Prishtinë

grenell-thaci-1280x704.jpg
nev ila15:46 | 09/10/2019

Kreu i shtetit të Kosovës Hashim Thaçi priti në presidencë të dërguarin special të presidentit amerikan Trump, për dialogun me Serbinë, Riçard Grenell. Ky i fundit po zhvillon takime të ndara dhe liderë të tjerë politikë në selinë e ambasadës amerikane në Prishtinë.

Menjëherë pas emërimit i dërguari special i presidentit amerikan Donald Trump, për bisedimet Kosovë-Serbi, Richard Grenell, ka qëndruar në Kosovë.

Ai ka takuar presidentin Hashim Thaçi me të cilin ka diskutuar për vazhdimin e dialogut  Prishtinë-Beograd.

Grenell po zhvillon takime të ndara edhe me liderët tjerë partiakë në objektin e ambasadës amerikane në Prishtinë.

Mësohet se nga Lidhja Demokratike e Kosovës në takim pos kryetarit të partisë ishte edhe kandidatja për kryeministre në zgjedhjet e 6 tetorit Vjosa Osmani.

Ambasadori amerikan në Gjermani, Richard Grenell, është emëruar nga presidenti, Donald Trump si i dërguar i administratës amerikane për dialogun Kosovë-Serbi

Ky vendim është vlerësuar si befasues, pasi Departamenti amerikan i Shtetit, në fund të gushtit, ka emëruar diplomatin Matthew Palmer të dërguar të posaçëm për Ballkanin, i cili është thënë se, mes tjerash, do të merret edhe me dialogun./ABC News Albania 24/7

ric-grenell.jpg
nev ila12:37 | 08/10/2019

I dërguari special i presidentin amerikan, Donald Trump, për ndërmjetësim në dialogun Kosovë – Serbi, Richard Grenell, do të vizitojë Kosovën këtë të enjte, më 10 tetor.

Grenell, që është ambasador i Shteteve të Bashkuara të Amerikës në Gjermani, ka marrë detyrën e re vetëm para dy javësh.

Trump e ka angazhuar atë në negociatat mes Kosovës e Serbisë. Grenell do të udhëtojë për në Prishtinë me avion ushtarak./ABC News Albania 24/7

zgjedhje-ne-kosove.jpg
Autor E12:03 | 07/10/2019

Komisioni Qendror Zgjedhor nuk ka përfunduar ende pasqyrimin e votave për Prishtinën.

Kjo komunë ka 247 vendvotime, ndërsa janë pasqyruar 244 prej tyre ose 98.79 për qind e totalit të votave.

Në bazë të numërimit të këtyre votave, deri më tani prin Lëvizja Vetëvendosje me 37.24 për qind, apo 37 mijë e 229 qytetarë i kanë dhënë votën LVV-së deri më tani.

Të dhënat e fundit sipas KQZ për Prishtinën

E dyta deri më tani radhitet Lidhja Demokratike e Kosovës me 32.50 për qind, apo 32 mijë e 500 qytetarë e kanë votuar këtë parti.

Në vendin e tretë radhitet Partia Demokratike e Kosovës me 15.46 për qind, apo 15 mijë e 446 qytetarë kanë votuar për këtë parti.

Kurse koalicioni AAK-PSD deri më tani ka marrë 7.62 %, apo 7 mijë e 617 qytetarë e kanë votuar këtë subjekt. /abcnews.al/

ambasadori-kosovar-1280x720.jpg
ent ela10:37 | 05/10/2019

Në ditën e heshtjes zgjedhore në Kosovë, ambasadori i Shteteve të Bashkuara të Amerikës në Prishtinë ka publikuar një video në profilin në Facebook të ambasadës amerikane, një apel për qytetarët e Kosovës duke i ftuar të dalin në votime.

Ai u shpreh se në Kosovë, si dhe në SHBA secila votë vlen. “Secili zë ka rëndësi. Çfarëdo pikëpamje që keni, këdo që e mbështesni – më 6 tetor dilni dhe votoni. Për veten, për shtetin, për të ardhmen tuaj”, përfundon Kosnett apelin e tij. /ABC News Albania 24/7

G. P.15:43 | 27/09/2019

Bashkësia ndërkombëtare vijon të ushtrojë presion për rinisjen e dialogut Prishtinë-Beograd menjëherë pas zgjedhjeve në Kosovë. Ndërkohë, partitë politike po vazhdojnë fushatën ku po shpalosin edhe qëndrimin e tyre në këtë proces.

Partitë politike me agjenda të ngjeshura po vazhdojnë fushatën zgjedhore në Kosovë. Ato po shpalosin programin e tyre para elektoratit përfshirë edhe 1asjen e partive të tyre ndaj dialogut Prishtinë-Beograd.

Ndërkohë edhe Bashkësia Ndërkombëtare ka nisur presionet e saj që menjëherë pas zgjedhjeve të rinis dialogu i mbetur në gjysmë ndërmjet këtyre dy vendeve. SHBA-ja tashmë ka marrë rol kyç në rinisjen e dialogut derisa mbetet e paqartë se si do të jetë roli i Bashkimit Evropian në këtë dialog.

Megjithatë është raportuar se BE-ja sikurse SHBA-ja do të caktojë një të emëruar të posaçëm për dialogun. Ndërkohë presidenti i Francës Emmanuel Macron ka paralajmëruar se do të ketë rol aktiv në këtë dialog menjëherë pas zgjedhjeve në Kosovë.

Për analistin Milazim Krasniqi, kjo nënkupton që të gjitha palët e kanë marrë seriozisht çështjen e marrëveshjes finale Kosovë Serbi. Madje ai thotë se në këtë mënyrë ka gjasë të organizohet një konferencë ndërkombëtare për këtë çështje.

“Droja ime është që tashmë po krijohen premisat për organizimin e një konference të re ndërkombëtare për Kosovën ku do të jenë të përfshira, SHBA-ja, BE-ja Franca Gjermania dhe sipas të gjitha gjasave edhe Rusia”.

Por ajo që është e sigurtë sipas tij është që Kosovë menjëherë pas zgjedhjeve nuk do të humb kohë në krijimin e qeverisë së re, madje ai thotë se do te ketë një koalicion më të gjerë qeverisës. Dialogu Prishtinë Beograd është ndërprerë pas taksës që qeveria e Kosovës i ka vënë 100% produkteve serbe në nëntor të vitit të kaluar./ABC News Albania 24/7

palmer-haradinaj.jpg
G. P.15:40 | 26/09/2019

Kryeministri në detyrë i Kosovës Ramush Haradinaj ndodhet në Shtetet e Bashkuara të Amerikës. Ai u takua me zv/ndihmës sekretarin amerikan të shtetit Mattheë Palmer.

Kryeministri në detyrë Ramush Haradinaj thotë se ka marrë përkrahje nga SHBA-ja për dialog pa kushte me Serbinë. Në takimin që pati me zv/ndihmës sekretarin amerikan të Shtetit Matthew Palmer, i cili është ermëruar i dërguar posaçëm për Ballkanin, Haradinaj thotë se do të ketë kornizë të qartë për formatin dhe temat që do të bisedohen me Serbinë.

“Rikthimi në tavolinën e dialogut pa kushte dhe me afat dhe kornizë të qartë, për normalizimin e marrëdhënieve ndërmjet Kosovës dhe Serbisë, është rruga e vetme që dy shtetet i përafron me strukturat euro-atlantike. Caktimi i Zëvendësndihmës Sekretarit, Matthew Palmer, si i dërguari i posaçëm për këtë temë, nga Departamenti i Shtetit, është sinjal i mbështetjes së vazhdueshme për Kosovën nga ShBA-ja. Në takim me Palmer, në New York, theksova edhe njëherë se Kosova është e gatshme dhe e përkushtuar për marrëveshjen ligjërisht obligative, përfshi njohjen reciproke në kufijtë ekzistues”, ka shkruar Haradinaj në Facebook.

Një ditë më parë presidenti Hahsim Thaçi ka takuar ndihmës sekretarin amerikan të shtetit Philip Reeker. Gazetari Muhamet Hajrullahu thotë se këto takime tregojnë rolin kyç që do të ketë SHBA-ja në dialogun Prishtinë-Beograd.

Dialogu Prishtinë-Beograd është stopuar pas taksës 100% që qeveria e Kosovës i ka vënë produkteve serbe ndërsa SHBA-ja insiston që menjëherë pas krijimit të qeverisë së re të mos humbet kohë për rinisjen e dialogut./ABC News Albania 24/7

PRISHTINE-AMBASADORI-1280x720.jpg
ent ela22:20 | 13/09/2019

Ambasadori Amerikan në Prishtinë ka kritikuar përfshirjen e personave me të shkuar kriminale në listat e kandidatëve për deputetë, të hartuara nga partitë politike për zgjedhjet e 6 tetorit.

Ambasadori amerikan në Prishtinë, Filip Kosnet kritikoi të premten partitë politike për përfshirjen e personave që kanë probleme me ligjin në listat e kandidatëve për deputetë. Përmes një postimi në rrjetet sociale, Kosnet deklaroi se është absurde të pretendohet lufta kundër krimit dhe korrupsionit kur në lista ndodhen persona të tillë.

“Si mund ta marrin seriozisht qytetarët përkushtimin e shprehur nga partitë politike për sundimin e ligjit, kur në listat e shumë prej tyre ka individë me aktakuza në fuqi, me dënime për krime lufte, për korrupsion dhe me sanksione ndërkombëtare?”, u shpreh Kosnett. Shqetësimi i ngritur nga ambasadori përkon me atë të organizatave të shoqërisë civile.

Sipas Institutit të Kosovës për Drejtësi, të paktën 26 kandidatë për deputetë kanë aktakuza ose janë të dënuar për vepra të ndryshme penale, kryesisht për korrupsion. 25 subjekte politike janë regjistruar për të marrë pjesë në zgjedhjet e parakohshme të 6 tetorit. Në listat e tyre ndodhen mbi 1 mijë kandidatë që do të garojnë për t’u bërë pjesë e Parlamentit me 120 vende. Nga ana e tyre, partitë janë zotuar se kanë përzgjedhur kandidatë që do të qeverisin me duar të pastra. /ABC News Albania 24/7

masakra-ne-prishtine.jpg
G. P.19:28 | 05/09/2019

Një ngjarje e rëndë ndodhi pasditen e sotme në një lagje të Prishtinës. Një sherr mes dy familjeve ka përfunduar në përplasje me armë. Dy persona janë vrarë e dy të tjerë janë plagosur. Policia ka arrestuar dy persona.

Këto të shtëna me armë kanë ndodhur në qendër të Prishtinës sot rreth orës 16:00. Dyshohet se kësaj ngjarje i ka paraprirë një mosmarrëveshje në mes pronarëve të tokave në të cilat është ndërtuar një kompleks banesor.

Policia ka arrestuar dy persona. Ndërsa sipas mjekëve kujdestar, gjendja e të plagosurve të tjerë është e rëndë. Policia nuk ka dhënë detaje të tjera duke thënë se janë duke hetuar rastin./ABC News Albania 24/7

policia-e-kosoves.jpg
G. P.16:14 | 23/08/2019

Në Prishtinë, ka ndodhur një aksident i rëndë, ku një kamion i kompanisë së mbeturinave është përplasur me nëntë automjete. Sipas dëshmitarëve thuhet se shkaktari i këtij aksidenti ka qenë kamioni i pastrimit i kompanisë rajonale “Pastrimi”.

Dyshohet se kamionit nuk i ka funksionuar sistemi i frenimit, derisa zyrtarë të kompanisë Pastrimi thonë se servisi i makinave të tyre bëhet me rregull. Në aksident sipas policisë janë lënduar 3 persona, ndërsa janë përfshirë 9 vetura./ABC News Albania 24/7

SUNNY-HILL-PRISHTINE.mpg_snapshot_01.04-1280x720.jpg
ent ela13:20 | 27/07/2019

Në datat 2, 3 dhe 4 gusht do të mbahet në Prishtinë festivali më i madh ndërkombëtar i muzikës “Sunny Hill”. Në këtë sivjet do të performojnë edhe Calvin Harris, Miley Cyrus, Gashi e artistë të tjerë shqiptar e të huaj.

Emra të njohur të muzikës botërore dhe vendore do të performojnë në 3 netët e festivalit më të madh ndërkombëtar të muzikës në Kosovë, Suny Hill.

Festivali do të mbahet më 2, 3 dhe 4 gusht.

Ndonëse është vetëm edicioni i dytë i këtij festivali i cili organizohet nga babai i Dua Lipës, Dukagjin Lipa, interesimi për të blerë biletat të cilat tashmë janë online ka pothuaj nga e gjithë bota.

Qëllimi i këtij festivali është promovimi i Kosovës ndërsa është hera e fundit që mbahet në parkun e Gërmisë.

Gjithë artistët  që vinë në Festival qëllimi është që edhe ata të shohin  se çfarë rinie kreative kemi. Sunny Hill do të jetë ne rritje të përvitshme, dhe edhe në vitet e ardhshme do të kemi artistët më të mëdhenj në botë.

Vitin e kaluar, Sunny Hill Festival mblodhi rreth 50.000 njerëz për tri ditë dhe net radhazi pandërprerë.

Edicioni i parë i Sunny Hill Festival ka bërë bujë të madhe në mediat ndërkombëtare. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono