pluhur

fundjava.jpg
G. P.14:36 | 13/06/2018

Qytetarët shkodranë po bëjnë pazar në rrugë, pa asnjë garanci për konsumatorin. Kjo për shkak se tregu kryesor i fruta-perimeve është duke u rikonstruktuar.  

Pak metra larg koshave të plehrave shitet bylmeti. Trotuari është pushtuar nga tregtarët. Kurse në anën tjetër, Bashkia e Shkodrës ka nisur rikonstrukcionin e tregut kryesor të fruta-perimeve, siç njihet Markata e Rusit.

Dalja nga tregu për ta ka ndikuar negativisht. Shitjet kanë rënë. Ka nga ata që nuk guxojnë të blejnë në rrugë për shkak se nuk ka siguri për cilësinë e produktit. Megjithatë të shumtët janë të detyruar të bëjnë pazar në të tilla kushte.

Temperaturat janë të larta dhe nuk ka asnjë kusht higjenik. Konsumatorët janë të rrezikuar, por deri kur të përfundojë tregu nuk kanë zgjidhje tjetër. Thuhet se Markata e Rusit do te hapet në fund të Qershorit.

Në temperatura të larta, në mes pluhurit të rrugës, pa asnjë kusht higjenik dhe pa as më të voglen siguri për konsumatorin, tregu kryesor i Shkodrës i produkteve ushqimore tashmë pret përfundimin e investimit, i cili duhet të përfundojë në fund të Qershorit./abcnews.al

TRAFIKU-NE-FUSH-KRUJE-1280x720.jpg
ent ela12:50 | 23/04/2018

Në qytetin e Fushë Krujës ndodh ajo që në pak qytete ndodh. Trafiku është një çmenduri dhe vendin kryesor të mjeteve e zënë kamionët. Rrugët janë të ngushta dhe një unazë e qytetit që nisi të ndërtohet vite më parë ka mbetur përgjysmë.

Makina e policisë ka përfunduar në karrotrec. Patrulla të tjera për të disiplinuar trafikun këtu në Fushë Krujë nuk ka.

“Nisem në darkë, këtu lu mendsh, ti thu si jetoni këtu”

Është ndoshta qyteti më kaotik në vend.

Kamione të rëndë janë ata që kanë pushtetin në rrugët e ngushta të Fushë Krujës.

“Trafiku është skandaloz për makinat trajlerat që kalojnë mes qytetit”.

“Trajlerat nuk duhet të kalojnë mes qytetit”.

Të tjerët janë detyruar të kalojnë pas tyre, ose të kujdesen mos pësojnë ndonjë dëm. Banorët thonë se nuk mbajnë mend që kur Fushë Kruja funksionon si një Pazar i madh i pisët. Drejtuesit parkojnë ku të munden, kurse këmbësoret lëvizin si sonambul.

E nisur prej vitesh unaza e madhe e qytetit nuk ka përfunduar.  Në pjesën më të madhe të saj shikon vetëm gropa.  Vendorët e kanë të vështirë të flasin për atë që ndodh në qytetin e tyre. Mungesa e fondeve i mban ata larg përgjegjësisë.  Kurse një udhëtari në fund të ditës do t’i duhet kohë të kuptoj ku jeton apo në ç’vend ishte. /abcnews.al

vlcsnap-error853-1280x720.jpg
G. P.22:30 | 13/02/2018

Policia në Uashington po heton një substancë pluhuri të bardhë që është dërguar në një zarf në adresën e zyrës së ish-presidentit, Barack Obama. Sipas mediave amerikane, ngjarja ka ndodhur gjysmë ore pas mesnate, me orën lokale, në rrugën 24, në veri-perëndim të Uashingtonit.
Obama ka marrë me qira një hapësirë në ndërtesën, që është në pronë të organizatës jofitimprurëse, World Wildlife Fund, që ka dhe zyrat e veta atje. Trafiku i dendur vonoi mbërritjen e skuadrave të emergjencës, që morën nën kontroll substancën e dyshimtë. Ngjarja vjen një ditë pasi bashkëshortja e djalit të presidentit Trump u dërgua në spital pasi preku një letër me pluhur të bardhë, që i ishte dërguar në shtëpi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono