piacenza

violencia-familiar-responsabilidad-del-Estado.jpg
nev ila09:25 | 20/10/2019

Një 40-vjeçar shqiptar është arrestuar nga policia italiane pasi akuzohet për dhunë ndaj bashkëshortes së tij. Sipas mediave vendase, shqiptari e kishte detyruar gruan italiane që të mbyllte të gjitha profilet e saj në Facebook dhe Instagram.

Më pas Shqiptari i ndaloi bashkëshortes së tij të bënte edhe make-up, duke i thënë se “atë e bënin vetëm prostitutat”. Në shtëpi ai nuk kishte lënë më pasqyra.

Gruaja dilte vetëm me të ose me lejen e tij dhe duhet të vishte rroba shumë më të mëdha se masa e saj, në mënyrë që të mos i dukeshin format.

Për të mos mjaftuar të gjitha këto, shqiptari ushtronte edhe dhunë fizike ndaj gruas në kohën kur ajo ishte shtatzënë.

Çmenduria e shqiptarit arriti kulmin kur ajo zbuloi tradhtitë e tij të përsëritura, dhe ai bëri vetëm këtë reagim:

Burri mund ta bëjë këtë. Gruaja, jo, sepse ajo lindi nga brinjët e një burri dhe duhet të nënshtrohet ”.

Tortura e gruas nga Piacenza zgjatën pothuajse 6 vjet. Disa ditë më parë, ajo përfitoi kur bashkëshorti i saj nuk ndodhej në shtëpi, dhe u largua bashkë me tre fëmijët. Gruaja shkoi në polici të kërkonte ndihmë. Autoritetet italiane arrestuan shqiptarin ndërsa gruaja ndodhet në një qendër rehabilitimi bashkë me fëmijët./abcnews.al

itali-vrasja-1-660x445.jpg
ad min10:59 | 28/05/2018

Duket si një tragjedi e paralajmëruar ajo që ndodhi të dielën në një familje shqiptare që jetonte në Piaceza të Italisë.

Kjo pasi Elsa Tereziu, 52-vjeçarja e cila u vra me thikë nga bashkëshorti i saj Xhevdet Mehmeti, kishte përfunduar disa herë në spital në të shkuarën, për shkak të dhunës së ushtruar nga 57-vjeçari.

Por duket se nga frika, gruaja kishte mohuar gjithmonë se dhunohej nga i shoqi dhe i justifikonte shenjat në trup duke thënë se ishte vrarë aksidentalisht.

Ajo kurrë nuk kishte bërë denoncim për situatën. Fatkeqësisht, pasditen e së dielës gjërat morën një rrjedhë tragjike që i kushtoi jetën nënës së dy fëmijëve.

Tre goditje me thikë e lanë të vdekur 52-vjeçaren në sytë e djalit 17-vjeçar.

Pasi vrau të shoqen, Xhevdet Mehmeti u përpoq të arratisej, por më pas u vetëdorëzua në polici.

Çifti jetonte në një apartament në Dante të Piacenzës, sëbashku me dy fëmijët e tyre.

Shkaqet e kësaj ngjarjeje të rëndë mbeten ende të panjohura. Sipas mediave fqinje, para krimit mes çiftit shqiptar kishte pasur një zënkë. Gruaja u gjet përtokë në kuzhinë me armën e krimit pranë. 52-vjeçarja vdiq nga gjakderdhja.

E teksa djali 17-vjeçar i çiftit telefonoi emergjencën, babai i tij u arratis në këmbë nga banesa./tvklan.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono