pranga

elbasan-6-640x364-933x445.jpg
Sej rie09:00 | 31/05/2019

Një i ri ka rënë në pranga të policisë, pasi është konfliktua me stafin mjekësor të spitalit të Elbasanit. Sipas njoftimit të policisë,  28-vjeçari iniciale D.K. kishte shkuar në spital për të marrë ndihmë mjekësore, por nisi të debatonte me mjekët.

Më pas aty shkuan forcat policore pas njoftimit që kishin marrë. Teksa po përpiqeshin të shoqëronin 28-vjeçarin, ky i fundit kundërshtoi me dhunë uniformat blu. I riu u arrestua për veprën penale të kundërshtimit të punonjësit të policisë./abcnews.al

MBULIM-ARRESTIM-DROGE-TIRANE.mpg_snapshot_00.06-1280x720.jpg
ent ela13:24 | 26/05/2019

Pronari i një lokali nate në Tiranë është arrestuar në flagrancë këtë fundjavë, pasi shpërndante kolainë në lokal për klientët.

Sipas njoftimit të policisë, nga kontrolli i kryer në ambientet e lokalit që ndodhet në Kamëz, me pronar dhe menaxher shtetasin Sh.I,  Specialistët për Hetimin e Narkotikëve  gjetën në banak  të fshehura  11 doza të dyshuara me  lëndë narkotike kokainë, të cilat u sekuestruan në cilësinë e provës materiale së bashku me dy telefona celular dhe një automjet.

Pronari 45 vjeçar banues në Kamëz është arrestuar  në flagrancë për veprat  penale “Prodhim dhe shitje të lëndëve narkotike” dhe “Përshtatje e lokalit për përdorim droge”,

Po sipas njoftimit të policisë, ai kishte qenë u dënuar më parë  për veprën penale të  “Mashtrimit”.

Dy persona të tjerë janë proceduar në gjendje të lirë  u proceduan penalisht për veprën penale  “Moskallëzim krimi”. /ABC news Albania 24/7

pranga.jpg
Sej rie12:23 | 10/05/2019

11 persona të dyshuar për trafikimin e 145 kilogramëve kanabis sativa janë vënë në pranga gjatë operacionit të koduar “Bistrica 2019”. Arrestimet u kryen pas një hetimi disa mujor të Prokurorisë për Krime të Rënda. 11 personat e vënë në pranga dyshohet se trafikonin lëndëve narkotike nga Shqipëria në drejtim të Greqisë. Ata janë të moshës nga 21 deri në 55 vjeç.

Të arrestuarit në bashkëpunim me njeri-tjetrin u kapën në flagrancë duke trafikuar në drejtim të Greqisë një ngarkesë prej rreth 79 kilogramë kanabis sativa, e fshehur në një  vend të krijuara posaçërisht në automjetin me të cilin po transportonin sasinë e konsiderueshme të bimës narkotike. Në 4 Prill në Kapshticë është arrestuar dhe një shtetas tjetër, i cili u kap  duke transportuar për në drejtim të Greqisë rreth 68 kilogramë.

Ata do të akuzohen për “Trafikim të lëndëve narkotikëve”, ”Grup i Strukturuar Kriminal”, në bashkëpunim./ABC News Albania 24/7

Ardi-veliu-1280x648.jpg
Sej rie10:59 | 07/05/2019

Megaoperacioni ndërkombëtar në fushën e trafikut të drogës i zhvilluar në Shqipëri dhe Greqi ka vënë në pranga 61 persona. Policia e Shtetit nën drejtimin e Prokurorisë për Krime të Rënda, pas 10 muajsh hetime, finalizoi operacionin “Brezi i Gjelbër”.

Një operacion ndërkombëtar antidrogë, i quajtur “Brezi i gjelbër”, ka vënë në pranga 61 shtetas shqiptarë dhe të huaj. Këto janë pamjet e aksionit policor të zhvilluar në disa qytete të vendit.

Drejtori i Policisë Shtetit, Ardi Veliu bashkë me Prokurorin e Krimeve të Rënda, Anton Martini pohuan se, hetimet kishin nisur 10 muaj më parë.

Të hënën gjykata e Krimeve të Rënda lëshoi 26 urdhër-arreste, teksa 14 prej tyre u ekzekutuan. Mes të prangosurve janë, Florenc Llanaj, nëndrejtori i Spitalit të Sarandës dhe futbollisti i Delvinës, Adrian Xhibro.

Sipas Veliut, në hetim për korrupsion është edhe një prokuror në shkallën e parë në Gjirokastër, i cili u pezullua nga detyra.

“Në kuadër të këtij hetimi u evidentua një rast i dyshuar korrupsioni në sistemin e drejtësisë. Në datë 24 janar 2019 u ndaluan shtetasit E. H., banues në Tiranë dhe E. D., banues në Përmet, si dhe u procedua masa e sigurimit personal “Detyrim për tu paraqitur në policinë gjyqësore” dhe “Pezullim i ushtrimit të detyrës publike” i shtetasit S. Ç., banues në Gjirokastër (Prokuror pranë Gjykatës së Shkallës së Parë Gjirokastër). Këta shtetas janë akuzuar për veprat penale “Korrupsion aktiv i gjyqtarit, prokurorit dhe i funksionarëve të tjerë të drejtësisë”, “Deklaratë e rreme përpara oficerit të policisë gjyqësore”.

Në operacion u përshinë me qindra forca policie, të Njësive Operacionale, FNSH si dhe ato të Drejtorive Vendore të Policive Vlorë, Gjirokastër, Fier, Tiranë, Elbasan, Korçë dhe Sarandë./ABC News Albania 24/7

mashtrus-1280x721.jpg
Sej rie10:20 | 06/05/2019

Arrestohet nga policia e Tiranës një person që mashtronte qytetaret, duke u prezantuar si agjent i policisë kriminale.

42-vjeçari u prangos nga agjentët e Komisariatit Nr.4, pas informacionit të marrë nga disa telefonata, se një shtetas prezantohej si punonjës policie.

Në momentin e ndalimit, në rrugën “Imer Ndregjoni”, pranë godinës së drejtorisë qëndrore të Shërbimit Informativ Shtetëror, “policit mashtrues”, iu sekuestrua një pistoletë, një mjet identifikimi me emrin e tij, si edhe një pale pranga./ABC News Albania 24/7

tmp_24134-thike31834143056.jpg
G. P.09:02 | 01/05/2019

Një 66-vjeçar është vënë në pranga nga policia pasi tentoi të vriste me thikë një person tjetër. Sipas policisë, G.K banues në Fier tentoi të vriste 57-vjeçarin N.K për motive të dobëta.

Për pasojë ky i fundit është plagosur dhe policia ka njoftuar se ndodhet në spitalin e Fierit nën kujdesin e mjekëve. Ndaj 66-vjeçarit tashmë rëndon vepra penale “Vrasje e mbetur në tentativë”./abcnews.al

tirane-1.jpg
G. P.09:03 | 30/04/2019

Një person është arrestuar në flagrancë nga policia gjatë kohës që po tentonte të vidhte në garazhet e një pallati. Ngjarja ndodhi rreth orës 04:30 në rrugën “Mujo Ulqinaku” në Tiranë.

Sipas njoftimit të policisë në pranga ka rënë një 41-vjeçar me iniciale E.P nga Kavaja. Ky person ka qenë i dënuar më parë për vjedhje. Pas veprimeve paraprake hetimore dyshohet se 41-vjeçari është autor edhe i disa vjedhjeve të tjera.

Më konkretisht, ai dyshohet se ka vjedhur një kondicioner dhe zinxhirët e gomave të automjetit në një garazh në rrugën “Hajredin Shtino” më datë 11 Mars të këtij viti.

Nëntë ditë më vonë në një garazh në rrugën ‘’Reshit Çollaku’’ dyshohet gjithashtu se ka vjedhur vegla pune si dhe ka dëmtuar derën e mjetit. Megjithatë grupi hetimor po Vijon puna për dokumentimin e  ngjarjeve të  tjera, duke u bazuar në pamjet filmike./abcnews.al

protestann.jpg
G. P.12:06 | 14/04/2019

Një 26-vjeçar që mori pjesë në protestën e opozitës qëndron i lidhur me pranga në krevatin e spitalit. Denoncimi vjen nga Partia Demokratike shoqëruar me një video. Për ish-deputetin Bardh Spahia, policia është kthyer në vegël qorre të një regjimi të shkërmoqur tashmë.

“Protestuesi ka kontuzione, edema dhe hematoma të shkaktuar nga dhuna e njerëzve të veshur me uniformë”, shkruan ish-deputeti demokrat në rrjetet sociale, sipas të cilit është e pa logjikshme mbajtja me pranga ndërkohë që është i rrethuar edhe nga policë në ambientet e spitalit./abcnews.al

isis-1-1280x853.jpg
ent ela22:30 | 05/04/2019

Një 21-vjeçar me origjinë shqiptare është arrestuar nga policia amerikane pasi kishte shprehur tendenca për të kryer sulme terroriste brenda dhe jashtë Shteteve të Bashkuara.

Një shtetas shqiptar që planifikonte të bashkohej me Shtetin Islamik dhe të hakmerrej për sulmin me armë ndaj xhamive në Zelandën e Re është arrestuar nga autoritetet amerikane në Montana. Fabjan Alameti, 21 vjeç, u prangos në një poligon qitjeje, ku kishte marrë me qira një armë të tipit M1A për të bërë praktikë. Agjentët e policisë arritën tek Alameti pasi 21-vjeçari ia kishte treguar idetë e tija një informatori. Ai kishte thënë se synonte të shkonte në Irak ose në Siri, si dhe të kryente sulme ndaj komplekseve ushtarake amerikane në territorin e Shteteve të Bashkuara, ndaj tempujve hebre dhe objektivave të tjerë. Por më vonë ai kishte thënë se në Shtetet e Bashkuara nuk do të kryente asnjë sulm pasi i kishin dhënë nënshtetësinë. Sidoqoftë, autoritetet amerikane kanë deklaruar se 21-vjeçari me origjinë shqiptare mund të akuzohet vetëm për deklarata të rreme në lidhje me terrorizmin dhe posedim narkotikësh, pasi nuk ka kryer asnjë krim. Sidoqoftë, nëse shpallet fjator ai rrezikon deri në 10 vjet burg dhe 250 mijë dollarë gjobë./abcnews.al

4.jpg
ent ela10:45 | 27/02/2019

Katër persona janë arrestuar gjatë operacionit “Rruga e Gabuar”, ku dhe u sekuestruan 100 kilogram kanabis sativa. Të arrestuarit janë tre shtetas nga Velipoja dhe një nga Vau i Dejës;  Nardi Malaj, 45 vjeç, banues në fshatin Baks, Shkodër, Dod Dodani, 41 vjeç, banues në fshatin Mnelë, Shkodër, Jozef Ndoci, 34 vjeç, banues në fshatin Gomsiqe Shkodër, Aurel Tanushi, 24 vjeç, banues në fshatin Gomsiqe, Shkodër .

Të katër këta persona u arrestuan në rrugën kombëtare Lezhë-Shkodër. Gjatë kontrollit në pjesën e mbrapme të makinës së tyre “Audi” të parkuar në një pikë karburanti jofunksionale u gjet 100 kilogramë lëndë e dyshuar marijuanë në 7 thasë të zinj plastikë e mbuluar me çarçafë.

Po ashtu në makinë u gjetën edhe dy mostra lënde të dyshuar marihuanë rreth 67 gram. Në shtëpinë e shtetasit Dodani u gjet lëndë e dyshuar narkotike 42,2 gram si dhe fara gjithashtu të dyshuara të bimëve narkotike 179,8 gram. Në cilësinë e provës materiale u sekuestra e tërë lënda e gjetur, dy automjete “Audi” dhe “Merzedes” si dhe katër telefona celularë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono