përfundimin

ramaa-1280x721.jpg
Sej rie14:15 | 09/06/2019

Në fushatën e sotme në Burrel, Rama mbështeti kandidatin e PS për kryetar Bashkie, Agron Malaj, i cili dyshohet se ka qenë pjesë në grupin e zjarrit në ngjarjen e 21 Janarit. Gjithashtu Rama inspektoi Rrugën Arbër, dhe tha se ky projekt do të përfundojë në 2021.

Kryeministri Rama vijon fushatën zgjedhore, duke u ndalur në Burrel. Rama në fjalën e tij i tha banorëve të këtij qyteti se mbështet kandidatin e partisë socialiste për  Bashkinë e Burrelit, Agron Malajn, i cili dyshohet se ka qenë pjesë në grupin e zjarrit në ngjarjen e 21 Janarit. Sipas Kryeministrit, drejtësia shqiptare ka provuar se arma e Agron Malaj nuk ka nxjerrë asnjë plumb.

Në fokus Rama vuri dhe ndërtimin e Rrugës Arbër, duke e cilësuar një projekt shumë të rëndësishëm. Kryeministri menjëherë pas përfundimit të fushatës, inspektoi rrugën Arbër dhe tha se kërkonte që kjo punë të përfundojë brenda 2 viteve.

Rruga e Arbrit është një projekt inxhinierik. Kjo rrugë ka 7 tunele, por vetëm 5 të tilla jamë hapur totalisht. /ABC News Albania 24/7

 

kotzias.jpg
ent ela13:30 | 29/01/2019

Faktori shqiptar ka luajtur një rol shumë të rëndësishëm në përfundimin e marrëveshjes së Prespës. Ka qenë kjo deklarata e ish ministrit të jashtëm grek Kotzias në një intervistë për mediat greke

Ish ministri i jashtëm grek, Nikos Kotzias, ka veçuar rolin përcaktues të faktorit shqiptar në finalizimin e Marrëveshjes së Prepës.

Në një intervistë të gjatë në televizionin publik ERT, Kotzias ka zbardhur disa prej “prapaskenave” të negociatave për zgjidhjen e kontestit për emrin kushtetues të maqedonisë.

Ai tha se përpjekjet e qeverisë Tsipras filluan në verën e 2015-2, kur në pushtet ishte Nikolas Gruevski. Kotzias shënoi se këto përpjekje nuk dhanë rezultat.

Në të njëjtën kohë, Kotzias nisi bisedimet edhe me kreun e opozitës së atëhershme, Zoran Zaev, si dhe me Ali Ahmetin, të cilin gjatë intervistës e cilësoi si “liderin natyral të shqiptarëve në Maqedoninë e Veriut”.

Kotzias tregoi se atëherë i kishte telefonuar sekretarja amerikane e shtetit, Hillary Clinton.

“Më tha ‘nuk bën mirë që takohesh me opozitën dhe me shqiptarët, pse Gruevski ndihet se ndodhet nën presion’. I thashë të mos më telefonojë më dhe të mos përzihet në negociatat që po bën Greqia me FYROM për zgjidhjen e një problemi të rëndësishëm midis tyre. Dhe nuk telefonoi më”, tha ish ministri i jashtëm grek.

Duke iu referua kontakteve me palën shqiptare, Kotzias vuri në dukje se “Faktori shqiptar donte zgjidhje. Dhe përbënte një element që ndihmonte avancimin e zgjidhjes, madje edhe kundër dëshirës së Gruevskit”.

“Ahmeti dhe Osmani, nënkryetari i qeverisë, ishin aleatët tanë në negociatat. Ky bashkëpunim me shqiptarët dha fryte deri edhe në fazën përfundimtare të negociatave”, shtoi Kotzias.

Kotzias shtoi se roli i faktorit shqiptar ishte vendimtar gjatë procesit të ndryshimeve kushtetuese, në përcaktimin e çështjeve të gjuhës dhe shtetësisë.

Ish ministri i jashtëm grek nuk pranoi të përgjigjej nëse fonde sekrete të shtetit grek janë disbursuar për media në Shkup.

“Kjo është një çështje me të cilën po merret drejtësia dhe unë nuk dua të bëj asnjë koment”, tha Nikos Kotzias./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono