petrit ymeri
Pogba dhe Kroos

erotik.jpg
G. P.21:30 | 28/09/2019

Përmbledhja poetike e Janis Ricos, “Erotika” vjen në duart e lexuesit e shqipëruar nga Elena Zhako.  Përkthyesja  pranon vështirësitë e përkthimit të poezive erotike, por ajo thotë se  lexuesi do të njohë një Ricos të zhytur kokë e këmbë në dashuri.

“Erotika” është përmbledhja  poetike e Janis Ricos shkruar në dhjetëvjeçarin e fundit të jetës  së tij. Ky vëllim, ndryshe nga vëllimet e tij të mëparshme poetike, shquhet për modernizmin e theksuar  dhe një gjuhë me theks të fort erotik. Shqipëruesja Elena Zhako pranon vështirësitë e përkthimit të kësaj poezie.

Boetuesi Petrit Ymeri sugjeron referencat nga vargëzimi popullor. Përmbledhja poetike “Erotika” është e ndarë në 3 pjesë. Pjesa e parë  ka 44 poezi të shkurtra suite ninore në të kuqe madhore.

E dyta  është një poemë strofash të shkurtra nën titullin “trupa lakuriq” ndërsa pjesa e tretë “fjala mishtore”, i afrohet më tepër prozës poetike ku përfshin 12 shkrime poetike./ABC News Albania 24/7

petrit-ymeri.jpg
G. P.17:15 | 20/06/2019

Dimensioni i  shkrimtarit të njohur italian dhe europian në shekullin e 20 Alberto Moravia  bëri bashke studiues, përkthyes dhe studentë të letërsisë. Botuesi Petrit Ymeri tha se prezenca e autorëve të rëndësishëm bashkëkohor duhet të jetë më e madhe në këto mjedise. Ndërsa shqipëruesja e veprës  “Agostino” nënvizoi fuqinë e Moravisë për të zhytur në mendime.

Prezantimin e veprës “Agostino” të autorit italian Alberto Moravia botuesit kanë përzgjedhur ta prezantonin në auditorët e letërsisë. Petrit Ymeri thotë se edhe pse është një ndër emrat më të njohur të letërsisë italiane dhe europiane  të shekullit 20, nuk është i pranishëm në kurrikulat shkollore.

Shqipëruesja e romanit Diana Kastrati e cilëson një roman të shkëlqyer psikologjik, i cili tejkalon edhe kohën. Kastrati na shpjegon edhe vështirësitë e të përkthyerit të cilat nuk janë leksikore, por psikologjike dhe intelektuale.

Alberto Moravia është ndër ato autorët, të cilët guxon dhe ka fuqinë e mendjes dhe penës për të artikuluar edhe anët më të errëta të qenies njerëzore. Krahas  romanit Agostino u diskutua edhe rreth veprës “Çoçarja” dhe “Burri që këqyr”./ABC News Albania 24/7

PETRIT-YMERI-PER-EUROPEN-KRIJUESE.mpg_snapshot_00.01-1280x720.jpg
ent ela18:43 | 18/01/2019

Projekti i përkthimit letrar “Histori fatesh njerëzore” do të sjellë tek lexuesi shqiptar 10 autorë europianë.  Petrit Ymeri udhëheqës i këtij projekti thotë se do të organizohen edhe 50  aktivitete për letërsinë, me mbështetjen e Programit Europa Krijuese, të Bashkimit Europian.

Fatet njerëzore dhe udhëtimi në dritëhijet e shpirtit është projekti më i ri i cili vjen nga shtëpia botuese “Dituria” në bashkëpunim me projektin e Bashkimit Europian “Europa Krijuese”. Udhëheqësi i këtij projekti Petrit Ymeri thotë se në këtë projekt do të vijë në shqip 10 autorë  me shtrirje gjeografike të gjerë dhe shkrimtarë fitues të çmimit Europian të Letërsisë.

Ndërkohë që përkthyesi i njohur Kristo Pulla thotë se në dualizmin mes dritës dhe hijes e rëndësishme është që triumfojë dija.

Përgjatë 1 viti e gjysëm, do të flasin shqip emra të njohur të Letërsisë Europiane, por do të realizohen 50 aktivitete si brenda dhe jashtë vendit ku në fokus është diskutimi rreth librit. /abcnews.al

PETRIT-YMERI-PER-TAKSEN-E-LIBRIT.mpg_snapshot_00.42-1280x720.jpg
ent ela17:45 | 14/01/2019

Kryetari i Shoqatës së Botuesve Petrit Ymeri, thotë se botimet e reja janë të bllokuara, pasi mungon udhëzimi nga Ministria e Financave, për reflektimin e ndryshimeve fiskale. Me ndryshimet në fund të vitit 2018, taksa për librin, nga 20% është ulur në 12%.

Pas ndryshimeve të TVSH për librin nga 20 përqind në 12 përqind në fund të vitit 2018. Botuesve sipas Kryetarit të Shoqatës së Botuesve Petrit Ymeri, u mungon udhëzimi  për aplikimin e taksës.

“Kemi pasur një TVSH normale 20 në blerje 0 në shitje, punuam e bashkërenduam punën me Ministrinë e Kulturës dhe kërkuam një TVSH zero edhe 6 ishte e lartë. Kemi thënë të bëhet 4 u bë 6. Tani na del një situatë anormale, nuk kemi interpretim nga Ministria e Financave dhe nuk dimë si do aplikohet, ne kërkojmë që të bëhet në këtë mënyrë 6 % në blerje 6% në shitje”.

Ymeri thotë se mungesa e një udhëzimi, ka bërë që të bllokohen botimet për vitin 2019.

”Nuk mund të marrim libra në shtypshkronjë se nuk dimë si do faturohen, do faturohet me 20% apo 6%, apo furnizimet e librarive se edhe ato janë të paqarta, libraritë, botuesit, distributorët nuk e dinë sesi po funksionon ky sistem i ri. Është mirë nëse do jetë 6 me 6, nëse do jetë 20 me 6 është shumë e keqe”.

Aktualisht nëpër librari shiten vetëm botime të vitit 2018  dhe më herët. /abcnews.al

SINKRON-PETRIT-YMERI-ABC-M1-T2.mpg_snapshot_00.03-1280x720.jpg
ent ela16:33 | 14/11/2018

Hap dyert edicioni i 21 i librit. Tema kryesore e këtij panairi, sipas kryetarit të Shoqatës së Botuesve Petrit Ymeri është lexueshmëria. Në këtë panair marrin pjesë 90 shtëpi botuese nga hapësira mbarëshqiptare. 

Çel dyert Panairi i 21 i librit. Që në orët e para lexyes të grupmoshave të ndryshme dhe dashamirës të librit janë drejtuar drejt stendave për tu njohur me botimet e reja. Kryetari i Shoqatës së Botuesve Shqiptare, Petrit Ymeri, thotë se shqetësimi kryesor mbetet lexuesi.

Petrit Ymeri, kryetar i Shoqatës së Botuesve: “Jemi në një situatë jo shumë për të qenë të qetë, që leximi në Shqipëri ka rënë në të tilla përmasa. Faktorë brendas, faktorë të huaj, të gjithë duhet të jemi në një front së bashku sepse një rini e kultuaruar, një popull i kulturuar e ka më të lehtë të përballojë sfidat e sotme dhe sfidat e së ardhmes.”

Në këtë panair arrin pjesë 90 shtëpi botuese nga hapësira mbarëshqiptare, e ku një vend të rëndësishëm këtë vit ë ze edhe letërsia shqipe.

“Janë një grupim i madh i shtëpive botuese që punojnë seriozisht. Kemi një mbështetje nga përkthyes e autorë shqiptarë dhe duhet të evidentoj faktin që letërsia shqipe ka marrë një ripërtëritje të vërtetë në këtë 10 vjeçarin e fundit. Shikohen shenja ku shkrimtarë me përvojë e shkritarë të rinj”.

Romanet dhe përkthimet nga letërsia e huaj dominojnë, por nuk mungojnë dhe shtëpi botuese siç është Onufri, që i ka detikuar një vëmendje autorëve shqiptarë. Tashmë janë bërë prezentë titujt e rinj ku të gjithë janë të kureshtuar për lubrin e shkrimtarit të madh Kadare “Kur sudnuesit grinden” (rreth misterit të telefonimint Stalin – Pastërnak). Që në kopertinë të bie në sy simbolika që ka përdorur shkrimtari. Është ajo e Janus i cili është simbol i kohës.

Ndërsa ajo që bie në sy është pjesëmarrja e të rinjve, ku shpesh jo vetëm shikojnë titujt e rinj, por ata janë dhe blerës të rregullt, preferojnë autorët klasikë e tituj biografikë.

Lexuesi 1: “Ka dhe të rinj që lexojnë dhe janë të interesuar për librat. Biografitë më pëlqejnë më shumë, historitë e vërteta.”

Lexuesi 2: “Mendoj se fakti që të rinjtë nuk lexojnë është një ide e gabuar që është krijuar, sepse faktikisht vihet re dhe në shkollë se shumë nxënës janë pjesëmarrës dhe në Klubin e Librit dhe lexojmë, por është thjesht një ide e gabuar e krijuar.”

Lexuesi 3: “Bleva Kadarene. Edhe më lirë janë, nga 2000 lekë në 1500.”

Gjuhëtari Xhevat Lloshi thotë se është domosdoshmëri publikimi i një reviste për të drejtuar të rinjtë drejt botimeve të reja.

Xhevat Lloshi, gjuhëtar: “Panairi është i domosdoshëm, është i nevojshëm për librin shqiptar. Por nga ana tjetër, duke thënë që ka rënë numri i lexuesve unë mendoj që mirë është që të rritet numri i botuesve që shesin. Kemi një botim për librin, e gjithë bota ka revista deri javore që paraqesin gjithçka të re që bëhet. E dyta, ne për fat të keq kemi shembur të gjithë strukturën e njerëzve të cilët e ndiqnin librin për t’jua treguar lexuesve në epokën tonë për shkak se ka shumë libra. Është i domosdoshëm ndërmjetësi. Quaje recensus, kritik si të doni ju por kjo figurë është zhdukur. Duhet të ketë një grup njerëzish që ta paraqesin librin, të dijnë ta bëjnë këtë gjë, jo vetëm kaq, por kjo është shumë e domosdoshme për shkollën.”

Për 4 ditë me radhë në Panairin e Librit do të zhvillohen promovime librash, takime me shkrimtarët. Lexuesit do të kenë mundësi të marrin librat e tyre të preferuar me firmat e autorëve./abcnews.al

PETRIT-YMERI-PER-PANAIRIN.mpg_snapshot_01.28-1280x720.jpg
ent ela20:00 | 12/11/2018

Kryetari i shoqatës së botuesve Petrit Ymeri në një intervistë për ABC News thotë se lexueshmëria është tema kryesore e edicionit të 21 të panairit. Ymeri thotë se qëllim kryesor është që specialistët e librit të diskutojnë rreth sfidave të leximit sot. Panairi hap dyert me 14 nëntor deri me 18 nëntor në Pallatin e Kongreseve. Ymeri sqaron se tirazhet edhe këtë vit vijnë më të reduktuara, ndërsa librat ofrohen me zbritje nga 10 deri 50 përqind më lirë.

Rënia e lexueshmërisë vitet e fundit ka bërë që shoqata e botuesve shqiptarë, këtë vit në edicionin e 21 të panairit, të fokusohet tek lexueshmëria. Petrit Ymeri shpjegon se një grup ekspertësh të librit do të diskutojnë rreth sfidave të lëximit, qëllimi kryesor është Shkëmbinmi i mendime rreth promovimit të leximit dhe edukimit të lexuesve, fëmijë dhe të rinj.

Petrit Ymeri, kryetar i Shoqatës së Botuesve: “Leximi ka rënë edhe shitja e librit ka rënë edhe numri i botimeve ka rënë, për hir të së vërtetës. Një nga gjërat interesante është që ne do të diskutojmë për leximin, për lexuesit, sepse ai është qëllimi ynë, sidomos lexuesit e rinj. Do të diskutojmë problemet e lexueshmërisë ose të moslexueshmërisë. Do të jetë një nga temat kryesore të Panairit të Librit.”

Ymeri sqaron se tashmë është realitet që rënia e shitjeve të reflektohet edhe në tirazhe të reduktura nga 90 subjektet botuese që janë pjesmarrës në panair nga hapësira mbarëshqiptare. Kryetari i shoqatës së botuesve thotë se nuk do të mungojnë edhe aktivitetet dhe takimet me shkrimtarë organizuar nga shtëpitë botuese në stenda të ndryshme të panirit.

“Gjatë panairit do të ketë shumë aktivitete nga organizatorët, nga shtëpitë botuese, nga organizata të tjera. Vijnë mjaftë autorë edhe nga jashtë. Do të vijë dhe nja autor shumë i mirë nga arbëreshët e Italisë.”

Përgjatë ditëve të panairit, të gjithë ata që duan librin do kenë mundësi të blejnë libra me lirë.

“Sigurisht çdo botues ka politikat e tij, ka uljet përkatëse. E rëndësishme është që të kënaqim lexuesin. Ky është qëllimi ynë.”

Zbritjet varjojnë nga 10 deri në 50 përqind. Ndërkohë që të shtunën, siç e do tradita do të ndahen edhe çmimet e panirit të librit, për autorin më të mirë të vitit./abcnews.al

PETRIT-YMERI-PER-ILUSTRIMIN-1-1280x720.jpg
ent ela15:08 | 30/03/2018

Pikturat dhe grafikat të cilat janë realizuar nga ilustruesit ndër vite në librat dhe revistat për fëmijë do të bëhen bashkë në një ekspozitë në Muzeun Historik Kombëtar të hënën. Organizatori i këtij projekti Petrit Ymeri thotë se përgjatë javës së ardhshme do të ketë një sërë aktivitetesh ku protagonistë do të jenë nxënësit e liceve artistikë të Shqipërisë. /abcnews.al

petrit-ymeri-1280x664.jpg
G. P.17:27 | 13/03/2018

Nën moton, të gjithë librat janë të rëndësishëm në muzeun historik kombëtar do të organizohet festivali për fëmijë dhe të rinj. Organizatori Petrit Ymeri thotë se libri për fëmijë dhe të rinj është element thelbësor për përmirësimin kulturor të shoqërisë.

Për 3 ditë me radhë, libri për fëmijë dhe të rinj do të jetë kryefjala e një sërë aktivitetesh që do të organizohen në ambientet e muzeut historik kombëtar nga shtëpia botuese “Dituria”, me anë të projektit Creative Europe. Qëllimi kryesor i këtij festivali është promovimi i lexuesit të së ardhmes.

Nga data 16 deri më 18 do të mbahen një sërë aktivitetesh, ku në fokus është leximi, promovimi i letersisë për femijë, debatet rreth librit, ekspozita dhe teatër. Për herë të parë do të ketë edhe një statistikë të dalë nga rezultatet e një anketimi të përbashket për leximin në Shqipëri, Itali, Maqedoni, ku do të pasqyrohen diferencat, anologjitë dhe prespektivat./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono