prezantim

femijet.jpg
G. P.22:49 | 05/12/2018

Nata e parë e edicionit të 20-të të “Këngës Magjike” startoi ndryshe nga herët e tjera. Pa një sigël hyrëse Ardit Gjebrea në gjysëm errësirë pyeti një vajzë për emrin dhe ditëlindjen që përkonte saktësisht me edicionin e parë të “Këngës Magjike”.

19 fëmijë dhe të rinj të lindur përkatësisht në datat dhe vitet kur është zhvilluar “Kënga Magjike” 1999- 2017 ishin të pranishëm në hapjen e edicionit të 20-të të festivalit.

Ardit Gjebrea në prezantimin që bëri për secilin prej tyre tregoi detaje apo risi që do të mbahen mend gjatë për 19 edicionet e kaluara.

“Do ju tregoj një histori. Kam këtu disa dëshmitarë që kombinimi i kodeve jetike të botës që ne e quajmë fat, bëjnë që ata të jenë dëshmitarë të kësaj historie”.

14 Tetor 1999 Në këtë ditë ka ardhur në jetë dhe “Kënga Magjike”. Në atë kohë nuk ekzistonte asnjë kompeticion tjetër veç Festivalit të Radio Televizionit Shqiptar dhe çfarë të krijonim, një garë këngësh apo një garë interpretimi artistësh? Si do ta kishte emrin? U mblodhëm 30 artistë dhe vendosëm të krijonim një festival alternativ në formë show. Emri, “Kënga Magjike”. Në vitin e parë dolëm Live, donim të tregonim “dhëmbët” që në fillim.

20 Shtator 2000 Kur lindi festivali i dytë i “Kënga Magjike” dhe viti i dytë ishte me gjysmat e këngëve Live, kush të donte do këndonte Live, kush nuk dëshironte, ishte me playback. E pranishme si kryetare e jurisë ka qenë Nexhmije Pagarusha.

 11 Tetor të vitit 2001, ishte dita e parë e vitit të tretë të “Kënga Magjike”, vlonin performancat ku lindi epoka e play back.

21 Nëntor 2002 “Kënga Magjike” mbushi 4 vjeç. Për herë të parë ishte një prezantuese e huaj dhe ajo ishte Natalia Estrada, e cila ishte prezantuese për 2 vite rresht.

22 Nëntor 2003 Një dashuri e re televizive lindi atë vit, dhe ishte Televizioni Klan dhe vijon dhe sot të jetë 15 vjeç.

21 Janar 2004 Për herë të parë “Kënga Magjike” u spostua në Prishtinë. Në natën finale vjen një telefonatë anonime, alarm për bombë. Binte borë dhe policia na ka nxjerrë të gjithëve dhe artistët jashtë, madje dhe me forcë. Artistët me rrobat e perfomancës u thanë se ftohti, 1 orë e gjysmë jashtë në borë dhe të gjithë thoshin se duhej anuluar festivali, por vendosëm për ta bërë.

11 Tetor 2005 Në natën e parë të “Këngës magjike” të gjithë u surprizuan nga skenografia e Bashkim Zait. Një ujëvarë binte gjatë gjithë kohës së festivalit 9 metra e lartë dhe 6 metra e gjërë.

17 Dhjetor 2006 Në natën finale këputa mish dhe pas skene kur dilja prej këtu ulërija nga dhimbjet, dhe kur dilja në skenë bëja sikur nuk kishte ndodhur asnjë gjë. Dhe tani nuk ka më pesha.

23 Nëntor 2007 Atë vit “Kënga Magjike” u transmetua për herë të parë në 6 televizione, e morën vesh të gjithë shqiptarët.

20 Nëntor 2008 Festivali ndryshoi tërësisht skenografinë, pasi e mori në dorë Gaetano Castelli dhe është edhe sot skenografi i “Këngës Magjike”.

19 Nëntor 2009 Votimet në “Kënga Magjike” kanë qenë të mbyllura dhe ishte viti i fundit.

18 Nëntor 2010 Në këtë vit “Kënga Magjike” filluan të deklaroheshin votat dhe nuk kishte më aleanca.

17 Nëntor 2011 Shqiptarët atë vit marroseshin pas “Gymyshit”, Songul Oden, e cila ishte prezantuese e atij viti dhe u përball me turmat.

8 Nëntor 2012 Atë vit “Kënga Magjike” u modernizua dhe mbushte 14 vjeç dhe atë vit dekori ndryshonte vazhdimisht.

22 Nëntor 2013 Atë vit prezantueset e festivalit “Kënga Magjike”, zgjidheshin në mënyrë të rastësishme.

11 Nëntor 2014 Në atë vit “Këngën Magjike” e “pushtuan” italianët. Ishte Anna Oxa,Pippo Baudo, Gaetano Castelli, etj.

3 Dhjetor 2015  Në atë vit “Kënga Magjike” mori kthesën e madhe, të gjithë artistët këndonin live.

7 Dhjetor 2016 Në atë vit u shtua kategoria “New Artist” dhe për këtë kategori duhet pune dhe mund.

6 Dhjetor 2017 Në këtë vit ishte nata e parë e festivalit të 19- të të “Kënga Magjike” dhe e veçanta ishte pjesëmarrja e këngëtarëve të huaj nga Italia dhe fituesi i New Artist ishte një shqiptar që erdhi nga Australi.

I fundit ishte një zotëri, i cili u bë baba për herë të dytë pikërisht sot (5 Dhjetor 2018). Vajza e tij quhet Ebi.

/tvklan.al

AHMETAJ-PER-PROJEKT-BUXHETIN-SINKRON.mpg_snapshot_00.22-1280x720.jpg
G. P.21:40 | 31/10/2018

Qeveria synon që me buxhetin e vitit që vjen të mbështesë rritjen ekonomike konsolidimin fiskal dhe krijimin e më shumë vendeve të punës. Ministri i Financave dhe Ekonomisë Arben Ahmetaj, e bëri të ditur ndërsa prezantoi projektbuxhetin e vitit 2019 përpara kryetarëve të grupeve paralamentare. Mësuesit, mjekët dhe infermierët do të përfitojnë rritje pagash prej 7%, ndërsa të punësuarit me nivel të mesëm pagash, sipas minsitrit Ahmetaj do të përfitojnë ulje të tatimit./abcnews.al

 

kosss.png
G. P.17:42 | 12/10/2018

Delegacioni serb dhe ai spanjoll kanë braktisur konferencën ndër parlamentare në Vjenë, pas prezantimit aty të Kosovës pa “Fussnote”. Konferenca i dedikohej politikave të jashtme dhe sigurisë së përbashkët të Bashkimit Europian.

Një delegacion i Komisionit Parlamentar serb për Çështje të Jashtme, është larguar në shenjë proteste nga konferenca e Vienës. Konferenca ndërparlamentare i dedikohej politikave të jashtme dhe sigurisë së përbashkët të Bashkimit Europian.

Delegacioni serb i drejtuar nga kryetari i komisionit, Zarko Obradoviç, u largua nga konferenca së bashku me delegacionin spanjoll për shkak të mënyrës së prezantimit  të Kosovës në këtë konferencë

Delegacioni serb dhe ai spanjoll protestuan se pse Prishtina u prezantua me një flamur dhe me emrin Kosovë pa “Fussnote”. Kjo e fundit shërben për të shpjeguar statusin aktual të vendit, sipas deklaratës për media të asamblesë kombëtare serbe.

Konferenca po zhvillohej gjatë presidencës gjashtë mujore të Austrisë në Këshillin e Bashkimit Europian.

Para konferencës, delegacioni serb kishte parë listën e pjesëmarrësve dhe kishte kërkuar që Prishtina të prezantohej në përputhje me marrëveshjen për përfaqësimin rajonal. Dhe delegacioni i Spanjës mbajti të njëjtin qëndrim

Por parlamenti i Austrisë, që është dhe organizatori i kësaj konference, nuk e pranoi kërkesën e dy delegacioneve.

Beogradi zyrtar reagoi duke thënë se parlamenti austriak nuk ka vepruar në përputhje me statusin e konferencës sipas të cilit bëhet e qartë se vetëm vendet kandidate për anëtarësimin në Bashkimin Europian, apo vendet anëtare të NATO-s mund të kenë statusin e vëzhguesit./abcnews.al

ronaldo.jpg
G. P.14:52 | 17/07/2018

Cristiano Ronaldo synon të bëjë histori edhe tek Juventusi. Ylli portugez dëshiron të mbetet sërish futbollisti më i mirë në botë.

Një tjetër fluturim i famshëm.

Nuk është një skuadër që kthehet nga Kupa e Botës, jo Franca apo Kroacia, por diçka tjetër, thuajse po kaq e rëndësishme.

Cristiano Ronaldo bëri udhëtimin drejt një epoke të re të madhe, ndoshta të fundit në karrierën e tij, për në Torino, tek Juventusi.

U prit mrekullisht, siç edhe e meriton, ndërsa u drejtua në klinikën mjekësore, ku kreu vizitat rutinë, por të domosdoshme shëndetësore.

Rutinë, jo vetëm sepse i kryen çdo futbollist, por sepse sforcimet duken modeste për një lojtar me një nivel të tillë fizik.

Nuk kaloi shumë dhe ish-ylli i Realit të Madridit, shkeli në Qendrën Sportive në Vinovo, ku u takua me trajnerin Masimiliano Allegri, si dhe me shokët e tij të ardhshëm.

Në sallën e konferencës për shtyp e prisnin gazetarë të shumtë, të mediave të shquara, nga shumë vende të botës.

Cristiano foli si përherë.

Cristiano Ronaldo: “Lojtarët e moshës sime zakonisht shkoj në Kinë apo në Katar, por unë nuk jam i tillë, megjithë respektin për kolegët. Unë jam ende i ri dhe dua të provoj sfida në jetën time. Për këtë arsye i jam shumë mirënjohës Juventusit, sepse ma dha këtë mundësi. Juventusi ishte i vetmi që më bëri propozimin e duhur, ndaj edhe pranova”.

Vëmendja e kampionit të Europës, me kombëtaren dhe klubet, tashmë është plotësisht tek Juventusi, dhe ambicia sërish maksimale.

Cristiano Ronaldo: “Nëntë vitet e mia tek Reali ishin të shkëlqyer, duke fituar gjithçka. Gjithsesi, tani duhet të mendoj për Juventusin dhe për karrierën time këtu. Dua që të tregoj se jam ende një lojtar i nivelit më të lartë, si përherë. Nuk është se duhet të tregoj se kush jam. Ju i dini statistikat e mia. Por unë jam shumë ambicioz, më pëlqejnë sfidat dhe ndoshta e fitoj sërish Topin e Artë, nëse gjërat shkojnë siç duhet”.

Tani fjala i mbetet fushës, aty ku Ronaldo nuk ka zhgënjyer kurrë, dhe ku shpreson të fitojë tituj të tjerë të mëdhenj kolektivë dhe individualë./abcnews.al

edi-rama-3-1280x658.jpg
G. P.21:02 | 12/03/2018

Kryeministri Edi Rama nuk stepet nga kundërshtimet e aktorëve. Teatri Kombëtar do të shembet dhe i riu do ndërtohet në të njëjtin vend përmes Partneritetit Publik Privat. Në një sallë të mbushur me aktorë u prezantua projekt-propozimi për teatrin, që Kryeministri tha se do të jetë pa kullë.

Teatri Kombëtar do të shembet dhe mbi gërmadhat e tij do të ndërtohet teatri i ri. Kryeministri Edi Rama e përsëriti disa herë gjatë prezantimit të projekt-propozimit, ku deklaroi se hapësira në dispozicion të tij do të trefishohet.

Edi Rama: “Ku salla kryesore, nga 480 vende që ka sot, do ketë 620 poltrona, ku krijohet dhe një sallë e re, e hapur, mbi Teatër, me mbi 100 vende dhe ku ka dhe dy salla të reja të tipit black box, me nga 100 vende secila”.

Një hapësirë e veçantë do t’i dedikohet atyre që kanë lënë gjurmë në teatër.

Edi Rama: “Kështu që, kush ka kaluar në atë histori dhe ka lënë gjurmën e pashlyeshme të yllit të vet, por nuk jeton më, do të jetojë aty si shëmbëlltyrë në hapësirën e përgatitur enkas. Ashtu sikundër, kush sot del e bën protesta që të mos prishet godina do duhet të mendojë se si të lërë yllin e vet aty, se godinës nuk ka absolutisht çfarë i bën më”.

Kryeministri tregoi se debatet për ndërtimin e teatrit i ka dëgjuar, por pa ndonjë vëmendje të veçantë dhe për këtë dha argumentin e tij.

Edi Rama: “Është i njëjti debat që përsëritet, vetëm se gjithmonë e më shumë mungojnë protagonistët e fillimit të debatit, pasi jeta bën të vetën dhe ndahen nga jeta e shfaqen të tjerë, që në ndryshim nga ata të parët nuk kanë as reputacionin dhe as hijen e tyre në historinë e Teatrit, por kërkojnë çuditërisht, të qëndrojnë në hijen e godinës së vjetër të Teatrit, e cila do shembet.”

Kryeministri e bëri këtë deklaratë në një sallë të mbushur me aktorë, ku nuk mungonin dhe nga ata që kanë rreth gjysmë shekulli në skenë si përshembull Robert Ndrenika.

Shefi i qeverisë deklaroi se nuk lëviz nga pozicioni i tij i vjetër dhe se ndërtimin e teatrit të ri do ta bëjë realitet përmes Partneritetit Publik Privat, ku qyteti do të fitojë teatrin, ndërsa kompania do të realizojë projektin e saj si pjesë integrale e qendrës së Tiranës.

Edi Rama: “Kompania nuk do vijë të bëjë Teatrin, edhe të shkojë në falimentim. Në pjesën tjetër do bëjë zhvillimet e veta, që do jenë pjesë integrale e zhvillimit të qendrës së re të kryeqytetit, për të cilën do flasë vetë arkitekti. Nuk është një Teatër me kullë, por nuk do ishte asnjë mëkat dhe po të ishte nën kullë. Teatrot e broadway-t janë të gjithë nën kulla, por, kur shkojnë njerëzit në teatër, nuk shohin kullën, shohin teatër.”

Projekti për teatrin është hartuar nga arkitekti i njohur, Biarke Ingels, dhe pas shqyrtimit të propozimit nga pikëpamja formale do të hartohet një projektligj i veçante që do të kërkojë miratimin në Parlament./abcnews.al

edi-rama-2-1280x728.jpg
G. P.17:44 | 12/03/2018

Pasditen e kësaj të hëne, Kryeministri, Edi Rama, ka prezantuar projektin për ndërtimin e Teatrit të ri Kombëtar.

Sipas kryeministrit, teatri do të jetë trefishi i këtij që është sot dhe do të përbëhet me një infrastrukurë që sot nuk ekziston.

“Jemi në kushtet, ku nuk kemi thjesht një teatër të ri, por do të jetë trefishi i këtij që do jetë sot dhe do të ketë një sistem të tërë infrastrukture përreth që sot nuk ekziston. Do të ketë hapësirën e yjeve, të shuar dhe të pashuar të historisë së Teatrit Kombëtar”, u shpreh Rama.

Kryeministri sqaroi dhe njëherë kundërshtuesit e projektit të ri të Teatrit Kombëtar, disa prej të cilëve ndodheshin në sallë.

“Godina do shëmbet dhe mbi gërmadhat e të shkuarës do ngrihet godina e re e Teatrit Kombëtar”, tha ai.

“Teatri është pjesë e një propozimi Partneritet Publik-Privat. Shteti dhe shqiptarët do përfitojnë ndërtimin e teatrit me një buxhet që Shqipëria nuk e bënte dot gati për 15 vjet bashku. Natyrisht sipërmarrësi nuk do vijë të bëjë teatrin dhe të shkojë në falimentim. Në pjesën tjetër do bëjë investim, që do jetë pjesë integrale e zhvillimit të qytetit”, u shpreh më tej Kryeministri, Edi Rama.

vlcsnap-error643-1280x720.jpg
G. P.14:40 | 11/02/2018

Ministri Klosi ka prezantuar strategjinë e zhvillimit të turizmit 2018-2020. Për të realizuar pritshmëritë në këtë sektor qeveria do t’i japë prioritet financimeve në agroturizëm.

Strategjia për Zhvillimin e Turizmit 2018-2020 ka nisur të prezantohet përmes një turi takimesh me përfaqësues të bashkive dhe operatorët në vend. I pranishëm në prezantimin e draftstrategjisë, Ministri i Turizmit dhe Mjedisit, Blendi Klosi, theksoi pritshmeritë nga ky sektor.
Kjo strategji ka të shkruar mënyrën e zhvillimit të turizmit përgjatë 12 muajve të vitit, ku industria turistike pritet të jetë dega kryesore e të ardhurave në ekonomi.
Por në nxitje të zhvillimit të këtij sektori, ministri Klosi u kërkoi bashkive të identifikojnë zonat turistike dhe fermat agroturistike, dhe t’i çojnë për aplikim pranë ministrisë për të marrë mbështetjen financiare që ofrohet nga qeveria.
Ministri Klosi tha se do të investohet për sinjalistikën turistike gjithashtu. Sipas tij, të gjitha këto do të çojnë në një rritje në masën 15-20 përqind të turizmit këtë vit, krahasuar me një vit më parë./abcnews.al

vlcsnap-error293-1280x720.jpg
us er19:05 | 08/01/2018

Filip Kutinjo është tepër i lumtur që është pjesë e Barcelonës. Braziliani premtoi spektakël e suksese, ndërsa u shpreh tepër i gëzuar që do të luajë në krah të Mesit apo Iniestës

Ishte vendosur në këtë hotel luksoz pas mbërritjes.

Në impiantin me 5 apo 7 yje, ishte Filip Kutinjo, lojtari i ri i Barcelonës dhe gjënë e parë që bëri ishte ndjekja e ndeshjes së La Ligës ndaj Levantes.
Braziliani, tashmë hapur tifoz i katalanasve, festoi për golat dhe u hidhërua për rastet e humbura, por përfundimisht gjithçka ishte e bukur.
Nuk mund të mos shijonte klasin e Lionel Mesit, të cilin tashmë nuk do ta ndjekë nga televizori apo si kundërshtar në fushë, por do ta ketë në krah.
Më pas udhëtimi i ëndrrave, sërish në luksin e një makine të shkëlqyer, drejt “Kamp Nout”.

Ishte mbrëmje vonë kur ish-ylli i Liverpulit, blerja e dytë më e shtrenjtë në botë, shkoi të prezantohej në selinë e klubit.
Më përpara fotografitë dhe filmimet përpara mediave, kamerave dhe fotoaparatëve.
Më pas në një ballkon, në tribunat e larta të stadiumit “Kamp Nou”, që do të jetë shtëpia e tij deri në vitin 2023.
Ja edhe intervista e parë, natyrisht për televizionin e klubit.

Filip Kutinjo: “Jam shumë i lumtur dhe gjithnjë kam thënë se është një ëndërr të jesh lojtar i Barcelonës. I kënaqur që do të kem mundësi të luaj futboll këtu dhe të luaj futboll duke buzëqeshur, të fitoj tituj dhe të bëj tifozët të lumtur. Këto janë objektivat e mia. Është vërtet e pabesueshme që unë do të jem pranë idhujve të mi, në krah të lojtarëve që kanë një histori kaq të madhe. Më pëlqejnë Mesi, Suarez, Iniesta, Pike, Buskets, të gjithë lojtarët e mëdhenj. Shpresoj që të mësoj prej tyre dhe të fitojmë së bashku”.

Vizita tjetër e detyrueshme ishte ajo në kabinetin e trofeve, në muzeumin e njërit prej klubeve më të mëdhenj të botës.
Aty kishte kupa nga më të shtrenjtat dhe të lavdishmet, momente historie si dhe qindra emra të shkëlqyer të Barcelonës ndër vite.
Në mes të firmave të dëgjuara, në bllokun e shënimeve do të ishin dhe fjalët si dhe nënshkrimi i Filip Kutinjos, 25-vjeçar, që lindi në 1992, pikërisht në vitin kur Barcelona fitoi Champions-in e parë.

Pjesë e përvojës së pakrahasueshme ishte edhe momenti kur vetë futbollisti stampoi emrin e tij në fanelat që do t’i veshë, por edhe që do të dalin në shitje për tifozët.
U desh të kalonte nata që mesfushori sulmues të prekte tapetin e “Kamp Nout” dhe të prezantohej tashmë me topin në këmbë.
Nuk pati 80 000 spektatorë në tribuna, siç ndodhi me Maradonën në Napoli apo Kristiano Ronaldon në Madrid, por gjithsesi askush nuk dyshon se Kutinjo do të jetë një sukses i madh.
Vështirë të jetë ndryshe një futbollist që kushtoi 160 milionë euro./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono