plagosje

divjaka-.jpg
G. P.08:19 | 16/07/2019

Një 57- vjeçar nga Çerma e Divjakës ka humbur jetën dhe djali i tij ka mbetur i plagosur në një aksident automobilistik gjatë ndjekjes së hajdutëve. Viktima bashkë me të birin po udhëtonte me shpejtësi për të kapur autorët, të cilët i kishin vjedhur bagëtitë në mëngjes herët.

57-vjeçari Agim Muça nga Çerma e Divjakës rreth orës 2 të mëngjesit ka dëgjuar zhurma në kasollen e lopës të cilën ja grabitën persona ende të paidentifikuar nga policia.

Pasi ka zgjuar nga gjumi të birin janë vënë në ndjekje të automjetit që besonin se ishte përfshirë në vjedhjen e bagëtisë. Në ndjekje të autorëve mjeti tip “Ford” ku udhëtonte Muça me të birin ka  dalë jashtë rruge në një kthesë në aksin “Tre urat”-Çerm Sektor si pasojë e shpejtësisë.

Makina përfundoi në kanalin buzë rrugës dhe Agim Muça gjeti vdekjen në vend. Ndërsa djali i tij Rrapush Muça ka marrë plagë të rënda. Të afermit e tyre thonë se babë e bir ishin në kërkim të autorëve.

“Ai i shkretë pa dritën dhe e ndoqi”.

“Në orën 1 e 30 ndoqi një makinë nga mbrapa. Nga shpejtësia ra dhe ra në kanal. I ati vdiq, djali është në gjendje të rëndë”.

“Të paktën në fshatin tonë lopa është burimi kryesor”.

Shtëpia e viktimës ndodhet buzë rrugës nacionale  dhe kjo mendohet se i ka ndihmuar autorët për ta kryer më lehtësisht vjedhjen. Pas aksidentit, policia  po punon për gjetjen e shkaqeve të daljes së mjetit nga rruga.

/ABC News Albania 24/7

bllok-ngjarja.jpg
G. P.13:36 | 15/07/2019

Këto janë momentet e para të shpërthimit brenda argjendarisë në zonën e ish-Bllokut.

Shumë persona të plagosur dhe të asfiksuar u raportuan rreth orës 13:15 në urgjencën e Tiranës.

Siç duket edhe në video, paniku dhe frika përfshinë banorët e pallatit Vaso Pasha.

Shpërthimi i bombolës me oksigjen ishte aq i fuqishëm sa dëntoi edhe disa biznese të tjera që ndodheshin ngjitur me Argjendarinë. Të njëjtën fat patën edhe banesat sipër biznesit

Nga hetimet e para rezultoi se bombolat e oksigjetni dhe ato gazit ishin jashtë kushteve teknike. Ato ishin vendosur në bodrumin e argjendarisë dhe përdoreshin nga pronari i saj, Sokol Pirra për të përpunuar Floririn. Sokoli ishte i pari që ndërhyri në bodrum për të fikur flakët, ku mbeti i plagosur bashkë me gruan e tij Alma Pirra. Gjithashtu edhe punonjësja e argjendarisë Eneda Nure u dërgua në spital për ndihmë mjekësore. Në gjendje më të rëndë është edhe një kalimtar i rastit që  po kalonte rastësisht në trotuar. Ai gjendet në repartin e thyerjeve në Spitalin e Traumës, jashtë rrezikut për jetën.

Për të vënë situatën nën kontroll u nevojitën katër automjete zjarrfikëse, ndërsa pjesa më e vështirë ishte nxjerrja nga bordrumi i argjendarisë i tre bombolave, dy me gaz dhe një me oksigjen.

Ekspertët zjarrfikës dhe ato të policisë së Tiranës kanë sekuestruar provat materiale për të zbuluar shkakun e shpërthimit të fuqishëm në ish-Bllok.

Zyrtarisht policia njoftoi se kanë nisur hetimet për kushtet teknike ku kryhej përpunimit i florit nga pronari i argjendarisë Sokol Pirra.

Gazetar i ABC News: Andi Qosja

 

 

shkoder-1.jpg
G. P.13:58 | 04/07/2019

Një 19-vjeçar u sulmua me thikë nga një tjetër i ri në qytetin e Shkodrës. Ngjarja ndodhi në qendër në rrethana ende të paqarta. I plagosuri Igli Pallosha u dërgua në spitalin Rajonal të Shkodrës dhe për shkak të plagëve të rënda është futur me urgjencë në sallën e operacionit. Policia shkoi menjëherë në vendin ku ka ndodhur plagosja dhe po heton për të zbardhur të plotë ngjarjen./ABC News Albania 24/7

carabinieri-ambulanza-notte-4-1-653x367-933x445.jpg
Sej rie08:30 | 27/06/2019

Një i ri shqiptar në Itali është qëlluar me armë zjarri pas një konflikti me disa persona të tjerë, që dyshohet të jenë shqiptarë. Sipas mediave italiane, bëhet fjalë për një 24-vjeçar i cili ka mbetur i plagosur në këmbë. Plumbi i hyri dhe i doli, por raportohet se shqiptari ndodhet jashtë rrezikut për jetën.

Ngjarja ka ndodhur në Tortoreto të Italisë rreth orës 01:30 të mëngjesit. Pas debatit që patën, 24-vjeçari u qëllua me plumb arme në këmbën e djathtë dhe më pas u transportua me ambulancë në spital. Një dëshmitar që ishte në vendngjarje ka thënë se autorët u larguan me një makinë ngjyrë të bardhë.

Grupi hetimor i policisë italiane ka marrë filmimet e kamerave të sigurisë për të parë se çfarë ka ndodhur mes të rinjve dhe për të ndërtuar dinamikën e kësaj ngjarje. Ndërkohë, me rëndësi është edhe dëshmia e 24-vjeçarit shqiptar të plagosur, identiteti i të cilit nuk është bërë i ditur. /tvklan.al

korce-2-1280x699.jpg
Sej rie09:00 | 25/06/2019

Një person është plagosur me thikë në qytetin e Korçës. Ngjarja dyshohet të ketë ndodhur pas një konflikti të çastit në lagjen 17.  Sipas policisë i plagosuri është Armando Trimi 24 vjeç dhe është transportuar ne spitalin e Korçës ku ndodhet nën kujdesin e mjekëve.

Policia ka identifikuar dy autorët dhe është vënë ne ndjekje të tyre, ndërkohë që po punohet për zbardhjen e plotë të kësaj ngjarjeje./ABC News Albania 24/7

thike-vrasje.jpg
nev ila23:06 | 24/06/2019

Një person është plagosur me thikë në qytetin e Korçës. Ngjarja dyshohet të ketë ndodhur pas një konflikti të çastit.

Mësohet se i plagosuri Armando Trimi është transportuar në spitalin e Korçes dhe ndodhet nën kujdesin e mjekëve.
Policia po punon për identifikimin dhe kapjen e autorit të plagosjes./ABC News Albania 24/7

plumba-makines.jpg
G. P.13:49 | 20/06/2019

Dy persona janë plagosur në një atentat tek mbikalimi Shkozetit në Durrës. Njëri prej tyre është kunati i Lul Berishës, kurse personi tjetër, shoku i tij.

Breshëri plumbash u derdhën mbi automjetin tip “Range Rover” në të cilin ndodheshin Plarent Dervishi, i njohur si kunati i Lul Berishes dhe shoku i tij Julian Meçaj.
Atentati ndodhi në lagjen 14 në zonën e ish-Kënetës, pranë mbikalimit të Shkozetit. Julian Meçaj mori tre plumba, në kokë, shpatull dhe këmbë, kurse Plarent Dervishi dy plumba në trup.

Dervishaj më parë ka qenë në burg si pjesëtar i grupit kriminal të Lul Berishës, te akuzuar në atë kohë për vrasje e gjobëvënie. Kurse Meçaj pavarësisht se doli në përgjime vite më parë, si anëtar i bandës së Durrësit, akuzat ndaj tij nuk u provuan kurrë.

Mësohet se automjeti i cili u sulmua nga dy atentatorë po udhëtonte nga Maminasi në drejtim të Durrësit. Pranë mbikalimit të Shkozetit është qëlluar me breshëri automatiku nga para dhe pas në të njëjtën kohe.

Në vendngjarje policia sekuestroi 55 gëzhoja të qitura nga dy armë të ndryshme automatike. Kjo ngre dyshime që në atentat kanë marrë pjesë më shumë se dy persona.

Për të sqaruar rrethanat, apo motivin e atentatit policia pritet të marrë dëshminë e të plagosurve, sapo gjendja e tyre të përmirësohet dhe të cilët i shpëtuan mrekullisht plumbave.

Ende nuk dihet nëse autorët kanë lëvizur me automjet apo motor për shkak të të dhënave kontradiktore. Ndaj subjekteve që operojnë përgjatë autostradës Tiranë-Durrës, aty ku ka lëvizur automjeti që pësoi atentat pritet t’i sekuestrohen pamjet filmike.

Nëpërmjet tyre policia shpreson të gjejë ndonjë indicie që mund të çojë drejt identifikimit dhe më pas arrestimit të autorëve./ABC News Albania 24/7

vrasja-ne-vlore-1280x720.jpg
G. P.15:05 | 11/06/2019

Vritet aksidentalisht me armë zjarri kryetari i Njësisë Administrative të Kotës në Vlorë, Argjil Gjoka. Ai u qëllua me plumb, pasi ndërhyri për të shuar një konflikt mes banorëve dhe punëtorëve, që po punonin për hapjen e rrugës në fshatin Mavrovë. Nga ngjarja mbeti i plagosur edhe një 19-vjecar, ndërsa u shpall në kërkim kushëriri i tij, si autor i krimit.

Kryetari i Njësisë Administrative të Kotës në Vlorë u vra gjatë një konflikti për një rrugë në fshatin Mavrovë.

Në këtë ngjarje ka mbetur i plagosur dhe 19-vjeçari Arif Bejtaj, i cili ndodhet jashtë rrezikut për jetëb. Ky i fundit është kushëriri i autorit të dyshuar për ngjarjen Mersin Bejtaj dhe po kërkohet nga policia.

Mësohet se fillimisht ka patur një debat mes familjes Bejtaj dhe fadromistit që po punonte në rrugë. Në këtë moment ka ndërhyrë administratori lokal, Argjil Gjoka, për të qetësuar situatën, por një plumb e ka prekur aksidentalisht  në kraharor duke i marrë edhe jetën.

Banorët nuk kanë dijeni për shkakun e konfliktit , por vlerësojnë shumë punën e 60-vjeçarit në zonë. Një vit më parë në këtë njësi u vra paraardhësi i tij 63-vjeçari Fatmir Hodo.

Për ngjarjen në atë kohë u arrestua 44-vjeçari Admir Delaj nga fshati Gumenicë. Ai e qëlloi Hodon me armë gjahu pas një bisede të tensionuar për çështje pronësie, në hyrje të një lokali ndërsa të dy kishin konsumuar pije alkoolike së bashku.

Pas vrasjes së Fatmir Hodos, vendin e tij e zuri Argjil Gjoka i cili u qellua sërish pas një konflikti pavarësisht  se ai nuk ishte objektivi./ABC News Albania 24/7

policia-tiranes6-933x445-933x445-1.jpg
G. P.09:28 | 08/06/2019

Policia e Tiranës ka vënë në pranga një 22-vjeçar, i cili plagosi me thikë një person. Ngjarja në fjalë ndodhi mesditën e së premtes në rrugën “Frosina Plaku”.

Sipas uniformave blu, E.K goditi me thikë 25-vjeçarin S.P. Arrestimi i të riut u bë për penale “Vrasja me dashje  e mbetur në tentative” dhe “Prodhimi, mbajtja, blerja apo shitja pa leje e armëve të ftohta”.

“Materialet i kaluan Prokurorisë së Rrethit Gjyqësor Tiranë për veprime të mëtejshme”, thuhet më tej në njoftimin e policisë./abcnews.al

protestat-1.jpg
nev ila12:57 | 06/06/2019

Gjykata Penale e Tiranës ka lënë sot nën masën e sigurisë “burg pa afat” Zamir Sijanin, 43 vjeçarin e arrestuar pak dite më parë për akte dhune gjatë protestës së fundit të opozitës.

Sijani akuzohet se qëlloi me shufër hekuri në kokë babë e bir gjatë protestës së organizuar në mbrëmjen e 2 qershorit.

Sipas hetimeve të deritanishme, Zamir Sijani akuzohet se ka goditur me mjete të forta shtetasit, Ymer Çelën dhe Erjon Çelën, babë e bir banues në Tiranë. 43-vjeçari, nga fshati Xhafzotaj i Durrësit, rezulton të ketë qenë i dënuar më parë për “Trafikim lëndësh narkotike” dhe “armëmbajtje pa leje”./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono