perplas

aksidenti-viktima-gjorm.jpeg
nev ila12:20 | 30/12/2019

Një aksident me pasojë vdekjen e një personi, ka ndodhur në aksin rrugor Milot-Fushë Krujë, në kryqëzimin pranë fshatit Gjorm.

Mësohet se një automjet ka përplasur një motocikletë dhe për pasojë ka humbur jetën drejtuesi i motoçikletës.

Viktima mësohet se Gjok Zef Ndoka rreth 50 vjeç, i cili ishte me banim pranë kësaj autostrade. Në momentin e aksidentit ishte duke kaluar rrugën me motor.

Ndërkohë policia ka dhënë informacionin paraprak për këtë ngjarje:

“Kurbin/Informacion paraprak

Rreth orës 11:50 , në aksin rrugor Milot- Tiranë tek “Mbikalimi i Patokut”, automjeti tip “Audi” me drejtues shtetasin E.H., është përplasur me një çiklomotor me drejtues shtetasin Gj.N., i cili si pasojë e përplasjes ka ndërruar jetë

Grupi hetimor ndodhet në vendngjarje dhe po vijon punën për sqarimin e rrethanave te aksidentit”./abcnews.al

8abd67e9-2468-4db3-9083-20a7aca2361d.jpg
Autor E09:20 | 26/10/2019

Policia e Tiranës arrestoi gjatë mbrëmjes së djeshme një 22 vjeçar, i cili pasi e përplasi me makinë, e ndoqi pas një person tjetër duke qenë njëkohësisht edhe i armatosur.

Ngjarja e rëndë ndodhi në rrugën e Dibrës në Tiranë, ku i riu përplasi fillimisht makinën e një personi tjetër. Pas përplasjes e ndoqi atë nga pas për shkak të konflikteve që kishin patur më parë.

Policia u informua për këtë ngjarje të rëndë duke ndërhyrë për parandalimin e saj.

Nga të dhënat paraprake dyshohet se i riu e ka përplasur qytetarin tjetër për shkak të konflikteve të mëparshme duke dashur që të gjejë shkak për t’u hakmarrë.

Njoftimi i policisë

Shërbimet e Komisariatit të Policisë Nr.4, parandalojnë një ngjarje të rëndë kriminale.

Finalizohet operacioni policor i koduar “Selvia”.

Vihet në pranga një 22-vjeçar i cili për shkak të konflikteve të mbartuara ka goditur me mjetin e tij, qëllimisht mjetin e një tjetër shtetasi dhe më pas e ka ndjekur atë duke e kanosur me armë zjarri.

Sekuestrohet në cilësinë e provës materiale arma e zjarrit me një krehër me pesë fishekë dhe një automjet.

Shërbimet e Komisariatit të Policisë Nr.4, pas njoftimit të marrë për një konflikt midis dy shtetasve, falë dhe bashkëpunimit me qytetarët, finalizuan operacionin policor të koduar “Selvia” në kuadër të të cilit bënë arrestimin në flagrancë të shtetasit:

– L. M., 22 vjeç, banues në Tiranë (me precedentë të mëparshëm penal).

Shtetasi L. M., për shkak të konflikteve të mbartuara ka goditur në rrugën e “Dibrës” me mjetin e tij qëllimisht mjetin që drejtohej nga shtetasi G. D., 23 vjeç. Pas përplasjes së mjeteve ky shtetas ka dalë nga mjeti duke ndjekur dhe kanosur me armë zjarri shtetasin G. D., i cili ka arritur të largohet dhe të njoftojë Policinë.

Me marrjen e njoftimit shërbimet e Komisariatit të Policisë Nr.4 kanë reaguar menjëherë duke bërë kapjen dhe arrestimin e shtetasit L. M.
Gjatë kontrollit të ushtruar, Policia gjeti armën e zjarrit me një krehër me pesë fishekë e cila u sekuestrua në cilësinë e provës materiale së bashku me mjetin që ky shtetas drejtonte.

Materialet procedurale i kaluan Prokurorisë së Rrethit Gjyqësorë Tiranë për veprat penale “Kanosje” “Mbajtja pa leje e armëve luftarake dhe e municionit”dhe “Shkatërrim prone” në ngarkim të shtetasit L. M. /abcnews.al

policia-tiranes6-933x445-933x445-1.jpg
nev ila12:48 | 08/10/2019

Dy të mitur janë përplasur nga një makinë. Aksidenti ka ndodhur rreth orës 12:10 në Kamëz automjeti me drejtues shtetasin S. Ç ka aksidentuar këmbësorët, shtetasit e mitur, A. M.,6 vjeç dhe L. M.,15 vjeçe.

“Si pasojë e përplasjes dy të miturit u dërguan në spital për ndihmë të specializuar mjekësore”- njofton policia.

Drejtuesi i automjetit shtetasi S. Ç do shoqërohet në komisariat për veprime të mëtejshme hetimore.

Policia rrugore ndodhet në vendngjarje, ku po vijon punën për sqarimin e rrethanave të ngjarjes dhe shkakut të aksidentit./abcnews.al

AKSIDENTTII-1280x730.jpg
ad min18:30 | 12/08/2019

Një aksident me pasojë vdekjen e një 65-vjeçari ka ndodhur pasditen e sotme në aksin rrugorë Levan-Fier. Një automjet tip “Volkswagen”, është përplasur me motoçikletën, ku si pasojë ka humbur jetën drejtuesi i motoçikletës Ded Ndoi. Policia ka shoqëruar në Komisariatin e Fierit 24-vjeçarin që drejtonte mjetin “Volkswagen”, për veprime të mëtejshme procedurale.  Në vendngjarje kanë mbërritur grupi hetimor dhe po punon për dokumentimin dhe sqarimin e plotë të rrethanave.

 

aksidenti-levan-tepelene-1280x716.jpg
nev ila18:14 | 11/08/2019

Një 35 vjeçare është përplasur për vdekje nga një makinë, ndërsa ishte duke ecur në rruge.

Njoftimi paraprak i policisë:

Sot rreth orës 17:10, në aksin rrugor Levan-Tepelenë, në afërsi të fshatit Varibop, automjeti tip “Benz” me drejtues shtetasin E.A, 46 vjeç, banues në Tiranë, ka aksidentuar me pasojë vdekje 35 vjeçaren E.K.(këmbësore).

Eshtë bërë shoqërimi në Komisariatin e Policisë Fier i shtetasit E.A dhe po kryen veprimet proceduriale.

Grupi hetimor po punon për zbardhjen e shkakut të aksidentit“./abcnews.al

MW-HO836_xi_tru_20190805132740_ZH.jpg
ad min14:45 | 06/08/2019

Zhvlerësimi i Jenit kinez e ka çuar përplasjen tregtare mes Shteteve të Bashkuara dhe Kinës përtej çështjes së tarifave. Në reagimin e radhës, Pekini zyrtar ka hedhur poshtë akuzat e Uashingtonit se ka manipuluar vlerën e valutës kineze në tregjet e këmbimit.

Shtetet e Bashkuara dhe Kina janë përfshirë në një luftë fjalësh e akuzash në lidhje me gjendjen e valutës kineze, që ka pësuar rënien e parë në tregjet e këmbimit që prej vitit 1994. E fundit ka qenë Banka Qendrore e Kinës, që të martën deklaroi se vendimi i Uashingtonit për ta etiketuar Pekinin si një manipulues të jenit do të dëmtojë rëndë rendin ndërkombëtar ekonomik dhe do të shkaktojë kaos në tregjet financiare.

Vendimi i Amerikës për të shtrënguar tensionet e monedhës ditën e hënë do të parandalojnë gjithashtu rimëkëmbjen e ekonomisë dhe tregtisë globale – vijoi Banka e Kinës në reagimin e saj. Institucioni në fjalë theksoi se, Pekini nuk e ka përdorur kurrë dhe nuk do ta përdorë kuotën e këmbimit të valutës së saj si vegël për të zgjidhur kontestet tregtare.

“Kina i kishte paralajmëruar Shtetet e Bashkuara që t’i vinin fre kalit të tyre përpara se të arrinte humnerën dhe që të kthehej mbrapsht nga shtegu i gabuar”, tha më tej banka qendrore në reagimin e saj.

Akuzat e Shteteve të Bashkuara për valutën, që erdhën pas një rënieje të ndjeshme të jenit ditën e hënë, i ka thelluar edhe më tej problemet mes dy ekonomive më të mëdha të botës dhe e ka vështirësuar shpresat për një zgjidhje të shpejtë të përplasjes së tyre. Kontesti dypalësh është shtrirë edhe në fusha të tjera si teknologjia dhe analistët paralajmërojnë se masat reciproke mund të zgjerohen e të bëhen më të ashpra, duke ndikuar tek rritja e ekonomisë globale./ABC News Albania 24/7

 

aksident.png
ad min14:00 | 04/08/2019

Drejtuesi i një motori ka humbur jetën në vend pasi është përplasur me një makinë. Aksidenti rrugor ka ndodhur ne segmentin  Lezhë-Shenkollë, tek  vendi i quajtur “Ura e Prekanit”. Sipas policisë mjeti me drejtues një banor të Lezhës, u përplas me motoçikletën që drejtohej nga një banor i Shënkollit. Policia arrestoi në flagrance drejtuesin e makinës dhe dyshohet se shkeli rregullat e qarkullimit rrugor. Grupi hetimor po vazhdon veprimet  për sqarimin e rrethanave  të aksidentit./ABC News Albania 24/7

aksident-_9.jpg
ent ela17:48 | 05/04/2019

Një aksident me pasojë vdekjen e një të moshuari ka ndodhur në rrugën e Gjirit të Lalëzit, në fshatin Radë. Sipas policisë shtetasi me inicialet E.Q.,37 vjeç, duke drejtuar automjetin e tij ka aksidentuar shtetasin këmbësorë S.D., 87 vjeç, i cili ka ndërruar jetë.

Ngjarja ka ndodhur rreth orës 16:30 të pasdites së sotme dhe drejtuesi i mjetit u shoqërua në Komisariatin e Policisë Durrës për veprime të mëtejshme. Ndërsa grupi Hetimor ndodhet në vendngjarje dhe po punon për përcaktimin e shkakut të aksidentit./abcnews.al

aksident-_9.jpg
ent ela19:23 | 25/02/2019

Një aksident me pasojë vdekjen e një 28-vjeçari ka ndodhur pasditen e sotme në Kamëz. Sipas policisë shtetasi me inicialet A. D., duke drejtuar mjetin ka përplasur këmbësorin me inicialet K. L, i cili ka ndërruar jetë.
“Rreth orës 18:45, në Kamëz, shtetasi A. D., duke drejtuar mjetin ka përplasur me pasojë vdekjen në vend këmbësorin K. L., 28 vjeç. Drejtuesi i mjetit u shoqërua në Komisariat për veprime të mëtejshme hetimore dhe proceduriale”, thuhet në njoftimin e policisë./abcnews.al

basha-7-1280x680.jpg
ent ela22:02 | 19/02/2019

Djegia e mandateve ka sjellë një përplasje deklaratash në distancë mes ambasadës amerikane në Tiranë dhe kreut të opozitës Lulzim Basha. Ambasada u ka bërë thirrje deputetëve opozitarë të refuzojnë braktisjen e mandateve. Si përgjigje, kreu i PD citoi një fragment fjalimi të një prej presidentëve më me ndikim në SHBA, Abraham Linkoln dhe njoftoi se kryesia e PD e ka miratuar vendimin.

 Ambasada e SHBA në Shqipëri shprehet kundër vendimit të opozitës për djegien e mandateve. Në një postim në Facebook, u bëhet thirrje deputetëve të refuzojnë thirrjet për dorëzim mandate, pasi një demokraci e shëndetshme kërkon një opozitë që funksionon në mënyrë konstruktive brenda institucioneve kushtetuese.

“Kërcënimet nga Partia Demokratike, Lëvizja Socialiste për Integrim dhe parti të tjera opozitare për të braktisur mandatet e tyre në parlament minojnë parimet bazë të demokracisë dhe sabotojnë përparimin e rëndësishëm që Shqipëria ka arritur në zbatimin e ligjit dhe qeverisjen e përgjegjshme. Shtetet e Bashkuara iu bëjnë thirrje të gjithë deputetëve të ngrihen mbi sherret politike, të refuzojnë thirrjet për të braktisur mandatet e tyre dhe të mbrojnë idealet dhe parimet që janë me rëndësi thelbësore për çdo demokraci të fortë. Nëse dështoni të bëni punën tuaj, do të zhgënjeni njerëzit të cilëve keni privilegjin t’u shërbeni.”

I pyetur nga gazetarët kreu i PD zgjodhi mënyrën diplomatike të reagimit. Basha tha se nuk komenton deklaratat e diplomatëve në Tiranë, por SHBA dhe demokracia amerikane janë frymëzimi i tij më i madh. E citoi një fragment nga mesazhi i një prej presidentëve më influentë për demokracinë amerikane Abraham Lincoln:

“That these dead shall not have died in vain. That this nation under God, shall knoë a neë birth of Freedom and that Government of the people, by the people and for the people shall not perish from the face of Earth”.
Tani, për të gjithë bashkëqytetarët e mi dhe bashkëkombasit kudo që na ndjekin. Djegia e mandateve nuk është qëllim në vetëvete. Djegia e mandateve është rekursi i fundit që i është lënë opozitës për të arritur një qëllim madhor: që të shembim një qeveri të krimit, për krimin dhe nga krimi dhe t’i japim shqiptarëve një qeveri të njerëzve, nga njerëzit dhe për njerëzit. Për këtë, ne nuk po kërkojmë të marrim diçka. Nuk po kërkojmë të marrim mandate me ndihmën e krimit të organizuar, siç ka bërë Edi Rama dhe siç është vërtetuar edhe nga provat gjyqësore të publikuara nga Zëri i Amerikës. Ne po japim. Dhe për ta përkthyer tani thënien e Presidentit Lincoln, shpresoj që kjo sakrificë nuk do të shkojë dëm. Se ky komb nën Zot, do të ketë një lindje të re të Lirisë dhe Demokracisë dhe se qeverisja e njerëzve, nga njerëzit dhe për njerëzit nuk do të zhduket nga faqja e dheut, nuk do të zhduket nga faqja e Shqipërisë”.

Deklarata e Bashës u bë pas mbledhjes së kryesisë së PD, e cila sic nënvizoi kryetari Basha, miratoi me votë unanime vendimin e grupit parlamentar të PD për djegien e mandateve, ndërsa të mërkurën vendimmarrja finale pritet nga Këshilli Kombëtar i kësaj partie./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono