presidenca

47571406_2031363783576551_1128680520209661952_n.jpg
ent ela08:44 | 05/12/2018

Presidenca e Shqipërisë ka ulur sot në gjysmështizë Flamurin Kombëtar në nderim e mirënjohje të veprës së vyer të Presidentit të 41 të SHBA-ve, George H.Ë Bush.

“Në nderim e mirënjohje të veprës së vyer të Presidentit të 41 të SHBA-ve, George H.W Bush ndaj ndryshimeve të para demokratike në Shqipëri e qëndrimit të tij të palëkundur për liritë e të drejtat e shqiptarëve, veçanërisht në Kosovë, në vlerësim e respekt të thellë ndaj betejës së tij të palodhur për lirinë dhe shembjen e Murit të Berlinit, Flamuri Kombëtar në Institucionin e Presidencës është ulur sot në gjysëmshtizë”- thuhet në njoftimin e Presidencës. /abcnews.al

balla-2.png
G. P.11:26 | 31/10/2018

Presidenti Ilir Meta nisi sot konsultime me palët politike për caktimin e datës se zgjedhjeve vendore që mbahen vitin e ardhshëm. Drejtues  të tre partive kryesore Taulant Balla, Edmond Spaho dhe Luan Rama, kanë zhvilluar takime të veçanta me kreun e shtetit në presidencë.

Është koha për të vendosur datën e zgjedhjeve të qeverisjes vendore. Kjo është arsyeja që kryetari i grupit parlamentar socialist po i drejtohet institucionit të presidencës. Është i pari në listën e të thirrurve për konsultime nga Presidenti i Republikës. 30 minuta më pas, Taulant Balla informon se një prej dy të dielave të fundit të muajit Qershor 2019 parashikon Kodi Zgjedhor për zgjedhjet lokale.

“Janë cituar dy të dielat e fundit të Qershorit si dy datat e mundshme të zhvillimit të zgjedhjeve vendore. Ka pasur në fakt nga operatorët turistikë një kërkesë për një datë më herët se fundi i Qershorit, por sigurisht që kjo është një çështje që i takon edhe dakordësisë mes të gjithëve. Megjithatë presidenti do të bëjë këtë proces konsultash. Ne nuk propozojmë datë sepse datën e përcakton Presidenti dhe Kodi Zgjedhor”, tha Balla.

Pas takimit me Presidentin e Republikës të kryetarit të grupit të deutetëve socialistë ishte e radha e Edmond Spahos që ndryshe nga kolegu i tij hyri me makinë. E po kështu doli duke mos dhënë asnjë deklaratë për mediat mbi propozimin në emër të grupit parlamentar demokrat.

Ndryshe bëri partia tjetër në opozitë. Zëvendëskryetari i LSI-së, Luan Rama, qëndroi më gjatë pasi siç tha në dalje kishin shqetësime jo me vendosjen e datës, por me standardet e zhvillimit të zgjedhjeve.

“Një pushtet që buron nga veprimtaria kriminale dhe lobimi kriminal natyrisht nuk mund të bëjë tjetër veçse t’i kthejë reston grupimeve kriminale. Ky është shqetësimi i madh dhe për sa kohë nuk ka vëmendje, vlerësim dhe angazhim të qeverisë për të pastruar ajo e para veten dhe zgjedhjet nga krimet pastaj çdo gjë tjetër është formale”, tha Rama.

Pas konsultimeve me partitë politike, Presidentit të Republikës i duhet të dekretojë datën e zgjedhjeve jo më vonë se 9 muaj pasi i mbaron mandati të zgjedhurve të njësive të qeverisjes vendore./abcnews.al

SHBA-MISHEL-OBAMA-POLITIKE.mpg_snapshot_01.14-1280x769.jpg
G. P.17:06 | 24/09/2018

Ish zonja e parë e Shteteve të Bashkuara gjatë një eventi në Las Vegas u kërkoi qytetarëve që të votojnë në zgjedhje për të ndryshuar. Megjithatë Mishel Obama përsëri mohoi kërkesat e publikut për të kandiduar kundër Trump në zgjedhjet presidenciale.

Buzëqeshja dhe energjia që Amerika nuk ka harruar. Mesazhi i ashpër që mbajti në sirtar për muaj me radhë, si burri i saj, duke respektuar rolin institucional të “ish-drejtuesve të vendit” dhe punën e ekipit të ri të Shtëpisë së Bardhë: Michelle Obama është kthyer dhe Shtetet e Bashkuara rikthejnë admirimin për atë që mbetet një prej Zonjave të Para më të njohura në histori.

Zonja Obama mbajti eventin e parë për një nga shoqatat që drejton, “Kur të gjithë ne votojmë”, një grup dypartiak i krijuar për të nxitur përfshirjen në votime të sa më shumë personave që të jetë e mundur pavarësisht përkatësisë politike: “Ne kemi udhëheqës atë për të cilin votojmë, kemi politikat për të cilat ne votojmë. Dhe nëse nuk shkojmë të votojmë, është momenti kur ne e braktisim idenë e qeverisë për njerëzit dhe të bërë nga njerëzit”. Ajo vazhdoi duke thënë se nuk ishte i interesuar se për kë do të votonin njerëzit, por të votosh është e rëndësishme.

Michelle ka marrë në këtë mënyrë, të paktën formalisht, distancë nga burri i saj, ish-Presidenti Barak Obama, i cili është i përfshirë drejtpërsëdrejti në zgjedhjet e mesit të mandatit në SHBA. Në javët e fundit, ai ka mbajtur tubime në disa shtete në favor të kandidatëve demokratë dhe është bërë në fakt njeriu rreth të cilit veprimi i demokratëve është i përqendruar kundër Presidentit Donald Trump. Gjatë fushatës zgjedhore, Michelle Obama kritikoi ashpër Trump, politikat e tij të të drejtave civile dhe fjalët e tij rreth grave: por pas fitores së kandidatit republikan ajo kishte mbajtur heshtjen institucionale. Ndërkohë, gjatë eventit në Las Vegas, persona të shumtë nga publiku i kërkuan ish Zonjës së Parë që të kandidonte për garën e ardhshme për Shtëpinë e Bardhë: por ajo tundi kokën duke qeshur dhe tha: “t’I japim fund kësaj historie”./abcnews.al

MACRON-INTERVISTA-1280x720.jpg
G. P.11:50 | 24/09/2018

Presidenti francez Emanuel Makron ka shënuar një tjetër rekord negativ në një kohë që vijon rënia e lirë në sondazhe. Sipas një studimi të publikuar nga mediat franceze, presidenti përballet me 34% të qytetarëve që nuk janë të kënaqur me punën e tij, ndërsa 70 % thonë se presidenca e tij është thjesht zhgënjyese. Makoron kishte arritur një rekord pozitiv në fillim të mandatit në periudhën maj – qershor 2017 me një popullaritet deri në 64 për qind./abcnews.al

TRUMP-CNN.mpg_snapshot_00.00-1280x720.jpg
G. P.22:58 | 14/09/2018

Manjati i medias dhe tre herë kryebashkiak i Nju Jorkut, Majkëll Blumberg është gati të sfidojë Donald Tramp në zgjedhjet presidenciale të 2020-s. Por këtë herë ai nuk do të garojë si një kandidat i pavarur por do rreshtohet në rradhët e demokratëve.

Majkëll Blumberg, tre herë kryebashkiak i Nju Jork dhe në krye të një perandorie mediatike, dëshiron të sfidojë Donald Tramp. Për këtë arsye ai po merr në konsideratë të garojë në zgjedhjet presidenciale të 2020-s në rradhët e demokratëve. Lajmi është raportuar nga disa media amerikane. Blumberg 76 vjeç është përpjekur të shkojë në Shtëpinë e Bardhë dhe në 2008-n, 2012-n dhe 2016-n, por gjithnjë si kandidat i pavarur.

Vitet e fundit manjati miliarder i informacionit ka shpenzuar shuma të mëdha parash në beteja anti Tramp, si për shembull për klimën apo kundër armëve. Por për Tramp lajmet e këqija nuk përfundojnë këtu: ish përgjegjësi i fushatës së tij elektorale në 2016-n, Paul Manafort, është gati të bëjë një marrëveshje me prokurorin që po heton për Russiagate, Robert Muller. Manafort është gati të vetëdeklarohet fajtor duke bashkëpunuar në hetimet që synojnë të vërtetojnë se Tramp ka pasur kontakte me Moskën./abcnews,al

180816-trump-lashes-out-opioids-feature.jpg
ent ela22:27 | 29/08/2018

Një tjetër këshilltar i Donald Trump do të lërë detyrën për shkak të zhvillimeve të fundit mbi skandalin “Russiagate”. Teksa ka njoftuar lajmin, presidenti amerikan ka lënë të kuptohet se i ka varur shpresat tek kryetari i ri i Gjykatës Supreme, për të cilin shpreson të emërohet së shpejti.

Don MekGen, një nga këshilltarët e afërt të presidentit Donald Trump pritet të lërë detyrën në javët e ardhshme, i ndikuar nga hetimet mbi ndërhyrjen ruse në zgjedhjet presidenciale të 2016-s. Lajmin e ka bërë të ditur vetë shefi i Shtëpisë së Bardhë përmes një njoftimi në Twitter, duke i dhënë fund spekulimeve që rëndonin mbi figurën e MekGen. Ai është i fundit i një liste të gjatë këshilltarësh të nivelit të lartë të administratës amerikane që largohen nga detyra.

Në postimin e tij Trump ka saktësuar se MekGen do ta braktisë detyrën pak pas emërimit të kryetarit të ri të Gjykatës Supreme të Shteteve të Bashkuara, që ai shpreson të ndodhë së shpejti. Nga ana e tij, këshilltari nuk ka qenë në dijeni të mesazhit, por ka bërë me dije se largimi nga Shtëpia e Bardhë ka qenë në planet e tij pasi ndjen se i ka arritur të gjitha qëllimet. MekGen bashkëpunoi vullnetarisht me hetuesin e posaçëm Robert Myler dhe ekipin e tij mbi ndërhyrjen ruse, një proces hetimor që ka çuar tashmë në pranimin e fajësisë, ngritjen e padive dhe pranimin e marrëveshjeve nga shumë të pandehur, njerëz të afërt me Trump. Në kuadër të këtyre zhvillimeve, vetë presidenti paralajmëroi më herët gjatë muajit se nëse inkriminohet do të destabilizohen tregjet financiare, ekonomia do të marrë tatëpjetën dhe amerikanët do të bëhen më të varfër./abcnews.al

presidencc.jpg
G. P.11:14 | 28/07/2018

Presidenti i Republikës i ka quajtur sipërfaqësore, emocionale dhe të pathelluara reagimet e politikës ndaj dekretit të publikuar vetëm një ditë më parë, i cili kthen ligjin për Teatrin Kombëtar në Kuvend për rishqyrtim.

Përmes zëdhënësit të këtij institucioni, Presidenti i Republikës Ilir Meta, fton të gjithë të shqetësuarit për ndërtimin e një teatri të ri, të kenë durim e të lexojnë me objektivitet dekretin dhe arsyetimin për kthimin e këtij ligji.

Argumentet dhe konstatimet ligjore bazohen në Kushtetutën e Shqipërisë, konventat dhe marrëveshjet ndërkombëtare, thekson Kreu i Shtetit.

“Jam i bindur se, nëse të gjithë do të udhëhiqen vetëm nga interesi kombëtar dhe publik, jo vetëm mund të garantohet ruajtja e kompleksit teatror dhe restaurimi i tij si pjesë e trashëgimisë kombëtare, por edhe garantohet ndërtimi i teatrit të ri në mënyrë transparente e më të përgjegjshme, duke respektuar plotësisht legjislacionin aktual si dhe duke shmangur çdo konflikt artificial”.

Ky reagim erdhi pas atyre të kryebashkiakut Erion Veliaj dhe numrit dy të socialsitëve parlamentar, Taulant Balla, të cilët e quajtën të nxituar, fatkeq dhe zhgënjyes kthimin e ligjit për Teatrin Kombëtar me dekret Presidencial, edhe pse më parë kishin shprehur bindjen se Presidenti Meta do të merrte vendimin e duhur./abcnews.al

Perurimi-i-vepres-Cufoja-dhe-Bubi-Kacurrel-2-1280x853.jpg
ent ela11:23 | 22/06/2018

Lulishtes përballë Presidencës i janë shtuar dy “banorë” të rinj, aq të dashur për fëmijët, Çufoja dhe Bubi Kaçurrel, të cilët këtë vit kanë mbushur 40 vjeç. Dy personazhet, që kanë shoqëruar fëmijërinë e shumë shqiptarëve, janë përjetësuar tashmë jo vetëm në kujtesën tonë me batuat e tyre, por edhe përmes instalacionit të ideuar dhe konceptuar nga artisti Eljan Tanini.

 Vepra artistike “Çufoja dhe Bubi Kaçurrel” vjen si një promemorie në 40 vjetorin e botimit të romanit me të njëjtin titull të shkrimtarit të dashur për fëmijë, Gaqo Bushaka, dhe imiton letrat origami të zmadhuara, si një mënyrë për të ngacmuar memorien e të rriturve, por edhe për të nxitur fëmijët të frekuentojnë këndin e lojërave aty pranë. Instalacioni u përurua nga nënkryetari i Bashkisë së Tiranës, Andi Seferi, ideatori Eljan Tanini dhe krijuesi i dy personazheve, shkrimtari Gaqo Bushaka.

 Nënkryetari i Bashkisë së Tiranës, Andi Seferi falenderoi Taninin për veprën e artit modern që i ka dhuruar Tiranës, si dhe autorin e romanit “Çufoja dhe Bubi Kaçurrel”, Gaqo Bushaka, për të gjitha emocionet që ka dhuruar me librat dhe humorin e tij në fëmijërinë e çdo shqiptari. “Interesi publik për vendosjen e kësaj vepre në park, mbetet i lartë. Sa estetik, fëminor, artistik, simbolik, por edhe historik. Është e hera e parë në historinë e vendosjes së veprave të parkut në Shqipëri, ku krijohet kjo vepër arti kushtuar përrallës shqiptare që ka frymëzuar breza të tërë fëmijësh dhe të rriturish”, tha Seferi.

 Artisti Eljan Tanini theksoi se “Çufoja dhe Bubi Kaçurrel”, kanë ndikuar dhe vazhdojnë të prekin ende jetët e mijëra shqiptarëve të vegjël dhe të mëdhenj me batutat e tyre, ndaj kjo vepër arti që i kushtohet të vegjëlve vjen edhe si një mirënjohje për autorin që ka krijuar dy personazhe origjinalë shqiptarë.

 “Duke falenderuar përzemërsisht Gaqo Bushakën për humorin e tij fin që nuk fyen askënd, i shkruar në kohën kur Shqipëria jetonte vite të vështira, uroj shumë që këta dy personazhe të vendosur në park, të jenë një ogur i mirë për t’u kthyer më shumë te libri, te politikat mbi librin, te autorët e ndryshëm, por edhe te këta personazhe që unë mendoj se duhen lexuar patjetër nga çdo shqiptar. Çufoja është simboli i shpirtit të lirë dhe aventurierit që e jeton jetën si t’i vijë e që gjithmonë gjen një zgjidhje për problemet që has”, tha Tanini.

 Çufoja dhe Bubi Kaçurrel është shkruar për herë të parë në vitin 1978, prandaj ky inaugurim sillet në 40 vjetorin e krijimit të tyre. Të vendosur në lulishten karshi  Presidencës së Republikës, pranë Qemal Stafës, Ismail Qemalit, dhe kompleksit të Checkpoint të diktaturës, vepra artistike “Çufoja dhe Bubi Kaçurrel” i kushtohet fëmijëve, që u rritën me përrallat dhe letërsinë e gjuhës shqipe. Instilacioni është dhuratë për fëmijët e qytetit të Tiranës nga artisti Elian Tanini. /abcnews.al

cottarelli.jpg
G. P.12:19 | 29/05/2018

Kryeministri i mandatuar një ditë më parë në Itali, Carlo Cottarelli, pritet të prezantojë sot qeverinë e re të tranzicionit. Shumë prej ministrave, të zgjedhur në kabinetin e tij nga Cottarelli, kanë qenë pjesë e qeverisë Leta, 5 vjet më parë.

Sot është një ditë vendimtare për Italinë, pasi pritet të prezantohet dhe betohet qeveria e re kalimtare. Kryeministri i mandatuar, Carlo Cottarelli, në më pak se 24 orë duhet të prezantojë një listë me ministra. Emrat që shefi i qeverisë kalimtare do të dërgojë në presidencë kanë të gjithë një kurrikul të pasur dhe janë të kualifikuar.

Ajo që bie në sy është se emrat e përfolur janë shumica politikanë ndryshe nga ato që ishin prezantuar nga koalicioni Lega Nord dhe Lëvizja 5 Yjet. Vetë Cotarelli, i njohur dhe si “zotëri gërshëra” për shkak të shkurtimeve të shpenzimeve publike, përveç kryeministrisë mund të marrë drejtimin edhe të ekonomisë së vendit.

Për ministrinë e Brendshme përfliten Paolo Tronka dhe Karlo Moska, që natyrisht e njohin mirë këtë institucion pasi kanë punuar një jetë aty. Enriko Xhovani, ish-ministër në qeverinë e Enriko Letës mund të emërohet ministër i Punës. Për punët europiane është zgjedhur Enzo Maovero Milanezi, i cili e ka zhvilluar këtë detyrë në ekzekutivet e Mario Montit dhe Enriko Letës.

Ndërsa Rafaele Kantone, President i Autoritetit Antikorrupsion mund të jetë zëvendëskryeministër. Tek drejtësia mund të emërohet Paola Severino. Kurse ministria e Jashtme i është besuar një tjetër femre, Elizabeta Beloni./abcnews.al

 

ministria-e-jashtme.jpg
G. P.20:54 | 07/03/2018

Ministria për Europën dhe Punët e Jashtme ka dorëzuar sot në Presidencë përgjigjet e kërkesës së dytë të kreut të shtetit për detaje të marrëveshjes me Greqinë dhe saktësimin në harta të ndarjes së kufirit detar, shoqëruar edhe me dokumentacionin përkatës.

Burime për ABC News konfirmojnë se dokumentacioni është dorëzuar në Presidencë.

Në orën 18:00 të mbrëmjes së sotme, Kryeministri Edi Rama është takuar në institucionin e presidencës me kreun e shtetit, Ilir Meta.

Sipas burimeve, tema e disktuar ka qenë dhënia e autorizimit për negociatat me Greqinë. Presidenti Ilir Meta në deklaratat e mëparshme është shprehur se komunikimet do të jenë institucionale për këtë çështje të mprehtë. Por në takimin e sotëm që zgjati rreth 60 minuta Presidenti i Republikës dhe Kryeministri janë takuar kokë më kokë me dyer të mbyllura./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono