politikë

67299110_1269666503157761_302356575127863296_n.jpg
ad min21:00 | 21/07/2019

Për shkak të ftesës nga Gjykata Speciale në cilësinë e të dyshuarit, Ramush Haradinaj, ka dhënë dorëheqje nga posti i Kryeministrit.

Letrën e dorëheqjes, Haradinaj pritet që të hënën t’ia dorëzojë presidentit Hashim Thaçi.

Mirëpo, gjatë ditës së sotme, Haradinaj është takuar me presidentin e Shqipërisë, Ilir Meta, me të cilin kanë diskutuar rreth situatës aktuale politike në Kosovë.

Këtë e ka bërë të ditur vet Haradinaj përmes një postimi në profilin e tij zyrtar në rrjetin social Facebook.

Postimi i plotë i Haradinajt pa ndërhyrje:

Kënaqësi e veçantë të takoj sonte në Prishtinë Presidentin e Shqipërisë, Ilir Meta, bashkë me vajzën Borën.

Rast i mirë për të këmbyer mendime rreth aktualitetit politik në Kosovë, Shqipëri dhe rajon.

Në proceset që po kalon Kosova, angazhimi i përbashkët përballë sfidave e fuqizon faktorin shqiptar.

kulluri-1280x714.jpg
ad min22:00 | 05/07/2019

Anëtari i Këshillit Kombëtar të PD-së Edvin Kulluri i ftuar në “Provokacija” tha se Sali Berisha nuk qëndron pas gjithë kësaj situate që po ndodh në PD. Sipas tij është Lulzim Basha i cili duhet të mbajë përgjegjësi, pasi që kur është larguar Berisha, ai nuk ka arritur asnjë sukses.

Mustafa Nano: Ka njerëz që kanë dyshime se Basha është de jure kryetar i partisë por de facto vazhdon të mbetet Berisha. Ti e beson këtë?

Edvin Kulluri: Jo nuk e besoj. Nuk besoj për një arsye sepse Basha do ta kishte aq ndershmëri të thoshte se nuk jam më kryetari i partisë. E dyta nga ajo që di unë nuk është kështu. Nuk është mënyra e Berishës kjo e të drejtuarit të partisë. Sepse ka një problem, për ata që e njohin Berishën e pëlqejnë apo nuk e pëlqejnë dhe unë hyj tek njerëzit që them se e njoh në një masë të caktuar dhe përgjegjësit Berisha është prirur nga përmirësimi i vetvetes. Na e ka thënë dhe e kemi diskutuar nëpër takime. Është njeri që përgjithësisht nuk shkon në digresion. Mund të bëjë gabime të reja por ata që i ka bërë nuk i bën më. Mua më rezulton që këto gabime janë gabime prej fillestari. Nuk janë prej një lideri që ka drejtuar 23 vite në këtë vend. Nuk më del llogaria.

Mustafa Nano: Berisha është në politikë, përse vallë vazhdon të insistojë me kaq pasion dhe të mbetet aty si figurë dominonte?

Edvin Kulluri: Berisha është kafshë politike! Është njeri që jeton për politikën. Është njëri që lufton për politikën. Në këtë pjesë e njoh mirë.  

Mustafa Nano: Po për çfarë po lufton?

 Edvin Kulluri: Ai mendon se i shërben interesit politik. Edhe duke mbështetur këtë që po ndodh. Tek pjesa e intrigës politike nuk futem dot. Por di të them një gjë se që kur Sali Berisha ka dhënë dorëheqjen nga PD-ja, Lulzim Basha nuk ka asnjë sukses politik. Kjo nuk rëndon mbi Sali Berishën, kjo rëndon mbi Lulzim Bashën.

Mustafa Nano: Mesazhi është se çfarë ka marrë Luli, vetëm Berisha mund t’ia japi?  

Edvin Kulluri: Jo nuk po ia jep dot sepse lider je dhe nuk të bëjnë dot. Ky është problemi që ne kemi me lidershipin e partisë./abcnews.al

sejko-1280x706.jpg
ad min19:40 | 03/07/2019

Për herë të parë Banka e Shqipërisë ka bërë pjesë të deklaratës monetare konstatimin se zgjatja e situatës politike problematike godet aktivitetin ekonomik të vendit. Gjatë konferencës për shtyp guvernatori Gent Sejko tha se aktualisht nuk po ndërhyhet për stabilizimin e kursit të këmbimit e se niveli i valutave në treg është normal, ndërsa faktorët janë sezonalë.

Banka e Shqipërisë kërkon që të zgjidhet sa më parë situata politike ku ndodhet vendi në mënyrë që të mos goditet aktiviteti ekonomik i vendit.

Guvernatori i bankës qendrore Gent Sejko ishte duke lexuar deklaratën e Këshillit Mbikëqyrës kur tha se zgjatja e kësaj krize dëmton klimën e biznesit duke dhënë pasoja në zhvillimin dhe rritjen e ekonomike. Kjo është hera e parë pas disa muajsh që Këshilli Mbikëqyrës vendos një konstatim të tillë në deklaratën e politikës monetare.

Për Bankën e Shqipërisë forcimi i monedhës kombëtare në këtë periudhë, duke rrëzuar euron dhe dollarin lidhet me efekte sezonale e se për momentin banka nuk e sheh të arsyeshme ndërhyrjen, pasi nuk përbën rrezik për nivelin e inflacionit.

Aktualisht euro këmbehet me 122 lekë dhe dollari me 108. Një vit më parë banka qendrore injektoi një program ndërhyrjeje në treg me qëllim frenimin e rënies së euros, program i cili ende nuk është pezulluar dhe mund të përdoret në momentin që kursi do të ndikojë te inflacioni vjetor. Këshilli Mbikëqyrës edhe në këtë mbledhje vendosi të mbajë të pandryshuar normën bazë të interesit të lekut në 1%, duke vlerësuar se kushtet për dhënien e kredisë nga ana e bankave në këtë periudhë janë të kënaqshme./ABC News Albania 24/7

hyseni-1-1280x725.jpg
ad min19:45 | 02/07/2019

Deputeti i PS-së Alket Hyseni nga studio e ABC News është shprehur se Presidenti Meta me deklarata që po bën po i lë vetës një njollë në historinë e karrierës së tij politike.

“Këtë krizë që ka ngritur vetë Presidenti bashkë me palën e tij. Presidenca është një institucion hunorifik dhe nuk është një institucion në vetvete në çështjen e pushteteve. Aty ka tre pushtete bazë që është Parlamenti në një Republikë Parlamentare dhe ne kemi një parlament tërësish funksional dhe në ushtrim të detyrave të tij kushtetuese dhe ligjore.

Kemi një qeveri jo vetëm funksionale por që mbështet politikash nga një mazhorancë solide, ka një program të votuar pasivisht nga populli shqiptar dhe të rikonfirmuar para 2-3 ditëve. Dhe ka një pushtet gjyqësor i cili është në reformë e sipër.

Ndoshta kjo është edhe frika reale e Presidentit. Ju e patë sot që ishte  në një pozitë shumë të vështirë. Mua më vjen keq qoftë edhe për Ilir Metën si individ qoftë edhe për Salvador Allende me humbjen e parë si President që ndodhet në këtë pozitë. Them kështu sepse unë si një jurist si një person që në karrierën personale ka dhënë “Të drejtën kushtetuese” , nuk do të doja kurrë që Presidenti i vendit tim të ndodhej në këtë pozitë.

Dhe institucioni kushtetues i Presidencës të katandisej në këtë deregje. Për këtë shpreh keqardhje. Por nga ana tjetër kjo është zgjedhje e individëve të caktuar të cilëve kur u jepet mundësia dhe ndjej keqardhjen e dyfishtë sepse mundësia i është dhënë nga forca ime politike. Të ushtrosh detyrën në këtë mënyrë anti-kushtetuese dhe anti-ligjore kjo është thjeshtë një njollë që do t’i lësh vetes në historinë e karrierës politike qoftë edhe në historinë e Shqipërisë”./abcnews.al

bb-1-1280x718.jpg
ad min13:00 | 14/06/2019

Përmes një deklaratë nga selia blu Lulzim Basha i cilësoi këto arrestime si reprezalje nga ana e Ramës ndaj kundërshtarëve politike. U ndaluan nga policia sepse protestuan.

Mbajtja në ambientet e policë të katër drejtueseve të Partisë Demokratike të Librazhdit e Përrenjasit, ish-deputetit dhe ish-kryetarit të PD-së Elbasan dhe mbështetësve së Partisë Demokratike e detyrojnë kryedemokratin Lulzim Basha të njoftojë një deklaratë urgjente për median.

“Këto veprime janë reprezalje të hapura politike ndaj kundërshtarëve politikë dhe qytetarëve që protestojnë kundër regjimit të Edi Ramës”.

Ato vinë mbas ndalimit të rreth 500 anëtarëve dhe mbështetësve të Partisë Demokratike gjatë pesë muajve të fundit. Ndërkohë mbi 50 mbështetës dhe anëtarë të Partisë Demokratike mbahen në arrest në burgje qindra qytetarë të tjerë nga e gjithë Shqipëria janë rrahur e keqtrajtuar në mënyrë të paligjshme këto muajt e fundit.

Ky bilanc i bërë publik nga lideri  opozitës ka pas qëllime politike thotë ai.

“Të intimidojnë opozitën dhe qytetarët për t’u tërhequr nga beteja jonë kundër regjimit të tij kriminal. Është plani diabolik i një njeriu në panik total për humbjen e pushtetit. Është rruga pa krye që po e çon Ramën drejt greminës, ku kërkon të tërheqë me vete të gjithë Shqipërinë”.

Nuk po e ndërmerr i vetëm sqaron kryedemokrati Basha.

“Në këtë aventurë të rrezikshme, Edi Rama ndihmohet nga dy vegla të paskrupullta, Sandër Lleshi dhe Arta Marku, të cilët e kanë kthyer policinë dhe prokurorinë në instrumenta të represionit politik në shërbim të pushtetit personal dhe të korruptuar të Edi Ramës”.

Beson se ka ende veshë që e dëgjojnë nga njerëzit e ligjit ndaj i kërkon të mos i binden urdhrave të Edi Ramës dhe atyre që i quan vegla të tij sepse këto akte nuk do ta shpëtojë drejtuesin e tyre.

“Ato e bëjnë të pashmangshëm dhe të shpejtë fundin e tij të keq, si dhe të bashkëpunëtorëve të tij, pa asnjë përjashtim, nga kriminelët e bandave deri tek policët dhe prokurorët e kriminalizuar që i shërbejnë Edi Ramës”.

Në mesazhin e tij të fundit i kujton mazhorancës se opozita nuk do të heshtë asnjë hap pas, përkundrazi për ta beteja vazhdon./ABC News Albania 24/7

basha-4-1280x713.jpg
ad min11:30 | 14/06/2019

Kreu i PD-së Lulzim Basha ka reaguar në një deklaratë për media pas arrestimit të mbështetësve të PD-së në Librazhd, të cilët penguan eskortën e Ramës e cila po shkonte në drejtim të Përrenjasit.

Në mesin e të ndaluarve janë i Degës së PD-së Librazhd Bujar Vreto, si edhe ish-deputeti Aurel Bylykbashi. Basha i ka quajtur këto veprime reprezalje të hapura politike kundër kundërshtarëve politike.

“Këto veprime janë reprezalje të hapura ndaj kundërshtarëve dhe qtytetarëve që protestojnë kundër regjimit të Edi Ramës. Ato vijnë pas arrestimeve dhe ndalimeve të 500 mbështetësve të opozitës. Mbeten akoma në burg në mënyrë të paligjshme mbi 50 qytetarë. Ky është bilanc regjimesh represive dhe jo të një vendi evropian. Sistemi i drejtësisë është shpartalluar, Parlamenti është shpartalluar. Edi Rama ka vendosur në Shqipëri një pushtet autokratik jashtë Kushtetutës. Pasi vuri në nën kontroll të gjitha pushtetet, tani po i përdor për të ushtruar dhunë ndaj kundërshtarëve. Në këtë aventurë, Edi Rama mbështetet nga Sandër Lleshaj dhe Arta Marku. Ju bëj thirrje policëve dhe prokurorëve që e ndjenë veten pjesë të ligjit që të mos u binte urdhrave të paligjshme të autokratit të inkriminuar, Edi Rama. Këto akte thjeshtë po thellojnë me shpejtësi gropën ku ka rënë Edi Rama. Asgjë dhe askush nuk e ndal betejën tonë për Shqipërinë si gjithë Evropa. Asnjë hap pas deri në triumfin e demokracisë ndaj narkoshtetit”, tha Basha./abcnews.al

meta-2.jpg
ad min14:50 | 13/06/2019

Teksa në Kuvend diskutohej mocioni për zhdekretimin e datës së zgjedhjeve vendore, Presidenti Ilir Meta ka bërë thirrje për përgjegjshmëri e mature, nga të gjithë aktorët politikë.

Në një status në rrjetet sociale, kreu i Shtetit shkruan:  “Shqipëria ka nevojë për reflektim dhe përgjegjësi maksimale nga të gjithë aktorët politikë! Të mos humbasim këtë moment historik për të hedhur një hap përpara drejt Europës”. Meta bën thirrje gjithashtu të bëhet çdo përpjekje për mos-shkëputjen nga përparimi i fqinjit tonë Maqedonisë së Veriut.

“Çelja sa më parë e negociatave të anëtarësimit detyrim historik për të gjithë ata që duan Shqipërinë si Europa!”, e përfundon postimin e tij, Presidenti Meta.

Kjo deklaratë e Presidentit vjen në një moment kur Maqedonia e Veriut mori “PO”zyrtare nga Berlini për hapjen e negociatave dhe data pritet të caktohet në Shtator./abcnews.al

astrit-patozi-1-1280x703.jpg
ad min12:28 | 23/04/2019

Një grup nismëtarësh të partisë “Bindja demokratike” ka depozituar në Gjykatën e Tiranës kërkesën për regjistrimin si subjekt politik. Mësohet se sot janë depozituar në gjykatë 3 mijë firmat e nevojshme sipas ligjit.

Akti erdhi pas mbledhjes mbrëmjen e kaluar të grupit të nismëtarëve në një mjedis privat në kryeqytet. Ishte Astrit Patozi që konfirmoi për mediat lëvizjen për të cilën do komunikonin edhe me publikun.

Mësohet se forca e re politike do drejtohet nga një bord nismëtarësh dhe po përgatitet të marrë pjesë në zgjedhjet vendore të 30 qershorit. Mbetet për t’u parë se si do realizohet ky synim pasi dita e sotme është afati i fundit për regjistrimin e partive politike në KQZ për zgjedhjet vendore.

Nismëtarët e forcës së re politike kanë qenë të rezervuar në komunikimin publik, e nuk dihet nëse ka deputetë që u janë bashkuar, por mësohet se mes nismëtarëve, përveç Astrit Patozit janë edhe emra të tjerë kritikë të PD si këshilltarët bashkiakë të Tiranës Fabian Topollaj e Leonard Olli, si dhe Ardian Kollozi.

Dy vjet më parë, ish nënkryetari i PD Astrit Patozi inicioi Lëvizjen për Ringritjen e Partisë Demokratike, ndërsa krijimi i partisë së re shënon shkëputjen nga PD./abcnews.al

artan-fuga-1280x709.jpg
ad min18:20 | 16/04/2019

Një vendim për shkarkimin e Rektorit Mynyr Koni merret nga Presidenti Meta, pas kërkesës së bërë nga ministrja Besa Shahini. Për largimin nga detyra të Rektorit të Universitetit të Tiranës, akademiku Artan Fuga ka renditur dy arsyet. Sipas tij me këtë vendim është cenuar autonomia universitare si dhe ligji i arsimit të lartë i lë hapësirë politikës të ndërhyjë.

Mirela Milori: Do doja opinionin tuaj për situatën e krijuar për shkarkimin e rektorit Koni?

Artan Fuga: Unë nuk dëshiroj të hyjë mes palëve sepse nuk dua të bëj arbitrazh dhe nuk jam në hollësi të gjëra. Por unë di të them se në kulturën time universitare nisem nga dy parime të mëdha. Parimi i parë është parimi i autonomisë dhe në parimin e autonomisë unë kërkoj dhe aspiroj që universitet shqiptare të kenë mekanizma të brendshëm. Kur na thuhet për ligjin e arsimit të lartë, thuhet se kemi autonomi. Në momentin kur unë jam brenda një agjencie autonome dhe nuk jam në dijeni, duket se ka një problem. Nga politika vjen një zgjidhje ad-hoc dhe unë kam tendencën të them që sistemi brenda nuk funksionon dhe unë jam i cenuar në autonominë time edhe nëse qëllimi i ministres apo Ministrisë të jetë i mirë. Unë jam i cenuar në autonominë time. E dyta: Unë i përmbahem demokracisë universitare. Unë kam dhënë votën ose dhe mund të mos e kem dhënë por mund ta kenë dhënë kolegët e mi dhe në një moment të caktuar thuhet se vota juaj do zerohet do të bëhet nul sepse unë do të marr një vendim. Të dyja kanë të bëjnë me një mosfunksionim të sistemit. Unë i qëndroj vazhdimisht mendimin tim se ky kuadër ligjor që ne kemi do të prodhojë ndërhyrje politike. /abcnews.al  

Ramush-haradinaj-Hahn.jpg
nev ila19:03 | 15/04/2019

Kryeministri i Kosovës, Ramush Haradinaj ka akuzuar lidershipin e Bashkimit Evropian se ka ndjekur politika të gabuara në Ballkan. Sipas Haradinaj, gabimi kryesor ka qenë ai i Federika Mogerinit dhe komisionerit Hahn, që kanë promovuar opsionin e korrigjimit të kufijve.

Gjithë fajin për mosarritjen e deritashme të marrëveshjes përfundimtare ndërmjet Kosovës dhe Serbisë kryeministri i Kosovës Ramush Haradinaj ia ka hedhur përfaqësueses së lartë të BE-së, Frederica Mogherini dhe komisionerit për Zgjerim, Johannes Hahn.

Sipas tij, sikur ata të mos kishin folur për kufijtë dhe territoret do të ishte mundësia që Kosova dhe Serbia të arrijnë një marrëveshje. Ndërsa nuk pret që me diskutime për kufijtë të ketë marrëveshje as vitin e ardhshëm.

“Zonja Mogherini dhe Komisioneri Han i kanë humbur 1 vit BE-së dhe Ballkanit. Sikur të mos kishin folur për kufijtë dhe për territore, ndoshta do të kishim një marrëveshje. Deklaratat të cilat lënë hapur mundësinë e bisedimit të territorit të kufirit, është vazhdim i politikës së gabuar të evropianëve”, deklaroi Haradinaj.

Ai është i bindur se delegacioni shtetëror nuk ka mandat negocimi për kufijtë. Delegacioni shtetëror për dialogun është formuar së fundmi në Kosovë. Ndërsa është presidenti Hashim Thaçi, ai që ka përmendur korrigjimin e kufijve por kjo çështje kundërshtohet fuqishëm nga kryeministri Ramush Haradinaj dhe opozita./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono