pedro sanchez

franco.jpg
G. P.16:00 | 24/09/2019

Eshtrat e diktatorit spanjoll Francisco Franco do të zhvendosen nga Lugina e të Rënëve. Gjykata e lartë spanjolle ka pranuar në këtë mënyrë kërkesën e qeverisë soacialiste të Sancez e cila ishte bllokuar përkohësisht si pasojë e kundërshtimeve të familjes së tij.

Gjykata e Lartë spanjolle miratoi në mënyrë unanime zhvendosjen e eshtrave të Francisko Franco nga lugina e të rënëve, monumentin e ndërtuar pranë Madrid për të përkujtuar viktimat e luftës civile 1936-1939, për tu varrosur diku tjetër.

Një vendim ky i kundërshtuar nga familjarët e diktatorit të cilët dëshironim rivarrosjen e tij në katedralen e Almudenës në qendër të Madridit. Sipas të përditshmes spanjolle “El Pais”, bëhet fjalë për një kërkesë të qeverisë socialiste të Pedro Sanchez, por që u bllokua pas kundërshtimit që iu bë nga familja e Francos.

Mauzoleumi i vendosur në Madrid u realizua në periudhën 1940-1958 pikërisht në kujtim të punës së detyruar të të burgosurve politikë. Familja e Francos këmbëngulte që ai të varrosej në katedralen e Madrid ku e bija Carmen Franko, e cila ndërroi jetë në 2017-ën, kishte blerë disa vende për familjarët e saj./ABC News Albania 24/

spanja-1280x923.jpeg
G. P.13:55 | 22/09/2019

Spanja rrezikon të mbetet një vend pa qeveri. Sondazhet e fundit të mediave lokale tregojnë se edhe zgjedhjet e nëntorit, të katërtat në 4 vjet, nuk do të nxjerrin një fitues që do të mund të qeverisë i vetëm apo në bllok.

Partia Socialiste në Spanjë do të fitonte në zgjedhjet e Nëntorit dhe do të merrte më shumë vende në Parlament. Kështu thonë dy sondazhe të publikuara të dielën, sipas të cilave sërish socialistët nuk do të jenë në gjendje të krijojnë një shumicë parlamentare dhe do t’u duhet ndihma e partive të tjera për të formuar qeverinë.

Socialistët dolën të parët në zgjedhjet e muajit Prill, por që prej atëherë kryeministri Pedro Sanchez nuk ka arritur të formojë një qeveri me partitë e tjera dhe për pasojë 10 Nëntorin e ardhshëm vendi do të shkojë në zgjedhje, të cilat do të jenë të katërtat në 4 vjet.

Dy partitë tradicionale që kanë dominuar skenën politike që kur Spanja hyri në demokraci në vitet ’70, socialistët e PSOE dhe konservatorët e Partisë së Popullit, do të marrin sërish më shumë vende se partitë e tjera, sugjerojnë më tej sondazhet.

Pasojat do të bien mbi partitë e reja që kanë dalë pas krizës financiare si për shembull ajo e ekstremit të majtë “së Bashku Mundemi” dhe ajo e ekstremit të djathtë Qytetarët.

Konkretisht, sipas anketave të publikuara, socialistët do të fitojnë 11 vende më shumë, duke arritur në 134, më pak se mazhoranca e nevojshme prej 176 mandatesh. Ndërsa “së Bashku Mundemi” do të humbasë 5 vende.

Edhe në këtë rast, socialistëve nuk do t’u mjaftonte bashkëpunimi. Sondazhet tregojnë një skenar të ngjashëm edhe për partitë e tjera, ajo e Popullit dhe Qytetarët. Gjithashtu, ato pasqyrojnë tiparet e një vendi të vështirë për t’u qeverisur, me asnjë parti apo bllok politik në gjendje për të fituar një mandat të qartë për të drejtuar./ABC News Albania 24/7

sanchez-1.jpg
G. P.22:04 | 17/09/2019

Partitë politike në Spanjë duket se nuk janë në gjendje të zhbllokojnë ngërçin 5-mujor që po pengon krijimin e qeverisë së re. Sipas agjencisë së lajmeve “Reuters”, shanset për krijimin e një mazhorance parlamentare janë të vakëta dhe gjasat janë që vendi të shkojë në zgjedhje për herë të katërt në 4 vjet.

Spanja po shkon drejt zgjedhjeve të katërta në katër vitet e fundit, teksa afati për formimin e një qeverie të re po përfundon dhe sinjalet për një marrëveshje janë zero.

Burime politike nga të gjitha palët hodhën dyshime të martën mbi shanset për të zhbllokuar ngërçin 5-mujor përpara së hënës së ardhshme, kur skadon edhe afati për formimin e ekzekutivit të ri.

Nëse nuk do të ketë ndonjë zhvillim të ri, atëherë zgjedhjet e reja do të mbahen më 10 nëntor. Edhe pse ekonomia iberike nuk ka vuajtur nga paraliza politike, analistët paralajmërojnë se vonesat e mëtejshme në implementimin e reformave, si ajo e punës dhe ajo e pensioneve, do të fillojnë të japin efektet e tyre.

Spanja, që ka ekonominë e katërt më të madhe në Bashkimin Europian, është përfshirë nga kriza politike që kur socialistët e Pedro Sanchez fituan zgjedhjet e përgjithshme të prillit, por nuk arritën të siguronin një shumicë parlamentare.

Liderët politikë, sikurse shkruan agjencia e lajmeve “Reuters”, e kanë kaluar kohën më tepër duke fajësuar njëri-tjetrin për ngërçin se sa duke negociuar për ta tejkaluar atë dhe të gjitha iniciativat e minutës së fundit kanë dështuar.

“Kjo është e gjitha një shfaqje për të treguar se ata u përpoqën deri në fund”, ka deklaruar një burim i informuar mbi situatën për “Reuters”.

Partia e qendrës së djathtë, “Qytetarët”, i ofroi ndihmë të hënën Sanchez që të sigurojë afirmimin në Parlament si kryeministër nëse plotëson disa kushte, por nga ana e tij lideri i socialistëve tha se ua ka plotësuar të gjitha kërkesat dhe se nuk ka çfarë të përmbushë më./ABC News Albania 24/7

emigrante.jpg
G. P.12:35 | 19/08/2019

Vijojnë të qëndrojnë në det emigrantët në anijen e “Open Arms” në Lampeduza, ndërsa Spanja ofron dy porte të saj për ti pritur. Por sipas organizatave jo qeveritare shtatë ditë të tjerë lundrim do të ishin shumë. Ndërkohë ministri i Brendshëm Italian ka reaguar ashpër duke thënë se ky nuk është një vendim që i takon organizatave.

Spanja ka marrë përsipër që të presë në një nga portet e saj anijen me emigrantë “Open Arms”. Por organizatat jo qeveritare kanë refuzuar propozimin duke thënë se 7 ditë të tjera në det janë shumë. Ndërkohë ministri i Brendshëm italian Salvini reagoi duke thënë se është e pabesueshme dhe e papranueshme duke thënë se nuk është e drejtë e këtyre organizatve për të vendosur se ku të zbresin emigrantët. Ai shtoi se Italia nuk është kampi i refugjatëve të Europës. Por organizatat jo qeveritare vijojnë të kërkojnë me këmbëngulje që të zbresin në Lampeduza.

Kryeministri spanjoll Pedro Sanchez konfirmoi se kishte propozuar portin e Al Jazeera-s për zbritjen e emigrantëve që gjenden në anijen “Open Arms”. Ai theksoi se Spanja reagon gjithnjë në rastet e një emergjence humanitare. Më tej, ai ofroi dhe një port të dytrë Mahon, i cili ndodhet rreth një mijë kilometra larg Lampeduzës.

Por kryeministri spanjoll njëkohësisht e kritikoi dhe vendimet e qeverisë italiane për këtë çështje, sidomos atë për mbylljen e porteve.  Ndërkohë Franca do të presë 40 emigrantë të kësaj anije sipas deklaratës së ministrit të Brendshëm francez. 27 minorenët që zbritën të dielën nga anija janë në gjendje të mirë shëndetësore ndërkohë që prokuroria pas vlerësimit të raportit të inspektorëve shëndetësorë në bord, u shpreh se nuk bëhet fjalë për një situatë emergjence shëndetësore./ABC News Albania 24/7

SANCHEZ-RREZOHET.mpg_snapshot_00.03-1280x720.jpg
ent ela13:30 | 26/07/2019

Një tjetër dështim për liderin socialist Pedro Sancez në Spanjë, i cili dhe në votimin e dytë nuk ka arritur të marrrë mbështetjen e parlamentit për të krijuar qeverinë e re.

124 vota pro, 156 kundër dhe 66 abstenim. Është rrëzuar dhe njëherë në këtë mënyrë mundësia e një qeverie socialiste në Spanjë, 48 orë pas kundërshtimit të parë nga ana e parlamentit të vendit

Lideri socialist Pedro Sanchez i cili nuk mori mbështetjen e deputetëve për të krijuar qeverinë, do të ketë dhe dy muaj kohë për t’ia dalë mbanë, në të kundërt vendi do u drejtohet kutive të votimit për herë të katërt në katër vjet, 10 nëntorin e ardhshëm.

Sipas të përditshmes spanjolle, EL PAÍS, mbreti duhet të thërrasë një raund të ri konsultimesh me partitë që kanë arritur të futennë parlament në zgjedhjet e 28 prillit, pas rërzimit të kandidatit socialist nga ana e Kongresit. Me refuzimin dhe nga ana e dhomës së deputetëve, propozimi që mbreti i bëri Sanchez në 6 qershor, tashmë rezulton i pavlefshëm. Kreu i shtetit duhet të bëjë një hap tjetër për rinisjen e procesit dhe për të kuptuar nëse ka ndonjë mundësi që të krijohet një qeveri e re.

Në rastin më të mirë, debatet për qeverinë e re duhet të zhvillohen para 23 shtatorit, ditë kur dhe shpërndahet parlamenti.

Lideri i PSOR, me anë të një postimi në Tuiter shprehet se situata ishte pasojë e marrëveshjes së munguar me Podemos për ndarjen e ministrive. /ABC News Albania 24/7

felipe.jpg
G. P.18:00 | 07/06/2019

Pas fitores në zgjedhjet e 28 Prillit, do të jetë kryetari Partisë Socialiste Pedro Sanchez, i cili do të krijojë qeverinë e re në Spanjë. Kjo detyrë iu ngarkua nga Mbreti i Spanjës, Felipe VI.

Mbreti Felipe në Spanjë i ka ngarkuar Pedro Sanchez detyrën për krijimin e qeverisë së re të vendit. Pas takimeve me liderët e pothuajse të gjitha partive, Bildu e ERC, refuzuan ftesën, Mbreti Felipe i VI është takuar më pas me kryetarin e parlamentit të vendit për t’i komunikuar vendimin.

Sanchez është kandidati për kryeministër pas fitores së partisë socialiste në zgjedhjet e 28 Prillit. Këto rezultate i kanë dhënë kryetarit të partisë Sanchez mazhorancën me 123 deputetë, por atij i mungojnë dhe 53 vende në parlament për të pasur mazhorancën absolute.

Ai ka gjithsesi nevojë për të krijuar një koalicion qeverisës për të drejtuar vendin. Në zgjedhjet e 28 Prillit popullorët morën 66 vende, liberalët 57, e majta radikale Podemos dhe aleatët rajonalë 42, e djathta radikale Vox 24, ndërsa partitë katalanase së bashku 32 vende.

Mbreti i Spanjës kishte nisur në 5 Qershor konsultimet për krijimin e qeverisë së te. Pa vendet e duhura në parlament për të krijuar një mazhorancë, konservatorët e partisë popullore, liberalët dhe ekstremi i djathtë kanë premtuar përplasje të shumta me qeverinë e re duke qëndruar në opozitë. Kjo gjithnjë nëse Sanchez gjen deputetët e duhur për mandatin e tij të dytë si kryeministër./ABC News Albania 24/7

zgjedhje-1.jpg
G. P.09:38 | 29/04/2019

Socialistët fituan zgjedhjet e përgjithshme në Spanje, ndërsa Partia Popullore shënoi rezultatin me negativ në historinë e saj. Për herë të parë që nga rënia e dikatorit Franko 40 vjet më parë, hyn në parlamentin spanjoll partia e ekstremit të djathtë. Por pas zgjedhjeve të djeshme asnjë koalicion nuk ka shumicën e nevojshme për të krijuar qeverinë.

Socialistët e PSOE-së, kanë fituar në zgjedhjet e përgjithshme në Spanjë por pa një mazhorancë të qartë. Grupi i Pedro Sançez ka lënë prapa Partinë Popullore, Siudadanos, Podemos dhe ekstremin e djathtë Vox, por kjo e fundit për herë të parë hyn në parlament.

Pjesëmarrja në zgjedhje ka qenë e lartë, 75 për qind. Nuk ka një mazhorancë të qartë për të krijuar qeverinë e re: partitë e të pavarurve mund të mbajnë dhe njëherë një rol të rëndësishëm në krijimin e aleancave. Blloku i së majtës në fakt, në mënyrë që të qeverisë do të ketë nevojë për mbështetjen e një pjese të lëvizjeve katalanase.

Socialistët kanë marrë 123 vende në parlament, të ndjekur nga popullorët me 66 vende, një shifër e përgjysmuar kjo në krahasim me vitin 2016. Partia e qendrës Siudadanos renditet e treta me 57 vende, e majta radikale Podemos e katërta me 35, deputetë, dhe për herë të parë ekstremi i djathtë Vox ka 24 deputetë duke tejkaluar çdo parashikim të sondazheve.

Katalanasit e ERC kanë 15 deputetë, partia e Puixhdemon 7, baskët e PNV 6 deputetë. Për momentin asnjë nga dy koalicionet e mundshme nuk ka mazhorancën absolute prej 176 vendesh. Dhe ata që do të përbëjnë ndryshimin mund të jenë dhe një herë më shumë, katalanasit që duan pavarësinë nga Spanja.

Pikërisht në Katalonjë, ndër të tjera, votuesit duket se i kanë kthyer shpinën ish presidentit Puixhdemon, aktualisht në azil në Beligjikë, duke preferuar të votojnë të majtën republikane, e cila është më e prirur për të dialoguar me Madridin. Partia drejtohet nga Oriol Junkueras, i cili ndodhet në burg me akuzën se shpalli në mënyrë të paligjshme pavarësinë e vendit pas referendumit të 2017-s.

Mbështetur në të dhënat e para, partia e Junkueras ka 14 deputet në parlamentin e ri spanjoll, ndërsa ajo e Puixhdemon vetëm 5. Lideri socialist Sançez, në fjalimin e tij të fitores u shpreh se me këtë votë i është dërguar një mesazh Europës dhe pjesës tjetër së botës. Mund të fitohet kundër autoritarizmit dhe Spanja do të ketë një qeveri pro europiane.

Partia socialiste fitoi të ardhmen me këto zgjedhje dhe humbi të kaluarën shtoi ai duke theksuar tre objektivat kryesorë të qeverisjes së tij: lufta ndaj pabarazisë, promovimi i bashkëjetesës, dhe lufta ndaj korrupsionit.

Sekretari i përgjithshëm i ekstremit të djathtë Vox, nga ana e tij paralajmëroi se ky ishte vetëm fillimi. Havier Ortega Smith në një fjalim para turmës në Madrid premtoi se çdo deputet i kësaj partie do të bëjë një opozitë të vërtetë dhe do të jenë të pandalshëm.

Atmosferë e vakët dhe e heshtur ajo në selinë e partisë popullore pas një rezultati mes më të këqinjve në historinë e këtij grupimi politik. Partia sheh të përgjysmuar numrin e deputetëve të saj.

Lideri 38 vjeçar Pablo Kasado shpresonte të risillte në jetë partinë objekt të skandaleve të korrupsionit. Ai u ka premtuar mbështetësve të tij se do të nisnin punën menjëherë dhe pavarësisht rezultatit negative asnjë nuk i mohon përgjegjësitë./abcnews.al

WEB-wo02-spain-sanchez.jpg
ent ela11:27 | 15/02/2019

Spanja shkon në zgjedhje të parakohshme në 28 prill. Vendimi është konfirmuar nga kryeministri Sanchez i cili akuzoi Partinë Popullore se nuk e kishte mbështetur si duhet gjatë qeverisjes.

Kryeministri i Spanjës, Pedro Sánchez, ndryshoi qëndrimin e tij për zgjedhje të parakohshme pasi projekt buxheti i tij për 2019 nuk u miratua në kongres. Spanja do të shkojë në zgjedhje në 28 prill.

Në një deklaratë për mediat Sanchez u shpreh se Spanja duhet të vazhdojë të bëjë progrese , duke lënë mënjanë politikën e tensionuar dhe duke krijuar vende pune cilësore. Ai theksoi se qeveria duhet të përmbushë detyrimet e saj, të miratojë ligje, të qeverisë dhe të ecë përpara. Në momentin që nuk mund ti bëjë këto atëherë duhet të marrë vendime.

Sipas të përditshmes spanjolle “El Pais”, para se të dilte përballë gazetarëve kryeministri Sanchez njoftoi për vendimin e tij këshillin e ministrave të cilin e falenderoi për punën e bërë

Gjatë fjalimit të tij ai bëri një listë të arritjeve të qeverisë së tij dhe u ankua për mungesën e besnikërisë nga ana e Partisë Popullore, të cilës Partia Socialiste nuk ia kurseu mbështetjen në kohën e tensioneve të forta me Katalonjën. /abcnews.al

merkel-2.jpg
G. P.15:03 | 26/06/2018

Kancelarja gjermane, Angela Merkel, kërkon që propozimet e saj dhe të presidentit francez të merren seriozisht pasi nuk janë për të dominuar të tjerët. Ndërsa Komisioni Europian njofton se po punohet për të gjetur një zgjidhje.

Propozimet e Berlinit dhe Parisit nuk u bënë për të “dominuar” të tjerët në mënyrë paraprake.  Kështu u shpreh Angela Merkel në një konferencë shtypi në Berlin me kryeministrin spanjoll, Pedro Sanchez, lidhur me propozimet e dhëna me Emmanuel Macron në sajë të Këshillit Evropian që zhvillohet në fund të Qershorit. Merkel theksoi se qëllimi ishte të nxiste reflektim.

“Unë thashë të dielën se, për paketën e përgjithshme për azilin, dhe për 7 linjat udhëzuese, nuk ka zgjidhje deri të premten e ardhshme”, konfirmoi Angela Merkel në Berlin.

“Lajmi i mirë është se tashmë ekziston një marrëveshje për pesë linjat udhëzuese. Lajmi më pak i mirë është gjithashtu që ne ende duhet të punojmë në dy prej tyre dhe ende kemi nevojë për pak më shumë kohë”, shtoi kancelarja gjermane, duke shpjeguar se këto janë të lidhura me procedurën e azilit dhe mekanizmin e solidaritetit.

“Spanja ndihmon dhe bën atë që mundet”.

Kështu u shpreh kryeministri spanjoll, Pedro Sanchez, gjatë konferencës për shtyp me Merkel në Berlin, i cili theksoi se vetëm me një përgjigje të përbashkët të BE-së mund të gjendet një zgjidhje për çështjen e emigrimit. Për këtë çështje ka ndërhyrë edhe Komisioni Europian.

“Në Mesdhe ka shumë aktorë që bëjnë operacione shpëtimi mes OJQ-ve dhe anijeve kombëtare. Është e qartë se ekziston një problem, nuk është e drejtë që një vend i vetëm i BE-së të presë këto anije dhe e kuptojmë qëndrimin italian”.

Këtë e ka thënë një zëdhënës i Komisionit Europian. Zyrtari i Brukselit nënvizon se vijon puna për të zgjidhur këto problematika./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono