politikë

meta-4.jpg
R D13:20 | 19/02/2020

Presidenti Ilir Meta thirri shqiptarët në protestë më datë 2 Mars në Bulevardin Dëshmorët e Kombit. “Më 2 mars pasdite do të mblidhemi për shpartallimin e grushtit të shtetit me një besëlidhje kundër regjimit që ka dhunuar kushtetutën dhe ka shpopulluar vendin”, tha ai.

Data 2 mars përkon edhe me ditën e Besëlidhjes së Lezhës në vitin 1444.

Paralajmërimi i Metës:

Pjesmarrës në këtë grusht sheti është qeveria, mazhoranca dhe gjysmë parlamenti. Këtu ka dhe persona të tjerë dhe do të ketë padi të reja. Çdo ditë do të ketë lajme për grushtin e shtetit dhe ne do e marrim me përgjegjësi çmontimin e grushtit të shtetit. Duhet të jeni të sigurt se ky institucion është i vetmi fatkeqësishttnë mbrojtje të pavarsisë.

Nga data 2 mars ku do të firmoset dekreti i parë kundër grushtit të shtetit, para popullit shqiptar tek Bulevardi Dëshmorët e Kombit, ndaj më 2 Mars ju presim të gjithëve në Bulevardin e Dëshmorëve të Kombit dhe ju japim fjalën se për popullin shqiptar shumë shpejt sdo të ketë vetëm një institucion në mbrojtje të Kushtetutës, por të gjithë institucionet që janë në Bulevardin Dëshmorët e Kombit do ju kthehen qytetarëve. Ata që kërkojnë popullin e presidentit në whatsapp, të porosisin poture të gjera. /abcnews.al

Lexo edhe:DELE DEPUTETET KANE PERDHUNUAR KUSHTETUTEN

tryezaaa222.jpg
eri Ida15:23 | 18/02/2020

Kur ka skaduar më shumë se gjysma e kohës në dispozicion për përfundimin e reformës zgjedhore, palët politike nuk kanë arritur në asnjë produkt.

Burimë për ABC News, saktësojnë se ato pak takime mes ekspertëve të partive, nuk kanë arritur marrëveshje për asnjë çështje. Dialogu nisi publikisht në 14 janar dhe do të duhej të mbyllej në 15 mars, por sipas burimeve ky afat tashmë është në rrezik.

Në nisje të punës, grupimi politik vendosi në tryezë 13 çështje, nga të cilat 8 duhet të gjenin zgjidhje deri në 15 shkurt, por siç saktësojnë burimet asnjë nen i Kodit Zgjedhor nuk është rishkruar me dakordësi mes palëve.

Arsyeja e parë është kërkesa e opozitës për Qeveri teknike përpara zgjedhjeve, që është refuzuar kategorikisht nga mazhoranca. Kjo pengon ecjen përpara, pasi Kodi duhet të shkruhet ndryshe nëse pranohet qeveria kujdestare.

Por palët nuk kanë rënë dakord as për çështje të vogla. Mazhoranca kërkon që zgjedhjet të zhvillohen brenda një muaji, ndërsa opozita propozon që periudha zgjedhore të jetë për pranverën 1 prill-15 maj dhe për vjeshtën, 1 shtator-15 tetor.

Po ashtu, mazhoranca kërkon që partitë të jenë të detyruara të kenë 50 % gra në listat për deputetë, ndërsa opozita nuk është dakord.

Financimi i partive nuk është dakordësuar as brenda opozitës. PS ka rënë dakord për një kufizim të parave që mund të përdoren në fushatë, ndërsa një lloj si  LSI, as mazhoranca nuk bie dakord për propozimet e PD-së për financim të fushatave zgjedhore 100 % nga buxheti i shtetit.

Shqetësim për Partinë Demokratike ka shënuar edhe fakti që OSHEE zotëron një listë të saktë adresash të votuesve. Për këtë çështje, Oerd Bylykbashi i ka dërguar një email me 30 pyetje Damian Gjiknurit.

Nëse plani do të ishte respektuar, që në  3 shkurt palët duhet të ishin dakordësuar për çështjet që lidhen me barazite gjinore, regjistrimin e subjekteve, dhe periudhen zgjedhore.

Në 5 shkurt duhet të ishin zgjidhur cështje të listatve të zgjedhësve dhe votimit  fiktiv të emigrantëve, ndërsa në 10 shkurt duhet të ishin gjetur zgjidhje për goditjen e krimeve zgjedhore, të ishin marrë masa shtesë për dekriminalizimin, të ishin zgjidhur çështjet e financimit të partive, apo për parandalimin e abuzimit me burimet shteterore dhe administraten publike ne periudhen zgjedhore./abcnews.al

rama-ediii.jpg
eri Ida13:03 | 12/02/2020

Kryeministri Edi Rama këtë të mërkurë në fjalën e tij nga foltorja e Kuvendit ka folur sërish për paketën “Anti-KÇK”, ku ka paralajmëruar gjyqtarët dhe prokurorët e korruptuarduke theksuar se nuk do t’i shpëtojnë burgut.

Shefi i qeverisë  është shprehur se të gjithë ato gjyqtarë dhe prokurorë që nuk e kanë kaluar Vettingun, do të thirren sërish për të dhënë llogari për pasurinë e tyre, e cila sipas Ramës, jo vetëm që do iu merret, por do të përfundojnë edhe ata në burg, bashkë me shokët e tyre, me të cilët e kanë vënë.

Ndër të tjera Rama ka deklaruar se kritikat që vijnë nga opozita jashtë Parlamentit, e cila kërkon që ligji special kundër “KÇK” të nisë me persona të cilëve ajo u ka publikuar emrat dhe nga Surreli, duke theksuar se ai dhe të gjithë politikanët nuk mund të hetjnë veten pasurin ë e deklarojnë tek ILDKP.

Pjesë nga fjala e kryeministrit Rama:

Kjo është betejë që nuk ka kufij politikë. Nuk ka rëndësi fare kush po e bën këtë betejë, kush do t’i marrë meritat, por ka rëndësi për çdo familje, për çdo emigrant, që iu merret prona sy për sy, dhe kush ua merr, ua marrin këta. Shikoni ç’po heqim me zonat për të rindërtuar në Durrës, me mijëra e mijëra katrorë të pronës publike, që në hartë duken bosh dhe në pamje të parë duken sikur janë të shtetit, por kur futesh nëpër labirinthe sheh lloj lloj rrumash, që janë bërë pronarë me hektarë. Po marrim një risk reale, në kushtet kur sistemi i drejtësisë është ende fraxhil, por ama kemi arsye të besojmë se këtë betejë do ta fitojmë, pasi kemi SPAK.

SPAK ka lindur për këtë, SPAK është aty që të bëjë këtë. Ne kemi kaluar një ligj, që i jep policisë në dorë dy gjëra të rëndësishme, së pari të veprojë me një listë të mbyllur, që do të thotë se subjektet e kësaj liste janë njerëzit e dënuar për një numër veprash, që janë veprat më të rënda, të cilëve nuk ju hapet një hetim penal sot, por iu bëhet një verifikim i pasurisë, që nuk iu është bërë kurrë; e dyta nuk është policia, apo prokuroria, por janë këta që duhet të provojnë se kjo pasuri nuk buron nga krimi. Ke vrarë, ke trafikuar njerëz, vajza, drogë, armë, ke bërë dënimin apo je duke bërë dënimin, duhet të na thuash si i ke vënë këto pasuri, a të takojnë apo jo. Ti je i lirë, je dënuar, e ke kryer dënimin, por ti do të gëzosh ato që të takojnë, jo ato që s’të takojnë.

Ka një tjetër zhurmë të madhe nga ata që e kundërshtojnë paketën, nga media e analistë që paguhen nga krimi i organizuar për t’iu bërë avokatin, dhe thonë ‘pse nuk e filloni nga vetja, nga Surreli’. E di që më doni në burg, por nuk mund të hetoj unë pasurinë time, pra nuk jemi ne që e bëjmë këtë. Inspektorati i Deklarimit të Pasurive është aty për të kontrolluar pasurinë tonë. Nuk është policia që duhet të kontrollojë pasuritë e politikanëve apo të gjykatësve. Nuk është qeveria, larg qoftë, që duhet të kontrollojë pasuritë e politikanëve apo gjykatësve, se nuk jemi në vitin 1945. Këto janë çështje të institucioneve të drejtësisë së pavarur, që ne po ndërtojmë.

Vettingu nuk është gjykatë që të çon në burg, është një proces që vendos që je në rregull, i ke duart e pastra për të marrë atë çekiçin dhe për t’i rënë çangës, apo i ke duart pis dhe del nga sistemi. Dhe pastaj ata njerëz me duart të pastra do t’i thërrasin këta me duart të pista dhe do u thonë se ‘ka ardhur dita të provoni se pasuritë i ke bërë me djersën e ballit, ndryshe jo vetëm që nuk të takojnë, por nuk je më për të fjetur në shtëpi, por do shkosh të flesh me shokët, me ata që ke bërë pasuritë./abcnews.al

491881Image1.jpg
So Nila10:34 | 02/02/2020

Ka marrë fund kriza politike në Irak, e cila prej dy muajsh dukej se nuk kishte rrugë zgjidhje. Presidenti i Irakut, Barham Salih ka kryeministrin e ri të vendit, Mohmmed Tawfiq Allawi, i cili do të udhëheqë qeverinë e vendit, deri në mbajtjen e zgjedhjeve të reja.

Presidenti i ka dhënë një muaj kohë afat presidentit për të formuar qeverinë e re. Në nëntorin e vitit të kaluar, ish-kryeministri Adel Abdul-Mhadi dha dorëheqje pas protestova për korrupsion dhe standardeve të jetesës. Pothuajse 500 protestues janë vrarë nga forcat e sigurisë, që prej se kanë nisur protestat.

Mediat e huaja bëjnë me dije se Allawi ka thënë se ai do të japë dorëheqje nëse blloqet politike në vend, do të imponojnë kandidatë për postet ministrore./abcnews.al

maxresdefault-10.jpg
So Nila10:01 | 23/01/2020

Ish deputeti i Lëvizjes Socialiste për Integrim, Përparim Spahiu ka reaguar në lidhje me videon e publikuar nga gazetari Artan Hoxha në Abcneës. al një ditë më parë, ku kryebashkiaku i Bulqizës, Lefter Alla shfaqej duke konsumuar lëndë narkotike.

Spahiu përmes një postimi në rrjetin social Facebook, shkruan se nëse ka socialiste që dorëhiqen, do të fitonin respektin e njerëzve dhe do të ishin kandidat seriozë në zgjedhje të vërteta e jo votimi moniste si ato të 30 Qershorit!

Postimi i Plotë;

As Bulqiza, as Burreli, as Shkodra, as Vora por as dhe Tirana nuk kanë zgjedhur kryetarë bashkishë.

Ata janë emërime të modelit Edi Rama.

Unë nuk i kërkoj dorëheqje askujt që adhuron modelin e Tij pasi jam i sigurt që nuk do ta bënte.

Unë i kërkoj dorëheqje atyre socialistëve të ndershëm që drejtojnë sot bashkitë e vëndit pa u zgjedhur.

I kërkoj dorëheqje atyre socialistëve që nuk e shohin vehten si modeli i krimit apo i drogës.

I kërkoj dorëheqje atyre socialistëve që e shohin vehten si model i punëve të mira.

Nëse ata do të dorëhiqeshin, do të fitonin respektin e njerëzve dhe do të ishin kandidat seriozë në zgjedhje të vërteta e jo votimi moniste si ato të 30 Qershorit!

A ka të tillë mes rilindasish, shumë e vështirë duket.!!!/abcnews.al

0acf7331-84b2-4b30-a1b5-e33c71b08e9b.jpg
So Nila11:54 | 18/01/2020

Anëtari i kryesisë së Partisë Demokratike Eno Bozdo në një deklaratë për mediat është shprehur se propaganda e Edi Ramës po shkatërron sistemin e energjisë.

Bozdo ka theksuar se ndërprerjet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik, tregojnë kolapsin dhe gjendjen në të cilën ndodhet sektori energjitik.

“Kjo periudhe thatësire po ju fakton shqiptarëve se kjo reformë e sukseshme në sektorin e energjisë elektrike nuk është veçse një mashtrim dhe propagandë e Edi Ramës. Ndërprejet e shpeshta të energjisë elektrike në të gjithë Shqipërinë dhe furnizimet me tension të ulët jashtë parametrave teknik numrit të lartë të defekteve në rrjet si pasojë e mungesës së investimeve ju shtohet edhe një fakt tjetër i pohuar nga OSHEE humbja financiare e kompanisë është 64 milionë euro. Të dhënat tregojnë jo vetëm që nuk ka pasur fitime, por sektori energjitik është në kolaps për shkak të përfitimeve të shfrenuara partiake”, tha Bozdo.

Ndër të tjera anëtari i PD-së në një deklaratë për mediat deklaroi se për shkak të korrupsionit partiak në sektorin e energjisë , janë rritur pasojat në fitimin e bizneseve shqiptare.

“Kompanitë shqiptare humbasin 2 % të produktit të tyre si pasojë e ndërprerjes së energjisë. shifrat tregojnë se jo vetëm klima e të bërit biznes ëeshtë përkeqësuar por sistemet ndodhen në kolaps.Reforma në energjinë elektrike është jetike. Asnjë shqiptar i pamundur nuk do të burgoset më për energjinë, asnjë fëmijë nuk do të mbetet jetim pasi prindi nuk ka më me çfarë të paguajë energjinë. Ata që kanë abuzuar dhe vjedhur paratë do të mbajnë të gjithë përgjegjësitë para ligjit” është shprehur anëtari i kryesisë së PD-së./abcnews.al

thaci-1280x853.jpg
So Nila08:53 | 17/01/2020

Presidenti i Republikës së Kosovës, Hashim Thaçi ka mirëpritur marrëveshjen e liderve të partive politike në Luginën e Preshevës, për të marrë pjesë në zgjedhjet parlamentare në serbë, në një listë të përbashkët.

Në reagimin e tij në lidhje me këtë vendim kreu i shtetit e ka konsideruar këtë marrëveshje një mjet i rëndësishëm për fuqizimin politik dhe mbrojtjen e interesave kombëtare.

Përmes një postimi në Twitter Thaçi ka përgëzuar ministrin e Jashtëm në detyrë të Shqipërisë, Gent Cakajn i cili mbështeti një iniciativë të tillë.

“Unë e mirëpres marrëveshjen për krijimin e listës zgjedhore të përbashkët e partivë shqiptare në Luginën e Preshevës. Ky është një mjet i rëndësishëm i fuqizimit politik dhe mbrojtjes së interesave kombëtare. Gjithashtu përgëzoj ministrin e Jashtëm në detyrë të Shqipërisë, Gent Cakajn për mbështetjen e këtij procesi”, shkruan Thaçi./abcnews.al

ruse.jpg
in a20:27 | 24/11/2019

Modelja ruse, Maria Liman pas një propozimi për të qenë pjesë e politikës, së fundmi ka zbuluar refuzimin e detyrës së zëdhënëses së partisë politike ruse LDPR, me arsyetimin se do të ishte shumë “shpërqëndruese”.

Unë nuk kam asnjë ide sa i përket kësaj fushe, nuk e di se si do të komentohesha nga njerëzit, por theksoj që kjo detyre do të më shpërqëndronte shumë, është shprehur ajo.

“Jeta ime është plotësisht e kanalizuar në karrierën time të aktrimit. Politika nuk ka qenë kurrë interesante për mua. Unë e kuptoj se si do të më shihnin njerëzit dhe nuk kam asnjë ide mbi fushën. Nuk dua të jem shpërqendrim për njerëzit”, shprehet modelja ruse.

25-vjeçarja fitoi vëmendjen e LDPR-së pas disa paraqitjeve televizive dhe u pikas si një nga tifozet më seksi të Kupës së Botës në vitin 2018./abcnews.al

agron-shehaj.jpg
ad min21:46 | 29/10/2019

Ish-deputeti i Partisë Demokratike, Agron Shehaj, ishte i ftuar këtë të martë në emisionin “Provokacija”. Ai tregoi se si u fut në politikë. Shehaj tha se hyri në politikë në një moment që kishte artur sukses në biznes.

Shehaj deklaroi se e ka ndjekur vazhdimisht politikën në Itali dhe Shqipëri. Ish-deputeti mendon se politika është e rëndësishme, sepse vendos për fatet e vendit.

“Mua më ka propozuar kryetari, Basha. Më prezantoi dikush. Ishte prezantim jo me qëllime kandidimi. Gjashtë muaj para zgjedhjeve të 2017-s. Mua më pëlqen të mendoj se më ka parë vlerat jo pasuritë. Më tha “Agron Hajde. Pa kushte, pa asgjë. Je totalisht i lirë”.

Jo nuk jam penduar. Politika është një sfidë e jashtëzakonshme. Në momente dukem naiv, ose vendimi mund të ketë qenë naiv kur e kam marrë. Edhe kur e kam hapur biznesin më dukej naive me synimet që kisha dhe me qëllimin që kisha, por mendoj se nuk ka gjë më të bukur se sa të punosh për vendin tënd dhe jo vetëm për vete. Kam një përfitim. Përfitimi i të bërit një punë të mirë”, tregoi Shehaj, sipas të cili politika është shumë e ngjashme me biznesin./abcnews.al

ilir-meta-pushimet-1280x657.jpg
nev ila16:05 | 31/08/2019

Një nga aktorët kryesorë, i impenjuar publikisht për zgjidhjen e krizës politike është kreu i shtetit Ilir Meta. Gushti ka qenë muaji ku presidenti ka ndërthurur mesazhet politike drejtuar palëve, me promovimin e bukurive të Shqipërisë.

U nis me pushime me celular të ndezur me shpresën se do ta telefononin drejtuesi i mazhorancës dhe ai i opozitës për ti dhënë lajmin se një marrëveshje kanë ndër mend. Por kjo nuk ndodhi.

E kryetari i shtetit vazhdoi udhëtimin e tij që kish nisur drejt maleve, me vete kishte edhe familjen.

Duket se kush marrë përsipër të promovonte pikat turistike e njëherësh të jepte mesazhe. Kështu bëri ndërsa përfundoi terapinë me ujë bore.

“Pas një terapie me ujë bore, më lindi një pyetje që dua ta ndaj me ju, dhe që u drejtohet atyre të cilët bëjnë si të paanshëm, pasi kanë shkëlqyer me njëanshmërinë e tyre, duke ia kaluar dhe Kryeministrit tonë, i cili në fund të fundit përfaqëson një anë politike: Pse nuk keni sy për të parë apo veshë për të dëgjuar zgjidhjen e krizës që ka dhënë një institucion që ekziston, por ia kërkoni zgjidhjen një institucioni që nuk ekziston, falë edhe paanësisë tuaj tepër të vonuar?
Kaq të domosdoshëm e keni dështimin e çeljes së negociatave për vendin tonë në 18 tetor?”

Që zgjedhjet janë e vetmja zgjidhje presidenti Ilir Meta i përsëriti edhe në ditët në vijim por përsëri nuk mori asnjë reagim.

Pas kësaj zgjodhi të përqendrohet më së shumti në promovimin e turizmit.

Nga ngjitja në ujëvarën e Bjeshkëve të Prevallës, në lartësinë 1850 m.

Në kredhjet në Liqenin e Jazhincës, një monument i rrallë natyror 2180 metra mbi nivelin e detit.

Pa harruar të shijojë boronicat në Bjeshkët e Sharrit. E kështu kaluan dy javë pushime të presidentit me familjen në Prevallë.

Një ftesë pune nuk mundi ta shmangë.  Në “Festën Tradicionale të Vjeljes së Rrushit – Hardh Fest 2019?” në Rahovec, u bë bashkë me Presidentin e Kosovës, Hashim Thaçi dhe Kryeministrin Ramush Haradinaj.

Tashmë duket se e ka harruar presidenti krizën politike për të cilën është angazhuar në Tiranë, vazhdon të shijojë peizazhet malorë midis Bizës dhe Martaneshit të cilët e bëjnë edhe të reflektojë.

Në këtë udhëtim mes këtyre bukurive magjepsëse pata kënaqësinë të takoja dhe disa nga blegtorët, të cilët punojnë mes shumë vështirësive dhe nuk dorëzohen, me bindjen se një ditë do të bëhet më mirë dhe për ta, do të ketë më shumë vëmendje dhe mbështetje, që këto vende të bekuara të mos braktisen.
Ndoshta për këtë ndihmojnë dhe objektet e kultit dhe besimit që ekzistojnë në këtë zonë, që njerëzit t’u qëndrojnë me kurajo disa vështirësive dhe pengesave që nuk i meritojnë
”.

Nga mali në plazhin e Gjirit të Lalzit.

E përsëri rikthim në mal në sfidën e fundit për këtë sezon pushimesh, ngjitjen në malin e Korabit.

Në 2751 m lartësi, maja më e lartë jo vetëm e Shqipërisë por edhe e Ballkanit presidenti Ilir Meta ka lënë në këmbët e tij refrenin e zgjedhjeve të 13 tetorit.

Tashmë i duket se prek qiellin me dorë dhe thotë se  kjo e frymëzon që të kalojë me sukses çdo pengesë që e pret në zbritje, aty ku ka gjithçka ka mbetur siç e ka lënë kur u nis./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono