Pogradec

vjedhje-1.jpg
ger ta14:11 | 18/02/2020

Policia e Pogradecit ka arretsuiar një 19-vjeçar,  i akuzuar si autor i disa vjedhjeve në këtë qytet. Blutë bëjnë me dije se në pranga ka rënë A. Sh., 19 vjeç, banues në Pogradec (i dënuar më parë për “Vjedhje”).

Arrestimi i tij është bërë, pasi 19-vjeçari është autor i 5 vjedjeve të zbardhurra nga policia.

Njoftimi i policisë:

Zbulohen dhe dokumentohen 5 vjedhje banesash të ndodhura katër muajt e fundit.

Policia arreston në flagrancë autorin e dyshuar të tyre, me precedent të mëparshëm penal në fushën e vjedhjes së pasurisë.

Sekuestrohen në cilësinë e provës materiale sende të vjedhura.

Shërbimet e Komisariatit të Policisë Pogradec, në vijim të punës për zbardhjen dhe dokumentimin me prova ligjore të disa ngjarjeve të ndodhura katër muajt e fundit në qytetin e Pogradecit dhe në afërsi të tij, ku në banesa vidheshin pajisje dhe mjete të ndryshme, bënë arrestimin në flagrancë të shtetasit:

  • A. Sh., 19 vjeç, banues në Pogradec (i dënuar më parë për “Vjedhje”).

Arrestimi i këtij shtetasi u bë pasi, nga veprimet hetimore të kryera si edhe provat e grumbulluara rezulton se 19-vjeçari, është autor i dyshuar i ngjarjeve të mëposhtme:

Më datë 17.02.2020, në lagjen nr. 1, në banesën e shtetasit K. D., shtetasi A. Sh., ka vjedhur mjete të ndryshme pune e pajisje hidraulike, të cilat iu gjetën e sekuestruan në cilësinë e provës materiale. Po në këtë datë, ky shtetas ka tentuar të vjedhë edhe në banesën fqinje në pronësi të shtetasit G. L.

Më datë 18.01.2020, në lagjen nr. 1, në banesën e shtetasit A. D., është vjedhur një motorcikletë e markës “Honda” pa targa, si edhe pajisje elektroshtëpiake.

Më datë 05.12.2019, në lagjen nr. 1, në lokalin e shtetasit M. K., janë vjedhur pajisje hidraulike.

Më datë 19.11.2019, në fshatin Vërdovë, në banesën e shtetasit O. Xh., është vjedhur 1 televizor plazma.

Materialet në ngarkim të tij i kaluan Prokurorisë pranë Gjykatës së Shkallës së Parë Pogradec për veprën penale “Vjedhja, kryer më shumë se një herë”.

/abcnews.al

pograeec.jpg
Autor E10:26 | 11/02/2020

Një makinë luksoze tip “BMW X6” u dogj natën e 31 korrikut në Pogradec. Policia zbuloi zjarrvënësin duke e ndaluar, ndërsa materialet i kaluan prokurorisë për vijimin e hetimit. Si përfundim, prokuroria zbardhi ngjarjen dhe e dërgoi çështjen në gjykatë duke patur si të dyshuar kryesor një 33 vjeçar me inicialet M.T.

Ccështja kaloi në gjyq, por kur u duk se pronari i mjetit do të gjente drejtësi, jëtu filluan problemet e tjera, shkruan abcnews.al.

Policia arrestoi dje një 40 vjeçar, të afërmin e zjarrvënësit të makinës pasi kishte kërcënuar pronarin e automjetit të djegur që të mos dëshmonte në gjykatë kundër të afërmit të tyre.

Krahas kësaj, policia ka shpallur në kërkim edhe tre persona të tjerë me të njëjtën akuzë.

Njoftimi i policisë

Pogradec

Specialistët për Hetimin e Krimeve në Komisariatin e Policisë Pogradec, bënë arrestimin në flagrancë të shtetasit:

Xh. T., 40 vjeç, banues në fshatin Buçimas, Pogradec.

Si edhe u bë shpallja në kërkim e shtetasve I. B., 52 vjeç, F. B., 19 vjeç, M. B., 34 vjeç, banues në Pogradec.

Shtetasit e mësipërm në bashkëpunim me njëri-tjetrin, në lagjen nr.3, përpara Gjykatës së Shkallës së Parë Pogradec, dyshohet se kanë kanosur shtetasin J. M., 47 vjeç, banues në fshatin Buçimas, me qëllimin që ky i fundit të mos dëshmonte në seancën gjyqësore zhvilluar për familjarin e tyre shtetasin M. T., 33 vjeç (i ndaluar si autor i dyshuar për ngjarjen e ndodhur në datën 31.07.2019, ku në lagjen nr. 1, Pogradec, u dogj mjeti tip “BMW X6” në pronësi të
47-vjeçarit J. M).

Gjithashtu këta shtetas kanë kundërshtuar punonjësin e policisë së rendit me shërbim në Gjykatë dhe punonjësit e shërbimit të I.E.V.P-Drenovë, gjatë kryerjes së detyrës.

Materialet i kaluan Prokurorisë pranë Gjykatës së Shkallës së Parë Pogradec për veprat penale “Kanosja për të mos kallëzuar”, “Kundërshtimi i punonjësit të policisë së rendit publik”, “Kundërshtimi i punonjësit që kryen një detyrë shtetërore ose një shërbim publik”, “Prishja e qetësisë publike” kryer në bashkëpunim.

aksident-3-590x354-1.jpg
nev ila20:17 | 28/01/2020

Tre persona janë plagosur mbrëmjen e kësaj të marte në Pogradec si pasojë e një aksidenti rrugor.

Informacionet bëjnë me dije se ngjarja ka ndodhur në vendin e quajtur tuneli Panoramik në Pogradec, ku si pasojë e përplasjes së dy makinave janë plagosur tre persona mes tyre një punonjës policie.

Fatmirësisht si pasojë e aksidentit të lënduarit ndodhen jashtë rrezikut për jetën.

Njoftimi i policise: 

Më datë 28.01.2020, ora 19:30, në dalje të “Tunelit Panoramik”, ka ndodhur një aksident ku mjeti tip “Ford” me drejtues shtetasin I.R., rreth 60 vjeç, banues në Pogradec, ka përplasur një mjet tip furgon, i cili ishte ndaluar për kontroll nga shërbimet e Policisë Rrugore.

Për pasojë janë dëmtuar drejtuesi i mjetit tip “Ford” shtetasi I. R., pasagjeri i këtij mjeti shtetasi L. R., 55 vjeç, banues në Pogradec, si edhe punonjësi i Policisë Rrugore A. I., të cilët ndodhen në Spitalin e Pogradecit, aktualisht jashtë rrezikut për jetën.

Grupi hetimor po punon për zbardhjen e rrethanave të ngjarjes dhe përcaktimin e shkaqeve të aksidentit. /abcnews.al

aksidenti-pogradec-3.jpeg
nev ila20:54 | 20/01/2020

Një aksident ka ndodhur mbrëmjen e sotme në qytetin e Pogradecit. Aksidenti ka ndodhur në vendin e quajtur “tuneli panoramik” në hyrje të qytetit.

Mësohet se nga përplasja kokë më kokë e 2 automjeteve tip mercedes-benz, kanë mbetur të plagosur 6 persona.

Burime nga bluzat e bardha, thonë për ABC News, se të plagosurit janë në gjendje të rëndë për jetën.

Ata kanë marrë dëmtime të shumta në trup, dhe 3 prej të plagosurve ndodhen në reanimacion.

Policia po punon për sqarimin, dhe rrethanat që kanë shkaktuar këtë aksident të rëndë./abcnews.al

aksident-pogradec.jpeg
nev ila17:48 | 12/01/2020

Një Aksident ka ndodhur  ne dalje te qytetit te Pogradecit ku për pasojë janë  plagosur dy persona.

Si pasojë e kësaj përplajse janë plagosur drejtuesi i njërit prej automjeteve dhe një pasagjer.

Ndërkohë policia ka mbërritur në vendin e ngjarjes, dhe po punon për shkaqet e aksidentit, ndërsa të plagosurit, menjëherë janë nisur drejt spitait të Pogradecit, dhe ndodhen jashte rrezikut per jeten./abcnews.al

aksidenti-pogradec.jpeg
nev ila21:25 | 10/01/2020

Një aksident ka ndodhur në Pogradec në vendin e quajtur Qafë Plloçë. Për pasojë është plagosur një 55 vjeçar.

55 vjeçari është përplasur nga një automjet ndërsa po tentonte të kalonte rrugën.

Nga të dhënat paraprake njoftohet se i plagosuri është transportuar me urgjencë në spital dhe ndodhet në gjendje të rëndë për jetën.

Nuk bëhet me dije identiteti i të plagosurit ndërsa policia ka mbërritur në vendngjarje dhe po punon për të zbardhur rrethanat e aksidentit.

Ndërkohë policia ka dhënë informacionin paraprak për këtë aksident:

“Pogradec/Informacion paraprak

Më datë 10.01.2020,​ në aksin rrugor Korçë-Pogradec, në fshatin Plloçë, shtetasi R. S., 41 vjeç, banues në Gështenjas, duke drejtuar mjetin tip “Benz”, ka aksidentuar shtetasin Sh. R., rreth 55 vjeç, banues në Gështenjas, këmbësor në rrugë, i cili u dërgua në Spitalin e Pogradecit ku ndodhet në gjendje të rëndë shëndetësore.

Drejtuesi i mjetit, është shoqëruar në ambjentet e Komisariatit për veprime të mëtejshme.

Grupi hetimor në vendngjarje, po punon për zbardhjen e shkaqeve të aksidentit“./abcnews.al

ori.jpg
in a14:10 | 06/01/2020

Kanë kaluar 10 ditë nga djegia e 12 apartamenteve në Pogradec dhe autoritetet nuk kanë marrë asnjë masë për banorët që kanë mbetur rrugëve.

Madje as mbetjet që la zjarri nuk janë pastruar. Gazetarja Ledjona Xheladinaj bisedoi me një çift të moshuarish, të cilët bëjnë apel për ndihmë, pasi ata nuk kanë më as strehë e as para që të paguajnë qiranë.

Si këta të moshuar që prej 28 dhjetorit të vitit të shkuar pa shtëpi kanë mbetur dhe 5 familje. Ndërsa janë shkrumbuar dhe 6 apartamente të tjera që ishin dhënë me qira. Po ndryshe nga të tjerët Lena dhe Leferi jetoni vetëm dhe në moshë të thyer po përballen me vështirësi të shumta. Qiranë e banesës ku po jetojnë tani me kushte aspak të favorëshme nuk kanë mundësi ta paguajnë dhe për shumë kohë.

 “Jemi pa zjarr, nuk kemi ngrohje”, thotë familarja.

Ndërsa Lefteri thotë se qiraja është e papërballueshme.

Është e trishtë të shohësh këta dy të moshuar vijnë çdo ditë dhe kalojnë kohën në këtë pallat ku s’ka mbetur më asgjë. E nuk kanë faj që lotojnë se nuk ndahen dot lehtë më të kaluarën dhe shpresojnë se dikush do vijë të sistemojë pallatin e tyre.

“Vijmë çdo ditë këtu shohim se mos vjen ndonjë punëtor dhe e pastron”, thotë 57-vjeçari.

Kemi jetuar 57 vjeç, kemi ndërtuar çdo gjë me sakrifica shprehen ata.

Mes lotësh ata rrefejnë se nuk iu ka mbetur asnjë kujtim.

Mbi gjithçka 77 vjeçarja është shumë e ngarkuar psikologjikisht dhe pas një beteje me tumorin dhe disa sëmundje djegia e banesës për të ishte e tepërt.

“E kam humbur, edhe kur takoj njerëzit dua të qaj, jam e sëmurë”, thotë ajo.

Është rrëngjethëses kur mëson se 85 vjeçari kishte mbledhur para për varrimin që mos rëndonte familjarët, por dhe ato u dogjën.

“Edhe paratë që kishim ruajtur për varrimin u dogjën”, thotë 85-vjeçari.

I vetmi apel që ata bëjnë është të ndërtohet banesa e tyre se nuk kanë ku shkojnë eshtë e pamundur ta ndërtojnë me të ardhurat e tyre sepse edhe ato që kishin mundur ti siguronin janë shkrumbuar nga flakët.

 “Jemi në qiell të hapur, shteti të na ndihmojë sa më parë. Na u dogjën, as cantën me lekë se mora dot, e rrobat si mora dot mi dha bota, shteti të verë dorën në zemër”, thotë ai.

Grupi i xhirrimit i “ABC News” i cili ishte në banesë vëreu se mbeturinat dhe hiri nuk janë lëvizur fare edhe pse kanë kaluar 10 ditë.

Ndërkohë bashkia ka theksuar se do të përshpëjtohen proceduarat për të dëmshpërblyer këta banorë dhe se 50% e dëmit do mbulohet nga Bashkia ndërsa 50 % do të dëmshpërblehet nga drejtoria e emergjencave civile”.

Zgjidhja për këtë çift të moshuarish dhe 5 familje të tjera duhet të përshpejtohet pasi dimri ka nisur dhe vështirësitë po ju shtohen dita ditës./abcnews.al

 

pallatet-pogradec.jpg
nev ila19:01 | 29/12/2019

Kamera e ABC News hyri në pallatin 5-katësh në Pogradec, që një ditë më parë u shkrumbua nga flakwt e zjarrit. Në pallat ende nuk është shuar tymi. Cdo gjë brenda është shkrumbuar totalisht. Banorët thonë se fatkeqësia mund të ishte më e vogël, nëse shërbimi zjarrfikës do të ishte më i organizuar.

Zjarri që përfshiu të shtuënën pallatin në Pogradec nuk ka lënë asnjë send të pashkrumbuar. Edhe pasi kanë kaluar 24 orë nga momenti i përfshirjes në flakë, tymi është ende prezent.

Kamera e ABC News u fut në pallatin 5-katësh ku u shkrumbuan totalisht 12 apartamente.

Zjarri nuk ka kyrsyer asgjë, veçse këto dy lule të vendosura në dritaren e njërit prej apartamenteve, si shenjë që aty ka pasur jetë.

Muret dhe mobiliet e banesave janë e shkrumbuara.

Frika dhe tymi nuk ka zmbrapsur banorët të rikthehen në atë që ishte streha e dyte deri të shtunën. Ata janë të tronditur nga çfarë shohin.

Banorët nuk do të mund të marrin asgjë prej asaj që ka qenë e tyrja në këtë pallat.

Për të përballuar këtë emergjencë, zjarrfikësit nuk kanë qenë të përgatitur, as me elelemin bazë që është uji.

Banorët dhe të afërmit e tyre thonë se fatkeqësia e tyre mund të ishte më e vogël nëse forcat zjarrfikese do të ishin të organizuara dhe mjetet të kontrolluara më parë.

Siç duket çdo gjë ka qenë kaotike në momentin që janë lajmëruar për një emergjencë.

“Zjarrfikëset nuk kishin ujë. Të gjitha zjarrfikëset që erdhën nga rrethet nuk kishin ujë”, tha një prej banorëve.

Hapi i radhës nga autoritet është kryerja e vlerësimit të këtij objekti.  Dëme janë të dukshme dhe të mëdha, siç thotë edhe Avni Myrte, specialist i emergjencave ne bashkine e Pogradecit.

“Është duke u punuar për evidentimin e dëmeve që janë shkaktuar në këtë pallat. Vendimi i qeverisë parashikon që vetëm 50 %  e dëmit dëmshpërblehet ndërsa 50 % nga vetë i dëmtuari”, tha Myrte.

Zyrtari i Bashkisë tregoi edhe si do të veprohet me dëmshpërblimin e familjeve të këtij pallati./abcnews.al

banore-ok.jpg
R D23:24 | 28/12/2019

Një zjarr i përmasave të mëdha ka rënë në katin e pestë të një pallati në lagjen 2 në Pogradec. Prej më shumë se 3 orësh flakët të ndihmuara dhe nga era nuk janë vënë dot në kontroll nga zjarrfikësit. Për pasojë ato janë përhapur dhe në apartamentet e tjera.

“Na vjen policia dilni jashtë, dilni jashtë! Zjarrfikësit erdhen kur zjarri kishte përvëluar. S’kishin ujë, vinte njëra ikte tjera”, shprehet banorët e pallatit që u dogj.

Gjashtë nga apartamentet janë djegur plotësisht. Dyshohet se shkak është bërë shpërthimi i një bombule gazi. Banorët kanë dalë jashtë në kohë dhe nuk kanë pësuar dëme. Vetëm një prej tyre prej gjendje së ankthit është shoqëruar në spital. Po kështu dhe një zjarrfikës është lënduar dhe po merr mjekim në spital. Ndërsa janë shkrumbuar shumë pajise. Mësohet se Bashkia e Pogradecit ka ofruar strehim për 6 familjet që kanë mbetur pa strëhe por nuk kanë pranuar. Ata kanë vendosur të strehohen tek të afërmit e tyre. /abcnews.al

11-zjarr.jpg
ger ta14:45 | 28/12/2019

Zjarri në Pogradec, panik te banorët, lëndohet një zjarrfikës

Një zjarrfikës ka mbetur i lënduar në tentativë për të shuar flakët që përfshinë pallatin 5-katësh në Pogradec.

Burime nga policia për abcneës.al bëjnë me dije se zjarrfikësi është lënduar si pasojë e shkëputjes së tullave nga pallati i shkrumbuar. Zjarrfikësi ka marrë dëmtim të lehtë pasi ka qenë i mbrojtur me veshje.

Ndërkohë, po ashtu paniku dhe tmerri tek banorët ka shkaktuar edhe gjendje të fikëti. Sipas unifoemave blu një grua rreth 45 vjeç është dërguar në spital për ndihmë shëndetësore pasi ka pesuar gjendje të fikëti, ndërsa fatmirësisht nuk ka rrezik për jetën.

Pallati u përfshi nga flakët këtë mesditë, ndërsa nga hetimet paraprake dyshohet shkak është bërë një bombël gazi. Flakët kanë shkrumbuar katin e fundit të pallatit ndërsa është bërë e mundur evakuimi i banorëve./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono