peme

peme.jpg
G. P.13:30 | 17/04/2019

Vendorët në Lezhë kanë nisur të mbjellin pemë në Kodrën e kalasë, aty ku një vit më parë filloi shkarja e tokës. Me këtë mënyrë, ata shpresojnë të frenojnë fenomenin dhe të mbrojnë shtëpitë poshtë kodrës.

Një vit më parë kodra e Kalasë së Lezhës kishte këtë pamje. Pati rrëshqitje të tokës dhe rruga u shemb. Shpyllëzimi i zonës u prezantua shkaku shkarjeve që rrezikonte edhe banesa.

Për këtë arsye, këta njerëz po mbjellin pemë të ndryshme. Kështu besohet se do të frenohet shkarja e tokës. Përgjegjësi i shërbimit pyjor në Lezhë tha se po punohet dhe do të arrihen rezultate.

“Edhe zbut erozionin, por krijon dhe atë pamjen e bukur të bimësisë që e riveshin kalanë dhe aromën e mirë të luleve që e kemi patur para vitit 90 në këtë kala”, tha Kreshnik Alcani, përgjegjës i Shërbimit Pyjor në Bashkinë Lezhë.

Për drejtorin e bujqësisë, Luigj Frangaj, frymëmarrja e re e qytetit do të ketë edhe një pamje më interesante pas lulëzimit të pemëve.

“Ne jemi duke mbjellë tipin e akacias, e cila është e shquar për mbajtjen dhe sigurinë e erozionit. Mendoj të mbjellim 5 mijë pemë, të cilat janë për mbrojtjen e gjithë zonës arkeologjike të kalasë”, tha Luigj Frangaj, drejtor i Bujqësisë në Bashkinë e Lezhës.

Mbjellja e pemëve do të përfundojë brenda javës. Por është kërkuar mbështetja e banorëve për ruajtjen e tyre si një garanci më shumë që mbron banesat nga rrëshqitjet e tokës. /abcnews.al

Veliaj-gjate-mbjelljes-se-pemeve-me-Steelwings-1-1280x853.jpg
G. P.14:23 | 07/04/2019

Nismës së Bashkisë së Tiranës për mbjelljen e pemëve, kësaj here iu bashkua një grup motoristësh. I pranishëm ishte dhe kryebashkiaku Erion Veliaj, i cili njoftoi nisjen e një fushate ndërgjegjësimi për rritjen e sigurisë rrugore.

Rritja e sigurisë së përdoruesve të rrugës në kryeqytet do të jetë nisma e radhës së Bashkisë së Tiranës. Kryebashkiaku Erion Veliaj e bëri të ditur pas aksionit të mbjelljeve në parkun e Liqenit Artificial. Thirrjes së bashkisë se kushdo që zotëron një mjet të dhurojë pemë, këtë herë iu përgjigj një grup motoristësh.

“Duam të nisim një fushatë për ndërgjegjësimin e përdoruesve të motorëve, sidomos ata që shpërndajnë ushqime, për të respektuar rregullat e trafikut, për të siguruar fillimisht jetën e tyre, dhe pastaj për të thyer rekordet e çuarjes së ushqimit në destinacion. Një qytet ku të gjithë punojnë më shumë për sigurinë në rrugë qoftë të atyre që janë mbi mjete apo të atyre që janë këmbësorë është një qytet miqësor për të gjithë”, tha Veliaj.

Ndërkohë Veliaj përsëriti thirrjen drejtuar qytetarëve që të shfrytëzojnë ditët e Prillit dhe të festojnë ditët e shënuara në jetën e tyre duke mbjellë një pemë në kryeqytet./abcnews.al

Veliaj-gjate-mbjelljes-se-pemeve-te-reja-me-bizneset-3-1280x853.jpg
G. P.14:33 | 25/03/2019

Bashkia e Tiranës po synon të thyejë rekordin e mbjelljeve të pemëve të një viti më parë. Kryebashkiaku Erion Veliaj e bëri të ditur gjatë aksionit të mbjelljeve në parkun e Liqenit Artificial.

Pjesa jugore e parkut të Liqenit Artificial në Tiranë nga një vend që shërbente për grumbullimin e mbetjeve po shndërrohet në një nga zonat e pëlqyera nga qytetarët për të kaluar kohën e lirë. Kjo falë investimeve në infrastrukturë dhe pyllëzimit.

Aksionit të mbjelljeve të pemëve në këtë zonë iu bashkuan edhe dhjetëra biznese e qytetarë, të cilët iu përgjigjën thirrjes së bashkisë për të kontribuar për një qytet sa më të gjelbër.

“Pavarësisht nëse dikush punon në privat dhe në fakt, bën bilancin e biznesit të vet, por në fund fare të gjithë duhet të bëjmë bilancin e Tiranës dhe kur bilanci i Tiranës del pozitiv kemi fituar të gjithë. Sot jam shumë i lumtur që na janë bashkuar shumë kompani. Jemi afër rekordit tonë, kemi edhe 2-3 javë derisa ta thyejmë këtë rekord, por megjithatë them se kur një kompani e kupton që bilanci i Tiranës është po aq i rëndësishëm sa bilanci i biznesit të vet, do të thotë që kemi arritur një stad tjetër zhvillimi”.

Kryetari i Bashkisë së Tiranës u shpreh se kontributi i gjithkujt në të mirë të qytetit është i mirëpritur./abcnews.al

Veliaj-gjate-mbjelljes-se-pemeve-te-reja-te-Liqeni-1-1280x853.jpg
G. P.15:01 | 13/03/2019

Qytetarët në Tiranë po mbjellin pemë dhe për të përkujtuar të afërmit e tyre që nuk jetojnë më. Nisma është ndërmarrë nga bashkia për të shtuar gjelbërimin në kryeqytet. Kryetari i bashkisë, Erion Veliaj, gjatë aksionit në parkun e liqenit me një nga anëtarët e Këshillit Bashkiak u shpreh se kjo është mënyra më e mirë për të përkujtuar të afërmit me dinjitet. Ndërkohë Veliaj i bëri thirrje qytetarëve të kontribuojnë për të thyer rekordin e mbjelljeve vendosur vitin e shkuar./abcnews.al

Veliaj-gjate-mbjelljes-se-pemeve-me-TELEKOM-2-1280x854.jpg
G. P.14:30 | 02/03/2019

Bashkia  e Tiranës vijon aksionin për shtimin e hapësirave të gjelbra në kryeqytet. Nismës së saj i janë bashkuar dhe bizneset private. Kryebashkiaku Erion Veliaj nxiti qytetarët të shfrytëzojnë kohën e mbetur për të thyer rekordin e mbjelljeve të vitit të shkuar.

Kryebashkiaku i Tiranës, Erion Veliaj, ftoi qytetarët të shfrytëzojnë dy muajt e mbetur dhe të kontribuojnë për të shtuar gjelbërimin në kryeqytet. Kryetari i bashkisë ishte në parkun e liqenit artificial, në pjesën jugore të të cilit u mbollën 150 pemë, dhuratë nga sipërmarrjet private.

“Këtë vit jemi shumë pranë 100 mijë pemëve, por kemi edhe dy muaj kohë, ndaj do të ftoja të gjithë ata që duan t’i japin mbrapsht diçka Tiranës, kësaj Tirane të bukur e të madhe që i jep gjithmonë dashuri njerëzve, nëse duan t’i dhurohet diçka mbrapsht, dhurata më e bukur do ishte një pemë. Kemi plot arsye për të dhuruar dhe besoj se duke filluar nga kompanitë më në zë të vendit tonë e deri tek një shtëpi modeste, dhurimi i një peme është ndoshta gjëja më e bukur që mund të bëjmë në këtë sezon, për t’i dhënë Tiranës pak dashuri nga ajo që na jep përditë”.

Hapësirat, të cilat katër vite më parë theksoi Veliaj ishin zaptuar nga ndërtimet pa leje, tashmë i janë kthyer parkut të liqenit duke dyfishuar hapësirat e tij dhe duke e kthyer këtë zonë në një nga më të pëlqyerat në Tiranë./abcnews.al

blendi-klosi.jpg
G. P.14:45 | 01/03/2019

Këtë të premte në të gjithë Shqipërinë, Ministria e Mjedisit dhe Turizmit nisi aksionin e mbjelljeve. Edukimi mjedisor shumë shpejt deklaroi Ministri i Mjedisit dhe Turizmit, Blendi Klosi, do të jetë orë mësimi në shkolla.

Aksionin e mbjelljes se pemëve në Tiranë e nisën nxënësit e shkollës nëntëvjeçare “Jeronim De Rada”, të cilët po rehabilitojnë lulishten pranë stadiumit “Qemal Stafa”.

I pranishëm ishte dhe ministri i Mjedisit dhe Turizmit. Klosi tregoi se ministria që drejton në shkallë vendi ka ndërmarrë disa ndërhyrje që kanë të bëjnë me pyllëzimin e zonave të mbrojtura.

“Nxënësit i kanë zgjedhur vetë fidanët e tyre dhe po marrin pjesë që nga fëmijët e vegjël deri te nxënësit e klasave të 9 në gjithë këtë proces, duke i dhënë një shtysë shumë të madhe të gjithë operacionit tonë. Nesër është data 2 dhe ne do të kemi përsëri të njëjtin aktivitet dhe nesër ia kemi lënë ditën shoqërisë, njerëzve të lirë, të cilët mund t’i mbjellin këto pemë në oborret e tyre, mbase edhe në bahçet e tyre, në hapësira publike dhe të kemi mundësi që të kujtojmë njerëz të dashur, të mbjellim për familjarët tanë, të mbjellim për natyrën, për fshatin e qytetin, pasi thelbi ynë është që fëmijët e vegjël të jenë ata që mbjellin pemën e tyre, e rrisin e mbajnë dhe se çdo fëmijë që sot mbjell një pemë gjatë gjithë jetës së tij zor se do të presë një pemë tjetër”.

Aksioni i mbjelljeve do të vijojë dhe me 2 Mars në të gjithë vendin. Ndërsa fushata “Krijo oksigjenin tënd” do të vijojë deri më datë 22 Prill në Ditën Ndërkombëtare të Tokës. /abcnews.al

Veliaj-gjate-mbjelljes-ne-Vaqarr-4-1280x853.jpg
G. P.12:46 | 24/02/2019

Parkut të liqenit të Vaqarrit iu shtuan këtë fundjavë 10 mijë fidanë pishe. Kryetari i Bashkisë së Tiranës, Erion Veliaj, tha se synohet që këtë vit numri i pemëve të mbjella në Tiranë të arrijë shifrën 100 mijë.

Rreth 10 mijë fidanë pishe iu shtuan këtë fundjavë parkut të liqenit të Vaqarrit. Dhjetëra vullnetarë dhe punonjës të institucioneve  në  varësi të Bashkisë së Tiranës iu bashkuan aksionit për mbjelljen e fidanëve  në këtë zonë. Kreu i Bashkisë së Tiranës, Erion Veliaj, theksoi se tani është koha për të rikuperuar sipërfaqet e gjelbra, të cilat janë dëmtuar ndër vite nga dora e njeriut.

“Kemi një ofensivë të së mirës ndaj së keqes, të gjelbërimit ndaj atyre që abuzojnë e që presin pyjet. Kemi arritur një nivel emancipimi, ku sot duhet t’i kthejmë reston natyrës, jo vetëm se kjo është gjëja e drejtë për të bërë për mjedisin, por mbi të gjitha është e drejtë për fëmijët. Një qytet, i cili pret vetë pemët e veta dhe nuk i rimbjell ose nuk rikuperon humbjet, do të thotë se është një qytet pa memorie për të shkuarën, por edhe pa të ardhme për fëmijët e tij”, vijoi kryebashkiaku.

Rreth Liqenit të Vaqarrit këtë vit do të mbillen 50 mijë fidanë të rinj, duke krijuar një oaz qetësie dhe një destinacion alternativ për familjet e kryeqytetit në fundjavë. Veliaj shprehu bindjen se nëse do të vazhdohet me këtë ritëm, kjo do të jetë paja më e mirë që ky brez do t’i lërë gjeneratës së ardhshme.

“Në total do të kemi 30 mijë pisha dhe 20 mijë dafina. Sot kemi vetëm lotin e parë. Jam i bindur se nëse vazhdojmë me këtë ritëm çdo vit, do kemi mundësi jo vetëm të rikuperojmë ç’kemi humbur, por do kemi mundësi t’i lëmë një pajë gjeneratës tjetër që dallon nga paja që na u trashëgua nga prindërit tanë në vitet ’90, ku çdo gjë publike konsiderohej pa zot, prerja e druve u kthye në modë dhe hedhja e plehrave dokudo ishte një lloj norme”, nënvizoi ai.

Synimi i Bashkisë së Tiranës është që deri në përfundim të sezonit të mbjelljeve, kryeqytetit t’i shtohen mbi 100 mijë pemë./abcnews.al

Erion-Veliaj-dhe-Anxhela-Peristeri-gjate-mbjelljes-se-pemeve-te-Liqeni-Artificial-3-1280x853.jpg
G. P.14:22 | 17/02/2019

Krahas investimeve në infrastrukturë, Parku i Madh i Liqenit në Tiranë po vijon të pasurohet dhe me pemë të reja, duke u kthyer kështu në një nga hapësirat më të dashura për qytetarët. Kryetari i bashkisë, Erion Veliaj, ftoi qytetarët të japin kontributin e tyre për shtimin e hapësirave të gjelbra në kryeqytet.

Bashkia e Tiranës syon të thyejë rekordin e vitit të shkuar sa i përket mbjelljes së pemëve në kryeqytet. Kryebashkiaku Erion Veliaj ftoi qytetarët t’i bashkohen këtij aksioni që do të zgjasë deri në muajin Prill.

“Patjetër që artistët mund të mbjellin pemë, patjetër që bizneset mund të mbjellin, kompanitë, por e di çfarë, çdo qytetar mund të mbjellë pemë, për ditëlindje, për sebepe, për 7-8 Marsin, për Ditën e Verës. Kemi kohë deri në prill që ky qytet të thyejë rekordin e mbjelljes së pemëve dhe pavarësisht se ka nevojë për çdo investim, por investimi më i sigurt dhe më i thjeshtë është një pemë që mbledh dioksid karboni dhe lëshon oksigjen. Një pemë që dhuron oksigjen, dhuron jetë, dhuron shëndet, është investimi që çdo familje mund ta bëjë”.

Infrastruktura e ndryshuar, por dhe puna e bërë me gjelbërimin ne parkun e liqenit artificial në Tiranë u shpreh kryetari i bashkise premton një tjetër sezon fantastik aktivitetesh në amfiteatrin e liqenit./abcnews.al

Blendi-klosi-1280x691.jpg
G. P.15:48 | 04/02/2019

Fushata për ripyllëzimin e zonave të mbrojtura ka nisur nga Lezha. Mbi 5 mijë pemë janë mbjellë në zonën që rrethojnë lagunën e Kune-Vainit të cilat sipas ministrit të Turizmit dhe Mjedisit Blendi Klosi do ti sigurojnë edhe mbrojtje ekologjike kësaj zone.

Këto pemë nuk do të shërbejnë vetëm për dekor por mbi të gjitha për të mbrojtur një nga zonat më të bukura të Shqipërisë Lagunë e Kune-Vainit

Erozoni dhe përmbytjet kanë cënuar prej vitesh lagunën në Tale të Lezhës. Me 5 mijë pemët e para që u mbollën përreth lagunës ka nisur zbatim edhe fushata që shpalli në fillim të vitit ministri i mjedisit Blendi Klosi për ripyllëzim të zonave të mbrojtura.

Për specialistët e mjedisit bimët autoktone që po mbidhen do të bëhen mbrojtëset kryesore për të penguar avancimin e erozionit në lagunë.

Në takimin e zhvilluar në Vain me përfaqsuesit e Agjensisë së Zonave të Mbrojtura dhe Komunitetin, ministri Klosi deklaroi gjithashtu se zona e mbrojtur e Kune-Vainit është një nga zonat që ka nevojë për ndërhyrje. Deri me tani janë realizuar 3 të tilla siç është hapja e kanalit për t’i krijuar më shumë mundësi komunikimit të lagunës me detin, krijimin e dunave për mbrojtjen nga erozioni në lagunë dhe së fundmi edhe mbjedhja e pemëve përgjatë bregdetit që i sigurojn më shumë mbrojtje zonës./abcnews.al

blendi-klosi-llogara.jpg
G. P.15:18 | 27/01/2019

1500 fidanë i janë shtuar Parkut Kombëtar të Llogarasë. Ministri i Mjedisit dhe Turizmit, Blendi Klosi, ftoi qytetarët të kontribuojnë për një Shqipëri më të gjelbër.

Zjarri i dy viteve më parë dëmtoi rëndë këtë zonë të Llogarasë. Arsye që ndali fushatën “Krijo oksigjenin tënd” në kuadër të së cilës Ministria e Mjedisit dhe Turizmit bashkë me nxënësit e shkollës së Dukatit mbollën 1500 fidanë.

“Ne po mbjellim disa mijëra pemë, që do të ndihmojnë jo vetëm për të ndaluar erozionin, por edhe për të krijuar në parkun e Llogarasë një zonë të gjelbër”.

Ministri i Mjedisit dhe Turizmit kërkoi ndihmën e komunitetit me qëllim që 22 Prilli, dita ndërkombëtare e tokës ta gjejë Shqipërinë më të gjelbëruar.

“Por thirrja jonë është që gjatë periudhës 100 ditore të projektit tonë për të rehabilituar zonat e mbrojtura të kemi mundësinë që çdo shqiptar të mbjellë pemët e tij”.

“Krijo oksigjenin tënd” është nisma më e re ndërmarrë nga Ministria e Mjedisit dhe Turizmit për të rehabilituar zonat e mbrojtura./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono