portugali

Sporting.png
Igli Nikolli13:27 | 27/11/2019

Klubet e mëdha europiane interesoheshin prej kohësh për shërbimet e tij, sidomos Manchester United dhe Tottenham, por Bruno Fernandes do të vazhdojë të jetë pjesë e Sportingut të Lisbonës. Mesfushori ka rinovuar kontratën me klubin portugez dhe çmimi i kartonit të tij ka një vlerë të përcaktuar.

25-vjeçari firmosi rinovimin deri në vitin 2023 dhe rroga e tij është rritur ndjeshëm. Jo vetëm kaq pasi në kontratën e re është vendosur edhe klauzola e largimit: plot 100 milionë euro.

“Krenari e madhe për mua të vazhdoj këtu dhe premtoj se do të jap gjithmonë maksimumin. Rinovimin e shoh si një  vlerësim të punës time dhe që po bëj mirë. Jam krenar që do vazhdoj të përfaqësoj Sportingun”, thekson Bruno Fernandes. /abcnews.al

Fabio-Silva.png
Igli Nikolli13:44 | 23/11/2019

Futbolli portugez prodhon gjithmonë talente dhe emri i fundit që po i mahnit të gjithë është Fabio Silva. 17-vjeçari aktivizohet në sulm dhe këtë sezon ka kaluar në ekipin e parë. Deri tani ka shënuar një gol në kampionat, duke u bërë golashënuesi më i ri në historinë e Portos.

Talenti i tij është i padiskutueshëm dhe “Dragonjtë e Oportos” kanë vendosur ta “blindojnë” yllin e ri. Drejtuesit e klubit i kanë rinovuar kontratën deri në vitin 2022. Ajo që bie në sy është klauzola e shitjes së tij.

125 milionë euro duhen derdhur në arkat e Portos për të siguruar shërbimet e Silvës, teksa më parë mjaftonin vetëm 25 milionë euro. Kjo është klauzola më e shtrenjtë në historinë e futbollit luzitan. Atletico Madrid, Juventus dhe Real Madrid interesohen për adoleshentin, por lëvizja e fundit e klubit portugez ua ka vështirësuar blerjen e talentit. /abcnews.al

CR7.png
Igli Nikolli19:46 | 17/11/2019

Portugalia fitoi 0-2 në Luksemburg dhe ia doli të kualifikohej në Euro 2020. Kampionët në fuqi të Europës shënuan nga një gol për pjesë, arritën objektivin dhe lanë Serbinë jashtë.

Bruno Fernandes dhe Cristiano Ronaldo ishin autorët e golave, teksa ylli i Juventusit nuk është lënë rehat nga tifozët vendas. Koret për Messin nuk munguan dhe qëllimi i tifozëve të Luksemburgut ishte acarimi i CR7.

Kjo nuk është hera e parë që i ndodh diçka e tillë. Mund të jetë mësuar me këtë fakt, por gjithmonë mbetet një moment i sikletshëm kur të gjithë këndojnë për rivalin kryesor. /abcnews.al

pjimage-1.jpg
Veronik Istrefaj17:11 | 15/11/2019

Sulmuesi i Wolverhampton, Diogo Jota, debutoi mbrëmë me kombëtaren e Portugalisë, në moshën 22-vjeçare. Sulmuesi anësor u aktivizua në minutën e 84-ët, duke zëvendësuar Cristiano Ronaldon, i cili shënoi tre gola në atë fitore 6-0 ndaj Lituanisë.

Jota luajti vetëm 6 minuta në këtë sfidë kualifikuese, por duke parë karrierën e tij, kjo është një arritje e madhe. Dy sezone më parë, portugezi luante në ligën e dytë angleze (Championship), me ekipin e Wolves.

Një investim gjigant nga drejtuesit e “Ujqërve” bëri që skuadra të ngjitet në Premier League, madje dhe të kualifikohej për në Europa League sezonin e shkuar, duke u renditur në vend të shtatë. Rrugëtimi i Jota është me të vërtetë i pabesueshëm./abcnews.al

Kane-Anglia.png
Igli Nikolli22:40 | 14/11/2019

Festë, rekorde dhe kualifikim në stadiumin “Wembley”. Anglia shkatërroi 7-0 Malin e Zi dhe konfirmon vendin e parë në grupin A. Harry Kane ishte njeriu i mbrëmjes me tre golat e shënuar brenda 18 minutave. Kapiteni i kombëtares përsëriti veten në stadiumin mitik dhe shënoi trigolëshin e dytë rresht pas atij kundër Bullgarisë (me datë 7 shtator).

Portugalia nuk toleroi aspak Lituaninë dhe fitoi 6-0. CR7 shënoi një trigolësh, teksa kampionëve në fuqi u mjafton fitorja në ndeshjen e fundit kundër Luksemburgut për t’u kualifikuar në Evropian dhe për të lënë jashtë Serbinë.

Këta të fundit fituan 3-2 në shtëpi përballë Luksemburgut, renditen në vend të tretë në grupin B (një më pak se Portugalia). Franca hasi probleme përballë Modavisë në shtëpi. Miqtë kaluan shumë shpejt në avantazh me anë të Rata. Varane dhe Giroud me anë të një penalltie i dhuruan tre pikë “Gjelave”, që kryesojnë grupin H me 22 pikë. /abcnews.al

Angli – Mali i Zi 7-0
(Oxlade-Chamberlain 11′, Kane 19′, 24′, 37′, Rashford 30′, Sofranac (aut) 66′, Abraham 84′)

Francë – Moldavi 2-1
(Varane 35′, Giroud (pen) 79′ / Rata 9′)

Portugali – Lituani 6-0
(Ronaldo 7, 22′, 65′, Pizzi 52′, Paciencia 56′, Silva 63′)

Serbi – Luksemburg 3-2
(Mitrovic 11′, 43′, Radonjic 70′ / Rodrigues 54′, Turpel 75′)

Santana-1280x640.png
Igli Nikolli15:24 | 31/10/2019

Një gol është i bukur dhe pikë, pavarësisht kampionatit apo nivelit në të cilin shënohet. Një i tillë është shënuar në divizionin e tretë portugez.

Elder Santana aktivizohet në rolin e sulmuesit dhe në verë la Brazilin për t’u transferuar tek ekipi i Sanjoanenses. Ndeshja e fundit u zhvillua në shtëpi dhe Santana me shokë fituan 3-1 kundër Lusitania.

26-vjeçari shënoi tre golat e ekipit të tij gjatë kësaj sfide dhe njëri prej tyre ishte thjeshtë i mrekullueshëm. Veprim teknik i një niveli të lartë dhe kandidat për trofeun Puskas, që i jepet golit më të bukur të vitit. Santana stopoi bukur topin dhe me shpinë nga porta realizoi një roveshatë fantastike që i mahniti të gjithë. /abcnews.al

Serbi-Portugali.jpg
Veronik Istrefaj19:08 | 21/10/2019

Kombëtarja e Serbisë do ta luajë sfidën e ardhshme pa praninë e tifozëve, pasi UEFA i ka dënuar. Kombëtarja ballkanase është dënuar për shkak se tifozët e saj, në sfidën kundër Portugalisë, kanë ofenduar me kore raciste futbollistët luzitanë.

Përveç dënimit pa tifozë, UEFA ka detyruar Serbinë të vendosë banera me “EqualGame” në të gjithë stadiumin, si dhe ka marrë një gjobë prej 37 mijë dollarësh. Serbia do të luajë kundër Luksemburgut me datë 14 nëntor, një sfidë shumë e rëndësishme sa i takon kualifikimit për në Euro 2020. Serbia do të synojë me doemos fitoren dhe duhet ta arrijë pa ndihmën e tifozëve.

Racizmi është kthyer tashmë në qendër të vëmendjes së UEFA-s, që vazhdon të japë sanksione për kombëtaret dhe klube të ndryshme. Ditët e ardhshme, pritet të ketë edhe dënime të tjera për kombëtaret europiane, pas Bullgarisë dhe Serbisë./abcnews.al

Ronaldo-3-1280x773.jpg
Veronik Istrefaj22:53 | 14/10/2019

Cristiano Ronaldo ka shënuar golin e tij të 700-të në karrierë, por rrjeta e ylli portugez nuk ka mjaftuar që të shmanget humbja ndaj Ukrainës. Djemtë e drejtuar nga Shevchenko shënuan dy herë në pjesën e parë, duke triumfuar 2-1.

Serbia ka fituar 1-2 në transfertë kundër Lituanisë, falë një dopietë të Mitrovic. Islanda fitoi 2-0 në shtëpi kundër modestëve të Andorrës. Rrjetën për islandezët e gjetën Sigurdsson dhe Sigthursson.

ndeshja më e rëndësishme për ditën e sotme ishte ajo mes Francës dhe Turqisë, e cila u mbyll në barazim 1-1. Giroud shënoi në minutën e 78-të për kampionët e botës, ndërsa mbrojtësi Ayhan barazoi gjithçka në të 81-ën. Anglia shkatërroi 0-6 Bullgarinë, në një sfidë ku nuk munguan as incidentet. Rashford, Barkley x2, Sterling x2 dhe Kane shënuan për “Tre Luanët”./abcnews.al

Kualifikuese, Euro 2020

Francë – Turqi  1-1
Giroud 78′ / Ayhan 81′

Ukrainë – Portugali  2-1
Yaremchuk 6′, Yarmolenko 27′ / Ronaldo 72′

Islandë – Andorra  2-0
Sigurdsson 38′, Sigthorsson 63′

Bullgari – Angli   0-6
Rashford 7′, Barkley 20′ 32′, Sterling 45′ 69′, Kane 85′

Lituani – Serbi  1-2
Kazlaukas 79′ / Mitrovic 49′ 53′

 

portugali-zgjedhjet-1280x720.jpg
nev ila10:02 | 07/10/2019

Vota portugeze e së dielës vendosi që socialistët të jenë shumë pranë një mazhorance absolute. Në deklaratën e tij të parë kryeministri socialist në detyrë Antonio Kosta u shpreh se vendi kërkon një qeveri të re socialist

Era e lindjes po fryn në Europë. Në Portugali koalicioni rozë e kuq, e kryeministrit socialist Antonio Kosta, fitoi duke iu afruar mazhorancës absolute. Në thelb boshti i betejës dhe i qeverisë mes socialistëve dhe komunistëve ka kënaqur në mënyrë të moderuar popullin luzitan. Kosta tashmë duhet të vazhdojë punën e tij me projekte të një Europe sociale.

Në deklaratën e tij të parë pas shpalljes së rezultateve paraprake ai u shpreh se mund të nxirreshin dy përfundime politike: I pari është Portugalia që kërkon një parti të re socialiste në gjendje për të qeverisur në mënyrë të qëndrueshme. Ndërsa i dyti ka të bëjë me faktin se portugezët vlerësuan zgjedhjet e mëparshme.

Qendra e djathtë me frymëzim liberal, e përfaqësuar nga një parti, partia socialdemokrate, humbi betejën duke lënë në elektorat kujtime të pakëndshme: shkurtime në shpenzimet publike dhe tri vjet recesion. Lideri i partisë konservatore, Rui Rio, mendon që tani për ndryshimet e paevitueshme që duhen bërë Brenda partisë dhe preferon të shohë prapa duke thënë se rezultati i marrë në zgjedhjet e të dielës është i njëjtë me atë të vitit 2015.

Kosta do të duhet të negociojë për të gjetur një zgjidhje politike. Qeveria e re do të përballet me reforma të gjera sociale, sipas asaj që kërkon pjesa më e madhe e portugezëve. Por në këtë pikë shumë çka do të varet nga e ardhmja e zonës euro në kompleksin e saj./ABC News Albania 24/7

portugali-1280x669.jpg
ent ela11:00 | 05/10/2019

Socialistët në Portugali po përgatiten për fitoren e radhës në zgjehdjet e së dielës, duke u mbështetur dhe në sondazhet e fundit që i rendisin të parët. Por gjithësesi ata do të kenë nevojë për një aleat për të qeverisur.

Në prag të zgjedhjeve të së dielës në Portugali, socialistët e kryeministrit në largim Antonio Kosta mbeten në krye të sondazheve të cilat parashikojnë deri në 38 për qind të votave. Në këtë mënyrë ata do të merrnin një numër më të madh vendesh në parlamentin e vendit në krahasim me katër vjet më parë, por gjithësesi jo aq sa duhet për të pasur një mazhorancë qeverisëse. Pra ata duhet të kërkojnë sërish aleanca.

Në parashikimet para zgjedhjeve ata janë 10 pikë para socialdemokratëve, lideri i të cilëve Rui Rio, shpreson ende të marrë ndonjë votues në radhët e të pavendosurve.

Katarina Martins e cila në vitin 2015 dyfishoi votat në bllokun e të majtës duke e çuar në 10 për qind pas eksepriencës në koalicionin qeverisës, konfirmon sërish këtë përqindje duke u renditur e treat në sondazhe. Por ajo shpreson të marrë dhe më shumë vota që të ketë më shumë peshë në aleancën me socialistët.

Më pas renditen komunistët e Jeronimo de Sousa. Disa analistë politikë mendojnë se do të jetë fushata e tij e fundit elektorale pasi gara për ndryshimin e liderit Brenda partisë ka nisur.

Të parët që mbyllën fushatën elektorale ishin kristiandemokratët, për të kryer homazhet ndaj themeluesit të partisë Amaral, i cili u nda nga jeta të enjten. Rreziku për ‘ta është që të lihen prapa nga partia animaliste PAN e André Silva e cila katër vjet më parë mori një vend në parlament dhe mund të marrë dhe më shumë në zgjedhjet e së dielës. /ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono