përplasja

hashim-thaci.jpg
ent ela15:34 | 24/05/2019

Me anë të një postimi të gjatë në profilin e tij zyrtar në Facebook, presidenti i Kosovës Hashim Thaçi ka reaguar ndaj deklaratave të një dite më parë të ish-kryeministrit shqiptar Sali Berisha. Kreu i Shtetit të Kosovës, akuzoi sërish Berishën se i ka shërbyer Millosheviçit duke i shitur armë Serbisë.

Vijon përplasja në distancë mes ish-kryeministrit shqiptar Sali Berisha dhe presidentit të Kosovës Hashim Thaçi. Ky i fundit ka reaguar me një postim të gjatë në profilin e tij zyrtar në Facebook, ndaj deklaratave të bëra nga Berisha në emisionin “Opinion” të gazetarit Blendi Fevziu, mbrëmjen e së enjtes.

Berisha, foli për përplasjen me Thaçin, duke përsëritur qëndrimin e tij se e konsideron presidentin si një argat të Serbisë, si dhe ka treguar edhe arsyen e ndalimit të Thaçit nga autoritetet shqiptare.

Berisha tha se Thaçin e kishin ndaluar, për ta marrë në pyetje rreth vrasjes së gazetarit Ali Uka, pasi kishte fjetur në të njëjtën dhomë me Thaçin, e në të njëjtën dhomë ishte gjetur i vdekur.

Thaçi nga ana e tij në reagimin në Facebook përsëriti akuzat se Berisha i ka shërbyer Sllobodan Milloshevic, duke i shitur armë Serbisë, në kohën kur Kosova ishte në luftë.

Ndër të tjera ai thotë se ia ka pasur frikën gjithmonë një gjuhe të tillë, për të cilën thotë se tashmë është zhvendosur edhe në disa parti në Kosovë.

Thaçi shprehet se nuk ka asnjë kënaqësi të merret me një relike të shëmtuar – duke iu referuar Berishës – i vetëdijshëm se ky intrigant bën përpjekje dëshpëruese të ushqejë hijen e tij, duke hedhur baltë mbi çdo gjë që konsiderohet si vlerë e traditës dhe kulturës sonë kombëtare.

“Nuk kam asnjë dyshim se një ndër krimet më të mëdha në rrugëtimin e S.R.B, përveç përpjekjes për puç institucional, shkatërrimin e shtetit dhe demokracisë në Shqipëri, është edhe fakti se ai i shkatërroi edhe kodet e sjelljes dhe komunikimit të Odës Shqiptare.

Ai punoi tërë jetën duke përçarë kombin dhe vendin. Tiparet e malësorit i humbi duke i shërbyer bllokut në vitet e diktaturës”, vijon më tej reagimi i kreut të shtetit të Kosovës.

Duke iu referuar vetëm me iniciale, Thaçi shton se “S.R.B është ai që solli këtë fatkeqësi të madhe në sofrën tonë dhe infektoi shumë politikanë me fjalorin e tij vulgar, duke u bërë modeli më i keq.

E kam thënë dhe do ta them gjithnjë, se kam dhimbje kur e shoh si ka përfunduar në një gërmadhë morale dhe politike”, shkruan më tej ai.

“S.R.B sot nuk paraqet asgjë tjetër, vetëm një fosil.

“Dua ta kuptojnë të gjithë shqiptarët se unë kur flasë për S.R.B., nuk e bëj aspak për të pastruar ndonjë hesap personal. Këtë e bëjë vetëm si shërbim të interesit publik, që njerëzit të mos shurdhohen nga kambanat e këtij ndjellësi të fatkeqësive dhe që të gjithë së bashku të reflektojmë për këtë fatkeqësi kombëtare, që shfaqet në formën e shpifjeve, sharjeve dhe sulmeve të ulëta mes shqiptarëve”-përfundon Thaçi. /ABC News Albania 24/7

vlore-1280x714.jpg
Sej rie15:20 | 10/05/2019

 

Personi që mbeti i plagosur nga përplasja me armë midis dy grupe personash thotë se në fillim kujtuan mos ishin fishekzjarre. Por më pas kur nga frika u futëm brenda në lokal pash që po më rridhte gjak. 

 

Dy grupe u përplasën me armë në Lungomare të Vlorës  dhe një person që nuk kishte lidhje me ta u plagos. Ai është Dajko Cenodemaj i cili mori një plumb në këmbë dhe s’ka rrezik për jetën.

Po pija kafe me tre shokë,  dëgjuam të shtënat përballë nesh“, tregon Cenodemaj.

“Ne thamë se ishin fishekzjarrë, kur e pamë që ishin armë, qëlloheshin nga të dyja krahët. Edhe nga fuoristrada, edhe ata të tjerët, pastaj po vinin edhe në këmbë disa djem. U futëm të gjithë brenda. Kur u futëm brenda pash gjakun që po më rridhte nga këmbët, aty shoh që kisha marrë plumb në këmbë. Më mori një shokë me makinë me solli në spital”

Ngjarja ndodhi afër mesditës së kësaj të premte. Breshëri armësh u dëgjuan në zonë dhe më vonë u mësua se pati shkëmbim zjarri nga persona që ndodheshin në dy automjete.

Është qëlluar me armë ndërsa mjetet ecnin paralelisht në Lungomare. Një skenë e frikshme filmash dhe që alarmoi banorët.

E gjitha zgjati jo me shumë se 7 minuta. Makinat u larguan me shpejtësi nga Lungomare, kurse njëra sipas tyre, tip Land Rover u gjet e djegur në Babicë në një zonë të thyer.

Një person me precedentë të mëparshëm penal, i cili para pak kohesh i ka shpëtuar një atentati me bombë, dyshohet se ishte në makinën që u sulmua.

Policia vendosi perimetrin e sigurisë në një zonë të gjerë aty ku është edhe një kompleks, në të cilin ka banuar Edison Harizaj, i ekzekutuar disa muaj më parë.

Në Vlorë dhe në njësinë administrative rreth saj ku dyshohet se janë fshehur atentatorët  zbarkuan për të kryer kontrolle forcat e ndërhyrjes së shpejtë FNSH si dhe Delta Force.  Policia e Vlorës konfirmon se për ngjarjen u shoqëruan disa persona, por ende nuk ka një të ndaluar./ABC News Albania 24/7

shba-rusi-1280x839.jpg
ent ela23:16 | 01/05/2019

Rritja e tensioneve në Venezuelë ka bërë që të acarohen edhe më tej marrëdhëniet SHBA-Rusi. Ndërsa Uashingtoni ka paralajmëruar me opsion ushtarak, Moska, me tone kërcënuese, i ka bërë thirrje administratës amerikane që të mos përzihet në punët e brendshme të vendit latin.

Tensioni në ngjitje në rrugët e Venezuelës ka bërë që përplasja mes Shteteve të Bashkuara dhe Rusisë të arrijë pikun. Ditën e mërkurë, Uashingtoni dhe Moska kanë shkëmbyer akuza dhe kanë përdorur kërcënime me tone të Luftës së Ftohtë. Shkak është bërë një deklaratë e sekretarit të Shtetit, Majk Pompeo se Shtetet e Bashkuara po shqyrtojnë edhe opsionin ushtarak për Venezuelën. “Nëse do të jetë e nevojshme është pikërisht ajo që do të bëjmë për të rivendosur demokracinë, edhe pse do të donim një kalim paqësor të pushtetit”, ka deklaruar Pompeo. Por në një bisedë telefonike, ministri i Jashtëm rus Sergei Lavrov ka kritikuar ashpër homologun amerikan. Ai i ka bërë thirrje Uashingtonit që të mos përzihet në punët e brendshme të Venezuelës, duke kërcënuar me pasoja të rënda. “Çdo ndërhyrje ushtarake është një shkelje flagrante e së drejtës ndërkombëtare, që nuk ka asnjë lidhje me rivendosjen e demokracisë”, ka thënë Lavrov. Po aq i ashpër ka qenë reagimi i shefit të diplomacisë amerikane, që ka akuzuar Rusinë se synon destabilizimin e Venezuelës, duke vënë në rrezik marrëdhëniet mes Uashingtonit dhe Moskës. Popmpeo i ka bërë thirrje Lavrov që Rusia të ndërpresë menjëherë aktivitetet e saj në mbështetje të presidentit Nikolas Maduro. /ABC News Albania 24/7

 

 

aksident-ne-lezhe.mp4_snapshot_00.12-1280x720.jpg
ent ela12:40 | 24/04/2019

Dy persona kanë mbetur të plagosur rëndë si pasojë e një aksidenti që ka ndodhur në rrugën Lezhë-Milot, pranë kryqëzimit të Treshit. Të plagosurit, identiteti i të cilëve ende nuk dihet janë dërguar me urgjencë në spital për të marrë ndihmën mjekësore. Policia dhe grupi hetimor po punojnë për zbardhjen e rrethanave të aksidentit. /abcnews.al

policia-naten-aksident-933x445-933x445.png
ent ela21:44 | 21/04/2019

Shtatë persona kanë mbetur të plagosur pasditen e sotme në një aksident që ka ndodhur në rrugën Lushnje-Berat, mes tyre edhe 3 fëmijë.

Policia njoftoi se rreth orës 19:50 në vendin e quajtur “Fiershegan”, është përplasur një automjet tip “Benz“ me një tjetër tip “Toyota”.

Si pasojë e përplasjes kanë mbetur të plagosur shtetasit me iniciale F.M dhe I.Q që po udhëtonin me “Benz” dhe 5 persona që po udhëtonin me “Toyota”, mes të cilëve 3 fëmijë të mitur 5, 7 dhe 13 vjeç, të cilët ndodhen në Spitalin e Lushnjes nën kujdesin e mjekëve.

Grupi hetimor po punon për zbardhjen e shkakut të këtij aksidenti. /abcnews.al

KRONIKE-CFARE-PRITET-TE-ENJTEN-ABC-M5T1.mpg_snapshot_00.02-1280x720.jpg
ent ela13:00 | 10/04/2019

Prej dy muajsh opozita e bashkuar organizon protesta me qëllim largimin e kryeministrit Rama dhe asaj që quajnë parlament ilegjitim. Por pas 8 javësh që seancat plenare shoqërohen me protesta jashtë godinës parlamentare, të enjten e 11 Prillit, dy ditë përpara protestës kombëtare të 13 prillit, opozita ka rezervuar tjetër skenar.

Tetë javë pas nisjes së sezonit të protestave opozitare, pjesa dërrmuese e të cilave si vendndodhje kanë hyrjen e godinës parlamentare dhe target pikërisht seancën e parlamentit ilegjitim sipas opozitës së bashkuar, duket se e enjtja e 11 prillit do t’i lejojë deputetëve një hyrje-dalje të qetë nga parlamenti.

Në pritje të protestës kombëtare të thirrur nga opozita pasditen e së shtunës, duket se vendimi i kryesisë së Partisë Demokratike për organizim të protestave sa herë ka seancë parlamentare, do të përdorë një skenar më pak të shfrytëzuar gjatë këtij sezoni protestash: atë simbolike.

Një skenar i tillë është përdorur nga demokratët edhe njëherë më parë, në seancën plenare të 13 marsit ku revoltën dhe mesazhin e përçuan përmes disa pankartave, një prej të cilës e ngritën në ajër mbi godinën ku deputetët po zhvillonin punime në seancë.

E ndërsa deputetët e parlamentit, ata të mazhorancës por edhe të betuarit rishtazi apo tre të rradhës të cilët pritet të betohen të enjten, duke e çuar numrin e deputetëve në 102, duket se do të mund të shijojnë qetësi në ambientet e jashtme të godinës, brenda saj, rendi I ditës parashikon vetëm dy raporte për votim, atë mbi ecurinë e procesit të integrimit të Shqipërisë në BE, dhe atë të Komisionerit për Mbrojtjen nga Diskriminimi për vitin 2018. /abcnews.al

SALVINI-GJERMANIA.mpg_snapshot_00.48-1280x720.jpg
ent ela21:56 | 04/04/2019

Lundrimi i një anijeje me emigrantë drejt brigjeve të Lampeduzës ka futur në konflikt Italinë me Gjermaninë. Duke qenë se bëhet fjalë për një anije gjermane, ministri i Brendshëm italian Mateo Salvini ka deklaruar se nuk do ta lejojë atë të hyjë në portet italiane dhe i ka bërë thirrje Berlinit të zgjidhë problemin.

Qeveria italiane i ka shkruar Gjermanisë, duke i kërkuar që të zgjidhë problemin e anijes së një organizate joqeveritare gjermane, e drejtuar për në portin e Lampeduzës me emigrantë në bord. Dërgimi i letrës është konfirmuar nga vetë zëvendës kryeministri i Italisë, Mateo Salvini, i cili ka denoncuar dhe një herë rolin sipas tij negativ të OJQ-ve në ujërat e Mesdheut. “Varka është në pronësi gjermane, ka flamur gjerman dhe ekuipazh gjerman, ndaj është problemi i tyre dhe ata duhet ta zgjidhin”, ka deklaruar Salvini, i cili ndodhet në Paris në kuadër të samitit të vendeve të G7-s. Ministri i Brendshëm italian ka bërë me dije se i ka shkruar personalisht kapitenit të anijes se nuk do ta lejojë që të hyjë në ujërat territoriale italiane. Anija “Alan Kurdi”, që i përket OJQ-së gjermane “Syri i Detit”, ditën e mërkurë shpëtoi 64 emigrantë, përfshirë gra dhe fëmijë që kishin bërë thirrje për ndihmë pasi ishin nisur me varkë nga Libia. Nga Parisi, ku u takua me homologun e tij, Salvini ka përsëritur se sa i takon emigracionit është në të njëjtën linjë me lideren e Frontit Nacional, Marin Lë Pen. Kjo e fundit ka deklaruar se do të takohet me Salvinin, të cilin e ka cilësuar aleatin e saj, ditën e premte. /abcnews.al

 

E-RE-MBULIM-PROTESTA-TURBINA-ABC-M4-T1.mpg_snapshot_00.15-1280x720.jpg
ent ela15:57 | 11/03/2019

Pas më shumë se pesë orë përplasjesh me banorët, përmbaruesit dhe forcat e policisë janë tërhequr nga vendimi për të shembur banesën pranë shkollës “Petro Nini Luarasi” në Tiranë.  Banorët mendojnë se ky është një vendim i përkohshëm dhe thonë se nuk do të largohen nga shtëpitë. Që nga ora 10:00 e mëngjesit familjarët kanë bërë rezistencë duke mos lejuar punonjësit e një zyre përmbarimore të ekzekutojë vendimin e gjykatës e t’u prishë shtëpitë. Aksioni i Inspektoriatit për Mbrojtjen e Territorit për të nxjerrë 15 persona nga një banesë që gjendet në afërsi të zonës së liqenit Artificial, jo shumë larg shkollës “Petro Nino Luarasi ka shkaktuar tensione, përplasje e bllokime rruge.

Në këto kohe u kërkua dhe ndërhyrja e forcave të rendit. Banorët e banesës 2 katëshe kanë dalë edhe në rrugën kryesore, duke u shtrirë mbi asfalt dhe duke bllokuar qarkullimin e mjeteve. Përplasjet fizike mes tyre dhe forcave të rendit nuk kanë munguar, ndërkohë që një zjarr i vënë brenda banesës ka bërë të nevojshme dhe ndërhyrjen e forcave zjarrfikëse. Disa prej familjarëve janë dërguar me urgjencë në spital për të marrë ndihmë mjekësore për shkak të gjendjes së asfiksisë të shkaktuar nga situata e tensionuar.

Konflikti për këtë prone zgjat prej disa dekadash. Siç deklaroi sot njëri prej banorëve të saj, prej 23 vitesh ata janë në konflikt gjyqësor me pretenduesin si pronar trualli, i cili ka fituar procesin gjyqësor për kthimin e kësaj prone. Familjarët nga ana tjetër pretendojnë se banesën e kanë përfituar nga Enti i Banesave dhe se pretenduesi i këtij trualli ka falsifikuar dokumentet për të patur pronësinë e tokës, e cila gjendet në një ndër zonat më të mira dhe më të kërkuara në kryeqytet. /abcnews.al

lleshaj-1.jpg
ent ela14:35 | 11/03/2019

Për përplasjen e banorëve me policinë ka reaguar edhe Ministri i Brendshëm Sandër Lleshaj, duke mbështetur uniformat blu.

“Mirëkuptim të plotë për reagimet ndaj pranisë së Policisë Shtetit në ekzekutimin e një veprimi përmbarimor, mbi një vendim gjykate të formës së prerë. Policia e shtetit ka detyrimin ligjor të mbështesë përmbarimin, por ka dhe detyrimin të jetë dinjitoze dhe efikase.Kjo s’ka ndodhur në këtë rast!” shkruan ministri Lleshaj ne Tuiter /abcnews.al

provokacijaaa.jpg
G. P.23:05 | 08/03/2019

I ftuar në emisionin “Provokacija” nga Mustafa Nano, drejtori i Teatrit Kombëtar, Hervin Çuli, ka deklaruar se duhet të ishte treguar më i kujdesshëm në përplasjen që pati me aktorin Mirush Kabashi për çështjen e teatrit.

Mustafa Nano: Ke pasur një përplasje me Mirush Kabashin?

Hervin Çuli: Unë kam mea-culpa për veten time. Kur e shoh veten në pasqyrë për këtë moment them që duhet të isha pak më i kujdesshëm. Duhet t’i frenoj herë pas here ato energjitë e tepruara. I kam kufizuar shumë me kalimin e viteve, por ngelen aty brenda meje se nuk është e kollajtë që një njeri të ndryshojë temperamentin e tij. Por nuk jam penduar vetëm për një gjë. E kam problem të madh Muçi. Njeriu mund të ketë shumë defekte, por duhet të jetë i ndershëm me atë që përfaqëson dhe njerëzit dalin në media dhe abuzojnë me kohën televizive, kjo pastaj nuk rri shumë në lëkurën time.

Për sa i përket godinës së Teatrit Kombëtar, Çuli u shpreh i lumtur që tani punojnë në një ambient të ri pune.

“Ajo që do doja në radhë të parë është pikërisht kjo që po ndodh, të futemi pak tek ajo që ka lidhje me Teatrin Kombëtar ose godinën e Teatrit Kombëtar. Do doja që ne mos të performonim më në atë skenë në atë gjendje që e gjetëm. Kam qenë në një stres shumë të madh se mund të ndodhte diçka ekstra. Unë jam i lumtur që kemi një godinë të re teatri për të ushtruar profesionin tonë dhe do i ngelet Tiranës nesër që është Turbina. Dhe jam i bindur që nesër me vullnet politik, pa vullnet politik o do bëhet i ri o do rikonstruktohet nga e para. Më në fund do kemi diçka ndryshe sepse është dhënë ky premtim dhe asgjë nuk është bërë. Por rikthimi në atë godinë historike do ndodhë o me një rikonstruksion të plotë ose me një Teatër të ri Kombëtar”, tha Çuli.


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono