Porti i Durrësit

moti.jpg
in a10:06 | 06/01/2020

Deti i trazuar dhe era e fortë në brigjet e Italisë jugore kanë penguar natën e kaluar nisjen e dy trageteve të linjës Bari – Durrës.

Nga të dhënat e Qendrës së Informacionit në Autoritetin Portual Durrës, mësohet se dy tragete të tjerë, “Rigel III dhe “AF Marina” janë nisur nga Durrësi drejt Barit sot rreth orës 00.40 dhe tashmë po ankorohen në portin italian.

Dy tragetet e tjerë “Rigel II” dhe “AF Francesca”, që pritej të mbërrinin rreth orës 21.00 të së dielës nuk u nisën dot nga Bari për arsye të motit të keq me det të trazuar dhe erë të fortë.

Kompanitë e lundrimit njoftojnë se kanë marrë masa për njoftimin e udhëtarëve me anë të telefonit për ndryshimet e orareve të nisjes së trageteve./abcnews.al

porti.jpg
in a13:38 | 05/01/2020

Për shkak të përkeqësimit të motit Drejtoria e Përgjithshme Detare ka njoftuar se porti i Barit është mbyllur. Për pasojë tragetet nga Bari për Durrës nuk janë nisur deri në një urdhër te dytë nga kapiteneria e portit të Barit.

Njoftim !

Duke parë perkeqësimin e motit në ditët e para të vitit 2020 dhe kontaktet me kapitenerinë e portit te Barit, Drejtoria e Përgjithshme Detare njofton se :

1-Porti i Barit është mbyllur sot dhe tragetet nga Bari për Durrës nuk janë nisur deri në një urdhër te dytë nga kapiteneria e portit Barit.

2-Porti i Durrësit është i hapur dhe në gatishmëri por për arsye të mbylljes te portit te Barit do ndalojmë nisjen e tregeteve nga Durrësi për në Bari për të shmangur qëndrimin e trageteve dhe të pasagjerëve në radën e portit te Barit.

Kërkojmë mirëkuptimim e pasagjerëve të bllokuar në portet e Barit dhe të Durrësit pasi e gjitha bëhet per të garantuar sigurinë lundrimore  në situatat detare me mot te përkeqesuar, erë te fortë e dallgë të larta.

Për çdo ndryshim do ju mbajmë të informuar ose mund të merrni informacion në terminalet e portit Barit dhe Durrësit.

Drejtoria e Pergjithshme Detare./abcnews.al

termet-7.jpg
in a22:04 | 31/12/2019

Ditën e sotme një ngjarje e rëndë është regjistruar në Portin e Durrësit.

Një marinar dyshohet se ka humbur jetën për shkak se ka pësuar infarkt dhe për pasojë ka rënë në det. Bëhet e ditur se viktima është marinar i tragetit “Adria” me origjinë greke.

Ende nuk dihen detaje të tjera, por theksohet se marinari 50 vjeçar Dimitros Ntiros, ishte mekanik i tragetit./abcnews.al

toyota-yaris.jpg
ad min11:52 | 12/09/2019

Mbyllen hetimet për 3.4 milionë eurot e sekuestruara në dy makinat, “Toyota Yaris”. Prokuroria për Krime të Rënda i ka komunikuar akuzën, e “pastrimit të parave në kuadër të grupit të strukturuar kriminal”, 3 prej 4 të arrestuarve. Agim Ceka akuzohet vetëm për armëmbajtje pa leje.

Prokuroria e Krimeve të Rënda ka mbyllur hetimet për dosjen e njohur si “Toyota Yaris” dhe ka ngritur akuza ndaj 4 personave të arrestuar në Shqipëri. Prokurorët i kanë komunikuar akuzën e pastrimit të parave në kuadër të grupit të strukturuar kriminal, Alban Mollaymerit, Edi dhe Klevi Likës.

Ndërsa Agim Cekës i është komunikuar akuza për armëmbajtje pa leje, për shkak se gjatë kontrollit në banesë, i është gjetur një armë zjarri. Pas mbylljes së hetimeve dosja për 10 ditë do të zhvillohet seanca paraprake dhe do të vendoset nëse kjo dosje do të shkojë ose jo për gjykim.

Në 24 Qershor 2018, autoritetet sekuestruan në portin e Durrësit 3.4 milionë euro në dy automjete “Toyota Yaris” që vinin nga Belgjika. Katër të arrestuarit ishin pjesë e kompanisë, që sillte makinat.

Ata kanë mohuar të kishin dijeni për 3.4 milionë eurot e fshehura në dy automjetet e ardhura nga Belgjika. Në arrati, me një urdhër arresti ndaj tyre janë dy kushërinjtë Elvis dhe Alfred Vladi, porositës të makinave. Hetimet për të dy vijojnë, pasi policia i ka shpallë në kërkim ndërkombëtarë.

Për të njëjtën dosje po kryhen hetime edhe nga prokuroria belge, e cila më 25 Korrik më mori në pyetje të arrestuarit në Shqipëri, si dhe kreun e opozitës Lulzim Basha, se nga e kishte marrë informacionin se drejt Portit të Durrësit ishin nisur të fshehura miliona euro me “Toyota Yaris”.

Para për të cilat lideri i opozitës ka akuzuar numrin dy të partisë Socialiste Taulant Balla, 3 ditë përpara se 3.4 milionë eurot të sekuestroheshin.

/ABC News Albania 24/7

RAMA-PORTI-DURRSIT-1280x720.jpg
ent ela16:00 | 26/07/2019

Porti i Durrësit po zgjerohet, për të bërë të mundur që disa anije të përpunohen njëkohësisht. Kryeministri Rama tha gjatë inspektimit të punimeve se ky do të jetë një ndryshim historik për qytetin bregdetar.

Në Portin e Durrësit kanë nisur punimet për thellimin e basenit dhe kanalit hyrës. Sipas parashikimeve inxhinjerike, kjo ndërhyrje do të mundësojë ankorimin e anijeve të një madhësie deri në 20.000 ton.

Punimet i inspektoi nga afër kryeministri Rama, i shoqëruar nga ministrja e Energjisë dhe Infrastrukturës Belinda Balluku.

Pjesë e planit të ndërhyrjes në port do të jetë edhe terminali i kroçiereve, punimet për të cilin parashikohet të nisin vjeshtën e këtij viti.

“Terminali i korçiereve është i domosdoshëm. Ai e transformon komplet situatën dhe hap rrugë një projekti të jashtëzakonshëm për Durrësin, sepse ai andej, me idenë tjetër që kemi për ta nxjerrë qytetin në breg, duke ndërtuar një marinë turistike, do jetë ndryshim historik”, – tha Kryeministri.

Sipas njoftimit të kryeministrisë, ky terminal pritet që në përfundim të tij të mirëpresë rreth 2500 turistë në ditë dhe të përpunojë 5 kroçiere njëkohësisht.

/ABC news Albania 24/7

porti.jpeg
ent ela09:50 | 03/03/2019

Gjashtë shtetas janë arrestuar sot nga  Shërbimi i Çështjeve të Brendshme në Policinë e Shtetit, të akuzuar për veprën penale të “shpërdorimit të detyrës”. Personat e ndaluar ushtronin kontrollin e pasaportave në Portin e Durrësit. Sipas policisë, efektivët bënin të mundur kalimin e personave me rekorde kriminale, duke shmangur sistemin TIMS, kjo në këmbim të parave. Arrestimi i shtetasve, u bë në funksion të hetimeve penale, në kuadër të procedimit të vitit 2018, kryer nga Drejtoria e Hetimit të SHÇBA në bashkëpunim me Prokurorinë Pranë Gjykatës së Shkallës së Parë Durrës. Kontrolli ndaj të arrestuarve është ushtruar në kushtet e flagrancës. Punonjësve të policisë, iu sekuestruan sasi vlerash monetare në lek dhe euro që dyshohet se janë përfituar në mënyrë të kundraligjshme dhe korruptive gjatë ushtrimit të detyrës.

Njoftimi i Policisë

Strukturat e Drejtorisë Qendrore të Hetimit të SHÇBA-së finalizuan me sukses operacionin “KONTROLLORI” ku janë arrestuar në kushtet e flagrancës 6 punonjës të policisë, kontrollorë në PKK Durrës:

A.Gj., 53 vjeç, me detyrë Kontrollor në PKK Porti Durrës;

G.B., 29 vjeç, me detyrë Kontrollore në PKK Porti Durrës;

G.Ç., 51 vjeç, me detyrë Ndihmës Kontrollor në PKK Porti Durrës;

D.D., 53 vjeç, me detyrë Kontrollore në PKK Porti Durrës;

D.Z., 50 vjeç, me detyrë Kontrollor në PKK Porti Durrës;

J.K., 42 vjeçe, me detyrë Kontrollore në PKK Porti Durrës.

Arrestimi i tyre u bë në funksion të hetimeve penale, në kuadër të procedimit të vitit 2018, kryer nga Drejtoria e Hetimit të SHÇBA në bashkëpunim me Prokurorinë Pranë Gjykatës së Shkallës së Parë Durrës.

Ata dyshohen për kryerjen e veprës penale “Korrupsion pasiv i personave që ushtrojnë funksione publike” dhe “Shpërdorim detyre”.

Gjatë ndjekjes së këtij procedimi janë aplikuar metodat speciale të hetimit, ku rezulton e provuar veprimtaria e kundraligjshme e këtyre punonjësve të policisë, të cilët, në këmbim të vlerave të ndryshme monetare, bënin të mundur kalimin e paligjshëm të personave me probleme, apo kategorisë së shtetasve  që nuk u lejohet udhëtimi drejt zonës “Shengen”.

Gjatë kontrollit të ushtruar në kushtet e flagrancës, punonjësve të policisë iu sekuestruan në cilësinë e provës materiale sasi vlerash monetare në lek dhe euro, në vlerën 2.175  euro, që dyshohet se janë përfituar në mënyrë të kundraligjshme dhe korruptive gjatë ushtrimit të detyrës.

Hetimet për këtë ngjarje po vazhdojnë./abcnews

 

 

DURRESI-FLUKS-EMIGRANTET-1280x720.jpg
ent ela12:29 | 31/12/2018

Edhe në orët e fundit të vitit 2018 nuk kanë munguar emigrantët apo edhe shtetas të huaj që përmes Portit të Durrësit kanë ardhur në Shqipëri për të festuar.

Edhe në ditën e fundit të vitit, shumë emigrantë zbarkuan në Portin e Durrësit. Katër tragete sollën më shumë se 3100 persona. Mes tyre dhe shtetas të huaj për të kaluar ndërrimin e viteve në Shqipëri.

Policia e kufirit ka operuar me numrin më të lartë tësporteleve. Kjo për të evituar radhët e gjata në terminal gjatë kontrollit.

Por ndërsa në portin e Durrësit nuk është shfaqur asnjë problem, krejt ndryshe është paraqitur situata në portin e Barit në Itali.

Traget nga Bari drejt portit të Durrësit përgjatë gjithë sezonit të fluksit kanë mbërritur me disa orë vonesë.

Sipas kapitenit të portit detar Taulant Allkja shkaku janë autoritetet italiane  që po punojnë vetëm me një apo dy sportele duke krijuar vonesa të gjata në nisje. /abcnews.al

POLICIA-PER-EUROT-1280x720.jpg
ent ela16:30 | 25/06/2018

Policia ka dhënë sqarimet dhe vlerën zyrtare të eurove të kapura brenda dy automjeteve në portin e Durrësit. Rreth 3.4 milionë euro ishin fshehur në dy Toyota Yaris, të nisura nga Belgjika. Policia tha se ishte në dijeni prej datës 20 qershor.

Katër persona janë vënë në pranga të policisë si edhe dy të tjerë janë shpallur në kërkim, të cilë akuzohen kishin fshehur rreth 3.4 milion euro në dy automjete që sekestruara në portin e Durrësit.

Të arrestuar janë Agim Çeka, Edi Lika djali i tij Klevi Lika,dhe Alban Mollaymeri. Sipas uniformave blu, këto shtetas kanë transportuar automjetet nga Gjermani dhe Belgjika, ndërsa porositës të ngarkesës janë dy të shpallurit në kërkim Alfred .V. dhe Elvis.V., të dy me origjinë nga Peshkopi e banues në Tiranë.

Zyrtarisht policia e shtetit konfirmon se ishte vënë në dijeni të fshehjes së parave më datë 20 Qershor 2018, pasi ato ishin fshehur në dy automjete të ngarkuara në një karoatrec.

Tre ditë më pas më 24 Qershor, në Portin e Durrësit në orën 07:30 të mëngjësit  mbërriti nga Belgjika një trajler tip “Bizark” me 9 automjete, përmes Portit të Barit, Itali. Fillimisht policia shqiptare ishte njoftuar nga homologët e saj Italian duke intesifikuar hetimet por përsëri dy persona mundën ti shpëtonin  prangosjes.

Gjatë kontrollit të ushtruar në automjetin e drejtuar nga Agim Çeku dhe pronar Klevi Lika, u gjetën edhe shuma e parave të fshehura në pjesën e pasme të dy autoveturave tip Toyota Yaris.

PARATE E SEKUESTRUA NE PORTIN E DURRESIT

  1. 3,366,800 euro dhe 100 euro që dyshohet të jenë të falsifikuara; 80,000 franga zvicerane.
  2. 10 automjete, nga të cilat 7 automjete të tipit ‘Toyota Yaris’, 1 tip ‘Alfa Romeo’, 1 tip ‘Opel’ dhe 1 tip ‘Bizark’.
  3. 1 armë kallashnikov me 2 krehëra fishekë, gjetur nga kontrolli i ushtruar në banesën e shtetasit A.Çeka;
  4. 1 radio policie;

Policia e shtetit në njoftimin e saj theksoi se,  një pjesë e operacionit ishte bërë publik gjatë punimeve të Parlamentit në sallën e Kuvendit, duke aluduar edhe për dekonsperim të mundshëm nga segmente të caktuara politike. Dyshimi kryesor është se ato para vinin nga aktivitete të ndryshme kriminale, si trafiki i drogës dhe prostitucionit. Ndërkohë prokuroria e Durrësit ka nisur hetimet për veprat penale “Pastrimi i produkteve të veprës penale ose veprimtarisë kriminale e kryer në bashkëpunim. /abcnews.al

arbi-cekaj-1280x696.jpg
ent ela16:04 | 07/03/2018

Prokuroria për Krimet e Rënda kërkon caktimin e një mase sigurie “arrest në burg” në mungesë për Arbër Çekajn. Ai është administratori i kompanisë, “Arbri Garden”, në kontenierin e të cilës u gjet sasia prej 613 kilogramë kokainë e ardhur nga Kolumbia.

Sipas Prokurorisë, Çekaj është porositësi i kontenierit me banane për llogari të kompanisë të tij dhe dyshohet të ketë lidhje direkte edhe me sasinë e kokainës. Nëse kjo masë sigurie do të miratohet nga Gjykata, urdhër-arresti ndaj Çekajt i përcillet edhe drejtësive të vendeve të tjera.

Çekaj është larguar drejt Gjermanisë, tre ditë para mbërritjes së kontenierit në portin e Durrësit. Aktualisht për llogari të hetimit të nisur në lidhje me sasinë rekord të kokainës janë arrestuar dhe po qëndrojnë masën “arrest në burg”, administratori i kompanisë, Donaldo Lushaj dhe shoferi Armando Pezaku./abcnews.al

vlcsnap-error694-1-1280x720.jpg
ent ela11:53 | 28/02/2018

Krimeve të Rënda dhe Drejtorinë e Hetimit Doganor, ka arritur të finalizojë me sukses operacionin e koduar “Bora e fundit”. Si rezultat i këtij operacioni, u bë i mundur kapja dhe sekuestrimi i një sasie rekord prej 613 kilogramë e 350 gramë lënde narkotike e dyshuar kokainë, me vlerë tregu mbi 180 milionë euro.

Gazetarjae ABC News Enkelejda Arapi raporton nga Porti i Durrësit./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono