Pogradeci

pogradeci-devolli.jpg
Vladimir Prenga14:54 | 07/12/2019

Garë treshe në grupin B. Apolonia ka bërë detyrën ndaj Elbasanit të vendit të fundit, madje ka shpërthyer në 45 minuta dhe ka realizuar shtatë gola. Gjata realizoi dy herë dhe i la radhën Omerit, i cili realizoi më pas tre gola të tjerë. Hyseshahaj dhe Mehmeti realizuan edhe dy herë, ndaj një Elbasani inekzistent në fushën e blertë. Në pjesën e dytë pati “mëshirë”, pasi nuk u shënua asnjë gol tjetër dhe ndeshja u mbyll me rezultatin 7-0 në favor të Apolonisë.

Spektakël edhe në Pogradec, ku u shënuan shtatë gola. Devolli i shënoi tre herë vendasve në 45 minutat e para, me Çelën (dygolësh) dhe Rapon, kurse Hidri shënoi të vetmin gol për liqenorët. Në të dytën ishte Jahaj që me penallti rihapi takimin, kurse Topllari barazoi shifrat. Pura në shtesë i dha fitoren Pogradecit, që ruan kreun e klasifikimit.

Nuk pati fitues në Shënkoll. Aty ku vendasit i shënuan dy herë Lushnjës plot mungesa. Gruda ndëshkoi dy herë skuadrën mike, që reagoi me të zakonshmin Mikel Canka. Sulmuesi ngushtoi shifrat në 2-1, kurse Armando Mezini shmangu humbjen me golin e shënuar gjashtë minuta para përfundimit të kohës së rregullt. /abcnews.al

kastrioti-beselidhja.jpg
Vladimir Prenga08:53 | 07/12/2019

Futbolli rikthehet edhe në Kategorinë e Parë dhe sot nis faza e dytë. Në grupin A Kastrioti ka krijuar një diferencë prej pesë pikësh me Korabin ndjekës, ndërkohë që FSHF ka planifikuar ndeshjet e sotme të gjitha luhen prej orës 13:00.

Gjërat në tre vendet e para mund të ndryshojnë, pasi krutanët luajnë në transfertë me Egnatian. Rrogozhinasit janë në një pikë që i kanë të nevojshme pikët dhe do bëjnë maksimumin t’i marrin ato të plota, në mënyrë që të ngjiten në katërshen e parë.

Ndeshja tjetër e rëndësishme zhvillohet në Peshkopi. Korabi i vendit të dytë pret Besëlidhjen ndjekëse, që shpreson që këtë vit të luftojë për t’u ngjitur në Superiore. Erzeni është skuadra tjetër që do mundohet të përfitojë dhe të afrohet me kreun.

Shijakasit duhet të mundin Veleçikun dhe e kanë detyrim diçka të tillë. Kjo javë është e rëndësishme edhe për garën në fundin e tabelës. Dinamo do mundohet të marrë pikët e plota ndaj Tërbunit, sikurse edhe Burreli që pret Shkumbinin.

Beteja në distancë për kreun e grupit B në Kategorinë e Parë. Pogradeci dhe Apolonia luajnë në shtëpi, kurse Lushnja që humbi vendin e parë do të duhet të përballet me Shënkollin në transfertë. Liqenorët do synojnë fitoren e gjashtë radhazi dhe hakmarrjen ndaj Devollit, që në Bilisht fitoi 3-0 në sfidën e parë të kampionatit.

Apolonia ka një sfidë të lehtë në letër, me Elbasanin e vendit të fundit. Të tria këto sfida do të zhvillohen sot prej orës 13:00. Dy ndeshjet e tjera të javës luhen të dielën. Iliria Turbina luhet e para, ndërkohë që 30 minuta më pas Besa ndeshet me Orikun.

/abcnews.al

Renditja e grupit B në Kategorinë e Parë
pogradeci-apolonia-1280x960.jpg
Vladimir Prenga10:24 | 04/12/2019

Beteja në distancë për kreun e grupit B në Kategorinë e Parë. Pogradeci dhe Apolonia luajnë në shtëpi, kurse Lushnja që humbi vendin e parë do të duhet të përballet me Shënkollin në transfertë. Liqenorët do synojnë fitoren e gjashtë radhazi dhe hakmarrjen ndaj Devollit, që në Bilisht fitoi 3-0 në sfidën e parë të kampionatit.

Apolonia ka një sfidë të lehtë në letër, me Elbasanin e vendit të fundit. Të tria këto sfida do të zhvillohen të shtunën, prej orës 13:00. Dy ndeshjet e tjera të javës luhen të dielën. Iliria Turbina luhet e para, ndërkohë që 30 minuta më pas Besa ndeshet me Orikun.

GRUPI B
E shtunë, më 7 dhjetor, ora 13:00

Pogradeci-Devolli
Apolonia-Elbasani
Shënkolli-Lushnja

E diel, më 8 dhjetor, ora 13:00
Iliria-Turbina

E diel, më 8 dhjetor, ora 13:30
Besa-Oriku

/abcnews.al

Renditja e grupit B në Kategorinë e Parë
besa-Devolli.png
Vladimir Prenga15:06 | 23/11/2019

Pogradeci ka marrë vendin e parë në grupin B, pasi ia doli sot të triumfonte në transfertë me ekipin e Turbinës. Liqenorët morën fitoren e pestë radhazi dhe vendimtar në Cërrik ishte veterani Jahaj, i cili nga pika e bardhë e 11-metërshit nuk gaboi.

Sigurisht pogradecarët shfrytëzuan humbjen që Lushnja pësoi në Fushë-Krujë me Ilirinë. Alushi në fundin e pjesës së parë shënoi në portën e tij, kurse më pas ishte Haxhiu që realizoi golin e dytë dhe vendasit morën tre pikë shumë të vlefshme për objektivin sezonal.

Fitore edhe për Apoloninë, që tashmë ka vetëm një pikë më pak se Lushnja. Fierakët kaluan me sukses Orikun, madje duke u shënuar tre gola. Mihana, Omeri dhe Mehmeti ishin ata që ndëshkuan vlonjatët. Me të njëjtin rezultat fitoi edhe Besa.

Kavajasit likuiduan Devollin, që kishte emëruar Fetollarin si trajner. Cara dhe më pas Onuh me dy golat e tij bënë që skuadra nga Bilishti të dilte nga fusha me kokën poshtë. I vetmi takim që u mbyll në barazim ishte ai mes Shënkollit dhe Elbasanit, që përfundoi 1-1.

KATEGORIA E PARË – JAVA 9
E shtunë, më 23 nëntor, ora 13:00

GRUPI B
Turbina-Pogradeci 0-1
Shënues: Jahaj 79′ (pen.)
Iliria-Lushnja 2-0
Shënues:
Alushi 43′ (aut.), Haxhiu 56′
Shënkolli-Elbasani 1-1
Shënues:
Gruda 31′ / Balla 70′
Apolonia-Oriku 3-0
Shënues:
Mihana 41′, Omeri 54′, Mehmeti 70′
Besa-Devolli 3-0
Shënues:
Cara 29′, Onuh 48′, 61′

/abcnews.al

Renditja e grupit B nk Kategorinë e Parë
abazaj-1.jpg
Vladimir Prenga13:09 | 17/11/2019

Pogradeci po kalon një moment të mirë. Liqenorët në pesë ndeshjet e fundit kanë marrë 13 pikë, duke regjistruar katër radhazi në ndeshjet e fundit. Tashmë ata renditen në vendin e dytë, me dy pikë më pak se Lushnja kryesuese. Trajneri Ardjan Abazaj, i rikthyer te Pogradeci, ka dhënë një intervistë për “Albeu.com” dhe fillimisht tregon pse u rikthye.

“Dëshira për të kontribuar për qytetin tim dhe për ta ngritur këtë ekip atje ku i takon ishte arsyeja e rikthimit tim te Pogradeci”, është shprehur fillimisht Abazaj,  i cili i druhet vetëm euforisë në vazhdim. “Nuk i trembemi askujt, përveç euforisë së momentit”, shton trajneri i Pogradecit.

Sigurisht, për një ecuri të mirë duhet edhe përkrahje: “Mbështetja e Bashkisë ndaj këtij ekipi ka qenë maksimale, si në anën financiare, ashtu edhe për kushtet e ofruara për stërvitje”. Nëse Pogradeci do të futet në merkato, duhet pritur janari: “Të shohim vazhdimësinë në këto ndeshjet e mbetura dhe do ulemi të flasim me presidentin për ecurinë”.

Kur pyetet për objektivin Superiore, Abazaj thotë: “Po i marrim ndeshjet një nga një, duke i bërë vlerësimin që i takon ndeshjes së radhës”. Sa i takon një moduli të preferuar, trajneri i liqenorëve shmanget. “Për punën e sistemit të lojës është më mirë të mos flas, pasi e ndryshoj në varësi të kundërshtarit, si brenda dhe jashtë fushe”.

Turbina është rivali i radhës për Pogradecin dhe Abazaj thotë: “Për ne është një ndeshje e radhës dhe do bëjmë më të mirën për të marrë një rezultat pozitiv”. Si çdo trajner, apo futbollit, Abazaj ka një ëndërr: të drejtojë Tiranën, klub ku ka luajtur vetë dhe tashmë bën pjesë edhe djali i tij, Marini.

“Favoriti për titullin kampion? Tirana, për një arsye. Kam veshur për një sezon atë bluzë dhe dëshira time është që një ditë ta drejtoj atë ekip”, përfundon Abazaj, i cili pret nga mbështetje nga tifozët e Pogradecit që ekipi i tyre të luftojë deri në fund për rikthimin në elitë. /abcnews.al

 

elbasani-iliria.jpg
Vladimir Prenga14:56 | 09/11/2019

Lushnja ka bërë autokritikë pas humbjes në shtëpi me Pogradecin. Verdhejeshilët nxorën duarbosh nga “Roza Haxhiu” Turbinën. Dy gola të shpejtë të Gjylës dhe Cankës e çuan ekipin kryesues të qetë në dhomat e zhveshjes. Roshi për Turbinën ngushtoi shifrat, por Sulkja i shoi shpresat e cërrikasve për të marrë pikë në këtë ndeshje.

Pogradeci vijon ecurinë pozitive, teksa këtë herë ka mposhtur me rezultatin 3-1 Besën. Topllari,. Alillari dhe Shyti kanë bërë që verdhezinjtë të kapitullojnë për 46 minuta. Cara shënoi një gol sa për statistika për ekipin kavajas.

Apolonia është ngjitur në vendin e tretë, pasi fitoi në transfertën e vështirë me Devollin. Hysenshahaj kaloi shumë shpejt në epërsi fierakët, ndërkohë që në fund ishte Andoni që dyfishoi. Devolli u hodh në sulm në pjesën e dytë, por shënoi vetëm një herë me brazilianin Da Motta.

Elbasani ka marrë fitoren e parë sot, madje me përmbysje kundër Ilirisë. Haxhiu shënoi për fushë-krujasit shumë shpejt, por  Dushaj baraspeshoi shifrat. Hyshmeri me penallti realizoi golin e epërsisë dhe Nuri më pas vulosi shifrat në 3-1.

E vetmja ndeshje që përfundoi në barazim ishte Oriku-Shënkolli. Vlonjatët shënuan të parë me të zakonshmin Arbër Dhrami, por e pësuan në shtesë, kur ekipi lehjan realizoi me Kuye dhe mori një pikë të vlefshme.

KATEGORIA E PARË – JAVA 8

Grupi B
E shtunë, më 9 nëntor, ora 13:00

Devolli-Apolonia 1-2
Shënues:
Da Mota 66′ / Hysenshahaj 3′, Andoni 44′
Oriku-Shënkolli 1-1
Shënues: Dhrami 71′ / Kuye 92′
Elbasani-Iliria 3-1
Shënues:
Dushaj 21′, Hyshmeri 66′ (pen.) , Nuri 71’/ Haxhiu 8′
Lushnja-Turbina 3-1
Shënues:
Gjyla 9′, Canka 28′, Sulkja 76′ / Roshi 63′
Pogradeci-Besa 3-1
Shënues
: Topllari 16′, Alillari 44′, Shyti 46′ / Cara 61′

/abcnews.al

Renditja e grupit B në Kategorinë e Parë
egnatia-korabi.jpg
Vladimir Prenga13:56 | 09/11/2019

Kategoria e Parë luan javën e tetë dhe momentalisht janë mbyllur pjesët e para në nëntë sfida. Në grupin A janë zhbllokuar dy takime, teksa Besëlidhja sheh nga kreu pasi i ka realizuar dy gola Dinamos së vendit të fundit. Në Rrogozhinë braziliani Da Costa ka ndëshkuar Korabin, që kryeson kampionatin për momentin.

Në grupin B Lushnja ka reaguar, duke shënuar dy herë në 45 minuta kundër Turbinës. Pogradeci ndaj Besës gjithashtu po paraqitet mirë dhe është në epërsi të dyfishtë. Elbasani e pa veten në disavantazh, por ka barazuar me Ilirinë. Apolonia është duke marrë një fitore me vlera në Bilisht, ku ka shënuar dy herë ndaj Devollit.

KATEGORIA E PARË – JAVA 8

Grupi A
E shtunë, më 9 nëntor, ora 13:00

Besëlidhja-Dinamo 2-0
Shënues:
Sheta 22′, Dordevic 41′
Veleçiku-Burreli 0-0
Tërbuni-Shkumbini 0-0
Egnatia-Korabi 1-0
Shënues:
Da Costa 3′

E diel, më 10 nëntor, ora 13:00
Kastrioti-Erzeni

Grupi B
E shtunë, më 9 nëntor, ora 13:00

Devolli-Apolonia 0-2
Shënues:
Hysenshahaj 3′, Andoni 44′
Oriku-Shënkolli 0-0
Elbasani-Iliria 1-1
Shënues:
Dushaj 21′ / Haxhiu 8′
Lushnja-Turbina 2-0
Shënues:
Gjyla 9′, Canka 28′
Pogradeci-Besa 2-0
Shënues
: Topllari 16′, Alillari 44′

E diel, më 10 nëntor, ora 13:00
Kastrioti-Erzeni

/abcnews.al

terbuni-egnatia.jpg
Vladimir Prenga14:54 | 02/11/2019

Gëzojnë Tërbuni e Pogradeci, që fituan respektivisht ndaj Egnatias dhe Lushnjës.  Pukjanët u rikthyen te triumfi, madje ndaj një kundërshtari si Egnatia që ishte ndërtuar për të luftuar për vendet e sipërme të tabelës. Rrogozhinasit nuk ia kanë dalë të reagojnë as pas emërimit të Artan Banos si trajner.

Tërbuni ia doli të shënonte shumë shpejt, teksa ishte Aldo Selenica ai që realizoi. Goli i lojtarit të dalë nga Tirana mbetur në fuqi në 45 minutat e para, ndërkohë që me nisjen e të dytës sulmuesi Rigers Dushku dyfishoi shifrat. Egnatia reagoi, duke shënuar me Samet Gjokën. Gjithsesi Hyseni shumë shpejt realizoi edhe golin e tretë për Tërbunin. Në minutat shtesë Jaupaj ngushtoi shifrat për Egnatian, që nuk e shmangu dot humbjen e skuadrës së tij.

Lushnja, kryesuese e grupit B, u mposht 0-1 në shtëpi nga Pogradeci. Liqenorët e treguan që në fillim se kishin shkuar për pikë në “Roza Haxhiu”, teksa Topllari realizoi në minutat e para. Gjithsesi anësori sinjalizoi për pozicion jashtë loje.

Në fundin e pjesës së parë erdhi edhe goli që vendosi fatet e ndeshjes, teksa Alillari me një gjuajtje brenda zonës ndëshkoi portierin e Lushnjës, që u detyrua ta nxirrte topin nga rrjeta. Verdhejeshilët u përpoqën të barazojnë, por nuk ia dalin, madje humbin edhe Brahimajn për ndeshjen e radhës, pasi mbrojtësi u ndëshkua me karton të kuq. Skuadra e Gjylës pësoi humbjen e dytë dhe sheh t’i afrohet Pogradeci me dy pikë.

KATEGORIA E PARË – JAVA 7
E shtunë, më 2 nëntor, ora 13:00
Tërbuni-Egnatia 3-2
Shënues:
Selenica 6′, Dushku 58′, Hyseni 71′ / Gjoka 69′. Jaupaj 94′

Lushnja-Pogradeci 0-1
Shënues:
Alillari 45′

/abcnews.al

pogradeci-apolonia-1280x960.jpg
Vladimir Prenga14:53 | 26/10/2019

Pogradeci dhe Apolonia u përballën mes tyre në sfidën hapëse të javës së pestë të Kategorisë së Parë. Liqenorët triumfuan me rezultatin e ngushtë 2-1 dhe morën pikët e plota. Skuadra e drejtuar nga Ardjan Abazaj, pas kësaj fitoreje ka shkuar në kuotën e 10 pikëve, po aq sa fierakët e Artan Mërgjyshit.

Pogradeci arriti ta zhbllokonte ndeshjen shpejt me anë të mesfushorit me tipare sulmuese, Jurgersi Liçkollari. Ai përparoi drejt zonës dhe me një goditje të fortë e mposhti portierin Harizaj, i cili e pa topin të përplasej në shtyllë dhe më pas të përfundonte në rrjetë.

Apolonia u mundua të shënonte golin e barazimit, kurse liqenorët përpiqeshin të realizonin golin e qetësisë. Në 45minutat e para nuk u shënua më. Në të dytën trajneri Mërgjyshi bëri disa ndryshime dhe goli i barazimit erdhi në të 78′, kur sulmuesi Redon Mihana mposhti portierin Dramolli. Gjithsesi në fund Pogradeci rigjeti sërish epërsinë, me Jahajn që shënoi nga pika e bardhë e 11-metërshit dhe i dha fitores skuadrës vendase.

KATEGORIA E PARË – JAVA 6
E shtunë, më 26 tetor, ora 14:00
Pogradeci-Apolonia 2-1
Shënues:
Liçkollari 18′, Jahaj 89′ (pen.)/ Mihana 78′

Pogradeci: Dramolli, Pere, Pura, Berberi, Hidri, Kasa, Jahaj, Topllari, Alillari (Alillari 80′), Liçkollari (Maxhari 90′), Shkulaku (Osmanllari 80′). Trajner: Ardjan Abazaj

Apolonia: Harizaj, Duda, Sota, Andoni, Omeri (Prifti 74′), Hysenshahaj (Mehmeti 60′), Smaçi, Zoga, Mihana, Gjata (Kumani 67′), Branica. Trajner: Artan Mërgjyshi

Kartonë të verdhë: Topllari 45′, Pura 57′ / Zoga 87′

/abcnews.al

Elb.jpeg
Igli Nikolli16:06 | 20/10/2019

Humbja e katërt rresht për Elbasanin. Verdheblutë u mposhtën në shtëpi nga Pogradeci me rezultatin 2-3. Artion Alillari ishte heroi i miqve me tregolëshin e shënuar. 24-vjeçari tundi tre herë rrjetën e Elbasanit brenda 35 minutave.

Pjesa e parë u mbyll 0-3 dhe Pogradeci e uli ritmin në 45 minutat e dyta. Klodian Nuri shkurtoi diferencën në minutën e 76-të dhe vendasit morën zemër. Elbasani fitoi një penallti shtatë minuta më vonë. Balla nuk gaboi dhe ndeshja u hap.

Gjithsesi, liqenorët arritën të ruajnë avantazhin dhe të fitojnë gjithë takimin. Triumfi në transfertë e ngjit Pogradecin në vend të shtatë me po aq pikë në Grupin B të Kategorisë së Parë, ndërsa Elbasani mbetet i parafundit me vetëm 3 pikë. /abcnews.al

Elbasani – Pogradeci 2-3
(Nuri 76′, Balla (pen) 83′ / Alillari (pen) 9′, 27′, 44′)

Renditja e Grupit B në Kategorinë e Parë


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono