performanca

kultura.jpg
nev ila16:00 | 18/06/2019

Shqetësimet social politike dhe bukuria  shpirtërore janë në qendër të performancave të studentëve të multimedias.  Kuratori dhe pedagogu Vladimir Myrtezaj në një intervistë për ABC News thotë se arti i performancës është thellësisht prekës dhe komunikues.

Arti i performancës është shumeë pak i aplikuar në skenën e artit shqiptarë edhe pse fillesat në botë i ka në vitet 60 dhe në Shqipëri në fillim vitet 90. Atelieri i multimedias e vë në zemër të galerisë FAB.

Per Edison Cerajn performanca ka prirjen të hetojë marrëdhënien e komplikuar ndërmjet “të jetosh” dhe “të ekzistosh”.

Megjithëse shpesh performancat nuk kuptohen nga masa por Vladimir Myrtezaj thotë se artisti duhet ta përfshij publikun në kodet e tij komunikuese duke dialoguar më të.

Myrtezaj e thotë me bindje se këto artistë të rinj kanë sjellë  performanca prekëse, origjinale  dhe depërtuese. Gjëja më e rëndësishme në art dhe në mësimdhënie është të qënurit i hapur.

Performancat e artistëve  janë të fokusuar tek aspektet  social –politike dhe shpirtërore

Këto performanca janë një shteg, ku disa –prej artistëve në të ardhme e shohin veten në këtë medium./ABC News Albania 24/7

EMISIONI-THUMB-08-DHJETOR.mpg_snapshot_00.06.49-1280x720.jpg
ad min18:48 | 08/12/2018

Për herë të parë Aulona dhe Fatma dolën nga kosherja e zakonshme për të sjellë këtë puntatë një Thumb Magjik. Bëhet fjalë për prapaskentat e edicionit të 20 të Këngës Magjike dhe të gjitha të pa thënat të nxjerra vetëm nga Thumb.

Të gjitha këto vijnë vetëm nga një festival si Kënga Magjike që ndër vite na ka dhurar një muzikë që na ka kënaqur jo vetëm veshët, por edhe shpirtin. Për mikrofonin e emisionit realizuesi i këtij festivali Ardit Gjebrea, tregoi se si ia del që ta mbajë të suskesshëm Këngën Magjike edhe pas 20 vitesh.

“Nëse unë nuk i prek të gjitha gjërat vetë, kur dal në skenë kam pasiguri. Në një nga sektorët që nuk e kisha prekur, kur erdha pashë që kishte pak rrëmujë dhe e gjithë nata e parë më shkoi jo mirë. Ndoshta publiku nuk e kuptoi, por unë nuk isha Arditi që isha në natën e dytë.”

Gjebrea tregon dhe çelësin e sekretit se si pas 20 vitesh është i vetmi që arrin të përthithë këngëtarët më të suksesshëm në treg.

“Unë nuk jam menaxher, unë jam artist. Unë artistët i trajtoj ashtu siç do të doja që ata të më trajtonin mua. Çdo këngëtar që ka ardhur ka rritur nivelin e tij.”

Gjithashtu ai tregoi dhe për performancën e tij në natën finale më një këngë të shumëpritur nga publiku në duet me artistin Saimir Pirgu.

“Isha tek studio e Florit dhe dëgjoja këngën dhe më pëlqeu. I them Florit ma jep mua këtë këngën, sepse unë do të këndoj një duet me Saimir Pirgun në natën finale. I them Florit të vjen keq ta bëj me një tekst tjetër timin dhe kështu krijova tekstin “Kur them ajo”. E gjithë ideja që një ditë një njeri i shtrenjtë largohet nga jeta jote, ikën gjithçka, por a mund ta fshish emrin dhe të thuash “ajo”? Është e pamundur.”

A do jetë ky rikthim i Gjebreas në muzikë?

“Unë besoj se po, sepse teksa regjistroja në atë studio me kapi nostaligjia dhe aty e vendosa që do filloj dhe do krijoj e këndoj.”/abcnews.al

MI0002988920.jpg
ad min22:33 | 19/09/2018

Banda e njohur muzikore Maroon 5 vjen më një lajm emocionues për të gjitha fansat. Pas një viti shumë të suksesshëm në karrierën e tyre, sipas burimeve të revistës “Billboard”, ata do të performojnë në ceremoninë e Super Bowl.

Kjo ceremoni mbahet në nder të finales së kampionatit amerikan të futbollit dhe në pjesën e pushimit ndeshjes gjithmonë është mbajtur një shfaqje me këngëtarët më të njohur botërorë. Lista e performuesve përfshin ikona të muzikës pop si: Madonna, Beyonce, Michael Jackson, Prince, Lady Gaga etj. Vitin e kaluar, në këtë event interpretoi Justin Timberlake një set nga këngët e tij më të famshme, por performanca nuk u prit mirë nga publiku. Kjo gjë vjen si shkak i pjesëmarrjes së tij të mëparshme në Super Bowl të vitit 2004, si i ftuar special i këngëtares Janet Jackson, ku në një incident gjatë koreografisë ai i ekspozoi gjoksin artistes duke zemëruar publikun dhe shkatërruar karrierën e saj. Fansat akoma fajsojnë Justin për këtë incident.

Performimi në Super Bowl konsiderohet si kulmi i karrierës së një këngëtari, pasi në të zgjidhen vetëm këngëtarë të cilët kanë patur një karrierë të suksesshme dhe një popullaritet të madh. Nga një performancë e tillë artistët gjithashtu kanë përfitime të jashtëzakonshme pasi kjo ngjarje ndiqet nga një audiencë e gjerë. Performanca me shikueshmërinë më të lartë mbetet ajo e këngëtares Katy Perry në vitin 2015 e cila arriti të mblidhte 120.7 milionë shikues. Si pasojë, artistët kanë shitje të panumërta nga një ekspozim i tillë në publik dhe fama e tyre shkon në nivele stratosferike.

Tashmë është radha e bandës Maroon 5 që të damkosin trashëgiminë e tyre muzikore. Nuk dihen ende detajet se çfarë kanë vendosur të realizojnë dhe nëse do të kenë të ftuar të tjerë, por është ende herët pasi eventi zhvillohet gjatë muajt shkurt të vitit të ardhshëm. Këtë vit, banda me në krye vokalistin Adam Levine lançuan projektin e tyre muzikor “Girls Like You” në bashkëpunim me reperen Cardi B, e cila rezultoi të pritej shumë mirë nga fansat. Për momentin kënga ndodhet në vend të dytë në klasifikimet muzikore amerikane dhe ka arritur të marrë deri më tani rreth 900 milionë klikime në You Tube./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono