plagosje

thike-vrasje.jpg
G. P.21:31 | 19/09/2019

Një adoleshent është plagosur me thikë mbrëmjen e së enjtes. Ngjarja ndodhi në qendër të qytetit të Shkodrës. Dyshohet se një bashkëmoshatar ka goditur me thikë 16-vjeçarin me iniciale K.S.

Ngjarja ka ndodhur pas një konflikti për motive të dobëta. Mësohet se adoleshenti është dërguar në spital dhe fatmirësisht është jashtë rrezikut për jetën. Policia po heton për të zbuluar shkaqet dhe rrethanat e plota të ngjarjes si edhe për të vënë në pranga autorin e plagosjes./abcnews.al

akisdenti.jpg
G. P.15:15 | 12/09/2019

Aksidenti i ndodhur mbrëmjen e së mërkurës në ish-sheshin “Shqiponja” po hetohet si atentat nga policia e Tiranës. Në makinën e blinduar me targa të falsifikuara ruse ishte 34-vjeçari Eldi Dergjini, i cili kishte ndryshuar mbiemrin për shkak të precedentëve të shumtë penal. Ai po hetohet edhe për disa ngjarje në kryeqytet që kanë mbetur pa autor.

Pavarësisht se u raportua si një aksident rrugor, Policia e Tiranës po e heton rastin ku u gjet përmbys një automjet luksoz dhe i blinduar si një atentat i mbetur në tentativë.

Eldin Dergjini, i cili pretendon se ishte ai në drejtim të mjetit tip “Mecedez-Benz G Class” me vlerë 200 mijë euro, ka shkuar në një spital privat rreth 1 orë pas ngjarjes të ndodhur mbrëmjen e së mërkurës pranë ish-sheshit “Shqiponja”. Ai ka deklaruar se pas makinës së tij të blinduar me targa ruse ka qenë një automjetet tjetër që kryente manovra të dyshimta.

Sipas 34-vjeçarit Dergjini, ai u detyrua të shtonte shpejtësinë, pasi një tjetër makinë i zuri rrugën nga para.

“Përshpejtova dhe humba kontrollin e makinës. U largova me një taksi dhe shkova për ndihmë mjekësore më vonë. Kam qenë i vetëm në automjet”, u shpreh Dergjini.

Dëshmia e të riut nuk ka qenë shumë bindëse për grupin hetimor pasi, ende nuk është zbuluar se kush ishte taksisti që e dërgoi në spital, por as makina që e ka goditur nga pas.

Eldin Dergjini udhëtonte me një makinë të blinduar, pasi  dyshohet se i ruhej një atentati të mundshëm ndaj tij. 34-vjeçari po hetohet edhe për disa ngjarje të rënda kriminale të ndodhura kohët e fundit në kryeqytet por që kanë mbetur pa autor.

Ai kishte falsifikuar targat e mjetit të tij me ato të një automjeti tjetër po aq luksoz, si “Bentley Continental GT”, e cila rezulton e regjistruar në shtetin rus. Nuk dihet se, prej sa kohësh ka lëvizur në territorin shqiptar një makinë e blinduar e cila kishte edhe parregullsi në dokumentacion.

Eldin Dergjini rezulton të jetë me precedentë të mëparshme penale dhe për këtë arsye kishte ndryshuar edhe mbiemrin e tij nga Barova në Dergjini. Ai ka qenë i dënuar në vendin tonë për kundërshtim të punonjësit të rendit publik, armëmbajtje pa leje si edhe trafik droge në Itali./ABC News Albania 24/7

ok-hsperthimi.mp4_snapshot_00.19-1280x720.jpg
ent ela20:48 | 30/08/2019

Një ish-mësues fiskulture është qëlluar me armë zjarri nga jashtë, drejt në banesën e tij në lagjen “10 Korriku” në Vlorë. Sipas policies, Eljus Thartori ndodhej në ballkon kur mori plumbat. Ai u dërgua menjëherë në spital dhe sipas policisë ndodhet jashtë rrezikut për jetën. Por, ndërkohë që është qëlluar me armë zjarri, banorët kanë dëshmuar se në banesë është dëgjuar edhe një shpërthim, fakt të cilin policia nuk e ka konfirmuar.

Shënjestra thuhet se ka jetuar jashtë shtetit dhe ka qenë i dënuar më parë më 10 vjet burg për vrasje. Janë ende të paqarta rrethanat e kësaj ngjarjeje dhe sipas policisë po punohet për t’i zbardhur ato./ ABC News Albania 24/7

MBULIM-PLAGOSET-I-RIU.mpg_snapshot_00.02-1280x720.jpg
ent ela17:56 | 22/08/2019

Një ngjarje e rëndë ndodhi rreth mesditës së sotme në kryeqytet. Një 26-vjeçar mbeti i plagosur rëndë pasi u qëllua me armë zjarri në kokë. Policia ka arritur të zbardhë ngjarjen dhe shpalli në kërkim autorin e krimit.

Sipas njoftimit të uniformave blu, 26-vjeçari Indrit Çelaj ishte duke kryer punime për kondicionimin në një vilë trekatëshe në rrugën “Muhamet Gjollesha”. Nga hetimet paraprake dyshohet se Çelaj ka pasur një konflikt të çastit me L.V. Ky i fundit është edhe autori, i cili ka plagosur të riun në kokë dhe më pas është larguar.

Grupi hetimor po vazhdon punën për zbardhjen e plotë të rrethanave të ngjarjes. Ndërkohë L.V është shpallur në kërkim. Për të bërë të mundur kapjen e tij, policia po vijon kontrolle në kryeqytet.

Mësohet se Indrit Çela ka lindur në Mallakastër dhe banon në Tiranë. I riu ndodhet në Spitalin Ushtarak dhe është në gjendje të rëndë shëndetësore./abcnews.al

elbasan-1280x699.jpg
Sej rie18:30 | 02/08/2019

Tre persona mbetën të plagosur pasi u qëlluan me armë zjarri teksa ndodheshin në një lokal pranë Pallatit të Sportit në Elbasan. Ngjarja ka ndodhur pasditen e sotme. Mësohet se të plagosur janë Fezi Ago, Mihal Kocashi dhe Elton Cërriku. Ata janë dërguar në spitalin e Elbasanit, ku po marrin ndihme mjekësore. Burimet policore nga vendi i ngjarjes bënë të ditur se një person që tashme është identifikuar ka qëlluar me armë pas një konflikti të çastit për motive të dobëta. Policia e Elbasanit ka ngritur postblloqe në disa rrugë të qytetit dhe po punon për kapjen e autorit./ABC News Albania 24/7

durresi-vrasje.jpg
G. P.13:32 | 01/08/2019

Një 40-vjeçar është me armë zjarri vrarë në derën e shtëpisë në qytetin e Durrësit. Ngjarja ka ndodhur pranë “Kryqit te Kuq”, në lagjen numër 18. Ndërkohë, në Porto Romano është gjetur një makinë e djegur që dyshohet e autorëve. 

“Fillimisht e thërritën që të dalë nga banesa, ndërsa më pas sapo doli e qëlluan me një breshëri automatiku. Feriz Bardhi 40 vjeç arriti që të shkojë i gjallë në spital, por gjeti vdekjen sapo mjekët ndërhynë në sallën e operacionit”.

I njohur si njeri konfliktual, 40-vjeçari u ekzekutua në derën e shtëpisë. Ngjarja ndodhi në qytetin e Durrësit, pranë “Kryqit të Kuq”, në lagjen numër 18. Policia nuk ka ndonjë informacion për precedentë të Bardhit brenda territorit bregdetar.

Por ndryshe janë lajmet nga vendi fqinj. Në vitin 2012, Feriz Bardhi u arrestua në Ascoli të Italisë sëbashku me një tjetër shqiptar, shok i tij, Arif Qelia. Atyre iu gjeten 700 gramë kokainë dhe u akuzuan për trafik ndërkombëtar droge, duke u cilësuar si korrierë të organizatës kriminale.

Momentin ku u qëllua me breshëri kallshnikovi, dy fëmijët e tij ndodheshin brenda në shtëpi me nënën e tyre. Kurse fqinjët dolën pas të shtënave që vunë në alarm lagjen.

Policia nuk ka identifikuar akoma autorët dhe ka ngritur postoblloqe për kapjen e tyre. Nuk ka ndonjë pistë konkrete për shkakun e ngjarjes, por disa persona u shoqëruan për t’u marrë në pyetje./ABC News Albania 24/7

divjaka-.jpg
G. P.08:19 | 16/07/2019

Një 57- vjeçar nga Çerma e Divjakës ka humbur jetën dhe djali i tij ka mbetur i plagosur në një aksident automobilistik gjatë ndjekjes së hajdutëve. Viktima bashkë me të birin po udhëtonte me shpejtësi për të kapur autorët, të cilët i kishin vjedhur bagëtitë në mëngjes herët.

57-vjeçari Agim Muça nga Çerma e Divjakës rreth orës 2 të mëngjesit ka dëgjuar zhurma në kasollen e lopës të cilën ja grabitën persona ende të paidentifikuar nga policia.

Pasi ka zgjuar nga gjumi të birin janë vënë në ndjekje të automjetit që besonin se ishte përfshirë në vjedhjen e bagëtisë. Në ndjekje të autorëve mjeti tip “Ford” ku udhëtonte Muça me të birin ka  dalë jashtë rruge në një kthesë në aksin “Tre urat”-Çerm Sektor si pasojë e shpejtësisë.

Makina përfundoi në kanalin buzë rrugës dhe Agim Muça gjeti vdekjen në vend. Ndërsa djali i tij Rrapush Muça ka marrë plagë të rënda. Të afermit e tyre thonë se babë e bir ishin në kërkim të autorëve.

“Ai i shkretë pa dritën dhe e ndoqi”.

“Në orën 1 e 30 ndoqi një makinë nga mbrapa. Nga shpejtësia ra dhe ra në kanal. I ati vdiq, djali është në gjendje të rëndë”.

“Të paktën në fshatin tonë lopa është burimi kryesor”.

Shtëpia e viktimës ndodhet buzë rrugës nacionale  dhe kjo mendohet se i ka ndihmuar autorët për ta kryer më lehtësisht vjedhjen. Pas aksidentit, policia  po punon për gjetjen e shkaqeve të daljes së mjetit nga rruga.

/ABC News Albania 24/7

bllok-ngjarja.jpg
G. P.13:36 | 15/07/2019

Këto janë momentet e para të shpërthimit brenda argjendarisë në zonën e ish-Bllokut.

Shumë persona të plagosur dhe të asfiksuar u raportuan rreth orës 13:15 në urgjencën e Tiranës.

Siç duket edhe në video, paniku dhe frika përfshinë banorët e pallatit Vaso Pasha.

Shpërthimi i bombolës me oksigjen ishte aq i fuqishëm sa dëntoi edhe disa biznese të tjera që ndodheshin ngjitur me Argjendarinë. Të njëjtën fat patën edhe banesat sipër biznesit

Nga hetimet e para rezultoi se bombolat e oksigjetni dhe ato gazit ishin jashtë kushteve teknike. Ato ishin vendosur në bodrumin e argjendarisë dhe përdoreshin nga pronari i saj, Sokol Pirra për të përpunuar Floririn. Sokoli ishte i pari që ndërhyri në bodrum për të fikur flakët, ku mbeti i plagosur bashkë me gruan e tij Alma Pirra. Gjithashtu edhe punonjësja e argjendarisë Eneda Nure u dërgua në spital për ndihmë mjekësore. Në gjendje më të rëndë është edhe një kalimtar i rastit që  po kalonte rastësisht në trotuar. Ai gjendet në repartin e thyerjeve në Spitalin e Traumës, jashtë rrezikut për jetën.

Për të vënë situatën nën kontroll u nevojitën katër automjete zjarrfikëse, ndërsa pjesa më e vështirë ishte nxjerrja nga bordrumi i argjendarisë i tre bombolave, dy me gaz dhe një me oksigjen.

Ekspertët zjarrfikës dhe ato të policisë së Tiranës kanë sekuestruar provat materiale për të zbuluar shkakun e shpërthimit të fuqishëm në ish-Bllok.

Zyrtarisht policia njoftoi se kanë nisur hetimet për kushtet teknike ku kryhej përpunimit i florit nga pronari i argjendarisë Sokol Pirra.

Gazetar i ABC News: Andi Qosja

 

 

shkoder-1.jpg
G. P.13:58 | 04/07/2019

Një 19-vjeçar u sulmua me thikë nga një tjetër i ri në qytetin e Shkodrës. Ngjarja ndodhi në qendër në rrethana ende të paqarta. I plagosuri Igli Pallosha u dërgua në spitalin Rajonal të Shkodrës dhe për shkak të plagëve të rënda është futur me urgjencë në sallën e operacionit. Policia shkoi menjëherë në vendin ku ka ndodhur plagosja dhe po heton për të zbardhur të plotë ngjarjen./ABC News Albania 24/7

carabinieri-ambulanza-notte-4-1-653x367-933x445.jpg
Sej rie08:30 | 27/06/2019

Një i ri shqiptar në Itali është qëlluar me armë zjarri pas një konflikti me disa persona të tjerë, që dyshohet të jenë shqiptarë. Sipas mediave italiane, bëhet fjalë për një 24-vjeçar i cili ka mbetur i plagosur në këmbë. Plumbi i hyri dhe i doli, por raportohet se shqiptari ndodhet jashtë rrezikut për jetën.

Ngjarja ka ndodhur në Tortoreto të Italisë rreth orës 01:30 të mëngjesit. Pas debatit që patën, 24-vjeçari u qëllua me plumb arme në këmbën e djathtë dhe më pas u transportua me ambulancë në spital. Një dëshmitar që ishte në vendngjarje ka thënë se autorët u larguan me një makinë ngjyrë të bardhë.

Grupi hetimor i policisë italiane ka marrë filmimet e kamerave të sigurisë për të parë se çfarë ka ndodhur mes të rinjve dhe për të ndërtuar dinamikën e kësaj ngjarje. Ndërkohë, me rëndësi është edhe dëshmia e 24-vjeçarit shqiptar të plagosur, identiteti i të cilit nuk është bërë i ditur. /tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono