pressing

presin-dpot-1.jpg
Veronik Istrefaj23:51 | 20/01/2020

Ish-kapiteni i Kukësit, Rrahman Hallaçi, është i ftuar në emisionin “Pressing” në ABC News, aty ku foli për disa tema rreth Superiore. Në fjalën e tij, Hallaçi u shpreh:

FORCA E KUKËSIT – “Sigurisht që e ka forcën, sepse Kukësi po bën disa vite në nivele të larta të futbollit shqiptar. Kukësi nuk e përmend fjalën presion, ka pasur pak luhatje, por prapë në vend të parë. Kukësi asnjëherë nuk mund të ndjejë presion, pasi ka vite që qëndron në vend të parë dhe në vend të dytë”.

FLAMURTARI – “Flamurtari do të bie nga Kategoria? Nuk do të bie nga Kategoria, por prapë këtu do të rrijë? Mendimi im, më mirë bie nga Kategoria dhe kur të vish, të vish tamam”.

STOLI I KUKËSIT – “Kuptohet, diferencat mes formacionit dhe pankinës janë të mëdha. Duke parë lojtarët e formacionit, nuk janë njësoj lojtarët e pankinës. Te Kukësi, nëse afron një lojtar, fjala e parë është që do të jesh alternativë, në pankinë, pasi Kukësi është ekip i kompletuar. Lojtarët e pankinës duan më shumë punë që të zëvendësojnë lojtarët e formacionet”.

BUXHETI – “Kukësi, mesatarisht me buxhet 1 milion euro, normale që ke kërkesë llogarie. Musta e di, kur ka ardhur te Kukësi, për çfarë ka ardhur. Për të dalë kampion. Gjici ka investuar dhe normalisht që kërkon rezultate dhe trofe”./abcnews.al

emiljano-musta.jpg
Veronik Istrefaj23:25 | 20/01/2020

Futbollisti i Kukësit, Emiljano Musta, është i ftuar në emisionin Pressing, në ABC News. Musta e nisi fjalën e tij duke folur për presionin që ka Kukësi si kryesues i kampionatit, si dhe për disa tema tjera.

FORCA – “Natyrisht, presion ka, por Kukësi ka lojtarët e duhur për ta përballuar. E kemi treguar dhe në fushën e lojës që dimë ta përballojmë presionin dhe në shumë ndeshje kemi dalë me sukses”.

PROBLEMET – “Po dëgjoj që Kukësi ka probleme në prapavijë dhe është mposhtur nga gabime qesharake, por me gjithë respektin, nuk mendoj se është këtu. Kemi pësuar vetëm 13 gola, në Laç kemi humbur me një penallti. E vetmja ndeshja ku kemi merituar për të humbur, ishte në Ballsh. Për mendimin tim”.

MERKATO – “Me të vërtetë, Kukësi nuk ka bërë merkato. Por unë i njoh të gjithë lojtarët dhe shumë lojtarë mund të bëjnë shumë pozicione, Teqja, Ethemi, Musolli, Lulaj. Kemi dhe Limaj me Rrocën në mesfushë, që për mua janë më të mirët në Shqipëri. Tani, kur humbet 6-7 lojtarë, edhe Barcelona e ka të vështirë, jo më Kukësi”.

PRESIONI – “Profesori (Duro) do të na mbajë me këmbë në tokë, na ndihmon të ruajmë qetësinë. Por kështu është futbolli, pa presion nuk ka. Prandaj paguhen futbollistët”.

LUFTËTARI – “Është e vërtetë, shpeshherë ndeshjet e lehta në letër janë më të vështira. Ndaj ekipeve më të mëdha, lojtarët janë më të motivuar, ndërsa në këto ndeshje, janë sikur vendosemi në gjumë. Por duhet të jemi profesionistë dhe të marrim maksimumin të mërkurën”./abcnews.al

shpetimi-durua.jpg
Veronik Istrefaj23:10 | 20/01/2020

Trajneri i Kukësit, Shpëtim Duro, ka bërë një lidhje direkte me emisionin “Pressing”, aty ku ka folur për shumë tema rreth ekipit të tij.

KAMPIONATI – “Ky kampionat është shumë i ekuilibruar, shumë i paparashikueshëm. Ne jemi në situatë komode në aspektin e kualifikimit, por është gjysma e kampionatit. E mendojmë edhe më të vështirë gjysmën e dytë. Skuadra ka bërë mirë, por ka pasur oshilacione si të gjitha skuadrat e tjera”.

MERKATO – “Normalisht, unë nuk kam qenë ndonjëherë “partizan” i merkatos së janarit, pasi për shumë faktorë, është e kushtëzuar. Një nga faktorët kryesorë që nuk kam ndërhyrë, është se skuadra është e plotë dhe nuk e kam pasur të nevojshme. Doja që të vinte ndonjë futbollist që bën diferencën, ndryshe nuk ia vlen. Janë larguar dy futbollistë, Daku dhe Kitanovski, dhe deri në momentin e fundit, do të shohim për t’i zëvendësuar. Është afruar pas një dëmtimi të gjatë Krasniqi, që rrit konkurrencën në repartin e mbrojtjes”.

KUKËSI – “Nuk mund të them që Kukësi bën diferencën në këtë kampionat. Nuk ma lejon pozicioni, pasi është një garë e gjatë. Duhen respektuar të gjithë kundërshtarët, ka shumë kundërshtarë seriozë, siç janë Partizani, Tirana, por nuk dua të veçoj dhe skuadrat e tjera që po bëjnë shumë mirë, si Bylisi, Teuta apo Laçi. Është meritë e jona që jemi kampionë dimri, kjo është meritë e të gjithë strukturave të klubit, por e thashë se është gjysma e kampionatit dhe do të jetë edhe më e vështirë gjysma e dytë”.

Trajneri i Kukësit, Shpëtim Duro

GRUPI – “Tregues teknikë nuk të japin të drejtë ta bësh këtë pyetje, pasi Kukësi është një skuadër shumë e ekuilibruar. Është në dy skuadrat e para që ka shënuar më shumë gola, dhe është në dy skuadrat më të mira që kanë pësuar më pak gola. Gjysmën e golave e kemi pësuar me penallti. Në treguesit teknikë, jemi shumë mirë në të dy aspektet.

GAVAZAJ & ABAZAJ – “Ka shumë futbollistë si Abazaj dhe Gavazaj, që kanë qenë ardhjet më cilësore të merkatos së verës. Abazaj është aktivizuar në javën e katërt të kampionatit. Një futbollist jashtëzakonisht cilësor, por mungesa e fazës përgatitore kishte ndikimin e vet. Duket qartë se në 5-6 javët e fundit, në saj të profesionalizmit, ka arritur formë shumë të mirë. E njëjta situatë edhe me Gavazajn.

ALTERNATIVAT – “Përveç Shkurtajt, ka qenë nga java 5, 6, 7, që kemi pasur 7 mungesa. Kanë ndikuar në disa rezultate negative këto mungesa. Shkurtaj është ndër më të mirët në Shqipëri, golashënuesi më i mirë. Shpresoj të mos dëmtohet. Ka cilësi shumë të mira dhe e ka dëshmuar. Daku është larguar, djalë i ri, shumë i mirë. Por ai ka ardhur në huazim dhe donte minuta më shumë. Në mungesë të Shkurtajt, kam provuar Abazajn në qendër të sulmit. Unë kam mendimin se e bën shumë mirë edhe atë pozicion. Ndërsa Kitanovski luante në shumë pozicione, por Maliqi është një lojtar cilësor në krahun e djathtë të mbrojtjes”.

STADIUMI – “Nuk doja ta prekja këtë temë, por e dini shumë mirë sa minus i madh është të mos luash në fushën tënde. Kjo është meritë e Kukësit. Unë e mbaj mend që edhe Partizani ka luajtur para ca sezonesh në fushë asnjanëse. Por Partizani ka qenë i shoqëruar nga 700 deri në 1000 tifozë dhe nuk e ka ndjerë mungesën e tifozëve. Ne kur luajmë në Elbasan, nuk e kemi përkrahjen e tifozëve. Dua të komplimentoj çunat dhe skuadrën që kanë bërë maksimumin”.

TITULLI – “Nuk është fundi edhe po dolëm në vend të katërt. Është futboll, është garë, duhet respektuar garë. Çdo president i ekipeve kryesore futet për të fituar titullin. Kukësi ka luftuar për të dyja trofetë në sezonet e fundit. Unë e kam pasur të qartë që në fillim, duhen trofe te Kukësi. Kam bërë punën time profesionale bashkë me stafin tim, bashkë me futbollistët. Kemi pasur marrëdhënie të mira me drejtuesit e klubit, kur kemi pasur probleme, kam ditur t’i menaxhoj mirë. Të shohim në të ardhmen. Nuk kam asnjë lloj presioni, futbolli i tillë është”.

RIVALËT – “Partizani apo Tirana? Nuk dua të bëj diferencime. Patjetër që klasifikimi nuk ma lejon të bëj diferencime. Duhet respektuar Partizani si skuadër kampione në fuqi dhe të gjitha skuadrat që kanë të drejtën të luftojnë për titullin kampion. Nuk ia heqim dot të drejtën as Bylisit, as Tiranës, as Laçit”.

LUFTËTARI – “E përshëndes zotin Artur dhe besoj do të takohemi pasnesër në ndeshje. Absolutisht që nuk ka asnjë lloj nënvlerësimi, përkundrazi, skuadra është karikuar që në Antalya. Është një ndeshje shumë e rëndësishme për ne dhe duhet respektuar në maksimum Luftëtarin. Të mos harrojmë që para ca javësh, fituam edhe me Skënderbeun. Pavarësisht pozicionit, Skënderbeu ka futbollistë shumë cilësorë. Ndeshjen me Luftëtarin e vlerësojmë në maksimum”./abcnews.al

Lera-Shyti.jpg
Veronik Istrefaj11:43 | 17/01/2020

Mbrëmë, në emisionin Pressing në ABC News, u zgjodh tema e diskutimit për ligjin e munguar të Paketës së Sportit. Të ftuarit në studio kishin mundësinë të debatonin me Niko Lerën, drejtorin e përgjithshëm të politikave fiskale në Ministrinë e Financave. Koço Kokëdhima, presidenti i Apolonisë, bëri një debat të gjatë me Lerën, si dhe drejtori i përgjithshëm i Teutës, Artan Shyti. Ky i fundit i bëri dy pyetje Lerës, duke i kërkuar llogari për uljen e buxhetit nga 3.34 miliard lekë, në 790 milion.

SHYTI – “Kam qenë në pozicion në Ministrinë e Sportit në ato vitet që po flasim. E di të sigurt, në 2005, sporti ka pasur 3.34 miliardë lekë të vjetra në vit buxhet në Ministrinë e Sportit në atë kohë. Pse sot ka 790 milion lekë të vjetra? Pyetja e dytë është kjo: Ne jemi njerëz të sportit dhe kam këtë pyetje. Me gjej një fushë tjetër të jetës ekonomike, shoqëror në Shqipëri, që nga 2005, deri në 2020, është vetëm 30%. Çdo fushë tjetër është shtuar, arsimi, shëndetësia, mbrojtja, të gjitha, janë shtuar. Pse sporti është sa 30% e 2005-ës? Më gjej një tjetër që është 30% e 2005-ës! Si shpjegohet, Kosova është më e pasur se ne që e ka buxhetin 11 milion euro?

LERA – “Sepse Qeveria ka dhe prioritete të tjera. E dini ju se 20 miliard lekë janë alokuar për rindërtimin? E dini ju sa rritet financimi për sigurimet shoqërore dhe shëndetësore për një vit në Shqipëri? Unë nuk jam specialist i ndarjes së buxhetit, as specialist i Ministrisë së Sporteve të dhe Arsimit që të shpjegoj pse është ulur buxheti i sportit dhe pse është rritur buxheti i arsimit. Qeveria apo Qeveritë, në vitet e ndryshme, në periudha të ndryshme, kanë prioritete të ndryshme. Natyrisht që jam plotësisht me ju, që sporti të financohet, do të ishte shumë mirë që sporti të kishte financime disa-fish më shumë nga buxheti i shtetit, por këto janë mundësitë e buxhetit shqiptar, këtë duhet ta kuptoni”./abcnews.al

Capture-73.jpg
Veronik Istrefaj23:56 | 16/01/2020

Drejtori i përgjithshëm i Teutës, Artan Shyti, i ftuar në emisionin Pressing në ABC News, tha se takimi me qeverinë ishte i mirëpritur, por sporti e humbi ndeshjen…

“Nuk është vetëm problem i kësaj qeverie, por dhe më përpara. Sporti gjithmnë ka vuajtur. Përgjegjësia për mendimin tim, nuk është vetëm e qeverisë. Përgjegjësia është e njerëzve që drejtojnë sportin, që nuk janë të aftë të reagojnë dhe të veprojnë. Kush ka qenë një insuticion që i ka mbledhur dhe të thotë: Kemi këtë situatë, si t’ia bëjmë?

Ballafaqimi vjet me qeverinë ishte i mirëpritur, krijoi shpresën se më në fund, kjo situatë do të merrte drejtim. Unë besoj se ky ballafaqim, ka rezultuar humbje. Nëse do të ishte ndeshje futbolli, sporti ka humbur. Duhet të shikojmë për të ardhmen, çfarë të bëjmë që të kemi një të ardhme më të mirë për sportin./abcnews.al

Capture-76.jpg
Igli Nikolli23:44 | 16/01/2020

Avokat i njohur, Riza Hicka thekson në emisionin “Pressing” në ABC News se situata e klubeve të futbollit është e zezë.

Zotit Koço i lejohet të flasë më shumë, sepse është nga ata persona që ka kontribuar dhe ka mbajtur gjallë një rreth si Fieri, që ka tradita në sport. Ai e di gropën e zezë, e ndjen në xhepin e vet. Nga këndvështrimi i futbollit dhe gjendjes së klubeve, mendoj se situata është jashtëzakonisht kritike.

Nuk bëhet fjalë për gri, është shumë e zezë. Futbolli është braktisur pas viteve 90-të. Kanë qenë disa njerëz jo normal, mund të kenë fituar dy qindarka. Korça po të ketë fituar gjithçka, ia ka dalë falë menaxhimit të mirë të presidentit, bravo i qoftë.

Duhet stekë, nivel më i lartë për të zgjidhur këto probleme. Është vetëm ana financiare apo kemi edhe probleme të tjera në futboll? Ka probleme në organizim dhe shumë aspekte. Financimi është problemi kryesor, nuk diskutohet“, thekson Hicka. /abcnews.al

Capture-74-1280x568.jpg
Veronik Istrefaj23:40 | 16/01/2020

Presidenti i Apolonisë, Koço Kokëdhima, ka shpërthyer në studion e Pressing. Numri një i klubit fierak zbuloi rrogat e futbollistëve të tij, si dhe ka një thirrje për kryeministrin Edi Rama.

“Paga më e lartë që kemi ne, janë 120 mijë lekë të reja, më e ulëta 30 mijë lekë të reja. Ai del e thotë marrin futbollistët 5 mijë euro. Ai le të vijë dhe të diskutojë me ne. Të heqë TVSH-në, 6% e ka turizmin, bujqësinë, pretendon t’i zhvillojë. Ndërsa futbollin e mbyt, me TVSH 20%.

A vuri ndonjë lekë Qeveria? Asnjë qindarkë! Pse? Sepse modeli që ka ai është zero-funksional. Sa është 1 milionfish i zeros? Është zero! Unë dua që Qeveria të mos jetë tifoze me futbollin e Shqipërisë, por me popullin shqiptar. Pra, ato nuk kanë vizion, prandaj nxjerrin një burokrat të dorës së fundit të diskutojë.

Pse është fshehur Ministria e Arsimit? Me çfarë do merren, me llafe boshe? Ky është sektor i falimentuar totalisht. E ftojmë Qeverinë të mbajë përgjegjësitë e saj. Unë dëshiroj shumë që Kryeministri të tregojë vullnet pozitiv me vepra, të përqafojë një vizion të mirë për të ardhmen. Të mos dalin e të manipulojnë publikun”./abcnews.al

Capture-68.jpg
Igli Nikolli23:35 | 16/01/2020

Presidenti i Federatës se mundjes, Martin Biba thekson në emisionin “Pressing” në ABC News se qeveria nuk arrin t’i suportojë klubet e futbollit dhe tregon se si rritet financimi në sport.

“Jemi te pjesa e paketës financuese. Me një paketë simuluese, realisht nuk është ky thelbi. Sporti është koncept, mentalitet i qeverisë, shoqërisë. Kjo qeveri nuk suporton klubet, që rriten vetvetiu. Sporti financohet duke rritur infrastrukturën”, thekson Biba. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono