pompeo

POMPEO-RUSI.mpg_snapshot_00.09-1280x720.jpg
ent ela23:55 | 14/05/2019

Në vizitën e parë në Rusi si sekretar Shteti, Majk Pompeo i ka bërë thirrje Kremlinit që të mos përzihet në zgjedhjet presidenciale të vitit të ardhshëm. Por pavarësisht porosive reciproke, palët janë shprehur në favor të përmirësimit të marrëdhënieve mes Moskës dhe Uashingtonit.

Sekretari amerikan i Shtetit, Majk Pompeo i ka bërë të qartë homologut rus Sergei Lavrov se Uashingtoni pret që Moska të mos ndërhyjë në zgjedhjet presidenciale të vitit 2020, duke paralajmëruar se një lëvizje e tillë do të rrënonte më tej marrëdhëniet e dëmtuara mes dy vendeve. Në vizitën e parë të zhvilluar në Moskë si sekretar i Shtetit, Pompeo u përplas me Lavrov sa u takon çështjeve të Ukrainës dhe Venezuelës, përplasje të cilën të dy ata e konfirmuan në përfundim të takimit, kur thanë se qëndrimet e tyre janë diametralisht të kundërta. “Unë ia bëra të qartë ministrit Lavrov se ndërhyrja në zgjedhjet amerikane është e papranueshme. Nëse rusët e bëjnë një gjë të tillë në vitin 2020, atëherë marrëdhëniet tona do të bien në një nivel edhe më të ulët se aktualisht”, tha Pompeo. Sidoqoftë, dy shefat e diplomacive shprehën dëshirën për t’i përmirësuar marrëdhëniet, edhe pse nuk ishin në gjendje të konfirmonin një takim të përfolur mes presidentëve Trump dhe Putin muajin e ardhshëm në Japoni, me rastin e samitit të G20-s. Nga ana e tij, ministri Lavrov theksoi se është koha që Moska dhe Uashingtoni të lënë mënjanë mosbesimin dhe të gjejnë një rrugë bashkëpunimi konstruktiv. “Mes nesh ka dyshime dhe paragjykime, të cilat cënojnë sigurinë e të dy vendeve dhe shkaktojnë shqetësim në mbarë botën. Ndaj mendoj se është koha që të ndërtojmë një format të ri dhe konstruktiv në marrëdhëniet tona”, tha Lavrov. Duke përcjellë mesazhin e presidentit Trump, Pompeo shtoi se, nuk është e thënë që dy vendet të jenë gjithmonë kundërshtare dhe shprehu dëshirën që të gjejnë fusha me interes të përbashkët. /ABC news Albania 24/7

POMPEO-VIZITA.mpg_snapshot_00.06-1280x720.jpg
ent ela23:54 | 04/04/2019

Në ditën e dytë të punimeve të samitit të NATO-s, Shtetet e Bashkuara u kanë bërë thirrje aleatëve që të përshtaten ndaj kërcënimeve të reja, që përveç se nga Rusia vijnë edhe nga Kina. Uashingtoni e ka vënë theksin tek rreziku nga sulmet kibernetike, spiunazhi elektronik dhe emigracioni i pakontrolluar.

Sekretari amerikan i Shtetit, Majk Pompeo u ka bërë thirrje vendeve anëtare të NATO-s që të përshtaten ndaj kërcënimeve të reja që vijnë jo vetëm nga Rusia, por edhe Kina, e cila po shfaqet si një konkurrente e fortë në rrafshin ekonomik. Pompeo e bëri apelin e tij në ditën e dytë të punimeve të samitit të Aleancës, që po ndiqet nga ministrat e Jashtëm të vendeve anëtare.

“Duhet ta përshtasim aleancën tonë edhe ndaj kërcënimeve të reja siç janë Kina, emigracioni i pakontrolluar, sulmet kibernetike, ndërhyrja në rrjetin 5G dhe shumë forma të tjera”, deklaroi Pompeo, pa anashkaluar natyrisht Rusinë.

Në strategjinë kombëtare të mbrojtjes për vitin 2018, ushtria amerikane renditi kontrastin ndaj Kinës dhe Rusisë si prioritetin kryesor të saj. Në këto aspekte është fokusuar edhe samiti i NATO-s, që mes të tjerash do të përpiqet të aprovojë një paketë që nxit rritjen e pranisë së Aleancës në Detin e Zi. Sa i takon luftës kibernetike, Uashingtoni ka bërë të ditur se nuk do të bëjë partneritet me vendet që pranojnë sistemet teknologjike kineze të markës së njohur “HUA UEI”. Por këtu Shtetet e Bashkuara po hasin në shpërfilljen e vendeve të Bashkimit Europian, që nuk e kanë përjashtuar gjigandin kinez nga tenderat për linjën e re të internetit 5G. /abcnews.al

POMPEO-VIZITA.mpg_snapshot_00.06-1280x720.jpg
ent ela17:30 | 12/02/2019

Sekretari amerikan i shtetit Majk Pompeo ka nisur një tur vizitash në Europë, ku fillimisht është ndalur në Budapest ku është takuar me kryeministrin hungarez Viktor Orban.

Një rast për të përballur me këndvështrime të ndryshme. Sekretari Amerikan i Shtetit Majk Pompeo, viziton Europën qendrore e rreshtuar në NATO, por e tunduar nga Putin. Ai transmeton fjalën e administratës Tramp, në vështirësi me Kinën, por skeptike me Nato-n dhe jo shumë e sigurtë ndaj Gjermanisë. Pompeo në Budapest u takua me kryeministrin hungarez Viktor Orban dhe ministrin e jashtëm. Ky i fundit u shpreh se ka një hipokrizi të pabesueshme në Europën Perëndimore për sa i përket Rusisë. Kritikat janë të forta por në të njëjtën kohë firmosen marrëveshje prej miliona eurosh mes sipërmarrjeve të Europës Perëndimore dhe atyre ruse. Ai premtoi se Shtetet e Bashkuara të Amerikës mund të mbështeten tek Hungaria si një aleat ushtarak.

Pavarësisht akrobacive verbale të kreut të diplomacisë hungareze, faktet janë ndryshe për sa I përket marrëdhënieve të Budapestit me Moskën dhe konflikett ekzistuese dhe të mundshme në Europë. Në fakt Pomepo theksoi mbështetjen amerikane ndaj Hungarisë, e cila jo domosdoshmërisht është në një linjë me interesat hungareze.

Pompei deklaroi se presidenti rus Putin nuk mund të lejohet të futet ndërmet Natos dhe miqve të sajjj. Dhe hungarezët sipas tij e dinë shumë mirë për shkak të historisë së tyre, se Rusia nuk do të jetë asnjëherë mike e lirisë dhe sovranitetit të popujve të vegjël.

Por opozita në Hungari u shpreh e zhgënjyer me sekretarin amerikan të shtetit Pompeo pasi ai nuk bëri asnjë kritikë për masat e ndërmarra nga ekzekutivi i Budapestit. /abcnews.al

Capture-1280x865.jpg
ent ela15:40 | 07/02/2019

Kreu i Shtetit Ilir Meta përmes një postimi në rrjetin social facebook ka njoftuar takimin me sekretarin e shtetit amerikan, Mike Pompeo gjatë mëngjesit të lutjeve në Uashington, gjatë një vizite të Presidentit në SHBA.

Folëm për partneritetin e shkëlqyer të dy vendeve tona dhe rëndësinë e forcimit të sigurisë dhe stabilitetit në rajon – shkruan presidenti Meta në postimin e tij në facebook./abcnews.al

marreveshje-1.jpg
G. P.13:13 | 01/02/2019

Shtetet e Bashkuara të Amerikës do të tërhiqen nga traktati për kontrollin e raketave bërthamore me Rusinë. Mediat amerikane raportojnë se konfirmimi do të bëhet shumë shpejt nga Sekretari amerikan i Shtetit.

Sipas raportimeve të CNN, Sekretari amerikan i Shtetit Mike Pompeo do të deklarojë shumë shpejt se Shtetet e Bashkuara të Amerikës pezullojnë pjesëmarrjen e tyre në traktatin me Rusinë për kontrollin e raketave bërthamore me rreze mesatare, të quajtura ndryshe dhe euroraketat. Marrëveshja e firmosur në vitin 1987 nga Ronald Regan dhe Mikail Gorbaçov, konsiderohet si një arritje shumë e madhe, e cila i dha fund Luftës së Ftohtë.

Uashingtoni akuzoi Moskën se ka shkelur në mënyrë të përsëritur që nga viti 2014 këtë traktat, por Rusia e mohon këtë fakt. Pezullimi do t’i japë dritën jeshile periudhës prej 180 ditësh për tërheqjen e plotë nga Traktati, të paktën deri sa Moska të dëshmojë se po e respekton atë. Në rast të kundërt ka rrezik që të dyja vendet të nisin një garë të re armatimi./abcnews.al

CD1D931E-5D2B-4CD8-93D1-03FAB56B0D6E_cx0_cy1_cw0_w1023_r1_s.jpg
ent ela08:37 | 05/12/2018

Sekretari amerikan i Shetit Mike Pompeo vuri në pikëpyetje rendin e tanishëm botëror dhe tha se Shtetet e Bashkuara po marrin veprime konkrete për reformimin e institucioneve globale.

Këto komente zoti Pompeo i bëri në takimin e zhvilluar në Fondin Gjerman Marshall në Bruksel. Sekretari amerikan i Shtetit tha se Kina, Irani, Rusia dhe vende të tjera kanë shkelur traktate dhe marrëveshje shumëpalëshe, duke shtuar se Shtetet e Bashkuara nuk kanë për t’i pranuar më këto shkelje. Ai fajësoi mungesën e udhëheqjes amerikane dhe europiane në çështjet botërore gjatë 30 viteve të fundit .

Pompeo tha gjithashtu se Kombet e Bashkuara, Bashkimi Europian, Bashkimi Afrikan dhe Banka Botërore kanë nevojë për reforma. Ai la të kuptohet se Organizata Botërore e Tregtisë nuk është duke ndjekur rregullat e veta në rastin e Kinës. “Rusia, – tha ai, – po shkel traktatet kryesore të kontrollit të armëve, ndërsa Irani nuk po përfill Rezolutat e Këshillit të Sigurimit të OKB-së. Kina, Irani dhe Rusia i kanë mohuar këto akuza, të ngritura shpesh nga Shtetet e Bashkuara. “Kur shkelen traktatet, shkelësit e tyre duhen konfrontuar dhe traktatet duhen rregulluar, ose prej tyre duhet hequr dorë,”- tha zoti Pompeo.

Aleatë dhe kundërshtarë e kanë akuzuar administratën Trump për sulme ndaj rendit botëror, përmes qëndrimeve të njëanshme ndaj disa çështjeve, si marrëveshja e Parisit për klimën dhe marrëveshja bërthamore me Iranin. Por zoti Pompeo i hodhi poshtë këto kritika, duke thënë se administrata Trump do ta rikthejë udhëheqjen botërore, duke i ekspozuar vendet që kanë shfrytëzuar dobësitë e institucioneve globale. /VOA

THACI-POMPEO-1280x720.jpg
ent ela22:23 | 26/11/2018

Presidenti i Kosovës, Hashim Thaçi po zhvillon një vizitë në Uashington, ku është pritur nga sekretari i Shtetit, Majk Pompeo. Detajet e takimit nuk dihen, por më herët Thaçi njoftoi se vizita e tij në Shtetet e Bashkuara ka si qëllim koordinimin me administratën amerikane në lidhje me negociatat me Serbinë.

“Duke qenë se ndodhemi në hapat e fundit të mundësisë për një marrëveshje është e domosdoshme prania ime në Uashington, për t’u koordinuar me miqtë e përjetshëm të Kosovës”, deklaroi Thaçi.

Presidenti i Kosovës theksoi se marrëveshja duhet të jetë efikase, e implementueshme dhe njëkohësisht duhet të gjejë një konsensus sa më të madh ndërkombëtar. “Gjithashtu i rëndësishëm është edhe një konsensus brenda për brenda Kosovës”, vijoi Thaçi, duke shtuar se pakti do të sjellë anëtarësimin e Kosovës në OKB. /abcnews.al

GettyImages_631549012.0.jpg
ent ela08:27 | 18/10/2018

Bashkëpunimi i Turqisë për lirimin e pastorit amerikan Endriu Branson dhe në hetimet mbi vrasjen e gazetarit Xhamal Kashogi në konsullatën saudite i ka hapur rrugë mundësisë që administrata amerikane të rishikojë sanksionet e vendosura ndaj Ankarasë.

Shtetet e Bashkuara do të rishikojnë së shpejti sanksionet e vendosura ndaj Turqisë. Deklarata është bërë nga sekretari i Shtetit, Majk Pompeo pas vizitës së zhvilluar në Ankara. Pompeo u takua me presidentin Erdogan dhe ministrin e Jashtëm Çavushoglu, me të cilët diskutoi mbi rastin e pastorit Endriu Branson, që u lirua nga arresti javën e kaluar me një vendim të gjykatës turke.

“Do të marrim një vendim së shpejti për këtë çështje”, ka thënë Pompeo për gazetarët pas vizitës në kryeqytetin turk. Pompeo ka nënvizuar se zhvillimet e fundit po i hapin rrugë një lëvizjeje të tillë sa u takon sanksioneve, edhe pse nuk është marrë ende një vendim zyrtar. “Për këtë më duhet të flas për presidentin”, ka thënë shefi i diplomacisë amerikane.

Sa i takon takimeve me presidentin Erdogan dhe homologun Çavushoglu, shefi i diplomacisë amerikane ka nënvizuar se në to ka prekur edhe rastin e gazetarit Xhamal Kashogi. Ai ka thënë se ka marrë garanci nga krerët e shtetit turk për një hetim serioz mbi vrasjen e tij. Lidhur me këtë çështje, agjentët turq kanë kontrolluar të mërkurën banesën e konsullit saudit në Stamboll, si dhe kanë mbikëqyrur për të dytën herë ambjentet e konsullatës ku mendohet se u vra reporteri.

Ndërkohë, në media përflitet se hetuesit turq zotërojnë një bisedë telefonike të konsullit saudit, që u thotë ekzekutorëve ta vrasin Kashogin jashtë konsullatës. /abcnews.al

POMPEO-PER-IRANIN-1280x720.jpg
ent ela11:32 | 24/08/2018

Sekretari Amerikan i Shtetit Pompeo ka emëruar të dërguarin e posaçëm të SHBA-ve në Korenë e Veriut. Gjithashtu ai njoftoi se javën e ardhshme do të udhëtojë për në Phenian, në vizitën e tij të katërt në vendin komunist.

Sekretari amerikan i Shtetit Mike Pompeo emëroi Stephen Biegun si përfaqësues special në Korenë e Veriut. Gjithashtu njoftoi se bashkë me të, do të udhëtojnë në Phenian javën e ardhshme. Do të jetë udhëtimi i katërt i Pompeo në regjimin totalitar, por, ndërsa zyrtarët shpresojnë se do të kenë mundësinë të angazhohen drejtpërdrejt me udhëheqësin e Koresë së Veriut Kim Jong Un, zëdhënësja e Departamentit të Shtetit Heather Nauert tha se “nuk ka plane për një takim” me Kim gjatë kësaj vizite. Lideri suprem shpërfilli Pompeon gjatë raundit të fundit të takimeve në Korenë e Veriut në fillim të muajit të kaluar, të cilat kanë shkuar shumë keq sipas burimeve të CNN.

Sekretari amerikan i shtetit njoftoi punësimin e Biegun të enjten. Ai është një ish ekzekutiv tek kompania e automjeteve Ford, dhe ish-anëtar i lartë i stafit të këshilltares së sigurisë, Condoleezza Rice, në administratën e Xhorxh W. Bush, i cili thuhej se ishte një kandidat i mundshëm për të zëvendësuar ish-këshilltarin e sigurisë kombëtare të presidentit Trump, McMaster. Biegun merr rolin e të dërguarit të posaçëm në Korenë e Veriut në një kohë kur bisedimet mes dy vendeve duket se janë ngadalësuar në lidhje me çështjen e çarmatosjes bërthamore.

Burime diplomatike thanë për CNN se SHBA i ka prezantuar Koresë së Veriut propozime specifike për një rrugë dhe afat kohor për denuclearizimin. Por këto janë hedhur poshtë nga Kim Jong-un, i cili thotë se qëndrimi i SHBA-së është prej “gangsteri”. Vlerësimi më i fundit i programit bërthamor të Koresë së Veriut i lëshuar nga Agjencia Ndërkombëtare e Energjisë Bërthamore vë në dyshim angazhimin e Phenianit për çarmatosjen bërthamore mes aktiviteteve të vazhdueshme në vende të caktuara në vend dhe pamundësisë për inspektorët ndërkombëtar për të hyrë në ato vende. /abcnews.al

POMPEO-PER-IRANIN-1280x720.jpg
ent ela11:35 | 06/08/2018

Shtëpia e Bardhë pritet të njoftojë sot zyrtarisht rivendosjen e sanksioneve në Iran, duke përfshirë kufizimet në monedhë.

Lajmin e ka bërë të ditur sekretari amerikan i Shtetit, Mike Pompeo teksa u tha  gazetarëve se Shtetet e Bashkuara do të zbatojnë sanksionet që do të rivendosin, pas vendimit të presidentit Trump për të larguar SHBA-në nga pakti bërthamor i vitit 2015, që kishte liruar Iranin nga sanksionet, në këmbim të frenimit të aktivitetit nuklear.

Zyrtarët amerikanë kanë thënë se nga 7 gushti, Qeveria Iranine nuk do mund të blejë monedha amerikane dhe se sanksionet do të shtrihen në industrinë e shtetit, duke përfshirë eksportin e qilimave të famshëm persianë.

Në komentet e tij para gazetarëve, sekretari Pompeo ka thënë se presioni i shtuar ndaj Teheranit është përgjigje ndaj “aktivitetit të dëmshëm të Iranit”. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono