Polemika

whatsapp-fake-660_050119095622.jpg
So Nila08:20 | 18/01/2020

WhatsApp-i duket se është tërhequr nga plani për përdorimin e reklamave në aplikacion. Këtë e tregon raporti më i fundit i Wall Street Journal për Facebook-un, i cili zotëron edhe gjigandin e komunikimit.

“Në muajt e fundit, WhatsApp-i shkriu ekipin që kishte ngritur për të gjetur mënyrat më të mira se si të përshtaste reklamat në këtë shërbim”, thuhet në raportin e Wall Street Journal.

Vendimi për të përfshirë reklama u konfirmua nga Facebook-u në vitin 2018, por shkaktoi shumë polemika sepse themeluesit e aplikacionit, Brian Acton dhe Jan Koum, ishin kundër kësaj ideje.

Kur u lançua, WhatsApp-i ishte një aplikacion me pagesë. Përdoruesit duhet të paguanin një shumë të vogël për ta shkarkuar dhe më pas dërgimi i mesazheve ishte i lirë.

Në vitin 2013, kompania vendosi që shifra për përdorimin e shërbimit të ishte 1 dollarë. Ndërkohë në 2016-n, WhatsApp lajmëroi se do të ishte falas, duke mos i dhënë përgjigje të qartë pyetjes se si do të fitonte kompania para.

Acton-i dhe Koum-i u dorëhoqën vitin e kaluar, pas lajmeve se Facebook donte të monetizonte aplikacionin, duke shitur shërbime dhe duke futur reklamat. Acton-i tha se ishte i detyruar të largohej, për shkak se nxitimi i Marc Zuckerberg-ut për të bërë para nga aplikacioni e bënte të “palumtur”./abcnews.al

Screenshot_6-7.png
R D14:29 | 23/12/2019

Arilena Ara me këngën “Shaj” fitoi festivalin e 58-të në RTSH dhe do të përfaqësojë Shqipërinë në Eurovizion 2020. Por eventi muzikor u shoqërua me polemika të shumta. Shumëkush e shihte Elvana Gjatën si fituese, mes tyre dhe moderatorja e festivalit Alketa Vejsiu. Madje në media para pak ditësh qarkulloi lajmi se Elvana është paracaktuar si fituese. Polemikat kanë vazhduar gjatë ditës së sotme në rrjetet sociale. Sakaq, RTSH ka vendosur të bëjë publike votimin e jurisë. Duket qartë se Elvana Gjata me këngën “Me Tana” ka marrë pikët maksimale nga anëtarët e huaj të jurisë, por e kanë rrëzuar në tokë pikët minimale të Mikaela Mingës dhe Rita Petros.

Më poshtë votimi i 5 anëtareve të jurisë:

Rita Petro – Arilena Ara 18 pikë, Elvana Gjata 8 pikë

Mikaela Minga- Arilena Ara 13 pikë, Elvana Gjata 2 pikë

Christer Björkman – Arilena Ara 10 pike, Elvana Gjata 18 pike

Dimitris Kontopoulos – Arilena Ara 13 pike, Elvana Gjata 18 pike

Felix Bergsson – Arilena Ara 13 pike,  Elvana Gjata 18 pike

/abcnews.al

 

Screenshot_5-9.png
R D23:51 | 17/12/2019

BE ka akuzuar partinë qeverisëse “Ligji dhe Drejtësia” në Poloni për politizimin e gjyqësorit që nga koha kur erdhi në pushtet në vitin 2015 ndërkohë që kjo parti thotë se reformat e saj janë të nevojshme për ta bërë sistemin gjyqësor më efikas. Ndërkohë, Gjykata Supreme e Polonisë tha të martën se kontradiktat midis ligjit polak dhe ligjit të BE. Sipas të gjitha gjasave, do të çojnë në një ndërhyrje nga institucionet e BE-së në lidhje me shkeljen e traktateve të BE-së, dhe në perspektivën aftagjatë, (do të çojë në) nevojën për t’u larguar nga Bashkimi Evropian.

Polonia mund të përfundojnë duke u larguar nga Bashkimi Evropian për shkak të planeve nga nacionalistët në pushtet që të lejojnë pushimin nga puna të gjyqtarëve nëse ata vënë në dyshim legjitimitetin e reformave gjyqësore të qeverisë, tha të martën Gjykata Supreme. Gjykata tha se planet mund të binin në kundërshtim me ligjin evropian dhe të përkeqësojnë tensionet ekzistuese midis Brukselit dhe partisë qeverisëse Ligji dhe Drejtësia e Polonisë (PiS). “Kontradiktat midis ligjit polak dhe ligjit të BE.

Sipas të gjitha gjasave, do të çojnë në një ndërhyrje nga institucionet e BE-së në lidhje me një shkelje të traktateve të BE-së, dhe në perspektivën aftagjatë, (do të çojë në) nevojën për t’u larguar nga Bashkimi Evropian,” tha në një deklaratë Gjykata Supreme e Polonisë. BE ka akuzuar partinë Ligji dhe Drejtësia për politizimin e gjyqësorit që nga koha kur erdhi në pushtet në vitin 2015. Kjo parti thotë se reformat e saj janë të nevojshme për ta bërë sistemin gjyqësor më efikas.
“Komisioni ka një qëndrim shumë të qartë për mbrojtjen e gjyqësorit nga ndërhyrjet politike,” tha zëdhënësi i Komisionit Evropian

Christian Wigand në përgjigje të deklaratës së Gjykatës Supreme tha se “Komisioni vazhdon të ndjekë situatën nga afër,” duke shtuar se mbeten të gatshëm dhe të disponueshëm për të diskutuar me autoritetet polake mënyrat përpara për të zgjidhur çështjet.

Lëvizjet nga Hungaria dhe Polonia për të vënë gjykatat dhe mediat e tyre nën kontrollin më të rreptë të shtetit kanë bërë që Komisioni Evropian, krahu ekzekutiv i BE-së, të fillojë hetimet e ligjit, të cilat në teori mund të çojnë në pezullimin e të drejtave të tyre të votimit në BE. Nuk ka asnjë mekanizëm që BE të dëbojë një shtet anëtar. Deri më tani vetëm Britania ka zgjedhur të largohet nga blloku, pas një referendumi në vitin 2016. /abcnews.al

komisioneret-europiane.jpg
nev ila13:05 | 06/12/2019

Polemika të shumta janë krijuar në Itali pas qarkullimit në rrjetet sociale të një video ku komisionerë europianë socialistë dhe demokratë këndojnë këngën e famshme partizane “Bella Ciao”.

Komisionerët e grupit të aleancës progresiste të socialistëve dhe demokratëve këndojnë “Bella Ciao” në parlamentin europian pasi morën dritën jeshile nga asambleja. Video ka qarkulluar menjëherë në rrjetet sociale.

Në filmim është pikërisht komisioneri europian për cështjet ekonomike Paolo Xhentiloni i cili këndon së bashku me komisionerët e tjerë këngën e njohur partizane.

Reagimet në Itali kanë qenë të menjëhershme duke filluar nga kryetarja e Fratelli d’Italia Xhorxha Meloni e cila e konsideroi skandaloze këtë sjelljetë zyrtarëve më të lartë europianë. Mateo Salvini shtoi me ironi se tashmë komisionerët mund të marrin pjesë dhe në Sanremo si dhe të ndërmarrin një turne ndërkombëtar.

Por dhe Paolo Xhentiloni reagoi pas kritikave duke thënë se për të ishte një nder të këndojë atë këngë në festën e socialistëve europianë. Duke iu drejtuar Salvinit ai i tha se lideri i Lega Nord jeton në një vend demokratik pikërisht sepse ka pasur shumë njerëz që kanë humbur jetën duke kënduar ‘Bella Ciao’ për lirinë e vendit./abcnews.al

henri-cili.jpg
ad min20:41 | 20/09/2019

“Blloku” i Isuf Kalos është një nga librat më të suksesshëm të këtij viti. Henri Çili, si botues i librit, tha këtë të premte gjatë emisionit “Provokacija” se për “Bllokun” do të hidhen edhe 5 mijë kopje të tjera në treg.

Sipas Çilit, suksesi i librit lidhet me Isuf Kalon, i cili ka qenë mjeku personal i Hoxhës, me Bllokun, kuriozitetin për komunizmin dhe të shkruarit shumë bukur të autorit.  Megjithatë, “Blloku” i Kalos ka pasur shumë polemika dhe kritika. Disa intelektualë dhe personazhe të njohur në vend kanë thënë se ai nuk duhej botuar.

Mirëpo për Henri Çilin, këto polemika dhe sulmet që janë bërë herë pas here mbi autorin dhe botuesin kanë qenë të padrejta.

“Edhe mua më ka befasuar zemërimi i njerëzve dhe shumë miqve dhe kolegëve të afërt dhe e shoh si një indikator të rëndë të intolerancës në të cilën gjendemi akoma pas 30 vjetësh në një shoqëri të lirë. Që ditën e parë qoftë Isufi, qoftë unë si botues kemi pasur sulme edhe në nivele nga njerëz jo pa vlera. Përgjigja e parë dhe jo e vetme ndaj një statusi të Sadik Bejtos në ditët e para, të nesërmen ishte, unë i them “jo botuesit totalitar”. Pak a shumë shoqëria shqiptare duke sharë diktaturën propozon modele të tjera totalitare. Ka deri tek ata që mendojnë se nuk duhej botuar libri. Edhe miq e kolegë tanë si Alfred Lela, apo Fitim Zekthi. Unë jam befasuar nga indeksi i instolerancës që ka shpërthyer në shoqërinë shqiptare. Ky ishte një shkas ose pretekst”, tha Çili.

Sipas Çilit, tashmë vendi e ka mbyllur kapitullin e tranzicionit dhe njerëzit duhet t’i shohin gjërat më gjerë dhe në kuadrin pluralist e të tolerancës.

“Ne duhet t’i shohim gjërat më gjerë, në kuadrin pluralist, në një kuadër tolerance dhe mbi të gjitha në një kuadër që na lejon të bashkëjetojmë në një shoqëri. Libri i Isufit nuk ishte një kat i pamenduar. Të gjitha palët jemi menduar shumë. Unë si botues për ta botuar këtë libër dhe ai për të zgjedhur botuesin se kishte shumë oferta. Kalo ka pozitë dhe të dhëna unike në raport me të kaluarën e tij, ka qenë mjeku i diktatorit shqiptar. Njihet koncepti i librave të mjekëve të diktatorëve gjithandej. Është vepra e famshme, “Këta të sëmurë që na qeverisin”. Unë e zgjodha jo rastësisht këtë libër me shumë entuziazëm për të përmbyllur një kolanë dhe një projekt që ne e kemi nisur në Shtator të vitit 2009 me një libër të Blendi Fevziut “Jeta ime” me intervistat më të veçanta të 15 vjetëve atëherë të “Opinionit””, tha Çilit.

Sipas tij, “Blloku” është një akt emancipimi dhe Kalo do të kishte bërë gabim po mos ta shkruante.

“Libri ka një rëndësi në përmasa historike për kujtesën dhe kulturën tonë historike”, tha Çili./abcnews.al

Sarri-Conte-1280x720.jpg
ent ela17:30 | 15/09/2019

Polemika të forta në Serinë A pas ndeshjeve të javës së tretë. Trajneri i Interit, Antonio Konte, i është përgjigjur deklaratave të teknikut të Juventusit, Mauricio Sarri.

Mund ta quash hipokrizi, ulje kurrizi për shkak të presionit të ambientit.

Mund t’i vësh çfarëdo lloj emri, por edhe në futboll je i detyruar të pajtohesh me “politikën korrekte”, me atë që duan tifozët dhe kërkojnë punëdhënësit prej teje.

Mjafton të dëgjosh dy “kokëfortë” si trajnerët Mauricio Sarri dhe Antonio Konte, njerëz me karakter të fortë, por që detyrohen të përkulen përpara shumicës.

Sarri, njeriu që u bë i famshëm duke akuzuar e shigjetuar Juventusin, sot është në stolin bardhezi, dhe flet ndryshe, sidomos pas barazimit pa gola në fushën e Fiorentinës.

“Sulmet e mia ndaj Juves ishin shfrime nga zemërimi”, – tha ai para ndeshjes në Firence, ndërsa pas saj, u justifikua për barazimin

“Do të kishte qenë e padrejtë ta kishim fituar këtë ndeshje, – u shpreh napolitani, – nuk luajtëm siç duhet dhe duhet të rritemi, por në momentet vendimtare unë nuk kisha mundësi për zëvendësime, për shkak të lojtarëve të dëmtuar. Nuk është e lehtë të luash në Firence në orën 15:00, kur temperatura në fushë shkon mbi 35 gradë”.

Nëse do të kishte qenë trajner i Fiorentinës, do të shprehej me shpoti se “të plotfuqishmit nuk mund të ankohen”.

Këto ishin pak a shumë fjalët e Kontes, si përgjigje ndaj Sarrit.

“Nxehtë? – tha trajneri i Interi në formë pyetjeje, – Sarri le të jetë i qetë pasi tani është në anën e të fortëve”.

Pra, në anën e Juves, ku dikur Konte ishte lojtar e trajner, dhe kurrë nuk pranonte se ekipi i tij ndihmohej.

Duket qartë se duhet karakter i fortë që të sfidosh të fortët deri në fund, ka edhe pasoja, siç ndodhi me Françesko Totin apo Zdenek Zemanin, dy njerëz që fituan shumë pak në karrierë sepse nuk deshën të shkonin tek Juventusi, Milani apo tek të mëdhenjtë e Europës.

Pas javës së 3-të në Serinë A, Interi kryeson me 9 pikë, ndaj 7 të Juves e 6 të Napolit.

Pretendentët për titull duket se do të jenë tre, pasi edhe napolitanët e Karlo Ançelotit duken të fortë. /ABC News Albania 24/7

MBULIM-PAMPURI.mpg_snapshot_00.06-1280x720.jpg
ent ela13:10 | 15/09/2019

Partia Demokratike akuzoi sot kreun e Agjencisë Shtetërore të Kadastrës, Artan Lame se po i përdor punësimet në administratën e institucionit që ai drejton për të emëruar njerëz nga listat e Partisë Socialiste. Ish-deputetja Oriola Pampuri solli në vëmendje disa përgjime të një viti më parë, ku Artan Lame pranonte ndërhyrjet e deputetëve për punësimet.

“Artan Lame tallet me shqiptarët kur flet për punësime me konkurs. Ai është regjistruar, duke pohuar se emërimet janë partiake dhe duke urdhëruar punonjësit të  punojnë në fushatë”, u shpreh Pampuri. Sipas saj, Lame vazhdon të mashtrojë shqiptarët me propagandën e Edi Ramës për punësime me konkurs. Kreu i Agjencisë së Kadastrës njoftoi gjatë kësaj jave hapjen e thirrjeve për punësime në këtë institucion, duke i bërë thirrje politikanëve që të mos ndërhyjnë më për vende pune. /ABC News Albania 24/7

polemika.jpg
ad min17:35 | 01/09/2019

Derbi i Shqipërisë i luajtur të shtunën në Shkodër përveç lojës së fortë, pati edhe incidente.

Tifozëria vendase hodhi shishe në fushë aq sa ndeshja u ndërpre për disa minuta, ndërsa në në përfundim të saj u thyen edhe xhamat e autobusit të Tiranës. Kjo sjellje solli edhe reagimin e trajnerit të Vllaznisë, Mirsad Jonuz.

“Kam një mesazh për tifozët që të mbështesin Vllazninë, por jo të hedhin shishe në fushë, pasi është një problem për ekipin”.

Për klubin shkodran gjithçka erdhi pas gjykimit të Enea Jorgjit.

“Gjatë gjithë ndeshjes, sjellja arrogante e arbitrit ishte provokuese dhe në dëm të garës e rezultatit të saj, rezultat i cili nuk reflektoi atë që u tregua në fushën e blertë. Kjo jo vetëm acaroi futbollistët në fushën e lojës, por krijoi reaksion edhe tek tifozëria në shkallët e stadiumit”.

Një sfidë e fituar 2 – 0 nga Tirana që shkon në kuotën e 7 pikëve në 3 javë, por trajneri Ardian Mema kërkon më shumë gola.

“Nomalisht na pëlqen fitorja prej pikëve, patëm mundësi ta çonim lojën dhe 3 apo 4 – 0. Kjo më bezdisi disi, pasi duhet të luajmë thjeshtë”.

Mirsad Jonuz ka rezerva për gjykimin.

“Nuk prisja humbjen, pasi në pjesën e parë luajtëm shumë mirë dhe jam i sigurtë që na u mohua një penallti. E humbëm lojën me dy gabime, por ky është futbolli”.

Derbi i Shqipërisë u rikthye pas 2 vitesh për shkak se si Tirana dhe Vllaznia luajtën nga një sezon në Kategorinë e Parë./ABC News Albania 24/7

VLLAZNIA-TIRANA-SUPERLIGA.mpg_snapshot_00.39-1280x720.jpg
ent ela11:30 | 01/09/2019

Tirana tregoi pretendimet për titull në Superligë pas fitores 2-0 në fushën e Vllaznisë. Ndeshje me polemika, pasi vendasit kërkuan 11-metërsh, ndërsa pati edhe ndërprerje.

Natyrisht, nuk mund të thuhet kjo për ndeshjet e para.

Tirana nuk pati nevojë për penallti që të mundte Luftëtarin, ndërsa duhej ta kishte marrë një 11-metërsh në ndeshjen ndaj Teutës në mesjavë, që nuk arriti ta fitonte.

Në Shkodër, ndodhi e kundërta, me Vllazninë që pretendoi me të drejtë për të paktën një penallti, por me gjyqtarin Jorgji që nuk e akordoi.

Për fat të keq, pati edhe tension në tribuna mes dy palëve të tifozëve, ndërsa në të kaluarën ka pasur edhe dhunë në një ndeshje të tillë derbi.

Loja u ndërpre dy herë për hedhje shishesh, si dhe për hyrjen e një tifozi në fushë.

Padyshim, vendimi për penalltinë ndikon direkt në rezultat, por nuk mund të thuhet se kryeqytetasit nuk e merituan suksesin në stadiumin “Loro Boriçi”.

Krijoi më shumë lojë dhe raste se shkodranët, duke qenë më e rrezikshme dhe më vertikale në pjesën e parë, dhe më e vendosur pas pushimit.

Shfrytëzoi siç duhet gabimet e vendasve, në të dy golat e shënuar me anë të sulmuesve Grent Halili e Majkëll Ngo.

Kjo ishte një tjetër provë e së vërtetës për skuadrën e trajnerit Ardian Mena, e cila duket se do të jetë pretendente për të fituar titullin e parë pas 11 vjetësh që nuk ia del.

Përse duket kaq ndryshe Tirana sot, në krahasim me vjet?

Padyshim, sepse ka lojtarë më të mirë dhe stol më të fuqishëm, dhe sepse Mema ka kohë që e drejton.

Po ashtu, u la pas ndikimi negativ i një sezoni në Kategorinë e Parë.

Nuk dihet nëse bardheblutë do të kenë ambicie dhe ekuilibër deri në fund, pasi kjo varet nga shumë faktorë, por tifozët e tyre duken me më shumë besim. /ABC News Albania 24/7

 

tirana-teuta.jpg
ad min12:15 | 28/08/2019

Nuk shkoi e qetë ndeshja mes Tiranës dhe Teutës në Superligë. Trajneri vendas, Ardian Mema, pretendoi se ekipit të tij nuk iu dha një gol i rregullt.

Polemikat nuk vonuan të nisnin edhe këtë sezon. Është vetëm java e dytë, por barazimi në “Selman Stërmasi” solli pretendimin e Tiranës se iu mohua një gol ndaj Teutës.

Momenti ishte minuta e 22-të, kur Hoxhallari goditi shtyllën, dhe topi u dyshua se e kaloi vijën fatale. Pamjet e kamerës së Supersportit pas porte, sikur e vërtetojnë këtë gjë.

Kur më pas nuk shënohet asnjëherë, padyshim që ky çast mund të quhet fare mirë përcaktues, dhe nga pala e dëmtuar të ndihet keqardhje, edhe pse gabime të tilla ndodhin.

Këtë theksoi trajneri i Tiranës.

“Shpresoja të fitonim. Duke fituar edhe hapet oreksi, por që futbolli është i tillë, ka fitore, barazime edhe humbje. Jam i kënaqur me lojën e ekipit. Më vjen keq për ato dy shtylla. Njëra mendoj se ka qenë gol, e para sepse e pashë në televizor tani dhe m’u duk si gol”, tha Mema.

Në të vërtetë, kryeqytetasit pretenduar, besohet me të drejtë, edhe për një 11-metërsh, gjithnjë në pjesën e parë, kur Halili u shty në zonë.

Nuk bënë punë dy shtyllat, dhe presioni që vendasit ushtruan thuajse gjatë gjithë kohës, e duket se Mema kërkon kohë që të krijojë ekipin e duhur për të pretenduar maksimumin.

Po Teuta?

Durrsakët u duken disi inferiorë, edhe pse i kufizuan dëmet, duke marrë një barazim të çmuar në fushën e një rivali. Ata patën edhe momentet e tyre, sa për meritë, aq edhe për fat apo dhurata të tiranasve, por gjithashtu nuk mundën të shënonin.

Ç’mendim pati në përfundim trajneri Shkëmbi?

“Rezultat i mirë duke pasur parasysh kundërshtarin. Ne nuk kemi garë me Tiranën, kemi garë me të gjitha skuadrat e kampionatit. Do mundohemi të mbledhim sa më shumë pikë, të bëjmë lojë të bukur”, tha Shkëmbi.

Tirana me pretendime la kështu pikët e para, që mund t’i kushtojnë edhe pse është vetëm fillimi i kampionatit. Në radhë vjen ndeshja në Shkodër, që zgjon kujtimet e dy viteve më parë, kur bardheblutë u rrëzuan nga kategoria.

“Është një nga ditët e zeza të këtij klubi. Nuk është faji i Shkodrës. Ne do shkojmë në Shkodër siç do shkojmë në çdo qytet për ta fituar ndeshjen”, tha Mema.

Ndeshja në “Selman Stërmasi” ishte një maratonë, pasi në pjesën e parë ndodhi defekt në sistemin e ndriçimit, për të cilin u deshën 40 minuta që të rregullohej, madje pjesërisht, dhe ndeshja u luajt me ndriçim jo të plotë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono