pergatitjet

PARTIZANI-SHPALL-LISTEN_ABC-M4-T2.mpg_snapshot_00.03-1280x720.jpg
Sej rie20:30 | 13/07/2019

Skuadra e Partizanit ia doli të marrë një rezultat pozitiv në ndeshjen e parë ndaj Karabag dhe shpresat janë të mëdha për takimin e kthimit. Të kuqtë vazhdojnë përgatitjet intensive para nisjes për në Baku. Skuadra është stërvitur e plotë nën drejtimin e teknikut Franko Lerda. Në seancën stërvitore të ditës së sotme iu kushtua rendësi përgatitjet tekniko taktike.  Të gjithë lojtarët janë stërvitur normalisht dhe nuk regjistrohen lojtarë me problem fizike. Partizani pritet të përfshihet nga disa ndryshime në formacion nga ndeshja e parë. Tekniku italian mund të inkuadrojë nga minuta e parë mbrojtësin Lorenc Trashi i cili luajti vetëm pak minuta në ndeshjen e parë. Ndërkohë që Braun pritet te zëvendësoje Çinarin që mund të luajë me i tërhequr se në ndeshjen e parë. Mensah i cili u paraqit mjaft mirë në “Selman Stermasi” mund të mos startoje si titullar. Gjithsesi formacioni përfundimtar mund të ndryshoje në varësi të formës së lojtarëve./ABC News Albania 24/7

bayer-1280x703.jpg
Sej rie13:50 | 11/07/2019

Futbollistët e Bajernit u paraqitën në kompleksin e klubit në Mynih, për t’u bërë gati për sezonin e ri, ndërsa atmosfera në klub nuk është shumë e mirë. Drejtuesit nuk po marrin dot yjet e kërkuar.

Pushimet mbaruan dhe puna nisi përsëri, veçse jo gjithçka të lumturon.

Një klimë disi ndryshe tek Bajerni, me klubin e madh gjerman, të pakënaqur nga konkurrenca e rivalëve milionerë, që nuk po e lejojnë të bëjë goditjet e mëdha në treg.

Pak ditë pasi trajneri Niko Kovaç shpërtheu ndaj klubeve-shtete që dëmtojnë kampionen e Gjermanisë, ishte radha e presidentit Uli Hënes të dilte në dritaren e zyrës së tij dhe të ndiqte me vështrim jo shumë entuziast ditën e parë të punës për sezonin e ri.

Bajerni nuk ishte i plotë në fushë, por Hënesin nuk e shqetësojnë yjet që nuk janë kthyer ende nga pushimet, veçse ata që ndoshta nuk mund të vijnë.

Leroi Sane, objektivi kryesor i verës, mbetet ende larg, edhe pse bavarezët nuk kanë ndërmend të kursehen.

Ata mund të paguajnë 110 apo 120 milionë euro, veçse vetë futbollisti nuk po jep shenja pozitive.

Edhe objektivat e tjera, që nga Dembele I Barcelonës, Hadson-Odoi I Çelsit, apo Timo Verner i Lajpcigut, janë të dëshiruar, por të vështirë për t’u marrë.

Më të mundshëm janë Janik Karrasko, Hakim Zijeç i Ajaksit, Dani Olmo I Dinamos së Zagrebit apo Lion Bejli (Leverkusen).

Deri tani, Bajerni ka marrë vetëm dy lojtarë, edhe pse që të dy janë kampionë të botës, me Francën.

Lukas Hernandez, ish-mbrojtës i Atletikos së Madridit kushtoi 80 milionë euro, ndërsa Pavar, mbrojtës i ardhur nga Shtutgarti, u mor për më pak.

Këtyre u shtohet sulmuesi i ri, Arp, i cili nuk është se vlerësohet aq shumë për momentin.

Gjithsesi, Hënesi pati një kënaqësi duke parë stërvitjen e bavarezëve, pasi trajneri Kovaç e kishte ndërtuar fushën në mënyrë të tillë, që të vinte duke u ngushtuar sa më shumë lojtarët i afroheshin portës.

“Më shumë ritëm, më shumë shpejtësi”, – ishin fjalët e kroatit, ndërsa për lojtarët pati më shumë dyluftime, sepse hapësira zvogëlohej.

Pritet ende të vijnë lojtarët e ekipeve kombëtare, ndërsa Lukas Hernandez vazhdon stërvitjen individuale për shkak të dëmtimit në gju./ABC News Albania 24/7

interi.jpg
nev ila22:22 | 10/07/2019

 

Skuadra e Interit vijon përgatitjet në Lugano në prag të sezonit të ardhshëm. Trajneri Antonio Konte pret nga drejtuesit e klubit, finalizimin e tre objektivave të mbetura në merkato.

Skuadra e Interit vazhdon përgatitjet parasezonale në Lugano nën drejtimin e trajnerit Antonio Konte. Skuadra nuk konsiderohet ende e kompletuar pasi mungojnë tre zyrtarizime Barela Lukaku dhe Dzeko të cilët kërkohen me ngulm nga kreu i bankinës së zi kaltërve.

Mediat italiane raportojnë se skuadra e Interit ka gjetur akordin me Kaljarin për transferimin e 22 vjeçarit në San Siro dhe prezantimi pritet të bëhet shumë shpejt.

Nuk bëhet e ditur kostoja e transferimit të mesfushorit të kombëtares italiane tek Inter apo paga që pritet të përfitojë. Synimi i Kontes është që futbollisti të nënshkruajë para nisjes së skuadrës në turin aziatik.

Në lidhje me Romelu Lukakun Manchester United vijon të mbetet pengesa kryesore. Djajtë e kuq pretendojnë të përfitojnë 85 mln euro, një shifër tepër e lartë për arkat e klubit zi kaltër të cilët janë të gatshëm të paguajnë deri në 70 mln euro. Problemi tjetër është paga e futbollistit por mund të gjendet një marrëveshje mes palëve.

Më e komplikuar është pista Edin Xheko. Futbollisti boshnjak ia ka bërë të qartë skuadrës së Romës se dëshiron të largohet por verdh e kuqtë nuk pranojnë ofertën e Interit.

Marrëveshja mes palëve është ende larg ndërkohë që Inter nuk mund të nënshkruajë me shtatlartin para se të largojë nga skuadra Mauro Ikardin pasi argjentinasi duhet të sjellë të ardhura në klub për të financuar merkaton./ABC News Albania 24/7

KOMBETARJA-IZOLOHET-NE-DURRES.mpg_snapshot_00.06-1280x720.jpg
ent ela19:05 | 09/06/2019

Kombëtarja shqiptare ka nisur punën në Durrës, për ndeshjen e dytë eleminatore të Europianit, atë ndaj Moldavisë. Trajneri Reja përpiqet të mbajë lart moralin pas humbjes me Islandën.

U kthyem duarbosh, por kemi edhe një ndeshje tjetër.

Kombëtarja shqiptare ndoshta mund të mos jetë me moralin më të lartë pas humbjes në Islandë, veçse të martën duhet të jetë gati për Moldavinë.

Trajneri Edi Reja është kujdesur që skuadra të jetë tërësisht e izoluar në kompleksin “Tropikal” në Durrës, edhe pse është periudhë pushimesh, ndërsa në seancën stërvitore pranon kamerat, si gjithnjë, vetëm 15 minuta.

Italiani është përpjekur gjatë gjithë kohës të nxisë lojtarët, duke theksuar se prova në Islandë ishte pozitive, pavarësisht humbjes, pra një bazë e mirë për vazhdimin.

Trajneri lavdëroi karakterin e treguar nga lojtarët e tij, që nuk u tronditën pas pësimit të golit, por luajtën fort deri në fund.

Për fat në skuadër kthehet kapiteni Mavraj, i cili përfundoi pezullimin prej 3 ndeshjesh, dhe ky do të jetë një plus I madh për repartin e mbrojtjes, që tregoi dobësi në Rejkjavik, sidomos në pësimin e golit.

Ende nuk dihet se cila mund të jetë skema e Rejës për ndeshjen eleminatore të Europianit, të martën ndaj Moldavisë në “Elbasan Arena”.

Me shumë gjasë, do të jetë pak a shumë ajo e Islandës, ku kombëtarja luajti me dy sulmues, dhe me modulin 4-3-3.

Italiani do të shikojë gjendjen fizike të lojtarëve, sidomos pas 90 minutave të lodhshme të së shtunës, dhe mund të bëjë ndryshime në formacion, ku Sadiku, Kaçe apo Ndoj mund të mendohen titullarë. /ABC News Albania 24/7

 

kombetarja.jpg
Sej rie13:40 | 29/05/2019

Trajneri Edi Reja ka nisur seancat e plota stërvitore me kombëtaren, në prag të ndeshjeve të Europianit. Italiani do të njohë gjendjen e lojtarëve, përpara sesa të vendosë për skemat dhe formacionin.

Puna e vërtetë nis vetëm tani.

Kështu u shpreh trajneri i kombëtares, Edoardo Reja, në konferencën për shtyp, dhe kështu ndodhi me të vërtetë.

Tashmë, ekipi përfaqësues është thuajse plotësisht i plotë në kompleksin “Tropikal” në Durrës.

Futbollistët i kanë mbaruar kampionatet dhe detyrimet e tjera me klubet, ndërsa i fundit pritet të vijë kapiteni Mavraj, i cili ishte i angazhuar në plej ofin e futbollit gjerman, me skuadrën e tij, Ingolshtatin.

Portieri Etrit Berisha mbërriti paksa me vonesë në grumbullim, ndërsa mesfushori Ledian Memushaj u la të shlodhej, ndaj që të dy u bashkuan më vonë me skuadrën në stërvitje.

Trajneri italian nuk është se i lodhur shumë të përzgjedhurit e tij në seancën e parë të plotë.

Reja I ka vënë vetes detyrë të njohë fillimisht gjendjen e tyre fizike, si dhe të bisedojë për të kuptuar edhe anën psikologjike, përpara sesa të përcaktojë lojtarët e formacionit, ata të stolit si dhe skemat me të cilat do të luajë ndaj Islandës dhe Moldavisë.

Të shtunën, ai do të ketë mundësi t’i shohë lojtarët në ndeshje, pasi do të zhvillohet një miqësore me Shqipërinë U21 të drejtuar nga trajneri Alban Bushi.

Kombëtarja do të stërvitet në Shqipëri deri në 2 qershor, kur do të udhëtojë për në Frankfurt të Gjermanisë, dhe do të aklimatizohet aty deri në 6 qershor, për t’u zhvendosur më pas në Islandë.

Ndeshjet eliminatore janë në 8 qershor në fushën e Islandës, dhe në 11 qershor ndaj Moldavisë në “Elbasan Arena”./ABC News Albania 24/7

KOMBETARET-U17-DHE-U19_ABC-M1-T1.mpg_snapshot_00.01-1280x720.jpg
ent ela13:55 | 07/01/2019

Shqipëria U17 dhe ajo U19 do të nisin përgatitet për vitin 2019. Trajnerët Elvin Beqiri dhe Nevil Dede shpallën listat e lojtarëve dhe folën për planet e tyre lidhur me Europianin.

Të dyja kombëtaret e moshave do të përpiqen të jenë gati për eleminatoret.

Shqipëria U17 dhe ajo U19, fillojnë përgatitjet që në janar për të qenë gati për në Europian, dhe më e impenjuar do të jetë kombëtarja më e re.

Ata që quhen para të rinjtë, pra U17-ta e trajnerit të emëruar së fundmi, Elvin Beqiri, do të marrë pjesë në një turne të organizuar nga Federata Turke, në datat 14-17 janar.

Shqipëria është në grupin B, me Spanjën, Rusinë dhe Maqedoninë.

Trajneri Beqiri shpalli listën me 25 lojtarë të grumbulluar, ndër të cilët 12 nga jashtë, dhe 13 nga Shqipëria.

Ai foli edhe për planet dhe objektivat.

Programi për Shqipërinë U19 është më modest.

Skuadra e trajnerit Nevil Dede do të grumbullohet në kompleksin “Tropikal” në Durrës, ku do të ketë disa ndeshje miqësore.

Dede shpalli gjithashtu listën, ku bie në sy prania e 5 lojtarëve nga Shkëndia e Tetovës, si dhe e sulmuesit Bullari, që kërkohet edhe nga Greqia.

Shqipëria U17 dhe ajo U19 do të luajnë eleminatoret e Europianit në tetor-nëntor të këtij viti, ku 17-vjeçarët do të jenë në grup me Portugalinë, Ukrainën e Gjeorgjinë, ndërsa 19-vjeçarët do të ndeshen me Greqinë, Belgjikën dhe Islandën.

Nuk dihet nëse kombëtaret e moshave do të jenë në lartësinë e Kosovës, që u kualifikua për në finalet e Europianit me ekipin U17. /abcnews.al

PARTIZANI-NE-TURQI-PERFORCIMET-1280x720.jpg
ent ela15:54 | 05/01/2019

Partizani nis fazën përgatitore në Antalia në Turqisë. Skuadra kryeqytetase ka marrë disa përforcime, por ende nuk ka gjetur një qendërsulmues.

Nuk dëshiron të humbasë asnjë minutë kohë. Faza përgatitore e dimrit do të jetë e shkurtër, dhe trajneri Gega kërkon t’i shfrytëzojë më së miri rreth 2 javë stërvitje në Antalia.

Pasi udhëtoi gjatë natës për në Turqi, skuadra nisi menjëherë punën për t’u bërë gati për fazën e dytë të sezonit.

Në plan janë edhe tri miqësore, ndaj Sivassporit në 9 janar, Antaliasporit në 11, dhe kundër Shahtjorit të Karagandit nga Kazakistani në 14 janar.

Trajneri Gega ka me vete 26 futbollistë, mes të cilëve edhe dy përforcimet e ardhura së fundmi. Fatjon Hyseni, një lojtar i krahut të majtë, ka ardhur nga Renova e Maqedonisë.

Ai është 23 vjeç, është aktivizuar në gati 100 ndeshje për Renovën, e mund të luajë gjithashtu në krahun e djathtë, por edhe sulmues i dytë. Përforcimi tjetër është Alesio Hyseni, ish-lojtar i vetë Partizanit, por që luajti për Flamurtarin gjysmën e parë të sezonit.

Klubi vlonjat njoftoi prishjen e kontratës me mesfushorin 22-vjeçar, i cili sqaroi se e kishte kërkuar vetë një gjë të tillë. Të kuqtë dëshirojnë të forcohen edhe në mbrojtje.

Klubi po mendon afrimin e holandezit Ruben Ligeon, ish-mbrojtësi i Ajaksit dhe ekipeve kombëtare të moshave të Holandës. Ligeon është 26 vjeç dhe aktualisht luan për Zvolen në elitën e futbollit holandez.

Pozicioni i tij është mbrojtës i djathtë dhe ai numëron 33 ndeshje për kombëtaret holandeze nga U17 deri në U21. Gjithsesi, Partizani mund të marrë mbrojtësin e Kamzës, Hektor Idrizaj, ndonëse asgjë nuk është vendosur.

Problemi më i madh për kryeqytetasit është roli i qendërsulmuesit, ku çaluan në fazën e parë, aq sa shënuesi më i mirë ishte mesfushori Bruno Telushi.

Vetëm shkodrani i ri, Rubin Hebaj, është pikërisht i këtij roli, por edhe ky luajti pak. Pritet që Partizani të sigurojë një qendërsulmues në ditët në vijim. /abcnews.al

PERGATITJET-TAKIMI-1280x720.jpg
ent ela22:28 | 06/04/2018

Përgatitjet për një takim mes presidentëve Donald Trump dhe Vladimir Putin nuk do të preken nga sanksionet e reja anti-ruse të vendosura të premten nga administrata amerikane. Lajmin e kanë bërë të ditur burime pranë Shtëpisë së Bardhë. Sekretarja e zyrës së shtypit, Sarah Sanders ka deklaruar se autoritetet amerikane po vazhdojnë punën për përgatitjen e takimit. “Sikurse e ka thënë edhe vetë, presidenti dëshiron të ketë marrëdhënie të mira me Rusinë, por kjo do të varet nga veprimet që duhet të ndërmarrë Rusia”, ka deklaruar Sanders në një konferencë për shtyp. Nga ana tjetër, përmirësimi i marrëdhënieve me Shtetet e Bashkuara i intereson edhe Moskës, e cila e ka kthyer këtë objektiv në prioritetin e politikës së saj të jashtme. /abcnews.al

vlcsnap-error178-1280x721.jpg
us er20:57 | 07/01/2018

Trajneri i Partizanit, Sulejman Starova, flet përpara nisjes së skuadrës për fazë përgatitore në Antalia. Ai pati kritika për Federatën dhe paraardhësin e tij, Iuliano, ndërsa u tregua optimist për objektivat.

Një ditë punë në Shqipëri dhe pastaj jashtë.
Edhe Partizani do të ndjekë skuadrat e tjera të Superligës në Antalia të Turqisë, ku do të përgatitet për gjysmën e dytë të sezonit.
Trajneri Sulejman Starova tregon për ndryshimet që priten në ekip dhe se çfarë miqësoresh do të luhen.
Veterani I stolit nuk mund të përmbahej edhe këtë herë pa kritikuar punën e paraardhësit të tij, Mark Iuliano.
Gjithsesi, Starova nuk mbetet vetëm te akuzat për ish-trajnerin.

Në fjalët e tij ndihet një lloj pakënaqësie edhe për ata që drejtojnë Partizanin.
Humbja 0-5 në fushën e Luftëtarit nuk e ka tronditur të mbiquajturin “Bobi”, I cili flet me bindje për objektivat e sezonit.
Së fundi, trajneri I Partizanit pati kritikë edhe për Federatën, të cilën e drejton një njeri që mund të quhet kundërshtar I tij, Armand Duka.
Starova theksoi se me shtyrjen e kampionatit, Federata ndreqi gabimin që kishte bërë po vetë./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono