portugalia

rashica.jpg
G. P.22:26 | 22/06/2019

Futbollisti i përfaqësueses së Kosovës, Milot Rashica që aktivizohet te Verder Bremen në Gjermani ka përfunduar në objektivin e Benfikës. Drejtuesit e klubit të Bundesligas kërkojnë jo më pak se 35 milionë euro për futbollistin shqiptar.

Milot Rashica është kthyer në një nga pikat më të forta të skuadrës gjermane të Verder Bremen. 22-vjeçari mahniti me paraqitjet e tij në sezonin e fundit ku përmirësoi ndjeshëm edhe raportet me golat.

Performanca në rritje me skuadrën gjermane nuk i ka shpëtuar drejtuesve të skuadrës portugeze të Benfikës. Sipas gazetës gjermane Bild, luzitanët kanë ofruar plot 18 milionë euro për shërbimet e sulmuesit anësor.

Oferta është refuzuar menjëherë nga drejtuesit e Verder Bremen, të cilët kërkojnë jo më pak se 35 milionë euro. Milot Rashica e mbylli sezonin me gjermanët në kuotën e 12 golve ndërkohë që me përfaqësuesen e Kosovës realizoi 4 herë.

22-vjeçari kaloi në kampionatin gjerman merkaton e kaluar nga skuadra e Viteshe për shifrën e 7 milionë eurove. Gjatë kësaj periudhe talenti shqiptar ka bërë progres të jashtëzakonshëm dhe e ka ndihmuar skuadrën të garojë deri në fund për një vend në Kupat e Europës./ABC News Albania 24/7

PORTUGALIA-RONALDO-LIGA-E-KOMBEVE.mpg_snapshot_00.14-1280x720.jpg
ent ela14:00 | 10/06/2019

Portugalia dhe Kristiano Ronaldo janë tashmë fitues serialë. Suksesi në Euro 2016 u pasua me triumfin në Ligën e Kombeve, ndërsa e ardhmja parashikohet edhe më e mirë

Tashmë u bënë dy. Portugalia konfirmoi veten si një kombëtare fituese, duke bërë të vetën Ligën e Kombeve, vetëm tri vjet pasi triumfroi në Euro 2016.

Kapiteni Kristiano Ronaldo udhëhoqi skuadrën në këtë arritje të madhe, ashtu siç bëri në Francë, dhe ndoshta do t’i bindë të gjithë se meriton të cilësohet si lojtari më I mirë portugez I të gjitha kohëve, edhe mbi legjendën Euzebio.

Ylli i Juventusit nuk ishte I mrekullueshëm si në fitoren ndaj Zvicrës, ku shënoi 3 gola, por sërish ishte faktor vendimtar në fushë, përballë një Holande të mbushur me talent dhe lojë spektakolare.

Vetëm një karakter i fortë dhe ambicia e tij e pakufishme mund të bënte Portugalinë fituese, edhe pse “luzitanët” ishin shumë më tepër sesa Kristiano.

Lojtarë si Rui Patrisio, Semedo, Fonte, Fernandez, Danilo, Karvaljo apo Bernardo Silva janë padyshim një grup me klas.

Ashtu si sulmuesi Gedes, autori i golit të fitores kur sapo ishte mbushur një orë lojë.

Ronaldo nuk deshi të provonte një zhgënjim si ai Europianit 2004 humbur në shtëpi ndaj Gerqisë, ndaj vrapoi pas golit, deri tek zona e rreptësisë e ekipit të tij, duke nxitur shokët që të mos dorëzoheshin.

Në të vërtetë, nuk u zgjodh ai lojtari I ndeshjes, por Bernardo Silva.

“Jam shumë i lumtur, – u shpreh CR7-ta, – Ishte një fitore shumë e rëndësishme për të gjithë Portugalinë dhe për kombëtaren. Që nga viti 2016, ne e kemi ndryshuar historinë tonë, dhe ja ku fituam një tjetër trofe”.

Gazetari e pyeti nëse kjo fitore e afroi me Topin e Artë, dhe Ronaldo u përgjigj.

“Synimi im për ndeshjen ishte që të fitonim dhe të luaja mirë, jo Topi I Artë”, – tha ai.

Trajneri Fernando Santos gjithashtu fitoi trofeun e dytë në stol, duke e konfirmuar veten si një teknik tepër i zoti me ekipet përfaqësuese.

“Ne kemi lënë një shenjë të madhe për Portugalinë duke luajtur në këto finale, – tha ai, – Botërori nuk shkoi siç shpresuam, por ne menduam për të ardhmen, fituam, dhe mendoj se vitet e tjerë do të jenë edhe më të shkëlqyer. Portugalia ka shumë lojtarë të talentuar. Ky ishte edicioni i parë i Ligës së Kombeve, pra fitorja jonë ishte historike”.

Përse Holanda nuk ia doli?

Besohet se e deshi fitoren më pak sesa portugezët, që luanin para tifozëve të tyre.

Po ashtu, pati një minus të madh, pasi sulmuesit nuk ishin në nivelin e mbrojtësve dhe mesfushorëve.

Holandezët bënë gjithçka pas pushimit, dhe fare mirë mund të kishin barazuar, apo edhe fituar, por nuk ia dolën.

Tifozët portugezë, ndërkaq, u ndjenë të lumtur pas ndeshjes.

Kombëtarja e tyre më në fund është pjesë e përfaqësueseve të mëdha, që kanë fituar trofe në historinë e tyre.

Ata theksuan se Portugalia mund të imitojë Spanjën, Francën, Gjermaninë apo Italinë, për të qenë një Superfuqi e futbollit europian. /ABC News Albania 24/7

 

medium_2019-06-08-883540c1d4.jpg
ent ela16:46 | 09/06/2019

Portugalia dhe Holanda ndeshen sonte në finalen e Ligës së Kombeve. Kristiano Ronaldo dhe shokët e tij jepen favoritë për suksesin në duelin që nis në orën 20:45.

Është një hero, dhe dëshiron ta provojë veten sërish.

Kristiano Ronaldo për momentin jep autografe dhe përgatitet, ndërsa në orën 20:45 do të zbresë në fushën e “Estadio do Dragaos” në Porto për të synuar një tjetër trofe të madh në karrierë.

Luhet finalja e Ligës së Kombeve, një titull më pak prestigjioz se Europiani apo Botërori, por sërish I rëndësishëm, ndaj edhe dueli ndaj Holandës pritet i fortë.

Problemi i vetëm për vendasit është dëmtimi i mbrojtësit të qendrës, Pepe, i cili mendohet të zëvendësohet nga Hoze Fonte.

Ronaldo është në formë të madhe, siç e tregoi me 3 golat e shënuar ndaj Zvicrës në gjysmëfinalen e luajtur po në Porto, ndërsa rikthimi në kombëtare për herë të parë pas Botërorit, është një shtysë e madhe për “luzitanët”.

“Mendoj se Kristiano mund të luajë edhe 3-4 vjet në nivelet më të larta, – tha trajneri portugez, Fernando Santos, – ai është në formë fizike të shkëlqyer, dhe stërvitet në skaj si gjithnjë. Ai është kapiteni ynë dhe një shpresë e madhe për fitoren, ndonëse për të mundur Holandën, do të duhet që gjithë ekipi të japë maksimumin”.

Holanda gjithashtu ka shpresë të madhe për fitoren.

Suksesi në gjysmëfinale ndaj Anglisë ishte prova se “tulipanët” po arrijnë pjekurinë e duhur, ndërsa yjet në skuadër janë të shumtë.

Me Van Dajkun, De Ligtin, De Jongun apo Van de Bekun, trajneri Ronald Kuman ka mjaft alternativa në sulm e në mbrojtje.

Holandezët nuk kanë shqetësime me dëmtimet, ndaj do të jenë në fushë me formacion të plotë.

“Ne duam kupën, – ishin fjalët e Kumanit, – e dimë se do të jetë e vështirë, pasi Portugalia është skuadër shumë e mirë dhe luan në fushën e saj. Po ashtu, përballë do të kemi Kristiano Ronaldon, por kundërshtari është më shumë se një lojtar i vetëm. Mendoj se ne jemi ekip i së ardhmes, por kjo nuk do të thotë se nuk do të luftojmë për trofeun”.

Dy skuadrat janë ndeshur 13 herë më parë, dhe Portugalia ka bilanc pozitiv me 7 fitore, 4 barazime e vetëm 2 humbje.

Edhe parashikimet japin portugezët si favoritë për të fituar ndeshjen dhe trofeun e Ligës së Kombeve. /ABC News Albania 24/7

portugalia.jpg
G. P.16:23 | 25/06/2018

Spanja dhe Portugalia janë favorite për kualifikim në Grupin B të Kupës së Botës. Gjithsesi, Irani ka synimet e veta, ndërsa Maroku mbetet i rrezikshëm.

Fati i tyre vendoset sot. Spanja dhe Portugalia luajnë ndeshjet e fundit në grupin B, që përcaktojnë kualifikimin ose largimin nga Botërori. Spanjollët udhëtuan për në Krasnodar, ku do të luajnë ndaj Marokut, tashmë të eleminuar. Ish-kampionët e botës dhe të Europës janë përgatitur fort, për të ndryshuar imazhin e krijuar nga sfidat ndaj Portugalisë dhe Iranit. Trajneri Hierro pyetet sesi i bën llogaritë për kualifikimin.

Fernando Hierro: “Detyrimi ynë është të luajmë një ndeshje të nivelit të lartë, të marrim tri pikët, dhe nëse dalim në vend të parë në grup, do të ishte më mirë. E dimë se çfarë sfide do të jetë ndaj Marokut, një kundërshtar shumë i fortë, që luajti shumë mirë ndaj Iranit, dhe Portugalisë. Duhet të tregojmë stilin tonë, karakterin tonë dhe formën tonë për t’ia dalë”.

Maroku, ndërkaq, ka planet e veta. Trajneri Herve Renar pranon se Spanja ka cilësi të jashtëzakonshme, por nuk heq dorë nga synimi për të fituar.

“Është e padrejtë që jemi të eleminuar, por ky është realiteti, – tha ai, – ne duam të luajmë mirë, të shpëtojmë nderin dhe të fitojmë”.

Portugalia, ndërkaq, ka mbërritur në Saransk, ku do të luajë ndaj Iranit. Një pikë mjafton për kualifikimin, por synohet vendi i parë në grup, ndaj duhet luajtur në maksimum për fitoren.

Fernando Santos: “Ne e kemi parë se Irani është një skuadër shumë e organizuar, dhe kjo nuk po ndodh vetëm në Botëror. Ata kanë lojtarë me cilësi, që luajnë në Spanjë, Greqi apo Rusi, ata kanë përvojë të dy kupave të botës radhazi. Irani është ekipi më i mirë i Azisë. Ne duhet të përgatitemi për një betejë të fortë nëse duam të fitojmë. Nuk e quajmë veten favoritë”.

Irani ka shpresë për kualifikim, por duhet të fitojë ndeshjen. Trajneri Queiros thekson se “Portugalia është kandidate për të fituar Kupën e Botës, por filozofia jonë nuk do të ndryshojë, do të bazohet tek respekti, realizmi dhe romantika”.

Spanja e Portugalia kryesojnë grupin B me nga 4 pikë, ndërsa Irani ka 3. Në rast barazimi me pikë, kualifikimi vendoset nga golat, madje edhe nga kartonët./abcnews.al

metrojjj.png
G. P.21:49 | 20/06/2018

Një simulim nga ato që vetëm Pepe mund të bëjë ndodhi gjatë ndeshjes Marok – Portugali. Ish-lojtari i Real Madrid aktroi në mënyrë të tillë saqë në internet tashmë e krahasojnë me atë të një aktori për çmimin Oscar.

Gjatë minutave shtesë, kapiteni i Marokut, Med’hi Benatia, e preku në shpatulla lojtarin portugez, por reagimi i këtij të fundit ishte me të vërtetë befasues.

Pepe njihet për reagimet e tij shpërthyese dhe të çuditshme që nga koha kur luante me Realin e Madridit. Tashmë është pjesë e Beshiktashit të Turqisë, ndërsa po jep ndihmesën e tij edhe në këtë Kupë Bote pasi u thirr në kombëtaren portugeze nga trajneri Fernando Santos.

Fitorja e Portugalisë ndaj Marokut bëri që kjo e fundit të ndeshjen e radhës ta luajë për statistikë pasi do të largohet nga turneu. Ndërkohë nëse Spanja fiton me dy gola diferencë sonte ndaj Iranit do të marrë vendin e parë në grupin B. Fituesi i këtij grupi do të ndeshet me vendin e dytë të grupit A, që do të ndahet mes Uruguajit ose Rusisë./abcnews.al

ronaldo12.jpg
G. P.16:45 | 20/06/2018

Maroku është skuadra e parë e eleminuar nga Kupa e Botës. Afrikanët humbën ndaj Portugalisë, me golin e Cristiano Ronaldos, ndonëse ishin më të mirët në fushë.

Një gol në fund dhe një në fillim.

Ky ishte fati i keq i Marokut, tashmë të eleminuar nga Botërori, ndërsa pas Iranit, suksesin e arriti edhe Portugalia. I përhershmi Cristiano Ronaldo ishte njeriu i suksesit, të paktën duke bërë atë që vendosi fatin e sfidës së grupit B, golin e vetëm të saj që në minutën e 4-t.

Janë katër rrjeta për Topin e Artë, shënuesi më i mirë në Rusi deri tani, njeriu i vetëm që realizon për kampionët e Europës. Cristiano ka tani 85 gola me kombëtaren, një më shumë se Ferenc Pushkash i Hungarisë, në vendin e dytë të renditjes së të gjitha kohëve.

Portugalia ende nuk është e kualifikuar, por nuk besohet se do të gabojë në përballjen e fundit në grup, ndaj Iranit. Kjo, megjithatë, është vetëm ajo që tregon rezultati, pasi gati 100 minutat e lojës në stadiumin “Luzhniki” të Moskës, ishin krejt tjetër gjë.

Maroku jo vetëm ishte skuadra më e mirë në fushë, por mund të thuhet se ishte e vetmja që kërkoi të luante, ndoshta e detyruar nga pësimi i golit shpejt. Futbollistët afrikanë bënë çdo gjë mirë, por vetëm një gjë krejtësisht gabim, gjuajtjen drejt portës.

Tri herë Benatia, dy herë Zieç, por edhe Faisal, Busufa e Belhanda patën mundësi të shumta për të shënuar, por shpërdoruan, duke mos përballuar dot presionin psikologjik të një nivelit të tillë.

Marokenët, gjithnjë simpatikë në Botëror, i qëndruan besnik imazhit të tyre, me Amrabarin, një nga më të mirët në fushë. Portugalia, nga ana e saj, u tregua pragmatiste.

Ashtu si ndaj Spanjës, praktikoi kundërsulmin, me shpresën tek Ronaldo, që mund të kishte shënuar edhe ndonjë gol tjetër dhe që ndihmoi shokët për të realizuar edhe ata.

Portugezët duken të njëjtët si në Europian, por nuk dihet nëse ky nivel mund të mjaftojë që të shkojnë përpara në Kupën e Botës./abcnews.al

portugalia.jpg
G. P.13:37 | 29/05/2018

Parlamenti portugez pritet të kalojë nesër në votim një ligj për legalizimin e eutanazisë. Kisha në vend ka kundërshtuar miratimin e këtij ligji, ndërsa vendimtare në votim pritet të jenë votat e Partisë Socialdemokrate, të cilët janë të lirë të shprehen sipas ndërgjegjes së tyre.

Parlamenti portugez voton të mërkurën një ligj që do të lejonte eutanazinë në vend. Ligji u propozua nga tre pari që mbështesin qeverinë e qendrës së majtë të kryeministrit socialist Antonio Kosta.

Një ditë para votimit, konferenca episkopale portugeze shpërndau 1.5 milion fletushka duke shpjeguar qëndrimin kundër eutanazisë, dhe që jeta nuk mund të konsiderohet një objekt për përdorim personal.

Kardinali patriark i Lisbonës, Manuel Klemente, bëri një apel të fundit për deputetët, që të votojnë kundër legalizimit të saj. 230 deputetët e parlamentit portugez duhet të diskutojnë rreth katër teksteve pro eutanazisë të propozuar nga tre partitë që mbështesin qeverinë, por pa mbështetjen e Partisë Komuniste portugeze, e cila është deklaruar kundër.

Rezultati i votimit do të varet shumë nga mënyra se si do të shprehen deputetët e PSD-së në opozitë, të cilët kanë bërë apel që të votohet sipas ndërgjegjes./abcnews.al

mancini-1.jpg
G. P.12:14 | 15/05/2018

Roberto Mançini është trajneri i ri i Italisë. Ish-trajneri i Interit dhe Manchester City-t cilësohet si shpresa e fundit e të kaltërve për t’u kthyer në lavdinë e dikurshme.

I përzgjedhuri zbriti më në fund nga qielli.

Roberto Mançini vuri këmbë në aeroportin e Fiumiçinos në Romë, në rrugën e tij drejt selisë së Federatës Italiane të Futbollit.

Do të jetë ai trajneri i ri i Italisë, personaliteti i vetëm që i plotësonte kushtet pas refuzimeve të Ançelotit apo Kontes.

I sulmuar nga mediat nga të katër anët, ndërsa nxitonte drejt makinës, Mançini nuk pati dëshirë të fliste, në përpjekje për të lënë gjithçka për në konferencën e prezantimit.

“Jam i lumtur dhe krenar për këtë detyrë, – u mjaftua të thoshte ai, – pas këmbënguljes së gazetarëve, nuk dua të flas para kohe për të ardhmen, të shohim se çdo të ndodhë”.

Më pas, erdhi firma në kontratë, që besohet të jetë e vlefshme për një cikël eleminator, atë të Europianit, dhe prezantimi me fanelën e shpalosur të Italisë, në krah të komisarit të jashtëzakonshëm Fabriçini, dhe të Alesandro Kostakurtës.

Pesëdhjetetrevjeçari cilësohet si shpresa e fundit e të kaltërve për t’u kthyer sërish në nivelet e dikurshme, pas dështimit për t’u kualifikuar për në Kupën e Botës në Rusi.

Karriera e Manços nuk ka të sharë, pasi fitoi tre tituj me Interin, disa Kupa të Italisë po me Interin, me Fiorentinën apo Lazion, si dhe Superkupën e Italisë.

Në Angli, u bë kampion me Manchester City-n, të njëjtën skuadër me të cilën fitoi Kupën dhe Superkupën e Anglisë, ndërsa në Turqi fitoi Kupën me Gallatasarajin.

Këtë sezon ai ishte në stolin e Zenitit të Shën Peterburgut në Rusi, detyrë të cilën e la në mirëkuptim me klubin, për të marrë drejtimin e kombëtares së vendit të tij.

Italia pësoi një katastrofë të vërtetë nën drejtimin e Giampiero Venturës, duke u mundur nga Suedia në play off-in e Botërorit.

Më pas, të kaltrit u drejtuan në disa miqësore nga Luigi Di Biago, në pritje të një zgjidhjeje përfundimtare.

Ndeshja e parë e Mançinit si trajner i Italisë do të jetë në 28 Maj ndaj Arabisë Saudite në Zvicër, pastaj në Nicë ndaj Francës në 1 Qershor, dhe në 4 Qershor në Torino ndaj Holandës.

Synimi është që gjithçka të jetë gati që italianët të kualifikohen për në Europian, në një grup ku ndodhen Portugalia e Polonia./abcnews.al

LETERPOROSI-DOK-FALSE-1280x720.jpg
ent ela16:38 | 25/03/2018

Gjykata e Tiranës i ka dhënë dritë jeshile dy letërporosive të percjella nga autoritetet spanjolle dhe portugeze të drejtësisë. Ato kërkojnë hetime në Shqipëri për tre raste të ndalimit në këto vende të shtetasve shqiptarë me pasaporta false.

Përpjekjet e shtetasve shqiptarë për të emigruar në vende të ndyshme të Europës, apo përtej oqeanit përmes dokumente fasle, kanë vënë në lëvizje drejtësitë e këtyre vendeve.

Për llogari të procedimeve të regjistruara për “falsifikim dokumentesh” palët përkatëse kanë kërkuar hetim edhe në Shqipëri.

“ABC News” ka mësuar se Gjykata e Tiranës i ka dhënë dritë jeshile ekzekutimit të dy letërporosive, që kanë si objekt kryerjen e veprimeve hetimore në Shqipëri për shqiptarë të ndaluar me dokumente false në Spanjë dhe në Portugali.

Kështu, gjyqtari Gerdi Hoxha ka pranuar kërkesën e drejtësisë portugeze për marrjen në pyetje të dy vajzave, me iniciale C. B. dhe GJ. J.

njëra banore e Tiranës dhe tjetra e Prrenjasit për llogari të procedimit. Gjykata ngarkon Prokurorinë t’i marrë në pyetje për rrethanat në të cilat kanë siguruar pasaportat false, kur, kujt dhe sa kanë paguar për to.

Në një çështje tjetër, gjyqtari Lazer Sallaku ka pranuar letërporosinë e dërguar nga drejtësia e Spanjës. Permes saj autoritetet spanjolle kërkon të vihet në dijeni një 32 vjeçar me inicialet R. D. me banim në Tiranë, për aktet e procedimit penal të regjistruar ndaj tij në Gjykatën e Palma de Majorkës dhe për marrjen e një avokati.

Ky person ishte ndaluar nga Policia Kombëtare në 23 qershor 2016 në aeroportin e këtij vendi në bordin e një avioni me destinacion Angline, teksa mbante me vete një pasaportë false me emrin e një shtetasi italian.

Nuk ka të dhëna nëse shtetasit e mësipërm janë ndihmuar nga anëtarë të një rrjeti të madh të trafikimit të personave përmes dokumenteve false të goditur javën e kaluar nga Policia e Shtetit. /abcnews.al

por-egy-1280x663.jpg
G. P.16:59 | 24/03/2018

Cristiano Ronaldo pati një mbrëmje historike në fitoren e Portugalisë ndaj Egjiptit. Ylli i Realit realizoi dy gola, duke u ngjitur edhe më lart në renditjen e shënuesve të kombëtareve për të gjitha kohët.

Fati i dy më të mëdhenjve qëlloi i ndryshëm. Cristiano Ronaldo e Lionel Mesi nuk kaluan të njëjtën mbrëmje në ndeshjet miqësore të kombëtareve, me të parin në fushë dhe tjetrin jo protagonist.

Ronaldo realizoi dy gola për Portugalinë, duke i dhënë fitoren ndaj Egjiptit dhe duke u ngjitur edhe më lart në renditjen e shënuesve të ekipeve kombëtare për të gjitha kohët.

Ylli i Realit ia doli në fund, në minutat shtesë 92 e 94. I mbiquajturi CR7 ka tani 81 rrjeta me përfaqësuesen, dhe ndodhet në vendin e tretë në këtë klasifikim.

Ai la pas rekordmenin e Japonisë, Kunishige Kamamoto, ndërsa është shumë pranë legjendës së Hungarisë, Ferenc Pushkash, që ka shënuar 84 herë.

Gjithsesi, ekziston një dallim i madh mes tyre, pasi Pushkash realizoi 84 gola në 89 ndeshje me kombëtaren, ndërsa Ronaldo ka deri tani 81 në 148 takime, pra me një mesatare shumë më të ulët.

Kristiano besohet se do ta ketë shumë të vështirë të arrijë rekordmenin, ish-sulmuesin e Iranit, Ali Daei, që është në kuotën e 109 golave. Ronaldo fitoi edhe duelin me sulmuesin e Egjiptit dhe të Liverpulit, Mohamed Salah, i cili shënoi golin e parë të ndeshjes së luajtur në Zvicër, dhe që përfundoi 2-1 për portugezët.

Mediat nuk u kursyen me lavdërime.

“Kometa Ronaldo”, titullin gazeta “A Bola” nga Portugalia, që ka shpresë se Kristiano do të shkëlqejë edhe në Botëror.

Gazeta “AS” e Madridit: “Kristiano fitoi duelin me Salahun, dhe u tregua vendimtar me një dygolësh”

Gazeta “Marka”, por e Madridit: “Dygolësh i Kristianos në kohën shtesë”.

Shkëlqimi i portugezit ishte në mbrëmjen, kur Mesi mbeti në stol. Ylli i Barcelonës nuk e ndihmoi dot Argjentinën në miqësoren e madhe ndaj Italisë, luajtur në stadiumin “Etihad” të Mançesterit.

Skuadra amerikanojugore fitoi, gjithsesi, 2-0, me gola të shënuar nga Ever Banega dhe Manuel Lanzini, ndërsa asaj i mungoi edhe ylli tjetër i sulmit, Kun Aguero. Mesi është në dyshim edhe për miqësoren tjetër, atë ndaj Spanjës në Madrid./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono