plazh

durres-spitali.jpg
ad min11:37 | 18/08/2019

Policia e Shtetit ka dhënë detaje për kufomën e zbuluar këtë mëngjes nga peshkatarët në Durrës.

Sipas policisë, trupi i pajetë i seksit mashkull, sipas ekspertizës së jashtme nuk ka qenë i lidhur apo i mbështjellë. Ai nuk paraqet shenja dhune apo dëmtime të ndonjë natyre tjetër. Po sipas policisë, trupi ishte i veshur me rroba, por është dekompozuar për shkak të qëndrimit në ujë.

Trupi u gjet në orët e para të mëngjesit të së dielës nga një peshkarexhë, rreth 4 milje larg Durrësit. Peshkatarët e dalë për gjueti, në momentin që kanë ngritur rrjetat kanë konstatuar në to trupin e pajetë.

Grupi hetimor nën drejtimin e Prokurorisë po vijon hetimet për identifikimin dhe sqarimin e plotë të rrethanave të ngjarjes./ABC News Albania 24/7

plazh-2.jpg
ad min10:39 | 16/08/2019

Ka vazhduar aksioni “Plazhi i Lirë” në Shëngjin të Lezhës. Sipas njoftimit të policisë, janë liruar rreth 2800 m2 plazh i zaptuar në mënyrë të paligjshme në Kune si dhe janë sekuestruar 542 shezlongë dhe 271 çadra të vendosura në mënyrë të paligjshme, në hapësirat publike.

Në të njëjtën kohë janë proceduar shtatë përfaqësues ligjor subjektesh për veprat penale ” Fshehja e të ardhurave” dhe “Mospagimi i taksave”.  Në hetim është edhe ish-Drejtor i Taksave dhe Tarifave Vendore pranë Bashkisë Lezhë, i proceduar dhe  më parë, pasi ka lejuar këto subjekte të ushtronin aktivitetet në mënyrë të kundërligjshme.

Operacioni po vijon çdo ditë, me shtrirje në të gjithë zonat bregdetare, në territorin e Qarkut Lezhë./ABC News Albania 24/7

plazh-1-1280x656.jpg
ad min15:15 | 11/08/2019

Në 10 ditët e para të gushtit iu rikhyen qytetarëve rreth 41 mijë m2 plazhe publike në të gjithë vendin. Aksione policore nen emrin  “Plazhi i Lirë” u zhvilluan për lirimin  e hapësirave publike të zaptuara në mënyrë të paligjshme nga Veriu në Jug përgjatë gjithë vijës bregdetare e liqenore, por gjithashtu në fokus ka qenë edhe ndëshkimi i informalitetit.

Ata që e kanë pësuar më keq për shkak të moszbatimit te ligji janë pronarët e subjekteve që kishin ngritur aktivitetin e tyre pa kasë fiskale dhe pa lejen nga Bashkitë përkatëse.

Në total u dërguan për ndjekje penale 61 pronare subjektesh, të cilëve iu sekuestruan gjithashtu malli si çadrat dhe shezlonget e tyre.

Sipas të dhënave zyrtare të Policisë së Shtetit, edhe funksionarë vendor apo punonjës te tatim-taksave janë dërguar për ndjekje penale në prokurori. Gjithsej 12 zyrtarë po hetohen “për shpërdorim detyre”.

Në procedim penal është edhe nënkryetari i Bashkisë së Sarandës, i cili  nuk ka ekzekutuar vendimin administrativ të kryetarit të Bashkisë për lirimin e një sipërfaqeje plazhi publik prej 600 m2 në Ksamil që shfrytëzohej pa lejen e bashkisë nga një subjekt tregtar.

Operacioni më i suksesshëm për lirimin e plazheve ka qenë ai i datës 5 gusht, ku operacioni i shtrirë në Ksamil, Himarë, Vlorë e Divjakë, ne total iu riktheu pushuesve rreth 10 mijë m2 hapësirë të zaptuar në kundërshtim me ligjin.

Përveç policive vendore, në aksion kanë marr pjesë edhe  Forcat e Ndërhyrës së Shpejte dhe Drejtoria e Hetimit  të Krimit Ekonomik. Në fokus të uniformave blu kanë qene edhe evazioni fiskal në turizëm, ndërtimet pa leje dhe krime të tjera mjedisore./ABC News Albania 24/7

librat-edicioni-1280x721.jpg
nev ila21:58 | 05/08/2019

Një nga gjërat që njerëzit marrin me vete gjatë pushimeve verore janë edhe librat për të mbushur mendjen e stërvisin mendjen.

Cfarë librash marrin njerëzit me vete? Cfarë lexojnë dhe preferojnë në përgjithësi?

Në përgjithësi në plazhe pushuesit kanë preferenca të ndryshme. Ata preferojnë të lexojnë librat klasikë, poezi, biografi, romane etj. Pra ju mund të lexoni atë çfarë dëshironi sipas preferencave tuaja./abcnews.al

klejdia-1280x729.jpg
ad min20:30 | 04/08/2019

Një grimiere ishte e intervistuara e radhës për Edicionin Veror. Klejdja Shipheja tha se prej 3 vitesh merret me make up. Ishte në gjimnaz kur ajo filloi që të pëlqente grimin dhe më vonë i është përkushtuar më tepër duke bërë edhe një kurs. Tani ajo punon si grimiere dhe e ushtron si profesion. Ajo është shprehur se ka konkurrencë në këtë fushë në Shqipëri, por sipas saj gjithësi profesionist ka stilin e vet. Klejdja tha se ajo gjithmonë përdor shumë ngjyra në grim. Duke folur për trendin e kësaj vere u shpreh se është shkëlqimi natyral pa e tepruar. Madje ajo ka kritika për vajzat shqiptare, të cilat sipas saj e teprojnë me përdorimin e kemit pudër në fytyrë./abcnews.al

KRISTI-NE-JAHT.mpg_snapshot_00.19-1280x720.jpg
ent ela20:00 | 30/07/2019

Nga Drimadhes drejt Palasës mbi një velierë. Gazetari Kristi Bibolli prezanton për shikuesit e Edicionit Veror eksperiencën mbi velierën ku ndodhen 35 persona. Kristi vëren se në Shqipëri ka filluar të lulëzojë një biznes i tillë ku mund të marrësh me qira një velierë, të bësh plazh dhe të eksplorosh natyrën e bukur.

Azemi, organizatori i eventit  thotë për ABC News se pjesëmarrja është shumë e madhe. Ata do të vizitojnë brigje nga Karaburuni, Palasa dhe brigje të tjera. /abcnews.al

destinacione.jpg
ad min20:08 | 28/07/2019

Kësaj here ekipi i Edicionit Veror përshkroi me një anije të gjithë destinacionet më të bukura të Jugut. Sëbashku me ta ishin edhe shumë turistë të cilët u shprehën të mahnitur nga bukuritë e vendit, por edhe delfinët, të cilët dhuruan një pamje të rrallë gjatë udhëtimit.

Në ndalesën e parë në plazhin e Akuariumit mësuam se ky vend është një ndër më të kërkuarit nga turistët dhe është akoma publik. Plazhi i Akuariumit është i aksesueshëm nga toka, përveçse nga deti.

Destinacioni i dytë ishte Jala, ndërsa ndalesa e radhës ishte Shpella e Pëllumbave. Ky vend është i aksesueshëm vetëm me anë të detit. Për të gjithë ata që duan aventurën mund të bëhet edhe duke zbritur majën e Malit të Thepisur. Pika e fundit që u vizitua ishte Shpella e Piratëve.

Turistët u shprehën të gëzuar për të gjitha vendet që vizituan. Ndër ta kishte edhe të huaj të cilët thanë se Shqipëria është si një surprizë për ta pasi është një vend i bukur me një det të bukur./abcnews.al

shkoder-3.jpg
ad min11:27 | 17/07/2019

Dy inspektorë të Bashkisë së Shkodrës janë arrestuar nga policia për korrupsion pasiv. Të ndaluarit janë Bledar Plori dhe Isa Mandia, ndërsa është shpallur në kërkim Denis Hoxha.

Këta tre shtetas në bashkëpunim me njëri-tjetrin, në këmbim të marrjes së ryshfetit, në një hotel në plazhin Velipojë kanë favorizuar këtë të fundit duke mos deklaruar numrin real të dhomave të këtij hoteli me qëllim mospagimin e taksës reale që përfiton Bashkia Shkodër. Ata e kanë kryer këtë akt duke falsifikuar dokumentet dhe duke shpërdoruar detyrën.

Gjithashtu ka filluar procedimi penal në gjendje të lirë për pronarin e hotelit. Ai akuzohet për veprën penale “Fshehja e të ardhurave”./ABC News Albania 24/7

plazhi-1280x721.jpg
ad min14:20 | 12/07/2019

Një zonë që po frekuentohet shumë gjatë sezonit të verës është plazhi i Zvërnecit dhe më besnikët janë pushuesit familjarë. Ata preferojnë detin jo shumë të thellë për fëmijët dhe rërën e pastër.

I vetmi në bregdetin e Vlorës, me rërë të pastë dhe det jo shumë të thellë është plazhi i Zvërnecit. Ideali për pushime familjare dhe jo vetëm. Infrastruktura është përmirësuar ndjeshëm.

Këtu gjen pushues nga Vlora, dhe  nga rrethet. Familje që prej 15 vitesh frekuentojnë plazhin e Zvërnecit. Kjo vijë bregdetare preferohet shumë edhe nga turistët italianë.

Një çadër, kushton rreth 300 lekë të reja më lirë se ne çdo vend tjetër.  Edhe çmimet për konsumin e përditshëm janë mjaft të arsyeshme. Të gjitha këto i kanë rikthyer pushuesit çdo verë në plazhin e Zvërnecit.

ELTON NIKA

GAZETAR ABC NEWS

pushuesit.jpg
ad min16:30 | 30/06/2019

Të shumtë mund të themi kanë qenë qytetarët që kanë marrë sot pjesë për të votuar në zgjedhjet lokale. Por ka nga ata që nuk kanë shkuar të ushtrojnë të drejtën për të votuar. Ata kanë zgjedhur që këtë të dielë ta kalojnë larg zhurmës duke shkuar në plazh. Për mikrofonin e ABC News ata kanë treguar arsyen se pse nuk kanë shkuar të votojnë sot.

Pushuesi: Nuk votojmë asnjëherë.

Pushuesi: Nuk kam votuar dhe as nuk do të votoj. Nuk kemi pse me votuar. Ka alternativa por nuk na pëlqejnë.

Pushuesi: Votova, votova por nuk tregohet, por për PS-në .

Pushuesi: E mira ishte të votonim dhe pastaj të bënim plazh, ne i bëmë të dyja.

Pushuesi: Po për çfarë të votojmë, për çfarë arsyeje? Po më mirë në plazh sepse nuk kemi pasur asnjë lloj interesi si nga i pari ashtu edhe nga i dyti.

Pushuesi: Unë pres që të qetësohet koha dhe pas plazhit do të shkoj./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono