premier league
Formacionet e ndeshjes

Mourinho-1.jpg
Igli Nikolli18:30 | 07/12/2019

Tottenham e harroi shpejt humbjen me Manchester United dhe nuk tregoi aspak mëshirë përballë Burnley. 5-0 fitoi ekipi i Mourinhos në fushën e tij dhe tani renditet në vend të gjashtë me 23 pikë. Son shënoi një eurogol në pjesën e parë dhe trajneri portugez nuk i kursen elozhet për të në prononcimin e dhënë pas ndeshjes.

Ishte një ditë perfekte. Nuk u dëmtua askush, nuk pësuam gol, zhvilluam një futboll perfekt dhe djem të rinj debutuan. Trajneri kundërshtar është gjithmonë i sinqertë, pas ndeshjes më tha se ne ishim shumë më mirë se skuadra e tij.

E falënderoj, Burnley është një kundërshtar i fortë, por u treguam të mrekullueshëm. Son? Ai realizoi një gol magjik. Më kujtohet një gol i Ronaldos kur isha te Barcelona. Braziliani shënoi një gol identik me atë të Son“, përfundon Jose Mourinho. /abcnews.al

Liverpool.jpg
Veronik Istrefaj17:48 | 07/12/2019

Skuadra e Liverpool vazhdon të triumfojë në Premier League dhe pas 16 javësh kampionat, ka marrë 15 fitore, duke u ndalur vetëm njëherë në barazim 1-1 përballë Manchester United. Të kuqtë e Jurgen Klopp triumfuan edhe sot përballë Bournemouth në transfertë, me rezultatin 0-3.

Chamberlain (35′) dhe Keita (44′) shënuan në pjesën e parë, ndërsa Mohamed Salah gjeti rrjetën në minutën e 54-ët të sfidës. Tottenham me Jose Mourinhon po fluturon. “Gjelat” reaguan  mjaft mirë pas humbjes kundër Manchester United dhe shkatërruan Burnley me rezultatin 5-0. Kapiteni Kane shënoi dy gola në këtë sfidë, ndërsa Lucas dhe Son gjetën rrugën e rrjetës gjatë pjesës së parë.

Goli i Salah (54′)

Sissoko në minutën e 74-ët vendosi rezultatin final të sfidës në 5-0. Takimi mes Watford dhe Crystal Palace, është mbyllur me rezultatin 0-0 dhe skuadrat ndanë nga një pikë./abcnews.al

Sissoko feston golin e tij (74′)

 

Kane-Son-Lucas-Tottenham.jpg
Veronik Istrefaj16:51 | 07/12/2019

Janë mbyllur pjesët e para të sfidave të orës 16:00 në Premier League. Liverpool kryeson bindshëm 0-2 në transfertë përballë Bournemouth dhe të besuarit e Jurgen Klopp, duken të pandalshëm këtë sezon.

Të kuqtë pritën shumë që të gjenin golin e avantazhit, që erdhi me anë të Oxlade Chamberlain në minutën e 35-të. Anglezi u zgjodh si titullar sot në vend të Mane dhe i shpërbleu besimin trajnerit Klopp. Golin e dytë për të kuqtë, e shënoi një emër surprizë.

Nabil Keita luajti pas shumë kohësh si titullar për Liverpoolin dhe arriti të shënojë në minutën e 44-ët, duke i çuar skuadrat në dhomat e zhveshjes me rezultatin 0-2.

Tottenham po reagon shumë mirë pas asaj humbje ndaj Manchester United dhe po mposht pastër 3-0 ekipin e Burnley. Për të besuarit e Mourinhos, shënuan të tre sulmuesit.

Fillimisht, ishte kapiteni Kane që në minutën e katërt gjeti rrjetën, ndërsa pesë minuta më vonë, shënoi dhe braziliani Lucas. Son në minutën e 32-të, vendosi rezultatin 3-0 të pjesës së parë. Takimi tjetër i orës 16:00 mes Watford dhe Crystal Palace, është mbyllur pa gola në pjesën e parë./abcnews.al

Everton.jpg
Igli Nikolli15:22 | 07/12/2019

Humbja e tretë në katër javët e fundit për Chelsea. Ekipi i Lampard doli pa pikë nga transferta kundër Everton, ndeshje që e humbi 3-1. Debutim fantastik për skocezin Ferguson në pankinën e ekipit nga Liverpool.

Goli i parë erdhi shumë shpejt. Richarlison kërceu bukur me kokë dhe kaloi Evertonin në avantazh në minutën e pestë. Edhe pjesa e dytë nisi me golin e vendasve. Calvert-Leëin dyfishoi shifrat, por Kovacic riktheu “Blutë e Londrës” në lojë tre minuta më pas.

Miqtë u hodhën në kërkim të golit të barazimit, por shënoi sërish Calvert-Lewin. Sulmuesi anglez vulosi fitoren e ekipit të tij me golin e shënuar 6 minuta përpara fundit të ndeshjes. Everton reagoi pas tre humbjeve rresht dhe u rikthye te fitorja e shumëpritur, ndërsa Chelsea mbetet në vend të katërt me 29 pikë. /abcnews.al

Everton – Chelsea 3-1
(Richarlison 5′, Calvert-Lewin 49′, 84′ / Kovacic  52′)

Eriksen-Tottenham.jpg
Igli Nikolli13:13 | 07/12/2019

Përgatitet oferta e parë për Christian Eriksen. Mesfushorit i përfundon kontrata në verë dhe do të largohet nga Tottenham në merkaton e janarit. Shumë klube janë gati të paguajnë për kartonin e tij, mes tyre Manchester United, Real Madrid, Juventus dhe Inter.

Daily Mirror raporton se Manchester United po nxiton për të arritur akordin me Spurs. “Djajtë e Kuq” do të ofrojnë 25 milionë sterlina për danezin. Solskjaer e pëlqen shumë lojtarin nordik dhe drejtuesit janë gati për aksion.

Një shumë që nuk e kënaq plotësisht Tottenham, që kërkon 40 milionë sterlina. Klubi londinez pret një ankand në lidhje me Eriksen dhe shpreson që të përfitojë sa më shumë nga shitja e organizatorit 27-vjeçar. /abcnews.al

aubameyang-1.jpg
Klejdi Kaimi12:02 | 07/12/2019

Sulmuesi i Arsenalit, Pierre-Emerick Aubameyang, duket se nuk është më i kënaqur tek Arsenali. Edhe pse kohët e fundit lojtari nga Gaboni u gradua kapiten, ai ka ndërprerë çdo bisedim me drejtuesit e klubit për rinovimin e kontratës.

Kontrata e tij me londinezët përfundon për 18 muaj, por bordi i Arsenalit është në dilemë për të ardhmen e Aubameyang. Ata ende nuk e kanë vendosur nëse do ta shesin verën e ardhshme sulmuesin apo do ta mbajnë edhe për sezonin tjetër, duke rrezikuar kështu që ai të largohet me parametra zero nga Londra.

‘Topçinjve’ i ka kushtuar plot 56 milionë £ kartoni i Aubameyangut kur e blenë nga gjermanët e Dortmundit në janarin e 2018. 30-vjeçari është në kuotën e 53 golave në 83 ndeshje me fanellën e Arsenalit, ndërkohë që ekipi po kalon një krizë të vërtetë, ku nuk e njohin fitoren prej dy muajsh duke pësuar një rënie të lirë në renditje. /abcnews.al

Watford.png
Vladimir Prenga21:21 | 06/12/2019

Lëvizje të shumta në pankinat e klubeve angleze. Ditën e sotme është konfirmuar në krye të Watford Nigel Pearson, i cili ka nënshkruar një kontratë të vlefshme deri në fund të këtij sezoni futbollistik.  Në lidhje me këtë emërim, kreu i klubit, Scott Duxbury, ka thënë fjalët e tij.

“Nigel është një trajner mbresëlënës dhe vjen me gjithë eksperiencën e tij të suksesshme këtu. Ne besojmë që do të ketë një ndikim pozitiv në sezonin tonë futbollistik”, është shprehur Duxbury. Vetë Perason ka thënë fjalët e tij për sajtin e klubit anglez.

“Ishte një kënaqësi të shpenzoja kohën për të dëgjuar presidentin se sa me pasion flet për futbollin. Entuziazmi i tij, organizimi dhe motivimi, janë siguria për të ecur përpara dhe për t’u ngjitur lart në javët dhe muajt e ardhshëm”, ka deklaruar Pearson, i cili në të shkuarën ka drejtuar Hull City, Southampton dhe Leicester. /abcnews.al

Lampard.jpg
Vladimir Prenga18:43 | 06/12/2019

Pritej prej shumë kohësh një lajm i tillë dhe më në fund ka ardhur. Chelsea mund të rikthehet të bëjë përforcime në merkato, duke nisur nga janari. Frank Lampard po zhvillon një punë të madhe, teksa “Blutë e Londrës” renditën në vend të katërt në Premier League.

Trajneri është ndalur te zhbllokimi i merkatos në konferencën për shtyp përpara ndeshjes me Everton, teksa thekson se grupi aktual i lojtarëve do të vazhdojë të jetë prioriteti i tij i madh, pavarësisht ndonjë përforcimi që mund të vijë.

Shumë njerëz janë befasuar me ecurinë tonë dhe faktin që kemi lënë pas klube që kanë shpenzuar miliona. Ne humbëm Hazard dhe dy sulmues. Nuk kam folur kurrë për merkaton, sepse nuk kemi pasur mundësi të blinim lojtarë. Njerëzit kanë pritur pak nga ekipi jonë, kështu që duhet t’i japim besim grupit të lojtarëve.

Pikërisht tani, edhe më shumë se kurrë. Jam i bindur që mund të kishim mbledhur më shumë pikë dhe do të ishim më lart në renditje. Nuk e përjashtoj ndërhyrjen në merkato, do të diskutojmë me drejtuesit se në çfarë repartesh kemi nevojë për përforcime. Ai që do të vijë, do e përforcojë ekipin“, përfundon Lampard. /abcnews.al

Rodgers.png
Igli Nikolli14:14 | 06/12/2019

Shumë ndryshime kanë ndodhur këtë periudhë në pankinat e klubeve të Premier League. Tottenham, Arsenal, Watford dhe Everton kanë shkarkuar trajnerët, por ka edhe nga ata po tentojnë të rinovojnë me trajnerët aktualë. Leicester City është një prej tyre. “Dhelprat” po zhvillojnë një sezon fenomenal, renditen në vend të dytë dhe i kanë fituar të shtatë ndeshjet e fundit në kampionat.

Brendan Rodgers ka merita të padiskutueshme, jo më kot kërkohet me insistim nga Arsenal. Gjithsesi, trajneri i Leicester City do të vazhdojë të qëndrojë në “King Power Stadium”. Irlandezo-veriori mori drejtimin e ekipit në fund të shkurtit, kontrata e tij përfundon në vitin 2022. Klubi ka menduar prej kohësh t’i dhurojë rinovimin, teksa ka ardhur momenti i duhur për të vlerësuar punë e madhe.

The Telegraph raporton se akordi është arritur. Rodgers do të vijojë të jetë trajneri i Leicester, rinovimi do t’i sjellë një rritje të konsiderueshme të rrogës (aktualisht përfiton 5 milionë sterlina në sezon), teksa kontrata e re do të zgjasë deri në vitin 2025.

Një lajm i mirë për tifozët e Leicester dhe aspak i tillë për Arsenalin. “Topçinjtë” duhet të shohin për një alternativë tjetër, teksa Rodgers dhe djemtë e tij do të tentojnë fitoren e tetë rresht të dielën në fushën e Aston Villa. /abcnews.al

Aubameyang-Tualet-Arsenal.png
Klejdi Kaimi12:54 | 06/12/2019

Arsenal zhgënjeu mbrëmjen e djeshme tifozët në ‘Emirates Stadium’, duke u mposhtur 1-2 nga Brighton. ‘Topçinjtë’ nuk e njohin shijen e fitores prej dy muajsh dhe rënia e lirë në renditje vazhdon. Sikur të mos mjaftonin sherri i Xhakës me tifozët, shkarkimi i Emery apo dhe loja e dobët nga ekipi, dje në fundin e takimit ndodhi një episod, që stafit dhe tifozëve nuk do ti pëlqejë.

Kapiteni i londinezëve, Pierre-Emerick Aubameyang u zhduk nga fusha e lojës për disa minuta. Ai shkoi drejt tunelit që të dërgon drejt dhomave të zhveshjeve pa pyetur njeri. Trajneri provizor i Arsenalit, Freddie Ljunberg, konfirmoi pas ndeshjes se sulmuesi nga Gaboni shkoi në tualet në minutat shtesë.

”Të them të vërtetën unë nuk e vura re që ai nuk ishte në fushë. E pashë vetëm kur po kërkonte të futej në fushë. Kur të duhet të shkosh, duhet të shkosh,” deklaron trajneri për ‘The Sun’. Por, tifozët nuk kanë reaguar edhe shumë mirë në rrjetet sociale për këtë episod. Ata shprehen se kapiteni i ekipit, nuk mund të largohet në minutat shtesë kur je duke u mundur dhe ta braktisë ekipin me 10 lojtarë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono