president

presidenca.jpg
G. P.21:35 | 28/07/2019

Në afërsi të zyrës së kandidatit për zëvendëspresident të Afganistanit, Amrullah Saleh, ka shpërthyer një bombë. Ky sulm vjen pikërisht teksa në Afganistan sot nisi zyrtarisht fushata zgjedhore për zgjedhjet presidenciale të cilat do të mbahen më 28 shtator.

Saleh në këto zgjedhje po kandidon si zëvendës i presidentit aktual afgan, Ashraf Ghani.

Zëdhënësi i Ministrisë së Brendshme, Nasrat Rahimi tha për Radion Evropa e Lirë se një sulmues është futur në ndërtesën e partisë së Saleh pas shpërthimit dhe është përleshur me forcat e sigurisë afgane.

Dëshmitarët thanë për Radion Evropa e Lirë se e kanë parë Salehun duke u evakuuar nga ky kompleks në Kabul, teksa brenda ndërtesës kishte përleshje të armatosur.

Sipas informacioneve të para, të paktën një person është vrarë nga shpërthimi i bombës dhe të paktën 13 të tjerë janë plagosur.

Askush deri më tani nuk e ka marrë përgjegjësinë për këtë sulm, i cili ndodhi vetëm disa orë pasi Ghani nisi fushatën zgjedhore për zgjedhjet presidenciale duke insistuar se “paqja është duke arritur” dhe se bisedimet me talibanët “do të zhvillohen.

Këto komente Ghani i bëri gjatë një tubimi në Kabul. Ai po garon për një mandat të dytë në postin e presidentit. Në këto zgjedhje ai do të përballet me 17 kandidatë të tjerë.

Më herët sot gjatë ditës, talibanët hodhën poshtë një deklaratë nga një ministër afgan, i cili ka thënë se shpreson që gjatë këtij muaji, Qeveria afgane dhe talibanët do të zhvillojnë bisedime direkte./REL

petraq-milo.jpg
G. P.12:32 | 17/07/2019

Pasi i kthyen dy kandidaturat e para, presidenti Ilir Meta i ka dërguar Kuvendit kandidaturën e tretë për kreun e Kontrollit të lartë të shtetit. Petraq Milo plotëson të gjitha kërkesat dhe sugjerimet e parlamentit sipas institucionit të presidencës.

Petraq Milo është kandidati që propozon presidenti Ilir Meta për kryetar të Kontrollit të Lartë të Shtetit. Është zëdhënësi institucionit të presidencës që ia dërgon Kuvendit pasi ka lexuar me vëmendje sugjerimet e këtij të fundit.

“Presidenti Meta duke qenë i bindur në drejtësinë e vendimit të Tij, pasi ka lexuar me shumë vëmendje sugjerimet e Kuvendit të Republikës së Shqipërisë lidhur me profilin profesional që duhet të ketë kandidati për kryetar i KLSH-së, nuk gjeti dot një kandidat më të përshtatshëm dhe me kaq eksperiencë të gjithanshme, si Prof. Dok. Petraq Milo, për të përmbushur me profesionalizëm dhe dinjitet këtë detyrë tepër të rëndësishme kushtetuese”.

Petraq Milo ka një karrierë të pasur akademike dhe profesionale. Ai ka mbajtur edhe detyrën e këshilltarit të Kryeministrit Sali Berisha nga viti 2005 deri në vitin 2013. Në argumentimin e përzgjedhjes së kësaj kandidature, presidenti Meta e ka vlerësuar si një personalitet me një eksperiencë të jashtëzakonshme, brenda dhe jashtë vendit në fushën e financave, të auditit, të bankave dhe të ekonomisë në tërësi, gjithashtu me një kontribut të spikatur në drejtimin e institucioneve financiare, fiskale e bankare në Kosovë.

“Përvoja e tij akademike, brenda dhe jashtë vendit, si edhe bashkëpunimi me institucionet më të rëndësishme financiare botërore dhe të Bashkimit Europian, janë një faktor i rëndësishëm për këtë zgjedhje”.

Presidenti Meta falënderon edhe njëherë kandidatët e mëparshëm të propozuar prej tij për postin e kryetarit të KLSH-së, znj.Vitore Tusha dhe z.Bahri Shaqiri. Kreu i shtetit do t’ia dërgojë brenda ditës së sotme propozimin e tij Kuvendit, me besimin e plotë se do ta shqyrtojë këtë kandidaturë brenda këtij sesioni parlamentar, me objektivitet dhe përgjegjshmëri, që KLSH të funksionojë në mënyrë plotësisht kushtetuese e ligjore./ABC News Albania 24/7

president.jpg
G. P.09:34 | 15/07/2019

Në një seri mesazhesh në Twitter kreu i Shtëpisë së bardhë u ka kërkuar katër deputeteve demokratë me ngjyrë që të kthehen nga vendet që kishin ardhur. Këto të fundit kritikuar kushtet e këqija në qendrat për mbajtjen e emigrantëve në vend.

Të dielën e 14 Korrikut presidenti amerikan Donald Trump sulmoi grupin e katër deputeteve të Partisë Demokratike, duke u kërkuar që të kthehen andej nga kanë ardhur. Pa përmendur emra, Trump i referohej katër grave me ngjyrë, tre prej të cilave kanë lindur në Shtetet e Bashkuara të Amerikës, Alexandria Ocasio-Cortez, e lindur në Nju Jork nga prindër portorikanë, afro-amerikania Ayanna Pressley, Rashida Tlaib, vajzë e emigrantëve palestinezë dhe Ilhan Omar, e lindur në Somali dhe më pas e emigruar në Minesota. Deputetet kanë kundërshtuar ashpër kushtet e këqija ku mbahen emigrantët në qendra dhe në kufi si dhe politikën e Trump: “tolerancë zero”.

Në postimin e tij Trump shkruan: Është shumë interesante të shohësh deputete demokrate progresiste, që e kanë origjinën nga vende ku qeveritë janë një katastrofë e plotë dhe totale, më të këqinjtë, më të korruptuarit dhe pa ndikim në botë, t’i thonë me zë  të lartë popullit amerikan, kombit më të madh dhe më të fuqishëm në Tokë, se si duhet drejtuar qeveria jonë. Përse nuk kthehen andej nga kanë ardhur dhe të ndihmojnë vendet të mbuluara nga krimi nga të cilat vijnë? Pastaj mund të kthehen dhe të na tregojnë se si e bënë.

Trump ironizoi dhe për faktin se Nancy Pelosi – kryetarja e Kongresit dhe ajo e kritikuar nga katër deputetet – do të ishte shumë e lumtur të organizonte shpejt dhe falas udhëtimin e tyre për në vendet e origjinës. Fjalët e Trump u cilësuan si raciste dhe shkaktuan  shumë reagime, ndërsa Nancy Pelosi ka dalë në mbrojtje të katër demokrateve. Ajo u shpreh se kur Trump premton të bëjë Amerikën e Madhe sërish, në fakt pretendon të bëjë të bardhë atë.

Pas fjalëve të Pelosit, Trump reagoi sërish duke thënë se është e trishtueshme që demokratët të mbështesin persona që flasin keq për vendin dhe që urrejnë Izraelin.  Një nga deputetet e përfshira u shpreh se si anëtare e Kongresit, i vetmi vend të cilit i është betuar janë Shtetet e Bashkuara të Amerikës. Dhe për këtë arsye luftojnë për të mbrojtur nga presidenti më i keq, më i korruptuar dhe më i papërshtatshëm që ka pasur ndonjëherë vendi. Ndërsa Alexandria Ocasio-Cortez shkruan se Trump nuk pranon atë pjesë të Amerikës që i ka zgjedhur ato./ABC News Albania 24/7

kapllanaj.jpg
G. P.22:40 | 25/06/2019

Presidenti i skuadrës së Bylis, Besnik Kapllanaj zbuloi për ABC News strategjinë e merkatos dhe objektivat sezonal. Sipas numrit një të klubit nuk do të ketë blerje të çmendura.

Një nga skuadrat që rikthehet në elitën e futbollit shqiptar do të jetë edhe Bylis, që mund të konsiderohet tanimë një formacion që krijon probleme për shumë ekipe të mëdha, teksa në këto vite ka arritur edhe në finalen e Kupës së Shqipërisë. Presidenti i klubit Besnik Kapllanaj garanton tifozët që tashmë skuadra do të plotësohet dhe do të jetë e gatshme jo thjesht për të bërë kampionatin e saj në Superiore, por me objektiva ambiciozë.

Çfarë pritet të ndryshojë në skuadër, dhe si do të jetë qasja e presidencës karshi përforcimit të grupit. Kapllanaj garanton që nuk do të ketë çmendurira në blerje, por lojtarë që shërbejnë dhe japin maksimumin.

E ndërkaq, tashmë skuadra ka edhe një kompleks modern për sa i përket kushteve stërvitore, dhe për këtë presidenti Kapllanaj e quan si një diçka shumë pozitive për ecurinë e skuadrës.

Ballshiotët së bashku me Vllazninë janë skuadrat që rikthehen në Kategorinë Superiore. Prej vitesh nën drejtimin e presidencës Kapllanaj, skuadra ka patur oshilacionet e saj mes rënies dhe ngjitjes në Kategori, por në anën tjetër ka qenë një formacion shumë i fortë dhe problematik për rivalët./ABC News Albania 24/7

ligji.jpg
G. P.16:53 | 25/06/2019

Përshkallëzohen tensionet mes Serbisë dhe Malit të Zi, pasi ky i fundit miratoi ligjin për fenë. Ligji kundërshton kishën ortodokse serbe e cila përfaqëson shumicën e besimtarëve në këtë vend.

Tensionet në mes të Podgoricës dhe Beogradit u ngritën pasi Mali i Zi miratoi ligjin për religjonet, i cili konteston kishës ortodokse serbe, e cila kryesisht ka shumicën e përfaqësimit religjioz në këtë shtet.

Por, ky nuk është fillimi i tensioneve në mes të dyja vendeve. Arrestime, ndalime në kufi, brohoritje në ndeshje futbolli, dëbim e konsultime ambasadorësh, e deri tek fyerjet kanë qenë të pranishme që prej shpalljes së pavarësisë në Podgoricë. Në Serbi jetojnë shumë me prejardhje nga ky vend, diku rreth 200 mijë. Një pjesë deklarohen si serb dhe një pjesë si malazez.

Një nga lagjet e kryeqytetit të Serbisë. Në Beograd është legjendë urbane që malazezëve u pëlqen të jetojnë këtu. Besohet se rreth gati 200 mijë malazez jetojnë në tërë Serbinë. Në rrugën që mban emrin e mbretëreshës Zorka, të bijës së mbretit Nikolla të Malit të Zi.

Strahinja Brajuskoviç, është i lindur në Nikshiç. Nga Podgorica 30 vjet më parë ka arritur këtu si student i ri. Ka punuar për qeverinë e përbashkët dhe ka luftuar kundër regjimit të dikurshëm në protesta. Thotë se e ka të rënd ti ndjek marrëdhëniet. Serbë e malazezë janë si vëllezër.

Strahinja Brajuskoviç, ekspert për integrime evropiane: Sigurisht që nuk do t’ia mohoja të drejtën askujt të jetë një gjë apo një gjë tjetër. Në njezët e më shumë vite këtu në Serbi, por edhe Mal të Zi e tërë Ballkanin kanë ndodhur shumë ngjarje të shëmtuara dhe kjo ka prodhuar situata të pakëndshme dhe ka ndikuar marrëdhëniet. Është normale.

Por kodi i vëllazërisë në mes të dy shteteve nuk funksionon. Presidenti Millo Gjukanoviç, rrallë qëndron kështu si në Tiranë, pranë presidentit, Aleksandër Vuçiç. Marrëdhëniet ndërshtetërore janë acaruar. Gjukanoviç ka pritur e përcjellë burrështetas, por në kryeqytetin serb nuk ka qenë.

Ideja e tij për të forcuar kishën malazeze dhe për ta zvogëluar ndikimin e asaj serbe ka nxitur tensione. Kisha duhet ta dëshmoj pronën pasi Podgorica pretendon se manastiret i takojnë shtetit.  Këtu në një intervistë Gjukanoviç përsërit qëndrimin e tij.

Millo Gjukanoviç, president i Malit të Zi: Kisha Ortodokse serbe sot ruan infrastrukturën e Serbisë së madhe me rrjetin e saj dhe në këtë formë përkufizon atë që është mision i saj.

Nga Serbia shpesh është kontestuar shtetësia e malazezëve. Deklarimet e fundit bën që Podgorica të ftoj ambasadorin serb për konsultime si protestë. Serbët shkojnë në bregdet dhe kanë marrëdhënie familjare. Por çështja e kishës ka thelluar edhe më shumë hendekun e krijuar prej kohësh.

Incidente të vogla kanë ndodhur në vazhdimësi dhe nga të vetmit ambasadorë të dëbuar nga Serbia dikur ka qenë ai malazez. Podgorica ndaloi një numër serbësh, pavarësisht se disa të lindur në Mal të Zi, të futen më në këtë shtet të shpallur si të rrezikshëm.

Kjo është pritja për vëllezërit klubit e basketbollit Buducnost të Podgoricës në Beograd. Ata quhen në mënyrë pezhorative si shqiptar.

Aleksandër Vuçiç, president i Serbisë: Ne do të reagojmë kur të ketë diçka më serioze dhe e vërtetë të reagojmë dhe jo për shkak të deklaratave politike pasi do të mund të bëjmë 15 nota proteste në ditë. Duhet të ulim tensionet pasi kështu ndihmojmë edhe serbët në Mal të Zi.

Në Beograd, Strahinja Brajuskoviç, thotë se mes njerëzish marrëdhëniet janë të mira edhe pse shpesh vëllezërit janë ndarë në dy kombe. Problemet politike thotë nuk lejojnë që ballkanasit të flasin për gjërat thelbësore për jetën e qytetarëve.

Strahinja Brajuskoviç: Duke zbatuar politikën e integrimit evropian në fakt politikanët janë duke bërë dezintegrimi si të Serbisë dhe Malit të Zi, kështu edhe në tërë rajonin. E dimë që politikat integruese nënkuptojnë krijimin e urave dhe lidhjeve, por ne dy dekadat e fundit këtë nuk e shohim.

Serbia dhe Mali i Zi u ndanë pas një referendumi në maj të vitit 2006. Qytetarët janë më të bashkuar se politika, e cila në shumicën e pikave ndanë ide të kundërta, përveç të ardhmes së përbashkët evropiane. Dora e pajtimit nuk duket e lehtë as në mesin e vëllezërve./ABC News Albania 24/7

refugjate.jpg
G. P.08:13 | 20/06/2019

Ish-Presidenti Christian Wulff i ka paralajmëruar gjermanët të mos i zbavisin qarqet e ekstremit të djathtë. Ai tha se mbërritja e refugjatëve në kulmin e krizës së migrimit mund të jetë e rëndësishme sa ribashkimi.

Ish-presidenti Christian Wulff tha se kriza e refugjatëve e vitit 2015 mund të rezultojë e rëndësishme dhe e dobishme për vendin, bëri të ditur të mërkurën agjensia e lajmeve DPA.

“Shanset janë të mëdha që vërshimi i refugjatëve të kthehet në një moment fati në historinë gjermane”, tha Wulffi në një fjalim të martën në mbrëmje. Ai e përshkroi bashkimin e Gjermanisë në vitet 1990 si një moment të ngjashëm të fatit të mirë.

Ai tha se Gjermania është në një gjendje shumë më të mirë se sa e kuptojnë shumë vetë. Ish-Presidenti paralajmëroi që të mos zbavitet ekstremizmi i krahut të djathtë. Ai tha se vija që ndan patriotizmin dhe nacionalizmin nuk duhet të bëhet e paqartë. Christian Wulffi e ka mbështetur vendimin e Kancelares Angela Merkel për të hapur kufijtë e Gjermanisë ndaj refugjatëve që iknin prej luftës.

 Christian Wulff
Moment vendimtar

Në kulmin e krizës së refugjatëve, Wulffi u kërkoi shteteve anëtare të BE të strehonin ata që iknin nga lufta dhe varfëria e skajshme: “Nuk duhet të jetë problem për 500 milionë europianë që të pranojnë 3 milionë refugjatë”, deklaroi Christian Wulff.

Në vitin 2015, Gjermania lejoi gati 900.000 emigrantë të hyjnë në Gjermani me politikën e dyerve të hapura të kancelares Angela Merkel. Shumë prej tyre iknin nga lufta dhe nga varfëria ekstreme në Lindjen e Mesme, Azi dhe Afrikë.

Partitë euroskeptike, partitë e krahut të djathtë dhe ato ultra të djathta fituan mbështetje gjatë krizës. Ata që përfituan qenë edhe presidenti hungarez Viktor Orban dhe kancelari austriak Sebastian Kurz, që pretenduan se kjo minon strukturën shoqërore të kontinentit. Georg Pazderski i partisë ultra të djathtë Alterrnativa për Gjermaninë (AfD), i kritikoi komentet e Wulffit. Në rrjetin e twitterit ai shkroi se ish-Presidenti kishte humbur kontaktin me realitetin./DW

donald-Trump.jpg
G. P.12:59 | 19/06/2019

Presidenti amerikan Donald Trump nisi zyrtarisht fushatën elektorale duke premtuar realizimin e ëndrrës amerikane. Ai kërkoi votën për një mandat të dytë presidencial duke theksuar se një votë për demokratët do të ishte një votë për shkatërrimin e vendit.

“Ekonominë amerikane e ka zili e gjithë bota, vendi është i zhvilluar. Dhe deri kur do të ndiqni këtë skuadër e ardhmja do të jetë e shkëlqyeshme. Ëndrra amerikane është rikthyer dhe më e fortë se më parë.”

Ka qenë kjo deklarata e presidentit amerikan në hapjen zyrtare të fushatës së tij elektorale për zgjedhjet presidenciale të 2020-s. Ai shtoi se viti 2016 ka qenë një moment i rëndësishëm në histori.

I prezantuar në skenë nga zv/presidenti Mik Pence sipas të cilit Shtetet e Bashkuara të Amerikës kanë nevojë për katër vjet të tjera të presidencës Trump; presidenti amerikan është i impenjuar për të çuar përpara politikën e “Amerika në vend të parë” dhe  të luftojë kundër emigracionit të paligjshëm. Motoja e fushatës së tij është: “Të ruajmë Amerikën e madhe”.

I pritur nga mijëra mbështetës, Trump falenderoi bashkëpunëtorët e tij para se të niste sulmin. Në objektivin e tij ishte Barack Obama, por dhe Hillary Klinton me 33 mijë email-et e fshira: Nëse unë do të fshija një e-mail dashurie për Melaninë, do të kërkonin karrigen elektrike për mua, shtoi ai.

Trump më pas u përqendrua në çështjen e Russiagate, hetime që e kanë mbajtur në presion për dy vjet, por që në fund ai kishte fituar. Por kreu i Shtëpisë së Bardhë nuk kurseu kritikat as ndaj mediave dhe lajmeve të rreme.

“Jam këtu para jush për të nisur zyrtarisht fushatën time elektorale për mandatin e dytë presidencial. Po vendosim më në fund Amerikën në vend të parë. Një votë për demokratët është një votë për shkatërrimin e ëndrrës amerikane,” shtoi Trump.

Ai sulmoi demokratët dhe politikat e së majtës radikale sidomos ato për emigracionin. Sipas presidentit amerikan demokratët duan të shkatërrojnë vendin pasi atyre u intereson vetëm pushteti politik.

Kreu i Shtëpisë së Bardhë premtoi se Amerika nuk do të jetë asnjëherë një vend socialist pasi republikanët besojnë në liri, dhe amerikanët gjithashtu. Sipas tij këto zgjedhje nuk janë një test për progreset fantastike e bëra nga administrate e tij por është një vendim për sjelljen anti-amerikane të atyre që u përpoqën të rrezikonin demokracinë dhe amerikanët.

Më pas presidenti amerikan ia la fjalën zonjës së parë Melania Trump. “Ka qenë një nder të shërbej si Zonjë e Parë dhe jam e lumtur që të mund ta bëj këtë dhe në vazhdim”. Melani u shpreh krenare për atë që kishte arritur të bënte bashkëshorti i saj në kaq pak kohë./ABC News Albania 24/7

KLOSI-PER-NDYSHIMET-NE-KODIN-PENAL.mpg_snapshot_00.24-1280x720.jpg
G. P.22:15 | 29/05/2019

Për herë të parë që nga anëtarësimi në 1993, Shqipëria bëhet pjesë e organeve drejtuese të Organizatës Botërore të Turizmit, UNWTO, pjesë e Kombeve të Bashkuara, ku aderojnë 148 shtete anëtare.

Blendi Klosi, ministri i Turizmit dhe Mjedisit, është zgjedhur për të mbajtur postin e zv/presidentit te Asamblesë së Përgjithshme të Organizatës Botërore të Turizmit, siç rezultoi në përfundim të sesionit zgjedhor të Komisionit për Europën të mbajtur në Zagreb të Kroacisë.

Pozicioni i zv/presidentit, i Ministrit të Turizmit dhe Mjedisit, Blendi Klosi, vjen në kohën kur turizmi shqiptar, shënoi në 2018-n rritjen më të lartë statistikore prej 20 % më shumë të numrit të turistëve krahasuar me 2017-n.

Ministri Klosi do të drejtojë disa nga sesionet e takimeve ndërkombëtare për turizmin, që do të mbahen në mbledhjet e Asamblesë së Përgjithshme të Organizatës Botërore të Turizmit./ABC News Albania 24/7

ERISA-KANDIDATET.mpg_snapshot_00.13-1280x720.jpg
ent ela20:07 | 15/05/2019

Teksa po afrojnë zgjedhjet për legjislaturën e re të BE-së, në fushë kanë zbritur 6 kandidatë për postin e presidentit të Komisionit Europian. Secili ka programin e tij sa i takon prioriteteve të BE-së, ndërsa lidhur me Ballkanin vlerësojnë njëzëri se integrimi duhet të bëhet në bazë të progresit të reformave.

Gara europiane për legjislaturën e re të Parlamentit Europian ka filluar dhe bashkë me të edhe ajo midis kandidatëve për president të Komisionit Europian. Por cilët janë 6 kandidatët për president të Komisionit Europian dhe ç’propozojnë për zgjerimin me Ballkanin? ABC Neës po ndjek hap pas hapi garën europiane.

Kandidati i parë Manfred Weber –  Kandidati që vjen nga grupimi më i madh politik në Parlamentin Europian është gjermani 46-vjeçar Manfred Weber, i partisë popullore europiane (EPP). Prej 15 vjetësh eurodeputet, programi i Weber lidhet me shqetësimet disa vjeçare të qytetarëve europianë, që kanë tê bëjnë me një Bashkim Europian më të sigurtë, i zoti për të zgjidhur problemin e migracionit dhe një kampion i tregtisë në nivelin global, përmes investimeve kryesisht në teknologji. Pika e fortë e kandidatit Weber është se ai është njeriu i dialogut dhe kompromisit, ndërkohë që pikat e dobëta janë mungesa e përvojës në një post qeveritar si dhe mosnjohja e gjuhëve kyçe në Bashkimin Europian si frëngjishtja. Lidhur me zgjerimin, Ëeber është kategorikisht hyrjes së Turqisë në Bashkimin Europian, por pro zgjerimit me vendet e Ballkanit kur të plotësohet kriteret e anëtarësimit.

Kandidati i dytë, Frans Timmermans – Kandidati që vjen nga grupimi i dytë më i madh në Parlamentin Europian (S&D), i socialistëve dhe demokratëve, është holandezi 58-vjeçari Frans Timmermans (PSE). Timmermans prezantohet si mbrojtjës i rreptë i shtetit ligjor dhe demokracisë në Bashkimin Europian dhe programi i tij fokusohet në luftën kundër nacionalizmit, mbrojtjen e vlerave europiane dhe forcimin e Europës sociale përmes « një rrogë minimale në nivelin e BE-së ». Pikat e forta të Frans Timmermans janë përvoja disavjeçare si ministër dhe mbajtja e postit të zëvendêspresidentit të Komisionit Europian 5 vitet e fundit, si dhe aftësitë e tij të spikatura për komunikim, ku përfshihet edhe zotërimi elokuent i gjashtë gjuhëve. Pikat e dobëta lidhen me dobësimin e partisë së tij në Hollandë, si dhe  grupimit ku bën pjesë në Parlamentin Europian. Lidhur me zgjerimin, Timmermans nuk toleron asnjë kompromis lidhur me cënimin e shtetit ligjor, demokracisë dhe vlerave themelore në avancimin e integrimit europian të vendeve të Ballkanit.

Kandidati i tretë, Jan Zahradil – Kandidati që vjen nga grupimi i tretë më i rëndësishëm i Parlamentit Europian i Aleancës së Konservatorëve dhe Reformatorëve (ACRE), është çeku 56 vjeçari, Jan Zahradil. Me një përvojë 15 vjeçare në Parlamentin Europian, ai e konsideron veten si eurorealist, jo kundër shkatërrimit të BE-së, por jo pro qëndrimit unilateral të BE-së. Programi i tij bazohet në reformimin e BE-së, pro reduktimit të menjëhershëm të legjislacionit të panevojshëm dhe burokracisë në BE dhe kundër daljes së Britanisë së Madhe. Pikat e forta të Jan Zahradil janë që ai mund të sjellë një tjetër qasje të BE-së, më fleksibël dhe që ecën me shpejtësi të ndryshme, ndërkohë ato të dobëta është që nuk ka eksperiencë ekzekutive. Lidhur me zgjerimin, Zahradil zotëron një njohje të mirë të rajonit dhe mbështet avancimin e vendeve të Ballkanit në bazë të meritës.

Kandidatja e katërt, Margrethe Vestager – Kandidatja që vjen nga grupimi i katër më i madh i Parlamentit Europian, i aleancë së liberalëve dhe demokratëve (ALDE) është danezja 50 vjeçare, Margrethe Vestager: Ajo është e njohur me pseudonimin “ vrasësja e dragonjve” për gjobat prej 4,34 miliard euro që i ka vendosur gjigandëve Google si komisionere europiane për konkurrencën dhe dhe konsiderohet si yll europian për 237 mijë ndjekës në Tëitter. Programi i saj bazohet në një konkurrencë më të ndershme globale në mbrojtje të Bashkimit Europian dhe lidhje më të fortë të Europës me qytetarët në nivelin lokal. Pikat e forta të Vestager janë që është kandidate femër me ekperiencë ekzekutive dhe aksione tê forta, ndërkohë që pika e dobëtat është se ajo nuk e ka qëllim në vetvete presidencën e Komisionit Europian. Lidhur me zgjerimin, Vestager mbështet një proçes me monitorim të kujdesshëm gjatë integrimit europian të vendeve të Ballkanit.

Kandidatja e pestë, Ska Keller – Kandidatja e pestë që vjen nga grupimi i gjelbër i Parlamentit Europian është gjermanja 38 vjeçare, Ska Keller. Ajo kandidon për herë të dytë për presidencën e Komisionit Europian. Tre prioritete kryesore të programit të saj janë masat e tranzicionit lidhur me ndryshimet klimatike një Europë sociale më e drejtë, si dhe forcimi i shteti ligjor dhe demokracisë në BE. Pikat e forta lidhen me programin e të gjelbërve për ndryshimet klimatike dhe ekologjike që kanë përkrahje masive të qytetarëve europianë, ndërkohë që pika e dobët lidhet me mbështetjen e kufizuar që kanë në përgjithêsi të gjelbrit të BE. Lidhur me Ballkanin , ajo mbështet një proçes të vlerësuar drejtë për secilin vend në funksion të zbatimit të reformave.

Kandidati i gjashtë, Nicolas Cué – Kandidati i gjashtë që vjen prej grupimit të ekstremit të majtë (GUE) të Parlamentit Europian është belgu 52-vjeçar. Ka përvojë të madhe në sindikata dhe Europa sociale është në qendër të angazhimit të programit të tij politik. Pika e fortë e tij e programit është shpresa për qytetarët europianë kundër politikave liberale, që sipas këtij grupimi janë shkaktarë të problemeve që hasen aktualisht dhe pikat e dobëta lidhen me mbështetjen e pakët në nivelin europian të ekstremit të majtë. /ABC News Albania 24/7

kandidatet-1280x738.jpg
Sej rie19:39 | 05/05/2019

Kandidatët presidencial të opozitës dhe koalicionit qeveritar, Gordana Siljanovska dhe Stevo Pendarovski, në deklaratat e tyre, pasi kanë votuar në qendrat e votimit, me qëndrime të kundërta rreth epilogut të zgjedhjeve presidenciale në Maqedoninë e Veriut.

Gordana Siljanovska-kandidate e opozitës: “Dita filloi sikurse në dimër e ky është dimri politik në Maqedoni dhe mendoj se në fund do të përfundojë me diell”.

Stevo Pendarovski-kandidat i koalicionit qeveritar: “Shpresa ime është që shumica e votuesve do ta njohin konceptin e fushatës sime, dhe do ta përkrahin këtë koncept që do të thotë përparim”.

Nga ana tjetër, liderët e partive politike në prononcimet pas votimit, theksuan rëndësinë e mbarëvajtjes së këtyre zgjedhjeve për procesin euroatlantik të vendit.

Zgjedhjet sipas KSHZ-së dhe monitoruesve të vendit dhe të huaj janë zhvilluar në atmosferë të rregullt pa incidente, me disa parregullsi të natyrës teknike që nuk ndikojnë në procesin votues. Por, partia maqedonase në opozitë VMRO-DPMNE është ankuar për një varg parregullsish, duke adresuar kritika se pushteti ka  keqpërdorur policinë për qëllime politike dhe se bëhet presion i paligjshëm nga ana e organeve të policisë ndaj pjesëtareve të VMRO DPMNE-së./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono