policia

anija-libertas.jpg
nev ila16:20 | 06/08/2019

Policia Kufitare e Sarandës ka bllokuar një mjet lundrues turistik dhe ka vene  në pranga kapitenin e këtij mjeti.

Nga verifikimet me Interpolin, rezultoi se mjeti turistik “LIBERTAS” ishte vjedhur në Turqi.

Në bord ishin dy rus dhe një turk dhe skafi i cili vinte nga Korfuzi, ka hyrë në territorin shqiptar nëpërmjet portit të Sarandës.

Gjatë përpunimit të dokumentacionit nisur edhe nga përbërja e ekuipazhit, u dyshua se ky mjet ishte i vjedhur.

Nga  shkëmbimi i informacionit me homologët grekë dhe malazezë dhe pas verifikimeve të kryera edhe nga Interpol Tirana, rezultoi se këtë mjet, këta shtetas ia kishin vjedhur një shtetaseje turke. Për këtë u arrestua dhe shtetasi D. U, 47 vjeç nga Turqia.

U njoftua Policia turke për të kontaktuar me pronaren e mjetit lundrues, për veprime të mëtejshme./ABC News Albania 24/7

tomoir-1280x685.jpg
Sej rie10:45 | 06/08/2019

Pronarët e guroreve të mbyllura në malin e Tomorrit tentuan të shkojnë e të rinisin punë, por policia nuk i lejoi. Një ditë më parë Gjykata e Apelit u kishte dhënë të drejtë megjithatë  në zonën e qafës së Novajt në Skrapar, kamionët nuk munden ta kalonin rrugën.

Bashkë me policinë vendore ishin dhe Forcat Speciale. Pronarët thanë se vendimin e kishin nisur në rrugë zyrtare dhe duhet të rifillonin punën, por policia iu përgjigj se nuk do të lejonin gërmime për gurë në malin e Tomorrit.

“Drejtoria vendore e policisë së Beratit është duke ushtruar detyrën e saj, duke bërë pengimin e subjekteve të ushtrimit të aktivitetit të gurit në malin e Tomorrit. Në lidhje me vendimin e gjykatës , drejtoria vendore e policisë Berat nuk është njohur zyrtarisht me këtë vendim. Në momentin që ne do njihemi zyrtarisht me vendimin, konform ligjit, atëherë do të veprohet”, thuhet në njoftimin e policisë.

Guroret në Tomorr kanë 22 muaj që nuk punojnë pasi qeveria e shpalli malin park të mbrojtur kombëtar./ABC News Albania 24/7

FBI-Texas-1280x720.jpg
nev ila18:21 | 05/08/2019

Drejtori i FBI-së, Kris Rej ka urdhëruar një operacion të gjerë në mbarë territorin e Shteteve të Bashkuara, për të shmangur kërcënime të tjera për vrasje në masë.

Lajmin e kanë bërë të ditur mediat amerikane, që citojnë burime nga agjencia hetimore federale. Sipas burimeve, pas ngjarjeve të ndodhura në El Paso dhe Dejton, një task forcë e ngritur në zyrat qendrore të FBI-së në Nju Jork do të mbikëqyrë të gjitha informacionet e ardhura nga çdo kënd i Shteteve të Bashkuara.

“Shqetësimi kryesor është ai për përsëritjen e akteve të dhunës si ato në Teksas dhe Ohajo”, kanë deklaruar burimet.

Byroja Federale e Hetimeve u përfshi menjëherë në proceset hetimore që pasuan dy ngjarjet e rënda, duke i ofruar asistencë forcave lokale të policisë./ABC News Albania 24/7

vloree-1280x709.jpg
Sej rie11:30 | 05/08/2019

Policia e Vlorës ka zbardhur dinamikën e ngjarjes ku një person humbi jetën dhe dy të tjerë u plagosen. E gjitha nisi pas një sherri të pronarit me një burrë që po kalonte me kalë mes përmes plazhistëve. Për këtë ngjarje katër persona janë në kërkim.

Katër persona po kërkohen për sulmin me armë që ndodhi të dielën në një lokal tek Plazhi i Vjetër në Vlorë. Njëri prej tyre, që dyshohet se është dhe autori kryesor, quhet Eduard Xhezo, një emër i njohur për policinë.

Ai ka qenë i dënuar për tentativë vrasje dhe për armëmbajtje pa leje.  Të tjerët janë Ariel Kingji, vëllezërit  Çelik dhe Geno Lena.

Atentati i djeshëm përfundoi me një bilanc të rëndë, 1 të vrarë dhe dy të plagosur.   Arben Beqiraj, i cili mori gjashtë plumba ndërroi jetë në spital një orë pas mesnatës.  Bashkë me të u plagosën edhe djali i tij Egert Beqiraj, nipi Nesim Hodaj të cilët janë jashtë rrezikut për jetën.

Nga kryerja e kamerave të sigurisë, doli se konflikti nisi  pasi një kalë kaloi mes plazhistëve në zonën e administruar nga Beqiraj ( babë e bir).

Personi me kalë u largua pas debatit me pronarin dhe nuk ishte i përfshirë në ngjarje. Por një orë më vonë pranë lokalit mbërriti një makinë me katër persona. Dy nga ata u afruan  për të diskutuar dhe dy të tjerë në distancë shtinë në drejtim të Arben Beqiraj  të birit Ergest Beqiraj dhe kushëririt të tyre Nesim Hodaj.

Arben Beqiraj i cili ndërroi jetë në spital nuk rezulton me precedent të më hershëm penal. Kurse djali i tij Ergest Beqiraj një vit më parë ka qenë i përfshire në një ngjarjeje dhe ishte i dyshuar për vendosje tritoli në lokalin e Brikelo Brahimaj, i cili ishte i pari që u shoqërua mes 20 personave të tjerë. Por rezultoi se Brahimaj nuk kishte lidhje me sulmin e së dielës. Ekspertet dyshojnë se mes palëve ka patur pazare dhe shkaku u gjet te konflikti i pronarit me burrin me kalë./ABC News Albania 24/7

5d46832ddda4c8d1728b45bd-1.jpg
Sej rie21:00 | 04/08/2019

Policia në Shtetet e Bashkuara po punon për të hedhur dritë edhe mbi masakrën e Dejtonit, por ndryshe nga ajo e El Pasos nuk ka gjetur ende motivet e ngjarjes. Ndërkohë, dy episodet kanë marrë ngjyrime politike, me palët që kanë hedhur akuza ndaj presidentit Trump.

Autoritetet në Dejton të Ohajos kanë identifikuar autorin e sulmit që la 9 persona të vdekur dhe 16 të plagosur, por nuk e dinë ende motivin e veprimit të tij. Shefi i policisë lokale deklaroi se procesi hetimor është ende në zhvillim dhe për momentin nuk mund të zbulohen detaje. “Ne po punojmë që t’i japim publikut një përgjigje të saktë mbi motivet e këtij krimi”, tha zyrtari i lartë. Policia konfirmoi vrasjen e autorit në vendin e ngjarjes dhe sipas autoriteteve, ai ishte i veshur me jelek anti-plumb dhe ishte pajisur me municione të shumta. Ai është identifikuar si Konor Bets, 24 vjeç nga qyteti Bellbruk i Ohajos. Policia kontrolloi banesën e tij, por nuk dha detaje nëse kishte gjetur ndonjë element që mund t’i vërë hetimet në pistën e duhur.

Ndërkohë, në një konferencë shtypi, kryetarja e bashkisë së Dejtonit, Nen Uejlli deklaroi se ky incident mund të kishte ndodhur kudo në Shtetet e Bashkuara. “Jemi në një vend ku sulmet me armë janë bërë të zakonshme”, tha ajo, pavarësisht se insistoi se Oregoni, vendi ku ndodhi ngjarja, mbetet një zonë e sigurtë. Ndërkohë, si ngjarja në Dejton ashtu edhe ajo në El Paso të Teksasit nuk kanë vonuar të marrin ngjyrime politike.

Kandidatët për presidencialet e vitit 2020 akuzuan presidentin Trump për nxitje të racizmit dhe rikthyen në vëmendje ligjin për kontrollin e armëve. Ky i fundit u mbështet edhe nga republikanët. Duke iu referuar reagimeve të presidentit Trump pas tragjedive, senatori Lindsi Graham deklaroi se koha e lutjeve ka marrë fund. “Është koha të bëjmë më shumë se sa të lutemi. Është koha për të fuqizuar legjislacionin në Kongres dhe të forcojmë shtetet tona në mënyrë që të përballen me ata që përbëjnë kërcënim për veten dhe të tjerët”, tha Graham në Twitter.

policia-1280x623.jpg
Sej rie11:30 | 03/08/2019

Policia e Shtetit ka proceduar penalisht në gjendje të lirë 7 shtetas në Durrës dhe 3 në Shëngjin, mes të cilëve, Drejtori rajonalë të Taksave dhe Tarifave vendore. Ata akuzohen shpërdorim detyre dhe zaptim të plazheve publike.

Zaptimi i plazheve publike vijon të mbetet problem në bregdetin shqiptar. Gjatë operacionit  “Plazh i lirë”, në Durrës dhe në Lezhë., policia e shtetit ka proceduar 10 persona nën akuzën e korrupsionit, fshehje të ardhurash dhe zënie të hapësirave publike.

Në Durrës, njofton policia , janë proceduar në gjendje të lirë 7 persona në Durrës, mes të cilëve edhe Drejtorin e Drejtorisë së Taksave dhe Tarifave Vendore në Bashkinë Durrës, në akuzën se ka shpërdoruar detyrën. 6  persona të tjerë,  akuzohen për Fshehja të të ardhurave, zënie të hapësirave publike.

Ndërkohë në Lezhë është proceduar Drejtori i Drejtorisë së Taksave dhe Tarifave Vendore në Bashki, për shkak se nuk kishte kryer kontrolle në zonat e plazhit

Policia procedoi në gjendje të lire edhe 2 pronarë në zonën e Shëngjinit, të cilët në mënyrë të paligjshme kishin vendosur shezlongë dhe çadra pa kontratë përdorimi.
Policia ka bërë të ditur se do ta vijojë aksionin përgjatë gjithë vijës bregdetare në vend./ABC News Albania 24/7

elbasan-1280x699.jpg
Sej rie18:30 | 02/08/2019

Tre persona mbetën të plagosur pasi u qëlluan me armë zjarri teksa ndodheshin në një lokal pranë Pallatit të Sportit në Elbasan. Ngjarja ka ndodhur pasditen e sotme. Mësohet se të plagosur janë Fezi Ago, Mihal Kocashi dhe Elton Cërriku. Ata janë dërguar në spitalin e Elbasanit, ku po marrin ndihme mjekësore. Burimet policore nga vendi i ngjarjes bënë të ditur se një person që tashme është identifikuar ka qëlluar me armë pas një konflikti të çastit për motive të dobëta. Policia e Elbasanit ka ngritur postblloqe në disa rrugë të qytetit dhe po punon për kapjen e autorit./ABC News Albania 24/7

sarande-shezlonge.jpg
G. P.16:00 | 02/08/2019

Punonjësit e Policisë së Sarandës liruan 4000 m2 plazh në Ksamil, të cilat ishin zaptuar në kundërshtim me ligjin. Në njoftimin e Policisë Së shtetit  thuhet se u larguan 960 shezlongë, çadra e tavolina, duke iu kthyer hapësira publike e plazhit pushuesve.

Uniformat blu proceduan penalisht 3 pronarët e subjektesh që ushtronin aktivitet në kundërshtim me ligjin aktivitetin privat. Në operacion e koduar “Plazh i lirë”, mori pjesë edhe Drejtori e Krimit Ekonomik, ku në mbështetje të tyre ishin edhe Forcave të Ndërhyrjes së Shpejtë./ABC News Albania 24/7

pd.jpg
G. P.16:15 | 01/08/2019

Partia Demokratike akuzon Ministrin e Brendshëm, Sandër Lleshaj për abuzim me tenderin e uniformave të Policisë së Shtetit. Për demokratët, tenderi me vlerë 30 milionë euro është i preferuari i ministrave të Brendshëm,  ku Lleshaj njësoj si Tahiri e Xhafaj e përcaktojnë fituesin në garë.

“Titullarët në drejtimin e Ministrisë së Brendshme ndryshojnë, por dëshira e tyre për të abuzuar me tenderin e uniformave të Policisë mbetet e njëjtë”. 

Kështu e përkufizoi drejtuesja e Departamentit Antikorrupsion në PD, Lealba Pelinku vendimin e ministrit Sandër Lleshaj për përgjysmimin e afatit të parashikuar në ligj për kompanitë që dëshirojnë të bëhen pjesë e tenderit.

Ligji i Prokurimit Publik parashikon një afat minimal 52 ditor për kompanitë që marrin pjesë në garë,  por kjo sipas demokratëve nuk e pengoi ministrin Lleshaj që në shkelje të ligjit të shkurtojë afatet për ata që duan të konkurrojnë në 24 ditë.

Demokratët kanë hedhur dyshime të forta për abuzim me tenderin e uniformave të Policisë që ka nga koha kur ky institucion drejtohej nga Saimir Tahiri. /ABC News Albania 24/7

Policia-e-Tiranes-1280x662.jpg
G. P.10:45 | 01/08/2019

Policia e Tiranës ka finalizuar një operacion të koduar “Investimi”, ku ka sekuestruar 1.500.000 euro llogari bankare. Paratë i përkasin një ish-punonjësi të administratës shtetërore, identiteti i të cilit është Ferdinand Shehu. Sipas policisë në vitet 2006-2011, ai ka mbajtur funksione zyrtare në Agjencinë e Legalizimit, Urbanizmit dhe Integrimit të Zonave Urbane.

“Ky shtetas dyshohet se ka konsumuar veprën penale “Pastrimi i produkteve të veprës penale”, parashikuar nga neni 287 i Kodit Penal, duke kryer disa investime në pasuritë e paluajtshme”, thuhet në njoftimin e uniformave blu.

Kohët e fundit, nëpërmjet një banke private, ish-punonjësi i administratës ka tentuar transferimin e 1 milionë eurove jashtë vendit, me justifikimin për investime financiare, ndërkohë 500 000 Euro të tjera i ka vendosur në depozitë me afat. Policia nuk jep detaje të tjera me arsyetimin se hetimet janë në vijim.

Ai reagoi për ABC News, ku u shpreh se ndodhet në Itali me pushime bashkë me familjen. Ndërkohë thekson më tej se do të ngrejë padi ndaj prokurorisë dhe policisë sepse nuk është thirrur asnjëherë në lidhje me këtë hetim.

“Jam në Itali bashkë me familjen, më kanë bllokuar çdo cent në llogarinë bankare. Kam 8 vite në Shqipëri, pse nuk është bërë asnjë hetim ndaj meje? Çdo lëvizje e kam bërë nëpërmjet bankës. Shteti kishte plot kohë për të më hetuar, por gjeti momentin kur ika në Itali me pushime. Do bëj padi ndaj prokurorisë dhe policisë, pasi nuk më kanë thirrur asnjëherë për këtë hetim”, është shprehur Shehu./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono