platforma

rama-20-qershor-1280x678.jpg
ent ela12:53 | 20/06/2018

Kryeministri Edi Rama ka paralajmëruar kryetarët e bashkive që nuk i përgjigjen kërkesave të qytetarëve  se nga tani e tutje do të bëjë publike emrat e tyre dhe rastet e mosveprimit. Në mbledhjen me koordinatorët e platformës së bashkëqeverisjes, kreu i qeverisë theksoi se drejtuesit vendor janë shndërruar në një problem të madh.

“Jemi këtu të gjithë për prezantimin e disa rasteve të përzgjedhura mes shumë e shumë të tillave”

Me shembuj konkretë kërkon të bindë shqiptarët se koha e mikut dhe rryshfetit ka ikur.

“Jo se pata ndonjë optimizëm të madh kur shkruajat por me dy rreshta të amrrësh një shërbim për qytetarët është e paimagjinueshme, por ja që ndodhi”

Rastet që përdorin platformën e bashkëqeverisjes shtohen cdo ditë tha kryeministri Edi Rama në takimin e me koordinatorët e kësaj platforme. Njëkohësisht  po reduktohet edhe numri i punonjësve të administratës që zvarrisin zgjidhjen e problemeve të qytetarëve.

 “Platforma garanton që më pas të fillojnë hetimet administrative për të gjithë ata që janë bërë pengesë. Ne vazhdojmë me largimet nga puna të punonjësve, deri edhe në ndjekje penale”

Këtë herë Kryeministri paralajmëron kryetarët e bashkive, ata meshkuj.

“Nuk kam dashur të publikoj drejpërdrejt emrat konkretë të bashkive dhe kryetarëve të bashkive që nuk përgjigjen, por do jem i detyruar ta bëj këtë, do të duhet ta llogarisin nga sot se do ballafaqohen publikisht”. /abcnews.al

vlcsnap-error092-1-1280x720.jpg
ent ela11:30 | 13/02/2018

Ish-deputeti i Partisë Demokratike Astrit Patozi është i bindur se opozita e sotme nuk mund të fitojë nëse Kryetari i saj nuk ndryshon mënyrën e drejtimit. Në studion e ABC News, ish deputeti demokrat është shprehur se ka edhe pika që bashkojnë me Partinë Demokratike, një prej të cilave është qëndrimi ndaj reformës në drejtësi.

Vazhdon të jetë kritik ndaj kryetarit të Partisë Demokratike. Pritshmëritë se opozita e sotme mund të përmbysë qeverinë i ka zero. Në studion e abc neës ish deputeti demokrat Astrit Patozi i kujton Lulzim Bashës se pritja nuk të sjell në pushtet.

 

Opozitës i mungojnë kauzat e vërteta për të sjellë ndryshimin e madh, mjafton edhe ta krahasosh me opozitat kur drejtoheshin nga Sali Berisha dhe Edi Rama tha Patozi.

 

Por ka edhe pika që e bashkojnë me Partinë Demokratike.Një prej tyre është dyshimi se drejtësia e re do të jetë selektive.

 

Nuk dëshiron të krijohen fraksione, por Astrit Patozi nuk mund të garantojë se do të presin përjetësisht përgjigjen e Lulzim Bashës për platformën që ka në tryezë për ringritjen e Partisë Demokratike./abcnews.al

22855845_10212556977418376_1282813432_n.jpg
us er13:53 | 27/10/2017

Kryeministri Rama pati nje takim sot me 25 koordinatorët e bashkëqeverisjes me qytetarët. Ata do të jenë pjesë e një organizate vullnetare, e cila do të referojë problemet e qytetareve të thjeshtë tek instancat më të larta. Kjo hallke, sipas Rames, do te sherbeje për të evituar nëpunësit e korruptuar të administratës shtetërore. E quan organizatë sepse kërkon të shihet jo vetëm si strukturë brenda shtetit por edhe si një rrjet vullnetarësh, edhe pse pak më vonë theksoi se kjo nuk do të jetë më thjeshtë çështje e dëshires së mirë. Dikasterin nga ku dirigjoi politikat ekzekutive për 4 vite rradhazi, sot, sa i përket halleve të qytetarëve, e sheh ende si një dispaçeri të thjeshtë që më shumë se jep zgjidhje, delegon probleme. Kljo është zgjidhja për njerëzit e thjeshtë nga ata jo të thjeshtët, ose të paktën këtë kërkon kreu i qeverisë kur shprehet se nuk ke më nevojë për mik, për të zgjidhur problemet e tua. Sipas retorikës së kryeministrit, çdo ministër do të ketë si krah të djathtë nje koordinator i cili do t’i referojë rastet e ankesave të qytetarëve personit më të lartë, pra vetë ministrit. Problemet jetike të njerëzve nuk duhen lënë në disponibilitetin e inspektorit apo zyrtarit, tha kryeministri i cili duket se si mënyrë për të luftuar korrupsionin në administratë, ka zgjedhur heqjen e përgjegjësive nga nëpunësit, sot të korruptuar apriori, për ta kaluar tek funksioarët e lartë të cilët, si tha edhe kreu i ekzekutivit, permes kësaj organizate do të ndajnë përgjegjësitë morale dhe ligjore shumë qartazi.

 

3898529.jpg
us er14:18 | 16/10/2017

Vota e emigrantëve është e frikshme për sistemin elektoral shqiptar pasi nuk mund të blihet. Kështu u shpreh ministri Pandeli Majko gjatë tryezës së organizuar në nisjen e diskutimit për platformën e diasporës, pjesë e së cilës do të jetë edhe e drejta e votës për shqiptarët jashtë Atdheut. Pikërisht këtë të fundit, Kryeministri Rama e cilësoi një ilaç për kontestuesit e zgjedhjeve. Ndërkohë që PD nuk mori pjesë në takim, Rama e ftoi atë të ndjekë shembullin e LSI e t’i bashkohet diskutimit.

Pandeli Majko nisi nga Kuvendi, në prezencë edhe të trupit diplomatik, konsultimet për Projektin e Strategjisë së re të Diasporës dhe Migracionit, ku një vend të rendësishëm zë edhe e drejta e votës për shqiptarët që jetojnë jashtë Atdheut.

Te vota e emigratënëve shikon ilaçin e besueshmërisë së zgjedhjeve edhe Kryeministri Rama.

Para se të arrihet te vota, nevojitet regjistrimi i shqiptarëve jashtë Adheut. Në këtë pikë Rama nuk la pa fshikulluar demokratët, të cilëve u rikujtoi se në 2005 e kishin pjesë të programit por nuk bënë asnjë në këtë drejtim, theksoi Kryeministri.

Rama përshëndeti pjesëmarrjen në takim të LSI-së, ndërsa tregoi se do të kishte dëshiruar që të ishin prezent edhe përfaqësuesit e PD-së.

Shezai Rrokaj në emër të LSI përshëndeti idenë e propozuar nga ministri Majko, për të mos e trajtuar si të ndarë diasporën mes Shqipërisë dhe Kosovës.

Organizatorët e cilësuan tryezën si një pikënisje të diskutimit mbi platformën për diasporën, duke theksuar se ishin të hapur ndaj çdo propozimi.

3899577.jpg
us er14:14 | 16/10/2017

Krahas dekriminalizimit të zgjedhjeve demokratët thonë se shtyllë tjetër e platformës së tyre është dhe vota e emigrantëve. Në mbledhjen e grupit parlamentar u diskutua dhe për disa nisma tjera, një prej të cilave amendamenti i tyre i pritshëm për biznesin e vogël. Por një pjesë të mirë të vëmendjes e pati sot edhe lideri historik i PD-së.

Suprizën e 73-vjetorit Sali Berisha e preku një ditë pas ditëlindjes.

Tortë dhe dolli për liderin historik të demokratëve, pasi në mbledhjen e grupit parlamentar ishte diskutuar për dekriminalizimin e zgjedhjeve, taksat e reja dhe nismat parlamentare të demokratëve.

“Kam qenë me fat sepse kam patur bashkëpunoëtorë të zot e të ndershëm”, mësohet të ketë thënë i prekur Sali Berisha, një fjali që përçon dhe një mesazh politik, se cilësia e ekipit që zgjedh lideri është ajo që të garanton sukses.

Demokratët ndërkohë kanë gati draft-platformën për zgjedhjet. E paraqitur në grup nga Oerd Bylykbashi ajo ka si bosht dekriminalizimin e zgjedhjeve, por Lulzim Basha deklaroi si pjesë të rëndësishme të saj edhe votën e emigrantëve.

“Dekriminalizimi i zgjedhjeve dhe mbështetja totale për votën e emigrantëve si propozim i kahershëm i Partisë Demokratike. Po mbushen 8 vite që PD ka propozuar votën e emigrantëve.

Janë dy pra shtyllat kryesore të reformës zgjedhore”.

Një tjetër nisme së cilës demokratët do t’i kundërvihen është ajo që sipas Bashës përkeqëson kontrollin e qeverisë në sektorin e noterëve publik…“në funksion të aleancës së krimit politik dhe roli që ka kupola politike në këtë bashkëpunim mafioz”, siç tha kreu demokrat.

Duke theksuar se beteja e demokratëve për shkëputjen e lidhjes krim-shtet do vazhdojë, Basha ka emra për personat e paraqitur në komisarit për presion ndaj policisë, pas arrestimit të Durim Keçit në Durrës.

“Në dijeninë tonë, bëhet fjalë për kryetarin e bashkisë së Durrësit dhe përfituesin direkt të bandave të Durrësit, Vangjush Dako, dhe të paktën një deputet të PS. Këto janë prova dhe fakte që flasin qartë se krimi i organizuar shqiptar dhe mafia shqiptare, kanë te kjo qeveri dhe te ky kryeministër, një mbrojtës dhe një promovues të interesave të tyre”.

Kreu demokrat ju kundërpërgjigj dhe kryeministrit Rama, pasi postoi një status të deputeti Erjon Braçe që thotë se “Lulzim Basha po u shërben oligarkëve që kanë kapur ekonominë ne këtë vend! Propozimi i tij për një prag unik në 12 milionë lekë (të reja) xhiro në vit, nuk i çliron të vegjlit nga frika e pragut aktual që i shtrëngon të mos “i bien kasës”.

Basha ftoi kryeministrin që të dikutojë me biznesin e vogël shoqata e konsumatorëve dhe FMN, pse jo dhe me opozitën lidhur me këtë çështje. Ai beson se propozimi i demokratëve është zgjidhja e duhur.

Demokratët ndërkohë po përgatisin dhe një tjetër amendament që ka të bëjë me financimin nga buxheti i shtetit i të gjithë librave të shkollës për fëmijët nga klasa e parë deri në klasën e nëntë.

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono