portugali

portugal-1280x720.jpg
G. P.14:09 | 18/04/2019

Bilanci zyrtar i viktimave nga aksidenti automobilistik në Portugali shkon në 29. Autoritetet portugeze konfirmuan se të gjitha viktimat janë shtetas gjermanë të moshës 40 deri në 50 vjeç, ndërkohë që kanë nisur hetimet për rrethanat e incidentit.

Shkon në 29 numri i viktimave i aksidentit automobilistik në Portugali, ku u përfshi një autobus që transportonte një grup turistësh në ishullin portugez të Madeirës. Në bordin e autobusit ndodheshin 57 persona nga Santa Kruz drejt Funkal. Viktimat janë turistë gjermanë 11 burra dhe 18 gra.

Presidenti portugez, Marselo Rebelo de Souza, para se bilanci i viktimave të zyrtarizohej, konfirmoi se viktimat ishin shtetas gjermanë. Ai shprehu ngushëllimet për momentin tragjik dhe për dhimbjen e familjarëve. Kreu i shtetit portugez i bëri këto deklarata nga vendngjarja.

Sipas informacioneve të para, autobusi u përplas në orën 18:30 të së mërkurës. Për arsye që ende nuk dihen, shoferi i autobusit humbi kontrollin e automjetit në një kthesë dhe u përmbys për disa metra, duke përfunduar në një shtëpi të ndërtuar në një kodër.

Viktimat ishin të moshës 40 deri në 50 vjeç. Autoritetet portugeze u shprehën për mediat se është ende herët për të konfirmuar shkakun e aksidentit, por u vërtetua se autobusi kishte vetëm pesë vjet që ishte vënë në përdorim dhe se kishte kaluar të gjitha kontrollet. Autoritetet kanë nisur hetimet për rrethanat e aksidentit./abcnews.al

12402308-6933449-image-m-25_1555527959533.jpg
Sej rie21:56 | 17/04/2019

Të paktën 28 persona kanë humbur jetën si pasojë e një aksidenti tragjik automobilistik në Portugali. Ngjarja ka ndodhur në ishullën Madeira dhe sipas mediave ndërkombëtare viktimat janë turistë gjermanë.

Sipas bilancit të parë 17 prej viktimave janë femra, ndërsa 11 meshkuj. Sipas pamjeve të bëra publike autobusi me turistë pasi ka dalë nga rruga është përmbysur, duke shkaktuar përveç viktimave edhe shumë të plagosur. Mes të lënduarve dhe shoferi i guida portugeze. Në autobus sipas mediave kur ka ndodhur aksidenti kanë qenë mbi 50 persona./abcnews.al

AMBASADA-KOS-1280x720.jpg
ent ela14:17 | 11/01/2019

Është hapur në Portugali ambasada e Kosovës, ku me anë të një ceremonie zyrtare u akreditua dhe ambasadori i parë i vendit në Portugali, Ylber Kryeziu. Lajmi është konfirmuar me anë të një deklarate për shtyp të Ministrisë së Punëve të Jashtme të Kosovës. Ambasadori Kryeziu dorëzoi letrat kredenciale, Presidentit të Republikës portugeze, Marcelo Rebelo de Sousa. Republika e Kosovës vendosi të hapë për herë të parë ambasadë në shtetin portugez gjatë vitit të kaluar. Portugalia njohu Republikën e Kosovës pak muaj pas shpalljes së pavarësisë dhe në vazhdimësi ka ofruar mbështetje për konsolidimin e shtetit të ri dhe integrimin e tij në organizatat ndërkombëtare. /abcnews.al

URAGANI-PORTUGALI.mpg_snapshot_00.00-1280x720.jpg
G. P.21:40 | 14/10/2018

Uragani Leslie që ka prekur Portugalinë, është shndërruar në stuhi tropikale. Uragani ka shkaktuar dëme të shumta materiale dhe kanë lënë pa energji elektrike mijëra banorë.

Pas largimit nga ishujt Kanarie, fuqia e uraganit “Leslie”, u zvogëlua duke u shndërruar në një stuhi tropikale, dhe arriti në brigjet e Portugalisë me erëra deri në 190 kilometra në orë. Kjo është raportuar nga mediat lokale dhe ato ndërkombëtare. Qyteti i parë që u godit ishte Figueira da Foz, rreth 200 kilometra në veri të Lisbonës. Sipas Qendrës Kombëtare të Uraganeve në SHBA dhe agjencive të motit spanjolle dhe portugeze, stuhia do të lëvizë për në verilindje të Gadishullit Iberik.

Parashikohen në Spanjë erëra deri në 100 kilometra në orë dhe shira të forta, deri në 75 litra për metër katror në 24 orë. Menjëherë është vendosur alarmi i kuq dhe portokalli në 39 provinca, si dhe në Ceuta dhe Melilla. Stuhia, më e keqja që goditi Portugalinë që nga viti 1842, detyroi autoritetet të anullonin 29 fluturime nga aeroportet e Lisbonës dhe Madeiras, dhe 12 të tjerë në Porto.
Mbi 15 mijë shtëpi në Portugali janë pa energji elektrike, veçanërisht në rrethin e Leiria-s, Setubalit dhe Lisbonës. Kjo është raportuar nga mediat portugeze. Mbrojtja civile ka ftuar popullatën të qëndrojë në shtëpi përveç në rastet e nevojës ekstreme dhe të mos i afrohet brigjeve, ku dallgët mund të jenë shumë shumë të larta dhe të fuqishme. Qindra raste përmbytjeje dhe rrëzimi të pemëve janë sinjalizuar në numrat e emergjencës./abcnews.al

PORTUGALI-ZJARRET-1280x720.jpg
ent ela15:10 | 07/08/2018

Temperaturat e larta kanë shkaktuar vatra të shumta zjarri në Portugali, ku gjatë ditës kanë vënë në rrezik dhe një qytet turistik. Autoriteteve iu është dashur të evakuaojnë me qindra persona nga një zonë në jug të Lisbonës.

Zjarret që kanë përfshirë që prej pesë ditësh pjesën jugore të Portugalisë I janë afruar dhe rajonit të Algarves, pavarësisht përpjekjeve të zjarrfiksëve dhe ushtarëve. Mbrojtja civile portugeze bëri të ditur se rreth 250 persona u evakuuan nga rajoni i Algarves, një lokalitet prej 6 000 banorësh dhe që ndodhet 164 kilometra në jug të Lisbonës. Deri tani bilanci flet për 30 të plagosur, një prej të cilëve në gjendje kritike për jetën.evakuimi

Një mijë zjarrfikës, 100 ushtarë, më shumë se 330 automjete, 19 avionë dhe gjashtë helikopterë janë përfshirë në operacionet për të vënë nën kontroll zjarret.

Pasi njoftimeve se 95% e perimetrit të zjarrit ishte në kontroll, autoritetet pranuan se situata ishte rënduar për shkak të kushteve meteorologjike.

Disa nga hotelet më të njohura të zonës, por edhe banorë të fshatrave përreth, janë evakuuar tashmë, për të shmangur viktimat.

Portugalia përballet shpesh me zjarre në këtë periudhë, ndërsa më i madhi u regjistrua një vit më parë, me një bilanc tragjik prej 114 personash. Që nga ajo kohë shërbimet emergjente janë përforcuar. /abcnews.al

temperaturaaa.jpg
G. P.11:43 | 01/08/2018

Spanja dhe Portugalia pritet të përballen me temperatura rekord duke filluar që nga e enjtja e 2 Gushtit. Agjencitë metereologjike në të dyja vendet parashikojnë temperature deri në 50 gradë Celsius.

Anticikloni afrikan ka pushtuat gjysmën e Europës, duke shënuar rekord të temperaturave të larta. Por vendet që do të vuajnë më shumë pasojat janë Spanja dhe Portugalia. Këto dy vende deri tani kanë shënuar temperature deri në 37 gradë Celsius.

Por një tjetër valë të nxehti afrikan do të sjellë në këto dy vende rekorde të reja, duke nisur që nga e enjtja e 2 Gushtit e deri në 8 Gusht temperaturat mund të arrijnë deri në 50 gradë Celsius. Lisbona do të përballet me ditë të tëra kur temperatura do të shënojë 40 gradë, ndërsa në qytetet bregdetare spanjolle temperaturat mund të shkojnë deri në 45 gradë Celsius. Të gjitha agjencitë metereologjike në të dy vendet kanë dhënë gjendjen e alarmit duke u bërë thirrje banorëve të marrin masa./abcnews.al

 

ronaldo-legjendA.jpg
G. P.15:34 | 16/06/2018

Ylli i luizitanëve sëbashku me Pele, Seler dhe Klose ka shënuar të paktën një gol në katër botërorë. Dhe Cristiano Ronaldo në moshën 33-vjeçare është lojtari më i moshuar, që ka shënuar një tre golësh në Botëror.

Çdo gjë u vendos brenda 84 minutave, nga goli i parë deri tek i gjashti. Mediat e cilësojnë si një përbindësh në fushë Cristiano Ronaldon që drejtoi Portugalinë e tij kundër Spanjës.

E nëse Spanja mendoi se po fitonte me golin e tretë të Nacho-s, kur në anën tjetër të fushës është Cristiano Ronaldo, askush nuk mund të jetë i qetë. Për më tepër që lojtari i Real Madridit ka koleksionuar çdo lloj trofeu e tashmë pjesë e historisë, që në moshën 33-vjeçare e 130 ditë, është lojtari më i moshuar që ka shënuar tre gola radhazi në botëror.

Duke ditur atë që ai ka arritur me karrierën e tij në Portugali, Manchester United e Real Madrid, do të mjaftonte që të duartrokitej, në heshtje ashtu si bëhet me lojtarët e mëdhenj të futbollit. Pasi të gjithë e panë se çfarë bëri kundër Spanjës një nga skuadrat më favorite për të fituar këtë botëror.

Cristiano Ronaldo është i vetmi futbollist që ka shënuar në katër kampionate europianë dhe në katër Botërorë.Por ky alien me kombësi portugeze do të bëjë mrekulli të tjera dhe kundërshtarët janë të paralajmëruar./abcnews.al

ronaldo1-1280x853.jpg
ent ela23:19 | 15/06/2018

Portugalia dhe Spanja dhanë spektakël në përballjen e tyre në Rusi, duke u ndarë në barazim 3-3. Mbi të gjithë shkëlqeu Kristiano Ronaldo që shënoi 3 gola

Më në fund, në fushë dy gjigandë të futbollit.

Edhe pse rusët nuk do të ishin dakord, u duk sikur Botërori nisi me sfidën Portugali-Spanjë.

Kampionët e Europës dhe ish-kampionët e rruzullit dhe të kontinentit tonë dhanë një spektakël të vërtetë në duelin mes tyre në stadiumin e Soçit.

Kristiano Ronaldo u vu përballë yjeve të shumtë e të mëdhenj spanjollë dhe ia doli t’i ndalonte.

Superlojtari portugez shënoi 3 gola, me çdo mënyrë, edhe me penallti, edhe me gabim të portierit kundërshtar, De Gea, por edhe me goditje dënimi, për të vendosur kandidaturën si shënuesi më I mirë I Botërorit, dhe si fitues i Këpucës së Artë.

Në moshën 33-vjeçare i tregoi gjithë planetit, por veçanërisht presidentit të Realit të Madridit, Florentino Perez, se mbetet i jashtëzakonshëm dhe se meriton çdo rrogë që mund të kërkojë.

Spanja e mrekullueshme e ndjeu skandalin që i ndodhi dy ditë para ndeshjes, me shkarkimin e ish-trajnerit Lopetegi.

Edhe pse ishte ekipi më i mirë në fushë, me thuajse çdo lojtar një kampion të madh, u tregua e pasigurt, pikërisht për shkak të tronditjes në stol.

De Gea gaboi, ashtu si edhe yjet e mbrojtjes, Naço, Ramos, Pike, Zhordi Alba apo Buskets përpara tyre.

Gjithsesi, Spanjë do të thotë spektakël dhe dominim, diçka që u pa në pjesën më të madhe të kohës në Soçi.

Diego Kosta është sulmuesi me numrin 9 që i duhet trajnerit Hierro, ndërsa Isko, Iniesta e David Vija është mesfusha padyshim me klasin më të lartë në Botëror.

Kjo Spanjë kaloi provën më të vështirë, atë të Kristiano Ronaldos, dhe e sheh të ardhmen me optimizëm, por duhet të lerë prapa sa më shpejt atë që ndodhi me trajnerin.

Dy ekipet kanë nga 1 pikë, duke qenë prapa Iranit, por është thuajse e sigurt se do të jenë ata dominuesit e grupit B. /abcnews.al

ronaldo.jpg
G. P.15:49 | 15/06/2018

Portugalia dhe Spanja luajnë sot ndeshjen më të fortë të fazës së grupeve në Botëror. Skuadra spanjolle jepet favorite, por është e tronditur pas skandalit me trajnerin.

Le të shlodhemi derisa të vijë ndeshja. Portugalia, jo më kot kampione e Europës, zgjodhi një shëtitje në Soçi për të qenë maksimalisht e qetë në prag të derbit me Spanjën. Nën udhëheqjen e Cristiano Ronaldos e të trajnerit Santos, luzitanët u përpoqën të mendonin gjëra të gëzueshme. Natyrisht, nuk mund të mungonte seanca stërvitore, por për fat, skuadra nuk ka asnjë të dëmtuar dhe asnjë të pezulluar. Trajneri Santos analizon kështu.

Fernando Santos: “Padyshim që është një klasike e futbollit europian dhe botëror. Janë dy skuadra që duan të luajnë bukur futboll dhe të fitojnë Kupën e Botës. Spanja është një skuadër fantastike, me lojtarë të cilësisë maksimale dhe me shumë përvojë. E kemi përgatitur ndeshjen në çdo aspekt, jemi gati dhe kemi besim, ndaj shpresoj t’ia dalim me sukses. Nuk duhet të kemi iluzione mbi problemet e Spanjës pas ndryshimit të trajnerit”.

Për Spanjën ishte i detyrueshëm kjo dalje. Më shumë se kurrë, kapiteni Ramos duhej të buzëqeshte me optimizëm e të mbështestee trajnerin e ri, Hierro. Tronditja që pas skandalit të Lopeteguit duhej lënë pas. Jo më kot, ishte Ramos që foli i pari duke theksuar se “kjo situatë aspak e mirë duhet të kalohet sa më shpejt, Spanja është mbi të gjithë, dhe duhet të mendojmë për Portugalinë”. Më pas, i erdhi radha Hierros.

Fernando Hierro: “Kemi shumë respekt për ekipin kampion të Europës. E dimë se ka disa nga lojtarët më të mirë të botës dhe një trajner me shumë përvojë. Për të fituar duhet të jemi në maksimum, dhe mendoj se jemi të përgatitur përsoshmërisht. Nuk ka kohë për të ndryshuar asgjë, do të mbështetemi tek puna që ka bërë Lopetegui. Kemi përpara vetes tri finale, duke nisur nga ndeshja me Portugalinë”.

Dy ekipet janë ndeshur vetëm një herë në Botëror dhe ka fituar Spanja 1-0. Duelet e tyre në turne të mëdhenj kanë pasur shumë pak gola./abcnews.al

spanja-dhe-portugalia.jpg
G. P.11:46 | 15/06/2018

Sot do të luhen tri ndeshje në Kupën e Botës në Rusi. Në orën 14:00 zhvillohet takimi i dytë i Grupit A, mes Egjiptit dhe Uruguajit. Për skuadrën egjiptiane, enigma më e madhe është aktivizimi i lojtarit kryesor Mohamed Salah, i cili sipas trajnerit duhet të jetë i gatshëm.

Në orën 17:00, fillojnë ndeshjet e grupit B, me atë mes Marokut dhe Iranit. Ky takim do të luhet në stadiumin e Shën Peterburgut dhe favorite është skuadra marokene.

Gjithsesi, me më shumë interes pritet takimi i orës 20:00 në stadiumin e qytetit të Soçit, Portugali-Spanjë. Ky është një derbi i gadishullit Iberik dhe përballë do të jenë disa nga yjet më të mëdhenj të futbollit. Cristiano Ronaldo do të luajë kundër shokut të tij tek Reali i Madridit, Sergio Ramos.

Spanja jepet favorite, por është e tronditur nga skandali i shkarkimit të trajnerit vetëm dy ditë para ndeshjes së parë të Botërorit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono