përplasja

Klopp.jpg
Vladimir Prenga15:43 | 08/01/2020

Antonio Mohamed, trajneri argjentinas i Monterrey, u bë personazh pas fitimit të titulit në Meksikë. Lotë të derdhura, pasi kishte mbajtur premtimin e djalit të tij të vdekur. Sërish skena është e tija dhe këtë herë hedh akuza për Jurgen Klopp, trajnerin e Liverpool.

Monterrey u përball me “The Reds” në gjysmëfinalet e Botërorit të Klubeve dhe ai ka zbuluar edhe përplasjen që ka pasur gjatë ndeshjes. “Ajo që ndodhi ishte një mungesë respekti ndaj meje. Klopp vazhdonte të kërkonte kartonë të verdhë, pasi thoshte se po godisnim Salah gjatë gjithë kohës.

Më pas, kur kërkova që të ndëshkohej me karton të kuq një lojtar i tij, ai nxori gjuhën duke më bërë një gjest të turpshëm. Kur e pashë, në fillim qesha dhe më pas u acarova pak, duke iu përgjigjur provokimit të tij – doli në pah prejardhja ime dhe e humba elegancën dhe qetësinë”, tregon Mohamed.

“Nëse duhet t’ju them çfarë i thashë… Nuk e mbaj mend, sepse mendova se nëse do e shaja në anglisht do dilja nga vetvetja. Më duket se i thashë ‘P… i satëme, çfarë ke q…? Pederast”. U largova, sepse nuk bëj kurrë sherr me stolin kundërshtar, por u tërbova sepse ndjeva që nuk po tregonin respekt ndaj meje. Nuk e di nëse reagova mirë apo keq, por më doli nga shpirti”, është shprehur trajneri i Monterrey. /abcnews.al

 

vucic-kisha-1280x738.jpg
nev ila17:49 | 06/01/2020

Presidenti serb, Aleksandër Vuçiç deklaron se Serbia nuk mund të ndikojë tek autoritetet e Malit të Zi lidhur me debatet për ligjin e ri të lirive fetare, që sipas klerit ortodoks, kërkon të marrë pasuritë e Kishës. Duke krahasuar shqiptarët në Maqedoninë e Veriut me serbët në Malin e Zi, Vuçiç tha se një ligj i ngjashëm mund të miratohet edhe nga Kosova.

Presidenti Aleksandar Vucic tha se Serbia dëshiron të krijojë marrëdhënie të mira me Malin e Zi, por se nuk do të fshihet më për të parë se me cilat probleme përballen populli serb në atë vend.

Vuçiç tha se ai nuk kishte dëgjuar nga Presidenti malazez Milo Djukanoviç për hyrjen në fuqi të Ligjit për Lirinë e Fesë në atë vend, por ishte i përgatitur të fliste me të sa herë që dëshironte dhe tha se ai ka një ftesë të hapur për të vizituar Serbinë. Ai tha se në Mal të Zi ata e interpretojnë çështjen e pasurisë së Kishës Ortodokse Serbe, si një çështje ekskluzivisht të brendshme.

Vuçiç tha se ai ka një pyetje për Malin e Zi, të cilin askush nuk mund t’i përgjigjet sipas tij.

“Si është e mundur që 25 përqind e shqiptarëve në Maqedoninë Veriore mund të jenë një popull konstituiv, të kenë të drejtën e gjuhës, kryetarin e asamblesë, ministrat, drejtorët e ndërmarrjeve publike, dhe se një numër më i madh i serbëve në Mal të Zi nuk kanë askënd dhe asnjë të drejtë?”

Vuçiç tha gjithashtu se Serbia tani nuk ka asnjë mënyrë, apo të drejtë, për të ndikuar në atë që po ndodh në Malin e Zi.

“Kur ligji erdhi në procedurë, ne biseduam. Unë bëra gjithçka që munda për të mbrojtur njerëzit, duke respektuar integritetin e Malit të Zi. Kur u nënshkrua ligji, unë dola me qëndrimin më të mprehtë të Serbisë për çështjen e deritanishme. Pra, isha i qartë deri në atë pikë saqë unë mendoj se të gjithë e kuptuan”, tha ai.

Presidenti serb tha se ai nuk do të përjashtonte mundësinë që autoritetet e Kosovës të miratojnë një ligj të ngjashëm për liritë fetare si ai në Mal të Zi.

“Unë e shoh atë përmes përgatitjes, përmes studentëve të tyre. Fushata ka qenë për shumë vite, flet për trashëgiminë e Kosovës, e cila duhet të jetë e ndryshme nga ajo serbe, dhe të përfshijë në atë trashëgimi edhe monumentet islamike, edhe kishat katolike dhe ortodokse, dhe të thotë që familja e famshme Gashi ndërtoi kishën e Decanit”.

Vuçiç tha se nuk e përjashtonte mundësinë që Kosova të miratonte një ligj të ngjashëm. /abcnews.al

Haradinaj-Rama.png
nev ila21:16 | 21/12/2019

Samiti i Mini-shengenit ka përplasur sërish kreun e qeverisë Edi Rama me kryeministrin në detyrë të Kosovës, Ramush Haradinaj. Rama tha se Kosova u vetëpërjashtua nga takimi në Tiranë.

Ndërsa  Haradinaj në një reagim u  shpreh se Kosova nuk ka nevojë për Mini-shengen me kryeqytet Serbinë. Rama e quajti gënjeshtar Haradinajn lidhur me taksën që ka vendosur Kosova për mallrat serbe.

Përplasjet e forta mes kreut të qeverisë shqiptare Edi Rama dhe kryeministrit në detyrë të Kosovës, Ramush Haradinaj nuk po shuhen, përkundrazi.

Sot në takimin me liderët pjesë e samitit  për Mini-Shengenin ballkanik, kryeministri Rama tha se Kosova u vetëpërjashtua dhe kjo është në dëm të saj.

Zhvillimet në Tiranë janë ndjekur nga kryeministri në detyrë të Kosovës, Ramush Haradinaj që u përgjigj në këtë mënyrë për Mini-shengenin ballkanik.

Haradinaj u përgjigj edhe për një deklaratë të Ramës që nëse ai do të dëgjonte presidentin francez Emmanuel Makron për të hequr taksën, tani Kosova do të kishte liberalizimin e vizave. Sipas mendimit të Haradinajt, Rama mund të ndihmoj ndryshe bashkëkombasit e Kosovës.

“Nëse Ramës po i dhimbsen kosovarët t’ua heq atë taksën e Kukësit dhe atëherë i kishim besuar edhe të tjerat”.

Në komunikimin e Ramës me gazetarët pas konferencës së zhvilluar mes Vuçiçit e Zaev, kryeministri nuk u kursye ndaj Haradindajt, duke përdorur për të epitet të rëndë.

“Haradinaj është një gënjeshtar që ka gënjyer përsëri. Gënjen nga padija apo me qëllim nuk kam arritur ta zbuloj. Por është një gënjeshtar. Nuk pati kusht për Kosovën”.

Përplasja e nisur që nga samiti i Berlinit në maj të këtij viti mes kryeministri Edi Rama dhe Ramush Haradinajt nuk po shuhet.

Kujtojmë që kryeministri Rama as një falënderim nuk adresoi ndaj Haradinajt për ndihmën e madhe që dha Kosova për Shqipërinë pas goditjes së vendit nga tërmeti i 26 nëntorit. Rama falënderoi vetëm Presidentin Thaçi./abcnews.al

 

 

 

 

 

 

ILIR-META-23.11.2019.mpg_snapshot_00.54-1280x720.jpg
ent ela16:49 | 23/11/2019

“Ku po shkon Ilir Meta?” Eshtë pyetja të cilës tenton t’i japë një përgjigje këtë javë Politika në ABC News. Përplasja e kreut të shtetit me mazhorancën e ambasadorët është frontale, por Ilir Meta e çoi edhe më tej, duke u bërë thirrje shqiptarëve të marrin fatet e tyre në dorë.

Emocionet personale dominuan ato institucionale, në përplasjen tashmë frontale mes presidentit e mazhorancës. Shkak i dukshëm është konflikti për ngritjen e Gjykatës Kushtetuese. Për herë të parë një President, pasi vizaton një shtet të kapur nga mazhoranca qeverisëse, i bën thirrje popullit për referendum, në mbrojtje të demokracisë. Përkundër këtij qëndrimi të Presidentit, opozita jashtë Kuvendit po e gjen gjuhën me mazhorancën për reformën zgjedhore, që do i hapte rrugë synimit të saj për zgjedhje të parakohshme. Në këtë panoramë, vetë Kryeministri pati kohë edhe për pasionin profesional, artin.

Po çfarë ndodhi javën politike që lamë pas?

Emërimi i dy kandidateve për vakancën e Presidentit në Gjykatën Kushtetuese, solli një përplasje të fortë politike, që në vijë të parë ka institucionet, e kosto edhe ndërkombëtarët.

Ideja për të marrë një opinion profesional nga Komisioni i Venecias për situatën në GJK, si dhe shkarkimi nga KPA i të dekretuarit të parë të presidentit Meta, Besnik Muci, rindezi edhe më tej tensionin politik.

Dy herë brenda pak ditëve Ilir Meta tha se do publikonte një video ku faktohej faktohej sesi kreu i KED Ardian Dvorani, kishte përvetësuar kompetencat kushtetuese Presidentit, duke çuar në shpalljen automatikisht fituese të një gjyqtareje e renditur e para nga KED, Arta Vorpsit. Ndërkaq e dekretuara e tij Marsida Xhaferllari, u njoh si e tillë nga trupa 4 antarëshe e Gjykatës Kushtetuese, që drejtohet nga gjyqtarja më e vjetër, Vitore Tusha, përcaktuese edhe në ndarjen 2 me 2 në vendimin e trupës pro Xhaferllarit. Pikërisht Vitore Tushën shigjetoi javën politike që lamë pas, ish-drejtuesi parlamentar i hartimit të reformës në drejtësi Fatmir Xhafaj.

Në web e Gjykatës znj.Tusha ka botuar listën e anëtarëve të rinj! Pyetja është kë të besojmë, znj.Tusha n/kryetare të KED që ka shpallur znj.Vorpsi fituese apo znj.Tusha gjyqtare, që nuk respekton as vendimin e organit që drejton. Në cilin kuorum të Gjykatës Kushtetuese u bazua kjo vendimmarrje?

Kreu i shtetit e konsideroi presion skandaloz dhe kujtoi videon që po përgatitej si provë. Në pritje, finalizoi padinë penale ndaj Ardian Dvoranit për shpërdorim detyre dhe përvetësim të titullit apo detyrës shtetërore. Kallëzimi 38 faqesh ku thuhet se veprimet e kreut të KED e kapërcejnë kufirin e shkeljes disiplinore, u përcollën me korrierin presidencial në PP, PKR dhe PT.

“Presidenti i Republikës vlerëson ekzistencën e një rreziku real që i akuzuari Ardian Dvorani të kryejë sërish veprime kriminale dhe mafioze në shkelje të ngjashme të Kushtetutës dhe ligjit, që do të ndikonin drejtpërdrejt në mirëfunksionimin e organeve te reja kushtetuese”.

Reagimi i kreut të KED, ishte i gjatë, e po aq emocional sa deklaratat e presidentit.

“Për momentin, parashtroj publikisht se, edhe vetë sjelljet dhe veprimet e mia, qoftë edhe ato të pavërteta por të dëshiruara si të tilla nga kallëzuesi, janë të tilla në natyrë që jo vetëm nuk përbëjnë ndonjë vepër penale, por as edhe ndonjë shkelje tjetër të ligjit. Por akoma më serioze është fakti që vetë ky kallëzim penal, sikurse edhe të gjitha deklarimet e zhurmshme të Presidentit, bazohen në një vlerësim dhe interpretim tërësisht të gabuar dhe aspak profesional të Kushtetutës dhe të ligjit”.

Në fakt një regjistrim kallëzimi penal, do e nxirrte jashtë loje Ardian Dvoranin, por edhe vinte në pikëpyetje funksionimin e KED së ardhshme, që zgjidhet çdo vit me afat një vjeçar. Sipas ligjit Presidenti duhet të hedhë brenda 5 ditëve të para të dhjetorit shortin për KED e re, që drejtohet nga një anëtar i Gjykatës së Lartë i paracaktuar është Ardian Dvorani, anëtar i vetëm i kësaj gjykate, i vetmi që qëndron në detyrë, edhe pse mandati i ka mbaruar prej afro 6 vitesh, konkretisht në shkurt 2014.

Por ulja e Xhaferllarit në karrigen e Gjykatëses Kushtetuese, nuk duket një histori e mbyllur. Interesante ishte javën politike që lamë pas, mënyra se si u hodh në publik ideja për të marrë një opinion nga Komisioni i Venecias nëse vendi në Kushtetuese i takonte Arta Vorpsit të përzgjedhur nga KED apo Marsida Xhaferllarit të dekretuar nga Presidenti. I pari e propozoi ambasadori italian më 15 Nëntor, pikërisht ditën kur kuvendi në një seancë të jashtëzakonshme miratoi një rezolutë, që i kërkonte GJK, të mos njihte dekretin e presidentit për Xhaferllarin.

“Kam parë se ka fatkeqësisht divergjenca në interpretimin e ligjeve për Gjykatën Kushtuese mes institucioneve më të larta në vend, që duhet të bashkëpunojnë në mënyrë të përgjegjshme për gjetjen e një zgjidhjeje jo të imponuar por të pranueshme nga të gjithë. Prandaj uroj që kjo zgjidhje e pranueshme të gjendet. Personalisht mendoj se do ishte e nevojshme, për të ndihmuar arritjen e një vizioni të përbashkët, që t’i kërkohet opinion një organizmi ndërkombëtar kompetent, kam parasysh komisionin e Venecias, që mund të tregojë rrugën e duhur që duhet ndjekur”.

Deklarata e ambasadorit italian kaloi pa vëmendje, madje edhe kur ideja u rimor nga Fatmir Xhafaj, pas publikimit në faqen e GJK të anëtares Marsida Xhaferllari.

“Kur arsyeja mungon, fryma dhe gërma e kushtetutës lexohen keq, duhet reagim. Kryesorja me mekanizma politikë, por edhe me veprime të mirëmenduara ligjore, institucionale dhe gjyqësore. Nëse duhet ka edhe precedentë e ekspertizë ndërkombëtare”.

Por ndryshe nga homologu e bashkëkombasi Cutillo, ambasadori i BE Luiggi Soreca sugjeron që çështja të zgjidhet me dialog të brendshëm.

“U bëjmë thirrje institucioneve, që të lënë mënyrë konfliktet për Gjykatën Kushtetuese dhe të ngrenë një institucion të besueshëm. Dialogu është i domosdoshëm në këtë situatë. Ne u bëjmë të gjitha institucioneve të bëhen bashkë dhe të gjejnë zgjidhje në Kushtetutë. Ne japim asistencë teknike dhe nuk mund të vlerësojmë si është zbatuar Kushtetuta”.

E ndryshe nga ambasadori, disa orë më vonë, zëdhënësja e KE në largim, artikuloi idenë që zgjidhja të vinte nga Komisioni i Venecias.

“Në mungesë të një Gjykate Kushtetuese funksionale që mund të vendosë mbi këtë interpretim të papajtueshëm, rekursi për një mendim të Komisionit të Venecias, duket si një zgjidhje efektive për ta trajtuar këtë situatë, si një çështje me përparësi”.

Sërish ajo ide nuk pati vëmendjen e duhur publike, mes zhurmës së debatit, që protagonist kishte presidentin e Republikës, deri kur u risoll mëngjesin e të mërkurës në një deklaratë zyrtare të ambasadës usa.

“Institucionet gjyqësore shqiptare, kushtetuta dhe ligjet për zbatimin e reformës në drejtësi, duhet të udhëheqin procesin e zgjidhjes së këtyre interpretimeve të debatuara. Në mungesë të një institucioni të përshtatshëm ligjor, i cili mund të vendoste mbi interpretimet e kundërta, Shtetet e Bashkuara mbështesin çuarjen e çështjes në Komisionin e Venecias, si një palë e tretë kompetente dhe e paanshme, për opinionin e tij ligjor. Gjithashtu, nxisim palët kundërshtuese që të respektojnë opinionin ligjor të Komisionit të Venecias. Ecja në këtë drejtim do të ishte tërësisht në përputhje me aspiratat europiane të vendit”.

Ishte momenti kur ideja mori vëmendje, por edhe kundërvënie nga Presidenti i Republikës. Së pari përmes zëdhënësit, duke shigjetuar propozuesin e parë, ambasadorin italian, por edhe të fundit, ambasadën amerikane.

“Garantët e veprimeve të paligjshme dhe mafioze të Dvoranit e kanë marrë mbrëmë përgjigjen zyrtare në një bisedë zyrtare tepër të përgjegjshme të Kryetarit të Shtetit. Tymi i Venecias që hodhi me porosi të Ramës, Ambasadori në ikje i Agaçit pak ditë më parë, është turpi më i fundit i grupit të strukturuar diplomatik në Tiranë, bashkëfajtor për dhunimin sistematik të Reformës në Drejtesi dhe me qëllim kapjen e saj të plotë nga Regjimi monist i Edi Ramës. Mjaft më “Rule of Embassy”. Është koha për “Rule of Laë” si çdo vend demokratik”.

Biseda zyrtare tepër e përgjegjshme, të cilës i referohej zëdhënësi Tedi Blushi, rezultoi të ishte një telefonatë 30 minutëshe me Mattheë Palmer, që u konfirmua si nga ambasada e SHBA në Shqipëri, ashtu edhe nga Presidenca.

Burime për ABC Neës bëjnë me dije se në fokus të bisedimeve mes tyre kanë qenë përplasjet për emërimet në Gjykatën Kushtetuese dhe situata politike në Shqipëri, si dhe betimi para presidentit të 8 prokurorëve të SPAK.

Aktivizimi i instinktit politik tek Ilir Meta, u shoqërua me simbolika luftarake. Ky nderim i gardistit të institucionit, me komentin se ai do ishte ushtari i dytë pas presidentit, në mbrojtje të Republikës

“Hipokritët që po çojnë aktet në Venecia janë hipokritë, sepse duhet të kishin çuar emërimin e Arta Markut me 69 vota. Nuk besoj se keni harruar deklaratën e Xhafës”

A lidhej vallë shpërthimi i Metës, me një tjetër ngjarje të ditës, shkarkimin e të dekretuarit të tij të parë në Kushtetuese, Besnik Muçi?

Besnik Muci, e cilësoi të pavlefshëm procesin dhe vendimin e KPA ndaj tij.

Argumentimi mbrojtës ishin tiradat për institucionet që e kishin konfirmuar.

Në fakt Besnik Muçi spikat për pasionin për të kandiduar për çdo funksion në 2 vitet e fundit. Ai ishte pjesë e garës që u nxit nga ndërkombëtarët për PPP në 2017, ku fituese u shpall Arta Marku. Të ishte vallë ajo gatishmëri e treguar prej tij në 2017, siguria që ambicja profesionale të mos ndalej aty? Kur në shtator 2019 nisi shqyrtimi i ankimimit në shkallën e dytë të vettingut, përveçse anëtar i KLP, Besnik Muçi ishte edhe kandidat si për Gjykatën Kushtetuese, ashtu edhe për SPAK. Më 15 tetor Presidenti e dekreton gjyqtar kushtetues, por 6 ditë më vonë, Besnik Muçi shkarkohet nga shkalla e dytë e vettingut, e Gjykata Kushtetuese mbetet sërish me 4 anëtarë.

“0 surprizë nga vettingu i partisë. Ju e dini që vetting-u i Partisë u shpall para pak ditësh për zotin Muçi. Nuk jam i habitur se ai që ditën e parë që ka hyrë në zyrë ka pasur presione që të bëhej pjesë e puçit për të penguar Marsida Xhaferllarin që u betua si anëtare e Gjykatës Kushtetuese…Nëse doni emra, nuk e keni harruar zotin Xhafaj, i cili publikisht i bëri shantazh Vitore Tushës, e cila jo vetëm kaloi vetting-un, por qëndroi në detyrë me sforco, për të mbajtur hapur dyert e Gjykatës Kushtetuese”.

Të nesërmen Besnik Muçi iu drejtua me një kërkesë kryetares Vitore Tusha, ku i kërkonte të shprehej mbi përfundimin e mandatit të tij në GJK. Deri në një vendim, bënte të ditur Muçi, do të qëndronte në detyrë. Por lëvizjet që pasuan ishin interesante: Presidenti e thirri të dekretuarin e vet dhe i kërkoi të rishikonte vendimin, e të mos qëndronte në detyrë. Pak minuta pas atij takimi, emri i Muçit u hoq nga përbërja e trupës në faqen zyrtare të Gjykatës Kushtetuese, ndërsa Presidenti shpalli vakancën për postin e tij.

A ishte vallë lëshimi i menjëhershëm i Besnik Muçit, pavarësisht anatemimit të vendimit të KPA, një lëvizje tolerance, që të pranohej e zgjedhura tjetër e Presidentit, Marsida Xhaferllari?

Ndryshe nga një vit më parë, Ilir Meta duket i vendosur ta hedhë siç i takon shortin për KED e re, më 5 dhjetor, e të rrisë monitorimin ndaj punës së këtij Këshilli. Nga ana tjetër po kërkon legjitimitet për veprimet e veta, përmes takimeve, të nisura prej ditësh, me aktorë politikë e të shoqërisë civile, duke nisur nga ish presidentët. Dobësia e njohur për Sali Berishën kapërceu protokollin institucional, në pritje e përcjellje. Si ish president e ish Kryeminsitri, Berisha u shfaq sinkron me Presidentin e Republikës.

Njëlloj edhe paraardhësi i Metës, Bujar Nishani.

Bamir Topi e sheh problemin më thellë, tek ndryshimet kushtetuese të 21 prillit 2008, në atë kohë, të dakordësuara mes Berishës e Ramës e të kundërshtuara nga Ilir Meta.

Edhe takimi me opozitën e bashkuar pati simbolika që e tejkaluan protokollin. Lulzim Bashës iu ofrua hyrja nga porta kryesore, që protokolli e parashikon për presidentë, Kryeminstra e ambasadorë, ndërsa aleatët, hynë njëri pas tjetrit nga dera anësore e institucionit. Në njoftimin për shtyp të presidentit spikati mbështetja për qëndrimin e opozitës për zhvillimin e zgjedhjeve të parakohshme të menjëhershme. I dha zë edhe Lulzim Basha.

Duket se Ilir Meta po luan gjithçka për gjithçka, në rastin e Gjykatës Kushtetuese, duke mos kursyer as vetë ambasadorët. Javën politike që lamë pas, shpalli non grata në institucionin që drejton ambasadorin e OSBE Borchard. Në notën verbale që i ishte përcjellë selisë qëndrore të OSBE, prezencës në Tiranë dhe ministrisë së jashtme, si shkak jepej qëndrimi i ambasadorit për dekretin e Presidentit për zgjedhjet e 30 qershorit, si dhe një gjest të dënueshëm me gisht në publik. Kërkesa e presidentit u respektua nga OSBE dhe ambasadori Borchardt nuk e shoqëroi delegacionin e nivelit të lartë të Asamblesë Parlamentare të OSBE-së, në takimin me kreun e shtetit. Por ndryshe nga Presidenca, me gjithë qasjen e ngjashme për Borchard, PD e priti ambasadorin, që shoqëroi të njëjtin delegacion, në takimin me Lulzim Bashën. Në fakt ishte pikërisht ambasadori Borchardt, ai që mundësoi uljen e opozitës politike në tryezën e reformës zgjedhore, bashkë me komisionin e posaçëm parlamentar që bashkëdrejtohet nga Damian Gjiknuri e Rudina Hajdari. Opozita joparlamentare e mori kështu de fakto vendin që i ishte rezervuar në tryezën e reformës zgjedhore. Pas diskutimit 5 orësh me dyer të mbyllura, PS e PD u shfaqën në sinkron për një proces që duket se po u ecën edhe më mirë, nga sa shprehen publikisht.

Nga ana tjetër, duket sikur socialistët po sillen kujdesshëm me Presidentin, duke shmangur konfliktin direkt, që Ilir Meta e ka pikë të fortë. Nuk po nxitojnë më të votojnë shkarkimin e tij, i parashikuar në 8 Dhjetor, ndërsa KM nuk është përfshirë në debatin për Gjykatën Kushtetuese. Mungesa e tij e pati një arsye të dukshme javën politike që lamë pas. Ajo ishte artistike, pasi Muzeu i Artit në Nevada të SHBA, njoftoi për një ekspozitë të Km të Shqipërisë, duke i ftuar që të takonin Edi Ramën, i pranishëm, të enjten e 21 Nëntorit. Prania e Kryeministrit u bë e ditur edhe nga një postim i zv/guvernatores së Nevadës, që e kishte takuar në përgatitjet për hapjen e ekspozitës së tij. Ditën e caktuar, 4 orë para hapjes së ekspozitës, Galeria bënte njoftimin e ri, sipas të cilit Kryeministrit i ishte dashur të largohej për punë urgjente politike. Edi Rama e zbardhi një arsye në Tëitter. U shfaq në kryeqytetin e Arabisë Saudite në Rijad, për të diskutuar siç shkruante mbi ecurinë e përgatitjeve për investime të rëndësishme, ndërsa i kishte dhuruar princit saudit të kurorës librin e fundit për artin e tij, i titulluar “Punë”.

Në Tiranë ndërkohë Taulant Balla njoftonte zgjatjen e afatit të punës së komisionit parlamentar për shkarkimin e Metës, për t’i shtuar hetimit edhe dekretimin e Marsida Xhaferllarit.

A po i jepet vallë mundësi një marrëveshjeje, si ato që kemi konstatuar në të kaluarën? Padyshim që GJK ka një peshë të jashtëzakonshme për çështjet e nxehta në vend. I duhen edhe dy anëtarë për të arritur nr. 6, kur bëhet funksionale për vendimmarrje, që nga zgjedhjet e 30 qershorit, një nga 9 kushtet e Bundestagut, që ose do ta çonte vendin automatikisht vendin në zgjedhje të parakohshme vendore, ose do t’i jepte të drejtë socialistëve që kërkojnë shkarkimin e Metës.

A është vallë lëshimi i të zgjedhurit të tij Besnik Muçi, një sinjal kompromisi i Metës, që të pranohet dekretimi i të zgjedhurës tjetër të tij, Marsida Xhaferllarit? Koha do e tregojë, por duket edhe një sinjal ndaj merakut të lexueshëm, se mos Meta nuk pranon betimin e anëtarëve të SPAK, struktura e posaçme e hetimit, që pritet të zgjidhet javën e ardhshme.

Kreu i KLP, institucionit që i përzgjedh anëtarët më të mirë për SPAK, i shkoi në zyrë Presidentit javën politike që lamë pas, për ta informuar personalisht mbi këtë proces, i cili ka qenë pjesë edhe e telefonatës që zv ndihmës sekretari amerikan Palmer i bëri kreut të shtetit mbrëmjen e të mërkurës.

Një komunikim të kujdesshëm në distancë pati mes DASH dhe presidentit Meta mbrëmjen e të premtes. Zëdhënesi i tha VOA se DASH po e ndjek situatën teksa ishte njohur me deklaratën e Metës “Jo më shtet të ambasadave, por shtet të së drejtës”. Sipas tij qëndrimi i SHBA nuk ka ndyshuar, se respektimi i ligjit është mbi të gjitha, ndërsa përparimi me reformat është jetik për stabilitetin dhe begatinë e Shqipërisë, e antarësimin në BE. Nga ana e tij Presidenti përshëndeti deklaratën, duke konfirmuar vendosmërinë për të bashkëpunuar ngushtë me DASH e SHBA për zbatimin e Reformës në Drejtësi sipas Kushtetutës së miratuar me SHBA e komisionin e Venecias. Kujdeshëm Ilir Meta kujtoi se as qëndrimet e tij nuk kishin ndryshuar, të shprehura zyrtarisht për përfaqësuesit e lartë amerikanë gjatë 5 viteve të fundit, e të përsëritura edhe në bisedën e fundit telefonike me Mattheë Palmer.

Nuk pati një reagim nga Presidenti, ndaj qëndrimit të përcjellë nga zëdhënësja e KE Maja Kocijançiç, që i cilësoi të papranueshme deklaratat e Metës që venë në dyshim integritetin e bashkësisë diplomatike të BE në Tiranë europianë në Tiranë.

Por mbrëmjen e të premtes, Meta president ftoi shqiptarët për një referendum, në mbrojtje të kushtetutës, por pa e përcaktuar se si do orgnizohet, në kushtet kur ligji ia njeh këtë të drejtë parlamentit dhe 50 mijë zgjedhësve, aryeja për të cilën Shqipëria ka njohur vetëm 3 referendume ne tre dekadat e fundit, të tre të iniciuar nga parlamenti.

JULI-ME-PREC-ZOGAJ.mpg_snapshot_19.08-1280x720.jpg
ent ela18:12 | 19/11/2019

Më shumë politike e ka konsideruar analisti Preç Zogaj përplasjen e fundit President-Parlament-Qeveri. Sipas tij kjo ka ardhur në kuadër të tranzicionit të reformës në drejtësi.

“Nuk jemi te drejtësia e re, por drejtësia tranzitore. Nganjëherë është më keq, kjo tranzitorja rezulton më e keqe dhe në këtë kuadër ka lindur ky konflikt i madh për të cilin unë nuk kam kompetencë të gjykoj, por mendoj se është rruga e duhur për t’i dhënë rrugë ligjore konflikteve”.

Përplasje juridike apo politike?

“I ka të dyja se reflektojnë njëra-tjetrën, por për mua është pak më shumë politike por me bazë juridike. Nuk jam dakord që kjo është prova historike se reforma në drejtësi nuk ka filluar akoma”.

Dhe në këtë kontekst Zogaj e sheh me optimizëm rezultatin e pritshëm të reformës në drejtësi, pasi sipas tij është bërë në bashkëautorësi të SHBA-së dhe Gjermanisë dhe është votuar me konsensus nga palët.

“Themelore është që kemi nën kuadër kushtetues të reformës në drejtësi që është votuar me konsesnus, është miratuar ka kaluar dy herë në komisionin e Venecias ka bashkaautorësi nga SHBA e Gjermaninë  po gjatë rrugës ka prodhuar firo e difekte po në zbatim e sipër mekanizmi është vënë në lëvizje, dhëmbëzat e këtij mekanizimi po fillojnë të rrotullohen, gjen dhe lecka që e ngadalësojnë po është i pandalshëm, do kemi SPAK , që nuk e kemi pas që do të jetë një institucion që do të asistohet fuqishëm nga Shba e Gjermania dhe përbëhet nga prokurorë që kanë kaluar një mori filtrash dhe nuk kanë më asnjë arsye për të mos qenë të pavarur. BKH e Gjykata Speciale do të ngrihet mbi këto principe”.

I pyetur për vendimin epresidnetit Meta për shpalljen non grata të ambasadorit të OSBE në Shqipëri Borchardt, Zogaj thotë se është një vendim i pavlerë pasi ai mund të rrijë në Shqipëri, ndërkohë i kujton presidenti që ne jemi një vend që njohim institucionin e faljes.

“E ka shpallur të padëshirueshëm në zyrën e tij. Është vendim, nuk ka vlerë, ai mund të rrijë në Shqipëri, nuk mund të shkojë përtej mjediseve të Presidencës se është vendim që kërkon t’i nxjerrë një nam të keq ambasadorit. Është gjesti i tij, ai ka kërkuar falje, ne jemi vend që e njohim institucionin e faljes.

OSBE është organizatë më e madhe se individi, e  ka shpjeguar që ka qenë me gruan e vet, pavarësisht kësaj, gjesti është i pajustifikueshëm. Reflekton një akumulim emocionesh politike në rritje, por nuk e ndryshojnë kursin e ngjarjeve, kursi është i programuar, Shqipëria do shkojë drejt drejtësisë së re, jo në kohën që pritej, por as në kohë të largët”. /abcnews.al

INTERVISTA-NISHANI-ABCM5T1.mpg_snapshot_00.30-1280x720.jpg
ent ela16:21 | 10/11/2019

Konflikti Presidencë-Kuvend për zgjedhjen e anëtarëve të Gjykatës Kushtetuese sipas ish-presidentit Bujar Nishani është një përpjekje e maxhorancës për të vënë nën kontroll një tjetër institucion të drejtësisë. Në një intervistë për ABC News, Nishani sqaron se Meta ka respektuar vetëm Kushtetutën dhe do të duhet që Kuvendi të zbatonte po Kushtetutën duke zgjedhur anëtarin e radhës në Gjykatën Kushtetuese.

 Ish-Presidenti Bujar Nishani është i bindur se nëse do të ishte në pozitat e Ilir Metës do të kishte bërë të njëjtën zgjedhje me atë të Ilir Metës për plotësimin e vakancave të Gjykatës Kushtetuese. Në një intervistë për ABC News, Nishani kujton se në këtë rast Kushtetuta nuk ka lënë asnjë vend për interpretim pasi është shumë e qartë.

Por edhe në këtë rast për Nishanin maxhoranca i është rikthyer tentativës së saj për të kapur një tjetër instucion të drejtësisë siç është Gjykata Kushtetuese.

Por a gaboi Ilir Meta me dekretimin e gjyqtarit Besnik Muçi si anëtar të Gjykatës Kushtetuese në kohën kur ky i fundit nuk i ka mbyllur ende hesapet me procesin e vetingut?

Këtë të hënë Kuvendi do të votojë për dy emrat e rinj të Gjykatës Kushtetuese./abcnews.al

aksidenti-vlore.jpg
ent ela23:11 | 05/11/2019

Një aksident ka ndodhur mbrëmjen e sotme në rrugën e plazhit të vjetër në Vlorë. Dy makina një e  tipit Honda dhe tjetra Fiat janë përplasur me njëra-tjetrën.

Gazetari i ABC News raporton se makina e tipit Fiat, pasi ka goditur makinën e llojit Honda, ka dalë nga rruga duke u përplasur me murin e një banese. Për pasojë është plagosur drejtuesi i Fiatit, i cili është dërguar në spitalin rajonal të Vlorës. /abcnews.al

shqiptariii.jpg
ad min18:34 | 30/10/2019

Një i ri shqiptar humbi jetën në mënyrë tragjike në Itali të martën. Mësohet se 38-vjeçari, identiteti i të cilit nuk bëhet ende i ditur, po udhëtonte me biçikletë kur u aksidentua nga një makinë. Ngjarja ndodhi në një provincë të Barit.

Sipas mediave, i riu u përplas nga një mjet që drejtohej nga një grua. Kjo e fundit ndaloi që t’i jepte shqiptarit ndihmën e nevojshme mjekësore, por fatkeqësisht plagët ishin të rënda dhe i riu ndërroi jetë.

Përplasja ishte shumë e fuqishme, aq sa e kishte hedhur trupin e 38-vjeçarit rreth 40 metra larg. Mësohet se shqiptari ishte baba i tre fëmijëve. Mëngjesin e aksidentit ai kishte dalë nga shtëpia dhe ishte nisur për të shkuar në punë, por fatkeqësisht humbi jetën./abcnews.al

johnson-1.jpg
ad min11:45 | 25/09/2019

Pas vendimit të Gjykatës së Lartë britanike që shpalli të paligjshëm pezullimin e Parlamentit, tashmë priten përplasje të reja mes Kryeministrit konservator Boris Johnson dhe Dhomës së Deputetëve.

Parlamenti britanik është kthyer pas në kohë pas vendimit të gjykatës së  lartë. Punimet do të rifillojnë aty ku mbetën në 9 Shtator kur çdo gjë ndaloi. Në seancat e ardhshme parlamentare, deri në 31 Tetor, datë në të cilën Mbretëria e Bashkuar do të dalë automatikisht nga Bashkimi Europian, me apo pa marrëveshje, parlamenti do të përpiqet të ushtrojë ndikim në atë që do të ndodhë duke vijuar përplasjen me kryeministrin Boris Johnson.

Opozita kërkon dorëheqjen e tij të menjëhershme pas humbjes politike të radhës.Lideri i laburistëve Jeremy Corbin u shpreh se Boris Johnson nuk është i përshtatshëm për rolin e kryeministrit, pasi është djali i elitës britanike më të privilegjuar e cila nënvlerëson demokracinë dhe që ka mbyllur parlamentin pa asnjë arsye.

Nga ana e tij, Johnson, ashtu si dhe ritheksoi nga pallati i qelqtë në Nju Jork, ku gjendej së bashku me liderët e tjerë botërorë për samitin e klimës së Kombeve të Bashkuara, u shpreh se do të vazhdonte me procedurën për Brexit në 31 Tetor, duke respektuar vendimin e Gjykatës së Lartë. Kjo e fundit shpalli të paligjshëm vendimin e tij për pezullimin e punimeve të parlamentit.

Në të vërtetë Johnson mund të vazhdojë të këmbëngulë në parlament duke kërkuar një pezullim të ri, pasi dhe gjykata nuk përcaktoi se nuk mund ta bëjë një gjë të tillë. Mes Trump dhe Johnson takimi në Asamblenë e Përgjithshme të OKB-së më shumë se për klimën, shërbeu për të folur për Iranin dhe rëndësinë e eliminimit të tensioneve.

Të dy ranë dakord se nuk do të lejonin që Irani të kishte një armë bërthamore. Sipas Doëning Street dy liderët ranë dakord për arritjen e një marrëveshjeje për tregtinë e lirë pasi Mbretëria e Bashkuar të ketë dalë nga Bashkimi Europian në 31 Tetor./ABC News Albania 24/7

0_Screen-Shot-2019-08-27-at-025056.jpg
ent ela19:30 | 27/08/2019

Dy persona të vdekur dhe shtatë fëmijë kanë mbetur të plagosur  pasi një makinë e vjedhur policie u përplas me disa automjete të tjera në SHBA.

Përplasja ndodhi pasi policia u lajmërua për një goditje me thikë në Dejton, Ohio, SHBA, me të dyshuarin i cili u fut në një makinë policie dhe u largua me makinë, raporton WTRF.

I dyshuari goditi një makinë tjetër policie dhe më pas garoi përreth qytetit Dejton, duke u përplasur me automjete të tjera. Raportohet se la dy të vdekur dhe të paktën 12 persona të plagosur.

Shtatë fëmijë dhe pesë të tjerë u dërguan në spital, ndërsa tre persona raportohet se kishin marrë plagë të rënda për jetën, sipas WHIO.

Përplasja fatale ndodhi pranë Bibliotekës së Dejtonit Metro.

Dëshmitari Tiffany Hamiel i tha Dayton Daily Neës: “Unë u tmerrova. Kishte pjesë të makinave që fluturonin në të gjithë rrugën”.

Gazeta pretendon se ka parë pamjet që tregojnë se makina e policisë është vjedhur nga një burrë që u përplas me një automjet tjetër dhe një pemë. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono