pranga

pranga.jpg
G. P.10:48 | 12/07/2018

Një pronar i një pikeje llotoje ka rënë në prangat e Policisë së Kavajës për prodhim dhe shitje të lëndëve narkotike si dhe organizim i llotarive të palejuara.

Ai është Erti Kadiu, 31 vjeç. Policia ishte vënë në ndekje të tij prej disa kohësh pasi dyshohej se në pikën e tij të llotos shpërndante drogë.

Gjatë kontrollit aty, u sekuestruan 4 kompjuterë lojërash fati, 21 doza lënde narkotike e dyshuar kokainë, 45 fishekë model 56, 9 fishekë model 54, një sasi në lekë dhe dollarë, peshore elektronike, 6 aparate celularë si dhe një makinë “Ford”.

Gjithashtu policia kontrolloi edhe në shtëpinë e Kadiut, ku iu gjetën disa dokumente shtëtërore që dyshohet se janë të falsifikuara./abcnews.al

droga-riva-ligura.jpg
G. P.16:35 | 30/03/2018

Autoritetet italiane në Riva Ligura kanë arrestuar një shqiptar për shpërndarje të lëndëve narkotike.
Sipas mediave, në pranga ka rënë një 30-vjeçar, identiteti i të cilit nuk bëhet i ditur.
Mësohet se shqiptari i sillte klientët në  apartamentin e tij gjatë natës, duke shkaktuar zhurma, çka ka sjellë shqetësimin e fqinjëve të tij, të cilët e kanë denoncuar në polici.
Pas kontrollit të ushtruar në apartamentin e tij, policia sekuestroi 30 kilogramë lëndë narkotike, marijuanë dhe kokainë./abcnews.al

shqiptaret-1.jpg
G. P.10:42 | 22/03/2018

Një grup kriminal shqiptarësh që merrej me trafikun e lëndëve narkotike është shkatërruar nga autoritetet italiane. Sipas policisë, në pranga kanë rënë 16 shqiptarë, identitetet e të cilëve nuk janë zbuluar endë.

Gjithashtu, ata sekuestruan në Milano 440 kilogramë marijuanë, rreth 10 kilogramë heroinë dhe gati 200 kilogramë substancë, që do përdorej për përzierjen e heroinës.

Mediat bëjnë me dije se banda e shqiptarëve e siguronte drogën në Shqipëri dhe e shpërndanin në Itali dhe Zvicër. Sipas autoriteteve, shqiptarët përdornin një sistem të koduar komunikimi, në mënyrë që të fshihnin trafikun e paligjshëm që kryenin./abcnews.al

lggg.PNG.gallery.jpg
ent ela10:01 | 10/03/2018

Një tjetër shqiptar, i cili kishte hyrë ilegalisht në Britaninë e Madhe u arrestua nga autoritetet në Whitton.

Sipas mediave atje, rreth orës 11:10 të datës 8 Mars, zjarrfikëset e Londrës shkuan në Whitton Waye, për shkak se kishte rënë zjarr. Një shtëpi private dhe një garazh u shkatërruan nga flakët, për të cilat u desh ndërhyrja e 72 zjarrfikësve.

Shqiptari, emri i të cilit nuk bëhet publik, u arrestua pikërisht në këtë vend.

“Teksa ndodheshim në vendngjarje u arrestua një 29-vjeçar shqiptar, pas dyshimeve se kishte tentuar të vidhte në një automjet. E teksa ndodhej i shoqëruar në ambientet e policisë, oficerët morën informacion se kishte hyrë ilegalisht në Britaninë e Madhe, ndaj u arrestua”,tha një zëdhënës i policisë.

Nga zjarri i rënë në ndërtesën në fjalë nuk pati të lënduar, ndërsa shkaku i zjarrit po hetohet nga autoritetet atje./tvklan.al

unnamed-6-19.jpg
ent ela10:57 | 09/03/2018

Nje inspektor i Drejtorisë Rajonale të Hetimit Tatimor në Tiranë u vu në pranga nga policia për shpërdorim detyre.

Sipas njoftimit zyrtar të policisë, 34 vjeçari Klodjan Pjeshka dyshohet se i ka kërkuar 20 mijë lekë të reja një 56 vjeçari në Rrogozhinë, në këmbim të mosndëshkimit me gjobë.

Materialet proceduriale i kaluan Prokurorisë pranë Gjykatës së Shkallës së Parë Tiranë, në ngarkim të shtetasit Klodjan Pjeshka, për veprat penale të “Korrupsionit pasiv të personave që ushtrojnë funksione publike” dhe “Shpërdorimit të detyrës”./abcnews.al

Sequestro-droga-ragusa-arrestati-624x300.jpg
ent ela11:05 | 08/03/2018

Më shumë se 300 kg marijuanë u sekuestruan nga policia italiane. Agjentët e policisë së Bergamos arrestuan 5 persona të shtetësisë shqiptare dhe marokene. Droga  nisej nga Maroku, në Spanjë dhe më pas mberrinte në Itali.

Të arrestuarit akuzohen për trafik ndërkombëtar droge. Sipas të dhënave të policies, grupi kriminal vepronte në Bergamo, ndërsa janë lëshuar urdhër arreste dhe për 14 persona të tjerë. Operacioni i policisë mbante emrin “Tano”, sipas kreut të grupit criminal, i cili mendohet të jetë shqiptar. /abcnews.al

arma-1.jpg
ent ela08:45 | 16/02/2018

Një 21 vjeçar dhe dy adoleshentë 15 vjecar u arrestuan nga policia e Lezhës pasi qëlluan me armë në ajër.  Markelian Pepa, 21 vjeç nga Repsi dhe dy  te miturit nga Lezha, kanë shtëne 35 plumba në ajër me pushkën që hodhën në ferra.  Por, ata kishin pasur 332 fishekë të tjerë dhe 8 granata te cilat policia i zbuloi më pas në mjetin e tyre. Pas verifikimeve u gjeten gjurme qe keta persona ne dhjetor te vitit te kaluar kishin qëlluar me armë zjarri në drejtim të banesës së XH.M në lagjen “Besëlidhja” në Lezhë.

Njoftimi i plotë i Policisë

Qëllojnë me armë zjarri në ajër duke krijuar panik në qytet, arrestohen në kohë rekord nga Policia.

Sekuestrohet arma e zjarrit me të cilën qëlluan në ajër tre shtetasit e arrestuar, një sasi e konsiderueshme fishekësh, 8 granata dore, si dhe një sasi e vogël lënde narkotike e llojit Cannabis Sativa.

Më datë 15.02.2018, rreth orës 14.30, tre shtetas në bashkëpunim me njëri- tjetrin në lagjen Varosh të qytetit të Lezhës,  pranë hyrjes  se një tuneli poshtë kalasë së qytetit, kanë qëlluar në ajër me një armë zjarri duke krijuar panik tek qytetarët.

Falë reagimit të shpejtë dhe profesional të shërbimeve të Policisë së Lezhës, është bërë e mundur kapja dhe arrestimi në flagrancë i tyre dhe konkretisht:

 

  • Markelian Pepa, 21 vjeç, banues në Reps, Miditë.
  • E. M., 15 vjeç, banues në Lezhë.
  • P. D., 15 vjeç,  në Lezhë.

 

Grupi hetimor në vendngjarje ka gjetur dhe sekuestruar në cilësinë e provës materiale, 35 gëzhoja.

Në vijim të veprimeve  të kryera , shërbimet e Policisë kanë bërë të mundur gjetjen e armës (pushkë model 56), me të cilën kishin qëlluar shtetasit e sipërpërmendur, të cilën e kishin fshehur në shkurre përreth zonës ku kishin qëlluar.

Së bashku me armën  grupi hetimor ka gjetur dhe sekuestruar edhe 332 fishekë luftarakë dhe 8 granata dore dhe një pistoletë shenjë dhënëse.

Po gjatë kontrollit grupi hetimor ka gjetur dhe sekuestruar edhe një sasi të vogël lënde narkotike të llojit Cannabis Sativa.

Po nga veprimet e para hetimore  dyshohet se këta shtetas në bashkëpunim me njëri- tjetrin janë dhe autorë të ngjarjes së datës 19.12.2017, ku rreth orës 19.00, kanë qëlluar me armë zjarri, në drejtim të banesës së shtetasit Xh.M, në lagjen “Besëlidhja” të qytetit të Lezhës.

Materialet proceduriale në ngarkim të tre shtetasve, do t’i referohen Prokurorisë, pranë Gjykatës së Shkallës së Parë Lezhë, për veprat penale “Prodhimi dhe mbajtja pa leje e armëve luftarake dhe municionit”, “Prishja e qetësisë publike”, parashikuar nga nenet  278/4, 5 dhe 274  dhe 25 të Kodit Penal, si dhe “Prodhimi dhe shitja e lëndëve narkotike” për shtetasin Markelian Pepa, parashikuar nga neni 283/1 i Kodit Penal.

./abcnews.al

vlcsnap-error346-3-1280x720.jpg
ent ela09:59 | 18/01/2018

Një taksist ra në prangat e Policisë së Tiranës, pasi u kap duke shpërndarë lëndë narkotike e llojit kokaine. Arrestimi i tij u bë në kuadër të operacionit policor “Taksisti”, i cili është kapur në fragrancë në rreth-rrotulimin e TEG-ut, ku iu sekuestruan edhe 25 doza të drogës së fortë. Klaudian Sina, sipas policise ka qenë i dënuar më parë, teksa shfrytëzonte profesionin e tij si taksist për te shperndare kokaine. 38-vjeçari ishte nën vëzhgim prej disa muajsh, ndërsa lëndën narkotike e shpërndante kryesisht në zonën e Saukut dhe atë të Tiranës së Re./abcnews.al

 

vlcsnap-error408-1280x721.jpg
us er20:30 | 07/01/2018

8 persona që drejtonin automjetin në gjendje të dehur ranë në prangat e Policisë Rrugore të Tiranës gjatë 48 orët e fundit. Efektivët blu kanë vijuar kontrollet me Drager e Radar në autostradën Tiranë-Durrës si edhe në rrugët e brendshme të kryeqytetit.

Vetëm gjatë kësaj fundjave policia rrugore e Tiranës ka prangosur 8 persona të cilët lëviznin në gjendje të dehur nën drejtimin e automjeteve.
Kontrollet u kryen me Drager e Radar në rrugët e brendshme të kryeqytetit si edhe përgjatë autostradës Tiranë –Durrës.
Ky drejtues mjeti edhe pse nuk bëri rezistencë, kishte kaluar mbi 5 herë normën e lejuar të alkoolit, duke bërë shoqërimin e tij për në komisariat.
Po kështu gjatë 48 orëve të fundit u pezullua 95 Leje Drejtimi për mospërdorim të rripit të sigurimit dhe 117 të tjerë për përdorim të celularit.
Ndërkohë 56 drejtues mjetesh u ndëshkuan pasi qarkullonin me shpejtësi tej normave të lejura, ku në autostradë vijonte nga 130 km/orë deri në 195 km/orë, ndërsa në qendrat e banuara shpjetësia kalonte dy deri në tre herë më shumë se limiti i lejuar, duke arritur deri në 109 km/orë./abcnews.al

vlcsnap-error062-1-1280x720.jpg
us er10:13 | 23/12/2017

31 vjeçari Denis Lala nga Tirana u kap nga policia e Pogradecit pasi ai ishte në kërkim për vrasjen e një qeni Pitbull. Lala ishte në masën e sigurisë arrest me burg në mungesë. Ngjarja ka ndodhur në prill të vitit të kaluar, në një nga lagjet e kryeqytetit. Sipas vendimit të Gjykatës, i riu ka qëlluar me armë ndaj kafshës, me pretendimin se më herët ai i kishte kafshuar të fejuarën shtatzënë.Ai u deklarua fajtor për akuzën e “mbajtjes pa leje të armëve luftarake” dhe “shkatërrimit të pronës me mjete të tjera”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono