Pep Guardiola

psg.png
Igli Nikolli13:13 | 19/01/2020

PSG po tenton prej vitesh të fitojë Champions League, një trofe që nuk e ka fituar kurrë në histori. Në Francë vetëm Marseille ia ka dalë të shpallet kampion në kompeticionin më të mirë për klube (1993) dhe klubi kryeqytetas nuk e duron dot këtë fakt.

Miliona të shumta janë hedhur, por PSG nuk po ia del të mbërrijë as në finale. Thomas Tuchel është trajner i ekipit prej vitit 2018, por nuk ka arritur t’i bindë drejtuesit. Ëndrra e madhe quhet Pep Guardiola dhe mediet angleze raportojnë se PSG po përgatit një ofertë të parefuzueshme për spanjollin e njohur.

Në kryeqytetin francez janë të bindur që trajneri i Cityt është i duhuri dhe do të bëjnë maksimumin për të siguruar shërbimet e tij për sezonin e ardhshëm. /abcnews.al

Guardiola-1280x854.jpg
Igli Nikolli14:53 | 18/01/2020

Shumë është folur për një largim të Pep Guardiolës në fund të sezonit nga Manchester City. Juventus, Barcelona dhe Bayern Munchen janë disa nga ekipet që do të ishin gati t’i besonin pankinën, por spanjolli mendon ndryshe.

Guardiola tregon për Sky Sports se ka vetëm një mënyrë për t’u larguar: nëse klubi vendos ta shkarkojë. Trajneri i premton besnikëri “Cityzens” dhe është gati të vijojë punën me këta lojtarë, edhe nëse nuk arrihet kualifikimi në Champions League.

E kam thënë mijëra herë, nëse Manchester City më shkarkon, nuk do të largohem. Është 100% e sigurt që do të jem sërish këtu edhe sezonin e ardhshëm. Kjo nuk ka lidhje me faktin që kemi fituar dy ndeshjet e fundit dhe kemi luajtur shumë mirë në muajt e fundit.

Më pëlqen të punoj me këta futbollistë. Edhe nëse gjithçka shkon keq dhe nuk arrijmë të kualifikohemi në Champions, nuk do të largohem. Ka gjithmonë momente pozitive dhe negative për një trajner, është e pamundur të fitosh gjithmonë“, thekson Pep Guardiola. /abcnews.al

Pep.jpg
Igli Nikolli22:50 | 17/01/2020

Pep Guardiola ka një admirim të madh për rivalin e nesërm. Manchester City pret në shtëpi Crystal Palace që udhëhiqet në stol nga një emër i njohur si Roy Hodgson.

Trajneri spanjoll i “Cityzens” është prononcuar në konferencën për shtyp edhe rreth festës së çmendur të lojtarëve të tij pas fitores 1-6 kundër Aston Villa.

E admiroj shumë Hodgson. Është e pabesueshme dëshira e tij për të trajnuar pavarësisht 72 viteve mbi supe. Ka bërë një punë të madhe te Crystal Palace.

Festa e lojtarëve të mia pas fitores ndaj Aston Villa? Isha në dijeni të gjithçkaje që ka ndodhur. Kur lojtarët kanë pak kohë të lirë, ata dalin për darkë me stafin. Më pëlqen kur qëndrojnë grup edhe jashtë fushës, qoftë në shtëpi apo edhe jashtë në darka të ndryshme“, thekson trajneri spanjoll. /abcnews.al

Guardiola-1.jpg
Igli Nikolli16:19 | 17/01/2020

Pep Guardiola është shfaqur në formë në konferencën për shtyp përpara ndeshjes shtëpiake kundër Crystal Palace. Trajneri i Manchester City ndalet te Riyad Mahrez, sulmuesi anësor algjerian.

28-vjeçari po aktivizohet më shumë këtë sezon dhe ia ka dalë të shënojë 9 gola deri tani. Spanjolli tregon se pse lojtari nuk dëmtohet kurrë dhe nuk i kursen batutat në lidhje me këtë temë.

Ndryshimi midis sezonit të kaluar dhe këtij aktual është se Mahrez po luan më shumë falë xhentilesës së trajnerit ndaj tij. Edhe sezonin e kaluar është paraqitur në nivele të larta. Mahrez e dashuron futbollin.

E dini pse nuk dëmtohet kurrë? Nëse i hedhim një vështrim të saktë këmbëve të tij, dallohet qartë pse është e pamundur që të dëmtohet. Kjo ndodh sepse nuk ka muskuj fare“, përfundon Pep Guardiola. /abcnews.al

guardiola-aguero-1.jpg
Vladimir Prenga08:22 | 13/01/2020

Sergie Aguero ka shënuar 13 gola në 16 ndeshje me Manchester City këtë sezon. Sulmuesi argjentinas është shënuesi më i mirë në skuadrën e tij, ndërkohë që së fundmi është ngacmuar edhe trajneri Pep Guardiola.

Trajnerin spanjoll e kanë pyetur nëse Aguero është sulmuesi më i mirë i tij dhe përgjigja ka qenë e qartë: “Më i miri është Messi”. Gazetarët nuk janë ndalur me kaq: “Ok, a është ai numri nëntë më i mirë?”.

Guardiola me përgjigjen e tij i ka vënë vulën dhe ka mbyllur çdo diskutim, duke thënë: “Messi është numri 9, numri 10, numri 11, numri 6, numri 4…”. /abcnews.al

Guardiola-2.jpg
Igli Nikolli11:32 | 12/01/2020

Pep Guardiola është një mjeshtër në stol dhe po udhëheq Manchester Cityn drejt fitimit të Champions League, objektivit kryesor të kampionëve të Anglisë. Teksa është një timonier fantastik i ekipit të tij, ndryshe ndodh në timonin e vërtetë të makinave.

The Sun raporton se trajneri spanjoll ka një ves të keq për të dëmtuar mjetet që disponon. Prej vitit 2016 kur u ul në pankinën e “Cityzens”, Guardiola ka pasur në dispozicion një Mercedes GLE (80 mijë sterlina), një Ranger Rover (150 mijë sterlina), një Bentley GTX700 (200 mijë sterlina) dhe një Mini Cooper (30 mijë sterlina).

Shuma totale e dëmit shkon në 460 mijë sterlina, duke konfirmuar që trajneri iberik ka një problem të madh me udhëtimet me makina dhe është një pilot shumë i dobët. /abcnews.al

Guardiola.jpg
Igli Nikolli13:16 | 11/01/2020

Pep Guardiola ka rrëfyer një detaj të këndshëm në lidhje me Gerard Pique. Gjatë konferencës për shtyp përpara ndeshjes ndaj Aston Villa në transfertë, trajneri i Manchester City i është rikthyer periudhës kur mbrojtësi spanjoll la Manchester United për t’u kthyer në Katalunjë.

Ishte viti 2008 dhe Guardiola sapo kishte marrë drejtimin e Barcelonës. Pique, atë kohë rreth 20-21 vjeç, nuk dukej gati dhe trajneri preferonte mbrojtësit e tjerë përpara atij. Me kalimin e kohës. Lojtari filloi të tregonte potencialin e madh dhe 48-vjeçari e cilëson si një ndër mbrojtësit më të mirë në histori.

Kur Pique u rikthye nga Manchester United nuk e aktivizoja, sepse nuk e shihja të përgatitur mirë. Emra si Rafa Marquez, Carles Puyol dhe mbrojtësit e tjerë të ekipit, më dukeshin më të mirë. Më pas filloi të tregonte vlerat e tij dhe atë që është: një nga qendërmbrojtësit më të mirë të historisë së futbollit“, thekson Pep Guardiola. /abcnews.al

Guardiola-1.jpg
Veronik Istrefaj23:41 | 07/01/2020

Pep Guardiola vazhdon të mbajë të tijtë me këmbë në tokë. Strategu i Manchester City foli në konferencë për shtyp pas fitores 1-3 kundër Manchester United, duke thënë se kjo ishte një fitore e rëndësishme, por asgjë nuk ka mbaruar.

“Bëmë njw ndeshje thuajse perfekte, përballë një kundërshtari që luan me ego dhe krenari”, u shpreh fillimisht strategu spanjoll. “Megjithatë, nuk ishte ndeshje që na dha tri pikët dhe gjithçka përfundoi. Kemi dhe 90 minuta përpara dhe gjithçka mund të ndodhë në futboll.

Manchester United ka treguar prej vitesh që është një ekip që nuk dorëzohet dhe beson deri në sekondat e fundit. Në pjesën e dytë, mund të kishim shënuar sërish, por ritmi ynë, ra ndjeshëm.

Bëmë dhe gabime në mesfushë dhe nga një i tillë, u ndëshkuam. Kjo është diçka që do e analizojmë dhe do të mundohemi ta korrigjojmë për sfidën e kthimit pas tre javësh. Kam folur me lojtarët, u kam thënë se asgjë nuk ka mbaruar dhe ata e kanë kuptuar më së miri këtë gjë”, përfundoi Guardiola.

Guardiola-Pep.jpg
Vladimir Prenga08:59 | 07/01/2020

Pep Guardiola është i prerë: Kurrë do e drejtojë Manchester United. Mund ta kishte bërë diçka të tillë në vitin 2012, duke zëvendësuar legjendarin Alex Ferguson, por zgjedhja e trajnerit spanjoll ishte tjetër. Në respekt të klubeve që ka drejtuar, në listën e tij nuk janë Real dhe United.

I ngacmuar para derbit, nëse oferta e vetme për të do të ishte nga “Djajtë e kuq”, Guardiola është shprehur se do të shkonte me pushime, në një vend ku mund të marrë edhe mësime golfi. “Pasi kam drejtuar City, nuk do e drejtor kurrë United. E njëjta gjë edhe për Realin”.

“Po të ishte e vetmja ofertë? Do të isha në Maldive nëse nuk do të kisha një ofertë”, thotë fillimisht Pep, i cili më pas shton edhe diçka tjetër. “Ndoshta jo në Maldive, pasi atje nuk ka ndonjë kurs golfi”, shprehet Guardiola, i cili bën një premtim të fortë për tifozët e tij. /abcnews.al

Champions-e1576409326848.png
Igli Nikolli15:41 | 03/01/2020

Pep Guardiola ka një kërkesë për drejtuesit e Manchester City. Fernandinhos i përfundon kontrata në fund të këtij sezoni dhe trajneri spanjoll nuk dëshiron të humbasë shërbimet e tij.

Mesfushori defensiv është pjesë e “Cityzens” prej verës së vitit 2013, ndërsa këtë sezon numëron 22 ndeshje aktivizim. The Sun raporton se Guardiola po bën të pamundurën për të bindur drejtuesit e klubit për t’i ofruar kontratën e re 34-vjeçarit brazilian.

Trajneri i Cityt e cilëson Fernandinhon si pikë kyçe të skemave të tij dhe shpreson që lojtari të vijojë të jetë pjesë e kampionëve të Anglisë. PSG po monitoron situatën dhe është gati t’i ofrojë një fanellë titullari brazilianit. /abcnews.al

 

Fernandinho dhe Pep Guardiola


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono