permet

PERMET-FESTIVALI-1280x720.jpg
ent ela12:59 | 22/06/2018

Ka filluar në Permet edicioni i 16-të i Festivalit Folklorik “Përmeti Multikulturor”. Artistët zbarkuan në qytetin e traditës dhe në natën e parë të këtij eventi u ngjit në skene Ansambli “Teuta” i Durrësit si dhe minoriteti Bullgar i Mokrës. Në ditën e parë organizatorët u dhanë prioritet këngëve, kurse në natën e dyte fokusi do të jetë vallja. Ky edicion do të zgjasë dy ditë dhe ka të ftuar edhe nga Greqia fqinje. /abcnews.al

META-PER-INTEGRIMIN-DHE-PROKURORINE-1280x720.jpg
ent ela13:28 | 10/05/2018

Integrimi i Shqipërisë në Bashkimin Evropian është mundur nëse të gjithë institucionet dhe focat politike bashkëpunojnë. Kështu ka deklaruar Presidenti i Republikës Ilir Meta nga Gjirokastra.

Bashkëpunimi është kryefjala e Presidentit të Shqipërisë Ilir Meta që Shqipëria të marrë një vendim pozitiv në qershor për nisjen e bisedimve me Bashkimin Evropian.

“Besoj se janë të gjitha mundësitë deri në qershor duke u përqendruar të gjithë në ato kërkesat, të cilat dihen se kanë të bëjnë me përparësitë kyçe të këtij procesi. Duke bashkëpunuar të gjithë, jam i bindur se është tërësisht e mundshme që rekomandimi pozitiv i Komisionit Evropian të shoqërohet nga një vendim pozitiv i Këshillit të vendeve anëtare”.

Mesazhi i dhënë nga Gjirokastra u dha vetëm për mundësitë e integrimit të Shqipërisë ndërsa për zhvillimet më të fundit të lëvizjeve në Prokurori kreu i shtetit i qëndroi qëllimit të vizitës për të cilën vizitoi Gjirokastrën.

“Nuk kam asnjë koment përveç sezonit turistik, i cili ka filluar shumë mbarë si në Skrapar, Përmet, edhe sot në Gjirokastër”.

 Kryetari i shtetit mori pjesë edhe në celjen e sezonit turistik në përmet ku çmoi sportistin dhe trajnerin e spikatur përmetar Ethem Kaso me Titullin “Mjeshtër i Madh” . /abcnews.al

 

 

 

FZH_4873-1280x853.jpg
ent ela11:14 | 10/05/2018

Presidenti i Republikës, Sh. T. Z. Ilir Meta vizitoi të mërkurën qytetin e Përmetit me rastin e hapjes zyrtare të sezonit turistik, ku u mikprit nga Kryetari i Bashkisë, Niko Shupuli, përfaqësues të  pushtetit vendor si dhe banorë të shumtë, e përfaqësues të sportit, të artit e të kulturës.

Presidenti Meta duke vënë në pah veçoritë specifike dhe vlerat qytetare të qytetit dhe përfaqësuesve të tij më të shquar, çmoi sportistin dhe trajnerin e spikatur përmetar Ethem Kaso me Titullin “Mjeshtër i Madh”Në vlerësim të përkushtimit dhe karrierës së gjatë e të suksesshme si mësues e trajner i basketbollit për femra në qytetin e Përmetit, si dhe për përgatitjen cilësore të disa brezave të basketbollisteve në nivel kombëtar”.

Në përshëndetjen e tij, me rastin e dekorimit, të zhvilluar në Qendrën Kulturore multifunksionale të Përmetit, Presidenti Meta u shpreh:

“Është një kënaqësi e veçantë që të jem me ju, më 9 Maj dhe t’ju uroj gëzuar Ditën e Evropës! Shpresoj që brenda qershorit të kemi një vendim pozitiv për çeljen e negociatave për anëtarësimin e Shqipërisë në Bashkimin Evropian, pasi besoj se Shqipëria e meriton. Qytetarët e Shqipërisë e meritojnë, por sidomos përmetarët janë ndër të parët që e meritojnë për shkak të qytetarisë së jashtëzakonshme që kanë demonstruar në të gjitha kohët.

Qyteti juaj është i bukur në çdo kohë, por në pranverë Përmeti është një destinacion i jashtëzakonshëm dhe mjaft frymëzues për të gjithë dhe e di që këtu ka vështirësi për të gjetur dhoma e kapacitete akomoduese për turistët për shkak të rritjes së fluksit të tyre në mënyrë të jashtëzakonshme. Dhe kjo është një gjë mjaft pozitive.

Përmetarët dhe Përmeti kanë lënë gjurmë të jashtëzakonshme në të gjithë historinë e kombit tonë, në të gjitha përpjekjet për mbijetesë, për pavarësi, shtetformim, për formësimim e kulturës dhe historisë sonë kombëtare, falë kjo edhe personaliteteve të jashtëzakonshme të kësaj krahine, në të gjitha fushat. Vetëm nga Frashëri është një listë e panumërt me figura e personalitete të mëdha kombëtare.

Kur viziton këtë krahinë, nuk mund të mos mahnitesh edhe për shkak të mikpritjes së jashtëzakonshme përmetare, një traditë e një “shkollë” e ruajtur me shumë përkushtim e dashuri.

Përmeti ka vlera të jashtëzakonshme dhe unë ju përgëzoj që me aq kujdes e dashuri i trashëgoni ato brez pas brezi.

Jam këtu, me shumë dëshirë gjithashtu, për të nderuar profesor Ethem Kaso, si një figurë të jashtëzakonshme të këtij qyteti, si një shembull se si ne duhet të nderojmë e t’i kushtojmë më shumë vëmendje si shtet, si institucione e shoqëri figurave të tilla, të cilat në kushte mjaft të vështira arrijnë të bëjnë epokë në jetën e një qyteti e komuniteti. Arrijnë të bëjnë emër dhe të japin kontribute të spikatura në nivel kombëtar, duke edukuar me dashurinë për sportin breza të tëra të vajzave të Përmetit, të cilat kanë bërë histori jo vetëm për qytetin, por në mbarë sportin tonë të basketbollit, duke dhënë kontribute të rëndësishme për kampionatin tonë kombëtar dhe për ekipet kombëtare..

Ndaj besoj se puna e Ethem Kasos flet më shumë se gjithçka tjetër dhe se Titulli ‘Mjeshtër i Madh’ që i akordohet sonte është një vlerësim jo vetëm për të, në mënyrë të padiskutueshme, por edhe një vlerësim për kontributin e punën e përbashkët në ekip, të të gjitha institucioneve sportive të Përmetit, të cilat kanë dhënë kontributin e tyre dhe kanë bashkëpunuar duke bërë të mundur që sporti i basketbollit për femra në Përmet të arrijë rezultate mjaft të respektuara të niveleve kombëtare.

Dëshiroj gjithashtu të uroj të gjitha brezat e vajzave të shkëlqyera basketbolliste të Përmetit që u kanë dhuruar sportdashësve jo vetëm të Përmetit, por edhe të vendit, emocione të veçanta, të cilat me talentin e përkushtimin e tyre nderuan Përmetin, ekipet tona kombëtare, familjet e tyre dhe trajnerin e shquar Ethem Kaso, të cilin po e nderojmë sonte!

Urime profesor Ethemi! Në këtë mënyrë, le të japim edhe një mesazh kudo, për të gjithë Shqipërinë, që të ruajmë këto tradita të mrekullueshme sportive që kemi trashëguar, sidomos në sportet e lojërave me dorë, si basketboll e volejboll, ku ka pasur një shkëlqim edhe në nivelet ndërkombëtare. Këto janë sporte ku me pak investime, por me shumë pasion siç është edhe rasti i profesor Kasos, mund të frymëzohen tërë ata të rinj e të reja që të përfshihen në sport. Dhe njëkohësisht të ndryshojnë jetët e tyre: jo vetëm të bëhen sportistë shumë të mirë, por duke u bërë të tillë, të jenë edhe qytetarë shembullorë, sepse sporti të formon, të jep karakter e personalitet, të bën njeri të përgjegjshëm e të organizuar që nuk e humbet kohën kot. Aq më tepër në ditët e sotme, kur rinia jonë, për shkak edhe të kohës në të cilën jetojmë, është vazhdimisht nën presionin e tundimeve dhe rreziqeve të ndryshme. E duke i futur në rrugën e sportit i ndihmojmë të rinjtë jo vetëm të bëhen sportistë shumë të mirë, por edhe të kenë një të ardhme sa më të suksesshme e sa më të shëndetshme.

Shembullin e profesor Ethemit këtu në Përmet, por që nuk mungojnë gjithsesi, ne e kemi për detyrë t’i shpërndajmë kudo, në të gjithë Shqipërinë, aq më tepër në qytete të tilla që kanë shumë nevojë për të pasuruar edhe më tej botën e tyre shpirtërore. Urime edhe njëherë, të gjithëve!”

 

 

 

 

 

 

janula-barxho.jpg
G. P.11:08 | 06/05/2018

Këshilli Bashkiak i qytetit të Përmetit nderon me titullin “Qytetar Nderi” mjekun Janulo Barxho. Me votë unanime, këshilltarët vlerësuan punën e pandërprerë të doktorit ndër vite.

Mjeku Janulo Barxho njihet si themelues i pavionit të kirurgjisë në spitalin e Përmetit, ku kryente më shumë se 200 operacione nga më të thjeshtat deri tek me të vështirët në vit.

Ndonëse sot 80 vjeç dhe në pension, ai vijon të japë kontribuitn e tij në spitalin e qytetit. Mirënjohje për punën e tij, doktorit i shprehu edhe kryetari i bashkisë së Permetit dhe kryetarja e Këshillit Bashkiak. /abcnews.al

vlcsnap-error758-1280x720.jpg
ent ela11:18 | 12/01/2018

Ministri Damian Gjiknuri u kërkon bashkive të miratojnë skema lehtësuese për të ndihmuar qytetaret të shlyejnë borxhet e prapambetura të ujit. Gjiknuri e bëri këtë apel nga Përmeti ku ka nisur të zbatohet një investim i qeverisë për ujësjellesin e këtij qyteti.

Ministri i Infrastrukturës dhe Energjisë Damian Gjiknuri shoqëruar nga deputetja e zonës  Mirela Kumbaro inspektuan kantierin e punimeve për rehabilitimin e ujësjellësit të qytetit të Përmetit. Investimi i qeverisë kap vlerën e rreth 5 milionë USD. Sipas kontratës, brenda 30 muajsh investimi do të mundësojë furnizimin me ujë 24 orë duke i dhënë zgjidhje kështu një problematike mbi 25 vjeçare.

“I ftoj qytetarët që deri në fund të Janarit, vullnetarisht të bëjnë lidhjen në mënyrë legale me rrjetin e ujësjellësit kudo që ata janë sepse qeveria në Shkurt do të fillojë masat për kontrollet sëbashku me autoritetet vendore. U bëj thirrje të gjitha bashkive që të bëhen pjesë e kësaj reforme të rëndësishme. Qeveria shqiptare do ta marrë këtë rrisk për të investuar siç po investon edhe në Përmet por që këto investime të bëhen të qëndrueshme duhet që të gjithë qytetarët shqiptarë ta paguajnë ujin.

Duke ju referuar reformës në sektorin e ujit të pijshëm, ministri Gjiknuri u bëri një apel kryebashkiakëve në gjithë vendin.

“Dua t’u bëj thirrje edhe bashkive që të miratojnë skema lehtësuese për borxhlinjtë e vjetër apo njerëzit që kanë akumuluar borxhe për shkak të mungesës së interesit apo fatkeqësisht edhe punës jo të mirë të ujësjellësave dhe bashkive përkatëse. Çfarë do të thotë? Skema lehtësuese njësoj siç bëmë me Operatorin e Shpërndarjes së Energjisë Elektrike, për t’i shtrirë borxhet e vjetra në vite, për ti dhënë mundësinë qytetarëve të mos rëndohen përnjëherë me pagesën e faturave që ujit që janë të akumuluara me vite. Është shumë e rëndësishme, kjo është në dobi të qytetarëve, pagesa e ujit është siguri për furnizimin me ujë. Nuk ka rrugë tjetër! Po nuk e paguam ujin ashtu siç e paguajmë edhe energjinë elektrike qeveria shqiptare do ta ketë të pamundur të kryejë gjithë ato investime të nevojshme për të gjithë ato zona të Shqipërisë të cilat fatkeqësisht akoma nuk kanë një rrjet modern të ujësjellës-kanalizimeve”./abcnews.al

 

vlcsnap-error798-1280x719.jpg
us er10:40 | 10/12/2017

Një ngarkesë me 13.5 kg kanabis që po tentohej të futej në Greqi u kap tek Tre Urat në Përmet. Policia vendosi në pranga transportuesin Joan Haska, 36 vjeç, banues në fshatin Mashkullorë të Gjirokastrës . Pas përfundimit të procedurave të kontrollit të dokumentacionit, punonjësit e Policisë Kufitare e kanë kaluar automjetin në vijën e dytë për një kontroll më të imtësishëm. Ata zbuluan një vend të përshtatur në shasinë e mjetit ku ishte fshehur lënda e dyshuar narkotike Cannabis Sattiva./abcnews.al

vlcsnap-error364-1-1280x720.jpg
us er18:47 | 30/11/2017

Reshjet e dendura të shiut kanë shkaktuar probleme në hyrje të qytetit të Gjirokastrës duke vështirësuar qarkullimin e këmbësorëve dhe automjeteve.
Ndërsa disa fshatra të Gjirokastrës, për shkak të erërave kanë mbetur pa energji elektrike.
Gjithashtu raportohet se ka pasur probleme me rrëshqitjet e dherave edhe në Permet, në Çarshovë dhe Frashër./abcnews.al

 

 

 

droga-1-1-1280x960.jpg
us er10:06 | 24/11/2017

Është arrestuar nga Policia e Gjirokastrës Ismail Saliu,i shpallur në kërkim për drogën e sekuestruar në fshatin Pagri të Përmetit.

61 vjeçari ishte administrator i depos ku u gjetën rreth 12 tonë kanabis sativa.

Saliu ishte shpallur në kërkim për veprat penale “Prodhim dhe shitje e lëndëve narkotike”, “Organizat Kriminale” dhe “Kryerje e veprave nga organizata kriminale dhe grupi i strukturuar kriminal

Për këtë ai ishte dënuar në mungesë me arrest në burg nga Gjykata e  Shkallës së Parë për Krimet e Rënda në Tiranë.

Ndërkaq për sasinë e drogës së kapur në Pagri janë arrestuar dhe dy persona të tjerë të cilët po kryejnë dënimin në burg./abcnews.al

vlcsnap-error290-1280x720.jpg
us er14:32 | 15/11/2017

Kanë rifilluar punimet për një nga investimet më të rëndësishme në qytetin e Përmetit. Kompania që fitoi tenderin, brenda një viti e gjysëm do të përfundojë ujësjellësin e ri i cili do të furnizojë jo vetëm qytetin me 24 orë ujë të pijshëm

Makinerite janë ndezur.

Puna për ndërtimin e ujësjelllësit të Përmetit rinisi.

Bllokimi i përkohshëm me një vendim të gjykatës administrative, mori zgjidhje gjithashtu juridike.

Kompania që fitoi tenderin ka shtuar ritmet me qëllim për t’i dhënë fund thatësirës dhe etjes në Përmet.

Ishte parashikuar që projekti të përfundonte në fillim të shtatorit të ardhshëm, por me kohën e humbur nga vendimi i gjykatës administrative, investimi do të marrë një vit e gjysëm kohë.

Në Përmet  që prej 40 vitesh nuk njihet një investim i tillë. Për qytetarët e bizneset që marrin ujë vetëm një orë në ditë, do të jetë një jetë krejt ndryshe. Bëhet fjalë për një invetim prej 583 milionë lekësh

Por për zyrtarin e lartë të bashkisë furnizimi me ujë të pijshëm i Përmetit do të thotë ngritjen e qytetit në një nivel të lartë turistik. Ai e shikon në perspektivë si një nga pikat më të rëndësishme për t’u vizituar nga turistët e huaj.

Muajt e nxehtë që sapo kaluan ishin dramë për jetën e banorëve të këtushëm. Uji mungoi deri dhe me ditë të tëra. Kurse koha më e gjatë që në rubinetet e tyre kishte ujë të pijshëm ishte vetëm një orë në ditë./abcnews.al

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.


Kontakt

Telefono