Preç Zogaj

zogaj1.jpg
ent ela17:32 | 19/11/2019

Analisti Preç Zogaj ka përjashtuar mundësinë e kapjes së sistemit të ri të drejtësisë, pais sipas tij drejtësia e vjetër ka qenë e kapur nga pushteti i radhës. I ftuar në studion e ABC News, Zogaj theksoi se sot ka përpjekje për ta tribluar dhe vonuar, por sipas tij nuk ka asnjë rrugëdalje tjetër veç ngritjes së institucioneve të drejtësisë.

“Situata është e paqartë, e ndërlikuar, sidomos ditët e fundit është një situatë juridike jo shumë e qartë për publikun. Nuk kuptohet qartë nga njerëzit dhe për fat të keq konflikti është për atë institucion që duhet të gjykonte konfliktet e tjera dhe duket pa rrugëdalje, por vendi do shkojë drejt ngritjes së Gjykatës Kushtetuese, reforma në drejtësi po ecën, po ngrihet SPAK e BKH dhe këto janë arritje të rëndësishme dhe paralel Gjykata Kushtetuese dhe Gjykata e Lartë, por në thelb reflekton një mundim dy vjeçar për ngritjen e reformës në drejtësi, kaq e rëndësishme ëhtë kjo reformë që pritet t’i japë fund periudhës së tranzionit për një fillim të ri në Shqipëri. Ka përpjekje për ta penguar.

Unë këtë të kapjes në dallim nga shumë të tjerë e përjashtoj, e kapur ishte se ekzistonte si e kapur. Qeveria e kryeministri i radhës e kishte drejtësinë në dorë, në momentin që ndodhte rrotacioni drejtësia i ofrohej sistemit të ri. Nga kjo pikëpamje drejtësia ishte e kapur, më të kapur Rama kishte të vjetrën jo këtë sot. Bëhet fjalë për një reformë shumëvjeçare, për kapje nuk flas, por përpjekje për ta tribluar dhe vonuar pak”. /abcnews.al

zogaj-nano-1280x706.jpg
nev ila23:58 | 18/10/2019

Dera e mbyllur për herë të katërt radhazi nga Bashkimi Europian për Shqipërinë për analistët Preç Zogaj dhe Mustafa Nano është dëshpërues. Sipas tyre, pritshmëritë e Shqipërisë ishin shumë të larta edhe për shkak të premtimeve që liderë europianë apo përfaqësues të Brukselit kishin dhënë në këtë rast.

Për Preç Zogaj argument i dhënë nga Franca për çështjen e azilantëve është paradoksal, ndërkohë që është dakord me Edi Ramën kur thotë se pas këtij vendimi nuk duhet të biem në dëshpërim.

Por çfarë qëndrimi do të mbaj qeveria dhe kryeministri Rama pas këtij dështimi të radhës së Shqipërisë?

Për Mustafa Nanon, pikërisht vendimi që vendet e BE-së morën për çeljen e negociatave do të bëj që vëmendja dhe presioni i tyre në Shqipëri të jetë më i madh.

Dy analistët bien dakord kur bëhet fjalë për përgjegjësitë personale të Ramës dhe krahasimin me vendimin e kryeministrit maqedonas për tu dorëhequr.

Pavarësisht vendimit të marrë dy analistët nuk e shohin të mbyllur në mënyrë përfundimtare rrugëtimin e Shqipërisë drejtë BE-së./abcnews.al

byro-10-qershor.jpg
nev ila21:49 | 10/06/2019

Byro Politike në ABC News, i ka kushtuar vëmendje situatës aktuale politike në vend mbrëmjen e sotme, ku presidenti i Republikës Ilir Meta, ditën e shtunë gjatë mbajtjes së protestës së opozitës, me anë të një dekreti, shtyu zgjedhjet vendore me një afat të pacaktuar. Gazetarja Juli Xhokaxhi, për të diskutuar në lidhje me këtë çështje por edhe për diskutimin e vendimit të marrë sot nga KQZ, ku shpalli dekretin e presidentit si absolutisht të pavlefshëm, pati të ftuar në studio: Jordan Dacin jurist, Preç Zogajn gazetar e analist, Petro Kocin politikan dhe Alket Hysenin deputet të Partisë Socialiste.

Të pyetur nga gazetarja Juli Xhokaxhi se si e komentonin vendimin e KQZ sot në lidhje me dekretin e presidentit, të ftuarit patën qëndrimet e tyre në lidhje me këtë.

Për Juristin Jordan Daci vendimi i KQZ ditën e sotme, për shpalljen si absolutisht të pavlefshëm të dekretit të presidentit, ishte qesharak pasi KQZ, nuk ka asnjë tagër dhe asnjë të drejtë të komentojë apo gjykojë dekretin e presidentit.

Rasti i vendimit të KQZ nuk ka lidhje fare dhe nuk i jep asnjë lloj të drejte të komentoj dekretin. KQZ zbaton dhe nuk gjykon”,  tha Daci.

Edhe për analistin Preç Zogaj vendimi i KQZ është i gabuar. Ndërsa për politikanin Petro Koci, KQZ nuk zbaton çdo lloj dekreti apo vendimi që i serviret. Sipas Kocit presidenti cakton vetëm datën e zgjedhjeve dhe ai nuk mund ta zhbëjë atë. Alket Hyseni deputeti i PS shkon edhe më tej duke thënë se më këtë shkelje të rëndë të kushtetutës, presidenti duhet të shkojë në burg. Prandaj dhe KQZ mori vendimin që dekreti i presidentit është absolutisht i pavlefshëm. Sipas Hysenit edhe kryetari i KQZ ka gabuar që ka lënë detyrën e tij dhe është larguar.

Alket Hyseni: KQZ tha se është akt absolutisht i pavlefshëm. Më vjen keq për veprimin e kryetarit të KQZ që la detyrën. Presidenti ka shkelur hapur kushtetutën dhe duhet të shkoj në burg, nuk mund të bëj lodra në këtë vend. Më këto precedentë që po krijohen po lëmë nam.

Ndërsa për sa i përket shkarkimit të presidentit ata u shprehën:

Preç Zogaj: Për sa i përket shkarkimit, parlamenti mund të marrë nismë por nuk mund ta shkarkojë “de facto” sepse është kompetencë e gjykatës kushtetuese. Jemi në një situatë të panjohur dhe dekreti, rivendos gjendjen, qetëson disi situatën. Partia Socialiste nuk e shkarkon dot presidentin.

Alket Hysenaj: PS ka ndërmarrë dy nisma: Organizimi i një seancë me debat, me të gjithë organet përfshirë edhe presidentin, të enjten në parlament, dhe nisja e organizimit të procedurave, mbi 94 deputetë, për shkarkimin e presidentit, pasi presidenti ka bërë shkelje flagrante të kushtetutës. Pra presidenti ka bërë shkelje të kushtetutës dhe tradhti të vendit. Procedura e shkarkimit kalon në 2 etapa, pas votimit në kuvend për shkarkimin e tij, procedura vazhdon me kalimin e vendimit në gjykatën kushtetuese. Ngritja e gjykatës kushtetuese do të jetë proces shumë i shpejtë. Ilir Meta me këtë vendim nuk i dha të drejtën vetes për të qëndruar më në atë detyrë.

Jordan Daci: Presidenti ushtron kompetencat e tij deri sa të shprehet kushtetuesja dhe nuk ka asnjë institucion tjetër që mund të shprehet për këtë çështje.

Ditë e shtunë ndërsa mbahej protesta e opozitës, presidenti i republikës Ilir Meta vendosi të ç’dekretojë datën e zgjedhjeve vendore të 30 qershorit duke i shtyrë ato në një afat të pacaktuar, ndërsa paraditen e sotme KQZ, vendosi të mos e zbatojë ç’dekretimin e datës së zgjedhjeve vendore, duke e nxjerrë vendimin e presidentit si absolutisht të pavlefshëm./abcnews.al

 

ANALISTET-1280x483.jpg
ad min12:28 | 17/02/2019

Protesta e djeshme e opozitës është komentuar mbrëmë në studion e ABC News nga disa analistë të ftuar. Ata u bashkuan në qëndrimin për masivitetin e protestës. Por kanë opinione të ndryshme lidhur me aktet e dhunës nga protestuesit apo përmbushjen e pritshmërive të kësaj proteste.

Artan Hoxha: Ata që lexojnë protestën me trurin e tyre dhe jo diku gjetkë kuptojnë që ata njerëz që sot ishin në shesh janë vetëm maja e ajsbergut e një piramide shoqërore që shprehet përmes tyre. Vjen një njeri mund të ketë 70 veta fis mbrapa, njerëzit e delegojnë mesazhin e tyre përmes atyre që kanë mundësi të vijnë. Masiviteti dhe qëndrueshmëria dhe kohëzgjatja e protestës janë mesazhi që duhet të lexojë çdo njeri, qoftë politika, qoftë gazetar, qoftë analist, qoftë çdo shqiptar. Ky është mesazhi. Shoqëria në mënyrë masive është tashmë jo vetëm e pakënaqur jo vetëm në mëri, por deri në urrejtje. Nuk ka pasur opozita shqiptare plan për të përdorur dhunën e asaj fuqie që ishte sot. Qeverisë i interesonte të vërtetonte atë që akuzoi që në fillim se opozita është përgatitur për dhunë.

Artan Hoxha: 21 Janari nuk u përsërit sepse reagimi i Policisë së Shtetit dhe Gardës së Republikës nuk ishte si ai i 21 Janarit. Ata zgjodhën midis dy të këqijave të keqen më të vogël. Pra dëmet materiale sado të mqëdha qofshin janë të rekuperueshme, jetët njerëzore nuk janë të rekuperueshme. Vura re një grup njerëzish pothuajse afërsisht pesë më shumë apo pesë më pak, pothuajse aq ishin sepse nuk dua të përfshij në një përfshirje aq të madhe njerëzish përqindja e tyre ka qenë minimale në krahasim me numrin e madh, por çfarë ndodhi. Aty pati fillimisht një përplasje fizike. Policia thjesht kishte krijuar një kordon. U godit me mjete të forta, kryesisht, drunj, shkopinj që dukeshin që në momentin që erdhën, pankartat ishin shumë të vogla, shkopinjtë ishin shumë të mëdhenj. Së dyti tek hyrja e kryeministrisë u hodhën lëndë djegëse, bomba molotov.  

Alfred Lela: Numrat e tregojnë një histori gjithmonë dhe historia që treguan numrat është që zemërata popullore është kanalizuar, njerëzit janë vetëdijësuar. Protesta dhe jo mitingjat perse siç jemi mësuar të shohim mitingjet me shumë zhurmë, me shumë fjalime. Kjo protestë i caktoi vetes një stacion tjetër. I dha kryeministrit një shenjë. Stacioni është e enjtja. Premtimet për protesta janë si premtimet për të bërë ndryshime vijnë në qeveri. Të thuash që do e rrëzoj me 16 është si të thuash që do i hap Shqipërsië 300 mijë vende pune. Lajmi i mirë është që njerëzit nuk u vranë, lajmi i mirë ishte që njerëzit dolën, protestuan.

Preç Zogaj: Duhet të biem dakord dhe të kuptohemi me njerëzit. Retorika politike nganjëherë shtron pritshmëri që synojnë të nxisin publikun, pjesëmarrjen. Nuk ka ndodhur që të bien qeveritë me protesta që organizon opozita. As në Shqipëri, dy herë që është shkurtuar mandati i qeverisjes ka ndodhur nga reolta popullore, situata të jashtëzakonshme, protestat e sindikatave të pavarura të minatorëve, në 97’ ishte protesta e kreditrëve që kishin humbur paratë në firmat piramidale. Opozitat i kanë shfrytëzuar këto momente, por nuk kanë qenë ata protagonistët. Një protestë e thirrur nga opozita, pavarësisht se aty thuhej që opozita e thirri, por nuk e drejtojmë ne, kishte një lloj kakofonie, por në thelb e thirri opozita dhe e mbylli, këtë arrin./abcnews.al

BYRO-DT-7-JANAR-00001.mpg_snapshot_05.27-1280x720.jpg
ent ela10:46 | 08/01/2019

Byro Politike çeli sezonin e ri televiziv këtë të hënë me mosdekretetimin e ministrit të jashtëm Ditmir Bushati, ndryshimet në kabinetin qeveritar dhe rikthimin e protestave studentore. Të ftuar në studion e  Juli Xhokaxhi ishin Mimoza Koçiu, Preç Zogaj, Alfred Peza dhe Arian Curri.

Zogaj i konsideron drastike ndryshimet në qeveri dhe befasues propozimin e ministrave të rinj. Sipas tij Rama e ka bërë për të tërhequr vëmnedjen, duke u gjendur përballë një lëvizje të paparashikueshme që ishte ajo studentore.

Sipas Pezës është në të drejtën e kryetarit për të bërë ndryshime sa herë e shikon të nevojshme.

Gazetarja Koçiu tha se Kryeministri u shfaq si një lider i dobët përballë studentëve dhe vetmja gjë që bëri ishte të tregonte forcën me ndryshimet në qeveri.

Në këndvështrimin e Arian Currit, Meta ka gjithë të drejtën e tij si President për mosdekretimin e ministrit të ri të jashtëm të propozuar nga Rama, por edhe Rama duhet të ketë një arsye që e ka vënë aty. /abcnews.al

byro-politike-7-anar.jpg
ad min10:08 | 08/01/2019

Në këtë puntatë të parë për vitin 2019, “Byro Politike” u ndal në dy çështje kryesore. Fillimisht u diskutua për vendimin e kryeministrit Rama, i cili ndryshoi kabinetin qeverisës. Më pas mes të ftuarve në studio u diskutua për mosdekretimin e shkarkimit të Ministrit të Punëve të Jashtme nga Presidenti Meta si dhe mosdekretimi i pesë emrave të rinj të propozuar nga Edi Rama. Ndërkohë diskutime pati edhe për rikthimin e protestave të studentëve.

Të ftuar ishin: Mimoza Koçiu, gazetare; Alfred Peza, analist; Preç Zogaj, analist dhe Arian Curi, politolog./abcnews.al

prec-zogaj-mark-marku.jpg
ad min15:53 | 30/04/2018

Analistët Preç Zogaj dhe Mark Marku, të intervistuar nga ABC News një ditë pas Kuvendit Kombëtar të PD, shprehen se demokratët prisnin më shumë se aq nga një parti që synon të marre pushtetin. Sipas tyre, problem në PD nuk është statuti, por fryma dhe sjellja politike.

Për analiztët Preç Zogaj dhe Mark Marku, Kuvendi i Partisë Demokratike dhe produkti i tij nuk ishin ajo që vetë demokratët, por edhe gjithë shqiptarët presin nga një parti opozitare që synon pushtetin.

Preç Zogaj: “Ky statut e ka vendosur në bazën ligjore atë lloj individualizmi dhe atë zgjidhje që prodhoi këtë krizë ku është PD”.

Mark Marku:Unë mendoj se problemi i partive shqiptare nuk është se ska statut. Ashtu si problemi i shoqërise shqiptare nuk është se nuk kemi ligje, është çështje fryme organizimi, raporteve që pd ka me shoqërinë, me strukturën e saj”.

Atë çka modifikimet në statutin e ri të demokratëve mund t’u siguronin ktyre të fundit, preç Zogaj nuk i sheh të reflektuar  e zeza mbi të bardhë.

Preç Zogaj: “Përzgjedhjen e kandidateve për deputet dhe kryetar bashkishë nga anëtarësia e gjërë me votë të fshehtë. Ai e tha me fjalë, por siç thuhet script amanet verba volant, nuk gjeti pasqyrim”.

Mark Marku: “Në këtë kuptim kongresi nuk i ka dhënë përgjigje as popoullit opozitar as shoqërisë shqiptare”.

Kjo nuk legjitimon kritikën pa alternativë, sipas tij, të cilën e barazon në vlerë me atë që përligj lidershipin e momentit.

Mark Marku:Janë më tepër pamflete politike sesa diskutime politike që shtrojne problematika dhe japin zgjidhje. Ajo çfarë i mungon pd është një oponencë e brendshme që çon ne krijimin e isntrumentave vetërregullues. Po të ekzistonte ky mentalitet kritik dhe po të institucionalizohej brenda partisë, shoqëria shqiptare do ishte më e mbrojtur nga gabime që partitë i bëjnë kur vijnë në pushtet”.

Për Preç Zogajn, kjo liri fjale duhet siguruar edhe nga vetë mentaliteti i forcës politike demokratike. Referuar fishkëllimave në sallën, ku zhvillohej Kuvendi Kombëtar i PD, Zogaj kujton:

Preç Zogaj: “Konferenca e jashtëzakonshme e vitit 1992 plot me fishkëllima në sallë nga njerëz që nuk kanë marrë asnjë përgjegjësi për ato fishkëllima që çuan në krizën e parë të thellë të PD. Paradoklalisht Selami ishte objekt i fishkëllimave në atë kohë ishte drejtues i seancës që i dirigjonte pa zell të madh. Kuvende me fishkëllima nuk ka, dikush duhet të mbajë pergjegjësi për këtë. Kjo mua më la përshypjen e kthimit në kohëra të errëta”.

Mungesa e dëshirës për një analize të thellë të vetfajsisë për humbjen në zgjedhje, e ndërthurur me artikulimin e faktorëve të jashtëm që dnikuan në të, për Preç Zogajn nuk sjell krijimin e një fryme të re.

Preç Zogaj: “Duhet parë me profesionalizem dhe qetësi në funksion të një mendimi të ri, mënyrë si duhet ti qëndrojmë përbalë qeverisë, kundërshtarit. unë mendoj se duhet shumë punë, një koncept i ri sepse hapja, dora e shtrirë, nuk kanë kuptim si gjeste, duhet të jenë rregulla loje të shkruara që garantojnë kujtdo që kontribuon që të marrë hakun. haku nuk mund të jepet si lëmoshë dhe as si dhuratë apo për shkak të miqësisë”.

Mungesa e njësisë matëse të karrierës brenda Partisë dhe sigurisë që ajo i fal kontribuesit është sipas tij arsye legjitime e revoltës së disa figurave me peshë në partinë demorkatike.

Preç Zogaj: “Reflekton aty-këtu mendësinë e një partie unike, jo konkurruese dhe shqetësimi i tyre këtu duhet marrë seriozisht”.

Mark Marku:Kanë të drejtë të kenë këtë reagim sepse janë larguar duke mos zbatuar rregullat”.

…por kjo kritikë, nuk mund të nisë dhe përfundojë nisur nga vetja, theksojnë Preç Zogaj dhe Mark Marku.

Preç Zogaj: “Kritika nuk duhet të jetë politive, me etiketime”.

Mark Marku: “E para duhet të jenë një grup, të paraqesin alternative jo vetëm të ankohen, të mbajnë përgjegjësinë kur PD ka larguar të tjerë dhe fati i tyre personal nuk mund të lidhet pazgjidhshmërisht me një formacion politik”.

Situata për analistët Zogaj dhe Marku, kërkon që kryetari i kësaj force politike të mundësojë një bashkim të partisë e këtë ta strukturojë në bazë të vlerës, kontributit dhe përmes respektimit të rregullave të shkruara./abcnews.al

prec-zogaj-dhe-alfred-peza-1280x660.jpg
ad min13:20 | 16/03/2018

Të ftuar në Mbrëmje në ABC News, analistët Preç Zogaj dhe Alfred Peza diskutuan për dy nga çështjet politike të javës.
Ata folën rreth seancës parlamentare të së enjtes, ku u diskutua rreth heqjes nga skema e ndihmës ekonomike të rreth 30 mijë personave.
Gjithashtu një nga çështjet e tjera të diskutimit mes dy analistëve ishte dhe lobimi i Partisë Demokratike./abcnews.al

vlcsnap-error413-2-1280x720.jpg
ent ela14:12 | 21/02/2018

Deklaratës së kreut të ekzekutivit Edi Rama për një president të përbashkët mes dy shteteve shqiptare, të komentuar nga vendet e rajonit si zgjimi i fantazmës së Shqipërisë së Madhe, vjen në analizën e Preç Zogaj dhe Mark Markut.

Deklarata, e artikuluar nga foltorja e Kuvendit të Kosovës, në 10 vjetorin e Pavarësisë së kësaj të fundit, nga kryeministri i vendit amë, Shqipëri ishte kjo…

“Kosova dhe Shqipëria do të kenë një politikë të jashtme, e jo veç ambasada dhe përfaqësi diplomatike të njëjta, por pse jo, një president si simbol të unitetit kombëtar dhe një politikë kombëtare të sigurisë”.

Pse jo-në, e kësaj simbolike të një ëndrre të shprehur gabim sipas tyre, e shpjegojnë analistët Preç Zogaj dhe Mark Marku.

Arsyen e kësaj deklarate, naive nëse nuk do kishte ardhur nga shefi i ekzekutivit Rama, e shohin të adresuar më shumë ndaj politikës së brendshme. Reagimi i rajonit është i pritshëm, e për këtë arsye nxjerr zbuluar qëllimin, sipas tyre.

Çështja për ta është bashkimi, për të cilin nuk është e nevojshme të heqësh dorë, sa kohë heq dorë nga kufijtë e përbashkët.

Sipas analistëve, politika e protagonizmit dhe krijimit të zhurmës për efekt të brendshëm, vjen në kufijtë e antikombëtares për sa kohë ushqen vetëm spekullimin e shqipërisë së madhe dhe nuk shënon hap drejt bashkimit konkret, jo atij politik./abcnews.al

 

vlcsnap-error601-1280x720.jpg
ent ela15:03 | 13/02/2018

Në Lezhë poeti Preç Zogaj shkoi me librin e tij më të fundit “In Love”. Në një ceremoni të thjeshtë shumë dashamirës të poezisë së tij lexuan pjesë shumë nga poezitë në libër, poezi të cilat i cilësuan si “dashuritë njerëzore”.

“In Love” përmbledhje poezish nga Preç Zogaj u prezantua edhe në Lezhë.

Lexues dhe dashamirës të poezisë përbën një auditor që pranoi të qëndronte edhe në këmbë kur gjimnazistët recitonin.

Poezia e Zogajt është komentuar si një ngjarje e rëndësishme që ndodh jo vetëm për Lezhën.

Zogaj flet për dashurinë njerëzore.

Prania në Lezhë për Zogajn është një shenjë e dashurisë për qytetin. Aty ku u krijua si poet dhe një detyrim për miqtë e rinj e të vjeter të shkollës poetike. Ndaj edhe përzgjedhja nuk ka qenë krejt e rastësishme.

“In Love” është nga librat më të bukur poetikë botuar kohët e fundit. Poeti, siç shkruan kritiku Agim Basha në parathënie, hyn ndër ata poetë që e shohin poezinë si kapacitet të brendshëm të gjuhës.

Edhe pse thellësisht personale, shumë poezi të tij apelojnë për një celebrim të hapur kolektiv ku mediumi–gjuha–është njëherësh skenë e festës edhe tempull i adhurimit. Ndaj lexuesi jo thjesht emocionohet, por humbet në guidën shpirtërore dhe të mendimit. /abcnews.al

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono