokuroria Themelore e Prizrenit publikoi raportin e autopsisë në bazë të së cilit konkludonin se Dehari ka vdekur nga asfiksia si pasojë e dëmtimeve të vetëshkaktuara.

Por familja asnjëherë nuk e pranoi këtë raport si të vërtetë dhe kërkoi hetime të pavarura dhe me iniciativë të Ministrisë së Drejtësisë këto hetime iu besuan një institute të Zvicrës./ABC News Albania

filigrani-1280x721.jpg
nev ila19:30 | 12/08/2019

Prizreni, përveç se historik është edhe një qytet ku arti i filigranit me fije ari dhe argjendi mbijeton ende. Atje, një grup i vogël artizanësh punon me përkushtim për të mbajtur gjallë traditën.

Prizreni është një prej qyteteve më të vjetra, ndërsa quhet edhe “qytet muze” i Kosovës.

Prej shekujsh qyteti i Prizrenit njihet për traditën e stolive të filigranit të punuara prej ari dhe argjendi.

Një grup i vogël artizanësh po përpiqen të mbajnë gjallë një traditë shekullore të bizhuterive të filigranit.

Periudha me shitjet më të mëdha është pragu i verës kur sezoni i dasmave arrin kulmin.

Për këtë zanat duhet durim dhe përkushtim i madh.

Lushaj dhe të gjithë filigranistët e Prizrenit dikur janë shkolluar për këtë zanat, ndërsa tash po mundohen të mbajnë kurse për të rinjtë për të mos u shuar kjo traditë.

Nuk mungon interesimi i të huajve që vizitojnë këtë qytet./ABC News Albania 24/7

37_Prizreni_-_Xhamia_e_Sinan_Pashës_-_The_Sinan_Pasha_Moscue.jpg
ent ela08:43 | 04/10/2018

Në sheshin Shatërvan të Prizrenit, sot nw orwn 16:30 me një ceremoni  do t’u jepet lamtumira ushtarëve gjermanë të KFOR-it që për 19 vite shërbyen në qytetin e Prizrenit.

Për ta shënuar këtë ditë në Kosovë do të qëndrojnë  Sekretarja Parlamentare e Shtetit në Ministrinë Federale për Bashkëpunim Ekonomik dhe Zhvillim, Maria Flachsbarth, dhe Sekretari Parlamentar i Shtetit në Ministrinë Federale të Mbrojtjes, Thomas Silberhorn.

Gjatë vizitës së tyre, sekretarët parlamentarë do të takojnë Kryeministrin e Kosovës, Ramush Haradinaj dhe Ministrin e Financave, Bedri Hamza.

Në Kampin Fushor gjerman në Prizren nga ora 15:15 mbahet një shëtitje nëpër Kampin Fushor. Kurse, pas  orës 18:00, në selinë e kryetarit të komunës së Prizrenit, Mytaher Haskuka, organizohet një pritje për mysafirë, në të cilën do të marrin pjesë përfaqësues të lartë nga politika gjermane dhe ambasdori i Republikës Federale të Gjermanisë në Republikën e Kosovës, Christian Heldt, si dhe kryeministri i Kosovës, Ramush Haradinaj. /klan kosova

 

 

vlcsnap-error135-2-1280x720.jpg
ad min12:14 | 20/11/2017

Një ditë më parë fituesit në zgjedhjet vendore në Kosovë kanë festuar rezultatet ku në Prushtinë dhe në Prizren të marra nga Vetëvendosje rezultati ka qenë shumë i ngushtë. Por të dyja këto qytete tashmë presin dhe numërimin e votave me kusht të cilat duke pasur parasysh diferencën e vogël në vota mes kandidatëve, mund të jenë vendimtare.

Zgjedhjet për balotazh të dielën, në 20 komuna të Kosovës, sollën surpriza. Rezultatet e përfunduara paraprake nga KQZ tregojnë se komuna e Prishtinës dhe e Prizrenit mund të ndryshojnë rezultatin, edhe pse në Prishtinë kandidati i VV-së, Shpend Ahmeti, ka fituar ndaj Arban Abrashit me një diferencë të vogël votash, 307 të tilla. Ndërsa Ahmeti ka festuar në mbrëmje në Prishtinë, duke e shpallur të konfirmuar zgjedhjen, Lidhja Demokratike e Kosovës thotë se do të jenë fitues në Komunën e Prishtinës duke llogaritur në votat me kusht dhe ato me postë. Sipas deputetit të kësaj partie, Lumir Abdixhiku, Shpend Ahmeti i VV-së ka marrë vetëm 188 vota më shumë se kandidati i kësaj partie, Arban Abrashi. Por, sipas Abdixhikut, janë edhe 1500 vota me kusht, të cilat ata janë të sigurt se do të nxjerrin fitues Abrashin. Sipas deputetit në të kaluarën votat me kusht gjithmonë kanë shkuar në favor të LDK-së.

Votat me kusht janë ato që i takojnë të burgosurve dhe të sëmurëve që e kanë të pamundur votimin fizikisht.

Befasi e zgjedhjeve është VV-ja në Prizren, ku kandidati i saj, Mytaher Haskuka, ka fituar për ta drejtuar Prizrenin me një diferencë të vogël të votave kundrejt kandidatit të PDK-së, Shaqir Totaj. Votat me kusht dhe ato me postë mund të ndryshojnë rezultatin. VV-ja ka fituar edhe Kamenicën, ku kandidati i kësaj partie, Qëndron Kastrati, ka mundur kandidatin e LDKsë, Shaip Surduli. AAK-ja ka dalë fituese e zgjedhjeve në disa komuna duke shënuar një rritje të ndjeshme të elektoratit.

Partia Demokratike e Kosovës konsiderohet humbësja më e madhe e zgjedhjeve me një rezultat që vlerësohet si më negativi në historinë e saj./abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono