polici

fier.jpg
nev ila09:07 | 13/02/2020

Një efektiv i FNSH ka humbur drejtimin e makinës gjatë orëve të para të ditës së sotme në Fier duke qenë në gjendje të dehur dhe ka përfunduar në oborrin e shtëpisë.

Por, nuk është mjaftuar me kaq. Pas aksidentit polici është konfliktuar me të zotin e shtëpisë duke e qëlluar me armë. Nga të shtënat 70 vjeçari Solli Meçe është plagosur në gisht.

Ndërkohë, gazetarja Valbona Davidhi ka siguruar pamjet e ngjarjes për abcnews.al. Banorët thonë se ajo zonë është bërë shpesh problem për aksidente pasi është ndërtuar rruga gabim.

Efektivi i FNSH duke drejtuar makinën në gjendje të dehur ka humbur kontrollin dhe i është futur në oborrin e banesës së 70 vjeçarit.

Më pas situata ka dalë jashtë kontrollit pasi të dy janë konfliktuar me njëri tjetrin.

Në konflikt e sipër efektivi i FNSH ka nxjerrë armën dhe ka plagosur 70 vjeçarin. Mece ka marrë një plagë në dorë dhe është jashtë rrezikut për jetën.

Njoftimi i Policisë:

“Fier

Në orët e para të mëngjesit të sotëm, shtetasi P. Sh, 41 vjeç, banues në Tiranë, me detyrë punonjës policie në repartin e FNSH Fier, duke drejtuar në gjendje të dehur automjetin tip “Benz”, në lagjen “Sheq i Madh”, ka humbur kontrollin, ka dalë nga rruga dhe është futur në oborrin e banesës së shtetasit S.M, 70 vjeç.

Pasi është konfliktuar me pronarin e shtëpisë, ka nxjerë armën dhe e ka plagosur në gishtin e dorës shtetasin S.M, i cili është jashtë rrezikut për jetën.

Eshtë shoqëruar në Drejorinë Vendore të Policisë Fier shtetasi P.Sh dhe po kryhen nga SHÇBA veprimet proceduariale dhe hetimore për zbardhjen e plotë të ngjarjes“./abcnews.al

policia-fier.jpg
nev ila20:36 | 07/02/2020

Kontrolle të rrepta të policive vendore nëpër rrethe janë evidentuar gjatë mbrëmjes së sotme. Kontrollet janë zhvilluar në Tiranë, Elbasan, Fier edhe Berat. Me sa duket bëhet fjalë për një operacion në rang kombëtar.

Në akset hyrëse dhe dalëse të këtyre qyteteve është shtuar prania e uniformave blu dhe forcave të ndërhyrjes së shpejtë, duke intensifikuar kontrollet në pjesën më të madhe të automjeteve kryesisht ato luksoze.

Kontrollet për persona që rezultojnë të shpallur në kërkim, armë apo drogë kanë bërë që uniforma të shumta policorë të zbresin në terren për disa minuta, ndërsa prania e tyre ka qenë më e madhe në zonat kyçe të hyrje-daljeve në këto qytete.

Mësohet se kontrollet do të vijojnë edhe gjatë ditëve të ardhshme./abcnews.al

edi-rama-shqiptari-usa-1280x657.jpg
nev ila17:00 | 05/02/2020

Edi Rama ka nisur vizitën zyrtare të tij në Washington të SHBA dhe videon e parë e ka ndarë me një shqiptar.

Kryeministri ka takuar një shqiptar i cili jeton prej prej 22 vitesh SHBA. Ai është Erion Bektashaj i cili punon si polic në Uashington.

Gjatë prezantimit të shqiptarit në SHBA në rrjetet sociale Rama gjen rastin edhe të bëjë shaka me Erion Veliajn, duke thënë se polici që ka takuar në Uashington është nga Tirana por nuk është “Lali”.

Gjithashtu Rama shprehet se Bektashaj e mbron në Uashington kurse ky i fundit i thotë:

“Zoti e bekoftë Shqipërinë, zoti ju bekoftë ju zotëri”.

Edi Rama: Në Washington DC me Erionin nga Tirana, jo Lali po është një Erion tjetër që ka 22 vjet këtu dhe shikojeni  ky më mbron mua këtu, shikojeni . Përshëndetje në Tiranë.

Erion Bektashaj: Përshëndetje, përshëndetje mirë se erdhët në Amerikë

Edi Rama: Mirë se erdhe në Amerikë, e sheh ?

Erion Bektashaj: Mirë se erdhe në Amerikë

Edi Rama: Hajde God bless USA, god bless Albania (Zoti e bekoftë Amerikën, zoti e bekoftë Shqipërinë)

Erion Bektashaj: God bless Albania, god bless you sir!  ( Zoti e bekoftë Shqipërinë, zoti ju bekoftë zotëri)./abcnews.al

ardi_veliu-1.jpg
R D10:36 | 05/02/2020

Drejtuesit më të lartë të policisë do të kalojnë në veting gjatë kësaj jave. Në deklaratë thuhet se ditën e sotme në 10:00 ka nisur seanca për kreun e Gardës Gramos Sako dhe rreth mesditës del në vetting drejtori i Antiterrorit Gledis Nano.

Ndërsa nesër pritet të zhvillohet seanca ndaj Drejtorit të Përgjithshëm të Policisë së Shtetit, Ardi Veliu.

Lista

Subjekti: Z. Gramos Sako me funksion Komandant i Gardës së Republikës së Shqipërisë

Data/Ora: E mërkurë, datë 5 Shkurt 2020, ora 10:00

Trupa e Vlerësimit: Mirela Ujkani (Miti), Alban Laska, Artur Baku

Subjekti: Z. Gledis Nano, Drejtor i Drejtorisë së Antiterrorit, Drejtoria e Përgjithshme e Policisë së Shtetit

Data/Ora: E mërkurë, datë 5 shkurt 2020, ora 12:30

Trupa e Vlerësimit: Nertila Sadedini, Adriana Meko, Arta Lleshi

Subjekti: Z. Ardi Veliu me funksion Drejtor i Përgjithshëm i Policisë së Shtetit

Data/Ora: E enjte, datë 6 Shkurt 2020, ora 12:00

Trupa e Vlerësimit: Mirela Ujkani (Miti), Alban Laska, Artur Baku

Subjekti: Z. Artan Shkëmbi me funksion Drejtor i Drejtorisë Hetimore Qëndrore, në Departamentin për Policinë Kriminale pranë Drejtorisë së Përgjithshme të Policisë së Shtetit

Data/Ora: E premte, datë 7 Shkurt 2020, ora 10:00

Trupa e Vlerësimit: Alban Laska, Artur Baku, Mirela Ujkani (Miti)

Vendi: Pallati i Koncerteve (ish-Pallati i Kongreseve), Salla B, Kati 0

/abcnews.al

polici-prizren.png
ger ta10:24 | 29/01/2020

Policia e Kosovës ka arrestuar të dyshuarin në lidhje me sulmin me mjete shpërthyese të mbrëmjes së të mërkurës në Zhur të Prizrenit. Lajmi është konfirmuar për mediat në Kosovë nga Shaban Osmanollaj, zëdhënës në Policinë Rajonale të Prizrenit.

Njësia Speciale e Policisë së Kosovës, konkretisht antidroga, zhvilloi një aksion në shtëpinë e Iran Badallit, i dyshuar si autor i sulmit ndaj policisë në të cilin mbeti i vrarë polici, Sami Thaçi me origjinë nga Malisheva dhe dy të tjerë kanë mbetur të plagosur. Më parë policia kishte marrë dhe lajmërimin se autori kishte ushtruar dhunë në familje. Gjithashtu gjatë këtij shpërthimi, është lënduar edhe një fëmijë, djali 12 vjecar i autorit të sulmit. Ai ndodhet në Spitalin e Prizrenit e është jashtë rrezikut për jetën.

Një dëshmitar nga vendi i ngjarjes tregoi se i dyshuari për sulmin është marrë me lëndë narkotike. Ai kishte montuar një bombë në portën kryesore të banesës së tij.

Mediat në Kosovë raportojnë se polici Artur Mrasori ka mbetur i verbuar nga shpërthimi i bombës.

Presidenti i Kosovës, Hashim Thaçi reagoi në profilin e tij në Facebook duke shkruar se e kishte përjetuar me dhimbje të thellë lajmin për rënien në krye të detyrës të policit, Sami Thaci.

Edhe kryeministri në detyrë i Kosovës, Ramush Haradinaj ka reaguar përmes një shkrimi në Facebook duke shkruar se ndihej i tronditur me këtë rast.

Kryetari i Partisë Demokratike të Kosovës Kadri Veseli ishte ndër të parët që reagoi duke thënë se askush nuk mund të prekë burrat dhe gratë që i shërbejnë policisë së Kosovës./abcnews.al

pra.jpg
in a07:22 | 05/01/2020

Dy shpërthime me tritol kanë tronditur Shkodrën gjatë orëve të vona të natës. Shpërthimi i parë ndodhi pas banesës së policit Prelë Milani me detyrë shef stacioni i Policisë në Theth.
Gazetari Simon Shkreli raporton për abcnews.al se shpërthimi i dytë me tritol, ka ndodhur pas mesnatës në fshatin Grudë e Re tek banesa e shtetasit Kolë Bungaja. Mësohet se nga shpërthimi janë shkaktuar vetëm dëme materiale.

Shkodër/ Informacion Paraprak
Më datë 04.01.2020, rreth orës 21:45, në lagje “Guerrile” Shkodër, mbrapa banesës së shtetasit P. M. me detyrë shef i Stacionit të Policisë Theth, Shkodër, ka shpërthyer një sasi lëndë plasëse, për pasojë ka vetëm dëme materiale.
Menjëherë në vendngjarje kanë shkuar forcat e Policisë dhe grupi hetimor ku vijon veprimet për sqarimin e rrethanave të ngjarjes, identifikimin dhe kapjen e autorit.

 

/abcnews.al

polic-1.jpg
in a14:20 | 29/12/2019

Një zyrtar i Policisë së Kosovës, i quajtur Vllaznim Hamdiu, ka vrarë me armë zjarri Lulzim Spahiun në Gjilan. Gjatë ditës është raportuar se i dyshuari ka qenë pjesë e mbrojtjes së afërt të kryeministrit në detyrë, Ramush Haradinajt, por ky lajm është hedhur poshtë nga vetë zyra e Haradinajt.

Zyra e kryeministrit në detyrë ka bërë të ditur se i dyshuari Vllaznim Hamdiu asnjëherë nuk ka qenë pjesë e ekipit mbrojtës së afërt të Haradinajt. Ndërkohë zyra e kyreministrit iu ka bërë thirrje organeve të rendit që të ndërmarrin të gjitha veprimet për të identifikuar shkakun dhe për të marrë vendimet e duhura, deri në ndriçimin e plotë të rastit.

Viktima Lulzim Spahiu, nga Kamenica, i cili u vra nga polici Vllaznim Hamdiu, u gjet i vrarë brenda kamionit që po ngiste dhe ishte i shoqëruar nga djali i tij. Mediat në Kosovë raportuan se polici kishte qenë nën ndikimin e alkoolit. Polici është pezulluar nga detyra dhe është ndaluar për 48 orë./abcnews.al

oske-te-shtena.jpg
nev ila13:11 | 20/12/2019

Në sulmin e mbrëmjes së të enjtes në selinë e përgjithshme të ish KGB-së në Moskë mbeti i palgosur dhe një civil.

Lajmi u konfirmua nga zëdhënësja e komisionit të hetimit, e cila sqaroi për mediat se një person i armatosur kishte qëlluar me armë zjarri kundër agjentëve të forcave të sigurisë.

Njëri prej agjentëve mbeti i vrarë dhe pesë të tjerë u plagosën. Autori i sulmit u ekzekutua nga forcat speciale./abcnews.al

inbound1485497551075554442.jpg
nev ila23:15 | 15/12/2019

Një ngjarje e rëndë ka ndodhur ditën e sotme në qytetin Igalo të Malit të Zi.

Mësohet se punonjësi i policisë kufitare malazeze është qëlluar me armë zjarri nga tre Kosovarë, të cilët tentuan të kalonin në territorin malazez pa dokumenta.

Viktima ndërroi jetë në spital, pasi nuk mundi ti mbijetojë plagëve të marra. Ndërsa 3 kosovarët mes tyre edhe një femër u arrestuan nga autoritetet malazeze.

Të shtënat janë regjistruar rreth orës 14.45. Agresorët nuk kishin me vete, asnjë mjet identifikimi.

Një nga tre personat, është plagosur por ndodhet jashtë rrezikut për jetën.

Shkëmbimi me armë zjarri, shkaktoi edhe një aksident automobilistik, ku një kamion u përplas me automjetin e policisë./abcnews.al

banda.jpg
in a09:28 | 13/12/2019

Policia njofton se specialistët e Seksionit për Hetimin e Krimet në Komisariatin e Policisë Tropojë arrestuan në flagrancë shtetasit J. O., 21 vjeç, banues në Bajram Curri dhe M. N., 21 vjeç, banues në fshatin Lekurtaj, Tropojë. Burime për abcnews.al bëjnë me dije dy djem të rinj kanë përfunduar pas hekurave pasi janë konfliktuar edhe me policinë pasi këta të fundit i kishin shoqëruar në Komisariat sepse ishin të përfshirë në një sherr të mëparshëm që kishte ndodhur në Tropojë.

Informacion/ Tropojë:

Kundërshtojnë me dhunë punonjësin e Policisë, arrestohen në flagrancë dy shtetas.

Specialistët e Seksionit për Hetimin e Krimet në Komisariatin e Policisë Tropojë arrestuan në flagrancë shtetasit:

– J. O., 21 vjeç, banues në Bajram Curri.

– M. N., 21 vjeç, banues në fshatin Lekurtaj, Tropojë.

Arrestimi i tyre u bë pasi, në bashkëpunim me njëri – tjetrin, gjatë kohës që janë shoqëruar në ambientet e Komisariatit të Policisë Tropojë pas përfshirjes në një konflikt me disa persona të tjerë, kanë kundërshtuar me dhunë punonjësin e Policisë.

Materialet i kaluan Prokurorisë së Rrethit Gjyqësor Tropojë, për veprën penale “Kundërshtimi i punonjësit të policisë së rendit publik”.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono