president

imagedd9d44b4-8d42-4135-9979-d9244e719df8.jpg
So Nila09:20 | 18/01/2020

Presidenti i Ukrainës Volodymyr Zelenskiy nuk e ka pranuar dorëheqjen e kryeministri Oleksiy Honcharuk.

Mediat vendase bëjnë me dije se kreu i shtetit në Ukrainë ka vendosur që ti japë dhe një mundësi tjetër kryeministrit, ku ndër të tjera ka theksuar se nuk është koha që vendi të pësojë tronditje politike.

Kryeministri i Ukrainës dha dorëheqjen të premten pas publikimit të një audio-regjistrimi gjatë të cilin sipas njoftimeve, ai dëgjohet duke bërë komente denigruese ndaj presidentit lidhur me njohuritë e tij mbi ekonominë.

Honcharuk përmes një postimi në Facebook, shkruante se ai mori detyrën e kryeministrit për të përmbushur programin e presidentit, duke e quajtur atë “model të sinqeritetit dhe moralit”.

idiot.jpg
Autor E11:06 | 04/01/2020

Banorët e një qyteti të dëmtuar nga flakët e zjarrit që kanë pushtuar prej disa ditësh Australinë, e detyruan kryeministrin Scott Morrison të largohet me shpejtësi drejt makinës.

Banorët e zemëruar nga humbja e banesave, lëshuan fyerje dhe sharje ndaj kryeministrit. Ata thanë se jeta e tyre është shkatërruar.

Një grua refuzoi që t’i jepte dorën kryeministrit, ndërsa ai tha se do të ofrojë më shumë mbështetje për zjarrfikësit.

Një tjetër bërtiti: “Ti je një idiot”.

Scott Morrison was abused in Cobargo today, when he was trying for a few marketing photos, so he did a runner

Scott Morrison was abused in Cobargo today, when he was trying for a few marketing photos, so he did a runner

Gepostet von Kangaroo Court of Australia am Donnerstag, 2. Januar 2020

Temperaturat kanë shkuar deri në 46 gradë dhe zjarret kanë vrarë 17 persona në Australi. Kryeministri është kritikuar se shkoi në Havai për pushime, ndërkohë që vendi digjej nga zjarret.

BLOOMBERG-PRESIDENT.mpg_snapshot_00.48-1280x720.jpg
in a18:37 | 24/11/2019

Ish-kryetari i Nju Jorkut, miliarderi Michael Bloomberg shpalli të dielën kandidaturën për president të SHBA-ve duke thënë se po garon për të mposhtur Donald Trumpin dhe për të rindërtuar Amerikën.

“Ne nuk mund të lejojmë veprimet e pamatura dhe joetike të presidentit Trump të ndodhin edhe në katër vitet e ardhshme”, tha ai përmes një deklarate.

Bloomberg, 77 vjeç, në muajin mars kishte deklaruar se ai nuk do të garojë në zgjedhjet presidenciale që do të mbahen më 2020. Nënpresdienti amerikan Joe Biden kryeson sondazhet në mesin e demokratëve të cilët po garojnë për zgjedhjet presidenciale, pasuar nga kryebashkiaku i South Bend, Pete Buttigieg, senatorja Elizabeth Warren dhe Bernie Sanders. Bloomberg ka kundërshtuar planet e senatores Warren për të rritur taksat ndaj të pasurve dhe për programet që ka paraqitur për kujdesin shëndetësor, por edhe për shkollimin falas. Hyrja e Bloomberg-ut në garë, vetëm 10 javë para fillimit të zgjedhjeve paraprake, reflekton shqetësimin e tij se lista aktuale e kandidatëve nuk është e pozicionuar mirë për të mposhtur presidentin Trump.

Investimet masive të Bloombergut në çështjet me përparësi për demokratët si ndryshimet klimatike dhe kontrolli i armëve të mbështetura nga pasuria e tij personale, mund ta bëjnë atë një kandidat të fuqishëm. Ai tashmë ka rezervuar më shumë se 30 milion dollarë në reklama televizive nëpër disa shtete, megjithëse nuk do të marrë pjesë në katër zgjedhjet e para paraprake./abcnews.al

ILIR-META-ASTRIT-PATOZI.jpg
ad min16:42 | 05/10/2019

Kreu i Bindjes Demokratike, Astrit Patozi, beson se kriza që po kalon vendi ka bërë që shumë prej aktorëve politikë të ndihen nervozë. Sipas Patozit, Presidenti Meta ndihet i kërcënuar, duke e shprehur këtë në intervistat publike të tij ndërkohë që pohon se në një situatë të ngjashme është edhe kryeministri Rama. 

Shpërthimet e vazhdueshme të Ilir Metës i konsideron legjitime. Astrit Patozi beson se kreu i shtetit në situatën e krijuar në vend ndihet i kërcënuar. I ftuar në emisionin “Provokacija” të gazetarit Mustafa Nano, Patozi flet për udhëkryqin që sipas tij gjendet Ilir Meta.

Nervozizmin e lexon edhe në sjelljet politike të Edi Ramës, i cili sipas Patozit ra në kurthin e dëshirës për pushtet. Reformën Zgjedhore e sheh si një rrugëdalje për krizën në të cilën ndodhet vendi dhe këshillon që aktorët politikë të mos e bëjnë atë si imponim të ardhur nga ndërkombëtarët.

Koordinatori i Bindjes Demokratike ka kërkuar vazhdimisht ndryshim të sistemit zgjedhor, duke ngritur gishtin e akuzës te kryeministri Rama dhe kreu i opozitës Basha si dy personat kryesorë që pamundësojnë këto ndryshime./ABC News Albania 24/7

bernie-sanders-1280x715.jpg
nev ila21:06 | 02/10/2019

Kandidati për president Berni Sanders është detyruar të ndërpresë fushatën elektorale, për shkak të një ndërhyrjeje kirurgjike.

Sipas mediave amerikane, pas operacionit Sanders është në gjendje të mirë, por nuk dihet nëse do të jetë gati për debatin e radhës mes kandidatëve demokratë.

Kandidati demokrat për president Berni Sanders ka anuluar eventet e fushatës së tij elektorale për shkak se i është nënshtruar një ndërhyrjeje kirurgjike.

Zoti Sanders u shtrua në spital për një bllokim në arterieje, pasi kishte përjetuar dhimbje gjoksi gjatë një takimi elektoral të mbajtur në Nevada ditën e martë.

Një këshilltar i senatorit të Vermontit deklaroi se pas operacionit ai është në gjendje të mirë, por do të pushojë në ditët në vazhdim.

Sanders, 78 vjeç, kishte njoftuar më herët se fushata e tij kishte arritur të mblidhte mbi 25 milionë dollarë fonde.

Kandidatit që synon të sfidojë Trump në vitin 2020, pas zhbllokimit të arteries i janë vendosur atje dy tuba prej rrjete, që shërbejnë për ta mbajtur arterien të hapur.

Bëhet fjalë për një procedurë të thjeshtë që kërkon një kohë të shkurtër për t’u rimëkëmbur.

Sidoqoftë, është ende e paqartë për sa kohë Sanders do të qëndrojë në regjim shtrati, në një kohë kur debati i radhës mes kandidatëve demokratë do të mbahet më 15 tetor.

Sondazhet tregojnë se ai është i treti në garën për nominimet e demokratëve, pas senatores së Masaçusets, Elizabeth Uorren dhe ish-zëvendës presidentit Xho Bajden.

Të gjithë kandidatët i kanë uruar atij shërim të shpejtë./ABC News Albania 24/7

 

 

donald-trump1-1280x853.jpg
ad min12:28 | 11/09/2019

14 muaj larg zgjedhjeve presidenciale amerikane, që do të mbahen në 3 Nëntor të 2020-ës, pothuajse gjashtë amerikanë në 10 mendojnë se Donald Trump nuk meriton të zgjidhet sërish.

Të dhënat janë publikuar pas një sondazhi të kryer nga CNN sipas të cilit popullariteti i kreut të Shtëpisë së Bardhë mbetet e qëndrueshme në krahasim me sondazhet e muajit Gusht, me 39 përqind të amerikanëve që vlerësojnë punën e tij dhe 55 përqind që e kritikojnë./ABC News Albania

sanford.jpg
ad min08:56 | 09/09/2019

Një tjetër republikan në Shtetet e Bashkuara ka vendosur të sfidojë Donald Trump në nominimet për president. Ish-guvernatori i Karolinës së Jugut, Mark Senford ka bërë të ditur se shumë shpejt do të shpallë kandidaturën.

Ish-kongresmeni i Karolinës së Jugut, Mark Senford do të sfidojë Donald Trump në zgjedhjet e Partisë Republikanë për nominimet presidenciale.

“Jam këtu për t’ju thënë se do të hyj në garë”, ka thënë Senford në një intervistë për Fox News, ku ka shtuar se do ta zyrtarizojë kandidaturën e tij në ditët e ardhshme.

Senford bëhet kështu republikani i tretë që hyn në garë për të sfiduar Trump, i cili mbetet shumë popullor në radhët e republikanëve. Ish-guvernatori i Masaçusets, Bill Uelld dhe ish-kongresmeni nga Illinois, Xhoi Uolsh kanë nisur gjithashtu fushatat, por asnjë prej tyre nuk ka mundur të tërheqë elektoratin.

Senford, 59 vjeç, kritik i njohur i presidentit Trump, humbi postin e tij në Dhomën e Përfaqësuesve vitin e kaluar, pasi u sfidua nga një mbështetës i Trump në zgjedhjet republikane.

Në intervistën për Fox News ai tha se dëshiron të garojë për t’u ofruar republikanëve një alternativë ndaj Trump, me eksperiencë ekzekutive dhe për të rikthyer partinë në parimet e saj.

“Mendoj se si Parti Republikane ne kemi humbur rrugën tonë”, tha Senford./ABC News Albania 24/7

presidenca.jpg
ad min21:35 | 28/07/2019

Në afërsi të zyrës së kandidatit për zëvendëspresident të Afganistanit, Amrullah Saleh, ka shpërthyer një bombë. Ky sulm vjen pikërisht teksa në Afganistan sot nisi zyrtarisht fushata zgjedhore për zgjedhjet presidenciale të cilat do të mbahen më 28 shtator.

Saleh në këto zgjedhje po kandidon si zëvendës i presidentit aktual afgan, Ashraf Ghani.

Zëdhënësi i Ministrisë së Brendshme, Nasrat Rahimi tha për Radion Evropa e Lirë se një sulmues është futur në ndërtesën e partisë së Saleh pas shpërthimit dhe është përleshur me forcat e sigurisë afgane.

Dëshmitarët thanë për Radion Evropa e Lirë se e kanë parë Salehun duke u evakuuar nga ky kompleks në Kabul, teksa brenda ndërtesës kishte përleshje të armatosur.

Sipas informacioneve të para, të paktën një person është vrarë nga shpërthimi i bombës dhe të paktën 13 të tjerë janë plagosur.

Askush deri më tani nuk e ka marrë përgjegjësinë për këtë sulm, i cili ndodhi vetëm disa orë pasi Ghani nisi fushatën zgjedhore për zgjedhjet presidenciale duke insistuar se “paqja është duke arritur” dhe se bisedimet me talibanët “do të zhvillohen.

Këto komente Ghani i bëri gjatë një tubimi në Kabul. Ai po garon për një mandat të dytë në postin e presidentit. Në këto zgjedhje ai do të përballet me 17 kandidatë të tjerë.

Më herët sot gjatë ditës, talibanët hodhën poshtë një deklaratë nga një ministër afgan, i cili ka thënë se shpreson që gjatë këtij muaji, Qeveria afgane dhe talibanët do të zhvillojnë bisedime direkte./REL

petraq-milo.jpg
ad min12:32 | 17/07/2019

Pasi i kthyen dy kandidaturat e para, presidenti Ilir Meta i ka dërguar Kuvendit kandidaturën e tretë për kreun e Kontrollit të lartë të shtetit. Petraq Milo plotëson të gjitha kërkesat dhe sugjerimet e parlamentit sipas institucionit të presidencës.

Petraq Milo është kandidati që propozon presidenti Ilir Meta për kryetar të Kontrollit të Lartë të Shtetit. Është zëdhënësi institucionit të presidencës që ia dërgon Kuvendit pasi ka lexuar me vëmendje sugjerimet e këtij të fundit.

“Presidenti Meta duke qenë i bindur në drejtësinë e vendimit të Tij, pasi ka lexuar me shumë vëmendje sugjerimet e Kuvendit të Republikës së Shqipërisë lidhur me profilin profesional që duhet të ketë kandidati për kryetar i KLSH-së, nuk gjeti dot një kandidat më të përshtatshëm dhe me kaq eksperiencë të gjithanshme, si Prof. Dok. Petraq Milo, për të përmbushur me profesionalizëm dhe dinjitet këtë detyrë tepër të rëndësishme kushtetuese”.

Petraq Milo ka një karrierë të pasur akademike dhe profesionale. Ai ka mbajtur edhe detyrën e këshilltarit të Kryeministrit Sali Berisha nga viti 2005 deri në vitin 2013. Në argumentimin e përzgjedhjes së kësaj kandidature, presidenti Meta e ka vlerësuar si një personalitet me një eksperiencë të jashtëzakonshme, brenda dhe jashtë vendit në fushën e financave, të auditit, të bankave dhe të ekonomisë në tërësi, gjithashtu me një kontribut të spikatur në drejtimin e institucioneve financiare, fiskale e bankare në Kosovë.

“Përvoja e tij akademike, brenda dhe jashtë vendit, si edhe bashkëpunimi me institucionet më të rëndësishme financiare botërore dhe të Bashkimit Europian, janë një faktor i rëndësishëm për këtë zgjedhje”.

Presidenti Meta falënderon edhe njëherë kandidatët e mëparshëm të propozuar prej tij për postin e kryetarit të KLSH-së, znj.Vitore Tusha dhe z.Bahri Shaqiri. Kreu i shtetit do t’ia dërgojë brenda ditës së sotme propozimin e tij Kuvendit, me besimin e plotë se do ta shqyrtojë këtë kandidaturë brenda këtij sesioni parlamentar, me objektivitet dhe përgjegjshmëri, që KLSH të funksionojë në mënyrë plotësisht kushtetuese e ligjore./ABC News Albania 24/7

president.jpg
ad min09:34 | 15/07/2019

Në një seri mesazhesh në Twitter kreu i Shtëpisë së bardhë u ka kërkuar katër deputeteve demokratë me ngjyrë që të kthehen nga vendet që kishin ardhur. Këto të fundit kritikuar kushtet e këqija në qendrat për mbajtjen e emigrantëve në vend.

Të dielën e 14 Korrikut presidenti amerikan Donald Trump sulmoi grupin e katër deputeteve të Partisë Demokratike, duke u kërkuar që të kthehen andej nga kanë ardhur. Pa përmendur emra, Trump i referohej katër grave me ngjyrë, tre prej të cilave kanë lindur në Shtetet e Bashkuara të Amerikës, Alexandria Ocasio-Cortez, e lindur në Nju Jork nga prindër portorikanë, afro-amerikania Ayanna Pressley, Rashida Tlaib, vajzë e emigrantëve palestinezë dhe Ilhan Omar, e lindur në Somali dhe më pas e emigruar në Minesota. Deputetet kanë kundërshtuar ashpër kushtet e këqija ku mbahen emigrantët në qendra dhe në kufi si dhe politikën e Trump: “tolerancë zero”.

Në postimin e tij Trump shkruan: Është shumë interesante të shohësh deputete demokrate progresiste, që e kanë origjinën nga vende ku qeveritë janë një katastrofë e plotë dhe totale, më të këqinjtë, më të korruptuarit dhe pa ndikim në botë, t’i thonë me zë  të lartë popullit amerikan, kombit më të madh dhe më të fuqishëm në Tokë, se si duhet drejtuar qeveria jonë. Përse nuk kthehen andej nga kanë ardhur dhe të ndihmojnë vendet të mbuluara nga krimi nga të cilat vijnë? Pastaj mund të kthehen dhe të na tregojnë se si e bënë.

Trump ironizoi dhe për faktin se Nancy Pelosi – kryetarja e Kongresit dhe ajo e kritikuar nga katër deputetet – do të ishte shumë e lumtur të organizonte shpejt dhe falas udhëtimin e tyre për në vendet e origjinës. Fjalët e Trump u cilësuan si raciste dhe shkaktuan  shumë reagime, ndërsa Nancy Pelosi ka dalë në mbrojtje të katër demokrateve. Ajo u shpreh se kur Trump premton të bëjë Amerikën e Madhe sërish, në fakt pretendon të bëjë të bardhë atë.

Pas fjalëve të Pelosit, Trump reagoi sërish duke thënë se është e trishtueshme që demokratët të mbështesin persona që flasin keq për vendin dhe që urrejnë Izraelin.  Një nga deputetet e përfshira u shpreh se si anëtare e Kongresit, i vetmi vend të cilit i është betuar janë Shtetet e Bashkuara të Amerikës. Dhe për këtë arsye luftojnë për të mbrojtur nga presidenti më i keq, më i korruptuar dhe më i papërshtatshëm që ka pasur ndonjëherë vendi. Ndërsa Alexandria Ocasio-Cortez shkruan se Trump nuk pranon atë pjesë të Amerikës që i ka zgjedhur ato./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono