Policisë

danimarke.jpg
ad min11:45 | 10/08/2019

Në Kopenhagen të Danimarkës është regjistruar shpërthimi i dytë brenda një jave ndaj godinave të institucioneve. Këtë herë në shënjestër ka qenë një komisariat policie, ku për fat të mirë nuk kanë mbetur persona të lënduar.

Një shpërthim është verifikuar në një stacion policie në Kopenhagen të Danimarkës, i dyti që godet qytetin brenda një jave. Ndërtesa e komisariatit është dëmtuar si pasojë e shpërthimit, por për fat të mirë askush nuk ka mbetur i lënduar nga incidenti, i ndodhur në orët e para të së shtunës fare pranë qendrës së qytetit.

Ditën e martë, një shpërthim i fuqishëm ndodhi jashtë zyrës kombëtare për mbledhjen e taksave, të cilin autoritetet e cilësuan një sulm me paramendim. Sidoqoftë, për momentin është e paqartë nëse dy incidentet janë të lidhura me njëra-tjetrën.

Policia vendase ka deklaruar se është në kërkim të një personi që është parë të largohet nga vendi i ngjarjes, tek stacioni i policisë, i veshur me rroba të zeza dhe atlete të bardha.

“Ky nuk ishte një aksident, por një akt i paramenduar”, ka deklaruar kryeinspektori Jorgen Bergen Skov, duke shtuar se hetimet janë në zhvillim dhe për momentin nuk ka asnjë element që të sugjerojë për një sulm terrorist. “Këto ishin sulme kundër godinave të shtetit, jo njerëzve. Por është shumë herët për të folur për motivet”, ka shtuar Bergen Skov. Më herët gjatë javës, në shpërthimin e ndodhur në zyrën e taksave, një person mbeti i plagosur. Shpërthimi, që u regjistrua gjatë orëve të natës, shkatërroi dritaret dhe dëmtoi fasadën e ndërtesës./ABC News Albania 24/7

malii_zi_veliu2-933x445.jpeg
ad min19:00 | 03/07/2019

Drejtori i Përgjithshëm i Policisë së Shtetit Ardi Veliu sëbashku me Drejtorin e Përgjithshëm të Policisë së Malit të Zi, Veselin Veljovic firmosën sot në Mal të Zi Protokollin “Mbi bashkëpunimin gjatë sezonit turistik për vitin 2019”.

Në zbatim të këtij protokolli, Policia e Shtetit do të dërgojë në Malin e Zi 4 oficerë policie, dy prej të cilëve nga shërbimet e Policisë Kriminale dhe Strukturave për Hetimin dhe Parandalimin e krimeve dhe dy të tjerë nga shërbimet e Rendit dhe Sigurisë Publike, për periudhën kohore  deri më 31.08.2019.

Ata do të kryejnë shërbimet e tyre në Stacionet Policore të Ulqinit dhe Budvës.

Përfaqësuesit e Policisë së Shtetit, së bashku me përfaqësuesit e Policisë së Malit të Zi, do të marrin pjesë në aktivitete të ndryshme me qëllim forcimin e bashkëpunimit policor dhe parandalimin e veprave kriminale si: trafikimin e qenieve njerëzore dhe migracionin e paligjshëm, prostitucionin, trafikun e lëndëve narkotike, mashtrimet me policat e sigurimit për mjetet motorike, mashtrimet me kartat e kreditit dhe me shkëmbimin e parasë, falsifikimin e parave dhe dokumenteve personale, prishjen e qetësisë publike, parandalimin e aksidenteve rrugore, forcimin  e sigurisë në rrugë, etj.

Veliu dhe Veljovic kanë vlerësuar si të shkëlqyer bashkëpunimin, që strukturat policore të Malit të Zi, kanë pasur me strukturat e tyre homologe në Shqipëri, gjatë sezoneve turistike dhe jo vetëm, si dhe rezultatet e arritura që prej vitit 2011, vit në të cilin është firmosur për herë të parë “Protokolli i bashkëpunimit gjatë sezonit turistik” midis Policisë Shqiptare dhe asaj të Malit të Zi, që konsiderohet si një ndër shembujt dhe praktikat më të mira për tu ndjekur.

Të dy Drejtorët e Përgjithshëm kanë rënë dakord që modele të tilla bashkëpunimi të aplikohen edhe në fusha të tjera, në shërbim dhe në të mirë të komunitetit./abcnews.al

sh-1280x613.jpg
ent ela21:00 | 20/06/2019

Në kohën kur kryeministri Edi Rama po mbante takimin elektoral në Vaun e Dejës, protesta-marshim, e paralajmëruar nga simpatizantët e PD-së në Shkodër, është mbajtur mes tensionesh.

Protestuesit kanë tentuar të çajnë kordonin e policisë për të arritur në sheshin ku do të mbante Kryeministri Rama mitingun e radhës, pas atij ne Vaun e Dejës.

Por policia u është përgjigjur me gaz lotsjellës.

Turma është shpërndarë dhe më pas është afruar serish duke gjuajtur me gurë dhe mjete të tjera rrethanore efektivet e policisë.

Mësohet se nëndrejtori i Policisë Shkodër, një burrë dhe një fëmijë kanë mbetur të lënduar nga gazi lotsjellës ndërsa një grua ka humbur ndjenjat.

Protesta e simpatizantëve të opozitës ka vijuar deri rreth orës 21.00, kur Kryeministri Edi Rama ishte larguar nga qyteti i Shkodrës.

Vendi ku u organizua marshim-protesta e simpatizantëve të PD-së është pranë zonës ku u zhvillua takimi elektoral i Kryeministrit Edi Rama. Qëllimi i protestuesve ishte pikërisht pengimi i mitingut të Partisë Socialiste.

Protesta është udhehequr nga kryetarja e bashkisë Voltana Ademi, e cila theksoi se, me anulimin e zgjedhjeve nga Presidenti Meta mitingu i PS ishte i paligjshëm./ABC News Albania 24/7

kosove11-1280x717.jpg
ad min13:40 | 31/05/2019

Shtetet e Bashkuara të Amerikës kanë përshëndetur aksionin e fundit të Policisë së Kosovës, ku u arrestuan dhjetëra zyrtarë të etnive të ndryshme, të cilët dyshohen për kontrabandë dhe vepra të tjera të ngjashme.

Këto deklarata i ka bërë zyrtari i Misionit të SHBA-së në OSBE, Lande D.Bahl, duke shtuar se kjo është një përpjekje e Kosovës për të luftuar korrupsionin dhe për të forcuar sundimin e ligjit.

Në këtë reagim theksohet fakti, se një aksion i Policisë së Kosovës, nuk ishte i organizuar vetëm për pjesën veriore, por në të gjithë Kosovën.

Në fund thuhet se Prishtina dhe Beogradi, duhet të shmangin çfarëdo veprimi që do të mund të dërgonte në një eskalim të mëtejmë të situatës./ABC News Albania 24/7

kosove-1280x728.jpg
ad min10:00 | 28/05/2019

Kanë mbërritur në Prishtinë dy nga të arrestuarit në Mitrovicë gjatë operacionit të policisë së Kosovës në orët e para të së martës dhe njëri prej tyre është zyrtar policie. Ata janë dërguar në inspektoriatin policor të Kosovës.

Ndërkohë mediat në Kosovë bëjnë të ditur se Presidenti i Kosovës, Hashim Thaçi, ka mbledhur të gjitha strukturat e sigurisë në vend. Në zyrën e kreut të shtetit janë parë duke hyrë drejtori i AKI-së, Shpend Maxhuni, Drejtori i Policisë dhe drejtues të institucioneve të drejtësisë.

Gjatë ditës së sotme në veri të Kosovë janë arrestuar dhjetëra serbë të strukturave të larta të sigurisë, ndërsa gjatë aksionit janë plagosur të paktën dy policë të Kosovës, pasi banorët në veri vendosën barrikada për të penguar arrestimet

Mediat në Kosovë raportojnë se aktualisht në Mitrovicë KFOR po patrullon për të pasur situatën nën monitorim.

Në një reagim për mediat kryeministri i Kosovës Ramush Haradinaj u ka bërë ape serbëve në Veri që të ruajnë qetësinë pasi ajo që po ndodh është thjesht zbatimi i ligjit./ABC  News Albania 24/7

policia-franceze-1280x681.jpg
ad min20:00 | 20/04/2019

Gjendje alarmante e vetëvrasjeve mes radhëve të policisë në Francë. Sipas të dhënave më të fundit policët që vetëvriten janë më të shumtë në numër se ata që vriten në detyrë

Me qindra agjentë policie në Francë u mblodhën në heshtje para komisariatit të Montpelie, ku një kolegia e tyre 48 vjeçare, nënë e dy fëmijëve, vrau veten. Me lot në sy ata i dhanë lamtumirën agjentes së fundit të policisë që është vetëvrarë me armën e shërbimit me një plumb në zemër.

Bëhet fjalë për vetëvrasjen e 28 në radhët e forcave të rendit, që nga fillimi I këtij viti. Sipas sindikatave, në të njëjtën periudhë të një viti më parë, numri ishte 14.

Vetëm një ditë më parë një tjetër agjent 25 vjeçar u gjet i pajetë në banesën e tij ën periferi të Parisit. Ai I përkiste divizionit rajonal për sigurinë rrugore dhe punonte në shkolla

Në vitin 2018 sipas të dhënave të ministrisë së brendshme, në Francë ishin 35 agjentët e policisë që u përpoqën të vrisnin veten me armën e shërbimit, këtyre u shtohen dhe 33 anëtarë të xhandarmerisë të vetëvrarë.

Sipas psikologëve një nga arsyet kryesore është stresi si pasojë e atentateve që goditën Francën në vitin 2015, por kjo është vetëm një pjesë e arsyetimit. Ministri i Brendshëm Kastane premtoi se do të përshpejtonte aktualizimin e planit anti – vetëvrasje të nisur në vitin 2018 nga paraardhësi i tij. Përveç rekrutimit të psikologëve, dhe reduktimit të kohës që agjentët mund të mbajnë armët jashtë shërbimit, tashmë do të ketë dhe një njësi alarmi dhe një numër telefoni të posaçëm që do të jetë në shërbim 24 orë./abcnews.al

video-1280x687.jpg
ad min19:19 | 13/04/2019

Janë shënuar incidentet e para në protestën e opozitës. Tubuesit kanë filluar të kenë përplasje me policinë duke shtyrë kordonin e parë të efektivëve. Në një moment ata kanë arritur të thyejnë kordonin e policisë dhe tashmë janë vendosur përpara hyrjes së Kryeministrisë.

Ndërsa më herët protestuesit kanë qëlluar me bojë godinën e Kryeministrisë, ndërsa fermerët e mbledhur kanë qëlluar me domate ndaj godinës, të cilat nuk kanë mundur t’i shesin. Persona të maskuar në mesin e protestës, kanë ndezur flakadanë, ndërsa janë hedhur edhe kapsolla. Policia e Shtetit i ka bërë thirrje organizatorëve të largojnë personat me maska dhe të mos qëllojnë./abcnews.al

audi-715x450.png
ent ela15:41 | 04/04/2019

Gjykata për Krime të Rënda nisi shqyrtimin gjyqësor për çështjen e përplasjes të makinës së policisë pranë tregut agro-ushqimor në qytetin e Elbasanit në vitin 2017. Ky proces ka patur disa seancash të dështuara, por këtë të enjte Prokuroria lexoi kërkesën për gjykim, ndërsa në seancën e radhës pritet të dëshmojnë 4 punonjës policie që ishin dëshmitarë në vendin e ngjarjes, përfshi edhe Gjergji Oshafin. Seanca u shoqërua me debat sa i përket kualifikimit të veprës penale, por në zbatim të vendimit të seancës paraprake tre të pandehurit do të gjykohen për “vrasje ndaj punonjësit të policisë”, mbetur në tentativë. Të pandehur në proces Kelmend Xhaferri që ndodhet në burg , Enea Bekteshi me masën e sigurisë “arrest shtëpie” dhe Suel Cela është në kërkim pasi Gjykata e Krimeve të Rënda ka dhënë masën “arrest me burg” në mungesë./abcnews.al

saliani-1280x734.jpg
ent ela18:30 | 03/04/2019

Ish-deputeti demokrat Ervin Salianji përmes një deklarate për media ka akuzuar Kryeministrin Rama dhe Policinë e Shtetit për promovim në detyrë të kujt i shërben krimit dhe jo qytetarëve.

Organizimi i protestës nuk zbehu tiparin denoncues të opozitës. I njëjti Andon Marko qe sot është në krye të Policisë së Fierit. Kjo, sipas Salianjit, vërtetohet edhe përmes përgjimeve të publikuara në mënyrë periodike, nga vetë ai.

Janë këto provat e ndodhura në dosjen zyrtare të prokurorisë sipas Salianjit ato që provojnë se ai që sot është në krye të Policisë së Fierit, duhet në fakt të ishte pas hekurave për dëshmi të rreme pengim te drejtësisë dhe shpërdorim detyre./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono