petro koci

thumane.jpg
ger ta13:08 | 06/12/2019

Zv.ministri i Mbrojtjes Petro Koçi në rolin e dëshmitarit nga ajo që ka parë orët e para të mëngjesit të 26 nëntorit në Thumanë shprehet se pallatet nuk kishin asnjë grimcë llaçi.

Në një postim në rrjetet sociale Koçi thotë se teksa pallatet ishin rrafshuar me tokën ajo që dukej ishte vetem rërë dhe pluhur krahas tullave.

Po ashtu zv.ministri thekson se Prokuroria ishte aty dhe në gjykimin e tij i kanë marrë provat. Përgjegjës për humbjen e jetëve Koçi shprehet se është papergjegjshmerine njerezore dhe kërkon që ti vihet gishti kokës.

Reagimi i plotë:

Kam qene ne Thumane qysh ne oret e para te mengjesit te dates 26 Nentor.
Jam deshmitar jo vetem i perpjekjeve vetemohuese te ekipeve tona te shpetim kerkimit, por edhe i pamjes se rrenojave te pallateve te shkermoqura nga termeti.
Deshmoj para kujtdo se tullat silikate ne pirgun vrases ishin te pastra nga cdo grimce ish llaci.

Dukej qartazi se materiali lidhes thuajse nuk egzistonte. Copa llaci nuk dukeshin gjekundi. Kishte vetem rere dhe pluhur krahas tullave te cilat dukej sikur sapo kishin dale nga fabrika.

Pjeset e derrmuara te trareve dhe transversat ishin tejoksiduar dhe ishin nxire nga lageshtira dhe mosha.

Prokuroria ishte ay gjate gjithe kohes. Jam i sigurt se ata i kane marre provat e duhura per te arsyetuar shkaqet e mosrezistences ndaj termetit.
Ne gjykimin tim ato viktima fatkeqe i vrau termeti ne bashkepunim me papergjegjshmerine njerezore.
Duhet te gjithe ti veme gishtin kokes!
Ligjvenes, shtetare, ekzekutive, specialiste, projektues, zbatues, ndertues, mbikqyres, notere, qytetare! Prokurore, gjykates!
Te gjithe!/abcnews.al

byro-10-qershor.jpg
nev ila21:49 | 10/06/2019

Byro Politike në ABC News, i ka kushtuar vëmendje situatës aktuale politike në vend mbrëmjen e sotme, ku presidenti i Republikës Ilir Meta, ditën e shtunë gjatë mbajtjes së protestës së opozitës, me anë të një dekreti, shtyu zgjedhjet vendore me një afat të pacaktuar. Gazetarja Juli Xhokaxhi, për të diskutuar në lidhje me këtë çështje por edhe për diskutimin e vendimit të marrë sot nga KQZ, ku shpalli dekretin e presidentit si absolutisht të pavlefshëm, pati të ftuar në studio: Jordan Dacin jurist, Preç Zogajn gazetar e analist, Petro Kocin politikan dhe Alket Hysenin deputet të Partisë Socialiste.

Të pyetur nga gazetarja Juli Xhokaxhi se si e komentonin vendimin e KQZ sot në lidhje me dekretin e presidentit, të ftuarit patën qëndrimet e tyre në lidhje me këtë.

Për Juristin Jordan Daci vendimi i KQZ ditën e sotme, për shpalljen si absolutisht të pavlefshëm të dekretit të presidentit, ishte qesharak pasi KQZ, nuk ka asnjë tagër dhe asnjë të drejtë të komentojë apo gjykojë dekretin e presidentit.

Rasti i vendimit të KQZ nuk ka lidhje fare dhe nuk i jep asnjë lloj të drejte të komentoj dekretin. KQZ zbaton dhe nuk gjykon”,  tha Daci.

Edhe për analistin Preç Zogaj vendimi i KQZ është i gabuar. Ndërsa për politikanin Petro Koci, KQZ nuk zbaton çdo lloj dekreti apo vendimi që i serviret. Sipas Kocit presidenti cakton vetëm datën e zgjedhjeve dhe ai nuk mund ta zhbëjë atë. Alket Hyseni deputeti i PS shkon edhe më tej duke thënë se më këtë shkelje të rëndë të kushtetutës, presidenti duhet të shkojë në burg. Prandaj dhe KQZ mori vendimin që dekreti i presidentit është absolutisht i pavlefshëm. Sipas Hysenit edhe kryetari i KQZ ka gabuar që ka lënë detyrën e tij dhe është larguar.

Alket Hyseni: KQZ tha se është akt absolutisht i pavlefshëm. Më vjen keq për veprimin e kryetarit të KQZ që la detyrën. Presidenti ka shkelur hapur kushtetutën dhe duhet të shkoj në burg, nuk mund të bëj lodra në këtë vend. Më këto precedentë që po krijohen po lëmë nam.

Ndërsa për sa i përket shkarkimit të presidentit ata u shprehën:

Preç Zogaj: Për sa i përket shkarkimit, parlamenti mund të marrë nismë por nuk mund ta shkarkojë “de facto” sepse është kompetencë e gjykatës kushtetuese. Jemi në një situatë të panjohur dhe dekreti, rivendos gjendjen, qetëson disi situatën. Partia Socialiste nuk e shkarkon dot presidentin.

Alket Hysenaj: PS ka ndërmarrë dy nisma: Organizimi i një seancë me debat, me të gjithë organet përfshirë edhe presidentin, të enjten në parlament, dhe nisja e organizimit të procedurave, mbi 94 deputetë, për shkarkimin e presidentit, pasi presidenti ka bërë shkelje flagrante të kushtetutës. Pra presidenti ka bërë shkelje të kushtetutës dhe tradhti të vendit. Procedura e shkarkimit kalon në 2 etapa, pas votimit në kuvend për shkarkimin e tij, procedura vazhdon me kalimin e vendimit në gjykatën kushtetuese. Ngritja e gjykatës kushtetuese do të jetë proces shumë i shpejtë. Ilir Meta me këtë vendim nuk i dha të drejtën vetes për të qëndruar më në atë detyrë.

Jordan Daci: Presidenti ushtron kompetencat e tij deri sa të shprehet kushtetuesja dhe nuk ka asnjë institucion tjetër që mund të shprehet për këtë çështje.

Ditë e shtunë ndërsa mbahej protesta e opozitës, presidenti i republikës Ilir Meta vendosi të ç’dekretojë datën e zgjedhjeve vendore të 30 qershorit duke i shtyrë ato në një afat të pacaktuar, ndërsa paraditen e sotme KQZ, vendosi të mos e zbatojë ç’dekretimin e datës së zgjedhjeve vendore, duke e nxjerrë vendimin e presidentit si absolutisht të pavlefshëm./abcnews.al

 

petro-koci-mbremje-1280x713.jpg
nev ila20:34 | 12/04/2019

Mbrëmjen e sotme me gazetaren Mirela Milori, ka qenë i ftuar edhe Zv/ministri i Mbrojtjes Petro Koçi. Ai është shprehur se nuk është cënuar siguria kombëtare në rastin e grabitjes së fundit në Rinas.

Dua të them që është cënuar siguria e një objekti të rëndësisë së veçantë. Nuk është cënuar siguria kombëtare. Në rastin e aeroporti të Rinasit, kemi të bëjmë me një infrastrukturë kritike, ky territor është edhe interes ushtarak, prandaj derisa të sigurohet garancia që hyrje-daljet në aeroport janë të sigurta, policia ushtarake do të jetë e pranishme. Nuk ka lidhje me kushtetutën, policia ushtarake vepron si objekt i një ligji të veçantë”, deklaroi zv/ministri.

Pyetjes së gazetares Mirela Milori se nëse do të ishte akt terrorist? Zv/ministri u përgjigj:

“Mbetemi te ajo nëse, nuk mund të bëjmë supozime, hamendjet na çojnë në pasoja. Nuk kishim të bënim me grup terrorist por me grup të strukturuar kriminal”.

Mirela Milori: Sa i sigurtë është aeroporti i Rinasit, çfarë përgjegjësie mban qeveria shqiptare, a ka përgjegjës?

Petro Koçi: Të gjithë këto elementë nëse nuk japin rezultate të caktuara do të thotë që secili do të mbajë përgjegjësinë e caktuar. Duhet parë edhe procesi i zbatueshmerisë së kontratës.

Mirela Milori: Marrëdhënia mes koncesionarit dhe aeroportit këto 2 vite nuk ka shkuar si duhet, ka dikush përgjegjësi?

Petro Koçi: Duke mos qenë në fushën që mbaj përgjegjësi të drejtpërdrejtë, gjykoj që ka përgjegjësi, unë e theksoj që nga mënyra që është hartuar kontrata, zbatimi, miratimi i saj, çdo pjesë e saj mund të ketë probleme.

Ata që merren me zbatimin e kontratës duket se kanë zbatuar ca standarde të nivelit të ulet. Nëse aty nuk ke kamera apo të tjerë elemente, ka përgjegjësi.

Mirela Milori: Ka reagim nga NATO?

Petro Koçi: Deri tani nuk kemi patur, nuk jam interesuar drejtpërdrejt por në dijeninë time nuk ka patur. Për shkak të kësaj ngjarje kemi dale në përfundimin që siguria e aeroportit është cënuar dhe kemi marrë masën e duhur me praninë e forcave ushtarake në Rinas.

Mirela Milori: Informacioni, shërbimi informativ a ka qene në nivel në lidhje me këtë ngjarje?

Petro Koçi: Fakti që është organizuar ky grup kriminal dhe besohet që ka qarkulluar lirshëm, tregon që njerëzit e ngarkuar për informimin nuk kanë bërë detyrën e tyre si duhet, por kjo do dalë më pas, theksoj se ka vend shumë për tu përmirësuar./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono