plagoset

efektivja-vlore.jpg
ent ela18:00 | 11/02/2019

Efektivja e paraburgimit të Vlorës Elmira Binaj ka mbetur e plagosur në një aksident rrugor pasditen e sotme në rrugën e varrezave në këtë qytet. Një mjet që po vinte nga Llakatundi dhe që dyshohet se ishte  me shpejtësi tej normave të lejuara, është përplasur me mjetin ku ndodhej efektivja Binaj. Makina e saj ishte e ndaluar në momentin e aksidentit. E plagosura po merr ndihmën mjekesore në spitalin rajonal të Vlorës dhe ndodhet jashtë rrezikut për jetën./abcnews.al\

aksident-1.jpg
ent ela17:27 | 06/02/2019

Një person është plagosur rëndë pasi është përfshirë në një aksident në hyrje të qytetit në segmentin rrugor Stacioni i Trenit-Ura e Dajlanit. Mësohet se një automjet tip Fouristrade ka përplasur një person që po lëvizte me biçikletë.

Ndërkohë që një tjetër automjet që ndodhej pas Fuoristradës ka devijuar nga rruga me qëllim shmangien e një tjetër përplasje personit të dëmtuar i cili ndodhej në asfalt, duke përfundur në trotuar. I dëmtuari është dërguar në spital, por gjendja e tij paraqitet  mjaft e rënduar. Policia ka ndaluar drejtuesit e dy automjeteve të përfshira në aksident./abcnews.al

0_FRANCE-POLITICS-SOCIAL-DEMO.jpg
G. P.08:11 | 27/01/2019

Jelekët e verdhë janë mobilizuar edhe këtë të shtunë në Francë. 69 mijë vetë ishin në protestë sipas ministrisë së brendshme.Protestuesit dogjën mjete në rrugë ndërsa policia u lëshoi gaz lotsjellës e granata shurdhuese. U plagos një prej udhëheqësve të jelekëve të verdhë.

Jelekët e verdhë kanë dalë në protestë në të shtunën e 11-të rradhazi në Francë. Protestuesit i kanë vënë flakën disa motorëve të parkuar, ndërsa forcat e rendit kanë lëshuar gaz lotsjellës e granata shurdhuese drejt protestuesve.

Si pasojë e përplasjes me policinë në Paris, në afërsi të Bastijës është plagosur një prej udhëheqësve të jelekëve të verdhë. Ai quhet Zherom Rodrigez dhe në Facebokun e tij shkroi “Do e humb syrin”. Një hetim i brendshëm ka nisur tek forcat e rendit. Grupe protestuesish u mblodhën në sheshin e republikës për atë që e quajnë “nata e verdhë”. Edhe në këtë shesh protestuesit janë ndeshur me policinë.

Në mbrëmje policia njoftoi se numri i protestuesve në të gjithë vendin ishte 69 mijë, nga këta 4 mijë vetëm në Paris. Një javë më parë, numëroheshin 84 mijë protestues. Ministri i Brendshëm ka dënuar aktet e dhunës të protestuesve që sipas tij ishin maskuar si jelekë të verdhë.

Pas plagosjes në sy të Zherom Rodrigez, një tjetër udhëheqësi i lëvizjes i ka bërë thirrje jelekëve të verdhë përmes llogarisë së tij në FB që të ngrihen së bashku në një protestë edhe më të madhe. “lërini zënkat mënjanë, sepse një betejë nuk luhet, por fitohet” shkruan ai./abcnews.al

gazetarja-malazeze-1280x720.jpg
ent ela08:48 | 09/05/2018

Një gazetare malazeze, e njohur për hetimin e korrupsionit në biznes dhe qeveri, u qëllua dhe u plagos përpara shtëpisë së saj në Podgoricë, të martën vonë, tha policia.

“Olivera Llakiq u plagos me plumb në këmbën e saj të djathtë, por jeta e saj nuk është në rrezik”, tha shefi i policisë, Vesko Damjanoviq.

Llakiq punon në gazetën me ndikim Vijesti.

Llakiq, 49 vjeçe, është sulmuar edhe gjashtë vjet më parë, kur është goditur disa herë në kokë.

Damjanoviq tha se policia “do të bëjë çmos për të zbuluar autorët dhe për t’i sjellë para drejtësisë”.

Ambasadori i Bashkimit Evropian në Mal të Zi, Aivo Orav, tha se sulmi mbi gazetaren Olivera Llakiq është shumë shqetësues.

“Gazetarët duhet të mbrohen”, tha ai në një postim në Tëitter.

Mali i Zi shpreson të anëtarësohet në Bashkimin Evropian në vitin 2025.

Ambasada e Shteteve të Bashkuara në Podgoricë shprehu po ashtu shqetësim për sulmin.

Muajin e kaluar, një bombë ka shpërthyer pranë shtëpisë së një tjetër gazetari malazez, në qytetin Bijello Pole. /REL

PLAGOSJA-SHKODER-1280x720.jpg
ent ela13:15 | 05/05/2018

Një biznesmen ndërtimi është plagosur me armë zjarri. Ngjarja ka ndodhur rreth orës 13:00 në Bërdicë.

Sipas policisë i plagosuri është biznesmeni i ndërtimit Xhevat Vataksi. Mësohet se ai ndodhet në spitalin e Shkodrës,  jashtë rrezikut për jetën. Mësohet se autori i plagosjes është Artur Lushi, 43 vjeç.

Ende nuk dihen motivet e krimit. Policia dyshon se plagosja ka ardhur pas një konflikti të çastit, ndërkohë që është vënë në kërkim të autorit.

/abcnews.al

vlcsnap-error817-1-1280x720.jpg
ent ela08:45 | 19/02/2018

Një grua është dërguar në gjendje të rëndë në spitalin kirurgjik të Elbasanit. Ajo dyshohet se është plagosur me armë gjahu aksidentalisht, por policia ka nisur hetimet për këtë ngjarje. 44 vjeçarja N.D  ndodhej në banesën e saj kur ka ndodhur plagosja, por policia ka marrë në pyetje edhe pjestarë të tjerë. Ndërkohë gruaja po merr mjekim në spital, por mjekët thanë që ajo është në rrezik për jetën./abcnews.al

ambulanca-560x384.jpg
ent ela13:44 | 13/02/2018

Një 22 vjeçar ka mbetur i plagosur me thikë pas një konflikti me dy vëllezër në fshatin Mjedë të Vaut të Dejës. Sipas policisë i plagosur ka mbetur 22 vjeçari me iniciale Xh. R., I cili është dërguar menjëherë në s[ital dhe ndodhet jahstë rrezikut për jetën.

Policia ka arrestuar dy vëllezërit me iniciale A. P. 40 vjeç dhe K.P. 30 vjeç dhe po kryen veprimet për sqarimin e rrethanave të ngjarjes./abcnews.al

vlcsnap-error163-1280x720.jpg
ent ela11:47 | 22/01/2018

Një nxënëse në shkollën e Mesme “Eqerem Çabej” në Tiranë u plagos aksidentalisht gjatë një sherri mes dy bashkëmoshatarëve të saj, brenda në ambientet e shkollës.

Konflikti mes dy nxënësve të klasës së 10-të nisi në klasë, gjatë orës së informatikës dhe vijoi më pas në oborrin e shkollës. Për të shuar konfliktin mes dy të rinjve kanë ndërhyrë mësuesja dhe shoqja e tyre e klasës, e cila u lëndua në fytyrë me një mjet prerës.

Policia shoqëroi dy adoleshentet në komisariatin nr.4, kurse nxënësja e lënduar mori mjekimin e nevojshëm në QSUT. Dy nxënësit  e shkollës “Eqerem Çabej”, që u përfshinë në këtë konflikt, janë pezulluar deri në përfundim të hetimit për ngjarjen./abcnews.al

vlcsnap-error770-1280x720.jpg
us er12:59 | 18/12/2017

Një banesë u shkrumbua në lagjen “Kushtrimi” në Vlorë, kurse e zonja e shtëpisë u plagos. Shkak është bërë shpërthimi i një bombole gazi, e cila ka patur rrjedhje dhe ka marrë flakë. Ngjarja ka ndodhur në katin e pestë të një pallati. Dhe pse zjarrfikëset shkuan shpejt në vendin e ngjarjes ata nuk mundën të shmangnin dëmet. Zonja e shtëpisë ka marrë disa lëndime dhe u dërgua me urgjencë për ndihmë mjekësore./abcnews.al

 

vlcsnap-error358-1-1280x720.jpg
us er14:40 | 23/11/2017

Një 16 vjeçar u sulmua dhe u godit me thikë nga një 14 vjeçar 100 metra larg shkollës 9 vjeçare “Marigo Posio” ku ai ishte nxënës. Ngjarja ndodhi mesditën e kësaj të enjte në një “bilardo” në lagjen “1 Maji” dhe dëshmitarët thonë se sherri nisi në mënyrë krejt banale.  Autori i tha shënjestrës së tij “pse më shikon”. I plagosuri është 16 vjeçari V.Ç nxënës i gjimnazit “Jani Minga” po në këtë rrugë. Ai u transportua për të marrë ndihmën e nevojshme mjekësore në Spitalin Rajonal Vlorë. Kurse policia shoqëroi në ambientet e Komisariatit të Policisë 14 vjeçarin A.N, për zbardhjen e plotë të motiveve të kësaj ngjarje. Në cilësinë e provës materiale u sekuestrua thika që përdor nga autori./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono