pergjigjet

HARADINAJ-1280x820.jpg
ent ela17:15 | 12/02/2019

Kryeministyri i Kosovës Ramush Haradinaj nuk e ka vonuar përgjigjen e tij ndaj deklaratës së sekreatrit të përgjithshëm të NATO-s Stoltenberg, sipas të cilit FSK nuk mund të shkonte në Veri të vendit pa lejen e KFO-it.

Sekretari i Përgjithshëm i NATO-s, Jens Stoltenberg, deklaroi gjatë ditës se NATO është e zhgënjyer për vendosjen e taksës nga ana e Qeverisë së Kosovës dhe se, sipas tij, FSK-ja s’mund të futet pa lejen e KFOR-it në Veri të vendit.

Por kryeministri i Kosovës Ramush Haradinaj nuk e ka vonuar përgjigjen duke theksuar se ushtria e Kosovës ka të drejtën e plotë të ushtrimit të detyrës në të gjithë territorin e vendit.

 “Ne i kemi ofruar NATO-s një protokoll të ri për vendin. S’ka më Veri dhe Jug. Duhet ta kuptojnë të gjithë, presidenti, unë… mbi ne është Parlamenti. Me 107 vota i është dhënë fuqia ushtrisë për gjithë territorin. Kosova nuk është e intersume. Në Veri jetojnë serbët e Kosovës, janë qytetarët e Kosovës. S’kanë arsye të kenë shqetësim që ushtria mundet mu përdor kundër tyre, kjo është një garancë”, është shprehur ai.

Gjithashtu pas takimit me ambasadorin amerikan në Prishtinë, kreu i ekzekutivit kosovar foli për taksën ndaj Serbisë duke thënë se taksa mund të qëndrojë përjetësisht. Ai tha se Kosova është e lodhur me sjelljen e Serbisë, dhe lojërat që po luhen prej 20 vitesh, e se tashmë është kohë tjetër. Sipas Haradinaj e gjithë kjo nuk ka të bëjë fare me marrëdhëniet e Kosovës me Shtetet e Bashkuara të Amerikës.

Në fund të deklaratës së tij për media Haradinaj porositi Komandantin e Forcës së Sigurisë së Kosovës, Rrahman Rama, i cili publikoi letrën e qeverisë amerikane për anulimin e viziyës së gjeneralit amerikan ën Kosovë, disa ditë më parë për shkak të taksës ndaj Serbisë. Haradinaj e paralajmëroi Ramën se nëse e ka të vështirë të mbajë ushtrinë, ka njerëz të tjerë që mund ta mbajnë atë post. E në të kundërt ai duhet t’i lërë komunikimet me mediat në duart e personave që merren me këtë gjë./abcnews.al

HARADINAJ-PER-TAKSEN-ABC-M3-T1.mpg_snapshot_00.00.jpg
ent ela17:30 | 05/02/2019

Kryeministri i Kosovës Ramush Haradinaj i është përgjigjur ashpër deklaratës së Maja Konçijançiç sipas së ciilës dhe Trepca duhet të jetë temë diskutimi në dialogun me Serbinë. Haradinaj tha se Bashkimi Europian ka humbur rrugën për sa i përket Kosovës

Pas mbledhjes së qeverisë Kryeministri i Kosovës Ramush Haradinajjj deklaroi dhe njëherë më shumë se taksa 100 për qind e vendosur ndaj produkteve serbe do të qëndrojë derisa Kosova të njihet si shtet i pavarur nga Beogradi.

Ai sqaroi se vendosja e taksës është një vendim i Kosovës, i argumentuar dhe se kushtëzimi id ialogut me Beogradin është i papranueshëm. Haradinaj tha se nëse do të bënte Kosova një listë kushtesh, atëherë Serbia duhet të kërkojë fillimisht falje për krimet që janë bërë në Kosovë, kthimin e të pagjeturve e kështu me radhë. Sipas tij kushti për heqjen e taksës është një shantazh i pastër nga pala serbe.

Më herët Haradinaj reagoi dhe ndaj deklaratave të Maja Koçijançiç, zëdhënëses së shefes për politika të jashtme në Bashkimin Europian, Federika MOgerini, lidhur me Ligjin për Trepçën ku ripërsëriti se Brukseli ka humbur rrugën në oborr. Ai theksoi s efutja e kësaj teme në dialog është ftesë për destabilizim, dhe se Kosova i ka bërë detyrat e  shtëpisë për sa i përket Trepçës./abcnews.al

Ministrja2-933x445.jpg
ent ela22:40 | 25/01/2019

Asambleja e Fakulteteve pas mbledhjes së kësaj të Premteje paralajmëroi pezullim të procesit mësimor dhe përshkallëzim të protestës nëse qeveria nuk u përgjigjet kërkesave të studentëve të Universitetit të Tiranës për anulimin e Ligjit të Arsimit të Lartë dhe VKM-të e miratuara në Dhjetor.

E ftuar në emisionin “Zonë e Lirë”, ministrja e Arsimit dhe Sportit, Besa Shahini, iu përgjigj paralajmërimit të pedagogëve duke thënë se ligji nuk mund të rrëzohet brenda javës. Teksa shtoi se pedagogët nuk kanë bërë kërkesë që të rrëzohet ligji, pohoi se është e hapur që ai të rishikohet nëse shkakton probleme.

Arian Çani: Janë mbledhur shumë pedagogë dhe studentë dhe nëse nuk bie ligji për një javë do përshkallëzojnë protestën.

Besa Shahini: Ata janë njerëz të mençur dhe e dinë që ky ligj nuk rrëzohet për një javë. Minimumi zgjat dy vjet që të kalojë në të gjitha hallkat. Ata nuk kanë bërë kërkesë që të rrëzohet ligji. Jam e bindur se ata dinë më shumë se kaq, nuk rrëzohet ligji për një javë.

Arian Çani: Ti je e hapur që ligji të rishikohet?

Besa Shahini: Që të fillohet diskutimi, absolutisht. Nëse bindemi se ligji shkakton probleme mund ta rishohim. /tvklan.al

eed.jpg
ent ela18:21 | 21/01/2019

Opozita është larguar nga Kuvendi. Pas fjalës së Kryemadhit dhe Bashës, deputetët e opozitës kanë braktisur seancën e sesionit të ri parlamentar. Menjëherë pasi opozita u largua, Kryeministri Edi Rama nga foltorja e Kuvenit u është përgjigjur deklaratave të Bashës dhe Kryemadhit.

Lulzim Basha u ndal te ministret e reja të qeverisë Rama. Ai pyeti njerëzit nëse i njihnin këta persona të cilët i quajti kukulla të Kryeministrit. Rama i është përgjigjur deklaratës së Bashës duke i thënë se ka folur pa u menduar.

“Por e nis nga shprehja brutale dhe e neveritshme e kryetarit të PD këtu në këtë foltore që iu drejtuar zonjave në podiumin e qeverisë.Thënë me fjalë të pamenduara atë që është problemi i tij dhe problemi i tyre. Nuk kanë të paktën për disa kohë asnjë mundësi të hedhin baltë. Sepse kush është bashkuar me ne në qeveri duke ardhur nga të tjera drejtime ka një karrierë profesionale dhe ka një integritet të padiskutueshëm dhe mëshiron atë që jemi ne. Atë që PS ka qenë kohë më parë dhe atë që e ka bërë PS thelbësisht të ndryshme nga partitë e tjera. PS ka qenë një parti për këdo që ka pasur diçka për të dhënë. Unë jam vetë këtu shprehje e kësaj mënyre e të të qënurit me PS. Unë nuk kam ardhur nga rruga e partisë por nga rruga e shoqërisë aktive, civile dhe urbane. Unë duke parë përballë meje shikoj se shumëkush këtu është si unë dhe të gjithë bashkë ne jemi PS. Të gjithë këtu janë ata që kanë dëshirë të kontribojnë për këtë vend”.

Më tej duke komentuar protestën e studentëve, Rama është shprehur se PS është më e fortë se një muaj më parë.

“Ne nuk jemi uzupatorë të pushtetve por jemi reformatorë të shtetit. Pikërisht se ne nuk jemi ata që duam të kontrollojmë çdo gjë, por jemi ata që duam të vëmë kontrrolin e ligjit mi të gjithë. Sot jemi ne ata që duhet të shtërngojmë dhëmbët të durojmë edhe dënglat e ketyre dhe të shtyjmë përpara Reformën në Drejtësi dhe gjithë reformat e tjera.  Është shumë e qartë se ne sot jemi më shumë dhe jemi më të fortë sikur ishim një muaj më parë. Ne kemi shumë më tepër forca këtu në Parlament dhe ku kemi shumë më tepër forca të shpërndara në terren. Ne do të jemi më pranë njerëzve dhe për t’i përfaqësuar më mirë ata qoftë në nivel parlamentar qoftë në nivel vendor. Sot këta janë edhe më të dobët se ç’ishin një muaj më parë. Protesta e studentëve ne na dhe mundësinë që të dëgjojmë dhe reflektojmë. Ndërsa atyre u dha mesazhin se nuk iu shikojmë dot me sy. Atyre protesta e studentëve u tha se nuk eksiztojnë si alternativë”./abcnews.al

gjonaj-1-1280x714.jpg
ent ela15:28 | 16/01/2019

Zëri i Amerikës nuk mori në konsideratë qëndrimin e Ministrisë së Drejtësisë dhe as argumentet që prezantoi lidhur me procedurat e testimit të punonjësve të rinj në Policinë e Burgjeve. Kështu ka deklaruar ministrja Etilda Gjonaj, e cila del përsëri përpara publikut për të përgënjeshtruar reagimin e dytë të Zërit të Amerikës.

“Besoj se do të ishte korrekte që Zëri i Amerikës në bazë të këtyre indicieve të verifikohte dosjen e procedurave të testimit të punonjësve të Policisë së Burgjeve, për të parë nëse interesimi legjitim i deputetëve për çështje të caktuara të personelit të Policisë së Burgjeve është përkthye apo jo në mënyrë apo në shkelje të të drejtave të atyre që kanë marrë pjesë në testim dhe që u takonte vendi sipas ligjit dhe meritës së tyre. Pavarësisht nga ajo se çfarë kanë biseduar personat përkatës në ato biseda të përgjuara dhe interesimi i deputetëve nuk ka asnjë lidhje me procesin apo me rezultatet e rekrutimit të punonjësve të Policisë së Burgjeve. Theksoj dhe një herë se procesi ka qenë tërësish transparent dhe i hapur për të gjithë qytetarët e interesuar. Procedurat janë zbatuar në mënyrën më të përpiktë dhe çdo hap i ndjekur është lehtësish i verifikueshëm edhe sot kur kanë kaluar më shumë se 8 muaj nga ky proces”, tha Gjonaj/abcnews.al

u.jpg
ent ela19:27 | 10/01/2019

Kryeministri Edi Rama ka komentuar publikisht sulmet që po bëhen në adresë të Gent Cakajt, i propozuar nga ana e tij për të zëvendësuar Ditmir Bushatit. Rama ka renditur tre arsyet se pse po ngrihen kaq shumë alibi që Caka të marrë postin e Ministrit për Europën dhe Punët e Jashtme.

“E kanë sulmuar dhe shkelur dinjitetin e tij për tri arsye. Për të paktën tri arsye; sepse është shumë i ri, d.m.th., nuk i përket botës së tyre të vjetër. Sepse është shumë i pastër, d.m.th., nuk mund të akuzohet për asgjë. Sepse është nga Prishtina, d.m.th., që një shqiptar nga Kosova nuk mund të marrë një detyrë kaq të lartë, por ama si kosovar mund të përdoret si mish për top, nga ata që i janë kundërvënë egërsisht me vandalizëm verbal dialogut Kosovë-Serbi. Por unë nuk e kam zgjedhur Gent Cakën as si kosovar, as si i ri, por si një shqiptar europian pasionant për dijen dhe për atdheun tonë të përbashkët, i cili prej kohësh tanimë punon me mua, shtetas i Republikës së Shqipërisë, fillimisht si këshilltar dhe më pas si zëvendësministër.”

Kreu i qeverisë i është përgjigjur Presidentit Meta, dhe tha se Caka kurrë nuk ka shprehur diçka që bie ndesh me politikën e jashtme të Shqipërisë. Sipas Ramës, Caka dhe nuk është shprehur për ndryshime kufijsh në Ballkan.

“Ai kurrë nuk ka shprehur diçka që bie ndesh me politikën tonë të jashtme. Kush e thotë këtë, ose është keqdashës, ose keqlexues, ose të dyja bashkë, ose edhe më keq akoma. Ai kurrë nuk ka predikuar ndryshime kufijsh në Ballkan, dhe as ka marrë përsipër të ndërhyjë ndonjëherë në një çështje si ajo mes Kosovës dhe Serbisë që i takon lidershipit demokratiksiht të zgjedhur të Kosovës dhe popullit shqiptar që jeton në Kosovë.”/abcnews.al

rama-protesta-1280x711.jpg
ent ela13:24 | 07/12/2018

Këto thirrje kanë marrë si përgjegje përshëndetjen e kryeministrit Edi Rama.

“Një përshëndetje…”

Nga rrjeti social Facebook u thotë se ka shumë dëshirë t’i takojë ballë për ballë.

“Unë dua që ata ta dinë se kam shumë për t’u thënë, por edhe shumë dëshirë që t’i dëgjoj, ballë për ballë, pa censurë për opinionin publik, pa drejtues, pa administratorë, pa pedagogë, por vetëm studentët e zgjedhur prej vetë protestuesve, pa asnjë filtër partiak apo administrativ”, tha Rama.

Këta të rinj kërkon plotësimin e kërkesave të tyre duket se e frymëzojnë shpirtin artist të kryemnistrit, por si drejtues ekzekutivi puna ia do t’i japë përgjigje institucionale.

“Po të mund të zgjidhja, sot do të doja të isha edhe njëherë student protestues, por si kryeministër dhe si një protestues i dikurshëm kam bindjen se duke dëgjuar njëri-tjetrin me respekt, jemi apo jo dakord, dhe duke u bërë bashkë për modernizimin e arsimit të lartë në çdo aspekt, ne mund ta përshpejtojmë dhe ta bëjmë shumë më mirë punën kolosale që mbetet ende për të bërë në dobi të universitetit”, u shpreh Rama.

Pas kësaj video përgjigje derën e kanë të hapur studentët.

“Kur edhe po të dëshirojnë të njëjtën gjë bujrum, zyra është e imja, por pushteti është i kujtdo që do ta përdorë idenë e duhur në shërbim të vendit, shoqërisë dhe të ardhems në të cilën fëmijët tanë do jetojnë”, tha Rama./abcnews.al

Edi-Rama-crop.jpg
ent ela15:29 | 27/01/2018

Disa orë para protestës, Kryeministri Edi Rama nuk ka hezituar t’i përgjigjet komentuesve nëpërmjet profilit të tij zyrtar në rrjetet sociale.

Një qytetar i ka renditur kryeministrit Edi Rama disa prej arsyeve për të protestuar, ndërsa reagimi i shefit të qeverisë ishte i menjëhershëm.

“Mbi të gjitha protesto që të mos shkojë deri në fund Reforma në Drejtësi, të mos bëhet Vetingu, të mos hapen negociatat për anëtarësim në BE dhe të mos mbyllet dyqani i çizmeve të majta që përdoren edhe për këmbën e djathte” -shkroi Rama si përgjigje ndaj komentuesit./abcnews.al

vlcsnap-error304-1-1280x720.jpg
us er15:46 | 27/11/2017

Raport problematik me realitetin dhe shifrat e ka cilësuar ministri i Financave Arben Ahmetaj, qëndrimin e kryetarit të PD-se Lulzim Basha, lidhur me inceneratorët.

Në një njoftim shpërndarë mediave ministri thekson se “Ndërsa për 1 milonë USD të kaluara në kanalet e zeza të pagesave jashtë sistemit ligjor të Republikës së Shqipërisë, saktësisht përmes një kompanie offshore, nuk flet asnjë fjalë, paska zbuluar 400 milionë euro që do u paguakan për ndërtimin e tre inceneratorëve në Elbasan, Fier, Tiranë. Dhe sipas tij për të shkatërruar Shqipërine dhe shëndetin e shqiptarëve.

Ministri Ahmetaj thekson se flitet për tre projekte të çertifikuara ndërkombëtarisht.

Sipas Ahmetajt, brenda 7 vitesh bashkia e Elbasanit dhe Fierit do jenë bërë pronarë të dy inceneratoreve për një kosto totale investimi dhe shërbimi prej 54 milionë Euro me TVSH (dhe procedurën e pagesave për blerjen e agregateve në Fier e ka çertifikuar edhe vetë Kontrolli i Lartë i Shtetit). Ndërkohë, sipas Ahmetajt, Elbasani ka shpëtuar, e Fieri do të shpëtojë prej helmeve të plehrave që qeveria e vjetër e Lulëzimit i la të digjen rrugëve.

Projekti i Tiranës është ende larg konkretizimit, ka bërë të ditur ministri i financave, duke theksuar se nuk është ende e sigurt nëse do të zbatohet./abcnews.al

 

 

 

 

 


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono