permbytje

tu-3.jpg
in a14:30 | 18/02/2020

Vendi mbetet sërish nën rrezikun e përmbytjeve, moti ekstrem në Mbretërinë e Bashkuar ka shkaktuar dëme të shumta në prona dhe të paktën tre viktima në total prej fundjavës së shkuar.

Përmbytjet e shkaktuara nga stuhia “Denis” mbuluan në ujë zona të tëra të Anglisë Perëndimore.

Banorët e Uellsit dhe Skocisë janë paraljamëruar për më shumë se 200 vërshime lumenjsh.

“Kemi 1 mijë pjesëtarë të stafit të emergjencave në terren që po përgatitin banorët për përmbytjet dhe po ndihmojnë me evakuimet. Po monitorojmë nga afër qytezat si Sevërni, Shrusbëri apo Bëudli, ku nivelet e ujit pritet të rriten,” tha Ministri i Shtetit për Mjedisin.

Deklarata erdhi pasi shirat e dendur nxorën nga shtrati lumin e qytetit të Herifëdit, duke rrezikuar banorët e duke zhytur në ujë lagjet dhe banesat.

Stuhia “Dennis” që zbarkoi në Angli të shtunën solli me vete brenda 2 ditëve një sasi reshjesh të barabartë me një muaj.

collage-23.jpg
So Nila09:54 | 22/01/2020

Australia  është përballur me zjarre ekstreme , përmbytje dhe breshër gjatë këtij viti. Tani ekspertët po paralajmërojnë njerëzit që të kujdesen për merimangat vdekjeprurëse .

Në rajonet pyjore me lagështi të Australisë lindore, disa specie merimangash janë të njohura për helmin e tyre shumë toksik dhe që veprojnë shumë shpejtë.

Të Mërkurën, Parku Australian i Reptileve – me qendër në Somersby, në shtetin e New South Wales – tha se rreziku ndaj këtyre specieve është rritur ndjeshëm.

 

“Për shkak të rreshjeve dhe ditëve të nxehta që ne kemi kaluar merimangat do të fillojnë të lëvizin,” tha zëdhënësi i parkut Daniel Rumsey në një video të postuar në Facebook .

Këto specie janë potencialisht një nga merimangat më të rrezikshme në planet dhe ne duhet t’i marim shumë seriozisht.”

“Helmi i tyre është goxha toksik dhe mund të vrasë dikë,” tha ai dhe ato mund të shkojnë në shtëpitë e njerëzve nga toka ose nga çatia”./abcnews.al

australia-1.jpg
ger ta08:36 | 18/01/2020

Shirat e rrëmbyeshëm dhe stuhitë kanë përfshirë pjesë të bregdetit lindor të Australisë, duke shuar shumë zjarre, por duke sjellë edhe një kërcënim të ri për përmbytje në disa zona.

Reshjet e shiut kanë qenë prezente në shtetet Victoria, New South Wales (NSW) dhe Queensland, të cilat u goditën edhe nga zjarret.

Rrugët e mëdha u mbyllën në Queensland dhe ndërprerjet e energjisë janë raportuar në pjesë të NSW si rezultat i motit. Por zyrtarët e zjarrit thanë se shiu po ndihmonte për të shuar flakët.

Zjarret kanë përfshirë Australinë që nga shtatori, duke vrarë të paktën 28 njerëz, duke shkatërruar mijëra shtëpi dhe duke djegur miliona hektarë tokë./abcnews.al

a5.jpg
So Nila10:00 | 04/01/2020

Zyrtarët e emergjencave në Indonezi deklaruan se numri i personave të vdekur nga përmbytjet në kryeqytetin e vendit Xhakarta, ka shkuar në 47.

Xhakarta këtë javë u përfshi nga reshjet më të mëdha sezonale të shiut në dekadën e fundit, duke bërë që lumenjtë të dalin nga shtrati dhe të vërshojnë në së paku 182 lagje.

Një zyrtar i Agjencisë Kombëtare për Menaxhimin e Fatkeqësive tha se rreth 400 mijë njerëz kanë kërkuar strehim në qytetin metropolitan pasi niveli ujit nga përmbytjet në disa zona ka shkuar në 5.8 metra.

Rritja e nivelit të detit dhe moti ekstrem, të ndikuar edhe nga ngrohja globale, po paraqesin kërcënim për qytetin me 30 milionë banorë. Xhakarta tashmë vlerësohet si qyteti që rrezikohet më së shumti në botë nga përmbytjet.

Kjo është shifra më e lartë e viktimave nga përmbytjet që nga viti 2013, kur 57 persona vdiqën  në kryeqytet për shkak të reshjeve të mëdha të shiut dhe përmbytjeve./abcnews.al

 

 

 

netherlandsP28-1160x718.jpg
So Nila15:26 | 24/12/2019

Holanda ka përvojë me shekuj në menaxhimin e ujit. Tani ndryshimi i klimës po kërcënon ta përmbysë plotësisht atë.

Dikur ka qënë një zonë bujqësore e lulëzuar, Noordwaard tani është një hapësirë kënetash në Holandën jug-perëndimore.

“Disa vite më parë, kur erdha këtu , ishte plot me ferma të mëdha të këndshme, me hektarë me patate dhe qepë,” tha Stan Fleerakkers, një fermer që jeton aty afër. “Tani kur shëtit, sheh se nuk ka mbetur më asgjë”.

Noordwaard, është gjithashtu një fotografi e së ardhmes me të cilën përballet vendi: Me një parashikim të paprecedent të rritjes së nivelit të detit si rezultat i ndryshimit të klimës, qeveria Holandeze po garon me kohën për të kuptuar se si të ruajë një nga vendet më të pasura në botë nga zhdukja në detin e Veriut .

Parashikimet e rritjes së nivelit të detit variojnë nga nivelet që janë të menaxhueshme për sa kohë që rritja është graduale, deri në skenarët e tjerë që do të tejkalojnë aftësinë e autoriteteve për t’u përgjigjur. Me qetësi, ekspertët kanë filluar të modelojnë të ardhmen e mundshme në emër të qeverisë.

“Në skenarë më optimistë, pritat e njohura të Hollandës, pengesat e stuhisë, pompat mund ta përballojnë, por vetëm me një kosto.

Ky është vërtet një makth, por gjendja është serioze, “shtoi ai. “Mund të jetë një makth më pak nëse fillojmë të planifikojmë që tani.”

1.Rritja e nivelit të detit

Një sasi e caktuar e rritjes së nivelit të detit është tashmë e pashmangshme, e vendosur në lëvizje nga ngrohja globale dhe shkrirja e akullit të shkaktuar nga emetimet e karbonit gjatë dekadave të fundit.

Paneli Ndërqeveritar për Ndryshimin e Klimës, organet e Kombeve të Bashkuara që mbledhin dhe vlerësojnë rezultatet shkencore, parashikon nga 30 deri në 60 centimetra ngritje të nivelit të detit deri në vitin 2100, edhe nëse vendet i mbajnë premtimet e tyre për të ulur emetimet në bazë të Marrëveshjes së Klimës në Paris.

Nëse vazhdojmë në tendencat aktuale, IPCC parashikon 84 centimetra të ngritjes së nivelit të detit deri në vitin 2100, dhe 5.4 metra deri në 2300. IPCC gjithashtu ka paralajmëruar se një ngritje prej më shumë se një metër deri në vitin 2100 nuk është e mundshme, dhe këshilloi -që vendet e rrezikuara të planifikojnë në përputhje me rrethanat.

Rritja e nivelit të detit krijon një efekt “dëbore” që përshpejton shkallën në të cilën fenomeni do të vazhdojë.

Sipërfaqja  e akullit të Antarktikut është gjithashtu aq e madhe sa që ushtron një tërheqje gravitacionale mbi oqeanet: Ndërsa zvogëlohet, uji i detit do të rishpërndahet nga Poli i Jugut, duke shkaktuar një rritje  të nivelit të detit.

“Ne kemi humbur pothuajse gjysmën e akullit të Arktikut tani, dhe të dy sipërfaqet e akullit të Grenlandës dhe Antarktidës po humbasin masën dhe po kontribuojnë në ngritjen e nivelit të detit në mënyrë të konsiderueshme,” tha Michiel van den Broeke, një profesor i meteorologjisë polare në Universitetin e Utrecht.

“Kjo është gjithashtu një moment i pakthyeshëm, dhe ne duhet të jemi shumë të kujdesshëm që të mos e kalojmë këtë pikë, sepse kjo do të thotë se niveli i detit do të rritet me shumë metra, dhe kjo është diçka  të cilën Hollanda nuk mund ta përballojë.”

Barrierat mund të mbyllen, por kjo bllokon transportin në portin e Roterdamit, i cili përbën një pjesë të konsiderueshme të ekonomisë Holandeze. Ndërhyrja në vijën bregdetare ndikon edhe në industrinë e peshkimit holandez. Dhe nëse toka është nën nivelin e detit, lumenjtë që rrjedhin mbi të duhet të derdhen në det, gjë që kushton energji.

Ekziston një pikë në të cilën nuk ka ekonomi financiare që mund të shpëtojë  tokën.

“Teknikisht, është e mundur. Ne mund të ngremë mbrojtje bregdetare ose diga. Por në një moment të caktuar duhet të pyesim veten nëse kjo është një zgjidhje e vlefshme, “tha Van Den Broeke.

Xhevahiri i pasurisë dhe industrisë hollandeze, megalopoli i Randstad që përfshin Amsterdamin, Roterdamin, Hagën dhe Utrecht, ndodhet në perëndimin e vendit, në shtresën e ulët.

“Disa nga zonat më të thella në Hollandë janë 10 metra nën nivelin e detit tashmë,” tha Kleinhans. “Nëse do të shkelnit bregdetin tani, deti do të arrinte afërsisht në Utrecht, në Hollandën qendrore.Realisht është me të vërtetë një situatë e frikshme.

2.Planifikimi i së ardhmes

Aftësia për të menaxhuar ujin është kthyer një pikë krenarie në Holandë. Pasuria e saj, gatishmëria institucionale dhe njohuria teknike i kanë dhënë avantazh ndaj pjesëve të tjera të ulëta të botës.

Bordet Rajonale të Ujit, disa të themeluara në shekullin XIII, janë të pavarura nga qeveria kombëtare, duke i lejuar ata të planifikojnë përtej jetëgjatësisë së cikleve politike. Politika ka krijuar lidhje të forta me komunitetin shkencor dhe ka një bashkëpunim të ngushtë midis institucioneve.

Por përmbytjet shpesh kanë qenë të mëdha, të shkaktuara nga katastrofa të tilla si stuhia e vitit 1953 që shkatërroi dhe përmbyti gati një të dhjetën e tokës bujqësore holandeze. Stuhia vrau 1 836 njerëz, shkatërroi shtëpi dhe mbyti dhjetëra kafshë.

Këtë vit, qeveria holandeze porositi një grup ekspertësh, në Programin e Njohurive në Nivelin e Detit, të monitorojë çështjen dhe të hartojë përgjigjet e mundshme. Grupi është duke punuar me katër skenarë, sipas Marjolijn Haasnoot, një shkencëtar i mjedisit në institutin kërkimor Deltares dhe Universitetin Utrecht, i cili ka udhëhequr zhvillimin e planifikimit të skenarëve të ardhshëm në Hollandë.

Dy nga skenarët – përfshijnë forcimin e mbrojtjes me mjetet ekzistuese, me mundësinë e pengesave të stuhive .Plani i tretë është një skenar sulmi, në të cilin Hollanda kërkon tokë shtesë nga deti që të ndërtojë ishuj mbi të.

Për të ndihmuar në përgatitjen e një të ardhme më të sigurt, Haasnoot ka zhvilluar një model që harton skenarë të mundshëm në të ardhmen dhe përcakton se cilat veprime duhet të ndërmerren.

3.Ndërtimi i postoblloqeve

Shkencëtarët thonë se ata kanë zbuluar se rreziqet e ngritura nga niveli i detit vështirë të dallohen për t’ia transmetuar popullit, por insistojnë se është e rëndësishme të vazhdojnë të përpiqen. Është politikisht e vështirë, thonë ata, sepse kërkon të sakrifikosh tani për një të ardhme të sigurt.

Hollanda ka humbur objektivin e saj për të ulur emetimet në 30 përqind deri në vitin 2020 krahasuar me nivelet e vitit 1990. Këtë verë, shtatë parti politike nga e majta dhe e djathta u bashkuan për të miratuar një ligj për ndryshimin e klimës.

Fermerët holandezë bllokuan qytete në të gjithë Hollandën me traktorët e tyre në tetor në protestë kundër përpjekjeve të qeverisë për të frenuar ndotjen e azotit, e cila është shkaktuar kryesisht nga bujqësia dhe industria e ndërtimit.

Ushtria u fut për të mbrojtur Hagën dhe katër qeveri rajonale pezulluan masat pasi ishin në presion. Kjo u pasua nga protesta të ngjashme nga punëtorët e ndërtimit me kamionë që shkaktuan bllokim trafiku që u shtri deri në 380 kilometra, sipas autoritetit të trafikut ANWB.

“Kjo do të ketë pasoja për shumë dekada dhe shekuj. Duhet një politikan shumë i guximshëm për ta marrë përsipër, “tha Van Den Broeke i Universitetit të Utrecht. “Ende ekziston një pjesë e konsiderueshme e popullatës Hollandeze që nuk është në dijeni ose nuk interesohet për këto probleme, kështu që kërkon udhëheqje të fortë për t’i bërë këto ndryshime.”

Kleinhans, profesori i gjeografisë fizike, beson se ndjenja mbizotëruese e sigurisë dhe besimit në lidhje me mbrojtjet nga përmbytjet në mesin e popullatës më të gjerë është e gabuar.

Në fund të fundit, Hollanda mund të mos ketë mundësi tjetër përveç se të përshtatet, ose ndoshta të tërhiqet. Një grup fermerësh në Overdiepse Polder – jo larg nga moçalet e evakuara të Noordwaard – demonstrojnë limitet e modelit Hollandez.

Në vend që të largohen, gjysma e fermerëve iu bindën autoriteteve që t’i ndihmojnë ata të qëndrojnë. Rezultati është padyshim një ide e inxhinierisë dhe planifikimit. Fermerët tani jetojnë në shtëpi në ferma të mëdha, të sapo-ndërtuara dhe lidhen me fshatin më të afërt me rrugë të ngritura në të njëjtën lartësi.

Qeveria bleu fermën e vjetër të Fleerakkers me një çmim të arsyeshëm. Nëse ndodh ndonjë përmbytje jashtë muajve të dimrit,do të garantohet kompensimi për dëmet e shkaktuara.

“Ne shpenzojmë shumë para në Hollandë për menaxhimin e ujit. Ne duhet ta bëjmë atë nëse nuk realizojmë planet tona, atëherë do të përmbytemi – pa fabrika, pa njerëz që jetojnë këtu, të gjitha do të zhduken”./PoliticoPërgatiti në shqip, Sonila Backa-abcnews.al/

1ffe87b8-19b9-49ba-8b0e-df90bf7b353c.jpg
in a16:35 | 22/12/2019

Për shkak të reshjeve të dendura të shiut që kanë rënë gjatë gjithë ditës së sotme në të gjithë territorin e vendit, disa vende kanë patur më shumë problematika dhe disa zona kanë rrezikuar përmbytjen.

Në rrjetin social “Facebook” ka ardhur reagimi i PD-së e cila sjell në vëmendje përmbytjet në urën e Zall Bastarit. “Kjo është e vetmja urë, ku nxënësit kalojnë për të shkuar në shkollë dhe, siç tregojnë pamjet, është një rrezik i përditshëm në stinën e shirave”, shkruhet në reagimin e  PD.

Statusi:

Reshjet e shiut kanë krijuar një situatë të rrezikshme në Zall Bastar. Mbi një mijë banorë janë pothuajse të izoluar, pasi e vetmja urë, në gjendje të mjeruar, ështa gati e mbuluar nga uji i vrullshëm i lumit.

Kjo është e vetmja urë, ku nxënësit kalojnë për të shkuar në shkollë dhe, siç tregojnë pamjet, është një rrezik i përditshëm në stinën e shirave.

Prej shumë vitësh banorët kanë protestuar, kanë kerkuar zgjidhje nga qeveria dhe bashkia për një urë të re të sigurtë, por problemi i tyre nuk është zgjidhur.

3 vjet më parë, Erion Veliaj dhe Xhemal Qefaliaj inspektuan punimet e nisura për një urë të re, por në realitet nuk ka asnjë të tillë.

Disa muaj më parë, kur protestuan për urën e munguar, banorët u thanë përfaqësuesve të PD, Gent Strazimiri dhe Abi Malltezi se fondet për urën e Zall Bastarit shkuan në Surrel, për kompaninë e ish kryetarit të komunës Dajt, Kujtim Qefaliaj, njëkohësisht edhe kryetar i njësisë administrative Dajt.

Zall Bastari është pjesë e Bashkisë së Tiranës, por premtimi i Erion Veliajt se “banorët e periferisë do të trajtohen njësoj si ata në ish Bllok, rezulton një nga mashtrimet e tij të shumta./abcnews.al

Capture-32.jpg
in a15:55 | 22/12/2019

10 viktima janë shënuar si pasojë e motit të keq që ka përfshirë Europën. Stuhitë kanë shkaktuar përmbytjen e shinave si dhe anulimin e shumë fluturimeve në Spanjë, Portugali, Francë dhe Itali. Një 32 vjeçare koreano jugore humbi jetën pasi u godit nga një pemë e rërzuar si pasojë e motit të keq në qendër të Madridit.

Ndërsa një burrë humbi jetën mbrëmjen e së shtunës pasi automjeti i tij u mor nga rrejdha e ujit pranë një lumi në jug të Granadës.

Në Portugali u shënua viktimë një 68 vjeçare. Hollandezi ishte shpallur i zhdukur pasi kishte dalë të shëtiste dhe më pas u gjet i mbytur. 3 viktimat e fundit çojnë në 10 numrin e vdekjeve si pasojë e stuhive që kanë përfshirë Spanjën Portugalinë dhe jugun e Francës, por edhe Italinë, ku kanë humbur jetën 2 persona.

Stuhia Elsa shkaktoi daljen nga shtrati të lumenjve, rrëzoi shtyllat e tensionit si dhe ndërpreu linjat hekurudhore dhe ajrore në rajon.

6 viktima janë shënuar në Spanjë, 2 në Portugali dhe 2 në Itali, ku moti i keq ka bllokuar shërbimet hekurudhore mes kryeqytetit të Lisbonës dhe Portos si pasojë e përmbytjeve të shinave.

Tashmë në një kategori më të ulët stuhia Elsa është zhvendosur në Britaninë e Madhe, por nga ana tjetër stuhia Fabien me erën që arrin një shpejtësi prej 170 kilometrash në orë ka përfshirë veri perëndimin e Spanjës duke detyruar autoritetet të anulojnë 14 fluturime. Rreth 8 mijë shtëpi në Galisia janë pa energji elektrike si pasojë e dëmtimeve të shtyllave të energjisë elektrike.

Tetë parqe në Madrid janë ende të mbyllura si pasojë e erës së fortë. E njëjta gjë ka ndodhur dhe në jugperëndim të Francës ku në Bordo janë mbyllur dhe varrezat./abcnews.al

permbytje.jpg
R D14:38 | 22/12/2019

Reshjet e dendura të shiut që ranë gjatë ditës së diel kanë shkaktuar probleme edhe në kryeqytet. Disa rrugë janë përmbytur, ndërsa siç shihet në pamje, lumi i Lanës ka dalë nga shtrati. Ish-deputeti demokrat, Klevis Balliu hodhi akuza ndaj Kryeministrit Rama dhe kryebashkiakut, Veliaj.

Statusi i tij në facebook

Shi ka në gjithë botën por në pak minuta u përmbyt Tirana, Lana del nga shtrati, rrugët kryesore të kryeqytetit përmbyten dhe lavatriçja drogës €rion Veliaj bën sehir.

Pse ndodh kjo është e thjesht. Ndërtimet vend e pa vend, vjedhjet në rrugët e Tiranës dhe projektet e propagandës kanë bllokuar gjithçka çka e përmbyt Tiranës në pak minuta shi.
Shqipëria ska as qeveri dhe as bashki.

Sot vendi jonë është në mëshirë të fatit.

Kur ka tërmet bashkia nuk përgjigjet as qeveria kur ka përmbytje po ashtu atëherë për çfarë na duhen këta thjesht për të vjedhur vendin që të mbushi xhepat Veliaj me Ramën.

S’mund të tolerohet më!

rruga.jpg
R D14:16 | 22/12/2019

Moti i keq ka shkaktuar përmbytje dhe bllokime rrugësh në qarkun e Gjirokastrës, ndërsa liqeni i Viroit është në kuotën maksimale. Së fundmi raportohet se shirat e vazhdueshëm kanë përmbytur rrugën hyrëse të qytetit, duke vështirësuar lëvizjen për automjetet dhe këmbësorët.

Gazetari i Abc News, Orgest Sako raporton se ka një shtëpi të përmbytur në Dunavat. “Në sallën operative të policisë ka mbërritur një telefonatë për prezence uji në një banesë në lagjen Dunavat te qytetit te Gjirokastres. Aktualisht njësia e mergjencës pranë banesës është nisur për në Dunavat”, tha ai.

Më herët u bllokua për shkak të rënies së pemëve, aksi nacionale Këlcyrë – Tepelenë, por tashmë është zhbllokuar. /abcnews.al

permbytje-shiu-igjum.jpg
nev ila22:29 | 21/12/2019

Reshjet e dendura të shiut kanë pushtuar pothuaj të gjithë territorin e vendit. Sipas Qendrës Kombëtare për Parashikimin dhe Monitorimin e Rreziqeve Natyrore,  përgjatë ditës së dielë priten reshje të dendura shiu tepër intensive në gjithë territorin.

Ajo që thekson IGJEUM në njoftimin e saj, është se nga llogaritjet e fundit që janë bërë, këto reshje shiu mund të sjellin rritje të rrezikshme të prurjeve, në lumenjtë e mëdhenj siç janë Erzeni, Shkumbini, Semani dhe Vjosa.

Nga këto prurje mund të shfaqen probleme në përmbytje lokale, dhe urbane, në disa qytete kryesore në vend si: Tiranë, Elbasan, Lezhë, Durrës, Korçë, Vlorë, Fier dhe Gjirokastër. Ndërkohë probleme me reshjet e shiut, në orët e fundit të mbrëmjes së sotme, ka shfaqur qyteti i Durrësit.

Njoftimi i IGJEUM:

“Sot pasdite (e shtunë, dt.21) dhe nesër (e diel, dt.22), priten reshje shumë intensive në qarqet Shkodër, Kukës, Vlorë dhe Gjirokastër. Në qarqet e tjera priten reshje intensive dhe mesatare (siç tregohet në tabelë, respektivisht për secilin qark). Reshjet do të shoqërohen me shtrëngata në të gjithë vendin.

PARASHIKIM PËR PËRMBYTJE
————————————————————–
Sipas llogaritjeve të IGJEUM, përgjatë datave (e shtunë, dt.21) dhe (e diel, dt.22) priten reshje shumë intensive, pothuajse në të gjithë territorin, por edhe jashtë kufirit shtetëror në basenin e lumit Vjosa. Reshjet maksimale i kalojnë vlerat e 100 mm në 24 orë. Nga llogaritjet e fundit këto reshje mund të sjellin rritje të rrezikshme të prurjeve në lumenjtë e mëdhenj dhe të mesëm Ishëm, Erzen, Shkumbin, Seman dhe Vjosë. Lumenjtë dhe përrenjë e vegjël mund të shfaqin probleme me përmbytje lokale ose përmbytje urbane në varësi të gjendjes së kanalizimeve në disa nga qytetet kryesore (Tiranë, Elbasan, Lezhë, Durrës, Korçë, Vlorë, Fier dhe Gjirokastër). Nga llogaritjet hidrologjike rezulton se, me parashikimin e sasisë së këtyre reshjeve, në pjesët fushore të këtyre lumenjve në këto qarqe ka mundësi për përmbytje lokale dhe prurje të larta kryesisht përgjatë fundjavës. Ky informacion do të përditësohet nga IGJEUM sipas llogaritjeve më të fundit dhe do të njoftoheni për çdo ndryshim në parashikimin e përmbytjeve.

TEMPERATURAT

Nesër (e diel, dt.22) temperaturat minimale dhe maksimale të ajrit pritet të arrijnë:

në bregdet: 14 / 18 °C
në vendet e ulëta: 12 / 17 °C
në vendet malore: 7 / 11 °C

ERA

Sot pasdite (e shtunë, dt.21) dhe nesër (e diel, dt.22) era pritet të fryjë e lehtë deri mesatare, ndërsa në bregdet deri shumë e fortë”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono