porto

ze-luis.jpg
Vladimir Prenga13:41 | 05/12/2019

Një gol spektakolar, i shënuar ditën e hënë në Portugali, ka bërë xhiron e internetit. Sulmuesi nga Kepi i Gjelbër, Jose Luis Mendes Andrade (njihet me emrin sportiv Ze Luis), ka realizuar me fanellën e Portos me roveshatë.

Fillimisht e kontrolloi topin me kraharor dhe e la në ajër, për të bërë më pas lëvizjen akrobatikë që e konkretizoi me një gol shumë të bukur. Për të ishte i shtati në kampionatin portugez. Ze Luis është shënuesi më i mirë “Dragonjve”. /abcnews.al

Fabio-Silva.png
Igli Nikolli13:44 | 23/11/2019

Futbolli portugez prodhon gjithmonë talente dhe emri i fundit që po i mahnit të gjithë është Fabio Silva. 17-vjeçari aktivizohet në sulm dhe këtë sezon ka kaluar në ekipin e parë. Deri tani ka shënuar një gol në kampionat, duke u bërë golashënuesi më i ri në historinë e Portos.

Talenti i tij është i padiskutueshëm dhe “Dragonjtë e Oportos” kanë vendosur ta “blindojnë” yllin e ri. Drejtuesit e klubit i kanë rinovuar kontratën deri në vitin 2022. Ajo që bie në sy është klauzola e shitjes së tij.

125 milionë euro duhen derdhur në arkat e Portos për të siguruar shërbimet e Silvës, teksa më parë mjaftonin vetëm 25 milionë euro. Kjo është klauzola më e shtrenjtë në historinë e futbollit luzitan. Atletico Madrid, Juventus dhe Real Madrid interesohen për adoleshentin, por lëvizja e fundit e klubit portugez ua ka vështirësuar blerjen e talentit. /abcnews.al

casillas.jpg
Klejdi Kaimi09:51 | 09/11/2019

Legjenda e Real Madrid dhe kombëtares së Spanjës, Iker Casillas ka dhënë mendimin e tij rreth përdorimit të VAR-it. Spanjolli, i cili numëron më shumë se 1,000 ndeshje në futbollin profesionist, sugjeron se ka një mënyrë për ta rritur akoma më shumë saktësinë e teknologjisë ne futboll.

Portieri ka shkruar në ‘Twitter’ propozimin e tij, duke theksuar se ideja e tij mund të ndihmojë në gjykimin e rasteve gjatë ndeshjeve. “Propozoj për VAR-in, që në momentin ku gjyqtari i caktuar analizon rastin, aty të ndodhet dhe një ish-futbollist për të dhënë mendimin e tij. Kush më mirë mund të japë një opinion për incidentet që mund të ndodhin gjatë një ndeshje?! Një futbollist i ka përjetuar vetë ato raste”, shkruan Casillas për ndjekësit e tij.

Portieri 38-vjeçar është rikthyer rregullisht në stërvitje me ekipin e Portos pas atij problemi me zemrën në muajin maj. Casillas ende nuk është grumbulluar në asnjë ndeshje për këtë sezon, por duket se e ka kaluar plotësisht atë problem. /abcnews.al

Casillas.jpg
Igli Nikolli13:49 | 10/10/2019

Iker Casillas dhe Sara Carbonero janë një ndër çiftet më të famshme në Spanjë. Portieri i Portos dhe gazetarja sportive janë bashkë prej vitit 2009, kanë dy fëmijë dhe në vitin 2016 lidhën kurorë së bashku.

Gazetarja bukuroshe po kalon një periudhë të vështirë dhe është tërhequr nga TV dhe impenjimet publike për t’u përqendruar totalisht në luftën kundër sëmundjes së keqe.

Casillas i qëndron pranë në çdo moment, ndërsa postimi i tij i fundit në rrjetet sociale i ka emocionuar të gjithë. “Vajzat mund të arrijnë gjithçka”, lexohet në bluzën e Sarës, foto që është publikuar nga ish-kampioni i Botës dhe Evropës me Spanjën.

Një mesazh inkurajues për 35-vjeçaren, e cila po kalon momentin më të vështirë në jetën e saj. Për fat të mirë mbështetja nuk i mungon dhe Casillas është në çdo moment pranë saj. /abcnews.al

 

View this post on Instagram

 

#girlscandoanything ???

A post shared by Iker Casillas (@ikercasillas) on

United.png
Veronik Istrefaj20:41 | 03/10/2019

Janë luajtur sfidat e orës 18:55 në Europa League, ku në fushë zbritën plot 22 skuadra. Golat ishin të shumtë, si dhe rezultatet surprizë nuk munguan. Manchester United nuk po kalon një moment të mirë dhe kjo gjë u pasqyrua edhe sot kundër AZ Aalkmar.

“Djajtë e Kuq” nuk shkuan dot më shumë se një barazim 0-0, duke marrë vetëm një pikë. As Roma nuk ka arritur të fitojë në transfertë, përballë Wolfersberger. Në Austri, romakët shënuan të parët me anë të Spinazzola, por vendasit barazuan gjithçka në pjesën e dytë.

Feynoord ka mposhtur pa shumë probleme 2-0 skuadrën e Portos, ndërsa Wolverhampton ka triumfuar në minutat e fundit 0-1 përballë Besiktas. Më poshtë, do të gjeni dhe rezultatet e sfidave të orës 18:55./abcnews.al

 

EUROPA LEAGUE – NDESHJET NË GRUPE
E enjte, më 3 tetor, ora 16:50

FC Astana-Partizan  1-2
Sigurjsson 84’ / Sadiq 29’ 73’

E enjte, më 3 tetor, ora 18:55

AZ Alkmaar-Manchester Utd   0-0

Basaksehir-B. Monchengladbach  1-1
Visca 55’ / Hermann 90+2′

Besiktas-Wolves   0-1
Boly 90+1′

Braga-Slovan Bratislava   2-2
Viana 31’, Galeno 63’ / Sporar 45+4’, Viana (ag) 90+1′

CSKA Moscow-Espanyol   0-2
Wu Lei 64’, Campuzano 90+5′

Ferencvaros-Ludogorets   0-3
Lukoki 1’, Forster 40’ 64’

Feyenoord-FC Porto  2-0
Toornstra 49’, Kaardsrop 80′

Oleksandriya-Gent  1-1
Sitalo 61’ / Depiotre 6’

St Etienne-Wolfsburg  1-1
Kolodzijeczak 13′ / William 15′

Wolfsberger AC-AS Roma  1-1
Linedl 51’ / Spinnazzola 27’

Young Boys-Rangers   2-1
Assale 50’, Fachshnaat 90+3′ / Morelos 44’

Casillas.jpg
Igli Nikolli17:04 | 25/09/2019

Iker Casillas nuk ka vendosur ende për të ardhmen e tij. Portieri i Portos pësoi një atak kardiak 1 majin e kaluar dhe që nga ai moment nuk ka zbritur më në fushat e stërvitjes.

Drejtuesit e klubit portugez ia kanë lënë në dorë 38-vjeçarit të marrë vendimin për të ardhmen dhe diçka e tillë mund të vijë në muajin… mars.

“Po e marr veten fizikisht dhe ky proçes nuk është i ngadaltë. Ata që kanë kaluar infarkt e dinë mirë se sa kujdes duhet patur gjatë kësaj kohe. Jeta të vendos përpara sfidave të ndryshme dhe kjo gjë po ndodh me mua.

Në mars do të marr vendimin për të vazhduar me futbollin ose për t’u tërhequr përfundimisht. Nëse do të ndodhë kjo e dytë, unë do të jem i pari që do të bëj publik lajmin pa asnjë lloj problemi”, përfundoi për Sportmediaset portieri i famshëm spanjoll. /abcnews.al

Porto.jpg
Veronik Istrefaj21:31 | 20/09/2019

Racizmi në botën e futbollit është një nga problematikat më të mëdha. Lojtarë si Lukaku, Rashford, Abraham, Zouma, Balotelli e shumë të tjerë kanë qenë viktima të racizmit gjatë viteve të fundit, si brenda në stadium, ashtu dhe në rrjetet sociale. Ky fenomen shumë negativ nuk po luftohet nga organet kopetente dhe UEFA e FIFA vazhdojnë të bëjnë një vesh të shurdhër.

Pas incidenteve në Itali dhe Angli këto javët e fundit, racizmi ka “pushtuar” edhe Portugalinë. Sfida mes Porto dhe Young Boys në Europa League nuk ka kaluar pa incidente raciste. Tifozeria portugeze ka ofenduar vazhdimisht lojtarin e Young Boys, Pierre Nsame, dhe UEFA ka vepruar.

Organi qeverisës i futbollit europian pranoi publikisht se ka grumbulluar të gjitha provat, pamje filmike dhe dëshmitarë okularë, në lidhje me këtë rast dhe tifozeria e Portos rrezikon një dënim shumë të madh. Vendimi përfundimtar do të bëhet publik ditën e mërkurë.

Roma.jpg
Veronik Istrefaj23:02 | 19/09/2019

Janë luajtur dhe 12 sfidat e orës 21:00 në Europa League dhe golat kanë qenë të panumërt. Ekipet favorite kanë triumfuar. Roma ka mposhtur 4-0 në shtëpi skuadrën e Basaksehir, Manchester United mposhti 1-0 Astanën dhe Porto mori tri pikët përballë Young Boys, falë rezultatit 2-1.

Ludogorets ka bërë një ndeshje të madhe përballë CSKA-së së Moskës, pasi përmbysi disavantazhin 0-1 të pjesës së parë dhe triumfoi 5-1, duke dhuruar spektakël. Përmbysje pas përmbysje pati dhe në takimin mes Slovan Bratislava dhe Besiktas. Vendasit triumfuan në fund me shifrat 4-2.

Rangers mori tri pikët e para falë triumfit 1-0 në Skoci përballë Feynoord, ndërsa Ëolves është mposhtur në shtëpi 0-1 nga Braga. Gent-St. Ettiene ishte një tjetër ndeshje spektakolare, e cila u mbyll 3-2 në favor të belgëve. Espanyol dhe Ferencvaros u ndanë në barazim 1-1.

Europa League (21:00)

Roma – Basaksehir  4-0
Man. United – Astana  1-0
Porto – Young Boys  2-1
Ludogorets – CSKA  5-1
Slovan – Besiktas  4-2
Rangers –Feynoord   1-0
Gent – St. Ettiene  3-2
Espanyol – Ferencvaros  1-1
B. Gladbah – Wolfsberger  0-4
Partizan – Alkmaar  2-2
Wolsburg – Oleksandria  3-1

fons.jpg
ad min23:45 | 25/06/2019

Skuadra e Romës ka prezantuar trajnerin portugez Paulo Fonseca. Ish tekniku i Shakhtar është entuziast dhe premton sukses me skuadrën italiane.

Roma është gati të nisë një kapitull të ri nën drejtimin e trajnerit Paulo Fonseca. Ish tekniku i Shakhtarit u shfaq tepër entuziast për aventurën e re në kryeqytetin italian.

Situata që aktualisht ndodhet klubi nuk është aspak pozitive pas dy largimeve të Tottit dhe De Rosit apo dështimi për të marrë pjesë në Ligën e Kampioneve. Gjithsesi trajneri portugez beson se klubi do të arrije majat nën drejtimin e tij.

“Është një sfidë e madhe dhe mendoj se do të arrijmë diçka të jashtëzakonshme së bashku. Në momentin që drejtuesit e Romës me telefonuan nuk u mendova dy herë, por pranova ofertën. Kam besimin e plotë të presidentit të Romës dhe shikoj shumë pozitivitet në skuadër. Jam optimist për vështirësitë që na presin, por besoj se do të marrim atë që duam. Skuadra që unë kërkoj është të ketë kurajo dhe të luajë e barabartë me cilin do ekip që ka përballë. Dua që futbollistët t’i kuptojnq idetë e mia dhe t’i bëjmë krenar tifozët”, tha trajneri i ri i Romës Paulo Fonseca gjatë prezantimit.

Verdhekuqtë zhvilluan sezonin më të dobët të dekadës së fundit duke mos siguruar kualifikimin në Ligën e Kampioneve. Kjo solli përplasje mes veteranëve të klubit dhe kupolës drejtuese./ABC News Albania 24/7

casillas.jpg
ad min14:21 | 02/05/2019

Portieri Iker Casillas nuk mund të luajë më futboll. Pas atakut kardiak gjatë seancës stërvitore me Porto-n, ai u operua me urgjencë. Mjekët thanë se Casillas mund të ketë një jetë normale, por jo të ushtrojë sporte profesioniste.

Ish-portieri i Real Madridit, i cili aktualisht luan me Porton, Iker Casillas, duhet të tërhiqet nga futbolli pas atakut që pësoi në zemër. Deklarata u bë nga kardiologu Huan Antonio Korbalan, i cili vetë ka qenë dikur një basketbollit i Real Madridit.

Sipas Korbalan, Iker Casillas do ta ketë të vështirë ta vazhdojë karrierën me një stentë koronare, sidomos për shkak të pozicionit të tij si portier.

“Nuk mund të luajë futboll me një stentë koronare, e sidomos një portier”, theksoi ai.

Ai shtoi se portieri do të dalë shpejt nga spitali dhe do të ketë një jetë normale, por nuk do të luajë sporte profesionale. Casillas pësoi të mërkurën një atak kardiak në momentin që po stërvitej te skuadra e Portos./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono