Pioli

Pioli.jpg
Veronik Istrefaj14:34 | 15/01/2020

Trajneri i Milanit, Stefano Pioli u ka bërë thirrje tifozëve kuqezinj që të vazhdojnë mbështetjen e tyre fantastike ndeshjes të Kupës së Italisë kundër SPAL. Kuqezinjtë janë kualifikuar në tetë më të mirat të kupës në secilin prej dhjetë sezoneve të fundit dhe do të shpresojnë të bëjnë të njëjtën gjë kundër skuadrës së SPAL.

Pioli ka dhënë një intervistë të gjatë për Milan TV, ku u shpreh: “Tifozët tanë kurrë nuk e mohojnë veten e tyre. Mbështetja dhe pasioni i tyre është me ne dhe na ka shoqëruar në momente delikate. Ne kemi një detyrim ndaj tyre të përpiqemi të bëjmë sa më mirë në këtë ndeshje.

“Fatkeqësisht kemi grumbulluar shumë pak fitore para tifozëve tanë, ndeshje që duhej të zhbllokoheshin dhe që ndoshta duhet të kishim fituar. Por tani ne duhet të përqendrohemi në të tashmen, të ardhmen tonë dhe ndeshjen e nesërme, e cila është e rëndësishme”.

Milani fitoi 2-0 të shtunën kundër Cagliarit, falë golave ​​të Rafael Leao dhe Zlatan Ibrahimovic: “Ne kemi bërë zgjedhjet e duhura. E përgatitëm ndeshjen me të njëjtën agresion dhe forcë. Goditëm në kohën e duhur, ishim një ekip konkret dhe efektiv. Në këtë rrugë duhet të ndërtojmë të ardhmen tonë, këto janë karakteristikat që na kanë munguar në të kaluarën dhe që tani duhet të jenë të pranishme në performancën tonë.

“Ndryshimi në sistemin e lojës mund të ketë dhënë ca më shumë hapësirë ​​për të tjerët në skuadër. Ata që janë gati, që japin besim, që japin përkushtim, që japin profesionalizëm, do të luajnë gjithmonë”.

“Objektivat për vitin 2020? Ne kemi një qëllim përfundimtar: të arrijmë në maj me një renditje më të mirë se ai në të cilin jemi tani. 25 pikë në pjesën e parë të sezonit nuk janë të mjaftueshme për Milanin. Qëllimi ynë është të marrim shumë më shumë pikë për të provuar të ngjitemi në pozicione dhe të kemi paraqitje më të mira, nga këtu deri në fund me bindje të madhe. Ne kemi mundësinë që të kemi një gjysmë të dytë më të mirë sesa atë që bëmë në të parën”, tha Pioli./abcnews.al

Ibra-Pioli.jpg
Veronik Istrefaj18:49 | 11/01/2020

Stefano Pioli pranoi pas fitores kundër Cagliarit se Milani i tij, është më i fortë me Zlatan Ibrahimoviç si pikë referimi në majë të sulmit.  Suso, Krzysztof Piatek dhe Paqueta, jo vetëm që u lanë në stol, por nuk u aktivizuan për asnjë minutë në “Sardegna Arena”.

Pioli, pas ndeshjes, tha: “Kjo ishte sigurisht një performancë e ndryshme nga ndeshjet e fundit. Ne ishim më të saktë, më të fortë, prania e Zlatan na jep qartësisht një pikë referimi për të ndërtuar aksione.

“Ishte një fitore e rëndësishme dhe e merituar për të filluar ndërtimin e një të ardhme më të mirë. Ne duhet të përpiqemi të shfrytëzojmë sa më shumë karakteristikat e lojtarëve tanë. Ibrahimoviç ndoshta nuk do të futet në hapësirë ​​aq shumë, kështu që ne kemi nevojë për dikë rreth tij që mund të bëjë vrapime. Sot pamë Leaon, Samu Castillejon dhe Hakan Calhanoglu, pastaj Giacomo Bonaventura. Ne sapo kemi filluar të punojmë në këtë sistem, por shenjat e hershme janë pozitive.

“E pyeta Zlatan shpesh se si ishte fizikisht, pasi ai nuk kishte luajtur një ndeshje të plotë për shumë muaj dhe nuk doja të rrezikoja me problemet muskulore. Ai u vendos në dispozicion të skuadrës, tha gjërat e duhura për shokët e tij dhe është një pikë e fortë për ne në fushë.

“Ibrahimovic dëshiron të dëshmojë se ai akoma është lojtar i madh dhe prania e tij po ndihmon vërtet. Ai ka karakter, vendosmëri dhe përvojë të pabesueshme. Ajo që na mungonte deri më tani nuk ishte krijimi i rasteve, por konkretizimi. Sot ishim më të saktë”, përfundoi Pioli./abcnews.al

Caldara-Pioli-1280x800.jpg
Veronik Istrefaj14:58 | 10/01/2020

Trajneri i Milanit, Stefano Pioli, ka folur për thashethemet që rrethojnë kampin e kuqezinjve, si dhe foli për të ardhmen e Krzysztof Piatek, i cili duket pranë kalimit te Tottenham Hotspur. Strategu italian foli për shumë tema të tjera, por më shumë u ndalua te merkato.

CALDARA – “Ne kemi bërë vlerësime teknike dhe fizike dhe besojmë se mund ta përmirësojmë skuadrën me lojtarë të tjerë”.

POLITANO – “Nuk më pëlqen të flas për lojtarë që nuk janë në skuadrën time. Nuk është detyra ime për t’u marrë me tregun e transferimeve. Ne jemi gati për ndeshjen tjetër, shpresoj që së shpejti të vijë një mbrojtës i ri.”

PIATEK – “Ne duhet të jemi aktivë në merkato, por duke pasur parasysh pozicionin tonë aktual, të gjithë duhet të jenë plotësisht të përqendruar vetëm te ndeshja e radhës. Piatek është thirrur dhe do të jetë në dispozicion për ndeshjen e nesërme.” Kuqezinjtë përballen me Cagliarin në transfertë./abcnews.al

Pioli-3-1280x768.jpg
Veronik Istrefaj23:22 | 10/11/2019

Trajneri i Milanit, Stefano Pioli, foli menjëherë pas humbjes ndaj Juventusit, për mikrofonat e Sky Sport. Në fjalën e tij, tekniku i kuqezinjve u shpreh: “Na mungoi vetëm rezultati, paraqitja e lojtarëve të mi ishte e shkëlqyer, më e mirë se e Juventusit.

Por kur nuk shënon kundër një kundërshtari si Juventusi, sidomos në fushë kundërshtare, ndëshkohesh. Krijuam shumë raste dhe pak skuadra dominojnë Juventusin në fushën e saj. Tani thjesht duhet të vazhdojmë me këtë ritëm dhe të punojmë më shumë.

Luajtëm me një intensitet të jashtëzakonshëm, ky ishte një test për ne. Duhet të merrnim diçka nga kjo sfidë, por po largohemi duarbosh, gjë që nuk është aspak e mirë”, përfundoi Pioli./abcnews.al

 

Pioli-3-1280x768.jpg
Veronik Istrefaj23:47 | 03/11/2019

Trajneri i Milanit, Stefano Pioli, foli menjëherë për mediet italiane pas humbjes 1-2 kundër Lazios. Strategu i kuqezinjve tha se skuadra e tij bën ende gabime, por po sheh shenja përmirësimi.

“Sipas mendimit tim, ekipi po përmirësohet. Sigurisht, për tabelën dhe situatën ku ndodhemi, ishte e rëndësishme për të fituar, por performanca ishte prezente sot”, tha Pioli fillimisht.

“Ne morëm përsipër disa rreziqe për të krijuar panik te kundërshtarët, duke i shtyrë ata deri në fund dhe besoj se tani jemi në rrugën e duhur.

“E gjitha çfarë mund të bëjmë është të vazhdojmë të përmirësohemi përgjatë këtyre linjave. Pashë një ekip që luftoi shumë për 95 minuta. Unë nuk pashë një ekip që po nuk po mundohej apo po frikësohej.

“Ende bëjmë shumë gabime, por kur unë erdha, lojtarët kishin frikë dhe ishin në ankth. Tani nuk e kemi një gjë të tillë”, përfundoi Pioli./abcnews.al

Paqueta.png
Veronik Istrefaj18:35 | 01/11/2019

Lucas Paqueta u transferua te Milanit gjatë merkatos së janarit sezonin e shkuar, por edhe se ka vetëm 10 muaj te kuqezinjtë, ka luajtur nën urdhrat e tre trajnerëve. Sot, braziliani ka folur për mediet italiane, ku ka treguar diferencat mes trajnerëve me të cilët ka punuar.

GIAMPAOLO – “Mendoj se kishte disa faktorë që ndikuan te puna e tij. Për mua personalisht, ishte një problem i madh, pasi nuk kam luajtur shumë ndeshje. Jam munduar gjithmonë të bëjë maksimumin dhe të punoj shumë”.

PIOLI – “Tani me Piolin, skuadra është më komode dhe më e qetë. Para se të vinte Pioli, diçka nuk ishte në rregull dhe po mungonte diçka. Tani, skuadra është më mirë, por duhet ende pak kohë që të përmirësohemi dhe të arrijmë rezultate të mira. Pioli është i drejtpërdrejtë, t’i thotë gjërat menjëherë. Trajneri i bën lojtarët të luajnë aty ku e kanë pozicionin, duke na dhënë lirinë e duhur për të treguar vlerat tona”, përfundoi Paqueta./abcnews.al

Caldara-Pioli-1280x800.jpg
Veronik Istrefaj17:25 | 30/10/2019

Trajneri i ri i Milanit, Stefano Pioli, është një admirues i skemës me tre qendërmbrojtës, por deri më tani te Milani, nuk ka pasur mundësi të luajë me një modul të tillë, për shkak të lojtarëve që ka në përbërje.

Si pasojë, tekniku italian i ka bërë kërkesë klubit që të ndërhyjë në merkato të marrë një qendërmbrojtës. Caldara do të rikthehet shumë shpejt nga dëmtimi, por Pioli po shpreson që Milani të shpenzojë dhe të sjellë një emër të madh në San Siro.

Deri më tani, mediet italiane nuk kanë mësuar ndonjë emër konkret, por flitet se kuqezinjtë po interesohen për dy mbrojtës në La Liga. Me këtë skemë të re, Theo Hernandez do të ketë mundësinë të luajë më i avancuar, ndërsa Duarte me shumë gjasa do të mbulojë rolin e ‘wingerit’ të djathtë./abcnews.al

Pioli-Milan-e1579360858478.png
Veronik Istrefaj21:23 | 27/10/2019

Trajneri i Milanit, Stefano Pioli, foli për mediet italiane pas humbjes kundër Romës. Milani u mposht 2-1 në kryeqytet dhe Pioli nuk e ka marrë mirë këtë rezultat. Në fjalën e tij, numri një i stolit kuqezi tha: “Unë sinqerisht prisja më shumë!

Mendoj se kemi bërë shumë gabime që na kanë kushtuar kundër Leçes dhe pastaj bëmë përsëri gabime sot kundër Romës. Ne jemi një ekip i madh dhe kemi shumë cilësi në grup. Nuk mund t’i bëjmë këto lloj gabimesh.

Pjesa e parë? Unë mendoj se ishte një pjesë e parë mjaft e barabartë. Më pas, arritëm të shënonim në fillimin e pjesës së dytë dhe gjithçka po shkonte mirë.

Goli i dytë i Romës? Pasi barazuam, duhet të ishim më të kujdesshëm. Kemi shumë gjëra për të punuar, e dimë se mund të jemi më mirë, por do të duhet të punojmë shumë në ditët e ardhshme.

Piątek? Dua të marr më të mirën e lojtarëve të mi, unë i marr vendimet e mia bazuar në atë që futbollistët më tregojnë në stërvitje dhe në fushën e lojës. Ne duam t’i rikthehemi fitoreve”, përfundoi Pioli./abcnews.al

giampaolo.jpg
Veronik Istrefaj23:58 | 26/10/2019

Paolo Maldini ka folur sot për mediet italiane, ku ka thënë se projekti i Milanit ka nevojë për kohë. Sipas legjendës kuqezi, Milani është në rrugën e duhur dhe rezultatet do të vijnë me kalimin e kohës. Në fjalën e tij, ish-mbrojtësi tha: “Ky moment është delikat për Milanin.

Gjithsesi, ky është një proces i projektit që ne kemi. Kemi pasur tre ndryshime në drejtim. Ndryshimi në krye të pankinës ka qenë i papritur. Megjithatë, ishte një vendim që duhej marrë. Tani kemi marrë një trajner me ide të qarta, kemi dhe një skuadër të re. Ky është vetëm fillimi i sezonit dhe gjëra të mëdha na presin”, përfundoi Maldini./abcnews.al

Pioli-2.jpg
Veronik Istrefaj23:22 | 20/10/2019

Trajneri i Milanit, Stefano Pioli, nuk ia doli të debutojë me fitore në takimin kundër Leçes, duke marrë vetëm një barazim 2-2. Pas kësaj sfide, tekniku italian tha:

“Ka shumë gjëra pozitive që më bëjnë optimist për të ardhmen, por sot duhet të kishim fituar. Kishim shumë raste për ta mbyllur ndeshjen, por nuk arritëm të ishim të saktë dhe i dhamë mundësinë rivalëve për të besuar dhe për të barazuar. Babacar dhe Calderoni janë lojtarë shumë të mirë, kam punuar më parë me to.

Sot luajtëm me tre qendërmbrojtës, por ndaj Romës javën e ardhshme do të jetë shumë ndryshe. Më keni pyetur dje se si e kam gjetur Milanin dhe nuk kisha një përgjigje të saktë. Sot mësova se kjo skuadër ka shumë gjëra pozitive, por po flasim për Milanin: Duhet t’i fitojmë ndeshjet shumë më shpejt.

E zëvendësova Leaon jo se nuk mund të luajë së bashku me Piatek, por pati disa probleme shqetësore. Do të kemi shumë ndeshje përpara dhe eksperimentet nuk do të mungojnë”, përfundoi Pioli./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono