piatek

Atletico.jpg
Veronik Istrefaj21:35 | 03/12/2019

Atletico Madrid po kërkon për një bomber në merkaton e janarit, pasi Diego Costa dhe Alvaro Morata nuk janë në lartësinë e duhur. Këtë gjë e tregojnë dhe statistikat këtë sezon, pasi në 15 ndeshje në La Liga, Atletico ka shënuar vetëm 16 gola.

Si pasojë, ekipi kryeqytetas synon të përforcohet në sulm dhe ka piketuar dy sulmuesit e Serie A. Bëhet fjalë për Piatek dhe Belotti. Sulmuesi i Milanit nuk po luan rregullisht nën urdhrat e Piolit dhe me Atletico kërkon ta marrë në huazim 6 muaj me opsion blerje në fund të sezonit.

Ndërsa Belotti, do të jetë një alternativë më e shtrenjtë. Kapiteni i Torinos vështirë të ndryshojë ambient, sidomos në mes të sezonit, por siç raportojnë mediet iberike, Atletico po përgatit një ofertë të majme. Gjatë ditëve të ardhshme, pritet të ketë dhe detaje konkrete./abncews.al

Pioli-Milan.png
Veronik Istrefaj21:23 | 27/10/2019

Trajneri i Milanit, Stefano Pioli, foli për mediet italiane pas humbjes kundër Romës. Milani u mposht 2-1 në kryeqytet dhe Pioli nuk e ka marrë mirë këtë rezultat. Në fjalën e tij, numri një i stolit kuqezi tha: “Unë sinqerisht prisja më shumë!

Mendoj se kemi bërë shumë gabime që na kanë kushtuar kundër Leçes dhe pastaj bëmë përsëri gabime sot kundër Romës. Ne jemi një ekip i madh dhe kemi shumë cilësi në grup. Nuk mund t’i bëjmë këto lloj gabimesh.

Pjesa e parë? Unë mendoj se ishte një pjesë e parë mjaft e barabartë. Më pas, arritëm të shënonim në fillimin e pjesës së dytë dhe gjithçka po shkonte mirë.

Goli i dytë i Romës? Pasi barazuam, duhet të ishim më të kujdesshëm. Kemi shumë gjëra për të punuar, e dimë se mund të jemi më mirë, por do të duhet të punojmë shumë në ditët e ardhshme.

Piątek? Dua të marr më të mirën e lojtarëve të mi, unë i marr vendimet e mia bazuar në atë që futbollistët më tregojnë në stërvitje dhe në fushën e lojës. Ne duam t’i rikthehemi fitoreve”, përfundoi Pioli./abcnews.al

Calha.jpg
Veronik Istrefaj22:47 | 20/10/2019

Milani nuk ka shkuar më shumë se një barazim 2-2 kundër Leçes në San Siro, duke marrë vetëm një pikë nga ky takim. Kjo ishte ndeshja e parë e Stefano Piolit në krye të “Djallit” dhe tekniku italian nuk arriti të debutojë me fitore. Ishte Calhanoglu që shënoi golin e parë të kësaj sfide, në minutën e 20-të. Fantazisti turk shënon një gol shumë të bukur nga një kënd i vështirë, duke goditur fluturimthi me të djathtën. Ky gol, i çoi skuadrat në dhomat e zhveshjes me rezultatin 1-0.

Në pjesën e dytë, ekipi i Leçes shtyu më shumë në repartin sulmues, madje arritën dhe të barazonin. Conti prek topin me dorë brenda zonës dhe penallti për miqtë në minutën e 62-të. Sulmuesi Babacar merr përsipër ekzekutimin e këtij 11-metërshi dhe në dy tentativa, mposht Donnarummën.

Pioli ndërhyn në formacion dhe nuk pajtohet me këtë barazim, duke aktivizuar sulmuesin polak, Kryzstof Piatek. Ishte pikërisht bomberi kuqezi ai që gjeti rrjetën, në minutën e 81-të. Megjithatë, Leçe nuk do të dorëzohej dhe me anë të një supergoli nga Calderoni, vendosi rezultatin final të sfidës në 2-2./abcnews.al

Serie A, java 8

Milan – Leçe 2-2
Calhanoglu 20′, Piatek 81′ / Babacar 64′, Calderoni 90+4′

9965584-6717755-image-a-61_1550510773837.jpg
ent ela23:30 | 20/02/2019

Sulmuesi i Milanit, Kristozof  Piatek është shndërruar në idhullin e tifozerisë së kuqezinjve duke realizuar 6 gola në 5 takime. Gjithsesi polaku kërkon të qëndrojë me këmbë në tokë duke thënë se nuk është ai heroi i kuqezinjve.

Kristozof  Piatek është shndërruar në idhullin e tifozerisë së Milanit. 6 gola në vetëm 5 takime është një tregues i qartë që fatet e kuqezinjve janë të varura nga performance e bomberit polak. Gjithsesi 23 vjeçari preferon të qëndrojë me këmbë në tokë kur thotë se po vlerësohet nga shtypi më shumë se çduhet. Ndërkohë që vleresoi edhe paraqitjet e mesfushorit Pakueta.

“Kam lexuar shumë në media të ndryshme për aftësitë e mia si futbollist. Nëse do të ishin të gjitha të vërteta ato që shkruheshin unë do të isha futbollistti më i mirë në botë. Shpresoj që Milani të rikthehet në nivelet më të larta edhe falë kontributit tim. Jam shumë i lumtur për startin që kam bërë tek Milani por nuk jam unë heroi i kësaj skuadre. Me Pakueten kuptohem shumë mirë dhe ai është një futbollist që ka cilësi shumë të mira teknike”.

Ndër të tjera Piatek tregon që kalimi tek Milani erdhi në momentin e duhur si dhe tregon raportet me Levandovskin tek Kombëtarja e Polonisë.

“U largova nga Polonia në momentin që ishta gati për të përballuar sfidat e reja. Mund të isha larguar edhe më parë por nuk isha i bindur ndaj që prita derisa mora vendimin për të kaluar tek Xhenoa e më pas tek Milan.  Ne Kombëtaren e Polonisë ndihem shumë mirë me Levandovsëkin dhe Milik në fazën sulmuese ndoshta sepse jemi sulmues me karakteristika të ndryshme”, tha futbollisti i Milanit, Kristozof Piatek./abcnews.al

piatek.jpg
ad min08:43 | 18/02/2019

Milani ndihet me fat me sulmuesin e tij të ri, Piatek. Futbollisti polak po shënon gola dhe po kalon rekordet e legjendave të së kaluarës.

Ky stadium ka parë shumë legjenda dhe kjo fanellë është veshur nga mjaft kampionë. Gjithsesi, Milani mezi po e priste heroin e radhës dhe duket se e ka gjetur më në fund. Ky është Kristof Piatek, golshënuesi i momentit, sulmuesi më i mirë i sezonit në krah të Cristiano Ronaldos.

Dy golat e shënuar në stadiumin e Atalantës ishin një ndihmë e jashtëzakonshme për skuadrën e trajnerit Gennaro Gattuso, që vuajti shumë dhe fare lehtë mund të kishte humbur. Që kur Andrij Shevchenko u largua në 2006, Milani kishte 13 vjet në kërkim të një bomberi të vërtetë, ndërsa duket se 35 milionët e shpenzuar për kartonin ishin badihava.

Statistikat flasin e polaku është më lart se yjet e të kaluarës, të paktën përsa i përket javëve të para me kuqezinjtë. Atij i kanë mjaftuar 310 minuta për 6 gola, ndërsa suedezit të madh të viteve 50-të, Gunar Nordal, iu deshën 419.

Po ashtu, pas tij kanë mbetur Van Basten, Rivera, Altafini, Shevçenko apo edhe Baloteli. Me një sulmues të tillë, kualifikimi për në Champions duket si objektivi minimal për Milanin e Gatuzos. Nëse Juventusi ka Ronaldon, milanistët kanë Piatekun.

“La Gazetta dello Sport” thekson: Magjistari Piatek! Polaku bën Milanin të fluturojë!

“Il Corriere dello Sport” bën një krahasim: Kristof, çfarë Piateku! Ikardi dhe Interi drejt divorcit në Qershor! Adios!

“Tutosport”: Atalanta nokaut! SuperPiatek dhe Çalhanoglu, Milani i afrohet Championsit!

Kanë kaluar vetëm 20 ditë që nga debutimi i polakut si titullar, në ndeshjen e Kupës ndaj Napolit, por duket sikur kuqezinjtë kanë hyrë në një epokë tjetër./abcnews.al

piontek132.jpg
ad min20:59 | 31/01/2019

Shkëlqimi i sulmuesit të Milanit, Piatek në ndeshjen ndaj Napolit ka mahnitur komentatorin Tiziano Krudeli. Ky i fundit ka bërtitur me të madhe teksa po komentonte ndeshjen.

Piatek shënon dy herë me Napolin dhe duket se me ardhjen e tij ka ringjallur shpresën edhe te komentatorët italianët. Njëri prej tyre, komentatori Tiziano Krudeli tërbohet pas kësaj dopiete të tij, të martën e ndeshjes me Napolin. Ai bërtet me të madhe komentatori italian në studion televizive, teksa po komentonte ndeshjen.

Impakti me botën kuqezi rezultoi i jashtëzakonshëm, teksa sulmuesi polak arriti të fitonte zemrat e kuqezinjve në pak minuta, duke bërë të harrohet “zhgënjimi” Higuain. Dopieta ka “çmendur” edhe komentatorin. Imagjino se çfarë mund të ndodhë nëse këto gola do të vijnë ndaj Juves apo akoma më shumë me Interin./abcnews.al

piatek.jpg
ad min22:44 | 24/01/2019

Kristozof Piatek është prezantuar si futbollisti më i ri i skuadrës së Milanit. Në fjalën e tij, polaku premtoi se do t’i dërgojë kuqezinjtë në Champions League. Nga ana tjetër, Gonzalo Higuain starton aventurën te Chelsea.

Kristozof Piatek prezantohet te skuadra e tij e re, Milan. Talenti polak ka nënshkruar një kontratë 5-vjeçare që do ta mbajë të lidhur me kuqezinjtë deri në vitin 2025. 23-vjeçari i kushtoi arkave të Milanit plot 35 milionë Euro. Në fjalën e tij të parë si lojtar i Milanit, Piatek tha se kjo është një ëndërr e bërë realitet dhe do të japë maksimumin që Milani të rikthehet në Champions League.

“Është nder i madh për mua të luajë për skuadrën e Milanit. Nuk më tremb aspak kjo sfidë dhe unë jam i gatshëm për ta dërguar Milanin në Champions League. Kam ëndërruar gjithmonë për të luajtur me Milanin dhe besoj se do të lë gjurmë në këtë skuadër”, tha Piatek.

Afrimi i Piatek u pasua me largimin e Higuain drejt Chelsea-t. Argjentinasi ka firmosur për gjashtë muajt e ardhshëm me blutë e Londrës dhe në bazë të paraqitjeve të lojtarit, Chelsea do të vendosë rreth të ardhmes së tij. Në fjalën e tij, Higuain tha se ka ëndërruar gjithmonë të luajë në Angli dhe Chelsea është një skuadër e madhe. Ndër të tjera bomberi argjentinas tha se shpreson të përshtatet sa më shpejt me filozofinë e lojës angleze./abcnews.al

piatek.png
ad min21:35 | 01/10/2018

Kampionati italian ka një protagonist të ri të golit. Nuk është ai që pritej, Cristiano Ronaldo, por një sulmues i ri polak, i quajtur Piatek.

Kombëtarja krenare ka pasur shumë ikona. Polonia mund të mburret me sulmuesit e saj të mëdhenj, që nga Vilimovski, e pastaj Lato, Bonjek apo Lewandowski. Tradita nuk mund të prishej dhe ja ku del në skenë pasardhësi.

Krzistof Piatek, 23 vjeç, ylli i ri i Genoas në Serinë A. Dy golat ndaj Frozinones bënë që ai të arrinte në kuotën 8 të rrjetave në kampionatin italian, të bëhej shënuesi më I mirë dhe të linte në hije Kristiano Ronaldon.

Piatek vjen, pra, nga Polonia, ku shkëlqeu me Zaglebien e Krakovian. Ai firmosi në 8 Qershor të këtij viti, duke i kushtuar klubi gjenovez 4 milionë euro. Shifra u duk okazion në atë kohë, ndërsa tani cilësohet falas.

Presidenti i Genoas, Preciozi, nxitoi dje të deklaronte se Piatekun pranoj ta humbas vetëm për 100 milionë euro, dhe vetëm për një klub të madh europian jashtë Italisë. Kur shënoi 4 gola në Kupën e Italisë ndaj Leçes në 11 Gusht, publiku italian dhe komentatorët televizivë kuptuan potencialin e këtij djaloshi 1.83 metra shtatlartë.

Në atë kohë, legjenda e Polonisë dhe e Juventusit, Zbignjev Bonjek, nxitoi të bënte një saktësim.

“Të nderuar telekronistë italianë, – tha ai në një video të postuar në Twiter, – emri i tij nuk shqiptohet Piatek, por Piontek, është tepër e lehtë, dhe ju lutem thuajeni saktë”.

Piatek apo Piontek, për sulmuesin kjo nuk ka asnjë rëndësi. Për të vlen ajo që bën në fushë, dhe ai e bëri që në debutimin në Serinë A, duke shënuar ndaj Empolit në 26 Gusht. Ai ka arritur në 8 gola në 6 ndeshje të kampionatit, diçka që e ka arritur për herë të fundit Karl Aage Hansen, sulmuesi danez i Atalantës në sezonin 1949-1950.

Historia me emrin Piatek apo Piontek duket se do të jetë e gjatë. Tifozët e Xhenoas duan të shijojnë çdo moment pasi e dinë mirë se një yll i tillë nuk mund të mbajë gjatë veshur fanelën e skuadrës së tyre të zemrës.

Klubi i parë i madh europian që e kërkon është Juventusi./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono