plazhet

spidhe-1280x697.jpg
Sej rie11:00 | 11/08/2019

Policia vijon aksionin kundër informalitetit duke liruar 1000 m2 plazh të zaptuar në mënyrë të paligjshme në Qerret dhe Spille.

Policia ka sekuestruar rreth 200 komplete  çadra e shezlongë të vendosur në mënyrë të paligjshme. Ndërkohë u proceduan 2 përfaqësues të subjekteve private si edhe po ndiqen në gjendje të lirë zyrtarët e tatim-taksave të bashkisë së Kavajës.

Përfaqësuesit e  subjekteve akuzohen për veprat penale “Fshehja e të ardhurave”, “Mospagimi i taksave dhe tatimeve” dhe  “Pushtimi i tokës”, pasi kishin zënë hapësirën e plazhit me shezlonge, çadra e karrige në mënyrë të paligjshme./ABC News Albania 24/7

 

 

 

 

LLESHAJ-HIMARE-1280x720.jpg
ent ela16:45 | 19/07/2019

Në takimin e Task Forcës në Himarë Ministri i Brendshëm Sandër Lleshaj u ka kërkuar llogari institucioneve vendore për mbarëvajtjen e sezonit turistik. Ai deklaroi se subjektet private që administrojnë plazhet nuk janë pajisur me elementet e sigurisë dhe janë këto biznese që nuk paguajnë taksa.

Ministri i Brendshëm Sandër Lleshaj gjatë një takimi në Himarë u ka kërkuar llogari drejtuesve të institucioneve vendore për masat e marra në sezonin turistik.

Ai u ndal tek siguria në plazhe, kullat e vrojtimit dhe personeli që mungon në disa plazhe të Jugut.

Të gjitha ato institucione që nuk marrin masat e nevojshme do të ndëshkohen ashtu si edhe ata që kanë në administrim stacionet e plazheve, tha Lleshaj.

Sipas Lleshajt çdo subjekt duhet t’i nënshtrohet formalizimit për të derdhur të gjitha detyrimet që në bashkitë përkatëse. /ABC News Albania 24/7

durres-2-1280x715.jpg
Sej rie15:00 | 11/07/2019

Grupi task-force i ngritur në Prefekturën e Durrësit ka nisur inspektimin e të gjithë vijës bregdetare për verifikimin e kushteve të plazheve që frekuentojnë pushuesit. Aksioni shtrihet nga Ura e Dajlanit  deri në kufi me plazhin e Golemit, i cili është pjesë e bashkisë Kavajë. Gjatë ditës së sotme inspektorët e policisë bashkiake kanë vendosur tabelat për përcaktimin e vendeve për plazhe publike dhe në plazhin e madh të Durrësit do të jenë 6 të tille. Grupi i task – forcës do të funksionojë gjatë gjithë sezonit turistik dhe ka për detyrë shtimin e kontrolleve të vazhdueshme, për zbatimin e raportit të hapësirave plazh publik e privat sipas hartës së miratuar nga bashkia, zbatimin e kushteve higjeno-sanitare, moslejimin në plazhe të shitësve ambulantë si dhe kontrollin mbi gjenerimin e zhurmave dhe vendbanimet e mjeteve sportive ujore./ABC News Albania 24/7

vlora-plazhet-1280x720.jpg
ent ela14:30 | 08/07/2019

Është shumë i lartë numri i pushuesve vendas dhe të huaj që kanë zbarkuar në jug të vendit. Disa kushte janë plotësuar nga instancat përgjegjëse, por në shumë plazhe mungojnë duhen dhe tualetet publike.

 Bregdeti i Vlorës ka joshur shumë vendasit dhe të huajt. Territori është i pastër krahasuar me vitet e kaluara por nuk u është dhënë zgjidhje çështjeve thelbësore. Bëhet fjalë për tualetet dhe dushet.

Në plazhin e ri nuk ka asnjë dush dhe asnjë tualet. Një situatë aspak normale kur bregdeti është i mbipopulluar.

Administratorë që kane marrë ambjente me qira nga bashkia, pranojnë se nuk është gjetur një konsensus me pushtetin vendor për vendosjen e dusheve apo tualeteve në plazh.

Në Vlorë 20 përqind e hapësirave janë plazhe publike. Kurse pjesa tjetër është dhënë në administrim tek  privatët. Këta janë kujdesur që të plotësojnë disa nga kushtet e kërkuara me ligj, por siç duket ende nuk jane gati për një sezon standard.

Gazetar i ABC News, Vlore Elton Nika

plazhi-durres-1280x718.jpg
nev ila13:43 | 02/07/2019

 

Plazhet e Durrësit këtë fillim korrik janë populluar me shqiptarë të Kosovës. Bashkë me banorët e Maqedonisë, ata pushuesit më të shumtë që e kanë Shqipërinë destinacion të parë.

Pushuesit nga Kosova duket se kanë gjetur më tepër hapsirë në brigjet shqiptare.

Sipas operatorët turistikë shumë të huaj kanë anuluar rezervimet, por për kosovarët situata politike këtu nuk është problem.

“Ajo është cështje politike e juaja, ne jena të sigurtë këtu”, thotë një nga pushuesit.

Në bregdetin e Durrësit është i lartë numri i atyre që vijnë vendet fqinje. Duken të kënaqur me kushtet dhe Shqipëria është destinacioni i parë për pushime.

“Sot është dita e parë që kemi ardhur këtu, ta shohim, jemi të kënaqur”.

“Shumë bukur, qetë mirë” .

Sikurse viteve të mëparshme të parët që popullojnë plazhet janë banorët e Kosovës dhe të Maqedonisë. Vendasit duket se i kanë shtyrë pushimet.

Por dhe pse kemi hyrë në muajin korrik, në bregdet ka mungesa, sa i përket sigurisë apo pastrimit të territorit. Kjo jo vetëm në Durrës por edhe në plazhet e tjera, në jug dhe në veri të vendit./ABC News Albania 24/7

 

 

KRONIKE-VROJTUESIT-E-PLAZHIT-ABC-M5-T2.mpg_snapshot_00.02-1280x720.jpg
ent ela15:20 | 25/06/2019

Mungesa e vrojtuesve në plazhe vijon të mbetet një problem shqetësues. Edhe pse numri i pushuesve që mbyten vijon është i lartë, ende nuk janë marrë masa për sigurinë në vijën bregdetare të vendit.

42  viktima në 2017, 20 një vit më parë, dhe 4 persona të vdekur vetëm për një muaj, në këtë vit, për shkak të mbytjes në plazhe. Shifrat janë bilanci që tregojnë nivelin e ulët të sigurisë në bregdetin tonë, ndërsa mungesa e vrojtuesve është e theksuar.

Gent Lasku, Sekretari i Përgjithshëm i Frederatës Shqiptare të vrojtuesve të plazhit thotë se interesi është i lartë për këtë profesion të ri vere, por nevojat mbeten më të mëdha.

“Në shqipëri aktualisht operojënë dhe kanë aplikuar për të operuar rreth 3500 subjekte private duke futur këtu edhe plazhet publike të cilat administrohen nga njësitë vendore, por numri aktualisht është shumë i ulët”.

Por, sipas Laskut vetë subjektet që përdorin bregdetin kanë detyrimet e tyre ligjore.

“Vendimet e mëparshme që është detyrim ligjor dhe pa të nuk mund të hapet fare stacioni i plazhit. Unë u bëj thirrje subjekteve që nuk e dinë mirë objektin ligjor që përcakton veprimtarinë e tyre që duhet të kenë një kontratë, ku paraqitet numri i matruikullës dhe çertifikata e vrojtuesit të plazhit dhe të hapin plazhin”.

Vrojtuesit e plazhit janë një risi e re, vazhdon të jetë një kulturë e re në vend. Vrojtimi është cilësuar si sport, por në fakt shpëton jetë njerëzish dhe fal siguri për qytetarët që shkojnë në plazh. /ABC News Albania 24/7

vlcsnap-2018-08-21-15h15m12s503-1280x723.png
G. P.15:22 | 21/08/2018

Në pjesën më të madhe të bregdetit të Durrësit çadrat janë bosh. Pushues të shumtë kryesisht nga Kosova kanë ndërprerë pushimet për të festuar Kurban Bajramin.

Përveçse temperaturave përvëluese asgjë nuk ngjan me pikun e sezonit turistik. Të pakët në numër janë pushuesit në plazhin e madh të Durrësit. Të ardhurit nga Kosova dhe jo vetëm janë larguar. Festa e Kurban Bajrami ka frenuar frekuentimin e bregdetit. Masivisht ata i janë drejtuar shtëpive për të festuar me familjarët e tyre.

Pushuesi 1:“Ka pak njerëz, kanë dalë më festu shumica.”
Pushuesi 2: “Patjetër, do bëjmë festën ë Bajramit.”
Pushuesi 3: “Ne shqiptarët besojmë në këtë festë. ”

Përqindjen më të madhe të pushuesve në plazhin e Durrësit e zënë Kosovarët. Ata njihen edhe si ndjekes të rregullt të festave muslimane. Kjo ka bërë që plazhin ta braktisin në një ditë, për t’u rikthyer sërisht me përfundimin e festës./abcnews.al

DURRES-SIGURIA-ROJET-1280x720.jpg
ent ela14:37 | 14/07/2018

Në plazhin e Durrësit janë vendosur kulla vrojtimi, por mungojnë rojet bregdetare. Pushuesit thone se mungon siguria në plazh, ndërsa prefekti i Durrësit Roland Nasto pranon se ka mangësi të rojeve bregdetare.

Në vend të rojes bregdetare, fëmijët po argëtohen në këto kulla të ngritura në plazhin e Durrësit. Janë të pakta në numër dhe nuk mund të mbulojnë plotësisht territorin.

Por ajo çfarë është më e çuditshme vrojtuesit mungojnë. Për pushuesit kjo do të thotë rrezik, sidomos për fëmijët.

Mungesa e sigurisë në plazhe është pranuar edhe nga prefekti i qarkut Durrës Roland Nasto, njëherësh kreu i Task Forcës për turizmin.

Ai thotë se gjatë kontrolleve janë konstatuar mangësi në vendosjen e rojeve bregdetare .

Roland Nasto prefekti i Qarkut Durrës: “Ka mungesa, ne po punojmë me bahskinë ehd epolicinë bashkiake, po marrim masa për të përmirësuar gjendjen në këto plazhe”

Në plazhet e Durrësit vetëm në pak ditë u regjistruan katër persona të mbytur.

12 të tjerë u rrezikuan me jetë, por u shpëtuan nga pushues ose policë të patrullës.

Ky bilanc i frikshëm duket se nuk po e shqetëson as Bashkinë dhe as strukturat e tjera përgjegjëse për situatën.

Gazetare ABC News: Enkeleda Arapi

PLAZHET-NE-SHQIPERI-1280x720.jpg
ent ela14:57 | 01/07/2018

Temperaturat e ulëta në Qershor bënë që shumë pushues ta ndërprisnin plazhin. Por në ditën e parë të korrikut duket sikur situata ka ndryshuar në Vlorë dhe në Durrës. Megjithatë në Shëngjin shumë çadra nuk janë hapur akoma.

Çadra të pahapura dhe pak pushues. Moti i keq ka ndikur në sezonin turistik të verës në bregdetin e Shëngjinit.

Plazhi nisi herët në Shëngjin, por muaji qershor riktheu temperaturat e ulëta dhe mot me shi. Java e fundit solli ndërprerjen e pushimeve për shumë vizitorë të Shëngjinit.

Kjo e dielë me diell po ju duket fat. Më parë janë informuar për motin. Pastaj u nisën drejt  Durrësit.

Pas më shumë se një jave braktisje, dita e parë e korrikut shihet mjaft e përshtatshme për të kaluar fundjavën në bregdet.

Korriku ka nisur ndryshe në Vlorë. Trafiku tregon për dyndje të pushuesve në Jon.

Plazhet janë të populluara dhe italianët kanë mbërritur. Të tjerë janë vendas, por dhe pushues të shumtë nga Kosova.

Në Vlorë kanë nisur dhe dasmat. Një çift para se të ulet me miqtë e nisi ditën me një shëtitje breg detit. /abcnews.al

Gazetare e ABC News, Durrës: Enkelejda Arapi

Gazetar i ABC News, Vlorë: Elton Nika

Gazetar i ABC News, Lezhë: Gjergj Figuri

 

PLAZHET-1280x720.jpg
ent ela16:35 | 26/05/2018

Vlora dhe Durrësi dhe Shëngjini kanë pritur një numër të madh pushuesish  këtë të shtunë. Qytetarët thonë për ABC News se një ditë pushimi si kjo me temperaturë vere meriton të kalohet vetëm pranë bregdetit.

Moti i ngrohtë i ka joshur qytetarët për të shkuar në plazh. Vlora sot u pushtua nga qytetarë të Burrelit, Lezhës dhe Shëngjinit dhe jo vetëm.

Një vizitë në bregdet, një foto. Një kujtim nga Vlora e bukur apo zhytje në det. Detin e kaltër të Jonit e vizituan edhe disa nxënës gjatë një ekskursioni.

Qindra pushues janë dyndur edhe drejt plazhit të Durrësit. Ng ura e Dajlanit deri në Plepa e gjithë vija bregdetare është mbipopulluar. Pushuesit thonë se një ditë pushimi duhet kaluar nën rrezet e diellit.

Shengjini është një destinacion i preferuar për pushuesit dhe veçanërisht për ata nga Kosova. /abcnews.al

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono