PDK

numerimii.jpg
ad min17:31 | 08/10/2019

Komisioni Qendror i Zgjedhjeve në Kosovë publikoi rezultatin përfundimtar të votave të rregullta në zgjedhjet e së dielës, sipas të cilit fituese është Lëvizja Vetëvendosje me 25.48%. Në këtë rezultat nuk përfshihen votat me kusht dhe ato të Diasporës. Po sot Paneli Zgjedhor për Ankesa dhe Parashtresa vendosi qe nuk do të ketë rinumërim të votave.

Paneli Zgjedhor për Ankesa dhe Parashtresa ka hedhur poshtë ankesat e tri partive politike, LDK-së, PDK-së dhe koalicionit Nisma-AKR-PD të cilat kërkonin rinumërim të votave me pretendimin se kishte një gabim teknik në formularë të rezultateve të subjekteve politike.

Ndërsa kamë publikuar  të rezultateve përfundimtare të votave  të rregullta në bazë të së cilave prin Lëvizja Vetëvendosje me 25.48% të votave, LDK-ja mbetet e dyta me 24.82% të votave, PDK e treta me 21.24% , AAK 11.57%, ndërsa Nisma-AKR 4.96% të votave që i bie të mos e kalojë pragun zgjedhor prej 5%.  Ka mbetur edhe numërimi i votave me kusht deri në shpalljen përfundimtare të këtyre rezultateve.

Ndryshe procesin zgjedhor në përgjithësi misioni vëzhgues i BE-së e konsideron transparent. Ndërsa ka  kritika  për garë jo fer në veri.

“Këto zgjedhje ishin të administruara mirë dhe transparente. Fushata ishte e gjallë dhe konkurruese duke i lejuar garuesve që të bëjnë fushatë lirshëm në Kosovë. Ambienti i fushatës në veri u cenua nga frikësimi, duke vënë në shënjestër kandidatët dhe përkrahësit që nuk ishin rreshtuar me Listën Serbe”.

Gjatë ditës fituesi i zgjedhjeve në bazë të rezultateve preliminare Albin Kurti ka pritur në zyrat e tij ambasadorin amerikan Philipe Kosnet. Sipas Vetëvendosjes në takim është diskutuar për dialogun Prishtinë Beograd dhe luftën kundër korrupsionit.

Derisa po pritet në koalicion i mundshëm LDK-LVV kryetari i Aleanca për Ardhmërinë e Kosovës  Ramush Haradinaj ka lënë të kuptohet se nuk do të bashkëqeverisë me Kurtin, madje duke e quajtur atë mashtrues.

Kosova të dielën mbajti zgjedhjet e parakohshme parlamentare pas dorëheqjes së Ramush Haradinajt nga posti i kryeministrit./ABC News Albania 24/7

PDK-RINUMERIMI-ABC-M2-T1.mpg_snapshot_00.08-1280x720.jpg
ent ela13:07 | 08/10/2019

Me anë të një ankese të dorëzuar në Komisionin Qendror të Zgjedhjeve, Partia Demokratike e Kosovës kërkon rinumërim të votave me arsyetimin se shumë vota të këtij subjekti kanë shkuar për parti të tjera. Ndërkohë, misioni i Bashkimit Europian për vëzhgimin e zgjedhjeve në vend deklaroi se Lista Serbe ka ndërhyrë tek votimi i qytetarëve në disa raste.

Mediat në Kosovë raportojnë se Partia Demokratike e Kosovës ka dorëzuar një ankesë në PZAP, për arsye se pretendon se kanë ndodhur disa parregullsi gjatë numërimit të votave. Lajmi për Gazetën Express është konfirmuar nga Mul Desku, kryesues i Panelit Zgjedhor për Ankesa dhe Parashtresa.

Sipas tij, tashmë PZAP-i është duke u marrë me ankesën e PDK-së, megjithatë Desku thotë se nuk mund të konfirmojë asgjë nëse qëndron diçka prapa pretendimeve të PDK-së për parregullsi.

Ndërkohë, Betim Gjoshi, përfaqësues i PDK-së në KQZ, në një deklaratë për Gazetën Express konfirmoi se kanë kërkuar rinumërim, pasi pretendojnë që rreth 1000 vota të PDK-së kanë kaluar te partitë e tjera, si pasojë e një difekti në formularët e KQZ-së.

Ndërkohë, në KQZ tashmë procesi i numërimit të votave po shkon drejt fundit kur kanë mbetur pa u numëruar edhe më pak se 2 për qind të votave. LVV-ja ka dalë e para, LDK-ja e dyta, ndërkohë PDK-ja e Kadri Veselit e treta. Veseli në një konferencë për media në orët e vona të 6 tetorit e ka pranuar humbjen dhe ka thënë se partia e tij do të shkojë në opozitë.

Nga ana tjetër misioni i Bashkimit Evropian për vëzhgimin e zgjedhjeve në Kosovë, në njëkonferencë për shtyp ndër të tjera u shpreh se se procesi zgjedhor I 6 tetorit ka qenë i qetë dhe me incidente të izoluara.

Ky mision ka hasur në parregullsi sa i përket ndërhyrjes ndaj kandidatëve të opozitës serbe të Kosovës prej Listës Serbe dhe në disa pjesë të Kosovës është tentuar që të imponohet vota për Listën Serbe. /ABC News Albania 24/7

zgjedhjet-kopsove-1280x853.jpeg
nev ila11:12 | 08/10/2019

Partia Demokratike e Kosovës, dje pas dite ka dorëzuar një ankesë në PZAP, për arsye se pretendon që kanë ndodhur disa parregullsi gjatë numërimit të votave.

Sipas tij në PZAP, dje pasdite PDK ka dorëzuar një ankesë me anë të së cilës po pretendon se kanë ndodhur disa parregullsi gjatë numërimit të votave, por nuk ka dhënë ndonjë detaj se çfarë ka kërkuar saktësisht PDK’ja përmes asaj ankese.

Ndërkohë Betim Gjoshi përfaqësues i PDK’së në KQZ, në një prononcim për mediat kosovare ka konfirmuar se kanë kërkuar rinumërim, pasi pretendojnë që rreth 1000 vota të PDK’së janë bartë tek partitë tjera, si pasojë e një defekti në forumlarët e KQZ’së.

Gjoshi pretendon që rreth 1000 vota të PDK’së kanë shkuar tek subjketet tjera.

Kadri Veseli kreu i PDK, në një konferencë për media në orët e vona të 6 tetorit e ka pranuar humbjen dhe ka thënë se partia e tij do të shkojë në opozitë./abcnews.al

fushata-zgjedhore.jpg
ad min16:04 | 25/09/2019

Në Kosovë ka nisur zyrtarisht fushata elektorale për zgjedhjet e 6 Tetorit. Partive politike u është bërë thirrje që të respektojnë ligjet.

Mesnata ka shënuar edhe zyrtarisht nisjen e fushatës zgjedhore për partitë politike që garojnë në zgjedhjet e 6 Tetorit. Lidhja Demokratike e Kosovës ishte ajo që zgjodhi pikërisht mesnatën të nisë fushatën në kryeqytet.

Derisa partitë tjera kanë vazhduar të proklamojnë ofertat e tyre për këto zgjehdje në qytete të ndryshme të Kosovës. KQZ-ja u ka bërë apel partive politike që t’u përmbahen ligjeve dhe rregullave zgjedhore për një proces të rregullt zgjedhor.

Ndërsa ambasadori i ri britanik në Kosovë Nicholas Abbot ka folur për premtimet e partive politike për luftimin e korrupsionit. Theksoj se nuk është e drejtë të flitet kaq shumë për luftimin e korrupsionit para fushatës dhe pas fushatës të theksohet se pushteti ekzekutiv nuk ka kompetenca ligjore në këtë drejtim.

Fushata do të zgjasë deri më 4 Tetor. 25 subjekte politike nga komunitetet shqiptare, serbe, boshnjake, turke dhe komunitetet tjera garojnë për 120 ulëset e legjislaturës së shtatë të Kuvendit të Kosovës./ABC News Albania 24/7

kosovaaa.jpg
ad min15:59 | 09/09/2019

Në prag të zgjedhjeve të parakohshme në Kosovë, jo të gjitha partitë i kanë shkuar deri në fund premtimit se nuk do të fusin në lista për deputetë kandidatët, të cilët kanë probleme me ligjin.

Përkundër thirrjeve që u janë bërë partive politike që në zgjedhjet e 6 Tetorit të mos kandidojnë individë me aktakuza, kjo nuk është respektuar nga disa parti politike. Sipas Institutit të Kosovës për Drejtësi koalicioni AAK-PSD i prin listës me 13 kandidat me aktakuza, prej tyre pesë të dyshuar për vepra korruptive.

Me aktakuza apo dënime, por jo për vepra korruptive LVV- ja ka 6 kandidatë në listën e saj zgjedhore, PDK-ja 4 dhe koalicioni Nisma-AKR-PD, 2.  Ndërsa Lidhja Demokratike e Kosovës kishte futur një kandidat me aktakuzë për vepra korruptive, por që ka thënë se do ta heqë menjëherë pas raportimit në media.

Ndërkohë Instituti Demokratik i Kosovës ka lançuar fushatën ku kërkohet nga qytetarët që të mos i votojnë kandidatët me aktakuza. Instituti i Kosovës për Drejtësi ka prezantuar një raport krahasues me kandidatët me aktakuza në tri palë zgjedhjet e fundit nacionale.

Sipas raportit, në listat e kandidatëve për deputetë, në zgjedhjet e vitit 2014 ka pasur 15 persona me aktakuza, 12 prej të cilëve ishin zgjedhur deputetë. Ndërsa në zgjedhjet e 2017-s, në listat e partive kanë qenë 27 kandidatë me aktakuza, prej të cilëve 21 ishin bërë deputetë.

Edhe shtetet anëtare të Quint-it ditë më parë u kanë bërë thirrje qytetarëve të Kosovës që të mos i votojnë personat e lidhur me krimin dhe për të cilët ka dyshime për afera korrupsioni.

Lista e PDK-se me asnjë kandidat me aktakuzë apo të dënuar për korrupsion.

Përjashtimisht, lista ka një të dënuar për krime lufte, një të dënuar për vepra penale kundër sigurisë në trafik dhe dy të akuzuar për vepra penale që nuk hyjnë në kuadër të veprave penale korruptive./ABC News Albania 24/7

kadri-veseli.jpg
ad min13:30 | 20/08/2019

Partia Demokratike e Kosovës nuk konfirmon nëse është në negociata me ndonjë parti për koalicion parazgjedhor, por as nëse do të garojë tërësisht e vetme. Kreu I kësaj partie Kadri Veseli u shpreh se synon edhe një mandat qeverisës, por kësaj here do të jetë ai në krye të qeverisë.

Kreu i Partisë Demokratike të Kosovës Kadri Veseli është i bindur se partia që ai udhëheq do ti fitojë sërish zgjedhjet. Por për dallim nga herët e kaluara, postin e kryeministrit thotë se do ta mbaj për vete.

Premton rikthimin siç thotë të partneritetit me Shtetet e Bashkuara të Amerikës dhe të Bashkimit Evropian, ndërsa në tryezën e bisedimeve sipas tij nuk do të jetë asnjëherë çështja e shkëmbimit të territoreve.

“Shpejt duhet të shkëputemi nga kjo vetkurthë që jemi futur. Shkojmë me Serbi flasim, kurrë sovraniteti i shtetit të Kosovës nuk ka me u cënu. Mitrovicën nuk guxon askush ta përmend. Nuk duhet të konfrontohemi me askënd”.

Ndonëse parti e cila ka qenë për 12 vjet në pushtet ai thotë se në mandatin e ardhshëm do të luftojë korrupsionin dhe nepotizmin. Ndërsa u shpreh i rezervuar të tregoj për koalicione parazgjedhore, derisa tha se nuk ka vija të kuqe për asnjë parti.

“Jemi duke shkuar rregullt. Duhet të respektojmë vullnetin e qytetarëve për veprimet shumë shpejt e merrni vesh”, tha Veseli.

Më 22 gusht mbahet séance për shpërbrjen e parlamentit të Kosovës pas dorëheqjes së Ramush Haradinajt nga posti i kryeministrit./ABC News Albania 24/7

ramush-haradinaj.jpg
nev ila16:15 | 14/08/2019

Ramush Haradinaj e ka përjashtuar opsionin e një aleance me PDK-në dhe LDK-në në zgjedhjet e ardhshme. Haradinaj ka deklaruar se për qeverisjen e ardhshme do të vendosë në radhë të parë sovrani dhe ka shtuar se, nëse rizgjidhet kryeministër nuk do ta heqë taksën me Serbinë.

Kryeministri i dorëhequr i Kosovës, Ramush Haradinaj e ka përjashtuar pjesëmarrjen e AAK-së në një koalicion gjithëpërfshirës në zgjedhjet e ardhshme. Në një intervistë televizive, Haradinaj ka nënvizuar se AAK nuk do të bëjë aleancë me partitë e mëdha si PDK dhe LDK dhe nuk do ta përkrahë idenë për një kryeministër konsensual.

“Nuk jemi për koalicion me PDK-në, LDK-në dhe VV-në, por jemi të hapur për disa parti partnere siç është rasti i PSD-së, AKR-së…”, tha Haradinaj.

Haradinaj ka nënvizuar se AAK do t’u ofrohet fillimisht qytetarëve si parti më vete, pasi sipas tij ajo është rritur si subjekt politik dhe në sondazhe rezulton e para.

“Qytetari ka vlerësuar angazhimin tim në temat kombëtare dhe për këtë Aleanca është rritur. Jemi në situatën e fitores”, tha ai.

Sa i takon kandidaturës së tij për postin e kryeministrit, Haradinaj ka theksuar se ajo do të diskutohet në strukturat e AAK-së.

“Nuk e kemi konfirmuar si parti kandidaturën time, do ta diskutojmë për ta konfirmuar. Ekziston kandidatura ime, por duhet ta zyrtarizojmë. Por e rëndësishme është se kush do të jetë kryetar qeverie nuk e vendosin vetëm partitë, por edhe qytetarët me votë dhe është herët të thuhet se si do të ndodhë”, tha Haradinaj.

Sa i takon taksës për produktet serbe, Haradinaj ka deklaruar se nuk do ta mbështesë heqjen e saj, pasi sipas tij është në interes të shtetësisë së Kosovës.

“Asnjë parti nuk do të marrë mbështetjen tonë për heqjen e taksës. Taksa është shtet. Një shtet që rrezikohet nga tjetri dhe i hap tregun, atëherë nuk është shtet”, deklaroi Haradinaj.

Haradinaj ka shtuar më tej se, për aq kohë sa çështja e shtetësisë së Kosovës nuk është zgjidhur 100 për qind është me rrezik që ajo të udhëhiqet nga liderë të paqëndrueshëm, që bëjnë sipas tij kompromise për hir të familjes dhe rrethit të afërt në kurriz të vendit./ABC News Albania 24/7

PDK-KOSOVE-1280x587.jpg
ent ela11:46 | 03/10/2018

Prej ditësh brenda radhëve të Partisë Demokratike të Kosovës ka pasur përplasje të forta që kanë rezultuar me dorëheqjen e tre ministrave të kësaj partie. Sipas mediave kosovare çdo gjë vjen si pasojë e mosmarrëveshjeve mes presidentit Thaçi dhe kryetarit të parlamentit Veseli.

Tek disa ministra të Partisë Demokratike të Kosovës duket se ka më shumë ndikim presidenti Hashim Thaçi se sa kryetari i kësaj partie Kadri Veseli. Për këtë arsye kryetari i parlamentit po planifikon zëvendësimin e tyre.

Kreu i PDK-së ende nuk e ka pranuar dorëheqjen e ofruar nga ministri i Drejtësisë Abelard Tahiri, i cili të shtunën së bashku me ministrin e Financave Bedri Hamzën shoqëroi presidentin Thaçi në vizitën në liqenin e Ujmanit, vizitë kjo e kritikuar nga Kadri Veseli.

Në këtë mënyrë sipas analistëve në Kosovë, po rrezikohet dhe qëndrueshmëria e qeverisë së kryeministrit Ramush Haradinaj.

Pas tre ministrave që kanë dhënë dorëheqje në një vit qeverisje, para pak ditësh dha dorëheqjen edhe ministri i Drejtësisë Abelard Tahiri, nga radhët e PDK-së.

Mediat kosovare raportojnë se përveç Tahirit, janë paralajmëruar edhe dy dorëheqje të tjera në ditët në vijim, pikërisht nga dikasteret që drejtohen nga PDK-ja. /abcnews.al

kadri-veseli-1.jpg
ad min12:43 | 01/04/2018

Kryeparlamentari i Kosovës, Kadri Veseli tha se do të shkarkonte ministrin e Brendshëm menjëherë për shkak të arrestimit dhe dëbimit të 6 shtetasve turq. Gjithashtu njoftoi se ngjarje të tilla nuk do të përsëriten.

Kryetari i Kuvendit të Kosovës dhe PDK-së, Kadri Veseli, ka siguruar se ngjarjet si ajo me deportimin e gjashtë shtetasve turq nuk do të përsëriten asnjëherë. Në një intervistë për “Kosovapress”, ai thotë se po të ishte ministri i Punëve të Brendshme nga radhët e partisë që drejton do ta shkarkonte menjëherë.

Kadri Veseli, kryetar i Kuvendit të Kosovës: “Më vjen keq që nuk ka qenë zyrtar i partisë sime ministri përkatës, se e kisha shkarkuar brenda dy minutave në momentin që e kam marrë vesh, madje nuk do të guxonte të ndodhte fare ajo. Do të shkarkohet çdo kush që ka përgjegjësi, për arsye se ne nuk jemi këtu të përfaqësojmë partitë tonë politike, por jemi të përfaqësojmë vlerat e popullit tonë që janë vlera civilizuese perëndimore”.

Më tej, Veseli nënvizon se ndihet i turpëruar me mënyrën e arrestimit dhe deportimit të shtetasve turq dhe u kërkoi falje familjarëve të tyre. Gjithashtu kryeparlamentari foli edhe për arrestimin e Marko Gjuriç nga Policia e Kosovës të hënën që shkoi, i cili hyri pa leje në Kosovë. Veseli theksoi se ky ishte veprim i drejtë nga ana e autoriteteve. Sa i përket asociacionit të komunave me shumicë serbe, Veseli njoftoi se do të formohet, por vetëm në bazë të ligjeve dhe Kushtetutës së Kosovës./abcnews.al

vlcsnap-error343-1280x720.jpg
ad min20:10 | 01/03/2018

PDK, partia që dominon skenën politike të Kosovës, ka njoftuar mbajtjen e reformave dhe zgjedhjeve të brendshme, një proces ky që sipas nënkryetarit Enver Hoxhaj do të çojë përpara proceset e Kosovës.

Partia Demokratike e Kosovës, gjatë vitit 2018 do t’i nënshtrohet zgjedhjeve dhe reformave të brendshme, të cilat do të kenë ndikim edhe në të ardhmen e Kosovës. Në një konferencë për shtyp në përfundim të mbledhjes së kryesisë, nënkryetari i PDK-së Enver Hoxhaj ka bërë me dije se proceset në fjalë do të fillojnë së shpejti.

Enver Hoxhaj, nënkryetar i PDK: “Si PDK kemi vendosur që në vitin 2018 të mbajmë zgjedhjet në parti dhe kjo konferencë për shtyp hap procesin zgjedhor, që do të fillojë në javët e ardhshme dhe do të përmbyllet në javët apo muajt e fundit të vitit”.

Hoxhaj ka bërë me dije se procesi zgjedhor dhe ai i reformimit të partisë do të bëhet duke marrë parasysh interesat politike dhe strategjike të Kosovës, në mënyrë që vendi të avancojë.

Enver Hoxhaj: “Në PDK kemi biseduar për dokumente të caktuara politike dhe strategjike që duhet t’i shërbejnë procesit zgjedhor, për një program dhe platformë të re që do të ketë risi zhvillime të reja politike. Një platformë që pas 2 dekadash nga themelimi i PDK-së dhe 1 dekadë pavarësi të shërbejë si nismë e mendimit dhe veprimit për politikën, shoqërinë dhe ekonominë e Kosovës”.

Sa u takon interesave strategjike, Hoxhaj e ka vënë theksin tek dështimi i ratifikimit të marrëveshjes së demarkacionit me Malin e Zi. Sipas tij, një ditë më parë Kuvendi i Kosovës dështoi të jepte mesazhin përpara lidershipit europian.

Enver Hoxhaj: “Ne mendojmë se ajo që duhet të thuhet për ratifikimin e demarkacionit është thënë. I dimë argumentet, faktet, opinionet, dallimet. Nuk ka nevojë që Kosova të humbasë më kohë apo të dëgjojmë narracione që i kemi dëgjuar në 3 vitet e fundit. Mungesën e vullnetit të deputetëve të Kosovës dhe vizitën e zotit Juncker, vizitë që ndodh një herë në dekadë, ne i shohim si një shans të humbur”./abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono